المساعد الشخصي الرقمي

مشاهدة النسخة كاملة : مشاكل الصرف الصحي


غير عنهم
13-12-2009, 09:02 AM
باختصار شديد اتمنى من المسؤوليين في وزارة البلدية ان يتفقدون الان جميع شوارع الدوحة وضواحيها, ويرون مستنقعات الماء التي تسكر اغلب الشوارع.
nooora
13-12-2009, 09:07 AM
باختصار شديد اتمنى من المسؤوليين في وزارة البلدية ان يتفقدون الان جميع شوارع الدوحة وضواحيها, ويرون مستنقعات الماء التي تسكر اغلب الشوارع.

تسلم على الموضوع الحين تبان شغل المقاولين، للأسف ماحد يحاسبهم
الرويـس
13-12-2009, 09:07 AM
والتمنى يشمل كل شخص طال عمرك
فالجميع مطالب بالتعاون
جرح الزمان
13-12-2009, 09:11 AM
يا اخوي اماكن تصريف مياه المطر متروسه رمل وأوساخ للاسف اهمال

وكان المفروض يتم تنضيفها قبل موسم الامطار

مبروك عليكم المطر

اللهم اجعلها سقيا رحمه
غير البشر
13-12-2009, 09:13 AM
والله اني قبل اشوي اتمشى

من غير شعور تخيلت اني في موزمبيق :(

وجاني شعور اخر ان موزمبيق متطوره اكثر منا :(
العلم الوكاد
13-12-2009, 09:13 AM
الله يوفقهم

اللجنة اسمع في الراديو متابعين الموضوع

بعدين ما ينلامون المطر عندنا يوم والا يوميين في السنه

ومسارب التصريف الصحي طول السنة تتجمع فيها الاتربة والاوساخ اعزكم الله

وتتسكر انا اشوف في منطقتنا منافذ الصرف الصحي بالكامل مغطاة بالرمل
الصريحه
13-12-2009, 09:13 AM
انشاء الله يحفظ الجميع
وارجوا ان الجميع مايسرع ابد
الشوارع صايره مطبات والغاز مفككه
بوعمير
13-12-2009, 09:18 AM
للعلم شبكة الصرف الصحي تختلف تماماً عن شبكة تصريف مياه الامطار، والاكيد ان الاثنين يعانيان من ضغط كبير ( هذا كلام مهندس صرف صحي في البلدية).
مضاربه
13-12-2009, 09:23 AM
من 35 زرت الكويت لمدة اسبوع وكان وقت نزول الامطار ينزل المطر والشوارع تلمع من النظافه المطر على طول ينزل في المصارف واحنا الله بالخير الفلوس والتبرعات الي تنفق في الخارج لو تنفق على البلد والله ابرك لين متى بنقعد نزابي جدام العالم ونهمل بلادنا والله شي يعور القلب يهتمون بالتفاههات وينسون الاساسيات الي هي الصحه والبنيه التحتيه في البلد الا حقوق الانسان الا العامل مايشتغل الا كم ساعه روحو شوفو الصينين يشتغلون بجد ونشاط من يصبحون لين يمسون بلديتهم حتى الشوارع يحككونها من الصبح ويغسلونها واحنا
عامل البلديه ماسك مخمه حديد وماله نفس يشتغل وعينه على الي رايح وجاي يبي فلوس
abn qatar
13-12-2009, 09:32 AM
المشكله التصاريح في الجرايد جاهزين والبلديه جاهز وكل شي على مايرام والمصيبه الكبرى اشغال

في مؤتمراتها اللي تعملها مسندرتنا الشوارع الحديثه او القديمه نعمل لها تصاريف للمياه ولاشفنا

شي الشوارع الحديثه الامطار فيها اكثر من القديمه وين الفلوس والمصاريف اين ذهبت

ياليت يتم محاسبه الاشخاص على تصاريحهم واعمالهم اللي مالها الا البهرجه والضحك على

الذقون
abn qatar
13-12-2009, 09:36 AM
من 35 زرت الكويت لمدة اسبوع وكان وقت نزول الامطار ينزل المطر والشوارع تلمع من النظافه المطر على طول ينزل في المصارف واحنا الله بالخير الفلوس والتبرعات الي تنفق في الخارج لو تنفق على البلد والله ابرك لين متى بنقعد نزوبي جدام العالم ونهمل بلادنا والله شي يعور القلب يهتمون بالتفاههات وينسون الاساسيات الي هي الصحه والبنيه التحتيه في البلد الا حقوق الانسان الا العامل مايشتغل الا كم ساعه روحو شوفو الصينين يشتغلون بجد ونشاط من يصبحون لين يمسون بلديتهم حتى الشوارع يحككونها من الصبح ويغسلونها واحنا
عامل البلديه ماسك مخمه حديد وماله نفس يشتغل وعينه على الي رايح وجاي يبي فلوس

الكويت غير اختي الكويت مايصرفون الصرف اللي نصرفه اذا صرفو اشتغلو صح

وماعندهم الكلام الفاضي والتصاريح اللي مالها داعي عكسنا نعمل بهرجه وزمبليطه

على كل شي نسويه بعدها بشهر نطلع نعطي اعذار وهميه فلوس بالملايين نتصرف

لاحسيب ولا رقيب
بوخالد911
13-12-2009, 09:44 AM
تايلند أحسن منا في تصريف المااي
وهم ع قد حالهم

بس شغلهم عدل

لو يجيينا مطر مثلهم
شاللي بيصيير ؟؟؟
رنج سبورت
13-12-2009, 11:58 AM
الله يزيد المطر ويرحمنا برحمته (آآآآآآآآآآآآآآآآآمين)
أم حمد
13-12-2009, 12:11 PM
منطقتنا استووووت كنها برك سباحه !!

في كم ساعه :eek5:

من نشتكي له ؟!

:anger1:

هذا واحنا من اغنى دول العالم !!

اجل لو من الدول الفقيره وش كان بيكون حالنا !!

صبرن جميل والله المستعان !!

=== بخصوص الناس اللي تدخل وتشكك في ولاءنا بسبب شكاوينا واللي يرحم والديكم ترا مانبي تعليقاتكم !!

واذا عندكم كلمات مدح في مناطقنا وشوارعها بعد المطر ياريت تفتحون مواضيع جديده تكتبون فيها كلماتكم !!

:nice:

/