قصتي هذا الصباح &&&&&&&&&

[شبح الصمت]

السلام عليكم ورحمة الله وبركاته ،،،

يا عسى صباحكم كله فرحه وسرور جميع اخواني وخواتي

اليوم الصبح اول ما قعدت من الرقاد طبعا كالعادة الواحد يقوم يلبس بيجامة النوم ويطلع يقول ( بسم الله الرحمن الرحيم ) ويشغل سيارته عشان يرد ياخذ له شور ويتريق ويتوكل على الله ويروح الدوام ..

طبعا انا شغلت السيارة ورجعت .. الا اسمع امي تناديني من الحوش طبعا ( لانه الوالده تحب سوالف الزرع وتسقي حلالها المشموم والطماط وغيره تعطيهم الماي ) وتقول محمد محمد محمد قالت نعم وهلالالالالالالالالالا يمه امري خير فديتج ..قالت تعال تعال ركضت قلت خير يمكن في شيء الا تقولي في قطوه في سيارتك :eek5: قطوه طبعا صكرت الموتر وفتحت البانه اشوف الا قطيوه صغيرونه يالسه على الماكينه توني ابي ايودها عشان انزلها الا افرطت وراحت بين الماكينه ( قلت يا ليل ما طولك يالله صباح خير على الملل في هالقطوه ) وجان الوالده ربي يحفظها مادري وين طلعت لي ذيك العصاه اش طولها :omg: قلت لها يمه عطيني اياها وانا بشوف لها صرفه وحاول يمين يسار مافي فايده ( قطوتنا العزيزية ) اخذت قرار انها تنخش ما بين القير وجسم الماكينه طبعا انا زهقت 10 دقايق احاول فيها قلت خلها وشغل السيارة قلت من الصوت بتنزل ..
المههم دخلت تسبحت وغيرت ملابسي وتريقت وتوكلت عالله اشوي توني ما خذت دوار بيتنا الا اسمع ( مياو مياو مياو مياو ) وفي زحمة تخيلو وقفت اشوي العالم تلفت اشوف الناس تلفت ادور هالصوت وفي قلبي اقول انشاء الله ما تروح صوب المروحه ..
المهم دوامي 15 كيلو من بيتنا انا قررت اني بامشي على سرعه 60 ما راح ازيد عشان ان طاحت تكون اصابتها بسيطه ..
المهم وقفت مره ثانية على جمب حاولت اشوفها شفتها عادها في مكانها خليتها وكملت طريقي وطبعا عيوني كل وقت على الثلاث مناظر ( المنظره الامامية والي على اليمين واليسار عشان اذا طاحت ) وطبعا يا كثر الاشارات الي وقفت فيها والحبيبة قاعده ( مياو ومياو ) والعالم تلفت لانه مزعجه ..
المهم قلت هانت باقي لي 5 دقايق المهم اول ما عديت دوار من الدواوير الا اشوف شيء طاح لونه ابيض على الشارع والله يالربع لا شعوريا ودوس بسرعه واخذ لفه ورد الا اهي القطوه مسيكنه مسندحه على الشارع احسبها عايشه .. لكن للاسف اطلعت ميته :weeping: قلبي عورني صراحه ( لانها روح ) نزلت من السيارة شليتها ومشيت اشوي وحطيتها على الزرع ..
صراحه انا احسب بتنيب ضمير لانها روح وتبون الصج ومحد يضحك علي كنت بتصل فالدفاع المدني يجون يطلعونها بس عقبها قلت يمكن يضحكون علي ...
الله يغفر لي ويسامحني لانه صج مب قصدي

[هتـان قطر]

الله يعينك على تأنيب الضمير :(

بس شتسوي كل شي صار غصب عنك..

الله يرحمها أجلها وقف وهي اللي كانت السبب

[شبح الصمت]

الله يعينك على تأنيب الضمير :(

بس شتسوي كل شي صار غصب عنك..

