ختان مستشفى الولادة إلى متى؟ [الأرشيف] - منتديات شبكة الأسهم القطرية

المقهوره

13-12-2009, 08:32 AM

السلام عليكم ورحمه الله وبركاته

أبي افهم احنا في اي قرن

ليش إلا الآن ما في اطباء متخصصين في ختان الاولاد حديثي الولاده بمستشفى الولادة.

يعني نقول حالتين ثالثه اربعه خطأ بالختان بس مب الاغلبيه .

هذا وهي دوله مسلمه ليش الخطأ بالختان.

بصراحه قسمن بالله ان الواحد صار يخاف اول مايقولون في بطنك ولد او شي تحاتيه

مسأله الختان هل بيكون اوكي ولالا؟؟؟؟

عذبتوا عيالنا يا مستشفى الولاده شوفوا لكم حل؟

خاطري احد ينقل هالموضوع لاحد الجرائد حرام والله الي يصير

واذا غلطوا قالوا انطري لين الجرح يطيب شوي وبنسوي له ختان ثاني؟؟

ليش فأر تجارب هالطفل وفي منطقه جدا حساسه الواحد يخاف يغامر فيها

غير البشر

13-12-2009, 08:35 AM

الله يعينكم اختي

مستشفى حمد للأسف مافيها حد يشتغل بذمه وظمير

انا ولدي عمره اسبوع وختنوه ثاني يوم

بس الولاده والختان كان في المستشفى الاهلي

لاني بصراحه انعدمت ثقتي في مستشفى حمد

سلامي للـــ 60 شهاده مزوره :nice:

شبح الصمت

13-12-2009, 08:37 AM

ترى الأخطأ بسيطه الي نسمعها عن الختان وفي ناس تتأخر في الختان وتخلي عيالها لين يتعدون السنه والسنتين وثلاث هي الي نسمعه ومادري عاد .. توكلي على الله والي الله كاتبه له .. او شوفي سألي عن احسن نيرس تختن وطلبيها وفكي نفسك ..
ومبروك لكل شخص رزق بطفل او طفله حلووووين ينورون حياتهم ويسعدونهم في هالدنيا،، ولكل شخص الله ما ارزقه وخذه منه هالطفل يكون شفيع لوالديه يوم القيامه ان شاء الله

Ghost

13-12-2009, 08:40 AM

السلام عليكم ورحمه الله وبركاته

أبي افهم احنا في اي قرن

ليش فأر تجارب هالطفل وفي منطقه جدا حساسه الواحد يخاف يغامر فيها

فعلاً يجب الحذر كل الحذر

بوعمير

13-12-2009, 08:55 AM

أختي المقهورة، مستشفى النساء سمعته السيئة سابقته، عموماً في جراح في مستشفى عيادة الدوحة نسيت اسمه وتكلفة عملية الختان 500 ريال ها الكلام سنه 2005 ، تستاهلون السلامة ومبروك ما جاكم وعسى الله يكتبه من الصالحين البارين بوالديهم.

شموخ قطريه

13-12-2009, 09:31 AM

مبروك ماجاكم اول شي وعساه يقوم بالسلامه

انشاء الله صوتج يوصل للجهات المختصه

الصريحه

13-12-2009, 10:11 AM

ولد اختي بعد اختنوه غلط
والحين عمره 9 شهور واختي ناويه تعيد ختانه
من المسؤوووووووووووووووووول؟
وليش مافيه عقوبه

فتى الدوحة

13-12-2009, 10:15 AM

رسالة نوجهها إلى وزير الصحة
وأتمنى من إدارة المستشفى إنها تنتبه إلى هذا الموضوع

المقهوره

13-12-2009, 10:17 AM

هذه المصيبه مافيه احد مسؤول

وولد ولد عمي ختنوه خطأ من سنه تقريبا وانعاد ختانه في عياده الدوحه

وشكلنا بنعيد ختان هالمسكين في عياده الدوحه حسبي الله عليكم يامستشفى الولاده

المقهوره

13-12-2009, 10:19 AM

المصيبه ان مافيه مختصين بالولاده

يقولون الي يعرفون يختون هم الجراحين في مستشفى حمد العام ولازم انهم يطلبون دكتور من المستشفى

