قصص النصب والاحتيال

[$بنت شيوخ$]

السلام عليكم انتو تدرون طبعا السنه الي فاتت والي قبلها كل العالم صارو مليونيريه او الاغلبيه فكلن صار يبي يشتغل ويكون نفسه بدون تفكير وناس وايد انقص عليهم وتعرضو للنصب والااحتيال انا اليوم عندي لكم موضوع جديد حق الي انسرق او انصب عليه بدون مايحس بأحراج وكل واحد يقول قصته وببتدي انا الله يسلمكم كان ياماكان عندي فلوس كاش وكان في ناس يشترون ويبيعون في العقارات بس طبعا العقار غالي ذيك الايام فكنا ندخل مجموعات نشتري عقار وكل واحد يحط الي يقدر عليه والمكسب وايد حلو مره مرتين بعدين الفلوس راحت في الباي باي لانه الشخص الي كنا مؤتمنينه مب قطري وعطانا جيكات منغير رصيد وشرد المهم انا مابي حد يقول هنيه غير قصته يعني الي عنده قصه يقول بس مابي حد يعلق على قصتي بليززززز

[خليفـة]

السلام عليكم انتو تدرون طبعا السنه الي فاتت والي قبلها كل العالم صارو مليونيريه او الاغلبيه فكلن صار يبي يشتغل ويكون نفسه بدون تفكير وناس وايد انقص عليهم وتعرضو للنصب والااحتيال انا اليوم عندي لكم موضوع جديد حق الي انسرق او انصب عليه بدون مايحس بأحراج وكل واحد يقول قصته وببتدي انا الله يسلمكم كان ياماكان عندي فلوس كاش وكان في ناس يشترون ويبيعون في العقارات بس طبعا العقار غالي ذيك الايام فكنا ندخل مجموعات نشتري عقار وكل واحد يحط الي يقدر عليه والمكسب وايد حلو مره مرتين بعدين الفلوس راحت في الباي باي لانه الشخص الي كنا مؤتمنينه مب قطري وعطانا جيكات منغير رصيد وشرد المهم انا مابي حد يقول هنيه غير قصته يعني الي عنده قصه يقول بس مابي حد يعلق على قصتي بليززززز

يعطيج العافية اختي بنت شيوخ
وكان ياماكان .. في قديم الزمان .. وسالف العصر والاوان
كان فيه واحد اعرفه
وقال لي اشاركة بمشروع مولع
وارباحه ممتازة ومضمونه ان شاء الله
ولما سألته عن المطلوب :
قال لي : عليك رأس المال وعلي الادارة

قلت له : مالك أمل
وانتهت القصة
:nice:

[قناص 787]

يعطيج العافية اختي بنت شيوخ
وكان ياماكان .. في قديم الزمان .. وسالف العصر والاوان
كان فيه واحد اعرفه
وقال لي اشاركة بمشروع مولع
وارباحه ممتازة ومضمونه ان شاء الله
ولما سألته عن المطلوب :
قال لي : عليك رأس المال وعلي الادارة

قلت له : مالك أمل
وانتهت القصة
:nice:

مالك حل :nice:

[التأمل]

صراحة في اخر سنتين صار الواحد يتعرض ويسمع للكثير من عمليات النصب والاحتيال , وكل واحد من النصابين يبتكر طريقة جديدة للنصب . لو الواحد يبي يذكر القصص ما يخلص من كثرتها . ( حسبي الله ونعم الوكيل فيهم )
المهم الواحد ما يعطي الثقة الكاملة لأي حد ويكون حريص على ماله , ويتعلم من أخطاءه الي وقع فيها .

