المساعد الشخصي الرقمي

مشاهدة النسخة كاملة : موضوع يستاهل اهتمام ضد فودافون


قلب شاعر
14-12-2009, 11:18 AM
انا استغرب من قله الشكاوي ع فودافون مع خدماتها السيئه اللي تقدمها من ضعف ارسال في الشبكه وعدم وجود اي خدمات اضافيه تستاهل ولصالح المستخدم وبلأضافه الى الوعود اللي ماشفنا منها شي من شهر 8 عن فتح المجال لنقل الملكيه وتحويل اسامي...

واللي زاد الطين بله ... عرض فودافون الأخير على ارقام المميزه نص السعر و 50% خصم .... وين العرض هاذا من قبل كلنا كلمنا فودافون واشتكينا من اسعار المبالغ فيها واسعار جدا فلكيه وخياليه....

المشكله ان فودافون لا خلت الناس تبيع ارقام شرتها بألاف ...ولا بعد ارجعت اضربهتم في السوق بنص السعر للرقم ....والله يا جماعه العبت في ناس وايد بهاذي الحركه...يعني اللي شرى رقم ب 100 الف وما كان قادر يبيعه والحين سعره ب 50 الف

شلون الشركه تبيع الرقم وماتعطيك حريه التصرف في الرقم وترجع تضربك في نص سعره مره ثانيه ...

وكل المضررين ساكتين محد يشتكي ولايتكلم ..عيل من حق فودافون تلعب فيهم دام فيهم بلاده لهاذي الدرجه وعادي ان الشركه تلعب بفلوسهم براحتها ..

[SIZE="5"]و على العموم الشركه ناويه تكمل سنه بدون فتح تبديل اسامي يعني مافي تحويل اسامي قبل شهر 5 او 6 2010 ...وكل الوعود غير صحيحه ومالها نيه الحين تسوي شي [/
SIZE]وياريت اللي مش راضي عن فودافون او عن خدماتها وانظلم وغيره يتكلم مايسكت عشان تعرف الشركه ان العميل مش راضي ....لأن الشركه حسبالها ان 99% من عملائها سعداءمنها وراضيين ..

هاذا ايميل الشكاوي لفودافون لمتى السكوت اذا كنت واذا كنت عاجبتك الخدمه الله يهنيك كل واحد ونظرته الخاصه انت مبسوط غيرك لا

care.qa@vodafone.com
PLATINUM
14-12-2009, 11:45 AM
انا واحد راضي عن الخدمات

لاني بكل بساطه ماشتري ارقام عشان ابيعها يعني الحمدالله مش متضرر

والارقام الحلوه راحت في البدايه والعرض هذا عشان يحركون الارقام اللي ماراحت

يعني يمشون بضاعتهم
بعد مايصير يقعدون على نفس الاسعار ومحد يشتري عشان الاخوان اللي يبون يبيعون مايتضررون

وبخصووص الارسال التعبان انا اشوفه كل يوم يتحسن يعني شغالين الجماعه وعذرهم معاهم بعد توهم ماكملوا سنه
eXpert*
14-12-2009, 11:52 AM
أمس أتصل في واحد من الربع عنده فودافون من الساعة 9 لين الساعة 3 الفجر وتلفونه كله مغلق !!

أرسلت مسج له ،، التقرير عطاني قيد التنفيذ ،، اليوم الساعة 9 الصبح وانا قاعد جنبه جاه المسج !!!

للعلم تلفونه كان مفتوح طول اليوم !!
يحفظك ربي
14-12-2009, 01:10 PM
انا انسان راضي عنهم صراحة وعروضهم ماعلينا كلام بس باقي خدمة البيبي وكلوو تماامم :nice:
CH Engineer
14-12-2009, 01:20 PM
شبــاب لحد يرضى الشركة نفسها عروضها برى قطر احلى من العروض داخل قطر ليش يعني ...

اهل قطر مب تارسين عينها؟؟
law girl
14-12-2009, 01:45 PM
انطروا شوي عليهآ وبتشوفون اللي يرضيكم ..
انا بصراحة عاجبتني الشركة ..
وخدمآتهـآ لآبآس فيهآ بمآ إنهآ جديدة ..
ومثل مآقآل يحفظك ربي بس ناقصتهم خدمة البيبي وكل شي يكون تمآم ..

