اسف اقولها لكم ... خيبت املكم

[المخلب]

السلام عليكم


والله الواحد مايكسر خاطره الا انه يقول شئ (( والله يامر بشئ ثاني )) ونعما بالله

ياجماعه انا اعتذر لكم الصراحه احس بحرقه بقلبي !

قلتلكم ان السوق بكره باذن الله اخضر بس شسوي والله ماابيدي شئ يخلي السوق يرتفع

قلت خلنا نرفع السوق شوي بحركه الطلب !!

طلبت اسهم بروه وللاسف الموظف خيب ضني لا شرى ولا شئ كله بحجه الشيك المصدق الي بط جبدي !! لين ماطلعت وجيت السوق صفر !! :(

ياجماعه مانقول الا الحمد لله على كل حال !

وياريت تقبلون اعتذاري : " اخوكم الحزين المخلب ..."

[الديرة]

منت بلاقي من يعزيك ..... حيث البلد كلها في العزاء

[لمت أب]

تبي الصراحه يالمخلب....
الواحد لاينصح في مثل هالفتره ولا يتوقع
انا اجوف ان الفتره الحاليه أن الصمت هو الأفضل
مسموح فديت خشمك

[كش ملك!!]

شسوي فيك



اعض خشمك :court:



خلاص سامحتك فديتك


هات بوسه :eek2:

[المراقب]

أنا أريد
وأنت تريد
والله يفعل ما يريد

وما قدر سيكون ولو ما أردت

[اللورد]

للاتتأسف ولاتتعذر
اخوي الغالي المخلب
ان مايحصل بالسوق اللان خارج نطاق التوقعات وحتى المتشائمين منهم لم يتوقعوا مايحدث للسوق اللان
ولكن المؤكد لي أنه لايوجد هبوط دائم ولا إرتفاع دائم.

[فهدq8]

السلام عليكم


والله الواحد مايكسر خاطره الا انه يقول شئ (( والله يامر بشئ ثاني )) ونعما بالله

ياجماعه انا اعتذر لكم الصراحه احس بحرقه بقلبي !

قلتلكم ان السوق بكره باذن الله اخضر بس شسوي والله ماابيدي شئ يخلي السوق يرتفع

قلت خلنا نرفع السوق شوي بحركه الطلب !!

طلبت اسهم بروه وللاسف الموظف خيب ضني لا شرى ولا شئ كله بحجه الشيك المصدق الي بط جبدي !! لين ماطلعت وجيت السوق صفر !! :(

ياجماعه مانقول الا الحمد لله على كل حال !

وياريت تقبلون اعتذاري : " اخوكم الحزين المخلب ..."

يكفي نيتك الصافيه

( واللي مايكتبه الله عسير يالمخلب )

[المراقب]

هذا صحيح، فالسوق الأن مثل الكرة المضغوطة، فبقدر ما تضغطها
ترتفع.

[المخلب]

والله والنعم فيكم

جعل الله يعوضكم على طيبه قلبكم

[Qa6ar]

كل ماتضيق تنفرج يالمخلب وانا اخوك.. بس هذي ضغط نفسي يبون ينزلون السوق اكثر... مافكرت من يشتري

هالايام كلها بكل الشركات واتلم تدري ليش تلم.. تبي باجر ولابعد باجر ترفع السوق ولاتلاقى حد يعرض

واتبيع بالسعر اللي هي تبي.. لاتتضايق ولاشيء كم يوم وبتنفرج إنشالله

[جوكر البورصة]

عزيز وغالى اخوى المخلب :eek2:

ان شاء الله بكرة همتك معنا يابطل ;) :app: :app:

[كويتي تداول]

يا صديقي الرائع مخلب وسع صدرك
ما طاف غير فتره وحده من التدول وان شاء الله بكره فوق
ويكفي اهتمامك في اخوانك المتداولين ... ويا اخي كله مره وحده ...وفي غيرك يوصون بالارتفاع من شهر 10 وكله نزول ولا اعتذرو ولا شي لا تكون حساس انت اجتهد والعلم عند الله
وبيض الله وجهك علي الشجاعه هذي

[jajassim]

شسوي فيك

اعض خشمك :court:

خلاص سامحتك فديتك

هات بوسه :eek2:


هلا بك يا كشكش :shy: ( دلع المخلب ) ، لا ياحبيبي لاتعض خشمه ، خاله لي :mad: ، اللي عشمنا بالحلق خرمنا الودان( ألأذن) :eek3: :eek3: :eek3:

عشان خاطرك يا كشكش انا بسامحه :con2: ،، خاااااااااااااااااااااااااااااااااااشمك :nice:

[اشاعه]

انت من صجك تعتذر انت توقعت وماصار اللي في بالك والعلم عند الله بس اخوك اشاعه يبشرك ترى بكره باذن الله اخضررررررررر وقول اشاعه قالي.

[المخلب]

حبيابي والله اشكركم على التفهم

اخوكم المخلب

[على قد حالها]

يالمخلب تسلم و مسموح ... ياليت في مثلك 100 ويفكرون في غيرهم ويحبون الخير للغير!!!

[متفااائل]

علامة الصعوود كثرة التشائم وعلامة الهبوط كثرة التفاائل وكل هبوط لابد له من قاع ;)

[لاداعي]

السلام عليكم


والله الواحد مايكسر خاطره الا انه يقول شئ (( والله يامر بشئ ثاني )) ونعما بالله

ياجماعه انا اعتذر لكم الصراحه احس بحرقه بقلبي !

قلتلكم ان السوق بكره باذن الله اخضر بس شسوي والله ماابيدي شئ يخلي السوق يرتفع

قلت خلنا نرفع السوق شوي بحركه الطلب !!

طلبت اسهم بروه وللاسف الموظف خيب ضني لا شرى ولا شئ كله بحجه الشيك المصدق الي بط جبدي !! لين ماطلعت وجيت السوق صفر !! :(

ياجماعه مانقول الا الحمد لله على كل حال !

وياريت تقبلون اعتذاري : " اخوكم الحزين المخلب ..."


لاتعتذر انت عزيز وغالي يالمخلب

[المخلب]

تسلمون يالقلوب

الله يرزقكم وتعوضون خسايركم واحنا وياكم يارب

[سهم عتيج]

انت اجتهدت ولك أجر ان شاء الله,,

وتأكد بأن السيولة موجودة بقوة ولكنها تنتظر المبادرة,, ومن المؤكد أن الكل ينتظر المبادرة من الآخر.. فالمحافظ تنتظر المبادرة من الناس بسبب وجود سيولة ضخمة من عودة فائض الريان,, والناس تنتظر من المحافظ وأصحاب رؤوس الأموال الكبيرة المبادرة في الدخول.. ولو سألت كثير من الأعضاء الموجودين معنا في المنتدى الآن؟؟ هل عندك سيولة وتريد الدخول بها للسوق,, لأجابك عدد ليس بالقليل ان السيولة موجودة ومتوفرة ولكنهم ينتظرون عودة الثقة فقط..

فمن سيبادر الى عودة الثقة للسوق؟؟ المحافظ ام الأفراد ام أية جهة أخرى من شأنها ايجاد الثقة بالسوق...

[وليد888]

المشكله الاستعجال
صبرو وشوفو !

[الخطاب]

غالي ومسموح يالمخلب

[piccadilly]

عزيز وغالي :) :) :)

[حمد خالد]

الله يعطيك على نيتك اخوي المخلب

ومبين عليك من كلامك التأثير لكن ربك يزينها

[المخلب]

تسلمون يالغالييين على التفهم والوعي

وبارك الله فيكم اجمعيين

[لمت داون111]

عزيز وغالي يالمخلب وكلنا ننطر السوق يرتفع وباذن الله بينقز نقزه قويه مثل مانزل هالنزله القويه وبتذكرون كلامي ودام بومشعل يحكم هالبلد ماراح تشوف حد خسران باذن الله

الله يحفظ اميرنا من كل مكرووه ياارب فديت بومشعل والله

[المخلب]

تسلم يالطيب

والسوق اذا ماتشافى الاسبوع الجاي بالكثير !! فعرف انه موعدنا وياه بعد اكتتاب بنك الخليج

[الاتجاه المعاكس]

المخلب أنت رجل والرجال قليل.
تحيه عطره لك.

[السوق طالع]

السلام عليكم


والله الواحد مايكسر خاطره الا انه يقول شئ (( والله يامر بشئ ثاني )) ونعما بالله

ياجماعه انا اعتذر لكم الصراحه احس بحرقه بقلبي !

قلتلكم ان السوق بكره باذن الله اخضر بس شسوي والله ماابيدي شئ يخلي السوق يرتفع

قلت خلنا نرفع السوق شوي بحركه الطلب !!

طلبت اسهم بروه وللاسف الموظف خيب ضني لا شرى ولا شئ كله بحجه الشيك المصدق الي بط جبدي !! لين ماطلعت وجيت السوق صفر !! :(

ياجماعه مانقول الا الحمد لله على كل حال !

وياريت تقبلون اعتذاري : " اخوكم الحزين المخلب ..."

وعصبت علي لما رديت عليك امس ؟؟؟

الله يسامحك
والله مارديت عليك بطالريقة اللي شفتها امس علشان استظرف لا والله , بس لاني عارف هالسوق

ياخوي المخلب طول مان الشفافية مفقودة والاشاعات على ودنو ماراح يرتفع السوق
صدقني
لاتقول لي فايض الريان وادراج بروة والاسعار مغرية وهالخرابيط اللي نسمعها من شهور

لكن مسموح ياخوي لان الكل مقروص
عالاقل انت اعتذرت , لكن غيرك باذن الله ماراح يلحق يعتذر لانه بينطرد شر طردة من المنتدى

قولوا امين ياشباب

[M O 7 A M M E D]

شباب اعتقد والعلم عند الله ان السوق سوف يكون في نزول مستمر حتى وقت توزيع الارباح ...

اخوي المخلب رايك مجرد توقع يعني ما تحتاج انك تتأسف وكن متفائلا ...

مثل ما يقول اخوي المخلب ((وتستمر دوره الحياة))...

[altawash]

(( لو علمت الغيب لاستكثرت من الخير ))

عادي اخوي المخلب وما فيه داعي اصلا للاعتذار
السوق اكبر من الكل ،

[بـوصـالـح]

مسموح فديت خشمك

وكلنا والله توقعنا طلوع (( ولكن تأتي الرياح بما لا تشتهي السفن ))

وهذا ان دل انما يدل (( على ان في شي حاصل من خلف الكواليس )) بس حد يقدر يوصل لهم ؟؟

[ابو الاسهم]

مسموح فديت خشمك

وكلنا والله توقعنا طلوع (( ولكن تأتي الرياح بما لا تشتهي السفن ))

وهذا ان دل انما يدل (( على ان في شي حاصل من خلف الكواليس )) بس حد يقدر يوصل لهم ؟؟
هذا الكلام الصحيح والله المستعان

[المخلب]

شكرا لكم ... والله كبرتوا بعيني ... تحياتي لكم

[bojassim]

بسم الله الرحمن الرحيم
أخوي المخلب,أنت أخ عزيز علينا في هذا المنتدى.وانت ماتعرف الغيب.كل الي سويته انك توقعت أرتفاع السوق وتوقعك أعتمد على مجهودك والله يعطيك العافيه.بيني وبينك السوق الحين في حاله لا يرثى لها.تظل عزيز وغالي.

[المخلب]

تسلم بو جاسم والله كريم

تحياتي لك

[ROSE]

قليل من هم باخلاقك اخوي المخلب

اشكرك على هذه البادرة ولا داعي لها الكل يتوقع الارتفاع بعد هذه الانخفاضات

ولكن هيهات مع سوق الدوحة للاوراق المالية ان تصدق هذه التوقعات

[shared]

لا يا اخوي انته مقامك عندنا كبير و هذي السوق حبه فوق و حبه تحت و ان شاء الله بيرتد و دوام الحال من المحال .

[ساري اليل]

اخوي المخلب انت ماقصرت وعلى قولت القايل مره تصيب ومره تخيب .
وانا اقول بكره انشألله بترجع الابتسامة للجميع وتذكروني في لحظة الابتسامة ؟؟.

[azaz147]

فإذا ابتليت بمحنة فاصبر لها صـبر الكـريم فإن ذلـك أسـلم

وإذا ابتليت بكربة فالبس لها ثوب السـكوت فإن ذلك أسـلم

لا تشكونّ إلى العبـاد فإنما تشكو الرحيم إلى الذي لا يرحـم

[المخلب]

شكرا لكم اجمعين

والله يستر عليكم مااقصرتوا بردكم الطيب ذا