موضة البنات [الأرشيف] - منتديات شبكة الأسهم القطرية

khalid-qtr

12-12-2009, 03:34 PM

السلام عليكم...

امس عزمني رفيجي قال لي نروح نتعشاء بمطعم في فندق قلت لة توكل على الله

وتوعد معة الساعة 6 المغرب تدرون جمعة وكان الجو حلو قال لي شرايك ننزل نتمشى على الكورنيش بس هنية انصدمت شفت شباب كثير مع اجنبيات بس سئالت رفيجي قلت لة تعتقد هذي زوجتة قال لي لا هذي موضة البنات الحين تعرف على اجنبية وخلها الجيرل فريندز لنة مش معقدة مثل القطريات وصريحة وماتبي فلوس بس تبي حب استغربت قلت لة حرام والله مو زين...

وللاسف يوم رحنا المطعم شفت كذا واحد مع اجنبية ... وقال لي في بعضهم متزوجينهم
قلت ياخي ليش مايتزوج من بنات بلدة اشرف لة تم يضحك وقال من صجك روح شوف شكثر شباب في ديون وسجون بسبب الحريم قال يروح يشوف لة جيرل فريندز ابرك جمال وصادقة وماعندها خدع ولا تفكير بالفلوس

السؤال هل العيب في الشباب او البنات او امور الزواج ؟

بنتكم

12-12-2009, 03:39 PM

العيب في شخص نفسه

وفعلا ماشفت شي الله يرحمنا برحمته

يعطيكـ ربي العافيه

حدالكلمه

12-12-2009, 03:49 PM

الاجنبية جميلة بلعناها -- وصخة وتحب العلاقات والبوي فرند بلعناها -- لكن ماتحب الفلوس اعتقد صعبة تنبلع

وكل ساقط له لاقط --

حـــنـــان

12-12-2009, 03:49 PM

اللى يسونة بعض الشباب من تعارف باجنبيات او قطريات حرااااام لايجوز هو لو يخاف الله ماسوة كذا.. بعدين مو كل خطأ يسوية القطري قطيتوة على القطرية..هذا عذر اقبح من ذنب ..هالسوالف موجودة من زمان ..بس اللى متربي على الدين والاخلاق مايسويها ..يعرف اشلون يعصم نفسة حتى لو ماتزوج
هو مستانس لان مافي عيال ولا مسؤولية ...في بعض الشباب الله يهداهم مهب قد المسؤولية وبالعكس يروح بعيد بخراببيطة احسن من ان ياخذ بنت ناس متربية تبتلش فية وبفضايحة..الطريج اللى اسلكة هذا الشاب يناسبة جدا

sweet qatar

12-12-2009, 04:02 PM

مالهم عذر ابد...ولا في اي شي يبرر اتخاذهم لجيرل فريند سواء قطرية او اجنبية...

وما اعتقد لهالدرجة تفكيرهم طفولي وياخذون غلاء المهور عذة وتبرير..

واذا وااااايد مصدقين انهم مايبون فلوس وغيره يتزوجونهم ويستقرون معاهم... في الحلال مالنا حق نقول كلمة...

لكن هذا اكبر دليل ان الشاب يبي يلعب وبس...

الله يحفظ عيالنا ويهدي شبابنا وشباب المسلمين...

بوعمير

12-12-2009, 04:02 PM

أخي خالد، هذا إن دل فإنما يدل على فساد الاخلاق وضعف الوازع الديني، أسال الله العفو والعافية في الدنيا والاخرة.

خفوشه

12-12-2009, 04:22 PM

هل العيب في الشباب ؟؟

طبعن في الشباب ...بعدين الاجنبيات موتهم الفلوس ....ولا من معيشهم في الدوحه غير شبابنا...

وبعدين ع بالك طالعه معاه ببلاش ... إلا بفلوس ..

حكمتهم .. (عطني اللي عندك من فلوس .. وأخذ اللي تبيه مني)...

شلي مكبر راسهم علينا..اللي عندها رنج.. واللي عندها كيان..إلا من فلوس إللي يصرف عليهم...

مش معقدة مثل القطريات وصريحة وماتبي فلوس بس تبي حب استغربت قلت لة حرام والله مو زين...

وماتبي فلوس بس تبي حب << إلا العكس .. تبي فلوس بتحصله من شباب قطر..

تبي حب عند ولد بلادها....

.........................................

سماء الرياض

12-12-2009, 05:21 PM

الله يهدي شباب وبنات المسلـــــــــــمين

ريومه

12-12-2009, 06:24 PM

قدر ويهه ,,

القطريه دانه ماياخذها الا نوخذه وياقل النواخذ هالايام ,,

استغربت قلت لة حرام والله مو زين...( كفووو عليكـ )

تحياتي لكـ / khalid-qtr

Sharshooooor

12-12-2009, 07:16 PM

السلام عليكم...

امس عزمني رفيجي قال لي نروح نتعشاء بمطعم في فندق قلت لة توكل على الله

وتوعد معة الساعة 6 المغرب تدرون جمعة وكان الجو حلو قال لي شرايك ننزل نتمشى على الكورنيش بس هنية انصدمت شفت شباب كثير مع اجنبيات بس سئالت رفيجي قلت لة تعتقد هذي زوجتة قال لي لا هذي موضة البنات الحين تعرف على اجنبية وخلها الجيرل فريندز لنة مش معقدة مثل القطريات وصريحة وماتبي فلوس بس تبي حب استغربت قلت لة حرام والله مو زين...

وللاسف يوم رحنا المطعم شفت كذا واحد مع اجنبية ... وقال لي في بعضهم متزوجينهم
قلت ياخي ليش مايتزوج من بنات بلدة اشرف لة تم يضحك وقال من صجك روح شوف شكثر شباب في ديون وسجون بسبب الحريم قال يروح يشوف لة جيرل فريندز ابرك جمال وصادقة وماعندها خدع ولا تفكير بالفلوس

السؤال هل العيب في الشباب او البنات او امور الزواج ؟

تهقى القطريات مالات فلوس؟

حتى لو نظرة صاحبك للموضوع انا اعتقد مافي داعي تذكرها لعدم التجريح فيهم عالاقل
لان كلمة ماتبي فلوس او تبي فلوس لها معاني سيئة كثيرة

وبالنسبة للاجنبيات للي يرافجون قطريين
ثق يا اخي العزيز ترى مولله واكيد لمصلحة حتى لو ماعطاها فلوس
عالاقل تتعشا ببلاش هالليلة معاه وبكرة مع غيرة وهكذا تمشي الامور

اسألني انا عنهم لاني اشوف هالاشكال وايد مع ربعي اصحاب الدراجات واعرف شيصير بشكل يومي

الله يستر علينا وعلى جميع المسلمين ويحفظ بناتنا

مهندس زمانه

12-12-2009, 07:25 PM

ههههههههه انا مستغرب من المقارنه اصلا" بين القطريه والاجنبيه>>الله يهديك بس

انا شايف شباب في سيلين يتمشون وكل واحد راز له فلبينيه قدام ويستعرض :)

العـوا

12-12-2009, 07:37 PM

أخي خالد، هذا إن دل فإنما يدل على فساد الاخلاق وضعف الوازع الديني، أسال الله العفو والعافية في الدنيا والاخرة.

100% صحيح

بنت ذياب

12-12-2009, 07:38 PM

شدددخل !!

تبي تقنعني ان القطريات هم اللي يبون فلوس ! :eek5:

والاجنبيه تبي حب .. من واحد ..لا هو من عاداتها ولا تقاليدها ولا دينهاا:eek5:

الحمدلله القطريات مب قاصرهم شي !!

وبعدين اذا من صجه يدور ع الحب !!

خله يتزوج .. ويعيش حياته مع زوجته

ئال حب صادق ئال .. !:eek5:

,,

حناان .. ههههه توقيعج ضحكني ..

احسه له علاقه بالموضوع ههههههههههههههههههههههه

http://www.photoslinks.com/index.php?option=com_joomgallery&func=watermark&catid=3&id=70&Itemid=2

^^^^^^

خلهم يسرحون ويمرحون ع كيفهم نفس اللي بالصورة هههههه

هههههههههههههههههههههه

باجر بيتحسفون والله ..

هالاجانب مااوراهم غير الامراض والبلاوي

:(

,,,,

يعطييك العافيه اخوي خالد

واحييك على غيرتك على عيال بلادك

:)

حـــنـــان

12-12-2009, 07:43 PM

شدددخل !!

تبي تقنعني ان القطريات هم اللي يبون فلوس ! :eek5:

والاجنبيه تبي حب .. من واحد ..لا هو من عاداتها ولا تقاليدها ولا دينهاا:eek5:

الحمدلله القطريات مب قاصرهم شي !!

وبعدين اذا من صجه يدور ع الحب !!

خله يتزوج .. ويعيش حياته مع زوجته

ئال حب صادق ئال .. !:eek5:

,,

حناان .. ههههه توقيعج ضحكني ..

احسه له علاقه بالموضوع ههههههههههههههههههههههه

http://www.photoslinks.com/index.php?option=com_joomgallery&func=watermark&catid=3&id=70&Itemid=2

^^^^^^

خلهم يسرحون ويمرحون ع كيفهم نفس اللي بالصورة هههههه

هههههههههههههههههههههه

باجر بيتحسفون والله ..

هالاجانب مااوراهم غير الامراض والبلاوي

:(

,,,,

يعطييك العافيه اخوي خالد

واحييك على غيرتك على عيال بلادك

:)

بالعكس حلو في رومنسية..مهب مصالح شي مقابل شي..:nice:

Just a Gurl

12-12-2009, 08:15 PM

هههههههههههههههههههههههههههههههههههههههههههههههههه هههههههه
ماضحكني في الموضوع غير شي واحد!!!!!
الاجنبيه تبي حب وماتبي فلوس.... كثر منننهاااا:nice:

Northman

12-12-2009, 08:20 PM

`القطري يعتبر مصدر رزق لاي وحده مش قطريه
باختلاف الجنسيات يعني ماتبيه لاخلاقه ولا سواد عيونه
تبي فلوسه,تبي واحد كدادا لها ولهلها

Sharshooooor

12-12-2009, 08:23 PM

`القطري يعتبر مصدر رزق لاي وحده مش قطريه
باختلاف الجنسيات يعني ماتبيه لاخلاقه ولا سواد عيونه
تبي فلوسه,تبي واحد كدادا لها ولهلها

هههههههههههه

اي والله صاج ذكرتني بسالفة واحد بتزوج وحده وشروطها راتبها كله لاهلها وهو يصرف عليها من الالف للياء

قلت له قولها عيل مافي شغل وخلج بالبيت :nice:

ANONYMOUS

12-12-2009, 09:38 PM

ههههههههه انا مستغرب من المقارنه اصلا" بين القطريه والاجنبيه>>الله يهديك بس

انا شايف شباب في سيلين يتمشون وكل واحد راز له فلبينيه قدام ويستعرض :)

لاتظلم الريال

يمكن خدامتهم .. عشان تنظف الموتر بعد الاستعراض

:p

مستقلة

12-12-2009, 10:02 PM

موضوع ليس له اهمية للنقاش عليه
والبنت القطرية مايهمها الريال اللي يبيها سهلة ة جرلفرند
القطرية تبي زوج و رجل بمعنى الكلمة بالحلال

unless

12-12-2009, 10:03 PM

اولاً: خل نسمي الاشياء بمسماها بلا صداقة بلا قيرل/بوي فرند
وأن نتيجة مثل هذه العلاقة زنا محرم (ولا تقربوا الزنا...)
والمسألة واضحة متى ما انعدم الدين ومراقبة الله في نفس الواحد
فتوقع منه ماهو اسوأ فالاصل هو تقوى الله..
اما البنت بشكل عام بغض النظر عن جنسها وجنسيتها متى ماغاب
عنها الاصل اعلاه ومشت في هالطريق تكون امتهنت اقدم مهنة في
التأريخ والمبدأ انتي كدي والتعب على الحمار..وياكثر الحمير.
بعدين ايش جاب الميثاق الغليظ والرباط المقدس بين شريفين حرائر
ومقارنتها مع زاني وزانية مجاهرين بالمعصية
وبصراحة صادفت بعض هالحالات والله من شاف وجيهم قال الله
يخلف ..ليتهم ارقدوا ذيك الليلة.
إن شاء الله مايكون الهدف بس كثرة الردود..تحياتي

bobdeeer

12-12-2009, 11:16 PM

جزااك الله خير

ورزقنا واياكم حسن الخاتمة ..

lobna123

12-12-2009, 11:28 PM

اعتقد زواج البعض من اجنبيات بسبب غلاء المهور
ام الجيرلفريند فهذه مصيبة

نااااني

12-12-2009, 11:38 PM

عليهم بالعافيه....
وكل ساقط له لاقط.............

بوخالد911

12-12-2009, 11:44 PM

الغلط من بعض الشباب

اليوم كنت في فلاجيو

وللأسف قطري ماشي مع وحده عربية
لا حيا ولا مستحا ؛ بس لابسه عباية والشعر كااشف
وضحك بصوت عالي

الله يخسف بهم الأرض

بوحارب

12-12-2009, 11:46 PM

مثل ما قالت ناني كل ساقط وله لاقط الله لايبلانا

3beed

12-12-2009, 11:51 PM

الله يهديهم لما فيه الخير ويصلحهم

فارس قطر333

13-12-2009, 12:05 AM

لا واكثر شي والله الاجانب اللي من شرق اسيا

الفلبين وغيرها

كل واحد تشوفه في السياره وياه ولا في مجمع ولا في مطعم

واللي يمشي وياها ما يحاسب من كلام الناس اللي راح اجيه

واحد 11

13-12-2009, 12:12 AM

الله يهديهم .. الاسباب قلة الوازع الديني والاستهتار امام الناس والمباهاة بأفعالهم الشاذة والغريبة على مجتمعنا وديننا

بوخالد911

13-12-2009, 12:14 AM

لا واكثر شي والله الاجانب اللي من شرق اسيا

الفلبين وغيرها

كل واحد تشوفه في السياره وياه ولا في مجمع ولا في مطعم

واللي يمشي وياها ما يحاسب من كلام الناس اللي راح اجيه

والعنن بعد

:secret::eek5::eek5::eek5::secret:

قطريه فلته

13-12-2009, 01:05 AM

و القطريه الي تمشي مع اجنبي

وكراوي

13-12-2009, 07:54 AM

ان لم تستح فافعل ماشئت

لاحول ولا قوه الا بالله

الله يهديهم ويصلحهم

الخارجية

13-12-2009, 08:20 AM

بنت ابلاد وبس
في اعتقادي مب كل الناس مثل هذا الشخص المذكور اعلاه .. اللي يبغي يخربط اكيد ما راح يخربط قدام الناس يمكن هذا الرجال يدرس في مدارس اجنبية عادي

شبح الصمت

13-12-2009, 08:22 AM

omen
كمستكا مابوتي

بوخالد911

13-12-2009, 08:35 AM

و القطريه الي تمشي مع اجنبي

صااارت؟؟!؟؟

:omg::eek5::eek5::omg:

بنت ابوها 19

13-12-2009, 08:37 AM

العيب في الاثنين

...

شبح الصمت

13-12-2009, 08:39 AM

اي الله يرحم ايام اول
:weeping::weeping::weeping:

شبح الصمت

13-12-2009, 08:44 AM

ولد القبايل والعرب ايا كان قطري او عربي من اي اصل والي يخاف على سمعته ويعرف السنع ما ظنتي بيتمشى وفي يده وحده ما ترتبط معاه بأي صلة قرابه ... وبيخاف اولا من رب العالمين وثانيا من كلام الناس ونظراتهم لانه الدوحة صغيره وكلا يعرف الثاني

Ghost

13-12-2009, 08:46 AM

العيب في غلاء المهور والعيب ايضاً في ضعاف النفوس والابتعاد عن الدين ومنهجه وعدم صلاة الفجر وعدم التقيد باداب الاسلام

حـــنـــان

13-12-2009, 08:47 AM

بك.. لين الحين في شباب يمشون مع فلبينيات ..اخبر ذاك اول قايم سوقهم ايام الثمانينات وبداية التسعينات..
مع بداية الالفية غيرو..بس يبط الجبد اللى يقط خرابيطة على غلاء المهور طيب تزوجها هذي اللى ماتحب الفلوس ولا الصرف ..خلص انحل المشكل

الصريحه

13-12-2009, 10:15 AM

لاحول ولاقوه الا بالله
زنا صرااااااااااااااااااااحه
وجاهرررررررررررررررررررررررررررررررررررررررررررررر ررررررررررررررره وحرااااااااااااااااااااااااااااااااااااااااااااااا اااااااااااااااااااااااااااااااااامممممممممممممممم مم:(:(:(:(

abn qatar

13-12-2009, 10:26 AM

العيب في الاثنين من الطرفين تحصل الوحده سواء قطريه او غير قطريه تمشي مع واحد حتى

يصرف عليها حتى لو تفقد احترامها او شرفها والشاب كذلك يمشي مع وحده سواء قطريه او غير

قطريه ويمكن غير قطريه اكثر لان تطلع وفري عندها وعادي يصرف عليها بشرط يستانس معاها

babyskin

13-12-2009, 10:53 AM

اجنبية ما تبي فلوس من قطري

صراحة غريبه

هي ليش متعرفه على قطري الالفلوسه

Me&OnLy

13-12-2009, 11:24 AM

صراحه وبدون زعل ياصاحب الموضوع موضوعك سلبي اكثر منه ايجابي تقبل مروري

Bluetooth

13-12-2009, 12:33 PM

مشكور اخوي

انا شخصياً لو لقيت الحب من اجنبية وهي صادقة ليش لا هو قصب احب قطرية

الزين مالة بلد مجرد راي شخصي

المسا

13-12-2009, 12:39 PM

الله يسامحك اجنبيه لا ديانه و لا عقيده صادقه تصدق لو قايل وفيه بعد ما كنت بسامحك ..

شجرة الدر

13-12-2009, 12:41 PM

(جمال وصادقة وماعندها خدع ولا تفكير بالفلوس)

هالجمله ذكرتني بالانسان اللي يكذب ويصدق كذبته ،،

الله يهدي الجميع ،،

alqtri

13-12-2009, 12:57 PM

كان قلت لرفيجك يتزوج له اجنبيه وخذها تجربه فيه وشوفه اذا طول معاها شهر او شهرين وبيطلقها

قال اجنبيه قال يارجال هذول اللي يماشون اجنبيات بو 200 ريال لليله معروفين خربو البلاد الله لايبارك فيهم

وهالامراض ماجاتهم الا من هالاجنبيات الوصخين

قال الاجنبيه ماتبي فلوس اي قنوعه الاجنبيه صح هههههههههههههههههههههههههههه

خله يكثر منها والله الاجنبيه لو على 5 ريال تسحبها من مخباك قالي ماتبي فلوس

مثل ماقالو الربع اهم شي انها راكبه في سياره ويمشونها وتتعشى ببلاش وتشرب ببلاش بعد هذا كفايه

واتحداك يعشيها عشى بـ 500 وبـ 1000 ريال واخوانه وخواته لو قالو له عطني 100 ريال قال لهم ماعندي

يارجال خلهى على ربك بس القطريه لو طلقتها بتصونك وبتصون عيالك لكن الاجنبيه بتخليك تراكض

تربي عيالك واذا بتاخذهم تربيهم بتربيهم تربيت شوارع الله يعزكم والا انا غلطان ؟؟؟

Sharshooooor

13-12-2009, 02:22 PM

كان قلت لرفيجك يتزوج له اجنبيه وخذها تجربه فيه وشوفه اذا طول معاها شهر او شهرين وبيطلقها

قال اجنبيه قال يارجال هذول اللي يماشون اجنبيات بو 200 ريال لليله معروفين خربو البلاد الله لايبارك فيهم

وهالامراض ماجاتهم الا من هالاجنبيات الوصخين

قال الاجنبيه ماتبي فلوس اي قنوعه الاجنبيه صح هههههههههههههههههههههههههههه

خله يكثر منها والله الاجنبيه لو على 5 ريال تسحبها من مخباك قالي ماتبي فلوس

مثل ماقالو الربع اهم شي انها راكبه في سياره ويمشونها وتتعشى ببلاش وتشرب ببلاش بعد هذا كفايه

واتحداك يعشيها عشى بـ 500 وبـ 1000 ريال واخوانه وخواته لو قالو له عطني 100 ريال قال لهم ماعندي
يارجال خلهى على ربك بس القطريه لو طلقتها بتصونك وبتصون عيالك لكن الاجنبيه بتخليك تراكض

تربي عيالك واذا بتاخذهم تربيهم بتربيهم تربيت شوارع الله يعزكم والا انا غلطان ؟؟؟

والله جبتها
وبالنسبة للتربية عادي بكرة عيالك مايزورونك الا في عيد ال Father Day :nice:

~ نســـايم ~

13-12-2009, 02:31 PM

والله اكبر عيب يصدر من عيال البلد لما يتكلمون بالشينة عن بنات بلادهم وفيهم الام والاخت وكل انواع الاقارب وفي من البنات الستيرات المحتشمات المتربيات العفيفات ويقول في النهاية الاجنبية احسن لي من كل النواحي عجل بنت بلادك المحتشمه العفيفه تخليها ضحية للعنوسة بهالحجج الواهية ؟؟ اتقوا الله في انفسكم و اللي ينقذ فتاة بلاده من العنوسة ومن الوقوع في اي انحراف ابرك بألف مره من انه يفكر ياخذ انسانه غريبه بعاداتها وتقاليدها وفي بعض الاحيان بدينها حتى !! لا انتقص من قدر اخواتنا الاجانب ولكن تظل بنت البلد الاولى في الزواج واما الرفجه فاستغفر الله العظيم ونقول الكلمة المعهوده والمشهورة الطيور على اشكالها تقع ولكل ساقط لا بد من لاقط فلا حول ولا قوة الا بالله العلي العظيم اللهم اجرنا في مصيبتنا واخلفنا خيرا منها ,, اللهم اهدِ الضالين من عبادك يا ارحم الراحمين ,,

والسلام عليكم ورحمة الله وبركاته

Mr.Mohammad

13-12-2009, 02:37 PM

اعجبتني كلمه اخوي حد الكلمة فعلا كل ساقط وله لاقط..

انا بعد من كم يوم كنت واقف عند سوبرماركت استغربت من شاب قطري و تمشي جنبه فلبينية لفت انتباهي قربها منه قلت يمكن خدامتهم بس قربها و شعرها و لبسها شككني !!

اشوي الا هي راكبه مع الاخ جدااام..

شي غريب!

الف شكر لك اخوووي خالد..

الله يحفظنا و يستر على امتنا..

بنت^البحرين1

13-12-2009, 02:59 PM

`القطري يعتبر مصدر رزق لاي وحده مش قطريه
باختلاف الجنسيات يعني ماتبيه لاخلاقه ولا سواد عيونه
تبي فلوسه,تبي واحد كدادا لها ولهلها

اخوي اسمح لي كلامك مب دقيق .. يعني فرضا القطارة اللي ياخذون بحرينيات ، يدورون الفلوس بس ؟؟ والا هو يدور رخص المهر ؟؟ من اللي يدور الثاني في هالحالة ؟؟
لاتعمون بكلامكم عشان بس بنت بلادكم .. في كل مكان فيه الزينه وفيه الشينة سواء قطرية والا بحرينية والا مصرية والا وش ماكانت .. وليش كل القطارة فلوسهم مغرقتهم ؟؟ بعد في شباب عايشين على الجيرل فريند ويشترون لهم سيارات ويأكلون ويشربون فيهم .. لاتظنون الشين بس حواليكم وعندكم مافي شي .. اللي ماترضونه على انفسكم لاترضونه على غيركم اخوي

أم الحلووين

13-12-2009, 03:12 PM

الله يحفظ عيالنا ويهدي شبابنا وشباب المسلمين...