مب دكاتره او نيرسات مستشفى الولاده لان هذا مب اختصاصهم

مستجدة

13-12-2009, 10:37 AM

انا ولد اخوي انولد بشهر ثلاثه مارس الماضي عملوا له عمليه ختان فاشله والان مب عارفين
شنو نعمل الصبي عضوه الذكري داش على دخل حتى مب قادر اعزكم الله ان يتبول بشكل طبيعي
ومعرف من المسوؤل واذكر كان فيه اكم اخت تشتكي من نفس التاريخ اللي ذكرته يبدو انه نفس الممرض اللي عمل حق ولد اخوي

شنقول غير حسبي الله ونعم الوكيل

سلمى76

13-12-2009, 10:51 AM

:omg::omg::omg:

مش فاهمة يعني اللي بيختنوا الممرضات ؟؟؟؟؟؟؟؟؟؟؟؟؟؟

دي مصيبة

اللي اعرفوا ان الختان المفروض يكون عند جراح

الله يستر

أنا حامل وما عرفت نوع الجنين بس ده شي يخوف

بلاهويـــــة

13-12-2009, 10:59 AM

لا حول ولا قوة الا بالله العلي العظيم

المقهوره

13-12-2009, 11:01 AM

هذه المصيبه انهم يستهينون بالموضوع ويخلون اي دكتور متدرب يسويها

مع انها المفروض يكون عند دكتور ذو خبره هالشي مب سهل

يمكن يتوقف على مستقبله اذا كبر ...

العلم الوكاد

13-12-2009, 11:03 AM

بصراااحة انا وكل اللي حوالي

تم ختان ابناءهم من اول ثلاث ايام

والام لازالت بالمستشفى ولا واجهوا اي مشاكل

جزاكم الله خير

غير البشر

13-12-2009, 11:04 AM

هذه المصيبه انهم يستهينون بالموضوع ويخلون اي دكتور متدرب يسويها

مع انها المفروض يكون عند دكتور ذو خبره هالشي مب سهل

يمكن يتوقف على مستقبله اذا كبر ...

اختي المقهوره موضوع الختان وموضوع الولاده نفس ماتقولين اشياء متكرره وروتينيه

المفروض يكون عارفينها وماتكون فيها اخطاء

لكن مب عارف ليش الاخطاء تتكرر

بخصوص الولاده يوم جاني اولدت زوجتي كان في خطأ في عمليه الولاده

اظطريت اجراء لها عمليه جراحيه في المستشفى الاهلى من يتحمل هذا الخطأ

وهذا السبب الي خلاني اجري عمليه الولاده الاخيره في الاهلي بسبب انعدام الثقه في حمد

مارسيلا

13-12-2009, 11:25 AM

لا حول ولا قوة الا بالله

المقهوره

13-12-2009, 11:28 AM

بصراااحة انا وكل اللي حوالي

تم ختان ابناءهم من اول ثلاث ايام

والام لازالت بالمستشفى ولا واجهوا اي مشاكل

جزاكم الله خير

فيه نسبه كبيره ماواجهت مشاكل

بس النصيبه البسيطه وش ذنبها

المقهوره

13-12-2009, 11:29 AM

اختي المقهوره موضوع الختان وموضوع الولاده نفس ماتقولين اشياء متكرره وروتينيه

المفروض يكون عارفينها وماتكون فيها اخطاء

لكن مب عارف ليش الاخطاء تتكرر

بخصوص الولاده يوم جاني اولدت زوجتي كان في خطأ في عمليه الولاده

اظطريت اجراء لها عمليه جراحيه في المستشفى الاهلى من يتحمل هذا الخطأ

وهذا السبب الي خلاني اجري عمليه الولاده الاخيره في الاهلي بسبب انعدام الثقه في حمد

بكم الولادة بالاهلي؟

الدمعه

13-12-2009, 11:40 AM

والله حالتنا صعبه مع هالناس .. ولد اختي ختنوه غلط وتكلمنا من اول مره ان غلط..