الله يرحمها أجلها وقف وهي اللي كانت السبب


الله يغفر لي ويسامحني بس هذا مكتوب لها .. امي توها متصله تسألني تقولي انزلت قلت لها يمه ما انزلت الا طاحت وماتت وطلعت عينها على برى
:weeping::weeping:

[ودي أكون]

اليوم الصبح اول ما قعدت من الرقاد طبعا كالعادة الواحد يقوم يلبس بيجامة النوم ويطلع



بيجامة النوم تلبسها الصبح :secret:

اكيد تنام بثوب عيل :tease:

*******

بصراحه لو احد مكانك ماحط الموضوع وخلى هالشي بينه وبين ربه .. لان لازم بيحصل من بيقوله لا انت الغلطان ليش رحت بالسيارة وانت تدري انها فيها .. ليش مارحت بسيارة ثانيه ليش ماتصلت باحد يوديك وليش وليش .. وترا لك نسبه من الغلط :secret:

لكن مثل ماذكرت انك حاولت اطلعها وان مشيت اشوي اشوي وان قلبك معاها طول الطريج .. فان شاءالله يارب الله يسامحك عالقطوه .. استغفر ربك .. والله يسامحك يارب لانك ماكنت تقصد ايذاءها من الاصل .. لكن قدر الله وماشاءفعل ..

والحمدالله رب العالمين على كل حال ..

وثاني مرة حط لها تونه ودش داخل وبتطلع من نفسها :)

والله يسامحك يارب .. وعظم الله اجركم فقطوتكم العزيزة :(

[عزووز قطر]

صحيح انها روح بس هالشي صار غصبا عنك
انت مو متعمد
وياريال ياما ذبحنا قطاوة في الشوارع ويجي اللي وراك ويكمل عليها

[شبح الصمت]

بيجامة النوم تلبسها الصبح :secret:

اكيد تنام بثوب عيل :tease:

*******

بصراحه لو احد مكانك ماحط الموضوع وخلى هالشي بينه وبين ربه .. لان لازم بيحصل من بيقوله لا انت الغلطان ليش رحت بالسيارة وانت تدري انها فيها .. ليش مارحت بسيارة ثانيه ليش ماتصلت باحد يوديك وليش وليش .. وترا لك نسبه من الغلط :secret:

لكن مثل ماذكرت انك حاولت اطلعها وان مشيت اشوي اشوي وان قلبك معاها طول الطريج .. فان شاءالله يارب الله يسامحك عالقطوه .. استغفر ربك .. والله يسامحك يارب لانك ماكنت تقصد ايذاءها من الاصل .. لكن قدر الله وماشاءفعل ..

والحمدالله رب العالمين على كل حال ..

وثاني مرة حط لها تونه ودش داخل وبتطلع من نفسها :)

والله يسامحك يارب .. وعظم الله اجركم فقطوتكم العزيزة :(


لا كاشخ وراقد :) انا قصدي الروب الي لبسته ضيعت بينهم ..
حطيت الموضوع من باب انه اذا احد صاده هالموقف لا يسوي ياخذ له كروه ولا يمشي فالسيارة

[شبح الصمت]

صحيح انها روح بس هالشي صار غصبا عنك
انت مو متعمد
وياريال ياما ذبحنا قطاوة في الشوارع ويجي اللي وراك ويكمل عليها


لا يابوسعود انا لو اشوف قطوة فالشارع تحس اني الف مره واحد ياخي لا شعوريا اخاف مره الف على احد لانه ترى تجيك فجأة بس الله يغفر لنا ويسامحنا

[كازانوفا]

المنتدى اشوفه صار قصص وروايات
ومشاكل نفسيه
وعايزين حلول خخخخخخخخخخخخخ
الله يكون في عونك وتقدر تنام الليل والقطوه ما تطلع في احلامك

[شبح الصمت]

المنتدى اشوفه صار قصص وروايات
ومشاكل نفسيه
وعايزين حلول خخخخخخخخخخخخخ
الله يكون في عونك وتقدر تنام الليل والقطوه ما تطلع في احلامك


لا تخاف النووووووووم ما بين عيوني
ترى المنتدى يشمل كل شيء قصص روايات ومشاكل نفسيه مشاكل اسرية ،، كل ما لذى وطاب فديتك
وننتظر منك ان شاء الله اشياء تفيدنا وتفيد المنتدى في انتظارك [/size[size="7"]]يا كازنوفا

[الرويـس]

ينسمع صوتها وانتوا واقفين على الاشارة :(
اسد مب قطوة


:nice:
فعلا، سوالف مواقف ما قبل الدوام مصيبة
مره كان عندي مفتاح واحد للسيارة ومكسل اطلع سبير
ومثل ماتفضلت اروح اشغل الموتر وعقب اخلص اموري عشان اجي
واحصل الموتر جاهز للاقلاع <<<< الذكي يعرف نوع الموتر دام فيه اقلاع

المهم واصنكر ذيك التصنكيره اللي ما بعدها تصنكيره ، طبعا السكيورتي مال الماي بخ
اشتغل في ام ذيك الوقت اللي مال امه داعي ، عاد واخوك له في سوالف الشرلكه والهومز( شارلك هومز)
وادور سيخ الدياي اللي يدور وينحط داخل الفرن ، وقطعة بلاستيك من فايل وحددت لنفسي وقت معين لازم من
خلاله افتح البورشيه اسوة بفلم (Gone in 60 Seconds) لنيوكلاس كيج << قديم :( ، والا الخصم (حتما) سوف يكون من نصيبي :( .

