أريد رأيكم على الي صار في ولدي في المدرسة المستقلة .....

[سوق واقف]

السلام عليكم ورحمة الله وبركاته

أخواني أخواتي الأعزاء الصراحة طفح الكيل مع هذه المدرسة الغريبة بالطلبات ...

من ثلاث ايام تم ارسال أوراق وتم طلب عدة أمور بمناسبة اليوم الوطني .. وأنا لست ضد الطلبات ولكن ....

1- اول طلب كان أرسال مجسم عن قطر ( وانا لست ضد هذا الطلب)
2- الطلب الثاني ( وجبات شعبية متنوعه ) وانا لست ضد هذا الطلب ولكن لي نظرة كيف سأعطي طفل روضة آكلات شعبية يوديها معاه ومن راح ينزلها واكثر الاكلات تكون حاره وابني طالب روضه .

3-الطلب الثالث مبلغ 150 ريال

والله أنا مب زعلان من كل هذي الطلبات ... بس رفضي التام لشيء ضايقني اليوم ...

اليوم كانوا طالبين أني البس ولدي ثوب وغترة .. واليوم لبسته ثوب شتوي اسود وغترة شال .. بس للأسف ولدي رجع وثوبه مصبوغ برش عنابي وابيض وراسمين على وجه الطفل

والله العظيم موصخين ولدي بطريقة عجيبة .... والي يبي يصبغ ما يصبغ برش ايش هذا الغباء والله ...

يعلمون اليهال على القذارة ,,, ولدي راد البيت وصخ وصخ للأسف أقوله من مسوي فيك جذي يقول الابله ...

ولا ني زعلان على الثوب الجديد :tease:

[alrheeb2020]

ههههههههههه ..

شر البليه مايضحك من الابله ههه ..

بس الاهم انه الولد يكون استانس ان شاء الله ..

والله يوفق ولدك وان شاء الله انجوفه دكتور لما يكبر ..

وان شاء الله يكون من الذريه الصالحه ..

والله يحفظه ويخليه لكم ..

[biz-qtr]

خووووووش مدرسه ما ادري رووووووضه .....

هذا العرب لين افهمو الشي خنبقوووها

الله يحفظ لك ولدك ..

[الدمعه]

والله حاله .. بعض المدارس طلباتهم زايده ..

الاكل واللبس اوكيه بس الفلوس لييييييييييييييييييييش دام الاكل واللبس متوفر ..باقي الاشياء من

زينه وغيره مب واجب على الاهل ,,عندهم ميزانيه وين راحت ..؟؟؟؟؟؟؟؟؟؟

وليش بالرش والله لو انا مااسكت وبزعل على الثوووب ليش ببلاش مسويته ..باجر بيسوي جيه في ثيابه

وثياب اخوانه ..

بس شنقول اللي عمره ماتبخر .. تبخر واحترق .. من زود الوطنيه عندهم ..

[Sharshooooor]

انت ماشالله مافي شي مزعلك ليش زعلان عيل :nice:

اتغشمر معاك بس اسلوب بالحديث عجبني تنهي كلامك انا موزعلان انا موزعلان

والله لايجيب لك الزعل انشالله

[ضوى]

كثر مايطلبون من ولدي في المدرسة اشياء وانا مطنشة

[موضي قطر]

ههههههههه الله يضحك سنك يابو محمد بس ولدك استانس ؟؟

الأهم لازم تكلمهم بخصوص الرش مايصير ايحطونه على وجهه

[تحداني]

... هههههههههههههههه ...
أتخيل شكل ولدك .. الله يخليه لك يارب

[" روح قطر "]

رش بل ................ ليش فرضا الولد معاه ربو لاسمح الله ذيك الساعه شنو عذرهم

مايدرون أنها مواد سامة وخطيرة على الصدر والعيون والجلد

لا الصراحة شي ماينسكت علية روح لهم ولا تسكت أغسل شراعهم

ياليته ولدى والله لاخليهم يعرفون أن الله حق .... قهرررررر والله

[sendarala]