لكن الدكتور العمي يقول عاديويقول حق اختي شوفي كل شي تمام وهو يرد الجلده على ورا

وتهاوشت امي معاه لانها كانت ممرضه من قبل وتعرف شلون يسون هالعمليه وتقول

سهله بس هم ماعندهم خبره ويمكن الممرضه مب مسلمه اللي تختن فهم عادي عندهم

هالقذاره..ورد عليها بكل وقاحه يقول انتي ممرضه قديمه والعلم تتطور ..المهم انها ختنته

في عياده الدوحه وبعد غلط.. واللحين الولد في التمهيدي والله العالم متى بيعدلون له الختان..

المقهوره

13-12-2009, 11:45 AM

حشى حشى

قلنا كانت وزاره وكل شي خربطيشن ومافيه تنظيم

ويوم صارت هيئه قلنا ابشروا بالخير كل شي بيتعدل

اشوف بصراحه هيئه ولا وزاره نفس الشي ماتغير شي ابدا

غير البشر

13-12-2009, 11:46 AM

بكم الولادة بالاهلي؟

الولاده : 9000 ريال

العنايه بالطفل مع الختان : 1400 ريال

سعر الغرفه على حسب نوع الغرفه

وفي امور بسيطه اخرى

بوخالد911

13-12-2009, 11:47 AM

السلام عليكم ورحمه الله وبركاته

أبي افهم احنا في اي قرن

ليش إلا الآن ما في اطباء متخصصين في ختان الاولاد حديثي الولاده بمستشفى الولادة.

يعني نقول حالتين ثالثه اربعه خطأ بالختان بس مب الاغلبيه .

هذا وهي دوله مسلمه ليش الخطأ بالختان.

بصراحه قسمن بالله ان الواحد صار يخاف اول مايقولون في بطنك ولد او شي تحاتيه

مسأله الختان هل بيكون اوكي ولالا؟؟؟؟

عذبتوا عيالنا يا مستشفى الولاده شوفوا لكم حل؟

خاطري احد ينقل هالموضوع لاحد الجرائد حرام والله الي يصير

واذا غلطوا قالوا انطري لين الجرح يطيب شوي وبنسوي له ختان ثاني؟؟

ليش فأر تجارب هالطفل وفي منطقه جدا حساسه الواحد يخاف يغامر فيها

هلا بج

حليين

1 - رفع الموضوع لوزير الصحة
والاصرار ع مقابلته

2 - مخاطبة الصحافة لنقل موضووعج

لا تتكاسليين
بورك فييك
:nice::nice::nice:

مسيوو/ بوخالد911

s4qatar

13-12-2009, 12:04 PM

أحسن مكان لعملية الختان ( وعن تجربة ) هو عيادة الجيش ... إذا عندك حد هناك توكلي على الله

المقهوره

13-12-2009, 01:01 PM

أحسن مكان لعملية الختان ( وعن تجربة ) هو عيادة الجيش ... إذا عندك حد هناك توكلي على الله

ماعندنا احد بالجيش للاسف

فتى الدوحة

13-12-2009, 02:33 PM

نبي واحد شقردي من هل المنتدى يتصل على وطني الحبيب صباح الخير ويوصل الشكوى علشان يصحوون المسؤولين في وزارة الصحة من نومهم العميق ..