بنت^البحرين1

13-12-2009, 03:16 PM

صااارت؟؟!؟؟

:omg::eek5::eek5::omg:

بوخالد .. قبل فترة بسيطة زارتني رفيجتي قطرية ووديتها السيف تتسوق ونتمشى دشت هي محل وانا قاعده انطرها تخلص ، اشوي الا مار علي قطري ومعاه بنت( وبقول الصراحه والصج اول مايا في بالي انه قطري وهي بحرينية طالعه معاه).. نار اطبخت في قلبي اقول قص عليها وجدام الله وخلقه وليلة اجازة وتضحك والمكياج صابغ الويه والقذله والحاله حاله وهو ماسك يدها ويا دنيا انهدي ماعليكي ادي .. المهم خلصت رفيجتي وتونا نتمشى الا تشهق ذيج الشهقه .. اقولها شفيج ؟؟ تقولي هذي فلااااااااانه شاييبها البحرين ؟؟( لانها عارفة ضروفها انها ماتقدر تسافر) ( اخرتها الطيبة مسافرة مع الصاحب ويايية البحرين يتمشون على بالهم محد بيعرفهم ؟؟؟ ويوم انتبهت ان رفيجتي شافتها ، ونادتها هو راح بعيد وهي يات تسلم منعفسه الوانها بسرعه وراحت !

مب بس عندكم هالشي ،، عند الكل .. الحين موضة هالايام بس اعتقد اللي ماسك البنات اللي عندنا قلة الفلوس والا لو عندهم فلوس كان ماشفنا غير غبرتهم

الله يهدينا ويهديهم ان شاءالله ويهدي أمة محمد أجمعين

ملسونه

13-12-2009, 03:18 PM

اول شي انت قلت حركات البنات

مرتين

وتقصد الشباب

ثاني شي

تعرف على قطريه وطلع معاها ولا اجنبيه

كله حرام في حرام

واخر سؤال

هل العيب في الشباب ام ( (( البنات ))))

شدخل البنات؟؟؟

يعطيك العافيه

مارسيلا

13-12-2009, 04:03 PM

متابعة

ريم المدينة

13-12-2009, 04:55 PM

كان قلت لرفيجك يتزوج له اجنبيه وخذها تجربه فيه وشوفه اذا طول معاها شهر او شهرين وبيطلقها

قال اجنبيه قال يارجال هذول اللي يماشون اجنبيات بو 200 ريال لليله معروفين خربو البلاد الله لايبارك فيهم

وهالامراض ماجاتهم الا من هالاجنبيات الوصخين

قال الاجنبيه ماتبي فلوس اي قنوعه الاجنبيه صح هههههههههههههههههههههههههههه

خله يكثر منها والله الاجنبيه لو على 5 ريال تسحبها من مخباك قالي ماتبي فلوس

مثل ماقالو الربع اهم شي انها راكبه في سياره ويمشونها وتتعشى ببلاش وتشرب ببلاش بعد هذا كفايه

واتحداك يعشيها عشى بـ 500 وبـ 1000 ريال واخوانه وخواته لو قالو له عطني 100 ريال قال لهم ماعندي

يارجال خلهى على ربك بس القطريه لو طلقتها بتصونك وبتصون عيالك لكن الاجنبيه بتخليك تراكض

تربي عيالك واذا بتاخذهم تربيهم بتربيهم تربيت شوارع الله يعزكم والا انا غلطان ؟؟؟

:victory::victory::victory::victory:

رفيق الغيم

13-12-2009, 07:54 PM

اول شى الذى يقومون بهاى الشى ما عندهم وازع دينى اما مساله الزواج اذا الريال نوى يتزوج بنيه صادقه فان الله سبحانه وتعالى بيسر له الاموار كلها اما عذر الديون (سلفيات) غير مقبول واثبت كلامى ليه الشاب عندما ينوى يشترى سياره يشتريها وكلها سلفيات ليه ما يكون حماسه للزواج نفس حماسه لشراء السياره وهاى وجه نظرى فقط ولا احكم على الاخرين

رفيق الغيم

13-12-2009, 08:06 PM

شدددخل !!

تبي تقنعني ان القطريات هم اللي يبون فلوس ! :eek5:

والاجنبيه تبي حب .. من واحد ..لا هو من عاداتها ولا تقاليدها ولا دينهاا:eek5:

الحمدلله القطريات مب قاصرهم شي !!

وبعدين اذا من صجه يدور ع الحب !!

خله يتزوج .. ويعيش حياته مع زوجته

ئال حب صادق ئال .. !:eek5:

,,

حناان .. ههههه توقيعج ضحكني ..

احسه له علاقه بالموضوع ههههههههههههههههههههههه

http://www.photoslinks.com/index.php?option=com_joomgallery&func=watermark&catid=3&id=70&itemid=2

^^^^^^

خلهم يسرحون ويمرحون ع كيفهم نفس اللي بالصورة هههههه

هههههههههههههههههههههه

باجر بيتحسفون والله ..

هالاجانب مااوراهم غير الامراض والبلاوي

:(

,,,,

يعطييك العافيه اخوي خالد

واحييك على غيرتك على عيال بلادك

:)

انا اويد كلامج القطريه ما تفكر من الناحيه الماديه وانما تفكر بان يكون شريك حياتها رجل بمعنى الكلمه

Sharshooooor

13-12-2009, 08:25 PM

ياجماعة
كل ديرة وفيها مقبره يبا
وادري كل واحد يرى الموضوع بالجانب اللي شافة اوعايشة ومر عليه

لايعني ان على سبيل المثال نصبت عليك قطرية وخذت منك فلوس انهم كلهم نفس الطينه
ونحاول ياجماعة بعدم الشتهير بالجنسيات مثل ماقريت بالسابق
ونقول اللي يمشي ومعاه صديقته اجنبية او قطرية واللي تمشي ومعاها صديقها اجنبي او قطري

الله يهديكم واللي تسوونه غلط
والله يستر عليكم

MeMe MoOoON

13-12-2009, 09:21 PM

الله يهدي الجميع

bntqtr

13-12-2009, 10:44 PM

يا ماما الاجنبيات قبل ما يشوفونك يشوفون مخباك شتفسر بنات اجنبيات يشتغلون في نفس المكان مع القطرية

وعليه القطرية مطلعه سيارة بالغصب قسط وحالة والاجنبية كاش وافخم سيارة وواسطات وحاله عندها

شباب قطر ما يبون السندارة يبون شي فري يكون عندهم وسهل وغلاء المهور مش دافع لانه اذا الرجال نوا

الله ييسر له وكل واحد يدور الناس اللي يبون الستر مش اللي تشترط مهر وحالتها حاله هي خلت مصيرها

عالفلوس والفلوس تروح وتجي

رفيق الغيم

13-12-2009, 10:57 PM

[QUOTE=bntqtr;5216442]يا ماما الاجنبيات قبل ما يشوفونك يشوفون مخباك شتفسر بنات اجنبيات يشتغلون في نفس المكان مع القطرية

وعليه القطرية مطلعه سيارة بالغصب قسط وحالة والاجنبية كاش وافخم سيارة وواسطات وحاله عندها

شباب قطر ما يبون السندارة يبون شي فري يكون عندهم وسهل وغلاء المهور مش دافع لانه اذا الرجال نوا

الله ييسر له وكل واحد يدور الناس اللي يبون الستر مش اللي تشترط مهر وحالتها حاله هي خلت مصيرها

عالفلوس والفلوس تروح وتجي[/QUO
الى يبون الستر وايد لكن كيف الوصول اليهن ومعرفتهن

رفيق الغيم

14-12-2009, 10:55 PM

اللى يسونة بعض الشباب من تعارف باجنبيات او قطريات حرااااام لايجوز هو لو يخاف الله ماسوة كذا.. بعدين مو كل خطأ يسوية القطري قطيتوة على القطرية..هذا عذر اقبح من ذنب ..هالسوالف موجودة من زمان ..بس اللى متربي على الدين والاخلاق مايسويها ..يعرف اشلون يعصم نفسة حتى لو ماتزوج
هو مستانس لان مافي عيال ولا مسؤولية ...في بعض الشباب الله يهداهم مهب قد المسؤولية وبالعكس يروح بعيد بخراببيطة احسن من ان ياخذ بنت ناس متربية تبتلش فية وبفضايحة..الطريج اللى اسلكة هذا الشاب يناسبة جدا

صح لسانج

سوبر

15-12-2009, 12:01 AM

هل العيب في الشباب ؟؟

طبعن في الشباب ...بعدين الاجنبيات موتهم الفلوس ....ولا من معيشهم في الدوحه غير شبابنا...

وبعدين ع بالك طالعه معاه ببلاش ... إلا بفلوس ..

حكمتهم .. (عطني اللي عندك من فلوس .. وأخذ اللي تبيه مني)...

شلي مكبر راسهم علينا..اللي عندها رنج.. واللي عندها كيان..إلا من فلوس إللي يصرف عليهم...

مش معقدة مثل القطريات وصريحة وماتبي فلوس بس تبي حب استغربت قلت لة حرام والله مو زين...

وماتبي فلوس بس تبي حب << إلا العكس .. تبي فلوس بتحصله من شباب قطر..

تبي حب عند ولد بلادها....

.........................................

:nice::nice::nice::nice::nice::nice:

بدون

15-12-2009, 12:08 AM

لا حول و لا قوة إلا بالله
وصلنا لآخر الزمان و أصبحت المجاهرة بالمعصية عادية
و بعدين (القطرية معقدة؟؟؟؟ من أي ناحية؟؟؟ من ناحية أنها تريد الزواج و الاستقرار و الإخوان الشباب يبون يلعبون على كيفهم لين يتعبون و بعدين الواحد منهم يدور قطوة مغمضة ما تعرف هالسوالف
جان ذكرته أخي الكريم : كما تدين تدان ،،، و وهذا كله دين يشيله لين يوم القيامة و يمكن يشوفه في أهله في المستقبل، سواء كانت قطرية أو غيرها . و الدين مردود
الله يحفظ عيالنا و عيال المسلمين من هالأفكار الهدامة التي بدأت تنتشر مثل النار في الهشيم
إنا لله و إنا إليه راجعون<<< لقد ماتت النخوة في الرجال و أصبحوا بدون حمية لأنهم رضوا أن يمشوا في مثل هذا الطريق فلينتظروا ما سيأتيهم من مصائب .

