المواطن القطري يغرق في البيت وبلدية ام صلال لامجيب بالدليل

[عنزي قطر]

السلام عليكم ورحمة الله وبركاته

صراحه هل اصبح الشارع اهم من حياة المواطن القطري والاطفال




قبل كل شي اشغال تسكر المحطه التي تفضي فيها الماء الساعه 3 العصر وتفتح الساعه 5 صباحا صدق او لاتصدق مصيبه والله مصيبه مصيبه

سيارات السحب موجوده لكن ردو علي قالو وين نفضي الماء المحطه مسكره

بلدية ام صلال لامجيب واقولها بالصوت العالي لامجيب :anger1:

وهذا رقم طواري بلديه ام صلال


من الساعه 6 ونصف اتصلهم وردو علي قلت لهم المنزل عندي كله ماء لان مافي بنية تحتيه اصلا في منطقة ام صلال محمد والمناطق الاخرى ردو علي قالو مشغولين في الشوارع

صبرنا حتى الساعه 3 العصر واتصل عليهم ولا احد يرد وهذا رقمهم واتاكدو من كيوتل بعد 4783583


بصراحه من الصبح حتى الان ابحث عن سياره لنقل الماء خاصه ولم اجد ايضا

وشر البليه مايضحك :nice::nice:



المنزل صار فيه التماس كهرباء يعني نشوط عادي اهم شي الشوارع اهم من المواطن تعرفون ليش الشوارع اهم

عشان المسؤلين في البلدية عليهم من المظهر الخارجي فقط :anger1::anger1::anger1::anger1:




انا بقول كلمه فقط حسيبي الله ونعم الوكيل بس عليهم

[بوعلي 78]

الله يعينك ياخوي

[وطن]

الله يكون بعونكم يا اخوي

[alrheeb2020]

الله يعينك اخوي ..

وان شاء الله انجوف حل سريع بهالمشاكل ..

هاي قطرتين وسارت بلاوي شلون لو صار لنه نفس جده !!

الله يعين بس

[عنزي قطر]

والله قهر صدقت كيف لو جاء مثل مطر جده رحنا فيها

انا الي فاقع كبدي ليش تسكر المحطه الساعه 3 العصر ليش ليش ليش

وهذا مش كلامي انا تاكدو في انفسكم بعد

اي شخص من الاعضاء يعرف سياره تسحب الماء يبلغني وراح ادفع اي مبلغ لو 10 الف والله

[جوال 11]

الله يحفظكم ممكن يحتاجون لخبير من الخارج ، نحن قريب منكم 20 عام تكرمون بدون مجاري وتابعين لبلدية الريان ، وتطلب سيارة لين الله يفرج عليك الحال من بعضه.

[alrheeb2020]

والله قهر صدقت كيف لو جاء مثل مطر جده رح فيها

انا الي فاقع كبدي ليش تسكر المحطه الساعه 3 العصر ليش ليش ليش

وهذا مش كلامي انا تاكدو في انفسكم بعد

اي شخص من الاعضاء يعرف سياره تسحب الماء يبلغني وراح ادفع اي مبلغ لو 10 الف والله


انا معاك الخدمات تعبانه والله ومافي احتياطات ولا شي ..

اليوم جدام مدرسة الاستقلال اللي هي ابوبكر الصديق الثانويه حاليا برجة مااي .!!

وينكم يابلديه !!!!!

----

الله يعينك ويعينا اخوي على هالخدمات التعبانه ..

وان شاء الله تنحل هالمشاكل اللي مالها داعي ..

[عنزي قطر]

انا معاك الخدمات تعبانه والله ومافي احتياطات ولا شي ..

اليوم جدام مدرسة الاستقلال اللي هي ابوبكر الصديق الثانويه حاليا برجة مااي .!!

وينكم يابلديه !!!!!

----

الله يعينك ويعينا اخوي على هالخدمات التعبانه ..

وان شاء الله تنحل هالمشاكل اللي مالها داعي ..




اخوي اقل شي انا ابي افهم ليش مسكره المحطه كل شوارع الدوحه والمناطق بركة ماء

شكل الدوام انتهى عندهم بصراحه البلديه واشغال يبليهم دوره عسكريه عشان يعرفون معنى طواري :anger1: الله يستر بس من الجاي

[العلم الوكاد]

بصراااااااحة من حقك تزعل

الامور اولويات والاولوية للارواح

اذا فيه خطر على حياتكم

اتصل على لجنة طوارئ الامطار

وأعلنت لجنة طوارىء الامطار عن تخصيص 10 أرقام هاتفية للابلاغ عن تجمعات لمياه الأمطار بالشوارع والطرق والميادين العامة والاحياء السكنية ليتم التعامل معها وسحبها أولا بأول من قبل المختصين باللجنة والبلديات بهدف تسهيل الحركة المرورية .. وهى غرفة العمليات الرئيسية 4435646 ، مكتب طوارىء الدوحة 4686622-4691794 ، مكتب طوارىء الريان 4825409 ، مكتب طوارىء الوكرة 4640449، مكتب طوارىء أم صلال 4789432 ، مكتب طوارىء الخور والذخيرة 4720243 ، مكتب طوارىء الشمال 4733111 ، مكتب طوارىء الظعاين 4789643 ، هيئة الاشغال العامة (مكتب الدوحة) 4686444 ، ومكتب الخور 4721614

[مارسيلا]

الله يكون بعونكم

[شموخ قطريه]

الله يعينك اخـــــــــــوي ويسهل امورك

[عنزي قطر]

شكرا اخوي الوكاد

[TRAINING]

هذي الخصخصة ايسمونها
مايحتاج اوضح ازياده
يعني كلشي على حساب الدولة سيارات ومعدات وموظفين كلهم على الدولة وفي الاخير يعطونها شركه بكم مليون والشركه اتوفر من رواتب العمال واتفنش علشان يكون فيه فائض

[سكرمر]

كما تعودنا من البلديه واشغال

مابه جديد

[عاشق فودافون]

السلااام عليكم ورحمة الله وبركاااته

اخوووي اذا المشكلله لين الحين مانحلت بليز طرش لي رقمك عالخاااص وان شاءالله بيخلصوونك

اخوووك - عاااشق فودااافون