طلب خدمة [الأرشيف] - منتديات شبكة الأسهم القطرية

مشاهدة النسخة كاملة : طلب خدمة

فتى الدوحة

13-12-2009, 10:18 AM

السلام عليكم ورحمة الله وبركاته

أخواني الأعزاء ، أحد عنده خبر بمسّادة أطفال مشهود لها بالدوحة ؟
إذا أحد عنده خبر يا ليت لو يدلينا عليها وله كل الأجر والثواب ..

وتقبلوا تحياتي جميعاً ..

فتى الجود

13-12-2009, 11:57 AM

شييك الخاص

أخـــــــــــــــــــــــوى

المقهوره

13-12-2009, 11:59 AM

مساده؟؟؟

انا اخبر المساده للحريم فقط

انت تقصد الي تسوي للاطفال ترفيع اذا مسقط راسه ولا مايرضع الخ

هند88

13-12-2009, 12:09 PM

والله انا من قبل تعاملت مع مركز بن داود عند وحده اسمها (مندا) والصراحه عن تجربتي مع بنتي واايد زينه

شبح الصمت

13-12-2009, 12:23 PM

مساده؟؟؟

انا اخبر المساده للحريم فقط

انت تقصد الي تسوي للاطفال ترفيع اذا مسقط راسه ولا مايرضع الخ

اختي في مساده لليهال تمسدهم اذا طاح ولا شيء ولا تعبان بزيت زيتون الوالده فديتها ربي يحفظها اليهال عندنا لو صاده لا قدر الله خلع ولا شيء طاح وقام يصيح اتمسده لين يرتاح ..
الله يبعد عن عيالنا كل شر ومكروه ويحفظهم
وما تشوف شر يا اخوي فتى الدوحه وعسى الله يشفي لكم مرضاكم

فتى الدوحة

13-12-2009, 02:28 PM

فتى الجود : تسلم وما تقصر وجزاك الله خير
المقهورة : لا أختي المشكلة الولد عمره ثلاث سنوات وإرتفاع الحرارة ما تفارقة في الشهر مرتين تقريباً وأهله ما خلوا مستشفى ونفس الأدوية يكتبولهم ، المهم فيه ناس يقولون إن اللي فيه لوز ولا يروح إلا بالمسد ..
هند 88 ،، شبح الصمت : شكراً على المرور والمشاركة ..

لا أراكم الله مكروه في غالي ..