روح-قطر

13-12-2009, 02:55 PM

يعني كافره تختن وشعرفها ولدي لاحظت عليه شي رحت لدكتور خاص قالي مختنته زياده:( بس ان شاء الله عادي شنقول بس حسبي الله ونعم الوكيل

اختي جذي ختنت ولدها مرتين مسكين

طماطه

13-12-2009, 02:56 PM

من احسن جراح في حمد حق الختان ؟؟

خرعتوني :(

الي تعرف تراسلني ع الخاااااص

مستقلة

13-12-2009, 04:43 PM

انا عيالي الاثنين ختنوهم غلط وواحد مسكين نزف وايد
حسبي الله ونعم الوكيل

أم الحلووين

13-12-2009, 04:51 PM

حسبي الله عليهم هاذي حاله ولدي جذيه بعدوالحين عمره سنتين وابي اختنه مره ثانيه

هذلان

13-12-2009, 05:07 PM

يازين ختان اول .. يقعدونك على طابوقه و يخلص شغله بذمه و ضمير .

هههههههه شغل قطاوه

بس ماكنا نسمع عن اخطاء بصراحه

الموضوع مهم و يستحق رفعه الى اعلا المستويات

روعة الجوري

13-12-2009, 07:35 PM

ولدي نفس الشي

ويوم وديناه لمستشفى حمد قالو عقب سنة جيبوه!!!!!!!!!!!!!!!!!!!!!!!!!!

ولد شرق

13-12-2009, 10:03 PM

ترى الأخطأ بسيطه الي نسمعها عن الختان وفي ناس تتأخر في الختان وتخلي عيالها لين يتعدون السنه والسنتين وثلاث هي الي نسمعه ومادري عاد .. توكلي على الله والي الله كاتبه له .. او شوفي سألي عن احسن نيرس تختن وطلبيها وفكي نفسك ..
ومبروك لكل شخص رزق بطفل او طفله حلووووين ينورون حياتهم ويسعدونهم في هالدنيا،، ولكل شخص الله ما ارزقه وخذه منه هالطفل يكون شفيع لوالديه يوم القيامه ان شاء الله

الله يهديك بس اخوي
أي اخطاء بسيطه؟
وبعدين شنو توكلي على الله واللي الله كاتبه له

اكيد بنتوكل على الله بدون شك ومن يتوكل على الله فهو حسبه...
بس مهب لهدرجه اغبيا احنا
الرسول صلى الله عليه و سلم قال (اعقلها و توكل)
خذ بالاسباب وتوكل يالحبيب
مب اتقط ولدك في الهاويه و اتقول الله كاتب له...

لما تاخذ بالاسباب و واتسوي اللي عليك توكل على الله والله حسيبك...

ام خليفة

13-12-2009, 10:14 PM

انا ولدت اثننين من عيالي في الاهلي والحمدلله عمليه التطهير نظيفه ومن احسن مايكون
والثالث توه عمره شهرين ولدته في الاهلي بعد بس كانت ولاده مبكره ويحتاج حضانه تم اسبوع عندهم وبعدين نقلناه مستشفى حمد وللاسف ماطهرناه قبل ما ننقله وسويناها في مستشفى حمد بعد ماطلع من الحضانه لكن للاسف فاااااااااااااشله ويحتاج نسويها له مره ثانيه !!!!!!
انصدمت يوم قريت ان الكل يعاني على باااالي بس اناااااا :(

xxqataryxx

14-12-2009, 01:49 AM

اسمعي نصحتي طرشي مسج او اتصلي حق المذيع حسن الساعي صدقيني راح يبهدلهم ومارح يسكت عن الموضوع الله يعنج

شهد

14-12-2009, 07:16 AM

الف حمد الله ولدت في الاهلي وخلصت معاهم

كروة

14-12-2009, 08:20 AM

السلام عليكم ورحمه الله وبركاته

أبي افهم احنا في اي قرن

ليش إلا الآن ما في اطباء متخصصين في ختان الاولاد حديثي الولاده بمستشفى الولادة.

