مدرسة خديجه بنت خويلد الابتدائيه المستقله للبنات

[الدمعه]

بسم الله الرحمن الرحيم

السلام عليكم ورحمة الله وبركاته..

من خلال منتدانا الغالي احب اقدم جزيل الشكر لمدرسه خديجه المستقله

لجهودهم المبذوله في تقديم كل ماهو جديد وماهو مميز .. من ناحيه

الاداء التعليمي ..والاكاديمي ..

واشكرهم على جهدهم الرائع في ظهور بناتنا على مسرح قطر الوطني

وتقديم فقره قديمه تتكلم عن العاب واناشيد كنا نلعبها واحنا صغار

ورجعوننا لماضينا العريق ..

وعساهم دوم متفوقين ودوم رائعين ومتألقين....

وادعو كل الامهات مشاركة بناتهم في انشطتهم المدرسيه وحث

البنات عالمشاركه ..

والسلام عليكم

[مسلمة]

أنا أحب فعلا مدرسة خديجة وبالأخص روضة خديجة ومديرتهم نصرة المسلم (مديرة الروضة )
وكل المدرسات والإداريات بالروضة . فعلا بيئة الروضة متناغمة وتحس أن الكل يحب بعضه
وطبعا أشكر مديرة المدرسة السيدة مريم الهاجري على جهودها الواضحة

[تحداني]

.. بادره طيبة ..
ولفته جميلة منك ..


وأنا أيضا سمعت عن تميز هذه المدرسه الشئ الكثير ..




جميل أن نشكر الناس ..
عندما يستحقون شئ من التقدير ..


جملك الله برضى الرحمن

[بورصواوي]

يصير اروح؟

[الدمعه]

أنا أحب فعلا مدرسة خديجة وبالأخص روضة خديجة ومديرتهم نصرة المسلم (مديرة الروضة )
وكل المدرسات والإداريات بالروضة . فعلا بيئة الروضة متناغمة وتحس أن الكل يحب بعضه
وطبعا أشكر مديرة المدرسة السيدة مريم الهاجري على جهودها الواضحة


صدقتي اختي .. بنتي السنه اللي فاتت كانت عندهم في الروضه تعاملهم جدا راقي ..

والمدرسه ماعليها زود .. انا لي بنتين فيها ماشاء الله البنت اللي فخامس مستواها رائع ...

واللي في اول شوي يبيلها بس ماتحكمين من اول كورس الحكم في الكورس الثاني

خصوصا صف اول .. والمديره مهتمه وايد بالدراسه ..

[الدمعه]

.. بادره طيبة ..
ولفته جميلة منك ..


وأنا أيضا سمعت عن تميز هذه المدرسه الشئ الكثير ..




جميل أن نشكر الناس ..
عندما يستحقون شئ من التقدير ..


جملك الله برضى الرحمن




يستحقون الشكر ..

تدريباتهم كانت كل يوم ووفرو للبنات كل شي من ملابس وحنه

وكوافيره ومواصلات وطلعو بناتنا بطله جميله ..

ومن لايشكر لايشكر

جزاك الله خير



يصير اروح؟

وين ؟؟

العرض خلص ..كان امس..

[شموع قطريه]

افاااا بناتي في نفس المدرسه وانا اخر من يعلم !!!! توني داريه انهم مسويين عرض

ليش ماشاركوا بناتي باروح بكره اهاوشهم ...

بخصوص الروضه فانا اشهد انها ممتازه وفوق الممتازه في حياتي ماشفت اهتمام بالصغار مثل اهتمامهم .. مديرتهم حبوبه والمدرسات ايضا وكفايه انهم كلهم من بنات قطر وشايلين بناتنا في عيونهم .. مهما قلت عنهم ماراح اوفيهم حقهم من المدح والثناء ..