فودافون } روحوآ والقلب دآعيلكم ^_^
الحبتور
14-12-2009, 01:53 PM
وانا بعد راضي عن خدماتهم الطيبه والجليله
الدغناش
14-12-2009, 01:59 PM
حسبي الله ونعم الوكيل
qatar005
14-12-2009, 02:06 PM
انا الحمدلله راضي من الشركه فودافون وغيرها

والشركه لها حريه العرض والتسويق دام مافي منافس لها

وبخصوص سعر الارقام عجبتني الشركه يوم سوت خصم 50% على بقيه الارقام منها تنشيط السوق ومثل ماذكر اخوي والارقام الي بقت الارقام العاديه

الله وكيلك واحد يشتري الرقم ب 1500 او 2000 ويعرضها للبيع ب 10000 خير انشالله يحسب ليحين عايش في الجاهليه يبا الناس تطورت والشركه ارقامها على النت اي واحد يقدر يدخل ويشتري الي سبق لبق

حتى كيوتل ارقامها رخصت مب مثل قبل مافي شي تحت الطاوله الشركه بعد تبي تستفيد من ارقامها وهي لها الاولويه في بيع الارقام والاستفاده من اسعارها

((يستاهل الي كلاها من الارقام وتضرر دواه هاي ارقام تلفون مب تجاره هاي درس له ولي غيره يالحبيب))

وسلامتكم
ملازم1
14-12-2009, 02:17 PM
بصراحه شركه ممتازه ولها مستقبل كبير اما بخصوص الارقام والخصم تقدر تقول نصيب واهم شي الارقام معروضه عندك على الشاشه تختار الى يعجبك واسعارها ارخص من كيوتل والى الامام يا فودافون
2010
14-12-2009, 03:22 PM
هذي سياسه فودافون صكرت تحويل الاسامي ..

عشان الارقام ما تنباع الا من الشركه نفسها و هي الي تستفيد

و ما بتفتح خدمه تحويل الاسامي الا لين ما تشوف ان ما بقى شي من الارقام او تنتهي كلها

و صح خدمتهم تعباااانه تعبااانه و اسعاارهم بعد غاااليه

يعني كلما ينزلون كيوتل ينزلون اكثر

و الارسال بعد تعباان

انا ابي اعرف وين ودوا 7.98 مليااااار ريال قطري الي خذوهم من المساهمين في الاكتتاب

ولا شفنا اي استراتيجيه لتحسين الاداء .. ولا تحسين سعرها في البورصه
الجوكر90
14-12-2009, 03:29 PM
بالتوفيق ان شاء الله
بومحمد911
14-12-2009, 03:43 PM
فوفو ما عليها كلام

ماعندي مشاكل معاهم

وخدماتهم ممتازة
قلب شاعر
14-12-2009, 11:08 PM
اشكر الردود ... الكريمه والحلوه ... وانا اشوف اكثر اللي يدافعون عن فودافون ماعندهم خبره اتصالات ولا حتى في فودافون نفسها ... اللي جرب فودافون في بريطانيا ..وغيرها ..فيه مصداقيه ومنطقيه اكثر من اهنيه واشوف كثير من الردود فيها انانيه لأهم يفكرون بنفسهم ماتفكير بمصلحه غيرك
قلب شاعر
14-12-2009, 11:14 PM
انا الحمدلله راضي من الشركه فودافون وغيرها

والشركه لها حريه العرض والتسويق دام مافي منافس لها

وبخصوص سعر الارقام عجبتني الشركه يوم سوت خصم 50% على بقيه الارقام منها تنشيط السوق ومثل ماذكر اخوي والارقام الي بقت الارقام العاديه

الله وكيلك واحد يشتري الرقم ب 1500 او 2000 ويعرضها للبيع ب 10000 خير انشالله يحسب ليحين عايش في الجاهليه يبا الناس تطورت والشركه ارقامها على النت اي واحد يقدر يدخل ويشتري الي سبق لبق

حتى كيوتل ارقامها رخصت مب مثل قبل مافي شي تحت الطاوله الشركه بعد تبي تستفيد من ارقامها وهي لها الاولويه في بيع الارقام والاستفاده من اسعارها

((يستاهل الي كلاها من الارقام وتضرر دواه هاي ارقام تلفون مب تجاره هاي درس له ولي غيره يالحبيب))

وسلامتكم

انت تتكلم عن هوايه قبل ماتكون تجاره ... وبعدين محد يشتري رقم ب 1500 ويعرضه ب 10000 الا اذا كان يستاهل سعره .....وليش تروح بعيد وايد ارقام اطلعت من كيوتل ب 200 ريال وراحت ب 20 الف برع .... وين الجاهليه اللي تتكلم عنها ومحد اجبرك تشتري في شي ماتعرفه ...

