المساعد الشخصي الرقمي

مشاهدة النسخة كاملة : يـا أولـيـاء أمـور الأطـفـال الـريـاضـيـيـن .. لا تـحـرمـونـي نــصـايـحـكـم


Index Signal
15-12-2009, 10:16 AM
بسم الله الرحمن الرحيم


عندي ولد عمره ٤ سنوات .. ما شاء الله عليه عنده طاقه زايده ودي أستثمرها في شي يفيده ..

و أول ما يطري عالبال طبعا الرياضه .. فكرت في السباحه مثلا أو أحد الفنون القتاليه ..

كون هالرياضات تقبل ناشئين بهالعمر الصغير .. لكن واجهتني مشكله ..

بصراحه إحترت وين أوديه ولا عندي فكره عن هالأمور فقلت مافي غير أعضاء الشبكه المعروفين بالفزعه و نصايحهم السديده ..

فكرت أسجله في سباير مثلا لأني أبيه يتأسس بشكل علمي صحيح بس مادري هل يقبلون ناشئين أو لا ..

فكرت بالنادي الأهلي كونه قريب مني لكن ما عندي فكره عنه هل يقبل هالعمر الصغير أو لا ..

ما عندي فكره عن النوادي التجاريه المتخصصه بالصغار و ما يهمني الفلوس المهم يكون مستواها عالي وفي إهتمام بالناشئين و سلامتهم ..

أتمنى يكون طلبي واضح و بإنتظار نصايحكم الكريمه .
eXpert*
15-12-2009, 10:43 AM
والله أنا اشوف تضمه لاحد انديه فنون القتال ،، مثل المركز الكوري للتايكوندو في مجمع المثنى عند اشارات رامادا

أو مركز الصقر عند السنتر.

فنون القتال تعلم ضبط النفس واحترام الغير والسيطرة على الغضب .
مررايم
15-12-2009, 10:43 AM
الله يحفظ لج ولدج ... ويخليه لج ويقرعينج فيه ...
انا والله مسجله عيالي في نشاطات اسباير بس المشكله يوم واحد في الاسبوع وباقي الايام يروح مسبح حمد المائي ...او الكراتيه ...وانا انصحج بمركز الصقر للكراتيه واااايد مممتازين ... او سجليه تحفيظ قرآن لان القرآن سبحان الله يفرغ الطاقه اللي عند الطفل ...
والله يحفظه
الصريحه
15-12-2009, 11:02 AM
الله يحفظ لج ولدج ... ويخليه لج ويقرعينج فيه ...
انا والله مسجله عيالي في نشاطات اسباير بس المشكله يوم واحد في الاسبوع وباقي الايام يروح مسبح حمد المائي ...او الكراتيه ...وانا انصحج بمركز الصقر للكراتيه واااايد مممتازين ... او سجليه تحفيظ قرآن لان القرآن سبحان الله يفرغ الطاقه اللي عند الطفل ...
والله يحفظه

لازم تخلينه يدرس قرااااااااااااان
صح 100 في 100
Index Signal
15-12-2009, 11:02 AM
والله أنا اشوف تضمه لاحد انديه فنون القتال ،، مثل المركز الكوري للتايكوندو في مجمع المثنى عند اشارات رامادا

أو مركز الصقر عند السنتر.

فنون القتال تعلم ضبط النفس واحترام الغير والسيطرة على الغضب .

مشكور يالغالي على مرورك و نصيحتك .. و إن شاء الله باخذها في عين الإعتبار بعد سماع باقي النصائح .
Index Signal
15-12-2009, 11:10 AM
الله يحفظ لج ولدج ... ويخليه لج ويقرعينج فيه ...
انا والله مسجله عيالي في نشاطات اسباير بس المشكله يوم واحد في الاسبوع وباقي الايام يروح مسبح حمد المائي ...او الكراتيه ...وانا انصحج بمركز الصقر للكراتيه واااايد مممتازين ... او سجليه تحفيظ قرآن لان القرآن سبحان الله يفرغ الطاقه اللي عند الطفل ...
والله يحفظه

الإخت الكريمه مرايم .. أولا أنا أخوج :) .. و ما تنلامين لأن النك يحتمل الجنسين ..