وليف قطر

15-12-2009, 12:11 AM

كل واحد ينام ع الجنب اللي يريحه

المغروره

15-12-2009, 12:17 AM

لاتحسبن الله غافلان عما يفعله الظالمون
ايه قراانييه
الكل محاسب قدام ربه سواء قطريه او قطري او اي شخص
اللهم امنعنا من بنات الحرام وعيال الحرام

هبوب الشمال

15-12-2009, 01:12 AM

حراااااااااااااااااااااااااااام

والله حراااااااااااااااااااااااااام

شفت منهم وايد في كل مكان يصادفوني

وكل مره اقول لا يمكن زوجاتهم

بس مبين من عيونهم اللي تتلاقط

انهم والعياذ بالله من زوجاتهم

الله يهديهم بس

ويارب لا تبلي عيالنا ولا عيال المسلمين

هبوب الشمال

15-12-2009, 01:15 AM

[الى يبون الستر وايد لكن كيف الوصول اليهن ومعرفتهن

تلقاهم دانات وسط المحار في قاع البحر ساتر عليهم

ودانات قطر مب قلايل

دورو وأسالوا عن الناس الطيبين وبتلقون عندهم احلى الدانات

unless

15-12-2009, 12:59 PM

لاتحسبن الله غافلان عما يفعله الظالمون
ايه قراانييه
الكل محاسب قدام ربه سواء قطريه او قطري او اي شخص
اللهم امنعنا من بنات الحرام وعيال الحرام

مع ثقتي بطيب النية ألا أن الأيات القرأنية تستلزم التأكد
فالأية اعلاه ( ولا تحسبن الله غافلا عما يعمل الظالمون..)
واللهم ااامييييين على الدعاء الجميل.

همس

15-12-2009, 01:12 PM

اولا .. اشكر صاحب الموضوع
ثانيا .. اقول شباب خلو عنكم العذر السخيف "غلاء المهور"
يعني الحين عندك تشتري سياره ب 200 الف ولا 300 الف عادي عندك
بس لين جيت تخطب وقالو لك المهر 100 ولا 200 الف قلت لا المهر غالي
وبس هاذي حجتكم لين حد سئلكم ليش تخربطون
صراحه شي عجيب

أمة الله

15-12-2009, 01:13 PM

يروح يشوف لة جيرل فريندز ابرك جمال وصادقة وماعندها خدع ولا تفكير بالفلوس>>>>> بلا ما يكثّر كلام فااااضي

رفيق الغيم

15-12-2009, 06:15 PM

اولا .. اشكر صاحب الموضوع
ثانيا .. اقول شباب خلو عنكم العذر السخيف "غلاء المهور"
يعني الحين عندك تشتري سياره ب 200 الف ولا 300 الف عادي عندك
بس لين جيت تخطب وقالو لك المهر 100 ولا 200 الف قلت لا المهر غالي
وبس هاذي حجتكم لين حد سئلكم ليش تخربطون
صراحه شي عجيب

كلام صحيح هاى الى نقوله من زمان الى ناوى على العرس بيعرس اهم شى النيه والله بيسهل الباقى

رفيق الغيم

15-12-2009, 06:17 PM

تلقاهم دانات وسط المحار في قاع البحر ساتر عليهم

ودانات قطر مب قلايل

دورو وأسالوا عن الناس الطيبين وبتلقون عندهم احلى الدانات

بل ليه معصبه ما قلت شى غلط

شموخ وبس

15-12-2009, 09:15 PM

اللى يسونة بعض الشباب من تعارف باجنبيات او قطريات حرااااام لايجوز هو لو يخاف الله ماسوة كذا.. بعدين مو كل خطأ يسوية القطري قطيتوة على القطرية..هذا عذر اقبح من ذنب ..هالسوالف موجودة من زمان ..بس اللى متربي على الدين والاخلاق مايسويها ..يعرف اشلون يعصم نفسة حتى لو ماتزوج
هو مستانس لان مافي عيال ولا مسؤولية ...في بعض الشباب الله يهداهم مهب قد المسؤولية وبالعكس يروح بعيد بخراببيطة احسن من ان ياخذ بنت ناس متربية تبتلش فية وبفضايحة..الطريج اللى اسلكة هذا الشاب يناسبة جدا

تعجبني والله ردج حلو اي خلهم بوصاختهم حدهم الفلبينيه او الاجنبيه ولو يبون سيريلانكيه البق تلقاه اساسا امغرقها هدايا ومستحيل
في الدنيا مايحبون الفلوس ومن قال انا احنا انحب الفلوس احنا انحب اللي يقدرنا ويحبنا وبنعطيه اكثر من الاجنبيه قال مايحبون الفلوس اقول لايكثر بس