اما بخصوص مدرسة خديجه فاتمنى ان يمسكونها القطريات لان نسبة المدرسات الاجانب فيها كبيره وخصوصا الجنسيه الهنديه وبناتنا متلعوزين معاهم .. بالاضافه الى ان تدريسهم مايوصل للمستوى المطلوب واحس ان البنات فيها ضايعين علميا لكن في الانشطه الثانيه فهي في المرتبه الاولى .. اتمنى انهم يحطون اولى اهتماماتهم رفع مستوى الطالبه علميا ومن ثم يلتفتون الى الانشطه الثانيه والفعاليات الاخرى اللي اوصفها بانها بمثابة دعايه للمدرسه لا اكثر وتخدم ادارة المدرسه فقط وما تستفيد منها الطالبات

[حدالكلمه]

بالفعل بنتي في الروضة -- ومشالله وممتازين من حيث الادارة -- والمعلمات -- واهتمامهم الواضح بالاطفال --

فشكرا ياخديجة بقيادة نصرة ال مسلم على اهتمامكم باليرقات ( وهو شعار المدرسة )

[رمــش الغلا]

افاااا بناتي في نفس المدرسه وانا اخر من يعلم !!!! توني داريه انهم مسويين عرض

ليش ماشاركوا بناتي باروح بكره اهاوشهم ...

بخصوص الروضه فانا اشهد انها ممتازه وفوق الممتازه في حياتي ماشفت اهتمام بالصغار مثل اهتمامهم .. مديرتهم حبوبه والمدرسات ايضا وكفايه انهم كلهم من بنات قطر وشايلين بناتنا في عيونهم .. مهما قلت عنهم ماراح اوفيهم حقهم من المدح والثناء ..

اما بخصوص مدرسة خديجه فاتمنى ان يمسكونها القطريات لان نسبة المدرسات الاجانب فيها كبيره وخصوصا الجنسيه الهنديه وبناتنا متلعوزين معاهم .. بالاضافه الى ان تدريسهم مايوصل للمستوى المطلوب واحس ان البنات فيها ضايعين علميا لكن في الانشطه الثانيه فهي في المرتبه الاولى .. اتمنى انهم يحطون اولى اهتماماتهم رفع مستوى الطالبه علميا ومن ثم يلتفتون الى الانشطه الثانيه والفعاليات الاخرى اللي اوصفها بانها بمثابة دعايه للمدرسه لا اكثر وتخدم ادارة المدرسه فقط وما تستفيد منها الطالبات

بنت اختي صف رابع اتقول انه هنديه اتدرسهم الانجليزي ومايعرفون لها مادري شتقول بالهندي ولبسها ساري ونقطه على يبهتها :omg:
بس مدرسة خديجة عموما ماعليها كلام وخصوصا المديره لها الشكر والتقدير
تحياتي للجميع

[الدمعه]

افاااا بناتي في نفس المدرسه وانا اخر من يعلم !!!! توني داريه انهم مسويين عرض

ليش ماشاركوا بناتي باروح بكره اهاوشهم ...

بخصوص الروضه فانا اشهد انها ممتازه وفوق الممتازه في حياتي ماشفت اهتمام بالصغار مثل اهتمامهم .. مديرتهم حبوبه والمدرسات ايضا وكفايه انهم كلهم من بنات قطر وشايلين بناتنا في عيونهم .. مهما قلت عنهم ماراح اوفيهم حقهم من المدح والثناء ..