جميل موضوعك :shy:

[شبح الصمت]

ينسمع صوتها وانتوا واقفين على الاشارة :(
اسد مب قطوة


:nice:
فعلا، سوالف مواقف ما قبل الدوام مصيبة
مره كان عندي مفتاح واحد للسيارة ومكسل اطلع سبير
ومثل ماتفضلت اروح اشغل الموتر وعقب اخلص اموري عشان اجي
واحصل الموتر جاهز للاقلاع <<<< الذكي يعرف نوع الموتر دام فيه اقلاع

المهم واصنكر ذيك التصنكيره اللي ما بعدها تصنكيره ، طبعا السكيورتي مال الماي بخ
اشتغل في ام ذيك الوقت اللي مال امه داعي ، عاد واخوك له في سوالف الشرلكه والهومز( شارلك هومز)
وادور سيخ الدياي اللي يدور وينحط داخل الفرن ، وقطعة بلاستيك من فايل وحددت لنفسي وقت معين لازم من
خلاله افتح البورشيه اسوة بفلم (Gone in 60 Seconds) لنيوكلاس كيج << قديم :( ، والا الخصم (حتما) سوف يكون من نصيبي :( .

جميل موضوعك :shy:


يعطيك العافيه يالرويس على المرور وتحمل بالدرب ترى كله مطبات وانحناءات ومطر وخير ،، ومرورك مميز والتوقيع يبيله خفت ريس
:nice:

[كازانوفا]

ان شالله بتسمع شي جديد مني
خلك انتظر

[شبح الصمت]

ان شالله بتسمع شي جديد مني
خلك انتظر


أووووووووووكي فالانتظار
:victory:

[ودي أكون]

المنتدى اشوفه صار قصص وروايات
ومشاكل نفسيه
وعايزين حلول خخخخخخخخخخخخخ
الله يكون في عونك وتقدر تنام الليل والقطوه ما تطلع في احلامك

في قصص اتفيد اخوي .. واغلبها تجارب واقعيه تنفعنا في حياتنا اليوميه ..

والقصه مثل ماذكرها .. ذكر في رده لي .. ان ذكرها للعظه .. سبحان الله احد يصيده مثل الموقف يقول لا بتنزل القطوة .. بتسمع صوت السيارة بتنزل او اي افكار ثانيه من الشيطان وبالتالي اتموت القطوه مثل ماماتت عنده .. فهو ينصحنا ان نروح حتى لو بلوموزين لكن مانحرك السيارة عشان ماتموت روح بسبتنا ولا نحس بتانيب ضمير ..

عاد المشكله اللحين كل مابيمشي بيسمع صوت قطو :shy:

الله يعينه هاليومين :secret:

[شبح الصمت]

في قصص اتفيد اخوي .. واغلبها تجارب واقعيه تنفعنا في حياتنا اليوميه ..

والقصه مثل ماذكرها .. ذكر في رده لي .. ان ذكرها للعظه .. سبحان الله احد يصيده مثل الموقف يقول لا بتنزل القطوة .. بتسمع صوت السيارة بتنزل او اي افكار ثانيه من الشيطان وبالتالي اتموت القطوه مثل ماماتت عنده .. فهو ينصحنا ان نروح حتى لو بلوموزين لكن مانحرك السيارة عشان ماتموت روح بسبتنا ولا نحس بتانيب ضمير ..