يعني نقول حالتين ثالثه اربعه خطأ بالختان بس مب الاغلبيه .

هذا وهي دوله مسلمه ليش الخطأ بالختان.

بصراحه قسمن بالله ان الواحد صار يخاف اول مايقولون في بطنك ولد او شي تحاتيه

مسأله الختان هل بيكون اوكي ولالا؟؟؟؟

عذبتوا عيالنا يا مستشفى الولاده شوفوا لكم حل؟

خاطري احد ينقل هالموضوع لاحد الجرائد حرام والله الي يصير

واذا غلطوا قالوا انطري لين الجرح يطيب شوي وبنسوي له ختان ثاني؟؟

ليش فأر تجارب هالطفل وفي منطقه جدا حساسه الواحد يخاف يغامر فيها

ادفعي 500 ريال ووديه عيادة الدوحة
اذا ما تبين ببلاش

ام سلطون

14-12-2009, 09:31 AM

الله يرحم والديج عالموضوع
انا ولدي ختنتة مرتين :omg:
واللحين الثاني نفس الشي::eek5:
والله عذاب المساكين
مس تقولين لمن:secret::secret:

toota

14-12-2009, 11:39 AM

أحسن من يختن
كانت الدكتوره عزه الله يرحمها
كانت ممتازه الله يغفر لها في مجال النساء والولادة والختان

المقهوره

14-12-2009, 11:53 AM

اسمعي نصحتي طرشي مسج او اتصلي حق المذيع حسن الساعي صدقيني راح يبهدلهم ومارح يسكت عن الموضوع الله يعنج

عطني رقمه؟

المقهوره

14-12-2009, 11:55 AM

ادفعي 500 ريال ووديه عيادة الدوحة
اذا ما تبين ببلاش

طيب يعني بعد الولاده ارفض التختين بمستشفى الولاده؟؟؟

عقب كم يوم اوديه اختنه بعياده الدوحه؟

وعند من؟

هبوب الشمال

15-12-2009, 01:18 AM

تعالوا مستشفى الخور شوفوا من اللي يختن الاولاد

دكاتره حريم

واغلب ختانهم خطأ

من المسؤول؟؟؟؟؟؟

المقهوره

15-12-2009, 12:09 PM

هي المسأله مب حريم ولا رجال

هي المسأله انهم مب مختصين بالجراحه وخاصه الختان

جنون قطر

15-12-2009, 01:50 PM

صراحه لازم يكون في دكتور مختص للختان لانه يتم بشكل يومي تخيلوا مره كنت مرقده عندهم وانا حامل لين طلبت الدكتوره المناوبه قالوا لي عندها ختان لهذه الدرجه مستهزئين بالموضع

xxqataryxx

15-12-2009, 10:20 PM

في تلفزيون قطر له برنامج يحطون ارقامهم لاتسكتين عن الموضوع الصراحه قهر لو انا قلبت المستشفي على راسهم

الصوت المبحوح

17-12-2009, 12:17 AM

بل حتى الختان بالغلط
الله يرحم ايام قبل!!!!!!!

المقهوره

31-01-2010, 08:57 AM

لين الحين وانا ما اخذت قرار في هالموضوع

تنصحوني في الاهلي ولا عياده الدوحة .......

الحـ(درب)ـب

31-01-2010, 09:07 AM

اقسم بالله العلي العظيم ان ولدي ختنته مرة ثانية

والسبب خطأ بالختان بمستشفى حمد

ولكن نسأل الله السلامة

الحـ(درب)ـب

31-01-2010, 09:11 AM

اللي سمعته هو (( ان في فلبينيه قاعدة تختن الأولاد ))

