والله مب فلوسك .. اسأل نفسك !!

[miss-qatr]

في البداية أبارك نزول أمطار الخير على قطرنا الحبيبة:) وبعد أهنيكم باليوم الوطني ربي يجعل بلادنا كلها أفراح ومسرات


وأسطر موضوعي في كلمات بسيطة قد تكون أقرب الى التساؤل...



يقال أن فلانة كانت بنت من الطبقة المتوسطة لها قيم , مبادىء وأفكار توازي الدين :)

كانت تنتقد الشخص الوصولي, الغير مبالي وكذلك الأناني

تعيب على أصحاب الأموال الطائلة الذين يتجردون من معاني الإنسانية

كانت تحاول المساعده ولو بالقليل .. بمد يد العون , بقليل من المال أو حتى بالكلمة الطيبة


ومرت الأيام ..........


تبدل الحال بزواجها من شخص لا يقال عنه ميسور الحال بل بأفضل حال :)

وكأنما تبدلت فلانة الى النقيض ( سبحان مغير الأحوال )


وبدأت تتقلص اهتماماتها السابقة بتقلص شخصيتها

وأصبحت محاطه بمن لا يؤلمها حالهم ..


هل معنى تنعمنا بنعمة رزقنا إياها الله تطبيق مبدأ أنا ومن بعدي الطوفان؟؟؟

أو صدق من قال ( الفلوس تغير النفوس) !!!!!!
.
.
.
.
.
.
.

غبي من ظن إن المال اللي عنده يخصه والله غبي

هذا مال ربي رزقه اياه عشان يشوف وش راح يسوي فيه ,,,, شلون راح يتصرف فيه ... شلون راح يعمر فيه


الإنسان مايزعل على الإنسان اللي ماعنده إحساس من الأصل ومايبالي بغيره

لكن يزعل على من غيرت إحساسه الفلوس :)




اختكم miss-Qatr

[الوجبه]

نعتبر الموضوع (رساله) او شي (شخصي) او (نغزه) او (عتب) او (تذكره)

[doha1]

فعلا الفلوس تخرب النفوس

علاقتي مع ربع تربطني بهم 6 سنين بالقليل

لكن من تحسن وضعهم وعظامهم اشتد ابتدوا يرفعون خشومهم

وانا مؤمن ان هالنوعيه لهم يوم ويعرفون قدري ويعرفون قيمة الخطأ اللي جالسين يرتكبونه

لان النعمه زواله وهي اختبار للعبد

عسى الله لايغير ع اهل الكرم والجود والنفووس اللي ماتغرها ملايين

[miss-qatr]

نعتبر الموضوع (رساله) او شي (شخصي) او (نغزه) او (عتب) او (تذكره)


يالله صباح خير :)


لا والله مب نغزه ولا عتب ولا شي شخصي


اعتبرها رسالة لناس نسمع عنهم كل يوم ... عندهم أموال بس بدون روح :)

[هتـان قطر]

صباح الخير مس قطر وصباح الامطار والخير..الله يدومها علينا نعمة

الفلوس وما ادراك ما الفلوس..احيانا تقولين ياليت فلوس فلان وفلان عندي

علشان احسن التصرف فيها..البعض يملك المال ويحس انه ملك العالم والناس

بفلوسه ويظن ان الفلوس هي اللي ترفع مقامة بين الناس..

اللي فلوسه ما تنفع غيره خسران..

" وما أموالكم ولا أولادكم بالتي تقربكم عندنا زلفى إلا من آمن وعمل صالحا فأولئك لهم جزاء الضعف بما عملوا وهم في الغرفات آمنون "

[miss-qatr]

فعلا الفلوس تخرب النفوس

علاقتي مع ربع تربطني بهم 6 سنين بالقليل

لكن من تحسن وضعهم وعظامهم اشتد ابتدوا يرفعون خشومهم

وانا مؤمن ان هالنوعيه لهم يوم ويعرفون قدري ويعرفون قيمة الخطأ اللي جالسين يرتكبونه

لان النعمه زواله وهي اختبار للعبد

عسى الله لايغير ع اهل الكرم والجود والنفووس اللي ماتغرها ملايين


فعلاً كلامك عدل

يعطيك العااافية على هذا الرد :)

[miss-qatr]

صباح الخير مس قطر وصباح الامطار والخير..الله يدومها علينا نعمة

الفلوس وما ادراك ما الفلوس..احيانا تقولين ياليت فلوس فلان وفلان عندي

علشان احسن التصرف فيها..البعض يملك المال ويحس انه ملك العالم والناس

بفلوسه ويظن ان الفلوس هي اللي ترفع مقامة بين الناس..

اللي فلوسه ما تنفع غيره خسران..