اما بخصوص مدرسة خديجه فاتمنى ان يمسكونها القطريات لان نسبة المدرسات الاجانب فيها كبيره وخصوصا الجنسيه الهنديه وبناتنا متلعوزين معاهم .. بالاضافه الى ان تدريسهم مايوصل للمستوى المطلوب واحس ان البنات فيها ضايعين علميا لكن في الانشطه الثانيه فهي في المرتبه الاولى .. اتمنى انهم يحطون اولى اهتماماتهم رفع مستوى الطالبه علميا ومن ثم يلتفتون الى الانشطه الثانيه والفعاليات الاخرى اللي اوصفها بانها بمثابة دعايه للمدرسه لا اكثر وتخدم ادارة المدرسه فقط وما تستفيد منها الطالبات



هلا الشيخه ..ليش تهاوشينهم العرض كان حق بنات خامس .بنتج في خامس ؟؟؟

وممكن اعرف الانشطه اللي تقولين انها دعايه للمدرسه ..؟؟

تدرين ان المدرسه فيها نوادي مثل الجماعات ..؟؟

تدرين ان فيها مجله كم مره بنتج شاركت فيها ؟؟

تدرين ان في جماعه اسمها جماعه اصدقاء مكونه من امهات الطالبات وصار لنا

سنتين وعددنا مايتعدى اصابع يد وحده ..؟؟

وين المهات من هاي كله ..بس لين صار شي قالو ليش ماقلولنا وليش بناتنا مايشاركون

وبناتنا خجولات..ومن هالكلام اللي وايد نسمعه ..

اما بالنسبه لمستواهم العلمي انا اشوفه عالى ومناسب للمعايير اللي المجلس حاطها ..

مادري شتبون تبون تذبحون البنات بالدراسه مافي يوم يستانسون فيه ..

وبالنسبه للاداره جدا ممتازه ومايقصرون مع حد بس المديره عندها مسار تمشي معاه

وماتحب تتعداه وماتتقبل الافكار بسهوله ..

[الدمعه]

بالفعل بنتي في الروضة -- ومشالله وممتازين من حيث الادارة -- والمعلمات -- واهتمامهم الواضح بالاطفال --

فشكرا ياخديجة بقيادة نصرة ال مسلم على اهتمامكم باليرقات ( وهو شعار المدرسة )



باجر بيصيرون فراشات خديجه ..مثل بناتنا ..

[ضوى]

المدرسة رائعة جداااااااااااااا

بنتي من خريجاتها والحمد لله تأسست صح والحمد لله ماتعبت وياها بالاعدادية ماشاء الله عليها


كل الشكر للإدارة والمدرسات ولكاتب الموضوع

[الدمعه]

بنت اختي صف رابع اتقول انه هنديه اتدرسهم الانجليزي ومايعرفون لها مادري شتقول بالهندي ولبسها ساري ونقطه على يبهتها :omg:
بس مدرسة خديجة عموما ماعليها كلام وخصوصا المديره لها الشكر والتقدير
تحياتي للجميع



نورتي اختي .. هاي الموجود موشي بيدهم .. واشدعوه تحاجيهم بالهندي وهي مدرسة

انجليزي .. لو صج كلامها ومب مبالغه تقدر ام البنت تبلغ الاداره(بالاخص مس ندى انصاري )

وصدقيني بيتصرفون على طول معاها ..بس ساري ماشفت مدرسه لابسه ساري

الا في اليوم العالمي ..والا كل لابسين بناطلين .. ((انا كل يوم اروح المدرسه )) والنقطه

هاي لازم علامة الجوده .. :)


وياليت امهات الطالبات يشاركوننا في اجتماعتنا الخاصه بالامهات وبمشاكل الطالبات بوجه

عام .. وتخدم فئه كبيره من البنات .. وفي نفس الوقت احنا نسوي فعاليات ترفيهيه في

المدرسه حق البنات واول فعاليه ان شاء الله راح تكون يوم الاربعاء بنسوي ركن شعبي

قطري تراثي .. ياليت ياليت الامهات يشرفوننا ..

[الدمعه]

المدرسة رائعة جداااااااااااااا

بنتي من خريجاتها والحمد لله تأسست صح والحمد لله ماتعبت وياها بالاعدادية ماشاء الله عليها


كل الشكر للإدارة والمدرسات ولكاتب الموضوع


كل الشكر لج اختي ... والمدرسه ماشاء الله دوم متميزه بناتها وبمستواهم العالي ..