اعرف وايد ناس يطلعون مواتر سبور وغيرها وتكون سيارتين او 3 في قطر كلها نفس النوع ويبيعها بأغلى من سعرها ف الوكاله ...ليش تحسبها حلال واللي هوايته رقم حرام ومب تجاره ...
باشا البدو
15-12-2009, 08:24 PM
أخوي هذي شركه جديده يبيلها صبر

ولا ننسى المعامله الزفت اللي كانت تعاملنا فيها كيوتل قبل تطلع فودافون

كيوتل هي ببساطه أسوأ مافي قطر (استغلاليه بمعنى أم الكلمه)

مابدت عروضها الشهري وغيرها (اللي كله خرطي) الا لما نزلت فودافون

أنا بصراحه مستاءءء جدا جدا من طريقه كيوتل في تعاملها مع الزبائن
jetstream---
16-12-2009, 02:29 AM
أخوي هذي شركه جديده يبيلها صبر

ولا ننسى المعامله الزفت اللي كانت تعاملنا فيها كيوتل قبل تطلع فودافون

كيوتل هي ببساطه أسوأ مافي قطر (استغلاليه بمعنى أم الكلمه)

مابدت عروضها الشهري وغيرها (اللي كله خرطي) الا لما نزلت فودافون

أنا بصراحه مستاءءء جدا جدا من طريقه كيوتل في تعاملها مع الزبائن


:nice:
elsahher
16-12-2009, 03:25 AM
ياباشا نصيحة منى الشركة الجديدة ارقامها بتبقى رخيصة لان الارقام كثيرة والشبكة بتبق لسة بتتظبط
فمافيش عليها طلب

لكن بعد سنة والارقام تبتدى تقل والشبكة تظبط ويكون فية منافسة فى العروض والاسعار

الارقام اللى معاك هيبقى لها سعر تانى خالص

يعنى اللى مش هيتباع النهاردة مصلحة ليك

بس الصبر

الله يوفقك
العودي V.X.R
16-12-2009, 11:19 AM
انا مع اخوي قلب شاعر وعلى قولة القايل ((( من سوا نفسه سبوس العبت فيه الدجاج )))

المفروض من الحين الكل يوقف ضد الشركه وخدماتها والا تبوون تعيدوون اللي سوته كيوتل معاكم ..

دام ان الشركه توها في بدايتها عندنا لازم نقعد عظم في البلعوم عشان احنا نرتاح

واحنا مانذم في الشركه مثل بعض الناس يقولون الشبكه والارسال روالعروض ومايردوون ..؟

كل ها الاشياء صايره مع كيوتل مع ان العالم يشتكون لكن ؟؟؟ في حد معبرهم ؟؟؟؟ بس (( لووك لوووك لوووك ))) وقرر قررر وايد ..

مجرد وجهة نظر ... والسلام
قلب شاعر
16-12-2009, 03:57 PM
انا مع اخوي قلب شاعر وعلى قولة القايل ((( من سوا نفسه سبوس العبت فيه الدجاج )))

المفروض من الحين الكل يوقف ضد الشركه وخدماتها والا تبوون تعيدوون اللي سوته كيوتل معاكم ..

دام ان الشركه توها في بدايتها عندنا لازم نقعد عظم في البلعوم عشان احنا نرتاح

واحنا مانذم في الشركه مثل بعض الناس يقولون الشبكه والارسال روالعروض ومايردوون ..؟

كل ها الاشياء صايره مع كيوتل مع ان العالم يشتكون لكن ؟؟؟ في حد معبرهم ؟؟؟؟ بس (( لووك لوووك لوووك ))) وقرر قررر وايد ..

مجرد وجهة نظر ... والسلام

وجه نظر حلوه اخوي.. انا اشوف استغلال واضح ف ارقام فوداون واسعارها من حق لعميل انه مايدفع فلوسه في شي بدون خدمات واسلوب لف ودوران نفس فودافون...يعني عندنا يقصون ع العالم بأرقام مميزه أسعارها خياليه في بلدان ثانيه نفس مصر وبريطانيا توزع أرقام المميزه ع عملائها اللمميزين اللي يدفعون اكثر للشركه اما تكون ع شكل نقاط تتجمع وتحصل ع ارقام بدالها مميزه وعندنا اشتريه وماتقدر تبيعه بعد
بـن عدوان
16-12-2009, 09:04 PM
عيبهم الحالي الارسال فقط .....