يعني مافي طبيب

المقهوره

31-01-2010, 09:20 AM

طيب وين ختنته ؟

المقهوره

31-01-2010, 09:43 AM

لرفع الموضووع

ظبي قطري

31-01-2010, 03:34 PM

لحظه لحظه انتوا شفيكم على مستشفى حمد والولاده وواااايد تشهرون فيهم وفي اخطائهم
ترى فيها من احسن وامهر الدكاتره القطريين والاجانب ومن اغلى واحدث الاجهزه الطبيه فالعالم ما اجوف حد تكلم عن العمليات الناجحه والنادره اللي صارت وسووها دكاتره قطريين والناس هنيه معظمهم ما يحترمون الكادر الطبي على بالهم معامله فاي وزاره وتخلص!!!!!
ترى الدوله تصرف الملايين عليهم وفالنهايه ذيلان بشر اكيد بيغلطون حتى فالدول الاوروبيه وامريكا تصير عندهم اخطاء بالهبل استغربت فالمانيا كانت النيرس اطق جهاز تخطيط القلب بالحديد عشان يشتغل قدييييم
وبخصوص الختان او السيركمسيجن هاي له قسم خاص ودكاتره متخصصين مب شغل النيرسات بس يساعدون ويجهزون
وتعتبر من البروسيجرات الدقيقه والصعبه والمعرضه للخطاء اقروا عنها فالنت
اللي استغرب منه فالولاده الحريم يرشون الدكاتره ب5 و10 الاف عشان يولدونهم والدكتور راتبه اصلا فوق ال35 الف !!!!

هواجس _q6r

31-01-2010, 03:50 PM

اللي استغرب منه فالولاده الحريم يرشون الدكاتره ب5 و10 الاف عشان يولدونهم والدكتور راتبه اصلا فوق ال35 الف !!!!

هاااي المشكله

خلاص النيرسات والدكاتره تعودوا على دهان السير عشان يعتنوون بالوحده

واذا ما عطناهم شي
بيعذبون الوحده ...وهاااي اذا ما سووا فيها عاهه ابديه

عشان جي نعطيهم والشكوى لله

مااادري انا ليش او متى او شلون بدت هالعاده ومن بداها

لكن ..خلاااااص تعودوا
وصاروا يشوفون هالشي من حقهم !!!

وصحيح الأخطاء تصير في كل مكان وهم بشر
بس وااايد نسمع عن مجااازر تصير في مستشفى حمد والولاده

والبني ادم ماله الا يتوكل على الله

والصراااحه خوفتوني

والله من قريت الموضوع والأخطاء الي صارت

قمت ادعي ان الي فيني بنت :eek5:

الله يعينــــــــا ويرحمنا ويطلعنا من تحت ايدهم سالميييييييين يارب

ظبي قطري

31-01-2010, 03:59 PM

هاااي المشكله

خلاص النيرسات والدكاتره تعودوا على دهان السير عشان يعتنوون بالوحده

واذا ما عطناهم شي
بيعذبون الوحده ...وهاااي اذا ما سووا فيها عاهه ابديه

عشان جي نعطيهم والشكوى لله

مااادري انا ليش او متى او شلون بدت هالعاده ومن بداها

لكن ..خلاااااص تعودوا
وصاروا يشوفون هالشي من حقهم !!!

وصحيح الأخطاء تصير في كل مكان وهم بشر
بس وااايد نسمع عن مجااازر تصير في مستشفى حمد والولاده

والبني ادم ماله الا يتوكل على الله

والصراااحه خوفتوني

والله من قريت الموضوع والأخطاء الي صارت

قمت ادعي ان الي فيني بنت :eek5:

الله يعينــــــــا ويرحمنا ويطلعنا من تحت ايدهم سالميييييييين يارب

اختي والله ادارة المستشفى صادت كم من دكتور ونيرسات ياخذون رشاوي من المرضى والله تفنشوا وسفروهم بس العيب من الحريم اللي عودوهم والرشوه حرااااااام انزين كاني انا ربيت فالولاده ومعاملتهم من احسن ما يكون ولا حطيت في يدهم ولا ريال عسى ماشر هاي شغلهم