المساعد الشخصي الرقمي

مشاهدة النسخة كاملة : +++ 10 إصابات و300 حادث مروري خلال 24 ساعة +++


jajassim
13-12-2009, 09:20 AM
ناشدت إدارة المرور السائقين بتوخي الحذر، والسياقة بروية وبهدوء بسبب تساقط الأمطار التي تعيق حركة السير وتحجب الرؤية وتزيد من مخاطر التعرض لحوادث.

وأحصت "المرور" وقوع حوالي 300 حادث مروري خلال الـ 24 ساعة الماضية بسبب هطول الأمطار بغزارة في مختلف المناطق نتجت عنها تعرض عشرة أشخاص لإصابات مختلفة تتفاوت بين الخطيرة والمتوسطة والبسيطة.

وتلقت غرفة العمليات بوزارة الداخلية على مدار أمس مئات الاتصالات تفيد بوقوع حوادث في مناطق عديدة، حيث تحركت على الفور مئات الدوريات المرورية ووصلت إلى مواقع الحوادث في وقت زمني سريع لإنقاذ المصابين، وتسيير حركة المرور التي تتعطل بسبب الحوادث.

وجاءت أغلب الاتصالات في دائرة تدخل قسم مرور المعمورة الذي أحصى أزيد من 120، وأحصى مرور خليفة حوالي 70 حادثاً أمس. وسجلت الحوادث الأخرى في مناطق متفرقة مثل الريان وقسم مرور الوكرة والشمال والخور.

وتهيب إدارة المرور انتباه السائقين إلى ضرورة الالتزام بالسرعة المحددة في الطرق وترك مسافة الأمان لتفادي وقوع أي طارئ يتسبب في الاصطدام بسيارة أخرى.
شموخ قطريه
13-12-2009, 09:26 AM
يعطيهم العافيه ادارة المرور ماقصرو خصوصا مرور المعموره وخليفه واقولهو عساكم عالقوه

شكرا اخوي على نقلك للخبر
بنت ابوها 19
13-12-2009, 09:27 AM
الله يكفينا شر هل الحوادث .,
بوخالد911
13-12-2009, 09:28 AM
تسلم الجسمي

الله يحفظنا

وخفوا من السررعة

وعدم تشغيل الدانجر
شبح الصمت
13-12-2009, 09:29 AM
الله يكفينا شر الحوادث ويستر على اهالينا وعلى جميع المواطنين والمقيمين داخل قطر ان شاء الله ويجعله مطر خير وبركه علينا وعلى قطرنا
بلاهويـــــة
13-12-2009, 09:30 AM
الله يكفينا شر هالحوادث
البحار00
13-12-2009, 09:32 AM
لازم بتصير حوادث

دام الدريولية يسوقون في هالجو

من شوي ووانا راد البيت علينا حلبه قويه اسوق 70 مر علي هندي في جي اكس ار شاخط في هالمطر

و صدق من قال حلال عمك مايهمك
عزووز قطر
13-12-2009, 02:01 PM
اخوي جاجاسم بخصوص اللي يفتح لك الدنجر ويمشي .. عليها مخالفة ولا لا ؟؟
لان اكون وراه وانا مب عارف وين بيروح مرة يمين ومرة يسار

ومادري ليش أحس ان 299 حادث المتسببين فيهم من البنات .. لأن لو تشوفون سواقتهم أمس :(
كل وحدة تلف على السيارة اللي حذاها .. دامج متوهقة ليش طالعة

ومبروك عليكم الحيا
dewyguy
13-12-2009, 02:23 PM
امس شفت قدام عيوني 7 حوادث في الغرافة :rolleyes2:
وطن
13-12-2009, 02:30 PM
الله يهديهم
مطر والرؤيه تنعدم في بعض الاحيان
وبعد طايرين
miss-qatr
13-12-2009, 03:24 PM
اي والله الواحد لازم ياخذ الحذر وهو يسوق بهالجو

الله يحفظ الجميع
sweet qatar
13-12-2009, 03:34 PM
من يومين و جوالي ما وقف اس ام اس والمسن .... بالدقيقه ادعوا لفلان وفلان ...

الله يشفي الجميع ان شالله ويكفينا شر الحوادث...


ياليت الشباب يحسون باهلهم شوي ويفكرون مرتين قبل لا يسرعون في هالجو ...


اليوم وانا رايحة الدوام صار جدامي شي غريب عجييييييييييييييب...


شباب صغار في جي اكس اعتقد اقطعوا اشارة حمرة صوب الابراج ... و كانت الدنيا بعدها تمطر والشوارع غرقانة... و الشارع فيه سيايير لافة يسار ... وهو جاي سيده من الصوب الثاني...


يعني ودي يعطيني مبرر واحد للي سواه ...؟؟؟!!!!!!!!!!!



الله يهدي شبابنا ويصلحهم ... ويرحمون اهلهم الي بتبقى حسرتهم غصة في قلوبهم لين الله يتوفاهم...



والسواقة فن ما تفرق بين شاب / مرة / ابوعيال / دريول / عربي ولا غيره ....


و عسى الله يحفظ الجميع ويسلمهم من كل شر
أم الحلووين
13-12-2009, 03:38 PM
الله يكفينا شر الحوادث ويستر على اهالينا وعلى جميع المواطنين والمقيمين داخل قطر ان شاء الله ويجعله مطر خير وبركه علينا وعلى قطرنا
حـــنـــان
13-12-2009, 03:46 PM
امس طالعة في الليل ..الناس مدري اشفيها مطر ويسرعون..اذا هم مايخافون على ارواحهم احنا نخاف ..ليش السرعة من الاساس في مطر ولا مافي مطر..
(بوعوف)
13-12-2009, 07:38 PM
الله يكفينا شر الحوادث، والله يحفظ الجميع ويسلمهم من كل شر
@north_star@
13-12-2009, 07:51 PM
الله يحفظ الجميع من الحوداث ويجعلها امطار الخير اللهم امين