المساعد الشخصي الرقمي

مشاهدة النسخة كاملة : كيوتل مايردوووووون حتى لو تنتظر 3 ساعات عالتلفوون


الخلاقي
11-12-2009, 09:03 PM
السلام عليكم


اناشد كيوتل الشركة التعبانه ...:omen2: انهم يردووون على 111 لانه بصراحه شي لايطاق واذا رحت تسألهم في فرووعهم عن السبب يقولون : والله بسبة الضغط عالاتصالات !!! طيب وين كان هالضغط العام اللي راح ومن اول ماطلعت شركة كيوتل وين كان هالضغط ؟؟؟ كانوا يردووون في خلال 50 ثانية اكثر شي:telephone: ... بس لما طلعت شركة فودافون كيوتل تغيرت وصارت للاسوأ ليييييييييييش . والله اني اقعد ساعه ساعتين ومحد يرد لو وشو :weeping:
الوجبه
11-12-2009, 09:06 PM
انا مره انتظرت 3 ايام
الرويـس
11-12-2009, 09:17 PM
والله ياخوك الجماعة تناقشوا في الموضوع هذا
http://qatarshares.com/vb/showthread.php?t=324313
ما ادري اذا بتستفيد من اللي صار بينهم :) وموفق
الـقـاسـي
11-12-2009, 11:04 PM
هههههههه العجوز كيوتل تحاول انه تؤكد ان عندها 2 مليون عميل ..

يعني شوفوا ياناس عندنا زحمه عملائنا واجد ..

حركه بايخه من كيوتل مثل العجوز اللي ترقع نفسها بعمليات تجميل فاشله عشان تحافظ على سمعتها ..
هجمة مرتدة
11-12-2009, 11:43 PM
بالفعل أنتظرت الاسبوع اللي فات ساعة إلا ربع ... وفي الأخير سكرت الخط ..

خدمة تعيسة جدا .. وكل يوم تصير أسوأ للأسف ...

الله المستعان
تحداني
11-12-2009, 11:48 PM
هههههههه العجوز كيوتل تحاول انه تؤكد ان عندها 2 مليون عميل ..

يعني شوفوا ياناس عندنا زحمه عملائنا واجد ..

حركه بايخه من كيوتل مثل العجوز اللي ترقع نفسها بعمليات تجميل فاشله عشان تحافظ على سمعتها ..





ههههههههههههههههه
ما اعرف ليه مصره ان ادفع فاتورتي ..
لكيوتل الى يومي هذا

اخاف انصدم من فودافون ..
ღغروريღ
12-12-2009, 12:05 AM
111 لاحياة لمن تنادي لاتعبون نفسكم حرام فيهم الرواتب الي ياخذونها
بو شهاب
12-12-2009, 12:21 AM
بو طبيع ما يوز عن طبعه :(:(
حقيقه
12-12-2009, 01:03 AM
عاد المشكله يوم تكون مستعجل وتبي رقم ضروري

انا اتصل عليهم من الرقمين اللي عندي بوقت واحد
عاد تستغرب يوم ينقعونك على الرقم الاول
اما الثاني يردون بسرعه
بوخالد911
12-12-2009, 01:05 AM
الله يعيينك
شموخ وبس
12-12-2009, 01:17 AM
اي والله بطوا جبدي نطرت اشكثر مره او مرتين بس غالبا يردون مانظلمهم
yousef545
12-12-2009, 03:13 AM
انا مره اتصلت لهم من الساعه 1 في الليل لين الساعه 3.40 تقريبا ردو علي