ومتأسسين صح..

[شموع قطريه]

هلا الشيخه ..ليش تهاوشينهم العرض كان حق بنات خامس .بنتج في خامس ؟؟؟

وممكن اعرف الانشطه اللي تقولين انها دعايه للمدرسه ..؟؟

تدرين ان المدرسه فيها نوادي مثل الجماعات ..؟؟

تدرين ان فيها مجله كم مره بنتج شاركت فيها ؟؟

تدرين ان في جماعه اسمها جماعه اصدقاء مكونه من امهات الطالبات وصار لنا

سنتين وعددنا مايتعدى اصابع يد وحده ..؟؟

وين المهات من هاي كله ..بس لين صار شي قالو ليش ماقلولنا وليش بناتنا مايشاركون

وبناتنا خجولات..ومن هالكلام اللي وايد نسمعه ..

اما بالنسبه لمستواهم العلمي انا اشوفه عالى ومناسب للمعايير اللي المجلس حاطها ..

مادري شتبون تبون تذبحون البنات بالدراسه مافي يوم يستانسون فيه ..

وبالنسبه للاداره جدا ممتازه ومايقصرون مع حد بس المديره عندها مسار تمشي معاه

وماتحب تتعداه وماتتقبل الافكار بسهوله ..

اي فديتج بنتي في خامس وسألتها عن الحفله وطلع ماعندها خبر بهالشي .. الظاهر ان الطالبات مختارينهم بالمحسوبيه يعني قريبات الموظفات بالمدرسه ومعارفهم ..

اما بالنسبه للمستوى العلمي فمب لي ذاك الزود ومناهجهم مب واضحه ومدرساتهم مستواهم مب لي ذاك الزود .. عندج مدرسة الرياضيات مثلا للصف الخامس واايد يشتكون منها الطالبات مب بنتي بس ماتفهم الطالبات ولا تتفاهم مع اولياء الامور مره اتصلت فيها بخصوص مستوى بنتي اللي نزل في الرياضيات ردت علي من غير نفس وكله تبي تحط الحق على البنت .. والله ان البنات ضايعين في الرياضيات .. شوفي نتايج صف خامس وتاكدي من هالشي .. والمدرسات الهنديات يكلمون الطالبات بلكنه هنديه والبنات مايعرفون شيقولون ويرطنون لان مخارج الحروف عندهم غير .. يا اختي مب عيب ان نعترف بالخطأ والقصور والواجب ان ناخذ النقد بصدر رحب ونحاول نصلح الاخطاء او نتفاداها وبالتوفيق لكم ..

[Chambray]

انا بعد بنتي في المدرسه والله تفاجأت انا بمستوى المدرسة الراقي
جهد يشكرون عليه ..
يعني الواحد يحط بنته وهو مرتاح
مرة بنتي غابت اسبوع كامل كانت مريضه ، اتصلوا فيني تلفون ،قالولي بنتك فلانه ، قلت لهم نعم ، قالولي عسى ماشر ماداومت اسبوع كامل !
هذا ان دل فيدل على الاهتمام المتميز ، والجهد المتميز الي يشكرون عليه ، والصراحة احب من خلال هالمنبر ان اقدم جزيل شكري وامتناني لإدارة المدرسة والمدرسات جميعاً على الاهتمام الرائع ..
بارك الله فيكم ووفقكم إلا ماتحبونه وترضونه . وسمعه المدرسه ماشاء الله ممتازة لدى الجميع الله يوفقكم

[الدمعه]

اي فديتج بنتي في خامس وسألتها عن الحفله وطلع ماعندها خبر بهالشي .. الظاهر ان الطالبات مختارينهم بالمحسوبيه يعني قريبات الموظفات بالمدرسه ومعارفهم ..