[الزيبق]

وانا سالفتي مقاربه بس سمعتوا بوبكر يوم غنى وقال انا سبب نفسي بنفسي جبت صبعي صوب عيني وقلت يا حافظ على عيني

[فتى الجود]

متابع

ولنستمع ونستمتع

[$بنت شيوخ$]

شدعوه مافي قصص تعور القلب مثل قصتي

[المغروره]

في قصصص
لو نقووووووووووولهااااااا بتعجبين من القطريين اكثر من الاجااانب
تحيااااااااااتي

[$بنت شيوخ$]

في قصصص
لو نقووووووووووولهااااااا بتعجبين من القطريين اكثر من الاجااانب
تحيااااااااااتي

اسمحيلي حبيبتي عيال العرب مايبوقون احنا هل قطر عندنا عزه نفس غريبه

[دلوليانوز]

بغض النظر عن الجنسيات...

الحلال..موجود والحرام موجود

وقد ذكرت قصتي مع نحاس للابواب..سابقاً..
وانصح الجميع بالابتعاد عنه..

[qatari1]

اسمحيلي حبيبتي عيال العرب مايبوقون احنا هل قطر عندنا عزه نفس غريبه

رد مضحك مبكي:omen2:
النصب والاحتيال لا يقتصر على جنسية معينة، والقطريون كغيرهم فيهم المحسن والمسيء.
فأرجو التحلي بالموضوعية .

[ريم المدينة]

اسمحيلي حبيبتي عيال العرب مايبوقون احنا هل قطر عندنا عزه نفس غريبه


احنا شمضيعنا غير هالعزة النفس :secret:

[technical]

اسمحيلي حبيبتي عيال العرب مايبوقون احنا هل قطر عندنا عزه نفس غريبه

وينك من المخزوميه المليونره الي باقت وقطعوا يدهه ! لكن اليوم كان سرق الشريف تركوه , ولا كان كمن واحد تبلعم لين انشدوه من وين لك هذه .

[بوحارب]

رد مضحك مبكي:omen2:
النصب والاحتيال لا يقتصر على جنسية معينة، والقطريون كغيرهم فيهم المحسن والمسيء.
فأرجو التحلي بالموضوعية .

انت لعبتك هالردود ههههههههههههههههههه :nice:

[Bin Hood]

انت لعبتك هالردود ههههههههههههههههههه :nice:

الرجاء الالتزام بقواعد المنتدى
وشكرا

[bntqtr]

شدخل انا اسمع قصص ابطالها قطريين حرامية اكثر من غيرهم

ومحد مضيعنا الا قطري ثقة بلفيت الواحد يحذر سواء كان قطري او غيرة

[مها88]

السلام عليكم ورحمة الله وبركاته

أنا ولد عمي ..ما يشتغل .. قصوا عليه إثنين ( واحد مصري والثاني سوري ) لا بارك الله فيهم ..بمشاريع وهمية ( شركة نقل ) وبحكم إن قطري .. حطوه في الوجه .. وخلوه يجيب لهم مساهمين .. وأول شهرين عطوهم الأرباح وغرّوهم ..وعقب بدوا يماطلون .. سيارة اختربت .. الشركة ما أدري إيش بلاها ؟؟

وخلوا ولد عمي .. يوقع على شيكات باسمه حق المساهمين ..ومن الغباء النادر ..ياخذ من واحد 50000 ريال ويعطيه شيك بـ 200,000 ريال .. وهلم جرا ..

والحرامية لما جمعوا لهم مبلغ فوق المحترم ... شلّوا شلايلهم وشردوا ..طبعاً خارج البلاد ..

ومن بلادة ولد العم ونياته الطيبة ..لا خذ منهم إيصالات بالمبالغ ولا خذ صور من بطايقهم الشخصية ولا أي شيء يعّرف بشخصياتهم ..

وطاح فيها ولد العم ...ومصيبته مصيبة ..حجز وسجن وجلسات وديون على ظهره ..

ولا يعرف شلون يسددها .. وخاصة ما استفاد من المبالغ اللي أخذها شيء ..كان مجرد وسيط ..

*****

حسبي الله عليهم , ربي لا يوفقهم وين ماراحوا .. حرام زقزم في جبودهم ..

****

وولد عمي , الله يعينه ..متبهدل لحد اليوم ...