الريال الي رد علي من صوته اتقول توه قاعد من الرقاد

المشكله يوم اتصل كل شوي يقولون لي رقمك 4 رقمك 3
nasser 519
12-12-2009, 03:36 AM
الله يعينك اخووي
Q-tr
12-12-2009, 04:10 AM
بكل أمانة خطي الجي اسم ام تبع كيوتل حولته هلا وطلعت لي كرت فودافون خدمة فلكسي اتصل على 111 والله اقل من دقيقة يردون علي.. يعني بالعربي شريت راحة بالي نو عوار راس مع كيوتل,, ومرحباااااااا يافودافوون..
MoTeC
12-12-2009, 05:32 AM
شوفو يالربع تراكم تضلمون ناس بهالكلام
ياخي ودي لو يصير اجيب احد فيكم البداله عندنا وامسكه بداله وقت الضغط شرط انه لما يطلع بيغير رايه 360 درجه بخصوص اللي يقولون ان رد عليه وشكله توه قايم من الرقاد
عبالكم لعبه ولا شنو ينام تراه يداوم مثله مثلك لكن هو شفته ليل اللي المفروض يكون مرتاح فيه لكن ضغط واصل توب وانتو تقولون ينام ليش هو يقدر الواحد منا على البداله يشرب ماي بالاساس عشان ننام ونخلي العالم تنطر على قولتكم ساعتين؟!
ولاتنسون كل واحد مشكلته تاخذ من 15 دقيقه لـ 45 دقيقه واكثر من واحد واجهته مشكله ولما حلها له الموظف قال هالكلام في موضوع سابق
واللي يقولي فودافون يردون اقل من دقيقه
حبيبي فودافون كم مشترك عندها؟! خمسين الف؟! ستين قول 100 الف انزين وكيوتل كم مشترك؟!
عطوها كم سنه وخلونا نشوفكم بالجرايد تتشكون 111 بـ فودافون محد يرد
MoTeC
12-12-2009, 05:42 AM
وحبيت اضيف بخصوص محد يرد على تلفون ويردون على التلفون الثاني شدخل ياخي سستم عندنا يوزع المكالمات على الموظفين مثال الحين ثلاثه قاعدين يردون على المكالمه كل واحد عنده مشترك الثاني قال تفضل الرقم شكراً على اتصالك على طول تجيه مكالمه و رقم ثلاثه مثلاً معاه مشترك يبي اكثر من رقم ومع اخر رقم تفضل الرقم وشكراً على اتصالك على طول طووط طووط في السماعه و استعلامات كيوتل تفضل مب بكيفنا نرد على اللي نبيه ولا مانرد على هالرقم و احلى شي اللي يختار لي رقم 2 الانجليزي عشان يردون اسرع ترى نفس الموظف و نفس الدور راح يكون مافي فرق
ولا اللي يتم يضغط على رقم واحد وايد يتم يكررها عشان يردون بسرعه مايدري ان لما اقول انا استعلامات كيوتل مرحبا اتم اسمع طيط طيط طيط... وماقدر اسمع المشترك نفسه ايش يبي لأنه كثر من ضغطه الارقام :s
اللي يبي يجرب يتصل على تلفونه الثاني ولايرد ينطر حروه الدقيقه يتم يضغط فيها على اي رقم ويرد على نفسه ويسمع ^_^
الـجـنـاحـي
12-12-2009, 07:33 AM
هههههههه العجوز كيوتل تحاول انه تؤكد ان عندها 2 مليون عميل ..

يعني شوفوا ياناس عندنا زحمه عملائنا واجد ..

حركه بايخه من كيوتل مثل العجوز اللي ترقع نفسها بعمليات تجميل فاشله عشان تحافظ على سمعتها ..

:nice::nice::secret::nice::nice:
شموخ قطريه
12-12-2009, 01:59 PM
اولا يعطيك العافيه الي طرح هالموضوع

ثاني شي ... كيوتل فيها السلبيات بس للاسف سلبياتها اكثر من ايجابيتها بالنسبه للعملاء

ثالث شي انا رحت خدمة 111 مركز الاتصالات عندهم وشفت الموظفين واهم يردون للعلم عددهم كبير
شفتو شلون خلية النحل بالظبط_ والله العظيم والله شاهد على كلامي ان الموظف يشتغل بيده ورجوله محد فاضي حتى انه يسلم والمسائيل هناك يبذول اقصى ماعندهم والله ان قلاص الشاي يتبدل 2 الى 3 مرات ويبرد ومحد يشربه بسبب عدد الاتصالات_ انتو راح تلاحضون ان الظغط يوم تنزيل العروض او ان كانت هناك خدمه جديده بس _ لاتحسبون اني ادافع عنهم لا بالعكس انا اقول الصج والي شفته بعيوني_ولكم حرية التعبير- وخصوصا لما يجيهم عميل عنده عدة مشاكل بااعطيكم مثال خدمة البلاك بيري(بي بي) يجيك واحد توه ماخذ الجهاز مايدري عنه خير شر هذا على الاقل بياخذ 30 دقيقه _ مثال اخر هندي يتصل محد يفهمله يقولونله يمين يقولهم يسار
khalid-qtr
12-12-2009, 02:04 PM
111 مالة داعي المفروض يسكرونة كيوتل والله لو تموت محد يرد عليك

يكفي انة مال sms مال الشركات الي تتعامل معة واحد حطين لقطر كاملة والمشكلة بعد مش موظف بكيوتل جا يبينة انتداب يمشون لة راتب وكل شركات قطر وزارتها على هذا الشخص الهندي
كيوتل عيوبها وايد
تحداني
12-12-2009, 02:06 PM
MoTeC



طلعتوا براءه اخي الفاضل ..
اذا هذا حالكم طوال اليوم ..



الله يعينكم يارب ..
ويعطيكم الصحه والعافيه




بس لو تزيدون عدد الموظفين اشوي ..
عشان الناس ترتاح .. من صداع الإنتظار ..
وسماع السمفونيه المزعجه خلال الإنتظار ..




غير هذا ما نبي شئ ..




جملك الله برضى الرحمن
خفوشه
12-12-2009, 02:09 PM
كيــــــــــوتـل ترفع الضغـــــــــط....


يقوولون ماعندنا موظفين....<<< (الصراحه في ناااااس قاعدين في بيوتهم ويدورون ع الشغل ))..

ليش مايعرضون في الجرايد ...< انهم يبون موظفين....


ويفكونااااا...

من هاي الانتظار.. اللي ماله داعي...


...
نااااني
12-12-2009, 02:10 PM
اي والله انك صاااااااااااااااااااادق
اصلا ما عاد كلمتهم.................
برااق
12-12-2009, 02:11 PM
اللة ايعينكم
عاشق امل
12-12-2009, 02:28 PM
مشكلتنا احيانا نحكم على الشي من الخارج دون معرفة الداخل

ربما كيوتل سلبياتها كبيرة ولكن 180 و 111 مانقدر نظلمهم ناس تشتغل شغل لو بعضكم يشتغلونه كان ترك من زمان .. وفي هالادارات موقف الانتقال من قسم الى اخر عشان مايخسرون موظفينهم ويحاولون يلبون خدمتكم بأسرع وقت

اطلب من كل شخص مو عاجبه الوضع يروح ويشتغل يوم واحد بال 111 او 180 ويشوف الضغط ونوعه على الموظفين

حضرت دورة من الدورات مع موظفين من هالقسم 111 وكان المدرب يسالهم كم اتصال تتلقون خلال الشفت وكانت ارقام خيالية .. شخص يطلع وهو ماخذ 800 - 900 مكالمة

اعتقد يطلع وماله نفس يرد على تلفونه

والي يطالب بتوظيف المزيد العملية ليست سهلة اخوي لانهم يرفضون هذي الاماكن غالبا وووو الخ ...

* ملاحظة : اخوي القاسي اسلوبك دائما متهجم عندما يتعلق الموضوع بكيوتل .. راجع حساباتك والا لن يستمع لك احد هذا ليس دفاعا عنهم وانما كون كلامك تلميحي للشركة الاخرى والي انا تعبت اهزء فيهم يمكن يستحون ويحلون مشكلتي لكن عمك اصمخ والعذر المشكلة مو منهم اجل من وين جات اذا مو منهم !. لكل شركة سلبياتها وايجابياتها وبالاخير مصلحتنا كعملاء اهم من اي شي اخر
MoTeC
12-12-2009, 04:12 PM
اولا يعطيك العافيه الي طرح هالموضوع
ثاني شي ... كيوتل فيها السلبيات بس للاسف سلبياتها اكثر من ايجابيتها بالنسبه للعملاء
ثالث شي انا رحت خدمة 111 مركز الاتصالات عندهم وشفت الموظفين واهم يردون للعلم عددهم كبير
شفتو شلون خلية النحل بالظبط_ والله العظيم والله شاهد على كلامي ان الموظف يشتغل بيده ورجوله محد فاضي حتى انه يسلم والمسائيل هناك يبذول اقصى ماعندهم والله ان قلاص الشاي يتبدل 2 الى 3 مرات ويبرد ومحد يشربه بسبب عدد الاتصالات_ انتو راح تلاحضون ان الظغط يوم تنزيل العروض او ان كانت هناك خدمه جديده بس _ لاتحسبون اني ادافع عنهم لا بالعكس انا اقول الصج والي شفته بعيوني_ولكم حرية التعبير- وخصوصا لما يجيهم عميل عنده عدة مشاكل بااعطيكم مثال خدمة البلاك بيري(بي بي) يجيك واحد توه ماخذ الجهاز مايدري عنه خير شر هذا على الاقل بياخذ 30 دقيقه _ مثال اخر هندي يتصل محد يفهمله يقولونله يمين يقولهم يسار