عاد المشكله اللحين كل مابيمشي بيسمع صوت قطو :shy:

الله يعينه هاليومين :secret:


اشكرك اختي بنت المرحوم يمكن انتي وصلتي نقطة انا كنت ابي اوصلها بس مخي مفتر .. ياعسى الله يحفظكم جميع ويرحم جميع من ماتوا من ابائنا وامهاتنا ويغفر لنا ولكم ولجميع المسلمين والمسلمات الأحياء منا والاموات
لاخلى ولا عدم يا بنت المرحوم

[doha1]

فعلا شي غصب عنك ما باليد حيله

والله امس حسيت نفس شعورك

جاي ع سرعة 100 واسمع عرضات ومستانس

ماوعيت الا قطوه ميته وجيه ودستها وماكان في وقت اوخر

حزنت والله

[يحفظك ربي]

بلل مسكينه :(

انا وايد يكسرون خاطري هالقطاوة اللي نشوفهم محذفين وميتين ف الشوارع احس قلبي مادري شلون

والله انت فيك الخير حاولت يالطيب بس ماقدرت ونيتك كانت طيبه وكنت محاسب عليها لكن سبحان الله

هذا المكتوب

الله بيسامحك ان شاءالله لانك ماكنت تقصد :) خخخ

مره والله شفت قطوة تتمشى قدامي على راحتها واضرب برييييك قوي اشوا اللي محد وراي

والحمدلله القطوة الانيقة كملت طريقها ولا عليها من حد هههههههه

لو حد غيري من هالشباب الطايش والله يدوسونهاا ولا عليهم ... ابي اعرف شلون عادي عندهم شلون مايحسون بتانيب

هو صج قطوة بس بعد حرام !!

:(

وصباحك ورد اخووي

[شبح الصمت]

فعلا شي غصب عنك ما باليد حيله

والله امس حسيت نفس شعورك

جاي ع سرعة 100 واسمع عرضات ومستانس

ماوعيت الا قطوه ميته وجيه ودستها وماكان في وقت اوخر

حزنت والله



صراحه لازم يكون في دور من المواطنين والمقيمين والبلدية .. انا نشوف صج قطاوه لين الحين بين الحيا والموت بس نخاف ننزل لازم نتصل على البلدية ان شفنا هالشيء مفروض ولا بد منه يجون يشلونها قبل ما تتحلل .. وهالاشياء تسبب امراض
يعطيك العافيه على المرور والتعليق


بلل مسكينه :(

انا وايد يكسرون خاطري هالقطاوة اللي نشوفهم محذفين وميتين ف الشوارع احس قلبي مادري شلون

والله انت فيك الخير حاولت يالطيب بس ماقدرت ونيتك كانت طيبه وكنت محاسب عليها لكن سبحان الله

هذا المكتوب

الله بيسامحك ان شاءالله لانك ماكنت تقصد :) خخخ

مره والله شفت قطوة تتمشى قدامي على راحتها واضرب برييييك قوي اشوا اللي محد وراي

والحمدلله القطوة الانيقة كملت طريقها ولا عليها من حد هههههههه

لو حد غيري من هالشباب الطايش والله يدوسونهاا ولا عليهم ... ابي اعرف شلون عادي عندهم شلون مايحسون بتانيب

هو صج قطوة بس بعد حرام !!

:(

وصباحك ورد اخووي


زين ما سويت بس تحمل المره الجايه قبل ما تمسك بريك شوف وراءك عشان محد يكون جاي اطيار وحاول قد ما تقدر تلف بس مب لفه تكسر فيها السكان اشوي الا مشتل على تايرين..
وصباحك فل وياسمين
واشكرك على مروروك وتعليقك المميز
:victory:

[بنت قطر202]

حراااااااااااااااااااااااااااااااااااام ياقلبي عليها مسكينه القطوه
ليش ماسويت لها بسسسسسسسسسسس بسسسسسسسسس بتطلع ؟؟؟

[شبح الصمت]

حراااااااااااااااااااااااااااااااااااام ياقلبي عليها مسكينه القطوه
ليش ماسويت لها بسسسسسسسسسسس بسسسسسسسسس بتطلع ؟؟؟


شاسوي هي مب وليفه ولا تجي مبين عليها ويوم كنت احاول اكشها كانت تفتن علي .. هذا يومها وصغيرونه بوشهرين عمرها ..
الله يرحمنا برحمته ويغفر لنا

[آفنان]

آكره شي آني اشوف قطوه ميته بالشارع وخاصه لو كآنت صغيره ...آتم آسبوع مآنام :weeping:

والله بيسآمحك ان شاء الله :) ... لانك مآكنت نآوي تدوسها .. وغير انك كنت تخاف عليها وتحاول ماتسرع ...
بس المسكينه مآتت...

وموضوعك بيخليني آحاسب على قطاوتي ... بحبسهم ومب مخليتهم يطلعون الشوارع ...:(

[The MooN]

حرااااااااااااااااااااااااام عليك :(:(:(
كنت اطلع بأي سيارة تانية او روح مع شي حدا
وجعتلي قلبي والله :(

[شبح الصمت]

آكره شي آني اشوف قطوه ميته بالشارع وخاصه لو كآنت صغيره ...آتم آسبوع مآنام :weeping:

والله بيسآمحك ان شاء الله :) ... لانك مآكنت نآوي تدوسها .. وغير انك كنت تخاف عليها وتحاول ماتسرع ...
بس المسكينه مآتت...

وموضوعك بيخليني آحاسب على قطاوتي ... بحبسهم ومب مخليتهم يطلعون الشوارع ...:(


حرااااااااااااااااااااااااام عليك :(:(:(
كنت اطلع بأي سيارة تانية او روح مع شي حدا
وجعتلي قلبي والله :(


يعطيكم العافيه ..
انا مره شفت موقف قدامي عصفور ميت فالشارع والعصفور الثاني يجيه ويتم عنده سبحان الله ويوم تجي السيارات يطير ومن ثم يرد له .. سبحان الله
البني ادم الي يقول الحيوان ما عنده شعور وانه بهيمه ( اعزكم الله غلطان غلطان ) تراها تحس والدليل شوفوا البغباء اشلون يقلدنا ويردد ( سبحان الله سبحان الله )

[دكتورة روح]

حرام عليك والله
المفروض انك تطلعها اشلون سقت وهي داخل السيارة ؟؟؟
هاي اكبر غلط اصلا يعني اشكره تبيها تموت
الله يسامحك والله الله يسامحك
عورني قلبي تذكرت ديجي يوم مات وانا السبب
وديته لدكتور خايس عطاه ابرة من عقبها ماترقع
ولي يومك احس بالذنب اني السبب في موته

[شبح الصمت]

حرام عليك والله
المفروض انك تطلعها اشلون سقت وهي داخل السيارة ؟؟؟
هاي اكبر غلط اصلا يعني اشكره تبيها تموت
الله يسامحك والله الله يسامحك
عورني قلبي تذكرت ديجي يوم مات وانا السبب
وديته لدكتور خايس عطاه ابرة من عقبها ماترقع
ولي يومك احس بالذنب اني السبب في موته


ادري اني غلطان والله ادري بس انا حاولت بس المكان الي انخشت فيه وايد صعب ادش له لو وشو وهي شكلها كانت بردانه انا حاولت بس ما قدرت ..
ترى احس بالذنب بس شاسوي الوقت ضيق ودوامي قرب شاسوي مشيت قلت على وعسى تنزل من السيارة
:weeping::weeping::weeping:

[Mozanee]

انت الي مسكين ’’ الله ما يكتبها عليك ان شاء الله واللي عليك سويته ’’

الله يخلي لك الوالده ’’’

سبحان الله احيانا الانسان او الحيوان اللي مكتوب عليه يموت اجوفه يسعى للموت بريوله وما في قوة تمنعه

هذي واحد راح البحر مع اخوي قالوا له لا تسبح وحاولوا معاه ما في فايده ’’ وآخرتها غرق الله يرحمه

ويرحم اموات المسلمين ’’ وقطيوتك بعد الله يرحمها ’’’

[شبح الصمت]

انت الي مسكين ’’ الله ما يكتبها عليك ان شاء الله واللي عليك سويته ’’

الله يخلي لك الوالده ’’’

سبحان الله احيانا الانسان او الحيوان اللي مكتوب عليه يموت اجوفه يسعى للموت بريوله وما في قوة تمنعه

هذي واحد راح البحر مع اخوي قالوا له لا تسبح وحاولوا معاه ما في فايده ’’ وآخرتها غرق الله يرحمه

ويرحم اموات المسلمين ’’ وقطيوتك بعد الله يرحمها ’’’



جزاج الله الف خير اختي على مشاركتج وردج الطيب الي يبرد الخاطر
والله يرحم رفيج اخوج ويغفر له ويغمد روحه الجنه ويغسله بالماء والثلج والبرد وجميع المسلمين .. أللهم امين

[بورصواوي]

شنسويلك انزين تبي انعزيك؟

سالفه شطول ماخليت شي ماقلته علشان تقول قطو طاح في المكينه

[شبح الصمت]

شنسويلك انزين تبي انعزيك؟

سالفه شطول ماخليت شي ماقلته علشان تقول قطو طاح في المكينه


:secret:

[The MooN]