[ابو خليفه]

بصراحه امور النصب والاحتيال موجوده لكن هذي دخيله علينا من سمات هالقطر واشكرج يابنت شيوخ على ردج وحميتج على هالقطر .. قبل عشر سنوات جاني شخص فقير وحالته حاله قالي ابي اشتغل عندك اي شغله قلت شتعرف عشان اشغلك قالي في سوق السمك ،، قلت طيب انا ماعرف هالسوق لكن شرايك انتخصص بنوع واحد ونجيبه وانا علي راس المال وانت عليك الشغل والادارة طبعا بتكون علي انا المهم اتفقنا وتوكلت على الله وبدينا نشتغل وبدت لفلوس تزيد قلت بدل ما ااجر ثلاجات اشتري احسن واوفر ،، وشريت تقريبا في البدايه 6 وكملت ست ثلاجات عقبهم بست شهور ( االثلاجه مقصود فيها سيارت الشحن ) وبعد فتره جاني الحبيب قالي انا ماقدر اشتغل الحين لان عندي مشاكل ولازم اخلصها وطبعا انا من غيره ماعرف اكمل بحكم هو اللي يقوم بالشغله يعني بالعربي احنا انكمل بعضنا ،، مراد انه الاخ عليه تقريبا 100 وشي دين عليه ومايقدر يشتغل وهو مرتاح الديانه يطالبونه من كل صوب ،، المهم سددت اللي عليه منها اجر ومنها عشان يمشي الشغل ووقتها دخلنا في مبالغ كبيره ،، جاتني سفره طارئه وكان لازم اغيب عن البلاد بحوالي شهرين وأأمنت على الرجال ورحت ويوم رجعت نص السيارت واقفه والاخ شارد وبايق مبلغ وقدره طبعا ماقدرت اكمل لأسباب كثيره منها اني لازم ادفع مبلغ كبير عشان ارقع الرقعه الكبيره اللي استوت ولازم اتفرغ حق الشغله وانا ماقدر بحكم شغلي ولكن الحمدلله على كل حال ومثل ما يقولون تكبر وتنسى وسلامتكم ...

[عبدالرحمن]

قصه صارت حق صديق مقرب لي وبالتحديد في اواخر عام 2007 يعني عز الطفرة الاقتصادية وهالشخص كان ناجح في تجارتة والله موفقة وموزع الحلال بطريقه حلوه شي في الاسهم وجزء في العقار وجزء في النقليات وهو بنفسه الي يدير حلالة حتى التريلات كل الدريولية على كفالتة وجزء في المال الصامت(حلال دبش وماعز وابل) وعزبه خاصه له جاة قطري ويقرب له قاله في شركه تعال ودش فيها وشركة مضمونة وقويه وبتطرح اسهمها للاكتتاب وانت بتكون مؤسس
وهالشخص نفسه جاة يوم اكتتاب مصرف الريان في تقريبا 2005 وقاله نفس الحجي وماسمع كلامه وطبعا نزلت الاسهم في السوق وصحيح الاسهم مرهونه سنيتن بس عمرها ماوصلت 10 ريال حتى في هذاك الوقت الي هو 2007 طبعا وصلت تحت 10 في اواخر السنه الي طافت وبدايه السنه الحالية بس انا اقصد في 2007 ودايمن يذكره بالريان ويقوله شوف فرطت من عمرك فرصه ذهبيه وقاعدلي دابج دبج في هالحلال وعوار الراس
وقاله فرصه دش ومب خسران شي الا اكتتاب وانت مؤسس وبتنطرح هالشركه بدايه السنه الجاية_2008_ وماكنت في هذيك الفترة عقليه سهم ينزل عن سعر الاكتتاب
وقاله اقل شي للاكتتاب هو 5 مليون ريال
اخوانا في الله طمع اول شي لثقته في الشخص وثقته في المشروع انه ناجح
ودش ب10 مليون ريال قطري باع اغلب حلالة لا واستدان بعد لين اليوم مايعرف وين مصير فلوسه وولد عمه الفالح نفس الوضع دش ب5 مليون وكله وعود اصبرو ولاتستعجلون والحين ازمة مانقدر نسوي شي
كملو سنتين وفلوسهم مجمده هذا اذا لهم فلوس طبعا
الله يفرج همهم \\\\\\\\ووووووووووترجع فلوسهم

[BusinessGirl]

هلا اختي ..
بصراحه عجبني الموضوع
منها انفضفض اشوي
ومنها نستفيد من تجارب غيرنا ..

انا قصصي مع النصب وايد
في منها قصص نهايتها حزينه و في مو حزينه وفي قصص مالها نهاية اصلا

بقولكم قصصي ..

مره كان عندي راس مال وحبيت اني استثمره في العقار
ووقتها العقااار واااااايد كان مرتفع حتى اخوي قالي السوق نار
وراس مالج مب وايد
كان راس مالي 200 الف >>وايد كنت متفائله ابي عقار
المهم قعدت ما ابي شي الا عقار
الا في يوم اشوف في الجريدة اعلان امتلك عقارك اليوم في احد الدول العربيه
وقلت حق اخوي خل انروح لهم
ويقولي ايش تبين فيهم !!
وانا اقوله خل انروح وانشوف مب خسرانين
المهم
اول ما دخلنا هناك
الا جاو ثنتين وواحد
وقالوا حق اخوي من بدو يشتري الشقق انت والا المدام >>>ههههههههههههااي يعني انا
قالها اخوي
لا اختي تبي تشتري قعدت عندي وحده
جابت لي صور
وقالت لي تتملكين شقق في مصر وسوريا والاردن
قلت لها حلو
قالت بس تتمتلكينهم شهرين في السنة ؟!؟!
قلت لها اشلون قالت ايوه وفي هالشهرين انتي تقدرين اتاجرين
او تنتفعين منفعه شخصيه مو مشكله
قعدت افكر الحمدالله ما كانت مفهيه هذاك اليوم
قلت لها شا اللي علي اسويه
قالت حاليا لازم تدفعين مقدم 60 الف
وبعدها على اقساط بطريقه شيكات مقدمه
امم قلت لها لا خلاص انا ما ابي
انا قلت ما ابي الا اشوف المره تلخبطت وقالت لي
ليش وهذا مشروع مضمون
وانا ما حبيت اقولها اني ما ارتحت لهم
قلت لها بصراحه المقدم ما عجبني
وما عندي كاش 60 حاليا
قالت خلاص ادفعي 30
قلت يا الله شالوهقه
سويت نفسي افكر قلت لها
لا حتى 30 وايد >>عيل ليش رايحه لهمم
المهم لين في الاخير قالت لي 18
وقتها اخوي خلاص عصب
قالها يا اختي خلاص
ما عجبنها المشروع
ليش اشتري شي املكه شهرين في السنه ليش مشكورين وما قصرتوا
وطلعنا من عندهم
وهم كانوا يصفقون ويصفرون لان في اثنين قطرين سو معاهم عقد

مو اهني القصه
القصه
اني بعد كم شهر
قريت في الجريده ان هاذي شركه وهميه
استلمت المقدم من كل الزباااااااين واشردت

قلت اشووووووه
وهذا قصه من القصص اللي مو حزينه
ونهايتها سعيده

اللي نستفيد منها
ان الواحد يمشي ورى احساسه
اذا ما ارتاح في شي والا ما ارتاح حق ناس خلاص مع السلامة

وراجعه لكم مع قصص ثانيه

وشكرا

[الاستثمار]

هلا اختي ..
بصراحه عجبني الموضوع
منها انفضفض اشوي
ومنها نستفيد من تجارب غيرنا ..

انا قصصي مع النصب وايد
في منها قصص نهايتها حزينه و في مو حزينه وفي قصص مالها نهاية اصلا

بقولكم قصصي ..

مره كان عندي راس مال وحبيت اني استثمره في العقار
ووقتها العقااار واااااايد كان مرتفع حتى اخوي قالي السوق نار
وراس مالج مب وايد
كان راس مالي 200 الف >>وايد كنت متفائله ابي عقار
المهم قعدت ما ابي شي الا عقار
الا في يوم اشوف في الجريدة اعلان امتلك عقارك اليوم في احد الدول العربيه
وقلت حق اخوي خل انروح لهم
ويقولي ايش تبين فيهم !!
وانا اقوله خل انروح وانشوف مب خسرانين
المهم
اول ما دخلنا هناك
الا جاو ثنتين وواحد
وقالوا حق اخوي من بدو يشتري الشقق انت والا المدام >>>ههههههههههههااي يعني انا
قالها اخوي
لا اختي تبي تشتري قعدت عندي وحده
جابت لي صور
وقالت لي تتملكين شقق في مصر وسوريا والاردن
قلت لها حلو
قالت بس تتمتلكينهم شهرين في السنة ؟!؟!
قلت لها اشلون قالت ايوه وفي هالشهرين انتي تقدرين اتاجرين
او تنتفعين منفعه شخصيه مو مشكله
قعدت افكر الحمدالله ما كانت مفهيه هذاك اليوم
قلت لها شا اللي علي اسويه
قالت حاليا لازم تدفعين مقدم 60 الف
وبعدها على اقساط بطريقه شيكات مقدمه
امم قلت لها لا خلاص انا ما ابي
انا قلت ما ابي الا اشوف المره تلخبطت وقالت لي
ليش وهذا مشروع مضمون
وانا ما حبيت اقولها اني ما ارتحت لهم
قلت لها بصراحه المقدم ما عجبني
وما عندي كاش 60 حاليا
قالت خلاص ادفعي 30
قلت يا الله شالوهقه
سويت نفسي افكر قلت لها
لا حتى 30 وايد >>عيل ليش رايحه لهمم
المهم لين في الاخير قالت لي 18
وقتها اخوي خلاص عصب
قالها يا اختي خلاص
ما عجبنها المشروع
ليش اشتري شي املكه شهرين في السنه ليش مشكورين وما قصرتوا
وطلعنا من عندهم
وهم كانوا يصفقون ويصفرون لان في اثنين قطرين سو معاهم عقد

مو اهني القصه
القصه
اني بعد كم شهر
قريت في الجريده ان هاذي شركه وهميه
استلمت المقدم من كل الزباااااااين واشردت

قلت اشووووووه
وهذا قصه من القصص اللي مو حزينه
ونهايتها سعيده

اللي نستفيد منها
ان الواحد يمشي ورى احساسه
اذا ما ارتاح في شي والا ما ارتاح حق ناس خلاص مع السلامة

وراجعه لكم مع قصص ثانيه

وشكرا

مثل هذي الشركات تارسه البلد ويا كثرها واكثر الي ماسكينها من جنسيات عربية ؟؟
حاسبي عدل المره الجاية ترى عندهم فنون النصب والخداع كانها شهادات جامعية عندهم

[Al-Kuwari]

الله يعينكم ويفرج عليكم ان شاء الله

الحمدلله ماقد حد نصب علي ولله الحمد :)

[The Planner]

قصه صارت حق صديق مقرب لي وبالتحديد في اواخر عام 2007 يعني عز الطفرة الاقتصادية وهالشخص كان ناجح في تجارتة والله موفقة وموزع الحلال بطريقه حلوه شي في الاسهم وجزء في العقار وجزء في النقليات وهو بنفسه الي يدير حلالة حتى التريلات كل الدريولية على كفالتة وجزء في المال الصامت(حلال دبش وماعز وابل) وعزبه خاصه له جاة قطري ويقرب له قاله في شركه تعال ودش فيها وشركة مضمونة وقويه وبتطرح اسهمها للاكتتاب وانت بتكون مؤسس
وهالشخص نفسه جاة يوم اكتتاب مصرف الريان في تقريبا 2005 وقاله نفس الحجي وماسمع كلامه وطبعا نزلت الاسهم في السوق وصحيح الاسهم مرهونه سنيتن بس عمرها ماوصلت 10 ريال حتى في هذاك الوقت الي هو 2007 طبعا وصلت تحت 10 في اواخر السنه الي طافت وبدايه السنه الحالية بس انا اقصد في 2007 ودايمن يذكره بالريان ويقوله شوف فرطت من عمرك فرصه ذهبيه وقاعدلي دابج دبج في هالحلال وعوار الراس
وقاله فرصه دش ومب خسران شي الا اكتتاب وانت مؤسس وبتنطرح هالشركه بدايه السنه الجاية_2008_ وماكنت في هذيك الفترة عقليه سهم ينزل عن سعر الاكتتاب
وقاله اقل شي للاكتتاب هو 5 مليون ريال
اخوانا في الله طمع اول شي لثقته في الشخص وثقته في المشروع انه ناجح
ودش ب10 مليون ريال قطري باع اغلب حلالة لا واستدان بعد لين اليوم مايعرف وين مصير فلوسه وولد عمه الفالح نفس الوضع دش ب5 مليون وكله وعود اصبرو ولاتستعجلون والحين ازمة مانقدر نسوي شي
كملو سنتين وفلوسهم مجمده هذا اذا لهم فلوس طبعا
الله يفرج همهم \\\\\\\\ووووووووووترجع فلوسهم


عندي احساس انهم استثمريوا في "اكبر بنك استثماري اسلامي" ....... بدون ذكر الاسم :nice: :secret:

[BusinessGirl]

مثل هذي الشركات تارسه البلد ويا كثرها واكثر الي ماسكينها من جنسيات عربية ؟؟
حاسبي عدل المره الجاية ترى عندهم فنون النصب والخداع كانها شهادات جامعية عندهم

ان شاء الله .. بحاسب :)

[Civil ENG]

يعني انا ماعرف الي يطيحون في هالمواقف مايفكرون الف مره ومايسوون حساباتهم ومعدل الربح وهالسوالف حتى فيه استثمارات اجنبيه توقع لك على ضمان وبعدين اذا فيه دفعات عمرك لاتدفع اكثر من 10 في الميه او اقل .
وعلى هالطاري بذكر لكم قصه عمي الله يسلمكم عمي ماشاء الله الله يزيده راعي حلال وعنده باع طويل في السوق بدأ مقاولات وعقب عقارات وعقب معدات ثقيله وعقب قام يمكس بينهم كلهم القصه الي صارت له انه مره سمع عن مشروع شقق في دولتنا الحبيبه باسم تاجر مشهور جدا في العقار فحب انه يشتري شقتين على ايام الطفر والحد الادنى للدفع كان 20 في الميه عمي مادفع 20 في الميه بحكم العقد ان الشقه بتخلص في خلال سنه وتكون جاهزه للاستثمار وبحكم سمعه راعي المشروع القويه جدا :) قرر انه يدفع كل الملبغ وكان يبي يشتري عماره كامله بس قلنا له لاتتهور الزبده ان المشروع ماخلص لين الحين مع ان المفروض قد المفاتيح عنده من 7 شهور والي زاد الطين بله ان سعر الشقه طاح للربع اذا مب اكثر وهذي مشكله اغلب المشاريع من هالنوع الناس يحاولون ياخذونها وهي قيد الانشاء عشان تكون ارخص وعقب يتوهقون وخصوصا سوقنا سوق يخوف ياتربح دبل فلوسك ياتخسرهم كلهم مافي النص :)

[ديفون]

الله يعينكم

[Gentleman]

في قصصص
لو نقووووووووووولهااااااا بتعجبين من القطريين اكثر من الاجااانب
تحيااااااااااتي

أنا أخالفج الرأي أختي... القطريون أكثرهم محترمين وإن كان فيهم نصابين فهم قليلون..
وعلى الجانب الآخر فإن هناك بعض الجنسيات العربية (وخاصة من اللي يسوقون شاحنات) متخصصين في النصب وصعب جداً تلقين واحد محترم فيهم.

[@@ديزل@@]

نصب شركة مقاولات في قطر حااسبو منهم اول شي اساال عن شركه في المحاكم