أشكرج على النصيحه و إستفدت منها حيل ..

ودي توضحين بخصوص سباير كم عمر عيالج لما سجلتيهم و شالمطلوب للتسجيل ؟

و هل لاحظتي إن في إستفاده ملحوظه حتى لو يوم بالإسبوع ؟

بخصوص مركز الصقر ممكن تشرحيلي وشو المميز فيه عن باقي المراكز ؟

بالنسبه للقرآن أمه مو مقصره بهالشي و قايمه بالواجب معاه و بالنسبه لعمره أنا راضي عن مستوى حفظه للقرآن ..

و أشكرك على الدعوات الطيبه و لج مثلها و عسى الله يبلغج في عيالج و نشوفهم أبطال أولمبيين بالمستقبل :)
Index Signal
15-12-2009, 11:12 AM
لازم تخلينه يدرس قرااااااااااااان
صح 100 في 100


الأخت الصريحه شكرا عالمرور و النصيحه الغاليه ..

المدرسه و البيت مو مقصرين في هالجانب و سؤالي في الجانب الرياضي .
ضوى
15-12-2009, 11:25 AM
اخوي الكريم

السباحة في مجمع حمد المائي ياخذون من عمر 5 سنين

بخصوص الرياضة والله انا اشوف الرياضات الذهنية وايد تهدي الولد ، بس الولد صغير على الشطرنج ، ركوب الدراجة كرياضة مفيدة جدا ، لعب الكرة حلو بس بالنسبة لاسباير مدري عنهم من سن كم ياخذون بس اخبر النادي العربي من سن 5 ياخذون لكرة القدم ، السلة بعد اشوفها رياضة حلوة ، الكاراتييه والكونغ فو احسها رياضات عنيفة بس يمكن تكون مفيدة من ناحية اخرى

الله يوفق ولدك وتحصل له اللي تتمنى
Index Signal
15-12-2009, 11:51 AM
اخوي الكريم

السباحة في مجمع حمد المائي ياخذون من عمر 5 سنين

بخصوص الرياضة والله انا اشوف الرياضات الذهنية وايد تهدي الولد ، بس الولد صغير على الشطرنج ، ركوب الدراجة كرياضة مفيدة جدا ، لعب الكرة حلو بس بالنسبة لاسباير مدري عنهم من سن كم ياخذون بس اخبر النادي العربي من سن 5 ياخذون لكرة القدم ، السلة بعد اشوفها رياضة حلوة ، الكاراتييه والكونغ فو احسها رياضات عنيفة بس يمكن تكون مفيدة من ناحية اخرى

الله يوفق ولدك وتحصل له اللي تتمنى


يعطيج العافيه إخت ضوى على إثراء الموضوع ..

بالنسبه للرياضات الذهنيه الولد ذكي و فطين ما شاء الله عليه و موفرين له كل الأدوات إللي تنمي مهاراته الذهنيه في البيت ..

أتمنى التركيز على الجانب الرياضي لأن هو الجانب إللي ينقصه ..

من خلال ملاحظتي له و إعجابه بشكل جنوني بالفلم الكرتوني kung fu panda و تقليده للحركات القتاليه بشكل مستمر حسيت إنه مهتم بهالجانب و ممكن يبدع فيه ..

لذلك ركزت على هالنوع من الرياضه في سؤالي و أيضا السباحه لقوله صلى الله عليه و سلم : خير لهو المؤمن السباحة وخير لهو المرأة الغزل ..

طبعا الرمايه و ركوب الخير أوصى بها أشرف الخلق و لكنها غير مناسبه للأعمار الصغيره ..