بس خدماتهم كانت السباقة في قطر، كل ماسووا عرض قامت كيوتل تسوي !!!

غير هاي عطونا 300 + 300 + 300 ميجا حق الانترنت مجانا


وخدمة الدولي بــ 50 درهم !!!!

وكل ماتعبي تحصل رصيد مجانا ودقايق مجانية بنفس قيمة الرصيد ؟؟


الصرآآحة لأآآآ يعلى عليهم
baderbitar
16-12-2009, 11:57 PM
يا اخوان مكبرين شغلة الارقام وهي اصلا ماتستاهل
ومن وجهة نظري كمستخدم عادي اخر ما انظر اليه الرقم وهالشغلة هي بتهم تجار الارقام فقط
واحسن لي اشتري رقم من الشركة لاستخدامي ولا اتعرض لطمع التجار ومبالغتهم في الربح
اما من ناحية خدماتهم فممتازة
بكفي انه دقيقة الاتصال الدولي وصلت نص ريال او اقل وهدا اللي ماشفناه من قبل ولا كنا لح نشوفه لولا دخول فودافون
رنوش قطر
17-12-2009, 12:15 AM
شركه ناجحه ولها مستقبل ممتاز
انا من أوائل العملاء في فودافون
بدال موضوع الفودافون يريد نشوف عن كيوتل وعن الي يسونه لنا
اغلى شركه اتصالات يمكن في العالم كيوتل @@ فلسنا قسم بالله
مشترك في خدمه البلاك بيري ومن رقم خاص ماتصلت منه
ولا ارسلت مسج منه ولا فتحت صفحات وقالولي شهريا 120
اخر الشهر رحت الا 700 وشي ريال !! لا حولاه ولا قوه ليش انزين هاي كله
حتى لو اشتكينا بعد مافي فايده من هاي كله

السموحه اذا طلعت من الموضوع بس ماشوف اي عيوب من فودافونـ
خصوصأ المكالمات الخارجيه والله حـــلاوه وهاي هم ماكملو سنه وهاي عروضهم واسعارهم

ويعطيك العافيه اخوي ع الموضوع
باشا البدو
17-12-2009, 12:55 AM
اخوي انا أقول كيوتل سو سو باد

انشالله نسمع بأفلاسها قريب
LiL iNVe$ToR
17-12-2009, 01:04 AM
مثل ماقلت في اول رد اخوي ...هي الشركه ..والارقام بتم ارقامها ..خذت الرقم من قبل ..وصار سعره الحين انزل بـ 50% او ان شاء الله لو سووها 90% بعد ..هي الشركه وحره فالعروض اللي اتسويها .

والناس اللي خذو ارقام على اساس المتاجره فيهم ..والحين صار سعرهم النص ..الله يكون في عونهم ..بس ماتقدر اتلوم الشركه ..

كشركه توها جديده ..اكيد تبي تجذب اكبر عدد من الزباين واتحرك عمرها ..واللي اتسويه اكيد 100% بيكون في صالحها وفي صالح كل زبون بعد ..

في شي سوته ومحد راضي عنه ؟ سالفة نقل اسامي هاذي سياستهم ولهم الحريه انهم يتحفظون بالارقام ..وكشركه جديده اكيد تبي اتكون المستفيده الاولى .

ماعندي مشاكل ويا فودافون ..بس الارسال يكون ضعيف ساعات ..وصراحه شي كلش عادي ..ياما صارت هالاشيا واكثر مع كيوتل ..بس محد كان يتكلم لانها كانت الشركه الوحيده ..والحين لما تجي شركه جديده عادي الذم فيها ؟

ماقول انها مافيها مشاكل ..فيها ..بس توها عطوها فتره تثبت نفسها فالسوق ..واكيد بتشوفون اللي يسركم.
قلب شاعر
17-12-2009, 10:52 AM
اشكركم ع الردود الفعاله والحلوه واتمنى نسمع كلام الجميع لآن اذا صارت فودافون زينه اكييد كيوتل راح تصير احسن وافضل عشان تنافسها وهاذا طموحنا واللي نبي نوصل له تنافس شريف وفعال لصالح المشترك في الدرجه الآولي وشي يسرنا ومانحس بالمبالغه اللي نشوفها من كيوتل او فوافون
CH Engineer
17-12-2009, 11:33 AM
شباب الي يقول انه الشركة توها جديده غلطان بهالكلام شركة فودافون شركة عالمية كبيرة والخدمات اللي تقدمها ولاشي بالنسبة لسمعتها ومكانتها فالسوق ولا قاعدين نشوف منهم خطوات لتقديم خدمات افضل او ع الاقل مثل ماتسوي فالدول الثانيه بس سياستها فقطر هي الطمع وبس..
حتى بيع الارقام ماشفنا هالطمع الا فقطر والارقام باسعاااار خياليه ارقام ماتسوى شي بسعر 7500 حتى لو خصم 50% يعني كم بتوصل ماتستاهل نص السعر..

وتحويل الاسامي ليش ممنوع بأي حق تمنعه ؟؟؟

واللي يقول الشركه كيفها تسوي الي تبيه غلطاااااااان هالكلام ماسمعنا فيه الا بالعهد البيزنطي الحين العالم تقول على كيف المستخدم وبعدين هي شركة طارحه اسهمها فالبورصه وخذت منا فوق ال 7 مليار ريال.. وبعد كل هذا تجي تقول على كيفها طبعا لأ.. وين ارضاء الزبون وين ارضاء المستخدم...
LiL iNVe$ToR
17-12-2009, 03:04 PM
^ فودافون شركه عالميه ومعروفه ...بس جديده في قطر ..بعدين هي تأسست من الصفر واسمها فودافون "قطر" .

وبخصوص تحويل الاسامي ..لها كل الحق انها تمنع ..هي الشركه وهاذي سياستها ..لو الواحد كان يدري ان مافي امل يحول الاسم بعد مايشتري الرقم ..هل بيروح وبيشتري رقم على امل التجاره فيه ؟ وهو عارف الاسامي مابتتحول ؟

واذا ماكان يعرف ..مثل مايقولون القانون لايحمي المغفليين .
CH Engineer
17-12-2009, 06:03 PM
مادري ايش سر هالاعجاب والحب لفودافون مادري ليش ادافع عنها انت فاهم الدنيا غلط
هالشركاات محتااجه للمساهمين ومحتاجه لنا واذا تعاونا بناخذ حقنا منها وبتتبع سياستها الي تتبعها فكل دول العالم
بس دام بينا اشخاص مثلك راح انتم مميزين بنظر فودافون بس مميزين على انه احنا مغفلين..
وياريت محد يسمع لكلام هالاشخــاص

سلاام ماراح ارجع للموضوع..
LiL iNVe$ToR
17-12-2009, 06:23 PM
الشركه ماكلت حق حد ..واتقول فاهم الدنيا غلط ؟

بس عشان خفضت من اسعار الارقام ..والحين الناس اللي شرو الارقام قبل خسرانيين نص المبلغ ؟ هاي الحق اللي تبونه ؟ ليش من الاساس تشترون ارقام دامكم اتقولون مبالغيين في اسعارهم ؟

عني انا خذت رقم مميز والحين سعره صار نص المبلغ اللي شريته ..بالعكس فرحان لان هالشي سووه ..عشان غيري يقدر ياخذ ارقام مميزه بنصف السعر القبلي ..بعدين هالعرض ساري في فتره معينه مثل ماصرحو ...وهذا هو المقصد ..جذب اكبر عدد من الزباين ..وماظني فاهم الدنيا غلط .
Qatar-King
17-12-2009, 08:50 PM
انا اعااني من ضعف الارساال في كيوتل ..,,,


شريت رقم فودافون والحمدلله الارسال تمام وفــل على طووول ,,,
QaTaR_OnE
18-12-2009, 05:42 PM
انا راضي عن خدمات الشركه

كفايه الويب سايت مالهم تقدر تختار الرقم وانت في البيت ويوصولنه لك وين ماتبي

الى الامام يافودا
بوليد
19-12-2009, 01:23 AM
صحيح اني خسرت بعد العرض الجديد عل الارقام المميزة
لكن الحق ينقال فودافون غيرت اشياء وايد
خلت كيوتل الي كانت ماتنزل من اسعارها درهم واحد توصل للنص
كل يوم عرض جديد
وان شاء الله يجي يوم ويكون سعر المكالمة نص درهم
MoTeC
19-12-2009, 06:40 AM
اعتقد كل اللي ردو يحبون فودافون لأنهم من الاساس كارهين كيوتل
انا بقول شي واحد البني ادم ماملي عينه إلا التراب شكلكم تبون كيوتل تعطيكم الشهري مع مليار دقيقه و 1جيجا انترنت و 10 آلاف sms وتبونها بـ10 ريال صح
وحتى الـ10 آلاف sms بتقعدون تطرشون في كل مسج كلمه كلمه وبعدين بتقولون كيوتل حراميه
ولا اقول بس بس هذا اخر رد لي عن كيوتل وعن اي شي يخص كيوتل سلملم
قطراوي
19-12-2009, 08:32 AM
صراحه شباب

احلى ميزه في فودا فون هي اختيار الرقم الممييز حتى وانت في بيتك والجميع سواسيه

ارقام كيوتل كانت لناس وناس ولا اعرف سبب ان كيوتل رافضه تحط الارقام في النت

حتى الان لكي تتكافاء الفرص


سلاااااااااااااااام
عاشق امل
19-12-2009, 04:36 PM
انا مازلت اشتكي واشتكي واشتكي ولا لقيت رد وغسلت يدي منهم ..

وكلمتهم وقلت لهم وين المنافسة والا هي نهيبة .. يقولون لك مالك الا طيب الخاطر..
قلب شاعر
19-12-2009, 05:16 PM
لا زالت الرودو بين مؤيد ورافض ...وتبون الصج انا ماشفت نهبه اكثر من كيوتل ... والله يا جماعه قبل العيد مسافر دوره اسبوعين وليله السفر دافع فاتوره جوالي وسكرته طول الوقت هناك واليوم جاتني فاتوره ب 1200 ريال والله مالحقت استخدمه لين الحين .... هاذي كيوتل واجر ع الله
بومحمد92
19-12-2009, 05:49 PM
أحسن شي ان خلت كيوتل تتحرك وتشتغل صح وتسوي عروض وغيره ..
م. عبدالعزيز
19-12-2009, 07:16 PM
اخوي قلب شاعر.. شرط انه اللي ردوا ومدحوا فودافون تعال خذ رايهم بعد سنتين وشوف اذا ما يشتكون على فودافون ويذمونهم.. وبتشوف .. الشركه توها جديده ومالها تجارب سيئة من العملاء واذا سوت شي غلط قالوا اوكيه جديده توه الناس ويسكتوون.. وكيوتل من سنين تقدم الخدمات فأكيد فيه تجارب كثيره .. سواء ايجابيه ولا سيئة..
Dana’1
19-12-2009, 08:58 PM
السلام عليكم
ليلة العيد او قبل باليل بعد كيوتل فصلت فاتورتي مع اني ما كلمت كثيير فكنت بستعمل خطي الثاني لكيوتل هلا بس قلت خل يولون ومن هنا بدأ تجربتي مع فودا فون دخلت الحياة بلازا ولقيت لهم محل في المخازن على طول خذت رقم جديد ب25 ريال وعبيتة 35 وبشكل سريع ومرن وكلمت وطووووولت مع العلم اني اكلم دولي وكذا رقم ودولتين مختلفتين السعودية واحد الدول العربية واخذت راحتي بالكلام وحسسيت بالفرق بينهم وبين كيوتل بخدمة هلا بعدها انبسطت وصرت دوم اطلب كرت فودا فون واكلم
والي حلو بالموضوع مفاجأتهم لي برسالة بان الرقم العربي الي اتصل علية اكثر شي فعطوني فية خصم لوقت محدد نسيت كم يوم بس حلو حتى لو كان يومين على الاقل يحسون بالعميل
وكيوتل هييي من زمان اعبي هلا واتصل ولا عمرهم قالولي خصم على رقم او دولة معينة وما يمدي الواحد يسولف
بس مشكلتهم بالارسال ويعطي للشبكة مشغولة في فترات المناسبات خصوصا
وشكرا عالموضوع الحلو
فقط قطر
19-12-2009, 09:25 PM
ياحي نار فوادافون ولا جنة كيوتل...
احس فيني قهر على كيوتل...استعبدتنا طوال هالسنين ....وذبحتنا...وحرقتنا...واحنا ساكتين..منطمين....لا حول ولا قوة...
الله ينصر شركة فودافون ( الاجنبية ) اللهم امين...وأن شاءالله دائم في تنافس مع كيوتل....
اللهم لا تجعلهم يتفقون معاً...اللهم فرق الالفة بينهم لصالحنا.....


واخيرا وبصراحة....حركتهم حلوة والله...
اضربت اصحاب الارقام...ونزلت من سعر الارقام....واحنا المستفيدين والحمدلله....
Qatar-King
19-12-2009, 11:57 PM
ياحي نار فوادافون ولا جنة كيوتل...
احس فيني قهر على كيوتل...استعبدتنا طوال هالسنين ....وذبحتنا...وحرقتنا...واحنا ساكتين..منطمين....لا حول ولا قوة...
الله ينصر شركة فودافون ( الاجنبية ) اللهم امين...وأن شاءالله دائم في تنافس مع كيوتل....
اللهم لا تجعلهم يتفقون معاً...اللهم فرق الالفة بينهم لصالحنا.....


واخيرا وبصراحة....حركتهم حلوة والله...
اضربت اصحاب الارقام...ونزلت من سعر الارقام....واحنا المستفيدين والحمدلله....

:nice::nice::nice:
فهد111
20-12-2009, 05:00 AM
لو بلااش ماخذيت منهم شي
قلب شاعر
20-12-2009, 08:47 AM
اعتقد كل اللي ردو يحبون فودافون لأنهم من الاساس كارهين كيوتل
انا بقول شي واحد البني ادم ماملي عينه إلا التراب شكلكم تبون كيوتل تعطيكم الشهري مع مليار دقيقه و 1جيجا انترنت و 10 آلاف sms وتبونها بـ10 ريال صح
وحتى الـ10 آلاف sms بتقعدون تطرشون في كل مسج كلمه كلمه وبعدين بتقولون كيوتل حراميه
ولا اقول بس بس هذا اخر رد لي عن كيوتل وعن اي شي يخص كيوتل سلملم

كيوتل استغلاليه درجه اولى ...ولا تفتكر اذا انت عندك معرفه في كيوتل ومرتاح غيرك حاصله ... نفسك... المدراء في كيوتل يتعاملون وكأن كيوتل شركتهم الخاصه مو شركه ربحيه يهمها ان العميل يكون راضي ... من اسنين واسلوب اللف والدوران موجود في كيوتل

ولا عمرك سمعت عن شركه اتصالات راقيه.. كل مدير عنده لسته أرقام مميزه ويوزعها ع ربعه مخشوشه وماتطلع حق ناس وناس ...

وبعدين انت قاعد تألف ان محد عاجبه خدمات كيوتل ولو صارت ببلاش ولا انت تبي الناس تصير بليده نشترك في نظام الشهري وبعد اسبوع يجيك مسج وصلت 80% من استخدامك مثلا للمسجات ... والله لعبه ... انا صادني الموقف وانا اصلا ماطرش مسجات وايد مو فاضي اكتب مسجات في الجوال كل دقيقه .... ودقيت عليهم .. قاموا يرقعون عندك رصيد مسجات والظاهر وصلك المسج بالغلط... عديتها ...والشهر اللي بعده جاني نفس المسج وانا بعد ما استخدم المسجات نادر ...واتصلت فيهم ونفس الكلام وحياتك ...يعني افهمها لو ماتابع كيوتل ع طول راح تنهبك يا بالراحه

تجربه ثانيه عمليه سويتها ...عندي جوال خط ما ستخدمه سكرته اليوم وفاتورته 10 ريال ...جيت بطلته بكره اشيك ع الفتوره لقيتها 20 ريال ...وع طول سكرته وبطلته اليوم اللي بعده اشيك الفاتوره 30 ريال ...وارجع اسكره وابطله لمده بس عشان اشوف الفاتوره .. تميت فتره بس وكل يوم ابطل واسكر وهاكذا ..بدون ماستخدمه ولا حتى رنه سويت منه ...ولقيت والله العظيم الفتوره تزيد 10 ريال بمعدل كل يوم بدووون اي ستخدام مني ...وهاذا شي غريب ...وشوف كلنا مانزعل لما كيوتل تاخذ حقها بس بالمقابل تعطيني حقي كاعميل متميز فيها ومربح الشركه بأتصلاتي وفواتيري اللي تتعدى 10000 ريال شهريا لو انا وغيرنا في فودافون وقاعدين ندفع فواتير جولاات بس 10000 شهريا شوف شلون راح تعامنا فودافون
المخفي2
20-12-2009, 09:24 AM
الله يوفقك اخوي
قلب شاعر
22-12-2009, 03:30 PM
اشكر التفاعل والردود الحلوه
Dream Team
22-12-2009, 04:55 PM
كيوتل استغلاليه درجه اولى ...ولا تفتكر اذا انت عندك معرفه في كيوتل ومرتاح غيرك حاصله ... نفسك... المدراء في كيوتل يتعاملون وكأن كيوتل شركتهم الخاصه مو شركه ربحيه يهمها ان العميل يكون راضي ... من اسنين واسلوب اللف والدوران موجود في كيوتل

ولا عمرك سمعت عن شركه اتصالات راقيه.. كل مدير عنده لسته أرقام مميزه ويوزعها ع ربعه مخشوشه وماتطلع حق ناس وناس ...