مشكلتنا احيانا نحكم على الشي من الخارج دون معرفة الداخل
ربما كيوتل سلبياتها كبيرة ولكن 180 و 111 مانقدر نظلمهم ناس تشتغل شغل لو بعضكم يشتغلونه كان ترك من زمان .. وفي هالادارات موقف الانتقال من قسم الى اخر عشان مايخسرون موظفينهم ويحاولون يلبون خدمتكم بأسرع وقت
اطلب من كل شخص مو عاجبه الوضع يروح ويشتغل يوم واحد بال 111 او 180 ويشوف الضغط ونوعه على الموظفين
حضرت دورة من الدورات مع موظفين من هالقسم 111 وكان المدرب يسالهم كم اتصال تتلقون خلال الشفت وكانت ارقام خيالية .. شخص يطلع وهو ماخذ 800 - 900 مكالمة
اعتقد يطلع وماله نفس يرد على تلفونه
والي يطالب بتوظيف المزيد العملية ليست سهلة اخوي لانهم يرفضون هذي الاماكن غالبا وووو الخ ...
* ملاحظة : اخوي القاسي اسلوبك دائما متهجم عندما يتعلق الموضوع بكيوتل .. راجع حساباتك والا لن يستمع لك احد هذا ليس دفاعا عنهم وانما كون كلامك تلميحي للشركة الاخرى والي انا تعبت اهزء فيهم يمكن يستحون ويحلون مشكلتي لكن عمك اصمخ والعذر المشكلة مو منهم اجل من وين جات اذا مو منهم !. لكل شركة سلبياتها وايجابياتها وبالاخير مصلحتنا كعملاء اهم من اي شي اخر
الحمدلله انكم شفتو اللي صاير لكن في بعض الناس تحسب ان ناخذ معاشاتنا على قولتهم على الفاضي واحنا مانشتغل
بس هالردين كفايه
والله يعين الجميع :)
و مشكورين اخوي عاشق امل و شموخ قطريه على التوضيح
شيط ويط
12-12-2009, 08:09 PM
شوفو يالربع تراكم تضلمون ناس بهالكلام
ياخي ودي لو يصير اجيب احد فيكم البداله عندنا وامسكه بداله وقت الضغط شرط انه لما يطلع بيغير رايه 360 درجه بخصوص اللي يقولون ان رد عليه وشكله توه قايم من الرقاد
عبالكم لعبه ولا شنو ينام تراه يداوم مثله مثلك لكن هو شفته ليل اللي المفروض يكون مرتاح فيه لكن ضغط واصل توب وانتو تقولون ينام ليش هو يقدر الواحد منا على البداله يشرب ماي بالاساس عشان ننام ونخلي العالم تنطر على قولتكم ساعتين؟!
ولاتنسون كل واحد مشكلته تاخذ من 15 دقيقه لـ 45 دقيقه واكثر من واحد واجهته مشكله ولما حلها له الموظف قال هالكلام في موضوع سابق
واللي يقولي فودافون يردون اقل من دقيقه
حبيبي فودافون كم مشترك عندها؟! خمسين الف؟! ستين قول 100 الف انزين وكيوتل كم مشترك؟!
عطوها كم سنه وخلونا نشوفكم بالجرايد تتشكون 111 بـ فودافون محد يرد

اخوي العالم تشتكي بسبب سوء الخدمة .. ومحد ينكر المجهود الكبير اللي تبذلونه في هالقسم .. لكن اخوي المفروض من ادارة كيوتل توظف نااااس تواكب هالضغط الكبير من المكالمات (لان واضح ان في مشكله متكرره في خدمة 111 ومش مبرر انه انتوا تواجهون ضغط في الرد واستقبال المكالمات لان هالشي من اسباب المشكلة) وهالشي له فوايد كبيره :