اما بالنسبه للمستوى العلمي فمب لي ذاك الزود ومناهجهم مب واضحه ومدرساتهم مستواهم مب لي ذاك الزود .. عندج مدرسة الرياضيات مثلا للصف الخامس واايد يشتكون منها الطالبات مب بنتي بس ماتفهم الطالبات ولا تتفاهم مع اولياء الامور مره اتصلت فيها بخصوص مستوى بنتي اللي نزل في الرياضيات ردت علي من غير نفس وكله تبي تحط الحق على البنت .. والله ان البنات ضايعين في الرياضيات .. شوفي نتايج صف خامس وتاكدي من هالشي .. والمدرسات الهنديات يكلمون الطالبات بلكنه هنديه والبنات مايعرفون شيقولون ويرطنون لان مخارج الحروف عندهم غير .. يا اختي مب عيب ان نعترف بالخطأ والقصور والواجب ان ناخذ النقد بصدر رحب ونحاول نصلح الاخطاء او نتفاداها وبالتوفيق لكم ..


حرام الظليمه .. و بنتي ماعندها واسطه عشان يدخلونها الرقصه ولابنت وحده

اعرفها واغلب اللي شاركو مايعرفون المدرسات ولالهم صله بهم لان المدرسه اللي اختارتهم

من مدرسات الروضه .. وبالنسبه للنتايج انا بنتي ولله الحمد مانزل مستواها ..في البدايه

قالت ماافهم على المدرسه بس قلت لها ركزي على كلامها بتفهمين .. وتأقلمت مع

المدرسه ..ولااتعب معاها ولاادرسها ولاشي بس كل كم يوم اذكرها انتبهي واوصيها

تترك البنات عنها في الحصه ..لان بعض بنات خامس جدا جدا مشاغبات ولسانهم يغطي

المدرسه ومايحترمونها..

والاهالي لهم الحق في انتقاد اسلوب المدرسه في التدريس .. اذا مستوى بناتهم نزل ..

وابدا مب عيب ان نعترف بالخطأاذا كان موجود.. بالعكس لازم نواجهه ونصححه ..

ومب بالتلفون روحي المدرسه وتكلمي مع المدرسه والاخصائيات ..

واتمنى كلامي مايزعلج ويمكن اقدر اساعد بنتج مكن تتطرشين لي اسمها واي صف ..

ويالي يااختي تتفضلين معانا وتشاركييننا في جماعة اصدقاء خديجه ..احنا منكم ولكم

ومافيها افضليه ولافيها تميز ..

[الدمعه]

انا بعد بنتي في المدرسه والله تفاجأت انا بمستوى المدرسة الراقي
جهد يشكرون عليه ..
يعني الواحد يحط بنته وهو مرتاح
مرة بنتي غابت اسبوع كامل كانت مريضه ، اتصلوا فيني تلفون ،قالولي بنتك فلانه ، قلت لهم نعم ، قالولي عسى ماشر ماداومت اسبوع كامل !
هذا ان دل فيدل على الاهتمام المتميز ، والجهد المتميز الي يشكرون عليه ، والصراحة احب من خلال هالمنبر ان اقدم جزيل شكري وامتناني لإدارة المدرسة والمدرسات جميعاً على الاهتمام الرائع ..
بارك الله فيكم ووفقكم إلا ماتحبونه وترضونه . وسمعه المدرسه ماشاء الله ممتازة لدى الجميع الله يوفقكم


وبارك الله فيج حبيبتي..

واتمنى اشوف بناتكم باجر بالجلابيه وثوب النشل ..في اول فعاليه لنا في ركنا الشعبي

القطري التراثي .. ياليت ياليت الامهات يشرفوننا ..

[مسلمة]

وبارك الله فيج حبيبتي..

واتمنى اشوف بناتكم باجر بالجلابيه وثوب النشل ..في اول فعاليه لنا في ركنا الشعبي

القطري التراثي .. ياليت ياليت الامهات يشرفوننا ..