" وما أموالكم ولا أولادكم بالتي تقربكم عندنا زلفى إلا من آمن وعمل صالحا فأولئك لهم جزاء الضعف بما عملوا وهم في الغرفات آمنون "

ياهلااا ومرحباااا بأختي هتان :)

ايه والله ياختي أوقات الواحد الفلوس تعميه لكن لازم يوقف وقفه ويراجع نفسه انه راح ينسأل ( ومالك فيما انفقته؟؟؟)


جزاااك الله خير على مرورك الصباحي الرااائع :nice:

[Me&OnLy]

صباح الخير اختي مس قطر وحياج الله بعد هالغيبه
واشكرج على الموضوع والفلوس تغير النفوس



تحياتي

[mooona]

هذا مال ربي رزقه اياه عشان يشوف وش راح يسوي فيه ,,,, شلون راح يتصرف فيه ... شلون راح يعمر فيه
هذاالموضوع يذكرني ب قصة واقعية كتبتها الكاتبة وداد الكوراي عن فتاة من الطبقة المتوسطة تبي تشتري ساعة قيمتها 100الف ريال وتسلفت من اهلها وهي بطريقها تشتري الساعة في مجمع تجاري جلست ترتاح في كافية ومر عليها شخص اشتكى لها وضعه المولم المهم الفتاة تاثرت وما فكرت الا في انها تنقذة من الوضع اللي هو فية عطته المبلغ كامل سبحان الله هي جمعت للرجل ما جمعت للساعة وتقول على لسان صاحبة القصة بعدة باشهر الله رزقها بزوج مليونير وبدل الساعة جاتها ساعات وهذا يوكد كلامك اختي الفاضلة

[miss-qatr]

صباح الخير اختي مس قطر وحياج الله بعد هالغيبه
واشكرج على الموضوع والفلوس تغير النفوس



تحياتي

صباح النور ياخوي

الله يحييك :)


أنا اللي شاكره ردك في الموضوع
هذا مال ربي رزقه اياه عشان يشوف وش راح يسوي فيه ,,,, شلون راح يتصرف فيه ... شلون راح يعمر فيه
هذاالموضوع يذكرني ب قصة واقعية كتبتها الكاتبة وداد الكوراي عن فتاة من الطبقة المتوسطة تبي تشتري ساعة قيمتها 100الف ريال وتسلفت من اهلها وهي بطريقها تشتري الساعة في مجمع تجاري جلست ترتاح في كافية ومر عليها شخص اشتكى لها وضعه المولم المهم الفتاة تاثرت وما فكرت الا في انها تنقذة من الوضع اللي هو فية عطته المبلغ كامل سبحان الله هي جمعت للرجل ما جمعت للساعة وتقول على لسان صاحبة القصة بعدة باشهر الله رزقها بزوج مليونير وبدل الساعة جاتها ساعات وهذا يوكد كلامك اختي الفاضلة


اضافتك حلوه لهالقصه الجديده علي :)

تسلمين على مرورك الحلو

[ناصر30]

صبــاح النـــور ..


الحقـيقه ان المساله تتعلق بالنفـس البشــريه واساسهاا فان كان اساسها قوى

وفيه قناعه حقيقيه بان هذا فضل الله يؤتيه من يشاء وينزعه ممن يشاء

وانه ابتـلاء ليرى الله عمل الانسان فيه , يفترض ان لاتغير الانسان هذه الاموال

خصوصا انها يوم في يدك ويوم في يد غيرك .


روى أن ابن السماك دخل على الرشيد يوما فاستسقى فأتى بكوز فلما أخذه قال

على رسلك يا أمير المؤمنين لو منعت هذه الشربة بكم كنت تشتريها قال بنصف

ملكي قال اشرب هنأك الله تعالى فلما شربها قال أسألك لو منعت خروجها من

بدنك بماذا كنت تشترى خروجها قال بجميع ملكي قال إن ملكا قيمته شربة ماء وبوله

لجدير أن لا ينافس فيه فبكى هارون الرشيد بكاء شديدا.


ماجمل الدنيا والدنيا اذا اجتمعا ---- ولا بارك الله في دنياا بلا دين


اجمل تحيه ود واحترام للموضوع الرائع

[miss-qatr]

صبــاح النـــور ..


الحقـيقه ان المساله تتعلق بالنفـس البشــريه واساسهاا فان كان اساسها قوى

وفيه قناعه حقيقيه بان هذا فضل الله يؤتيه من يشاء وينزعه ممن يشاء

وانه ابتـلاء ليرى الله عمل الانسان فيه , يفترض ان لاتغير الانسان هذه الاموال

خصوصا انها يوم في يدك ويوم في يد غيرك .


روى أن ابن السماك دخل على الرشيد يوما فاستسقى فأتى بكوز فلما أخذه قال

على رسلك يا أمير المؤمنين لو منعت هذه الشربة بكم كنت تشتريها قال بنصف

ملكي قال اشرب هنأك الله تعالى فلما شربها قال أسألك لو منعت خروجها من

بدنك بماذا كنت تشترى خروجها قال بجميع ملكي قال إن ملكا قيمته شربة ماء وبوله

لجدير أن لا ينافس فيه فبكى هارون الرشيد بكاء شديدا.


ماجمل الدنيا والدنيا اذا اجتمعا ---- ولا بارك الله في دنياا بلا دين


اجمل تحيه ود واحترام للموضوع الرائع

وأجمل تحية واحترام على هالإضافة الراااائعه اخوي ناصر:)

[رهج السنابك]

عندي نفس هذا النموذج بالضبط

وحده ماكانت من الحالة المتوسطة لا كانت غنية وابوها عنده خير ( بس شكله كان بخيل) وكانت صرفياتها على قدها .. وتزوجت واحد غني وصاحب املاك وسبحان مغير الاحوال ( انفجعت ) بشكل مو طبيعي صارت ماتعرف قيمة الفلوس وترميها يمين ويسار على الكلام الفاضي ( كماليات، ميك اب ، ماركات عالمية ) بدون مبالغه قيمة الملابس اللي تلبسها كل يوم يمكن بـ 50 ألف من راسها لين رجولها .. وخدامتها تشتكي انها ماتدفع لها راتبها اللي قيمته 600 ريال :)

[alrheeb2020]

فعلا الفلوس تخرب النفوس

علاقتي مع ربع تربطني بهم 6 سنين بالقليل

لكن من تحسن وضعهم وعظامهم اشتد ابتدوا يرفعون خشومهم

وانا مؤمن ان هالنوعيه لهم يوم ويعرفون قدري ويعرفون قيمة الخطأ اللي جالسين يرتكبونه

لان النعمه زواله وهي اختبار للعبد

عسى الله لايغير ع اهل الكرم والجود والنفووس اللي ماتغرها ملايين


الله يردهم ل صوابهم

والله لايفرقكم عن بعض ان شاء الله ..

---

ويعطيج العافيه مس قطر ..

وكلامج سليم 100 %100

كلن يخسب الفلوس كل شي فالدنيا ..

شنو بتفيدك فالاخره ؟!!!

[خالد_قطر]

الفلوس والمنصب والشهادات العلمية ممكن تغير النفوس البشرية
إذا الأخلاق والدين والتربية لم تردعها

[فارس الكلمة]

غبي من ظن إن المال اللي عنده يخصه والله غبي

اختكم miss-qatr

لم يكن لهذا الكلام داع ..

و مع ذلك موضوعك جميل .. و تغير النفوس مطبوع به الإنسان

[شجرة الدر]

انا احس اختي ان النفس هاذي ماتغيرت بالفلوس ،،

احسها من البدايه دنيئه ،، بس لما امتلكت الفلوس بين معدنها ،،

يعطيج العافيه ،،

[miss-qatr]

عندي نفس هذا النموذج بالضبط

وحده ماكانت من الحالة المتوسطة لا كانت غنية وابوها عنده خير ( بس شكله كان بخيل) وكانت صرفياتها على قدها .. وتزوجت واحد غني وصاحب املاك وسبحان مغير الاحوال ( انفجعت ) بشكل مو طبيعي صارت ماتعرف قيمة الفلوس وترميها يمين ويسار على الكلام الفاضي ( كماليات، ميك اب ، ماركات عالمية ) بدون مبالغه قيمة الملابس اللي تلبسها كل يوم يمكن بـ 50 ألف من راسها لين رجولها .. وخدامتها تشتكي انها ماتدفع لها راتبها اللي قيمته 600 ريال :)

أوقات يكون هذا تعويض عن نقص اختي ونموذجك يأكد هالشي

شاكره لك اضافتك :)


الله يردهم ل صوابهم

والله لايفرقكم عن بعض ان شاء الله ..

---

ويعطيج العافيه مس قطر ..

وكلامج سليم 100 %100

كلن يخسب الفلوس كل شي فالدنيا ..

شنو بتفيدك فالاخره ؟!!!

هذا هو السؤال وش بتفيد بالآخره

الله يعاافيك وشاكره لك مرورك :)

[miss-qatr]

الفلوس والمنصب والشهادات العلمية ممكن تغير النفوس البشرية
إذا الأخلاق والدين والتربية لم تردعها

شاكره لك مرورك اخوي خالد


لم يكن لهذا الكلام داع ..

و مع ذلك موضوعك جميل .. و تغير النفوس مطبوع به الإنسان

ما كنت أقصد بهالجملة الإساءه بس مجرد كنت حابه أبين أن... من الغباء إدعاء الذكاء :)

ويمكن كتبت الموضوع وطلع من خاطري فماركزت باللي كتبته

بس لحد الحين ما أشوف فيها شي بس احترم رايك اخوي فارس :victory:

يعطيك العااافيه

انا احس اختي ان النفس هاذي ماتغيرت بالفلوس ،،

احسها من البدايه دنيئه ،، بس لما امتلكت الفلوس بين معدنها ،،

يعطيج العافيه ،،

الله يعااافيك اختي

شاكره لك مرورك :)

[الوجبه]

مبين انج شايله على احد نقول الامر (شخصي)

[miss-qatr]

مبين انج شايله على احد نقول الامر (شخصي)


:rolleyes2:

لو شي شخصي كان كتبت وماحلفت بالرد الأول عليك انه مب شي شخصي


في ناس اتحب اتفسر على كيفها :omen2: