المساعد الشخصي الرقمي

مشاهدة النسخة كاملة : غياب لجنة طوارئ الأمطار


ولد شرق
13-12-2009, 09:34 PM
السلام عليكم ورحمة الله و بركاته
اولا مبارك عليكم الحيا
والله يجعلها أمطار خير و رحمة و بركه

لاحظت غياب لجنة طوارئ الامطار تماما من بدايه هطول الامطار

شكلهم اغترّوا في كلمتين المدح قبل 3 ايام في الجرايد
ومن امس الحمدلله المطر ماوقف لكن الشوارع كلها انترست بالماي ولا شفت حتى سياره وحده الله يكرمكم تشفط الماي

الصراحه السنه هاذي غير عن كل السنوات اشوف غياب كامل و تام وشامل من البلديات حتى الشوارع الرئسيه اطفحت ولابقادرين انسوق مواترنا
لين متى هالاستهتار ودي اعرف بس لين متى...
ضوى
13-12-2009, 09:42 PM
صادق ياخوي

اليوم يمكن ساعة كاملة العمال ( عمال نظافة تابعين لعملي ) يحاولون يفتحون بالوعة ( اجلكم الله ) لتصريف الماي امام مقر عملي وبعد ماسحبت كل الماي وين لجنة الطوارئ ؟؟
وطن
13-12-2009, 09:43 PM
الصراحة فرق بين امس واليوم في بعض الشوارع اللي مريت فيها
لكن في شوارع للحين فيها بحيرات مو نقع بس

غير الاماكن اللي اساسا مب مرصوفه ونضطر نروح فيها لان في بيوت او محلات عندها
يعني طين ونقعه شكبرها

<=== كانت خايفه تغرز
!الشايمه!
13-12-2009, 09:51 PM
بيلحقون على شنو والا شنو....والله يازين الامطار....

لكن الشوارع كئيبه ومع المطر تتوضح الشوارع الدامرة والتكسر
والحفرينغ بكل مكان.....مافي الا لما تقبل ع منطقة الابراج
تحس فبلاد ثانيه......!

ودام الدمار هو نفسه...بمطر والا بدونه....خلونا نستانس بالمطر :nice:

والله المستعان....


تحية
babyskin
13-12-2009, 10:01 PM
الصراحة العيب مو في اللجنه

العيب في الشوارع العويه والمطر طبعا يكشف المستور

مب كل يوم عندنا مطر خلنا نستانس بس يا ليت كانت الشوارع مرصوفة بذمة اذا تاير تريلا يعفسها شلون ما شا الله مطر ما وقف ليلتين.

الحمدلله رب العالمين على المطر واللهم لا تجعلنا من القانطين .
Riku3
13-12-2009, 10:15 PM
ياخوي يلحقون على شنو والا شنو .. الكورنيش كمثال وهذا جنب البحر المفروض يكون التصريف سهل جداً .. لقيناه غرقان من بدايته لين نهايته ولازم تمشي في السيد الي في النص علشان ما تدخل في الماي .. ولو مشيت في النص العالم تغرقك بالماي ... يعني غرقان غرقان .

المشكلة في البنيه التحتيه مب في البلدية ..... وترى المطر كان خفيف ولكن استمر لفترة طويلة ولو كان مطر قوي لفترة اقصر كان ممكن تشوف نص مناطق الدوحة غرقانه .
سكرمر
13-12-2009, 10:39 PM
تصميم شوارع غلط

ولا في تجهيز لموسم الامطار من البلديه

على الاقل المفروض البلديه تنتهز هالفرصه عشان تحسن صورتها لكن للاسف


لو يسون كونتركت مع اي شركه للنظافه يكون احسن


تحياتي
شموع قطريه
13-12-2009, 11:17 PM
الله يستر علينا بس .. العام الناس كانت تسبح في فيلاجيو ناقصهم بس قارب انقاذ ..

خلوه احسن خل يطلع فضايحهم مثل ماطلع فضايح شارع سلوى وفضح غش الشركه اللي رصفته
abn qatar
14-12-2009, 08:33 AM
لجنه طوارئ الامطار مثل لجنه حمايه المستهلك نايمين في العسل ماعندهم الا الكلام والتصريحات

الفاضيه