فأتمنى نصائحكم الكريمه تتركز بهالجانب بذكر أفضل الأماكن إللي تقبل الأعمار الصغيره من خلال تجاربكم .
شبح الصمت
15-12-2009, 11:52 AM
والله أنا اشوف تضمه لاحد انديه فنون القتال ،، مثل المركز الكوري للتايكوندو في مجمع المثنى عند اشارات رامادا

أو مركز الصقر عند السنتر.

فنون القتال تعلم ضبط النفس واحترام الغير والسيطرة على الغضب .


صدقت اي والله انصحه بهالمكان او انه يتعلم ركوب الخيل او السباحه بس الدفاع عن النفس زينه له
أم وضحى
15-12-2009, 11:53 AM
السباحه رياضه ممتازه لطفل في عمر 4 سنوات

بس الاهم من هذا كله اخوي .. انك تفرغ نفسك ساعه مخصصه لولدك ..
يعني ماتنزله وتروح .. احفظه من الاطفال اللي اكبر منه في السن ومن العمال وغيره ..
والافضل انك تمارس معاه نفس الهوايه .. انت في بركة الكبار وهو في بركة الصغار ..


والله يوفقك لما يحبه ويرضاه ..
Index Signal
15-12-2009, 12:01 PM
صدقت اي والله انصحه بهالمكان او انه يتعلم ركوب الخيل او السباحه بس الدفاع عن النفس زينه له


تسلم يالغالي على مشاركتك ..

بالنسبه لركوب الخيل صعبه على ولد عمره ٤ سنين .. إن شاء الله لما يشتد عوده بينتقل لهالرياضه بإذن الله ..

أما الفنون القتاليه فأنا منحاز لها لسبب مهم إن الولد حاب هالرياضه و يمارسها في البيت لكن بشكل فطري عن طريق المشاهده و التقليد ..

لذلك حبيت إني أنمي إهتمامه و أمتص طاقته الزايده من خلال هالرياضه ..

كذلك السباحه مناسبه لعمره ..

أتمنى نصايحك في أحسن الأماكن لتعليم هالرياضات لصغار السن إذا لك تجربه بهالخصوص .
Index Signal
15-12-2009, 12:08 PM
السباحه رياضه ممتازه لطفل في عمر 4 سنوات

بس الاهم من هذا كله اخوي .. انك تفرغ نفسك ساعه مخصصه لولدك ..
يعني ماتنزله وتروح .. احفظه من الاطفال اللي اكبر منه في السن ومن العمال وغيره ..
والافضل انك تمارس معاه نفس الهوايه .. انت في بركة الكبار وهو في بركة الصغار ..


والله يوفقك لما يحبه ويرضاه ..



يا هلا إختي الكريمه ..

لا توصين حريص .. من هالناحيه أنا وقتي كله لعيالي و أقدمهم على أي شي ثاني ..

و حريص من الأمور إللي ذكرتيها أشد الحرص فلا تحاتين بارك الله فيج ..

لكن بالنسبه لمشاركته السباحه هالشي في طلعاتنا العائليه لكن أنا ما عندي القدره إني أعلمه بطريقه علميه تناسب عمره .. هالشي يحتاج مهارات خاصه من مدرب مختص ..

إذا عندج تجربه مع نوادي معينه إستفادوا منها عيالج أتمنى تذكرينا و نستفيد منها .
أم وضحى
15-12-2009, 01:16 PM
يا هلا إختي الكريمه ..

لا توصين حريص .. من هالناحيه أنا وقتي كله لعيالي و أقدمهم على أي شي ثاني ..

و حريص من الأمور إللي ذكرتيها أشد الحرص فلا تحاتين بارك الله فيج ..

لكن بالنسبه لمشاركته السباحه هالشي في طلعاتنا العائليه لكن أنا ما عندي القدره إني أعلمه بطريقه علميه تناسب عمره .. هالشي يحتاج مهارات خاصه من مدرب مختص ..

إذا عندج تجربه مع نوادي معينه إستفادوا منها عيالج أتمنى تذكرينا و نستفيد منها .



الحمدلله انك ياخوي من النوع الحريص ,, في زمن مايدري فيه الاب عن عياله ..