1- يقل وقت الانتظار والعميل يلقى خدمة ذات جوده افضل .
2- يقل الضغط على الموظفين في هالقسم يعني بدال الموظف ما يستقبل 800 مكالمة في اليوم .. مع زيادة الموظفين راح يستقبل مثلا 400 مكالمة ....إلخ

ياخي شنهي مشكلة كيوتل في توظيف ناس جدد ؟؟ بتقولي العالم مايبون هالشغله .. ياخي في ناس واجد (غير قطريين) لا شغل ولا مشغله ودهم يشتغلون وماظنتي راح يرفضون هالشغله .. دام في شباب قطريين يرفضون هالشغله .

انا كعميل يهمني احصل على خدمة مقبولة وترضيني .. وانت كشركة اتصالات تهمك سمعة الشركة .

وفي هالوضع .. انا لا حصلت خدمة مقبولة .. وانت خسرت سمعتك .
بوعلي2
12-12-2009, 09:20 PM
خذها كاااش مني

يوم الخميس والجمعه والسبت مايردون

ولا بواسطه

مره اتصلت 180 استعلامات

وقلت لهم حولوووووني على 111 هههه

ماقصروا وحولوني وتفاهمت معاهم وانحلت المشكله
hamoor4ever
12-12-2009, 10:00 PM
ماعندهم عذر كيوتل كثره الاتصالات مب عذر خل يوظفون موظفين كثير ناس تبي تشتغل واذا على قولتهم محد يبي هالاماكن خل يدفعون لهم رواتب عدله مثل العالم بيجون لهم الناس ، كاهم يدفعون حق اللي مرتاحين بالمكاتب مبالغ خياليه يدفعون حق هالمساكين وماعتقد ان كيوتل يعني مساكين ماعندهم فلوس ولا شركه جديده ، ولا خايفين ارباحهم الخياليه اتقل بسبب زياده عشرين او عشر موظفين زود ، خل يسنعون نفسهم مب كل يوم طالعين لنا مستانسين مليونين عميل زين ذول المليونين اللي مستانسين عليهم مايبون خدمه مميزه ولا الفلوس عمتهم قاعدين نهب في الناس على الاقل حسنو خدماتكم شوي
bobdeeer
12-12-2009, 11:18 PM
جزااك الله خير

ورزقنا واياكم حسن الخاتمة ..
السهم الحلال
12-12-2009, 11:50 PM
شوفو يالربع تراكم تضلمون ناس بهالكلام
ياخي ودي لو يصير اجيب احد فيكم البداله عندنا وامسكه بداله وقت الضغط شرط انه لما يطلع بيغير رايه 360 درجه بخصوص اللي يقولون ان رد عليه وشكله توه قايم من الرقاد
عبالكم لعبه ولا شنو ينام تراه يداوم مثله مثلك لكن هو شفته ليل اللي المفروض يكون مرتاح فيه لكن ضغط واصل توب وانتو تقولون ينام ليش هو يقدر الواحد منا على البداله يشرب ماي بالاساس عشان ننام ونخلي العالم تنطر على قولتكم ساعتين؟!
ولاتنسون كل واحد مشكلته تاخذ من 15 دقيقه لـ 45 دقيقه واكثر من واحد واجهته مشكله ولما حلها له الموظف قال هالكلام في موضوع سابق
واللي يقولي فودافون يردون اقل من دقيقه
حبيبي فودافون كم مشترك عندها؟! خمسين الف؟! ستين قول 100 الف انزين وكيوتل كم مشترك؟!
عطوها كم سنه وخلونا نشوفكم بالجرايد تتشكون 111 بـ فودافون محد يرد

كيوتل... عذر أقبح من ذنب
المشكلة مب في الموظف المشكلة من الادارة نفسها

سؤال وجاوبني بصراحه
كم موظف في ال 111 خلال الشفت؟
MoTeC
13-12-2009, 01:32 AM
مثل ماوضحت هني ولا في موضوع ثاني انا من 180 مش 111 لكن بقولك على الاوقات اللي اداومها طبعاً شفت الليل عندنا 3 وسوبرفايزر الصبح من الساعه ست 7 موظفين الساعه سبع يصيرون 11 او 10 و عندك الساعه ثمان يجون يعني من الساعه تسع اللي هي اخر ساعه للصبح يعني اللي دوامهم صبح نكون 20~25 لين اللي خلصون شفتاتهم ويردون الظهر طبعاً في غيرهم يجون لين الساعه اربع و الساعه خمس اللي هو اخر شفت لليوم هذا نصير 19~18 طبعاً عدد الموضفين على حسب اليوم يعني معروف هاليوم فيه ضغط فـ يكون عدد الموجودين اكثر واذا معروف عن هاليوم مافيه مكالمات فـ يكون عدد اقل
وطبعاً بخصوص موظفين جداد انا قبل لا اتوظف قبل كانو فيه 5 ومعاي انا بعد 5 وفيه ناس جدد تقريباً 6 او 7
وللعلم انا مادافع عن كيوتل لأني شغال انا تراني مثلكم اذا بغيت شي اتصل واتنقع لكن شذنبهم الموظفين اذا كل يوم واحد فاتحلي موضوع يتكلم عنهم إلا مايردون إلا موظفين نايمين شلون نايم ودوامه ينحسب عليه شلون بيطفي البداله فيه سستم ويكون مراقب ويحاسب اذا تأخر دقيقه زياده في البريكات اللي عنده
وبخصوص ان يزيدزن الموظفين والله اتمنى لكن من يبي يشتغل عندنا؟! يروح يقدم اوراقه ويطلب البداله وماظن حد يبي البداله ويكون شفتات الاغلبيه يبون الافرع وانا ماقدمت للبداله إلا لما صكت فيني الدنيا سنه اعابل ورى هالمؤسسات والوزارات
والحمدلله على كل حال
ونسيت اقول الشفت عندنا 8 ساعات
بوخالد911
13-12-2009, 08:27 AM
مرة اتصلت من مكتبي
وخلييته ع السبيكر

والله بعد 29 دقيقة
ردوا

:(
مارسيلا
13-12-2009, 11:36 AM
انا مرة انتظرت 3 اسابيع و حتى بعد ما رحت للفرع بنفسي و حليت المشكلة بحسابي رجعت احاول اتصل (متعودة) كنت اباشوف يردون او لا
مافي :s
الخلاقي
14-12-2009, 03:50 AM
"]مثل ماوضحت هني ولا في موضوع ثاني انا من 180 مش 111 لكن بقولك على الاوقات اللي اداومها طبعاً شفت الليل عندنا 3 وسوبرفايزر الصبح من الساعه ست 7 موظفين الساعه سبع يصيرون 11 او 10 و عندك الساعه ثمان يجون يعني من الساعه تسع اللي هي اخر ساعه للصبح يعني اللي دوامهم صبح نكون 20~25 لين اللي خلصون شفتاتهم ويردون الظهر طبعاً في غيرهم يجون لين الساعه اربع و الساعه خمس اللي هو اخر شفت لليوم هذا نصير 19~18 طبعاً عدد الموضفين على حسب اليوم يعني معروف هاليوم فيه ضغط فـ يكون عدد الموجودين اكثر واذا معروف عن هاليوم مافيه مكالمات فـ يكون عدد اقل
وطبعاً بخصوص موظفين جداد انا قبل لا اتوظف قبل كانو فيه 5 ومعاي انا بعد 5 وفيه ناس جدد تقريباً 6 او 7
وللعلم انا مادافع عن كيوتل لأني شغال انا تراني مثلكم اذا بغيت شي اتصل واتنقع لكن شذنبهم الموظفين اذا كل يوم واحد فاتحلي موضوع يتكلم عنهم إلا مايردون إلا موظفين نايمين شلون نايم ودوامه ينحسب عليه شلون بيطفي البداله فيه سستم ويكون مراقب ويحاسب اذا تأخر دقيقه زياده في البريكات اللي عنده
وبخصوص ان يزيدزن الموظفين والله اتمنى لكن من يبي يشتغل عندنا؟! يروح يقدم اوراقه ويطلب البداله وماظن حد يبي البداله ويكون شفتات الاغلبيه يبون الافرع وانا ماقدمت للبداله إلا لما صكت فيني الدنيا سنه اعابل ورى هالمؤسسات والوزارات
والحمدلله على كل حال
ونسيت اقول الشفت عندنا 8 ساعات



اوكي الشيخ انت طلعت اللي في خاطرك وانا حبيت اوضح لك شي انا اصلا مانزلت الموضوع الا لما صرت متأكد وللعلم علاقاتي كثيرة في كيوتل ..وسبب التنقيع وعدم الرد على المكالمات مش فقط من الضغط لان الضغط ممكن يكون سبب بسيط بس الطامه الكبرى ((( نجوووم)) : يقول لك الموظفين في كيوتل جايتهم اوامر بتقليل الردود على الاتصالات لان في اغلب الناس يدقون يستفسروون عن نجوم : كم نقطه عندي ... وشنو اقدر اسوي وكيت كيت الخ ...


يا أخي فكونا من نجوم او زودوا عدد الموظفين وتريحونا وترتاحون .. عجل شلون تبون تصيرون من افضل الشركات بحلول 2021 والله لو على هالمستوى مافي امل بالعربي .. لازم تكون الشركة عملاقه وخبره في كل شي والموظفين يكونون على دراية تامه بكل الاخطاء والمشاكل اللي تواجهنا ... ولازم سهوله فالتعامل والتعاون مع العميل ... واسمحولي عالاطاله
Q-tr
14-12-2009, 06:19 AM
اوكي الشيخ انت طلعت اللي في خاطرك وانا حبيت اوضح لك شي انا اصلا مانزلت الموضوع الا لما صرت متأكد وللعلم علاقاتي كثيرة في كيوتل ..وسبب التنقيع وعدم الرد على المكالمات مش فقط من الضغط لان الضغط ممكن يكون سبب بسيط بس الطامه الكبرى ((( نجوووم)) : يقول لك الموظفين في كيوتل جايتهم اوامر بتقليل الردود على الاتصالات لان في اغلب الناس يدقون يستفسروون عن نجوم : كم نقطه عندي ... وشنو اقدر اسوي وكيت كيت الخ ...


يا أخي فكونا من نجوم او زودوا عدد الموظفين وتريحونا وترتاحون .. عجل شلون تبون تصيرون من افضل الشركات بحلول 2021 والله لو على هالمستوى مافي امل بالعربي .. لازم تكون الشركة عملاقه وخبره في كل شي والموظفين يكونون على دراية تامه بكل الاخطاء والمشاكل اللي تواجهنا ... ولازم سهوله فالتعامل والتعاون مع العميل ... واسمحولي عالاطاله
:nice:
yousef545
14-12-2009, 08:33 AM
اوكي الشيخ انت طلعت اللي في خاطرك وانا حبيت اوضح لك شي انا اصلا مانزلت الموضوع الا لما صرت متأكد وللعلم علاقاتي كثيرة في كيوتل ..وسبب التنقيع وعدم الرد على المكالمات مش فقط من الضغط لان الضغط ممكن يكون سبب بسيط بس الطامه الكبرى ((( نجوووم)) : يقول لك الموظفين في كيوتل جايتهم اوامر بتقليل الردود على الاتصالات لان في اغلب الناس يدقون يستفسروون عن نجوم : كم نقطه عندي ... وشنو اقدر اسوي وكيت كيت الخ ...


يا أخي فكونا من نجوم او زودوا عدد الموظفين وتريحونا وترتاحون .. عجل شلون تبون تصيرون من افضل الشركات بحلول 2021 والله لو على هالمستوى مافي امل بالعربي .. لازم تكون الشركة عملاقه وخبره في كل شي والموظفين يكونون على دراية تامه بكل الاخطاء والمشاكل اللي تواجهنا ... ولازم سهوله فالتعامل والتعاون مع العميل ... واسمحولي عالاطاله

انا اتفق معاك

وخدمة نجوم عندهم موقع خاص لازم مايستقبلون اي مكالمة بخصوص هاي الخدمة

25 موظف حق مليونين مشترك يصير خير اتصيرون من افضل الشركات في العالم
الرويـس
14-12-2009, 09:02 AM
زين أحد تحرك من اللي اشتكوا وقدم شكوى عن اللي حاصل ؟ طبعا في كيوتل مب في المنتدى
والا بس كتبنا وصار موضوع
الرويـس
14-12-2009, 09:03 AM
ثرى الجماعة في الكستمر سبورت ماراح يقصرون وعلى راسهم
اخونا الببلاوي على ما اذكر والاخت جواهر
biz-qtr
14-12-2009, 03:59 PM
الله يعينا ع كيوتل....

يوم يكثرون الخدمه يعفسون البطح

الله يهديهم بس
الخلاقي
16-12-2009, 01:30 AM
والله لو نتكلم من اليوم لبكره مافي شي بيصير ....بصراحه وضع لايطاق يعني الواحد صار مايقدر حتى يطلب اعدادات النت في التلفون لازم يعني نروح كيوتل عشان نطلب الاعدادات او عشان اي شي .
ابو عادل
16-12-2009, 10:08 AM
اقول ترا الظليمة شينه
انا اشتغلت فتره في بدالة احد الشركات المعروفة والله تعبت بشكل مو طبيعي ماكملت سنه الا طلعت من عندهم
حتى الشاي ما ينشرب
تبي تروح الحمام تكرمون ما تقدر تتحرك لان تجي مكالمات وتتحاسب على كل مكالمه تضيع منك

انا والله مثلكم ادق على كيوتل ويتأخرون بالرد بس بالنهايه يردون لاحد يقول ما يردون لاني دايما اتصل فيهم واخليه على السبيكر وبالنهايه لازم يجي رد
والله اني عاذرهم ترا هالشغله مب سهله كل واحد قاعد على مكتبه ويتفلسف ويقول الموظف نايم خير ان شاءالله وين نايم شركة ابوه !! يكون بعلمكم الموظف ينحسب عليه حتى عدد رنات تلفونه :rolleyes2:

اخوي moteco كفيت ووفيت وانا حاس بكل كلمة قلتها لان اذكر على الكرف اللي كنت اكرفه ايام شغلتي القديمه كانو الناس يهاوشوني ويقولون ليش ما ترد انزين شسوي اذبح عمري :tease:
ANONYMOUS
16-12-2009, 11:19 AM
مشكلة التوظيف معروفه

لان فيها رواتب وسكن وتعليم اطفال وتامين صحي وهذا يكلف الكثير

ليش ماتستحدث كيوتل نظام وظيفي تلتزم فيه كيوتل بدفع مثلا راتب شهري 10 الاف فقط

للناس المحتاجه شغل وعندها خبره في الكاستمر سيرفس.. ويوظفون 100 شخص

او

مثلا اول مايتصل الشخص 111 .. للعربي 1 .. لغات اخرى 2

وعاد اللغات الاخرى تتحول كالتالي

تتعاقد كيوتل مع الهند.. يعني تسوي شركه صغيره .. ويتم تحويل المكالمات اللي باللغه الانجليزيه والهنديه والاوردو والنيباليه للهند.. ويحطون هناك فريق متخصص يجاوب على الاستفسارات ويضع الحلول وعنده اكسيس حق نظام كيوتل .. طبعا بمراقبة كيوتل وتحت مظلتها

الرواتب هناك لايكاد يكلف شي.. وتوظف 4000 شخص وتحل المشكله



هالنظام مستخدم في بعض الدول فمش غلط ناخذ منهم الاشيا الزينه
تحداني
16-12-2009, 11:31 AM
.. إحساس إبداخلي يقول ..



" قضيه كيوتل "
مثلها مثل" القضيه الفلسطينية "..


شكلها لن تحل في يوم من الأيام ..
الله يعينهم محتاجين..
مليون محامي ..
ومليون جلسه .. للمرافعات ..




.. :) ..
لابس بشت
16-12-2009, 12:52 PM
والله امس عندي مشكله في تلفون البيت مافيه حراره
وكم شخص اللي بينتظرون على حل مشكله تلفون البيت
الجوال وفيه ضغط اتصالات لكن الهاتف الارضي ما اعتقد عليه ذاك الضغط
الله يشهد علي ان قالي رقمك هو 2
وتميت اتصل من جوالين وتم الاول فوق ال26 دقيقه ولحد رد علي
لا ذي ولا الثاني
الله يحبهم انهم ماردوا علي
حرام نظلمهم صحيح بس ما اعتقد لهالدرجه بال3 ايام
اشدعوه الله عرفناه بالعقل