زين إنج وضحتي لنا ايش نلبسهم باجر .. لأن بنتي بالروضة قالت لي هالشيء بس أنا قلت بتصل عليهم وبتأكد

[الدمعه]

زين إنج وضحتي لنا ايش نلبسهم باجر .. لأن بنتي بالروضة قالت لي هالشيء بس أنا قلت بتصل عليهم وبتأكد



ريحتج من المكالمه:nice:

[شموع قطريه]

حرام الظليمه .. و بنتي ماعندها واسطه عشان يدخلونها الرقصه ولابنت وحده

اعرفها واغلب اللي شاركو مايعرفون المدرسات ولالهم صله بهم لان المدرسه اللي اختارتهم

من مدرسات الروضه .. وبالنسبه للنتايج انا بنتي ولله الحمد مانزل مستواها ..في البدايه

قالت ماافهم على المدرسه بس قلت لها ركزي على كلامها بتفهمين .. وتأقلمت مع

المدرسه ..ولااتعب معاها ولاادرسها ولاشي بس كل كم يوم اذكرها انتبهي واوصيها

تترك البنات عنها في الحصه ..لان بعض بنات خامس جدا جدا مشاغبات ولسانهم يغطي

المدرسه ومايحترمونها..

والاهالي لهم الحق في انتقاد اسلوب المدرسه في التدريس .. اذا مستوى بناتهم نزل ..

وابدا مب عيب ان نعترف بالخطأاذا كان موجود.. بالعكس لازم نواجهه ونصححه ..

ومب بالتلفون روحي المدرسه وتكلمي مع المدرسه والاخصائيات ..

واتمنى كلامي مايزعلج ويمكن اقدر اساعد بنتج مكن تتطرشين لي اسمها واي صف ..

ويالي يااختي تتفضلين معانا وتشاركييننا في جماعة اصدقاء خديجه ..احنا منكم ولكم

ومافيها افضليه ولافيها تميز ..

تسلمين فديتج الدمعه على ردج الطيب وعلى مبادرتج بالمساعده في موضوع بنتي وسامحيني اذا قلت شي يضايقج بس من حر مافيني على مستوى بنتي اللي نزل في الرياضيات مع اني قابلت المدرسه والمنسقه والاخصائيه بهالخصوص لكن لاحياة لمن تنادي ماشفت اي تقدم يذكر وان شاءالله اذا لقينا فرصه بكره جيناكم لان بعد احنا بتكون في مدرستنا حفله لليوم الوطني وكل عام وانتوا وقطر بالف خيروعساكم على القوه..

[Chambray]

وبارك الله فيج حبيبتي..

واتمنى اشوف بناتكم باجر بالجلابيه وثوب النشل ..في اول فعاليه لنا في ركنا الشعبي

القطري التراثي .. ياليت ياليت الامهات يشرفوننا ..

احم
بس انا ابوها مب امها :)

[الدمعه]

تسلمين فديتج الدمعه على ردج الطيب وعلى مبادرتج بالمساعده في موضوع بنتي وسامحيني اذا قلت شي يضايقج بس من حر مافيني على مستوى بنتي اللي نزل في الرياضيات مع اني قابلت المدرسه والمنسقه والاخصائيه بهالخصوص لكن لاحياة لمن تنادي ماشفت اي تقدم يذكر وان شاءالله اذا لقينا فرصه بكره جيناكم لان بعد احنا بتكون في مدرستنا حفله لليوم الوطني وكل عام وانتوا وقطر بالف خيروعساكم على القوه..



متفهمه شعورج يالغاليه ..مسموحه ..

وانتي تحكمين عالمدرسه من مستوى بنتج وانا احكم على المدرسه من مستوى بنتي ..

عموما اليوم الحفله كانت حلوه .. وركننا احلى ...:shy:

ان شاء الله الييات اكثر ..واتشرف بمعرفتج..

[الدمعه]

احم
بس انا ابوها مب امها :)


اسفه:shy: