المساعد الشخصي الرقمي

مشاهدة النسخة كاملة : ما الذي حدث للمجموعة يا جماعة الخير .. أصبحوا في قمة السوء



أحسينوه
11-04-2005, 07:15 AM
المجموعة .. كانت من أفضل شركات الوساطه .. تنفذ الأوامر سواء بيع أو شراء بسهوله وسرعه

وبمنتهى المصداقيه . ولكن منذ التاريخ ( المشؤوم ) 3/4/2005 .. وأنا ألاحظ أن الأمور إختلفت

قد يقول قائل : نتيجة للضغط .. طيب حتى التلفونات صاروا ما يردون عليها .. أتصل علشان أحط أمر . لا

أحد يرد . تخيلوا حتى في الفتره المسائيه أيضا ً لا أحد يرد .. جربت حتى على البداله أتصل 4444444

أيضا ً لا أحد يرد .. والأمـَر من ذلك .. أن جميع محاولاتي للإتصال يصادفها تحول للمكالمه .. تطلع عبارة

Call Diverted .. أي أن المكالمه تم تحويلها !!!!!!!!!

وبالأمس ضاعت علي فرص كثيره .. والسبب ثقتي بالمجموعه ! .. طيب وش يسوي اللي ما يقدر يطلع

من شغله :mad: يفنش يعني

واليوم من الساعه 7 ونص يعني مع بداية دوامهم وأنا أحاول أتصل لا أحد يرد .

معقوله كل هذا إستهبال :confused:

=================

إحترموا عملائكم يا المجموعه ..

عضو قديم
11-04-2005, 08:02 AM
اعصابك حبيبي احسينوه
اخوك:عضو قديم

أحسينوه
11-04-2005, 08:15 AM
هلا وغلا عزيزي / عضو قديم .. خلوا فيها أعصاب .. شعري صار أبيض وأنا أشوف الفرص تطير مني

نوارة
11-04-2005, 11:21 AM
نعم هذا صحيح و أنا تعرضت لمثل هذه المواقف

وحينما سألت الموظف لماذا لاتزيدون عدد الموظفين ليتمكنوا من الرد
رد علي :
أحنا ثلاثين موظف لكن شو بدنا نساوي فيكم كلكم تركتو أعمالكم واشتغلتوا في البورصة !!!!



غريبة : أيش شغلك أنت إذا ماجابلتنا مب هاذي شغلتك ياوسيط !!؟؟

doha_vip
11-04-2005, 01:02 PM
أخوي احسينوه المجموعه شبعت فلوس علشان جذي مايردون

ali
11-04-2005, 01:16 PM
نسئل الله لها الخساره الفااادحه

عشان تشتغل با الذمه
وتشيل الزلمات منها احسن
وتشف لها مواطنين يتشغولن

LiquidMoney
11-04-2005, 02:11 PM
هههههههههههههههههههههههههههههه :)
شفيتوا قلبي فيهم !

الرمز
11-04-2005, 02:14 PM
حسينوه
شنهي الفرص لي ضاعت منك امس
اذا كنت ناوي تشتري حمدربك انك ما شريت
اذا كنت ناوي تبيع مافيه حد يشتري
اكيد هذه خدمه جدبده في المجموعه انهم ما يردون حتى ماحد من عملائهم يخسر

عضو قديم
11-04-2005, 09:55 PM
حبيبي المجموعة لا اشبعت ولا شي فيه احد يشبع من الفلوس ؟
كل اللي حاصل ان المجوعة تتصيد للي يبي يبيع بسرعة وهو تقوم بشراء الاسهم لها

وكفاية تلطيش وكشف المستور

ريما
12-04-2005, 08:20 AM
تبون الصراحه المجموعه اهي اللي بتجيب لنا القلب يحرقون اعصاب الواحد لين ايردون
شنهي الشركات الثانيه اللي احسن ابي احول

عضو قديم
12-04-2005, 08:34 AM
ما اقول الا الله المستعان

alkaabi
12-04-2005, 09:38 AM
هالوضع صاير في اغلب شركات الوساطة

وبالذات المجموعة

لان الضغط عليها كبير

واكثر من نص المساهمين يتعاملون معاها

وعليهم ضغط كبير من ادارة السوق ...!!!

لدرجة انهم اعملوا طلب خاص لبيع الناقلات للمساهمين الجدد ( اللي اول مرة يشتري في البورصة )

ويدخلون الطلب بعد يوم كامل من استلامه

وذلك لتعريف العميل واظهار رقم المساهم له

اما اذا كان عنده رقم مساهم يدخلون له الطلب

بس لهم لمت معين يبيعون ويشترون فيه وهاللمت محدد من قبل البورصة

..............

امس رحت قدمت طلب بيع في المجموعة عند واحد من الربع

وقالي بالحرف الواحد اذا تعرف حد في غير المجموعة روح له

عندهم ضغط كبير ومايبون يستقبلون طلبااااات

al_lord
12-04-2005, 11:20 AM
هلا احسينوه وعضو قديم خلكم ريلاكس على قولة ابو الشباب ولا تحرقون اعصابكم

الله لا يهينكم روحوا للبروصه ودخلوا الطلبات انسوا عصر التلفون

واذا تبون التلفون لازم دهن سير وفهمكم كفايه :)

سعد
12-04-2005, 11:52 AM
انا اقوللكم ان المجموعة افضل شركة وساطه موجوده حاليا (( افضل السيئين)) على الاقل يداومون العصر واللي ماعنده وقت الصبح يحط طلبه العصر وانتهت

اما اذا بغيت تبيع ،،، عادي
،
،
،
، راحت على اللي فرصته ماغتنمها

وتحياتي لكم

الوهج القطرية
12-04-2005, 12:41 PM
أختي ريما أنصحج بشركة قطر لأني متعامله وياهم من قبل وإنشاء الله ما يفشلوني فيج

عزيز
12-04-2005, 12:53 PM
السلام عليكم

اختي وهج شنو خدمات شركه قطر؟ ووين موقعهم بالضبط ؟ يعني فيه بيع وشراء بالتلفون ولا لا؟؟

والله المجموعه احرقو اعصابي دوامي انا مستحيل اطلع منه لو علي قص رقبتي والمجموعه مب مقصرين فينا

يعني مضروب علي راسي من الصوبين لحول ولا قوه الا بالله

بس بعد مب فاقد الامل وان شاء الله شركه دلاله تكون الخير يارب :)

المخلب
12-04-2005, 03:04 PM
المجموعة .. كانت من أفضل شركات الوساطه .. تنفذ الأوامر سواء بيع أو شراء بسهوله وسرعه

وبمنتهى المصداقيه . ولكن منذ التاريخ ( المشؤوم ) 3/4/2005 .. وأنا ألاحظ أن الأمور إختلفت

قد يقول قائل : نتيجة للضغط .. طيب حتى التلفونات صاروا ما يردون عليها .. أتصل علشان أحط أمر . لا

أحد يرد . تخيلوا حتى في الفتره المسائيه أيضا ً لا أحد يرد .. جربت حتى على البداله أتصل 4444444

أيضا ً لا أحد يرد .. والأمـَر من ذلك .. أن جميع محاولاتي للإتصال يصادفها تحول للمكالمه .. تطلع عبارة

Call Diverted .. أي أن المكالمه تم تحويلها !!!!!!!!!

وبالأمس ضاعت علي فرص كثيره .. والسبب ثقتي بالمجموعه ! .. طيب وش يسوي اللي ما يقدر يطلع

من شغله :mad: يفنش يعني

واليوم من الساعه 7 ونص يعني مع بداية دوامهم وأنا أحاول أتصل لا أحد يرد .

معقوله كل هذا إستهبال :confused:

=================

إحترموا عملائكم يا المجموعه ..


وانت ليش زعلان هذا اسلوبهم من زمااااااااااااااااااااااااااااااااااااااااااااان .

رحال
12-04-2005, 03:10 PM
لا تلومونهم 0000 شفايدت الاوردرات ومافي بيع وشراء !!!

آنه كل يو م احط الا وردر المغرب ولمت داون بسعر السوق وما يضرب 0000

رعد
13-04-2005, 12:25 PM
T هذا صحيح و أنا تعرضت لمثل هذه المواقف

وحينما سألت الموظف لماذا لاتزيدون عدد الموظفين ليتمكنوا من الرد
رد علي :
أحنا ثلاثين موظف لكن شو بدنا نساوي فيكم كلكم تركتو أعمالكم واشتغلتوا في البورصة !!!!

السهم الاخضر
13-04-2005, 01:04 PM
احسن حل حق هذي المشكله هن الواحد فينا لازم يكون عنده 3 ارقام موبايل ويسجلهم في المجموعه ويتصل بهم في وقت واحد مب احسن من يعتمد على تلفون واحد انا شخصيا مسجل عندهم رقمين حاليا وفكر في الثالث

الزقروطي
15-04-2005, 04:58 PM
أخوي احسينوه المجموعه شبعت فلوس علشان جذي مايردون

أبو محمد
23-04-2005, 12:40 AM
أنا معاك يا عضو قديم ,,,, الظاهر جالسين يشترون عشانهم أو عشان جهة أخرى مقابل نسبة ,,, وأنت تدري كل ماتشتري برخيص أفضل ,,,, يعني اذا شافت السعر بيرتفع وهي للحين مالمت ما دخل الطلبات عشان أتلم علي راحتها و بأسعار رخيصة . :con2: والعكس صحيح .

قطريه فديتني
23-04-2005, 07:24 PM
بصراحه انا يوم كنت اروح المجموعه قبل سنه كانت معاملتهم ماعليها كلام :eek2:

بس هالفتره صاروا يبطون الجبد :anger2: أرفعوا ضغط العالم الله يرفع ضغطهم كلهم :anger2: :anger2: :anger2:

roadrunner
24-04-2005, 11:14 PM
بصراحه انا يوم كنت اروح المجموعه قبل سنه كانت معاملتهم ماعليها كلام :eek2:

بس هالفتره صاروا يبطون الجبد :anger2: أرفعوا ضغط العالم الله يرفع ضغطهم كلهم :anger2: :anger2: :anger2:


والله تبي الصج ..... مالومهم مساكين ... انت شفت العالم الي عندهم .. تقول يوزعون اسهم ببلاش .... صج ان المفروض يزيدون الموظفين الي عندهم ... لكن صدقني ... حتى لو زادوهم .... بعد بتتم الشكاوي

ابوعلي
24-04-2005, 11:36 PM
:anger2:


السلام عليكم ورحمة الله وبركاته

يا اخوان انا عطيت المجموعه امر بيع اسهم السلام عدد 3300 سهم وجاني الرد من عندهم على الجوال

( اسهم غير متوفره ) مع اني طلبت كشف حساب والاسهم موجوده بالكشف اني شاريهم بس مابعتهم

؟؟؟؟؟ مجرد سؤال للمجموعه وين ابحث عنهم

LIMIT^UP
25-04-2005, 12:10 AM
اخوي اذا كنت شاري الاسهم عن طريق المجموعه فلازم تكون موجوده عندهم وكشف الحساب اللي خذيته من عند المجموعه ولا من السوق لانه صارت معاي نفس الحركه في اسهم الناقلات والاسهم كانت موجوده في الكشف اللي خذيته من السوق لكن لما تحط امر في المجموعه مايطلع لك اسهم وبعد البحث والتحري تبين لي ان الاسهم موجوده في المجموعه الفرع اللي في السوق في الكمبيوتر الرئيسي ((الريجستري))لكن لازم تروحل للفرع اللي في السوق وتقولهم ينزلونها في السيستم واعتقد ان هذي حركه منهم لتاخير البيع والتلاعب

ابوعلي
25-04-2005, 12:56 PM
اخوي اذا كنت شاري الاسهم عن طريق المجموعه فلازم تكون موجوده عندهم وكشف الحساب اللي خذيته من عند المجموعه ولا من السوق لانه صارت معاي نفس الحركه في اسهم الناقلات والاسهم كانت موجوده في الكشف اللي خذيته من السوق لكن لما تحط امر في المجموعه مايطلع لك اسهم وبعد البحث والتحري تبين لي ان الاسهم موجوده في المجموعه الفرع اللي في السوق في الكمبيوتر الرئيسي ((الريجستري))لكن لازم تروحل للفرع اللي في السوق وتقولهم ينزلونها في السيستم واعتقد ان هذي حركه منهم لتاخير البيع والتلاعب


شكرا على الرد وان شاء الله اروح اليوم العصر واشوف ايش الي صاير ، بس انا تعاملي مع المجموعه

سواء البيع او الشراء وحتى الكشف اخذه من المجموعه

هتلر
25-04-2005, 06:59 PM
والله انا المجموعه مادانيهم و خليتهم ايولون ورحت حق و سيط ثانى
وسبه انى يوم عرض السهم الناقلات للبيع ما باع على اساس الاسهم مب عندهم و بعدين ا كتشفت ان الاسهم عندهم ..
اكبر دليل على التلاعب في سوق قطر والله يعينكم ياجماعه

almazam
26-04-2005, 12:23 AM
خلوها على الله
اذا انتو تعبتو من اوامر البيع والشراء
انا مضيعين مبلغ من حسابي سارلي اسبوع اركض وراهم
مع ان هم الي بايعين لي

صبي الهوامير
26-04-2005, 01:44 AM
اقول اذاعلى المجموعه حدث ولا حرج اذا اخوي شيرينله اسهم الناقلات وهو ماعنده رصيد لا ناوي ينكبهم ويبيعهم
بس قلناله حرام الي ابوق الحرامي حرامي الله كريم
وحسبي اللله ونعم الوكيل