بالنسبه للتجربه .. نعم لدينا تجربه .. فزوجي حفظه الله دائماً مايأخذ اولادي حفظهم الله بما فيهم واحد في نفس عمر ولدك إلى بركة الجامعة .. ويعلمهم السباحة مع وجود مدرب ..

وايضاً سجلهم في التيكوندو بس للأسف رفضوا الاستمرار فيه لشعورهم بالملل .. وما استفادوا كثيراً منه ..


وان شاء الله الباقيين يفيدونك بتجاربهم ..
Coffee
15-12-2009, 02:37 PM
والله أنا اشوف تضمه لاحد انديه فنون القتال ،، مثل المركز الكوري للتايكوندو في مجمع المثنى عند اشارات رامادا

أو مركز الصقر عند السنتر.

فنون القتال تعلم ضبط النفس واحترام الغير والسيطرة على الغضب .

انا مع ها الفكرة:
Index Signal
15-12-2009, 02:45 PM
انا مع ها الفكرة:

أسعدني مرورك .. و بإنتظار المزيد من النصائح .
Index Signal
15-12-2009, 08:24 PM
يرفع لمزيد من النصائح و الآراء
alanood
15-12-2009, 10:41 PM
اسباير صحيح مره فالاسبوع:يسمونه aspire talent تقريبا ٣ ساعات فيوم واحد لكن لقدام شوي ماياخذون اقل من ٧ سنوات+تسجله في نادي تايكوندو+برنامج اخر في اسباير للفئه العمريه من ٣-٥
مهم جدا تنوع لسببين:الطفل الحركي سريع الملل
وهذا السن سن التجارب والتنقل من تجربه لاخرى حتى يكتشف موهبه ورغبه محدده وبالتوفيق ولا توفيق الا بالله فاستعن بالله بتحفيظه القران ولان مخارج الحروف في هذه السن تتاسس بتلاوه القران
ابوعلي
15-12-2009, 10:53 PM
اخوي من رايي تخصص له 3 أيام رياضة الدفاع عن النفس و3 أيام سباحه في اسباير اذا كنت مخصص وقت اخر للقرآن

الدفاع عن النفس في مركز الصقر اشوفه احسن من المركز الكوري حسب التجربة

وعن نفسي كنت مخصص يومين للقرآن ويومين سباحة ويومين دفاع عن النفس
العلم الوكاد
15-12-2009, 10:58 PM
اقول ودةه العزبة والا المجالس

خله يتعلم علوم الرجال

الوقت مب وقت مذابح ومهاوش

الا وقت العلوم الطيبة ومثل ما قيل المجالس مدارس

ودمت
Index Signal
16-12-2009, 10:34 AM
اسباير صحيح مره فالاسبوع:يسمونه aspire talent تقريبا ٣ ساعات فيوم واحد لكن لقدام شوي ماياخذون اقل من ٧ سنوات+تسجله في نادي تايكوندو+برنامج اخر في اسباير للفئه العمريه من ٣-٥
مهم جدا تنوع لسببين:الطفل الحركي سريع الملل
وهذا السن سن التجارب والتنقل من تجربه لاخرى حتى يكتشف موهبه ورغبه محدده وبالتوفيق ولا توفيق الا بالله فاستعن بالله بتحفيظه القران ولان مخارج الحروف في هذه السن تتاسس بتلاوه القران


بارك الله فيج يالعنود على هالرد المفيد ..

جزاج الله خير و بإنتظار المزيد .
Index Signal
16-12-2009, 10:41 AM
اقول ودةه العزبة والا المجالس

خله يتعلم علوم الرجال

الوقت مب وقت مذابح ومهاوش

الا وقت العلوم الطيبة ومثل ما قيل المجالس مدارس

ودمت

أوديه طال عمرك في الإجازات الإسبوعيه ..

لكن أنا أتكلم عن برنامج إسبوعي موازي للمدرسه يكون بالفتره المسائيه ..

و أختلف معاك بخصوص الرياضات القتاليه .. من قال إنها مذابح و مهاوش ..!!

بالعكس .. تعلم الإنضباط و التحكم بالغضب و الدفاع عن النفس ..

و في هالسن إللي ينطلق فيه الطفل للحياة و يحتك بأقرانه يحتاج إنه يعرف يدافع عن نفسه لأن هالشي يأثر في شخصيته ..

و الطفل إذا ما طلع طاقته في شي يفيده بيطلعها في المذابح و المهاوش على قولك .
Index Signal
16-12-2009, 10:45 AM
اخوي من رايي تخصص له 3 أيام رياضة الدفاع عن النفس و3 أيام سباحه في اسباير اذا كنت مخصص وقت اخر للقرآن

الدفاع عن النفس في مركز الصقر اشوفه احسن من المركز الكوري حسب التجربة

وعن نفسي كنت مخصص يومين للقرآن ويومين سباحة ويومين دفاع عن النفس

ما قصرت يا بو علي على الرد الوافي ..

طيب هل تشوف إن تقسيم الإسبوع على ٣ نشاطات بواقع يومين لكل نشاط يعطي كل نشاط حقه و يفيد الطفل ..؟

أو تشوف إن نشاطين بواقع ٣ أيام لكل نشاط أفضل و أكثر إفاده للطفل ؟
ام السعف
16-12-2009, 11:38 AM
اسمح لي اكتب لك رأيي :

طفلك كثير الحركة ؟ اهلكه في البيت
تصارع معاه ، خذ له سكوتر و خله يسابق الهوا واحسب هل تقادير الأزمنة اشغله بالرسم والتلوين والعب معاه تركيب المكعبات او المجسمات المختلفة العب معاه في الحوش ركضه في الحوش ، شغله من غير ما يشتغل يعني علمه مجرد ما اتهرن ينزل يشل اكياس الجمعية من سيارتك و يوديهم المطبخ وانتظر عليه
لين يخلص و " مثل " جدامه انك اسرع منه بس امش بخطوات بطيئة وخله يسبقك ويشل أكثر منك .
بهذه الطرق اتهلكه واتخلي يومه مستغل في الحركة من غير اي مراكز خارجية ويكون الطفل تحت اشرافكم و رعايتكم .

اما اذا حبيت تصقل في ولدك هواية معينة ، او تنمي له هواية معينة ، فهذا يختلف حسب نوع الهواية التي ولدك يميل لها ، فمثلا و لدك بارع في التفكير وسرعة التكتيك ( سجله في الشطرنج ) ولدك جسمه مرن و قابل للتواء سجله في السباحة فلكل رياضة ميزة تميزها عن الرياضة الثانية.

اما اذا حبيت ولدك ينتسب رياضيا الى اي محفل رياضي لابد ان تختار له ما يتناسب مع ميوله و تركيبته الجسمانية حتى تضع اللبنة الصحيحة لمستقبله لأن الهدف يختلف من انك تريده ان يقضي على وقت الفراغ من انه اتأسسه التأسيس الصحيح حتى يصبح رياضي مميز في فئته .

وقبل كل شيء قراءة القرآن وحفظه هذا أمر مفروغ منه و لابد ان يكون من الأساسيات التي نعطيها اولوية اكبر في حياة الطفل ، سواء عن طريق البيت او مراكز التحفيظ او بجلب من يقوم بتعليمهم في البيت .

واحرص على ولدك انه يفهم الآية ومب يحفظها و بس ، فلو فهم معنى بسم الله الرحمن الرحيم افضل مليون من مرة من انه يحفظ القرآن وهو مب مستوعب منه حرف واحد .
وربنا يوفقه و يوفق الجميع .
ابوعلي
16-12-2009, 11:45 AM
ما قصرت يا بو علي على الرد الوافي ..

طيب هل تشوف إن تقسيم الإسبوع على ٣ نشاطات بواقع يومين لكل نشاط يعطي كل نشاط حقه و يفيد الطفل ..؟

أو تشوف إن نشاطين بواقع ٣ أيام لكل نشاط أفضل و أكثر إفاده للطفل ؟

اخوي التوزيع بواقع 3 ايام افضل يوم دفاع عن النفس ويوم سباحة او اي نشاط اخر

ولكن بشرط اخوي يكون في وقت مخصص للقرآن لأن حبه للأنشطة دافع لحفظ القرآن

بمعنى اذا كان عنده تقصير في الحفظ يحرم يوم من مزاولة نشاط
PLATINUM
16-12-2009, 12:09 PM
خذ نصيحة واعتبرها نصيحه اختصااصي

الولد في هالمرحله صعب تخليه متخصص في شي معين

الحين تقدر تجهزه للمستقبل

انا اقولك كيف تجهزه

ركز على ناحيه التوافق العضلي وفي العاب كثيره تحقق هالنقطه بس افضلها في هالعمر الجمباز

دخله مركز اضن اسمه الصقر اللي في السنتر من ورى

عندهم كراتيه وجمباز ومدربين الجمباز جييدين

الجمباز بيساعده وبيجهزه للمستقبل

بيصير عنده التوافق العضلي والحركي ممتاز

وبعدها يقدر يلعب اي لعبه تعجبه
مارسيلا
16-12-2009, 01:53 PM
بالتوفيق
البحار
16-12-2009, 09:24 PM
الجمباز ممتاز فيه فن وحركة وقوة
Index Signal
17-12-2009, 01:06 PM
اسمح لي اكتب لك رأيي :

طفلك كثير الحركة ؟ اهلكه في البيت
تصارع معاه ، خذ له سكوتر و خله يسابق الهوا واحسب هل تقادير الأزمنة اشغله بالرسم والتلوين والعب معاه تركيب المكعبات او المجسمات المختلفة العب معاه في الحوش ركضه في الحوش ، شغله من غير ما يشتغل يعني علمه مجرد ما اتهرن ينزل يشل اكياس الجمعية من سيارتك و يوديهم المطبخ وانتظر عليه
لين يخلص و " مثل " جدامه انك اسرع منه بس امش بخطوات بطيئة وخله يسبقك ويشل أكثر منك .
بهذه الطرق اتهلكه واتخلي يومه مستغل في الحركة من غير اي مراكز خارجية ويكون الطفل تحت اشرافكم و رعايتكم .

اما اذا حبيت تصقل في ولدك هواية معينة ، او تنمي له هواية معينة ، فهذا يختلف حسب نوع الهواية التي ولدك يميل لها ، فمثلا و لدك بارع في التفكير وسرعة التكتيك ( سجله في الشطرنج ) ولدك جسمه مرن و قابل للتواء سجله في السباحة فلكل رياضة ميزة تميزها عن الرياضة الثانية.

اما اذا حبيت ولدك ينتسب رياضيا الى اي محفل رياضي لابد ان تختار له ما يتناسب مع ميوله و تركيبته الجسمانية حتى تضع اللبنة الصحيحة لمستقبله لأن الهدف يختلف من انك تريده ان يقضي على وقت الفراغ من انه اتأسسه التأسيس الصحيح حتى يصبح رياضي مميز في فئته .

وقبل كل شيء قراءة القرآن وحفظه هذا أمر مفروغ منه و لابد ان يكون من الأساسيات التي نعطيها اولوية اكبر في حياة الطفل ، سواء عن طريق البيت او مراكز التحفيظ او بجلب من يقوم بتعليمهم في البيت .

واحرص على ولدك انه يفهم الآية ومب يحفظها و بس ، فلو فهم معنى بسم الله الرحمن الرحيم افضل مليون من مرة من انه يحفظ القرآن وهو مب مستوعب منه حرف واحد .
وربنا يوفقه و يوفق الجميع .


أول شي يعطيج العافيه يا أم سعف على المشاركه ..

لكن أنا ملاحظ أغلب ردودج في المنتدى فيها قسوه أو تطرف شويه :)

من قال إني أبي أهلك ولدي ..؟!

أنا أبي أحول طاقته الزايده إلى شي يفيد صحته و يبني جسمه بطريقه علميه ..

أما اللهو في البيت و المساعده بحمل الأغراض هالشي ما يفيده صحيا و جسمانيا مثل ما أنا أبغي ..

بالنسبه للقرآن هالشي مفروغ منه و أتمنى النصائح تتركز بالجانب الرياضي فقط ..

شكرا للنصيحه .
Index Signal
17-12-2009, 01:08 PM
اخوي التوزيع بواقع 3 ايام افضل يوم دفاع عن النفس ويوم سباحة او اي نشاط اخر

ولكن بشرط اخوي يكون في وقت مخصص للقرآن لأن حبه للأنشطة دافع لحفظ القرآن

بمعنى اذا كان عنده تقصير في الحفظ يحرم يوم من مزاولة نشاط



تسلم يا بو علي و نصيحتك راح آخذها في عين الإعتبار

جزاك الله خير
Index Signal
17-12-2009, 01:13 PM
خذ نصيحة واعتبرها نصيحه اختصااصي

الولد في هالمرحله صعب تخليه متخصص في شي معين

الحين تقدر تجهزه للمستقبل

انا اقولك كيف تجهزه

ركز على ناحيه التوافق العضلي وفي العاب كثيره تحقق هالنقطه بس افضلها في هالعمر الجمباز

دخله مركز اضن اسمه الصقر اللي في السنتر من ورى

عندهم كراتيه وجمباز ومدربين الجمباز جييدين

الجمباز بيساعده وبيجهزه للمستقبل

بيصير عنده التوافق العضلي والحركي ممتاز

وبعدها يقدر يلعب اي لعبه تعجبه



كلامك عين العقل و فعلا الجمباز فعال في إكساب الجسم ليونه و مرونه تساعده في المستقبل في أي رياضه يفضل ممارستها ..

خصوصا إن الخيارات محدوده أمامه في هالعمر لذلك تطويع جسمه من خلال الجمباز بيكون مرحله تمهيديه لما بعد ..

جزاك الله ١٠٠٠ خير علي النصايح المهمه و باخذها في عين الإعتبار .
Index Signal
17-12-2009, 01:15 PM
بالتوفيق


أجمعين
Index Signal
17-12-2009, 01:15 PM
الجمباز ممتاز فيه فن وحركة وقوة

كلامك صحيح يالبحار و هالشي بيكون له الأولويه إن شاء الله .
ام السعف
17-12-2009, 03:10 PM
أول شي يعطيج العافيه يا أم سعف على المشاركه ..

لكن أنا ملاحظ أغلب ردودج في المنتدى فيها قسوه أو تطرف شويه :)

من قال إني أبي أهلك ولدي ..؟!

أنا أبي أحول طاقته الزايده إلى شي يفيد صحته و يبني جسمه بطريقه علميه ..

أما اللهو في البيت و المساعده بحمل الأغراض هالشي ما يفيده صحيا و جسمانيا مثل ما أنا أبغي ..

بالنسبه للقرآن هالشي مفروغ منه و أتمنى النصائح تتركز بالجانب الرياضي فقط ..

شكرا للنصيحه .

الله يعافيك يا اخوي ، اللي قصدته من اهلكه ( افرغ نشاطه الزائد ) ان كانت الشكوى تتعلق بكثرة حركته ويكون قريب منكم ، وربنا يحقق لك في ابنك النتائج المطلوبة .
اما بخصوص ردودي اللي بها قسوة و تطرف يمكن لأنني اتبع نفس الاسلوب مع عيالي وحبيت اقدم ما لدي .
العفو وتحت امرك في اي نصيحة أخرى .
Index Signal
17-12-2009, 07:08 PM
الله يعافيك يا اخوي ، اللي قصدته من اهلكه ( افرغ نشاطه الزائد ) ان كانت الشكوى تتعلق بكثرة حركته ويكون قريب منكم ، وربنا يحقق لك في ابنك النتائج المطلوبة .
اما بخصوص ردودي اللي بها قسوة و تطرف يمكن لأنني اتبع نفس الاسلوب مع عيالي وحبيت اقدم ما لدي .
العفو وتحت امرك في اي نصيحة أخرى .


تسلمين يا أم السعف على سعة صدرج ..

و شوي وشوي على العيال ترا القسوه تولد القسوه ..

الله يخليهم لج و يخليج لهم .
اشدعوه
17-12-2009, 08:11 PM
اعتقد 4 سنوات صغير على تعلم الجمباز وغيرها من الانشطة ، 6 معقولة
،
اذكر كان فيه اب عنده نفس المشكلة مع ابنه (النشاط الزايد)
تم عرض الولد على الطبيب خوفا انه تكون هناك مخاطر عليه ،،

فقال الطبيب ابنك سليم ولكن يحتاج شي يفرغ طاقته الزايدة
اشتر تريب رمل مغسول وخليه في طرف البيت
وخل ابنك يحفر من هنا ويطلع من هناك (هذا كلام الدكتور )
anything99
17-12-2009, 08:19 PM
شكرا لصاحب الموضوع على طرح الموضوع .. ولمشاركة الاخ ابوعلي وتجربته المفيدة مع ابنه ..
QatarLady
17-12-2009, 08:24 PM
اعتقد 4 سنوات صغير على تعلم الجمباز وغيرها من الانشطة ، 6 معقولة
،
اذكر كان فيه اب عنده نفس المشكلة مع ابنه (النشاط الزايد)
تم عرض الولد على الطبيب خوفا انه تكون هناك مخاطر عليه ،،

فقال الطبيب ابنك سليم ولكن يحتاج شي يفرغ طاقته الزايدة
اشتر تريب رمل مغسول وخليه في طرف البيت
وخل ابنك يحفر من هنا ويطلع من هناك (هذا كلام الدكتور )

معاك حق

الرمل مافيه أحسن منه لإفراغ طاقة الطفل

ولولاحظتوا أغلب الروض يكون عندهم ركن الرمل

وغير هذا انه يقوي عضلات اليد
QatarLady
17-12-2009, 08:27 PM
فيه تراب بتلاقينه في التعليم المبكر يفي بالغرض وبعد لقيته قبل في كارفور

وفيه أحواض بلاستيكية كبيرة تجيش على أشكال لها أغطية على شان ما تتوسخ من المطر أو الحيوانات

ممكن تحطين فيها الرمل وتخلينه يلعب وعقبها تصكين الحوض تضمنين ان المكان ما يتوسخ بشكل كبير

والرمل نفسه يتم نظيف

ان شاء الله أكون أفدتج
Index Signal
18-12-2009, 04:33 PM
اعتقد 4 سنوات صغير على تعلم الجمباز وغيرها من الانشطة ، 6 معقولة
،
اذكر كان فيه اب عنده نفس المشكلة مع ابنه (النشاط الزايد)
تم عرض الولد على الطبيب خوفا انه تكون هناك مخاطر عليه ،،

فقال الطبيب ابنك سليم ولكن يحتاج شي يفرغ طاقته الزايدة
اشتر تريب رمل مغسول وخليه في طرف البيت
وخل ابنك يحفر من هنا ويطلع من هناك (هذا كلام الدكتور )


بخصوص الجمباز بالعكس أصلا إللي بيلعب جمباز لازم و ضروري يبدأ بممارستها بسن مبكر لإكساب الجسم ليونه و مرونه ..

طبعا في البدايه بتكون أغلب التمارين هي لليونة الجسم و بعيده عن الآلات الخطره ..

أما بخصوص الطاقه الزايده أنا عارف طرق تبديدها و لكن أنا أبي أستثمر هالطاقه الزايده و أحولها لشي يفيده و يبني جسمه و ليس التبديد من أجل التبديد ..

شكرا لمشاركتك الكريمه .