المساعد الشخصي الرقمي

مشاهدة النسخة كاملة : انتبهــــــــــــــو على عيـــــــــــــــــالكم !!!!!!!!!!!!!!!!!!!!!!!!


صمت القلوب
13-12-2009, 08:56 PM
السلام عليكم ورحمه الله وبركاته ....



ارجوووكم يالوالدين تتنتبهوون على عيالكم .... خصوصا الاطفال اللي ينتظرون الباصات ...وانا مااتكلم عن خطوره الشارع كثر خطوووه اعتداء اطفال على اطفال ...

اليوم على سبيل المثال ... كنت مع الوالد رايحه للدوام .... وخبركم مع الزحمه الصبح والمطر الا نشوف ولد صغير بعمر 7 او 8 سنين ... تقريبا بااول او الثاني الابتدائي .... لابس جاكيته وحاضن شنطته ...ومنكمش واربع او خمس اولاد حولينه تقريبا اكبر منه بسنتين او ثلاث ....والله يضربونه ويرفسونه وهو يصيح مو قادر يتحرك ...الوالد الله يحفظه قام يصرخ عليهم من الدريشه ويقول لهم عيب هذا ولد صغير .... واشردو من صراخ الوالد ...بعدها واحنا مكملين طريقنا ...الا واشوفهم من بعيد رادين له ويحاولون يضربونه ... طبعا ابوي شافهم راجعين .. رجعنا وصف السياره عند الدوار ونزل لهم .... وهاوشهم وزفهم ...ردو عليه قالو: هو يسبنا ..

والله شفت قبل هالسالفه حادثين ...ونفس الشي الوالد يفتح الدريشه ويقول لهم عيب ... ولد كبير يضرب ولد صغير ويتفل عليه .... بس الولد كان قليل ادب وقال لابوي ...حرك مالك خص !!!
تقريبا عمره 13 .... !!!


انا مااشره على الاطفال ... لان انا عندي اخوان بهالعمر ...واعرف اشلون يفكرون واشلون شطانتهم ..
السؤال ... وين اهالي هالاطفال اللي ينضربون ...والله لو ماتدخلنا كان مات الولد من الصياح وفوقه 6 يضربونه ....
وين امه وابوه ... انزين اذا انتو ماتوصلونهم بسياره خاصه ....خلاص انتبهو عليهم وهم تحت في الرصيف ناطرين ...انتبهو عليهم وهم طالعين ...شوفوا من يصاحبوا ...
بالاضافه ... الشارع خطر وكله سيارات ...والعماله فيه بشكل مفجع ...يعني اكثر من سبب يخليكم تشوفون عيالكم وتوصلونهم المدرسه بسلاااااام ....
تعلمووو من اليابانيين ...شارع بروحه مع شخص كبير يدلهم ويتاكد على سلامتهم ....سبحان الله
والله حرام عليكم .... اليوم المنظر اللي شفته يقطع القلب ... وعلى طوول تساءلت وين اهله عنه ...:weeping::weeping:


انتبهو عليهم ...تراهم امانه ....
اللهم اني بلغت ..اللهم فاشهد...

اختكم ..
صمت القلوب
..er..
13-12-2009, 08:59 PM
كلام صحيح

بس حتى ولو هذيلا اطفال وفوق هذا كله لازم ينتبهون لهم :(

الله يعطيج العافيه ع التنبيه :)
صمت القلوب
13-12-2009, 09:01 PM
كلام صحيح

بس حتى ولو هذيلا اطفال وفوق هذا كله لازم ينتبهون لهم :(

الله يعطيج العافيه ع التنبيه :)

اخوي الكريم ...طبعا هذول اطفال واي شي متوقع منهم ...بس لازم ننتبه عليهم وعلى تصرفاتهم وواجب علينا نرشدهم للتصرفات الصح ...مو اللي تأذي الغير وتسبب له عقد :(

جزاك الله خير عالمشاركه
لاهنت
شويهينــه
13-12-2009, 09:03 PM
اختي صمت القلوب

انا اليوم الصبح مرت علي نفس الافكار

الموقف مجموعه من الاطفال الصغار اتوقع اكبر واحد فيهم بالصف الرابع ينتظرون الباص عند باب العماره
والعماره حواليها عزوب

والله قعدت افكر شلون اهلهم مخلينهم بروحهم ينطرون الباص ولا احد يراقبهم

فرضا احد من هالعزوب خطف له ياهل ولا حد يدري عنه والام بتحسبه في المدرسه

كلامي موجهه للاهل

راقبوا عيالكم ولا تخلونهم بروحهم

البلاد ماعادت مثل الاول
صمت القلوب
13-12-2009, 09:07 PM
اختي صمت القلوب

انا اليوم الصبح مرت علي نفس الافكار

الموقف مجموعه من الاطفال الصغار اتوقع اكبر واحد فيهم بالصف الرابع بنتظرون الباص عند باب العماره
والعماره حواليها عزوب

والله قعدت افكر شلون اهلهم مخلينهم بروحهم بنطرون الباص ولا احد يراقبهم

فرضا احد من هالعزوب خطف له ياهل ولا حد يدري عنه والام بتحسبه في المدرسه

كلامي موجهه للاهل

راقبوا عيالكم ولا تخلونهم بروحهم

البلاد ماعادت مثل الاول


يمكن كنا في نفس الطريق ... لانه نفس المشهد تقريبا ...
وهم بعد مااستغرب ...والله صار هالاهمال في كل مكان ...
الله المستعان ...:(
الله يستر عليهم ياااااااااااااااااارب ...

شكرا حبيبتي على مرورج الطيب
لاهنتي
..er..
13-12-2009, 09:07 PM
اختي صمت القلوب

انا اليوم الصبح مرت علي نفس الافكار

الموقف مجموعه من الاطفال الصغار اتوقع اكبر واحد فيهم بالصف الرابع بنتظرون الباص عند باب العماره
والعماره حواليها عزوب

والله قعدت افكر شلون اهلهم مخلينهم بروحهم بنطرون الباص ولا احد يراقبهم

فرضا احد من هالعزوب خطف له ياهل ولا حد يدري عنه والام بتحسبه في المدرسه

كلامي موجهه للاهل

راقبوا عيالكم ولا تخلونهم بروحهم

البلاد ماعادت مثل الاول

:nice:
الشاااهين
13-12-2009, 09:09 PM
صح كلامج اختي انتبهو على عيالكم
وعيال هالايام الغالبيه مب الكل ماعاد يحترمون اللي اكبر منهم والدليل اللي قال حق الوالد مالك خص.
صمت القلوب
13-12-2009, 09:43 PM
صح كلامج اختي انتبهو على عيالكم
وعيال هالايام الغالبيه مب الكل ماعاد يحترمون اللي اكبر منهم والدليل اللي قال حق الوالد مالك خص.

الله يهديهم ..
جزاكـ الله خير عالمشاركه

لاهنت
لله الحمد
13-12-2009, 09:48 PM
اذا كل مرة ودوه بسيارة خاصه مب شي :)

خليه يتعلم على الشدة

والطق .. :(


يا ما انضربنا
ضوى
13-12-2009, 09:52 PM
والله صدقتي يا صمت القلوب

انا الصبح يوميا امر على بنات اسم الله عليهم بالثانوية والاعدادية والابتدائية حتى الروضة واقفين برع

المجمع ينطرون الباص واحذاهم عزوبية كل الجنسيات ونظراتهم مرعبة لهالبنات والله قلبي يتقطع عليهم ،

ودي انزل اكلم اهاليهم بس شاقولهم ؟ وعلى فكرة هم عرب مب قطريين
امل الحب
14-12-2009, 06:48 AM
احد المواقف المعتادة اختي صمت..

تبين الصج بعضهم لاينفع معاهم كلام ولاحتى شكوى ولاتكلمين هله حتى ..

تروحين تشتكين وتقولين انه يضرب اخوج ولدج "اذا كانوا الاهل منتبهين" تقوم المدرسة انها كلش مقدمة لج خدمة وتقولج خل نسمع من الطالب الي مشتكين عليه.. ويبونه ويقول لا:rolleyes2: ويتم على نفس الحال تكلمين اهله " بعضهم" ماينفع يقولج ولدي مأدب .. هني ياتسطرين ياتسطرين ..

مو بس هالاماكن الي ذكرتي

نقطة هامة جدا.. انتبهوا حق عيالكم من النوادي الرياضية .. قمة القذارة وتوصل احيانا لتهديد الطفل من اطفال اكبر منه عشان ياخذون مبتغاهم منه .. وهالكلام من واقع لو مانتبه ابو الطفل وصدق كلام طفله والا الله العالم شبيكون وضعه :( امحق تربية :weeping:
Ghost
14-12-2009, 07:05 AM
كلام صحيح 100%
كاروهات
14-12-2009, 07:10 AM
يمه خرعتوني

انا عيالي مسجلين في النوادي
بس ابوهم دوم يراقبهم ويروح معاهم
ويتعرف على مدربينهم والاداريين
انا حره
14-12-2009, 07:11 AM
سبحان الله امس كنت بكتب موضوع هالشكل لان بالفعل الناس ماعاد يهتمون بعيالهم عادي راح الدكان مع الدريول او المعصره بغى اغراض من المكتبه راح بروحه مع الدريول

والي يقهر قدامي ام خلت ولدها الصغير بالالعاب بجنغل زون مع الخدامه وهي تفتر برووحها

ولا الي يقهر هي تمشي مسبهه وعيالها حولها كل واحد بممر راحو عنها ولا دريت عنهم وعقب اتقول كان قدامي وبلحظه اختفى


والامهات الي يلبسوون بناتهم لبس الله يهديهم لايسترهم ولا شي تعالو شوفي العمال والي يشتغلون بالمحلات شلون يطالعون هالبنيات
شبح الصمت
14-12-2009, 07:41 AM
جزاه الله الف خير ابوك وما قصر ،، وترى هالسوالف وايد .. الله لا يجيب اليوم وشوف يهال يطقون عيالي .. وبخصوص الوقفه قدام البيت المفروض ما يطلعون من البيت لين يسمعون صوت هرن الباص هذا المفروض بس في ناس مساكين الي ساكنين فالعماير ذولي وين مسافه لين ينزل .. وبالنسبة للي ساكنين جمب بيوت العزاب صراحه بعد هالشيء يخوف والله .. وان سويت شيء وخوفتهم هالعزاب وهم ما في بالهم شيء تخاف تولد فكرة انتقام وتعاديهم .. فالافضل النزوح عنهم وتركهم في حالهم
اللهم احفظ ابنائنا وبناتنا من كل مكروه واستر عليهم يالله
الرويـس
14-12-2009, 08:02 AM
يمكن الولد نشبه وسوسه وكل مره يسبهم :whistling:
واللئم فيه متسرطن :secret:

ولا تتوقعن أن جيل اليوم فيه من شخصية الناصح الشي الكثير
ويعتبر أن مسألة التعامل ( يدويا) هي الأسلم والأريح نفسيا :shy:

وعلى كل حال هناك تجاوزات يكون السبب فيها ( الأهل ) في المقام الأول

:telephone: << وينه ذي مايرد ؟
دلة الرسلان
14-12-2009, 08:04 AM
مشكورة على التنبيه الابناء نعمة حرم منها الكثير وهناك من يحسن جوار النعم ومن يسىء

اليها بالتقصير في حقها.
كروشيه
14-12-2009, 08:09 AM
والله اني تحملت مصاريف ردتهم من المدرسه بسائق خاص تحت اشراف الوالده الله يرزقها الفردوس الاعلى مع انه المدرسه ما تبعد مسافة خمس دقائق من المدرسة للبيت والكل يلومني على هذا التصرف بس من ورى المشاكل وقلة المراقبه بالباص من قبل المشرفين قلت في الفلوس ولا في اعيالي ، الله يحفظ اعيال المسلمين اللهم آميين
مارسيلا
14-12-2009, 08:12 AM
الله يعطيج العافيه ع التنبيه اختي
سماء الرياض
14-12-2009, 08:31 AM
الله يستر على ابناء المسلمين
كازانوفا
14-12-2009, 08:39 AM
للاسف اعاني من هذا المشكله مع عيالي اللى يروحون بالباص وكل يوم مشاكل ايش اسوي
اروح معهم يعني بالباص طبعا صعبه ما اقدر ايش نسوي ما بايدنا حيله
وشكوره على الخبر المؤسف
ام سلطون
14-12-2009, 09:24 AM
اايد كلامج 1000%
وينكم يالاهل:anger1:
doha1
14-12-2009, 09:30 AM
جزاج الله خير واتمنى اولياء الامور ينتبهون ع اعيالهم فلذة اكبادهم

وموقفج يكفي وخير برهان بارك الله فيج وفي والديج
المرحب
14-12-2009, 11:13 AM
الله يعين الصغار على اللي أكبر منهم


ويهدي الجميع













تحيـــــــــــاتي ...
biz-qtr
14-12-2009, 03:55 PM
اذا الياهل مب متاسس صح فالبيت ومضطهد يطلع هالشي ع غيره من اليهال ...

الاهل ف وادي وكانه التربيه روتين .. ترا التربيه فن .. وكل ام وابو باسلوبه ..

وقالوها من همل افتقد .. ويعطيك العافيه ع هالموضوع
alrheeb2020
14-12-2009, 04:02 PM
احد المواقف المعتادة اختي صمت..

تبين الصج بعضهم لاينفع معاهم كلام ولاحتى شكوى ولاتكلمين هله حتى ..

تروحين تشتكين وتقولين انه يضرب اخوج ولدج "اذا كانوا الاهل منتبهين" تقوم المدرسة انها كلش مقدمة لج خدمة وتقولج خل نسمع من الطالب الي مشتكين عليه.. ويبونه ويقول لا:rolleyes2: ويتم على نفس الحال تكلمين اهله " بعضهم" ماينفع يقولج ولدي مأدب .. هني ياتسطرين ياتسطرين ..

مو بس هالاماكن الي ذكرتي

نقطة هامة جدا.. انتبهوا حق عيالكم من النوادي الرياضية .. قمة القذارة وتوصل احيانا لتهديد الطفل من اطفال اكبر منه عشان ياخذون مبتغاهم منه .. وهالكلام من واقع لو مانتبه ابو الطفل وصدق كلام طفله والا الله العالم شبيكون وضعه :( امحق تربية :weeping:


بخصوص اخر نقطه

للاسف هالكلام بعد فالمدارس ينقال !!

والله مسخره في مسخره ّ!!!
alrheeb2020
14-12-2009, 04:04 PM
للاسف اختي !!

كثير مانجوف مثل هالمواقف وفي كل مكاان نلقاها ..

لكن شنقول !!

في ذمة اهله ..


والله يهدي شباب المسلمين ..


والله يجزيج خير عالطرح
دلوليانوز
14-12-2009, 05:53 PM
هذييلا كلاب..في البيت اكيد ابوهم..يلعن خامس خامسهم..وطبعا يبي يلاقي احد يتسلى عليه..وشكله الولد محد معاه يعني بروحه بالمدرسه..وكالعاده

انا واخوي ع ولد عمي..وانا ولد عمي ع الغريب..

ياما عشنا هالتجارب..وننتهي بأخر السنه بهوشه محترمه..علشان اتسوي لك اسم بالمدرسه..

كذا هالدنيا..غابه..
خاصه مع اللي يمشي مع نظام..عيال عمي..
لازم لك في كل مدرسه جماعة تمشي معاها..اما اذا بروحك..سنوات حياتك ما راح اتكون سهله
دلوليانوز
14-12-2009, 05:55 PM
للاسف اعاني من هذا المشكله مع عيالي اللى يروحون بالباص وكل يوم مشاكل ايش اسوي
اروح معهم يعني بالباص طبعا صعبه ما اقدر ايش نسوي ما بايدنا حيله
وشكوره على الخبر المؤسف

اتوقف الباص...وتمشي مع الولد..وتسأله وين اللي يهاوشونك..واهني ارعبهم قدر ما تقدر..وقولهم والله

لو لمستوا الولد ولا كلمتوه بشي ما يعجبه...اللي اتسوه فيه...صار عليكم...والله

اهني ..بيتم في بالهم..هاي وراه اخوان..واهل:omen2:
alrheeb2020
14-12-2009, 05:57 PM
اتوقف الباص...وتمشي مع الولد..وتسأله وين اللي يهاوشونك..واهني ارعبهم قدر ما تقدر..وقولهم والله

لو لمستوا الولد ولا كلمتوه بشي ما يعجبه...اللي اتسوه فيه...صار عليكم...والله

اهني ..بيتم في بالهم..هاي وراه اخوان..واهل:omen2:


:victory:
همي رضى ربي
14-12-2009, 07:11 PM
الله يستر لايكون ولدي بمدرسه اجنبيه يوم جاء ابوه لقاه قاعد يصيح طاقينه اخوان في الصف السادس الله يهديهم بس ولدي خذ حقه اول وزوجي ماسكت طلب ولي امرهم بكره وانا اطالب بتعهد الاهل عليهم واذا تكرر مراح اسكت
بوخالد911
15-12-2009, 12:00 AM
جزيت خيرا


ويا غافلين لكم الله


ميغسي



مسيوو بوخالد911
ساحل الشمال
15-12-2009, 08:33 AM
السلام عليكم ورحمه الله وبركاته ....



ارجوووكم يالوالدين تتنتبهوون على عيالكم .... خصوصا الاطفال اللي ينتظرون الباصات ...وانا مااتكلم عن خطوره الشارع كثر خطوووه اعتداء اطفال على اطفال ...

اليوم على سبيل المثال ... كنت مع الوالد رايحه للدوام .... وخبركم مع الزحمه الصبح والمطر الا نشوف ولد صغير بعمر 7 او 8 سنين ... تقريبا بااول او الثاني الابتدائي .... لابس جاكيته وحاضن شنطته ...ومنكمش واربع او خمس اولاد حولينه تقريبا اكبر منه بسنتين او ثلاث ....والله يضربونه ويرفسونه وهو يصيح مو قادر يتحرك ...الوالد الله يحفظه قام يصرخ عليهم من الدريشه ويقول لهم عيب هذا ولد صغير .... واشردو من صراخ الوالد ...بعدها واحنا مكملين طريقنا ...الا واشوفهم من بعيد رادين له ويحاولون يضربونه ... طبعا ابوي شافهم راجعين .. رجعنا وصف السياره عند الدوار ونزل لهم .... وهاوشهم وزفهم ...ردو عليه قالو: هو يسبنا ..

والله شفت قبل هالسالفه حادثين ...ونفس الشي الوالد يفتح الدريشه ويقول لهم عيب ... ولد كبير يضرب ولد صغير ويتفل عليه .... بس الولد كان قليل ادب وقال لابوي ...حرك مالك خص !!!
تقريبا عمره 13 .... !!!


انا مااشره على الاطفال ... لان انا عندي اخوان بهالعمر ...واعرف اشلون يفكرون واشلون شطانتهم ..
السؤال ... وين اهالي هالاطفال اللي ينضربون ...والله لو ماتدخلنا كان مات الولد من الصياح وفوقه 6 يضربونه ....
وين امه وابوه ... انزين اذا انتو ماتوصلونهم بسياره خاصه ....خلاص انتبهو عليهم وهم تحت في الرصيف ناطرين ...انتبهو عليهم وهم طالعين ...شوفوا من يصاحبوا ...
بالاضافه ... الشارع خطر وكله سيارات ...والعماله فيه بشكل مفجع ...يعني اكثر من سبب يخليكم تشوفون عيالكم وتوصلونهم المدرسه بسلاااااام ....
تعلمووو من اليابانيين ...شارع بروحه مع شخص كبير يدلهم ويتاكد على سلامتهم ....سبحان الله
والله حرام عليكم .... اليوم المنظر اللي شفته يقطع القلب ... وعلى طوول تساءلت وين اهله عنه ...:weeping::weeping:


انتبهو عليهم ...تراهم امانه ....
اللهم اني بلغت ..اللهم فاشهد...

اختكم ..
صمت القلوب
يعطيج العافية اختنا على التنبيه المهم ، والجميع مسئول عن هذه التجاورات بحق الاطفال بداية من الاسرة والمجلس الاعلى للتعليم والمجلس الاعلى للاسرة ووزارة الداخلية وكل افراد الشعب والمقيمين الخيرين على ارض قطر ، كلنا مطالبون بحماية هؤلاء الابناء .
صمت القلوب
16-12-2009, 08:03 PM
اذا كل مرة ودوه بسيارة خاصه مب شي :)

خليه يتعلم على الشدة

والطق .. :(


يا ما انضربنا

الشده مو بهالطريقه ... جذيه يتعقد ...
لكن ممكن نخليهم شديدين بطرق اخرى ...سباحه ..كاراتيه ...
كره قدم ...يعني شي في مجهود ... مو بالطق :)
لكن مانقدر نطبق كل شي ومصير اي طفل ينطق ... وشي شايفته بعيني ومتعذبين منه بعد :(

اسعدني مرورك
لاهنت
صمت القلوب
16-12-2009, 08:04 PM
والله صدقتي يا صمت القلوب

انا الصبح يوميا امر على بنات اسم الله عليهم بالثانوية والاعدادية والابتدائية حتى الروضة واقفين برع

المجمع ينطرون الباص واحذاهم عزوبية كل الجنسيات ونظراتهم مرعبة لهالبنات والله قلبي يتقطع عليهم ،

ودي انزل اكلم اهاليهم بس شاقولهم ؟ وعلى فكرة هم عرب مب قطريين

فعلا اغلبهم من جنسيات عربيه ...
الله يرحم الحال

اسعدني مرورج ومشاركتج عزيزتي ضوى
لاهنتي ^^
صمت القلوب
16-12-2009, 08:09 PM
احد المواقف المعتادة اختي صمت..

تبين الصج بعضهم لاينفع معاهم كلام ولاحتى شكوى ولاتكلمين هله حتى ..

تروحين تشتكين وتقولين انه يضرب اخوج ولدج "اذا كانوا الاهل منتبهين" تقوم المدرسة انها كلش مقدمة لج خدمة وتقولج خل نسمع من الطالب الي مشتكين عليه.. ويبونه ويقول لا:rolleyes2: ويتم على نفس الحال تكلمين اهله " بعضهم" ماينفع يقولج ولدي مأدب .. هني ياتسطرين ياتسطرين ..

مو بس هالاماكن الي ذكرتي

نقطة هامة جدا.. انتبهوا حق عيالكم من النوادي الرياضية .. قمة القذارة وتوصل احيانا لتهديد الطفل من اطفال اكبر منه عشان ياخذون مبتغاهم منه .. وهالكلام من واقع لو مانتبه ابو الطفل وصدق كلام طفله والا الله العالم شبيكون وضعه :( امحق تربية :weeping:


نقطه هااااااااااامه جدا ...
والله هذا غير التحرشات الجنسيه اللي بين الاطفال ...والله
الوالده قامت تخاف على اخواني من هالبلاوي ...
الله المستعان ...

جزاج الله خير ... وانشالله كلامنا يوصل للجميع ...
وشكرا لمرورج وتنبيهج

لاهنتــــــــــي ...
صمت القلوب
16-12-2009, 08:10 PM
كلام صحيح 100%

جزاك الله خير عالمشاركه ..

لاهنت
صمت القلوب
16-12-2009, 08:11 PM
يمه خرعتوني

انا عيالي مسجلين في النوادي
بس ابوهم دوم يراقبهم ويروح معاهم
ويتعرف على مدربينهم والاداريين

انشالله يارب ماتتخرعين ... بس زين التنبيه خصوصا اللي مثلج اختي الكريمه عندها ابناء في النوادي ... يعني للتذكير دوووم بالمشاكل اللي حولنا ...
وهذا واجبنا :)

الله يحفظ لج اليهال يارب ...
اسعدني مرورج ...
لله الحمد
16-12-2009, 08:11 PM
الشده مو بهالطريقه ... جذيه يتعقد ...
لكن ممكن نخليهم شديدين بطرق اخرى ...سباحه ..كاراتيه ...
كره قدم ...يعني شي في مجهود ... مو بالطق :)
لكن مانقدر نطبق كل شي ومصير اي طفل ينطق ... وشي شايفته بعيني ومتعذبين منه بعد :(

اسعدني مرورك
لاهنت



صح كلامج .. في طرق اخرى

بس من واقع تجربة عشتها ايام المدارس

لا تقول وراي ابوي وراي اخواني الكبار بيردون حقي ..

لازم الولد يتعلم يبني شخصيته قدام اللي في عمره .. وياخذ حقه

اذا بتعلمينه على سيارة خاصه رايحه وجاية وما يختلط مع اللي قدة

صعبة جدا .. هنيه يتعقد من قلب
صمت القلوب
16-12-2009, 08:14 PM
سبحان الله امس كنت بكتب موضوع هالشكل لان بالفعل الناس ماعاد يهتمون بعيالهم عادي راح الدكان مع الدريول او المعصره بغى اغراض من المكتبه راح بروحه مع الدريول

والي يقهر قدامي ام خلت ولدها الصغير بالالعاب بجنغل زون مع الخدامه وهي تفتر برووحها

ولا الي يقهر هي تمشي مسبهه وعيالها حولها كل واحد بممر راحو عنها ولا دريت عنهم وعقب اتقول كان قدامي وبلحظه اختفى


والامهات الي يلبسوون بناتهم لبس الله يهديهم لايسترهم ولا شي تعالو شوفي العمال والي يشتغلون بالمحلات شلون يطالعون هالبنيات


صدقيني يااختي ...مره كلمنا ام عن بنتها ..ماشالله بنتها تبين كبيره وبالغه ومعالم الانوثه بدت تبين ...لكـــــــــــن مافي فائده ...تقول معليه اخر العنقود خلها تستانس !!!!!
شنسوي اذا الام والاهل راضييين ... واحنا نصحناهم :(

الله يهدي الجميــــــــــع ...

شكـــرا لمشاركتج القيمه ...
لاهتتي غاليتي
صمت القلوب
16-12-2009, 08:16 PM
جزاه الله الف خير ابوك وما قصر ،، وترى هالسوالف وايد .. الله لا يجيب اليوم وشوف يهال يطقون عيالي .. وبخصوص الوقفه قدام البيت المفروض ما يطلعون من البيت لين يسمعون صوت هرن الباص هذا المفروض بس في ناس مساكين الي ساكنين فالعماير ذولي وين مسافه لين ينزل .. وبالنسبة للي ساكنين جمب بيوت العزاب صراحه بعد هالشيء يخوف والله .. وان سويت شيء وخوفتهم هالعزاب وهم ما في بالهم شيء تخاف تولد فكرة انتقام وتعاديهم .. فالافضل النزوح عنهم وتركهم في حالهماللهم احفظ ابنائنا وبناتنا من كل مكروه واستر عليهم يالله

هل من مستمع ؟؟:(
الله كريم

شكرا جزيلا اخوي على مشاركتك الطيبه
لاهنت
صمت القلوب
16-12-2009, 08:17 PM
يمكن الولد نشبه وسوسه وكل مره يسبهم :whistling:
واللئم فيه متسرطن :secret:

ولا تتوقعن أن جيل اليوم فيه من شخصية الناصح الشي الكثير
ويعتبر أن مسألة التعامل ( يدويا) هي الأسلم والأريح نفسيا :shy:

وعلى كل حال هناك تجاوزات يكون السبب فيها ( الأهل ) في المقام الأول

:telephone: << وينه ذي مايرد ؟

وجهه نظر معقوله ...
جزاك الله عالمشاركه

لاهنت
صمت القلوب
16-12-2009, 08:18 PM
مشكورة على التنبيه الابناء نعمة حرم منها الكثير وهناك من يحسن جوار النعم ومن يسىء

اليها بالتقصير في حقها.

مو حرام هالشي ...
والله شي يعور القلب ..اللي مايحس فيهم :weeping:<<< شوي حساسه صوب اليهال ...

شكرا حبيبتي على مشاركتج

لاهنتـــــــي
صمت القلوب
16-12-2009, 08:20 PM
والله اني تحملت مصاريف ردتهم من المدرسه بسائق خاص تحت اشراف الوالده الله يرزقها الفردوس الاعلى مع انه المدرسه ما تبعد مسافة خمس دقائق من المدرسة للبيت والكل يلومني على هذا التصرف بس من ورى المشاكل وقلة المراقبه بالباص من قبل المشرفين قلت في الفلوس ولا في اعيالي ، الله يحفظ اعيال المسلمين اللهم آميين

ماشالله تفكير زين بهالزمن الاغبر ...
والله يحفظ عيالج ياااارب ...
ونقطه هامه مراقبه الوالدين او احد منهم للاطفال في طلعاتهم ...

شكرا جزيلا للمشاركه القيمه ...

لاهنت
صمت القلوب
16-12-2009, 08:21 PM
الله يعطيج العافيه ع التنبيه اختي

الله يعافيك يارب

وشكرا للمشاركه

لاهنت
صمت القلوب
16-12-2009, 08:22 PM
الله يستر على ابناء المسلمين

امين يااارب العالمين ...

شكرا للمشاركه ^^
صمت القلوب
16-12-2009, 08:28 PM
للاسف اعاني من هذا المشكله مع عيالي اللى يروحون بالباص وكل يوم مشاكل ايش اسوي
اروح معهم يعني بالباص طبعا صعبه ما اقدر ايش نسوي ما بايدنا حيله
وشكوره على الخبر المؤسف

والله حتى احنا نواجه هالنوع من المشاكل ... بس الوالد تعب وراهم وراهم ...بس شنسوي
هاذي الحياه ...لازم نواجهها ...
يعني الحال من بعضه اختي

شكرا للمشاركه الطيبه

لاهنتي
صمت القلوب
16-12-2009, 08:29 PM
اايد كلامج 1000%
وينكم يالاهل:anger1:

:(
جزاك الله خير
شكــــــرا للمشاركه
صمت القلوب
16-12-2009, 08:30 PM
جزاج الله خير واتمنى اولياء الامور ينتبهون ع اعيالهم فلذة اكبادهم

وموقفج يكفي وخير برهان بارك الله فيج وفي والديج

والله يبارك فيك يااارب ...
اسعدني مشاركتكم الطيبه

خالص تقديري
صمت القلوب
16-12-2009, 08:30 PM
الله يعين الصغار على اللي أكبر منهم


ويهدي الجميع










تحيـــــــــــاتي ...


اميييييين يارب العالمين...

شكرا للمشاركه
صمت القلوب
16-12-2009, 08:31 PM
اذا الياهل مب متاسس صح فالبيت ومضطهد يطلع هالشي ع غيره من اليهال ...

الاهل ف وادي وكانه التربيه روتين .. ترا التربيه فن .. وكل ام وابو باسلوبه ..

وقالوها من همل افتقد .. ويعطيك العافيه ع هالموضوع

الله يعافيج اختي ...
وصدقتي بكلامج ..

الله المستعان ..

لاهنتي
صمت القلوب
16-12-2009, 08:32 PM
[/color]

بخصوص اخر نقطه

للاسف هالكلام بعد فالمدارس ينقال !!

والله مسخره في مسخره ّ!!!

والله العظيم شاب شعر راسنا من اللي نسمعه من المدارس ..
والله لدرجه انها اشيا صعب تنقال ..
استغفر الله العظيم ...:(

جزاك الله خير عالمشاركه
صمت القلوب
16-12-2009, 08:33 PM
للاسف اختي !!

كثير مانجوف مثل هالمواقف وفي كل مكاان نلقاها ..

لكن شنقول !!

في ذمة اهله ..


والله يهدي شباب المسلمين ..


والله يجزيج خير عالطرح

الله يجزيك بمثله يارب ..
وشكـــــــرا للمشاركه
صمت القلوب
16-12-2009, 08:35 PM
هذييلا كلاب..في البيت اكيد ابوهم..يلعن خامس خامسهم..وطبعا يبي يلاقي احد يتسلى عليه..وشكله الولد محد معاه يعني بروحه بالمدرسه..وكالعاده

انا واخوي ع ولد عمي..وانا ولد عمي ع الغريب..

ياما عشنا هالتجارب..وننتهي بأخر السنه بهوشه محترمه..علشان اتسوي لك اسم بالمدرسه..

كذا هالدنيا..غابه..
خاصه مع اللي يمشي مع نظام..عيال عمي..
لازم لك في كل مدرسه جماعة تمشي معاها..اما اذا بروحك..سنوات حياتك ما راح اتكون سهله


اتوقف الباص...وتمشي مع الولد..وتسأله وين اللي يهاوشونك..واهني ارعبهم قدر ما تقدر..وقولهم والله

لو لمستوا الولد ولا كلمتوه بشي ما يعجبه...اللي اتسوه فيه...صار عليكم...والله

اهني ..بيتم في بالهم..هاي وراه اخوان..واهل:omen2:

مافي غير هالحل ... علشان نوقفهم عند حدهم ...


استغفر الله العظيم ... ياريت يكون في انضباط ونظام عن هالتصرفات ...

جزاك الله خير
وشكـــــــرا للمشـــــــــاركه
صمت القلوب
16-12-2009, 08:37 PM
الله يستر لايكون ولدي بمدرسه اجنبيه يوم جاء ابوه لقاه قاعد يصيح طاقينه اخوان في الصف السادس الله يهديهم بس ولدي خذ حقه اول وزوجي ماسكت طلب ولي امرهم بكره وانا اطالب بتعهد الاهل عليهم واذا تكرر مراح اسكت

الحمدالله ان في تعهد ...بس المشكله في بعض الاهالي اللي يشوفون عيالهم هم الصح وابد مايغلطون ...يعني اشلون بنحل المشكله ...اذا مايعترفون فيها ...
الله يهديهم

شكـــــــــرا للمشــــــــــاركه ...
صمت القلوب
16-12-2009, 08:38 PM
جزيت خيرا


ويا غافلين لكم الله


ميغسي



مسيوو بوخالد911

الله يجزيك بمثله ..
شكـــــــرا للمشاركه
صمت القلوب
16-12-2009, 08:39 PM
يعطيج العافية اختنا على التنبيه المهم ، والجميع مسئول عن هذه التجاورات بحق الاطفال بداية من الاسرة والمجلس الاعلى للتعليم والمجلس الاعلى للاسرة ووزارة الداخلية وكل افراد الشعب والمقيمين الخيرين على ارض قطر ، كلنا مطالبون بحماية هؤلاء الابناء .

الله يعافيك ياارب
وشكــرا جزيلا لاضافتك القيمه ...

خالص تقديري ..
صمت القلوب
16-12-2009, 08:41 PM
صح كلامج .. في طرق اخرى

بس من واقع تجربة عشتها ايام المدارس

لا تقول وراي ابوي وراي اخواني الكبار بيردون حقي ..

لازم الولد يتعلم يبني شخصيته قدام اللي في عمره .. وياخذ حقه

اذا بتعلمينه على سيارة خاصه رايحه وجاية وما يختلط مع اللي قدة

صعبة جدا .. هنيه يتعقد من قلب


وجهه نظر اتقبلها ...خصوصا في تربيه الاولاد لانها تختلف عن تربيه البنت ...
ولازم يصير شوي خشن ... وهذا اغلب كلام الاباء

جزاك الله خير ..
وشكرا لمشاركتك القيمه ...
الصوت المبحوح
16-12-2009, 11:41 PM
الله يحفظ اعيالنا
صمت القلوب
18-12-2009, 01:44 AM
الله يحفظ اعيالنا

امييييين يارب العالمين ...
شكــــرا لتواجدكم
الـمـحـنـك
18-12-2009, 01:57 AM
كلام صحيح
صمت القلوب
20-12-2009, 03:37 PM
كلام صحيح

شكــــــرا لتواجدك الكريم
لاهنت
صمت القلوب
23-12-2009, 04:56 PM
رفع للاهميـــــــه
طماطه
23-12-2009, 05:39 PM
الله يحفظ عياااالناااا
صمت القلوب
27-12-2009, 02:27 PM
الله يحفظ عياااالناااا

اميييين يارب العالمين

شكرا لمرورج الطيب