يلا حصل خير
بتعرف شو كان لازم تعمل؟
جيبلا شي تاكلو واتركها 5 دقايق بس ، كانت عالريحة نزلت وريحت ضميرك وريحتنا معك
بس يلا المرة الجاية دير بالك :)

[اسير الاوهام]

لاحول ولا قوة إلا بالله
هذا يومها مسكينه
بس والله عورت قلبي
:weeping::weeping::weeping:

[Mozanee]

شنسويلك انزين تبي انعزيك؟

سالفه شطول ماخليت شي ماقلته علشان تقول قطو طاح في المكينه


يقولك المعاني مطروحة على الطريق ’’ يعني تسمع قصص وايد بس الاسلوب يختلف ’’

وهني الأسلوب اختلف خلانا نسمع صوت القطوة ومحرك السيارة وحسينابالحركة وعشنا مع

القصة بأحداثها ثرى الناس اذواق ,,,

ولا تنسى الجانب الانساني ’’’

[شبح الصمت]

يلا حصل خير
بتعرف شو كان لازم تعمل؟
جيبلا شي تاكلو واتركها 5 دقايق بس ، كانت عالريحة نزلت وريحت ضميرك وريحتنا معك
بس يلا المرة الجاية دير بالك :)



لاحول ولا قوة إلا بالله
هذا يومها مسكينه
بس والله عورت قلبي
:weeping::weeping::weeping:



57467

[شبح الصمت]

يقولك المعاني مطروحة على الطريق ’’ يعني تسمع قصص وايد بس الاسلوب يختلف ’’

وهني الأسلوب اختلف خلانا نسمع صوت القطوة ومحرك السيارة وحسينابالحركة وعشنا مع

القصة بأحداثها ثرى الناس اذواق ,,,

ولا تنسى الجانب الانساني ’’’





ارحم الله والديج

[The MooN]

57467

يعني مُصر تنكد علينا؟
واضح التأثر عندك ماشالله :anger1:

[الرويـس]

كل هذا عشان قطوة :(
عيل لو اقول لكم الجناية اللي ارتبكبتها شبتسووون ؟:secret:

[Mozanee]

كل هذا عشان قطوة :(
عيل لو اقول لكم الجناية اللي ارتبكبتها شبتسووون ؟:secret:

أنت مجرم وشكلك لك سوابق ’’:)

شنهي جريمتك وأنا اختك ؟؟ :omg:

[$saryalia$]

كان حطيت لها فار بتطلع ...


><

ياخوي ربي غفور رحيم ويكفي ضميرك على قطره

شلوووووووون اللي قلوبهم على البني آآآدمين حجر
ربي يصحي كل ضمير

ميااااو

[Me&OnLy]

اي والله مسكينه بس انا لو مكانك وهي ماطلعت بشوف لي سياره ثانيه او بتصل في الدوام اقول لهم بتاخر ساعه ساعتين

[The MooN]

كل هذا عشان قطوة :(
عيل لو اقول لكم الجناية اللي ارتبكبتها شبتسووون ؟:secret:

يا لهوييييييييييييييييييييييييييييييييييييييييييييييي ييي (على قولة اخواننا المصاروة)

ما بدي اعرف احسن :(

[شبح الصمت]

يعني مُصر تنكد علينا؟
واضح التأثر عندك ماشالله :anger1:


كل هذا عشان قطوة :(
عيل لو اقول لكم الجناية اللي ارتبكبتها شبتسووون ؟:secret:




أنت مجرم وشكلك لك سوابق ’’:)

شنهي جريمتك وأنا اختك ؟؟ :omg:


كان حطيت لها فار بتطلع ...


><

ياخوي ربي غفور رحيم ويكفي ضميرك على قطره

شلوووووووون اللي قلوبهم على البني آآآدمين حجر
ربي يصحي كل ضمير

ميااااو


اي والله مسكينه بس انا لو مكانك وهي ماطلعت بشوف لي سياره ثانيه او بتصل في الدوام اقول لهم بتاخر ساعه ساعتين


يا لهوييييييييييييييييييييييييييييييييييييييييييييييي ييي (على قولة اخواننا المصاروة)

ما بدي اعرف احسن :(


اشكركم جميع ولاختي الي قالت ليش ما نطرت انا يوم حركت فالسيارة احسب انها انزلت وكنت قاعد اسمع كيف اصبحت اشوي يوم عديت بيتنا بدورين اسمع صوتها وقفت وفتحت البانه بس بعد نفس الشيء كانت منحشره بس مب بيدي احسب الجو براد واني يوم اوقف بتنزل