وبعدين انت قاعد تألف ان محد عاجبه خدمات كيوتل ولو صارت ببلاش ولا انت تبي الناس تصير بليده نشترك في نظام الشهري وبعد اسبوع يجيك مسج وصلت 80% من استخدامك مثلا للمسجات ... والله لعبه ... انا صادني الموقف وانا اصلا ماطرش مسجات وايد مو فاضي اكتب مسجات في الجوال كل دقيقه .... ودقيت عليهم .. قاموا يرقعون عندك رصيد مسجات والظاهر وصلك المسج بالغلط... عديتها ...والشهر اللي بعده جاني نفس المسج وانا بعد ما استخدم المسجات نادر ...واتصلت فيهم ونفس الكلام وحياتك ...يعني افهمها لو ماتابع كيوتل ع طول راح تنهبك يا بالراحه

تجربه ثانيه عمليه سويتها ...عندي جوال خط ما ستخدمه سكرته اليوم وفاتورته 10 ريال ...جيت بطلته بكره اشيك ع الفتوره لقيتها 20 ريال ...وع طول سكرته وبطلته اليوم اللي بعده اشيك الفاتوره 30 ريال ...وارجع اسكره وابطله لمده بس عشان اشوف الفاتوره .. تميت فتره بس وكل يوم ابطل واسكر وهاكذا ..بدون ماستخدمه ولا حتى رنه سويت منه ...ولقيت والله العظيم الفتوره تزيد 10 ريال بمعدل كل يوم بدووون اي ستخدام مني ...وهاذا شي غريب ...وشوف كلنا مانزعل لما كيوتل تاخذ حقها بس بالمقابل تعطيني حقي كاعميل متميز فيها ومربح الشركه بأتصلاتي وفواتيري اللي تتعدى 10000 ريال شهريا لو انا وغيرنا في فودافون وقاعدين ندفع فواتير جولاات بس 10000 شهريا شوف شلون راح تعامنا فودافون

يعني جات على سالفة تحويل الأرقام فصارت الشركة مب زينه

نيستوا كيوتل وبوقاتها حق العملاء .. أتحدى أي واحد فيكم انه يراجع فاتورته وهاذي كلمه مني ان كل واحد بيلاقي كم ريال حاسبيهم زياده عليه

فلنفرض انهم خذوا ريال من كل عميل .. طبعا هذا أقل شي ممكن ياخذونه بدون مايحس العميل .. ريال من مليونين عميل .. يعني مليونين فالجيب كل شهر

وحق عملاء الشهري .. راجعوا فواتيركم وشوفوا كم مسج حاسبينه لكم مجانا وتحدى واحد يقولي انهم عطوه بالضبط وعالعدد

كيوتل يبوقون عادي ومافيها شي .. صارللها سنين تبوقكم وانتوا تضحكون

والحين على هالشركة اللي ماكملت سنه ومحطانتها متنقله والكل قام عليها .. شر البلية مايضحك

في النهايه .. اللي حاب ينباق من كيوتل خله على كيوتل .. واللي يحب يستمتع بعروض مريحه .. ياخذ فودافون

وعلى فكره .. مره فودافون اسحبوا من فيزتي قيمة الاشترك مرتين .. فكلمتهم في نفس ايوم وقالوا هذا خطأ من السستم وخلال ثلاث أسابيع بيكون المبلغ راجع .. وفعلا قبل الثلاث أسابيع رجع المبلغ .. المبلغ كان 350 ريال

كيوتل لو ياخذون منك ريال بالغلط بيقولون بنقدم لك بلاغ وبنشوف !! ياخي اشبتشوف .. أشكره ماخذين مني ريال وتقولي بلاغ وبشوف ..

تحياتي...
م. عبدالعزيز
22-12-2009, 08:09 PM
^
^
انا كان عندي رقم هلا .. ومن سنه 2007 حولته فاتوره .. وكنت اشوف كل فواتيري .. وماخذوا مني ولا ريال زياده .. لين اليوم