المفروض الرش على الوجه يمنعونه لانه يسبب امراض وحساسيه للاطفال
الحمدلله ان ولدك استانس بهذا اليوم
والله يدوم الفرحة والسعادة علينا وعليكم
الظاهر الرش كان ب 150 ريال ولا ليه ماخذينه اذا انتو طرشتوا لهم الاكلات الشعبية

[روح-قطر]

هاي القهر مو زعلان لانهم طلبوا لا لازم تزعل شالخرابيط ليش نصرف عليهم واغراضهم من البحار والا مادري وين واليوم الوطني فرحه لليهال مو نهبه لليهال يعني يوم وطني ملزومين هم يتكفلون فيه واكل شعبي ليش تتوقع اليهال ياكلون هريس ومرقوق وعصيده لا ما ياكلون واذا كل طالب جاب شكثر بيكون..

والمجسم بكم طلع عليك يعني تخسر حول 600 مو على ولدك على الروضه والا المدرسه..

الكد على العميان لازم يوقف لي متى..

ولا تقول مو زعلان بتكون سلبي حدك،، ولدك تقدر تونسه وانت مو مقصر عليه شنهي الوناسه اللي طلع منها رش بويهه..

قهر

[شموخ وبس]

وي روضه ومجسم واكل خرابيط انا لو منك اغيب ولدي ووديه جنكل زون قال وطنيه الا تلقاهم اهما اللي زاطين والفلوس يعدلون فيها مكتب المديره خخخخ انا قول كلمهم

[مجرد انسان]

اخي الكريم

القانون لا يسمح بطلب فلوس من الطلاب في المدارس المستقلة ,, حيث إن هناك بنودا خاصة بالأنشطة المدرسية في موازنة كل مدرسة ,,

لو حصل هذا ومعك ورقة تثبت ذلك توجه بها لمنسقة المدرسة ,, أو لهيئة التعليم مباشرة ,,

وكما قلت ,, لسنا ضد الاحتفال ,, على العكس ,,, ولكن ليس بهذه الطريقة ,,,

تحياتي

اخوك / مجرد انسان

[بوحمد2]

السلام عليكم ورحمة الله وبركاته

أخواني أخواتي الأعزاء الصراحة طفح الكيل مع هذه المدرسة الغريبة بالطلبات ...

من ثلاث ايام تم ارسال أوراق وتم طلب عدة أمور بمناسبة اليوم الوطني .. وأنا لست ضد الطلبات ولكن ....

1- اول طلب كان أرسال مجسم عن قطر ( وانا لست ضد هذا الطلب)
2- الطلب الثاني ( وجبات شعبية متنوعه ) وانا لست ضد هذا الطلب ولكن لي نظرة كيف سأعطي طفل روضة آكلات شعبية يوديها معاه ومن راح ينزلها واكثر الاكلات تكون حاره وابني طالب روضه .

3-الطلب الثالث مبلغ 150 ريال

والله أنا مب زعلان من كل هذي الطلبات ... بس رفضي التام لشيء ضايقني اليوم ...

اليوم كانوا طالبين أني البس ولدي ثوب وغترة .. واليوم لبسته ثوب شتوي اسود وغترة شال .. بس للأسف ولدي رجع وثوبه مصبوغ برش عنابي وابيض وراسمين على وجه الطفل

والله العظيم موصخين ولدي بطريقة عجيبة .... والي يبي يصبغ ما يصبغ برش ايش هذا الغباء والله ...

يعلمون اليهال على القذارة ,,, ولدي راد البيت وصخ وصخ للأسف أقوله من مسوي فيك جذي يقول الابله ...

ولا ني زعلان على الثوب الجديد :tease:

والله لو منك اروح اتحبل لها عند الباب وارش على دفتها بعد ما اتاكد انها هي الي رشت على الولد ...طبعا عقبها مستحيل اخلي الولد يداوم في الروضه لانها بتاكله بقشوره؟؟؟

[جابر المري]

السلام عليكم ورحمة الله وبركاته

أخواني أخواتي الأعزاء الصراحة طفح الكيل مع هذه المدرسة الغريبة بالطلبات ...

من ثلاث ايام تم ارسال أوراق وتم طلب عدة أمور بمناسبة اليوم الوطني .. وأنا لست ضد الطلبات ولكن ....

1- اول طلب كان أرسال مجسم عن قطر ( وانا لست ضد هذا الطلب)
2- الطلب الثاني ( وجبات شعبية متنوعه ) وانا لست ضد هذا الطلب ولكن لي نظرة كيف سأعطي طفل روضة آكلات شعبية يوديها معاه ومن راح ينزلها واكثر الاكلات تكون حاره وابني طالب روضه .

3-الطلب الثالث مبلغ 150 ريال

والله أنا مب زعلان من كل هذي الطلبات ... بس رفضي التام لشيء ضايقني اليوم ...

اليوم كانوا طالبين أني البس ولدي ثوب وغترة .. واليوم لبسته ثوب شتوي اسود وغترة شال .. بس للأسف ولدي رجع وثوبه مصبوغ برش عنابي وابيض وراسمين على وجه الطفل

والله العظيم موصخين ولدي بطريقة عجيبة .... والي يبي يصبغ ما يصبغ برش ايش هذا الغباء والله ...

يعلمون اليهال على القذارة ,,, ولدي راد البيت وصخ وصخ للأسف أقوله من مسوي فيك جذي يقول الابله ...

ولا ني زعلان على الثوب الجديد :tease:

شي غريب والله الناس ليش تودي عيالها للمدراس المست(غ)لة مو على اساس يتعلم التعليم السليم؟ اذا ابسط المفاهيم التربوية يفتقدها القائمين / القائمات على التدريس في تلك المدراس وش تتوقعون من عيالنا بكره .....
أخوي لا للسلبية ونعم للزعل والصراحة شي يزعل اللي صار فيك قبل لا يصير في ولدك استغلوك ابشع استغلال بأسم الوطنية ..... ليش ال 150 ريال ليش المجسم ... ليش الاكل ؟
لو بغوا مشاركت عائلات الطلاب في الاحتفال بهذا العرس الوطني كان من الاجدى دعوتهم وسماع أراءهم عن كيفية الاحتفال والاخذ بأفكارهم. اما ان تكون الفكرة فكرتهم والمصاريف علينا والاحتفال لهم لا يا خوي شي ما ينسكت عليه

[كاروهات]

ممكن اعرف شنو اسم المدرسة
ولا تعطون المدرسة ريال واحد ترى والله ممنوع
وما عندك الا هيئة التعليم تردهم
وابيك اتعرف شي ولدك لما يجيب اللاكلات للمدرسة لا تحسب انهم بياكلون عيالكم من هالاكل لا والله، إلا يقومون يبوعونهم على الطلبة والفلوس للمدرسة

حسبي الله ونعم الوكيل

[المقهوره]

طيب عادي اهم شي انه استانس

والثوب بداله مليون ثوب ولا ينغسل وخلاص عند ال دوبي



انا من عرفت عيال اخواني ولا خواتي
اذا فيه عيد ولا مناسبه يجونا صابغين وجيههم كنهم فليم رعب وثيابهم مصبغه


بس اقول لهم هاه استانستوا يقولون واااااااااااااااجد

قلت اهم شي

وبعدين الماي ببلاش والصابون مافي ارخص منه
ياخذ شاور وانتهت السالفه



اما قصه الاكلات الشعبيه بصراحه ماراح اطرش لهم شي

والمجسم شيبون يطلبون من الطالب مجسم هبل ولا استهبال. بطنش لهم بعد يعني وش بيسون بيسقطونه مثلا هي مجرد محاولات من عندهم مرفوضه بالنسبه لي يعني مب اجباري ويامكثر مايطلبون طلبات ولا ننفذها لهم ومع ذلك مايصير شي شراح يسوون يعني.

اما 150 ابي اعرف ليش يعني هال150؟؟؟؟؟

بيودونهم رحله مثلا ولا شسالفه؟

[ANONYMOUS]

وايد تشتكي من مدرسة عيالك

يا اخي طلعهم وارتاح وريحنا معاك :p


مدرسة العيال طلبوا حق اليوم علم قطر ولبس شعبي

البخنق موجود حق القرنقعوه..وخذت علم بو عشر من الدوار :)

[الرويـس]

عسى بس الخلق كان (كوري) مهب (انجليزي) :(

[بنت الاول]

لا حول ولا قوة إلا بالله ..........الله المستعان

[ANONYMOUS]

عسى بس الخلق كان (كوري) مهب (انجليزي) :(

شيكيبو :(

[الرويـس]

شيكيبو :(

لا صج يا انامونوننونونون ونس <<< ياخي شوف لنا صرفه مع نكك :(
اذا انجليزي بيعورني قلبي
بس اذا شيكيبو .. بعد قلبي بيعورني :(

[شيط ويط]

كله فداء للوطن اخوي شوق واقف لا تضايق عمرك :tease:

[ودي أكون]

انت ماشالله مافي شي مزعلك ليش زعلان عيل :nice:

اتغشمر معاك بس اسلوب بالحديث عجبني تنهي كلامك انا موزعلان انا موزعلان

والله لايجيب لك الزعل انشالله

هههههههه والله انك مشكله شرشور .. ماحب اشوف احد يستلم مثلي هههههه :tease:

**

اهم شي الولد استانس يا سوق واقف .. هو معاك حق بصراحه بس دامك موزعلان فهاي معناته ان الولد ماكان عليه اي ضرر وان هو استانس :victory:

بس انت اكيد مؤكد بالتأكيد زعلان على الثوب :tease:

[شبح الصمت]

تصدق ياسوق واقف اليوم ولدي قايلين له انطلق البس الي خاطرك فيه .. عاد فديته لابس نفس ولدك ثوب اسود بس الغتره حمره كنت بسوي له حمدانية بس خبرك صار رفض من اطراف اخرى فالاحل الأفضل غتره مسكين اول ما دخل الباص استانسو عليه الي فالباص خبرك يحسبون جاي من كوكوب ثاني فديته .. عاد بنشوف اليوم الظهر النتائج هل هي مفرحه ام اصباغ على وجه .. وترى انا اطلبو كوافي وحلويات رحت خذت من الجمعية امس بس فلوس ,, هي الي باقي اش رايك تفتح لهم حساب بعد وكل شيء تنزل 150 مصاريف نثرية :omen2:

[دلة الرسلان]

والله لو منك اروح اتحبل لها عند الباب وارش على دفتها بعد ما اتاكد انها هي الي رشت على الولد ...طبعا عقبها مستحيل اخلي الولد يداوم في الروضه لانها بتاكله بقشوره؟؟؟

خلاص تحذير يا مدرسات روضة ولد سوق واقف لا تطلعون الا بجلالات الصلاة :telephone:

[ملسونه]

ههههههههههههههههههههه واحليله

ياخي انا احس ان ولدك هو الي طلب يرشونه

ابله ابله سويني علم هههههههههههههه


الله يخليه لك ..

[ودي أكون]

تصدق ياسوق واقف اليوم ولدي قايلين له انطلق البس الي خاطرك فيه .. عاد فديته لابس نفس ولدك ثوب اسود بس الغتره حمره كنت بسوي له حمدانية بس خبرك صار رفض من اطراف اخرى فالاحل الأفضل غتره مسكين اول ما دخل الباص استانسو عليه الي فالباص خبرك يحسبون جاي من كوكوب ثاني فديته .. عاد بنشوف اليوم الظهر النتائج هل هي مفرحه ام اصباغ على وجه .. وترى انا اطلبو كوافي وحلويات رحت خذت من الجمعية امس بس فلوس ,, هي الي باقي اش رايك تفتح لهم حساب بعد وكل شيء تنزل 150 مصاريف نثرية :omen2:

لا حطها تحت بند نفقات الضيافه :omen2:

المفروض مايلزمون اولياء الامور ان يجيبون او يدفعون .. اذا الكل بجيب فالاحسن يحولون المدرسه الى مخزن جمعيه :rolleyes2:

من بياكل كل هالكوافي .. ماينلامون اليهال على هالنشاط الزايد :tease:

سوق واقف شكله متأثر لين اليوم :nice::tease:

[شبح الصمت]

سوق واقف ليكون في مدرسات معانا فالمنتدى ويشوفون ردودنا عقب يزعلون علينا وكل يوم يصبغوونهم والا علامات داون داون :nice:

[شبح الصمت]

لا حطها تحت بند نفقات الضيافه :omen2:

المفروض مايلزمون اولياء الامور ان يجيبون او يدفعون .. اذا الكل بجيب فالاحسن يحولون المدرسه الى مخزن جمعيه :rolleyes2:

من بياكل كل هالكوافي .. ماينلامون اليهال على هالنشاط الزايد :tease:

سوق واقف شكله متأثر لين اليوم :nice::tease:




لا لا الامور طيبه ان شاء الله بس اهو زعلان على التلووين ومن المدرسة يعني لو طالب مب مشكلة بس هذه شكلها مسكينه خذتها الفرحه ومن الوناسه قامت تلون اليهال تحسب حصة رسم :tease:

[HENRY]

أكلات شعبيه : أكل ومرعى وقلة صنعى
وعلى طاري 150 عرفت اللغز هذا بونس لسنه الجديده حق الابلااا والي معاهاااا
وراحت عليييييك يا معلم عشره صفر

[Me&OnLy]

شئ غريب فعلا ايش هذا التعليم عندهم ؟

[ودي أكون]

لا لا الامور طيبه ان شاء الله بس اهو زعلان على التلووين ومن المدرسة يعني لو طالب مب مشكلة بس هذه شكلها مسكينه خذتها الفرحه ومن الوناسه قامت تلون اليهال تحسب حصة رسم :tease:

دام حاطه فخاطره مافي الا تاخذ له رش يعطيه ولده ويتحبل حق الابله ويرشها .. ويقولها ابله ابوي قالي عشان امس وسختي ثوبي الجديد :tease:

امااا :secret:

باجر فالجريدة الرسميه أب يحرض أبنه على مدرسته بسبب ثوب :nice::tease:

[رمــش الغلا]

شكلك متحســــــــف على الثــــــوب :nice:


:omg:

هالكثر طلبات حق واحد في الروضه
صراحة الله يعيينكم

[شهد]

امحق

ويش ذي الطلبات كلها ياخوي
واييييييييد بصراحه

انا ولدي في الدانه الخاصه مااطلبوا شئ غير
نكشخهم فديتهم

الله يعينك ياخوي

[mr_qtr]

اخوي سوق واقف

انا من النوع اللي مارد على المواضيع وايد ,,, بس الصراحه انقهرت

اكلات شعبيه!!!!!!

و150 ريال !!!!!

هذول يبون يسووون بوفيه على حسابك؟؟

ياخي اذا يبون اتفصل حق ولدك ثوب على علم قطر... المفروض قبلها بفتره

يقولون وتقدر اتفصل له ثووب على علم قطر .. بدل ماتلبسه ثوب يديد

والحبايب صابغينه برش!!!!!! اشدعوه!!!!! بطبطه هاي مب ثوب!!!


الله يعينك ياخووووي

واسمحلي على الرد .. صدقني انقهرت :(

وان شاءالله يكون ولدك استااانس :)

ويعطيك العافيه

[sweet qatar]

لا والله شي يزعل ويضايق...

انت مب ملزوم بكل هالمصاريف... عشان بالاخير صورة المدرسة الي تطلع حلوة و محتفلة...

يبون يترززون ... يترززون بفلوسهم ... مب ينهبون اولياء الامور...


يعني شبيسوي الي عنده 4 يهال... حرام والله ...


والله يحفظ لك ولدك ويبارك لك فيه... ^_^

[المقهوره]

احنا البارحه شارين لهم سيوف من سوق العلي

مب تنفيذ لاوامر المدرسه

بس فرحه لعيالنا ابيهم يتعلمون الوطنيه من صغرهم ويرزفون

[سوق واقف]

اليوم بنزل لكم موضوع جديد يضحك