هل أنت مع أو ضد مشاركة الاجانب في احتفالاتنا..؟ [الأرشيف]

وطن

18-12-2009, 12:31 PM

هتـان قطر

18-12-2009, 12:34 PM

عاادي خل الناس تفرررح

يفرحون ما قلنا شي لكن اما من خلف الشاشات او يحددون لهم أماكن

من حقنا كقطريين نفرح اكثر منهم ونشوف عيالنا اللي مشاركين

في العرض العسكري..تخيل متنا من الوقفه والبعض من الاجانب

مستمتين في المنصة الرئيسية..!!!

هتـان قطر

18-12-2009, 12:34 PM

مع :)

من حقك تقول رايك :secret:

سداوي&مدريدي

18-12-2009, 12:36 PM

نعم انا مع مشاركة الأجانب في احتفالات اليوم الوطني

بشرط مايوفرون كل شي للأجانب وينسون المواطن

هتـان قطر

18-12-2009, 12:39 PM

مساكين مستانسين معانا ويشاركونا فرحتنا
خل يستانسون ويحتفلون ويانا
كثير منهم عندهم ولاء لقطر
سواء اجانب ولا اخوانا العرب

والزحمة مب منهم
امس بالغلط دخلت في الزحمة
واشوف شبابنا يوقفون سياييرهم وينزلون يترقصون في وسط الشارع
فوق ما هو زحمه يعطلون السير زياده
غير اللي طالعين من الفتحات ورقصاتهم الصراحة بدون تعليق

وحتى لو حد ماشي باحترامه ولا عليه منهم يتحرشون فيه ويرشونه !!!

الله يهديهم بس
شفت مناظر امس
الله يهديهم
مو بهالطريقه الاحتفال

وطن احنا ما قلنا امنعوهم من الفرحة والوناسة..لكن في هذا اليوم بالذات

يسمحون لنا نحتفل ونشارك عيالنا فرحتهم وهم يمرون قدامنا في العرض العسكري

كانت سلبيات كثيرة نتمنى تفاديها السنة الجاية...

المفروض يجهزون اماكن كثيرة للجلوس ومدرجات..ويخصصونها للقطريين فقط

لا تقولون عنصرية..هذا هو اللي المفروض يصير..شاركونا الاجانب في كل شي

ما بقى الا بيوتنا يشاركونا فيها :rolleyes2:

قناص الخليج

18-12-2009, 12:40 PM

هتـان قطر

18-12-2009, 12:41 PM

نعم انا مع مشاركة الأجانب في احتفالات اليوم الوطني

بشرط مايوفرون كل شي للأجانب وينسون المواطن

اللي حضر العرض هو اللي بيقرر.. مع او ضد

سداوي حضرت والا لا..؟:)

سداوي&مدريدي

18-12-2009, 12:45 PM

اللي حضر العرض هو اللي بيقرر.. مع او ضد

سداوي حضرت والا لا..؟:)

حضرت العرضات + درب الساعي مقابل نادي الريان

وشفت العروض العسكرية من التلفزيون " ماكانت عندي فرصه اروح "

واليوم السهره بتكون صباحي .. بحضر المسيره ان شاء الله :nice:

هتـان قطر

18-12-2009, 12:46 PM

ياربع ماتعودنا على الشيء احنا اهل قطر من عاداتنا اكرام الضيف والترحيب

ماوصلت انا نمنع الناس انهم يشاركونا فرحتنا اذا كنا نتحفظ على تصرفات وافعال البعض مب معنى هذا ننسى عاداتنا وتقاليدنا

يا اخوان لا تفهموني غلط..:secret:

هالشي ماله علاقة بالكرم والشهامة..لكن احنا كقطريين ليش ما يكون

لنا الحق في بلادنا ان احنا نطلع مستانسين ومبسوطين في هذا اليوم

وبدون تعب من الوقفة..

ترى الاغلبية يبون يحضرون لكن خايفين من التعب اللي بيجيهم من المشي

ومن الوقفة طول وقت العرض ..

حدثت مشادة وتحولت الى ضرب بين قطريات وباكستانية والسبب

انها تعدت على مكان جلوسهم وجات امامهم..ولما اطلبوا منها تروح

رفضت وتشاجروا..وصار اللي صار..الحين من اللي له الحق

يشاهد العرض ..القطرية صاحبة المكان والا الاجنبية اللي جاية متأخرة

هتـان قطر

18-12-2009, 12:47 PM

حضرت العرضات + درب الساعي مقابل نادي الريان

وشفت العروض العسكرية من التلفزيون " ماكانت عندي فرصه اروح "

واليوم السهره بتكون صباحي .. بحضر المسيره ان شاء الله :nice:

احساسي ما خاب..اللي حضر العرض هو اللي عانى من وجود الاجانب :(

سداوي&مدريدي

18-12-2009, 12:48 PM

اللي حضر العرض هو اللي بيقرر.. مع او ضد

سداوي حضرت والا لا..؟:)

عيل غيري صيغه السؤال :eek5:

العنوان واضح..هل أنت مع أو ضد مشاركة الاجانب لنا في العرض

اليوم الوطني..لاننا شفنا الويل منهم ومن زحمتهم :rolleyes2:

:secret:

PoBox

18-12-2009, 12:48 PM

*

*

مع مشاركة كل من هو على أرض قطر بما فيهم السياح اللي جايين يومين ورايحين

اللي يبغي مكان مناسب يروح مبكر :telephone:
او في قروبات من اهله يشكلون مجموعة وياخذون مكان
- حضرت -

شيط ويط

18-12-2009, 12:49 PM

من حقك تقول رايك :secret:

انتي ليش زعلانه :anger1:

لو متكلمه قبل كان دبرنا لكم مكان في المنصه :secret:

قناص الخليج

18-12-2009, 12:49 PM

هتان موضوعج عنصري نوعا ما ههههههههه

بومحمد المطاوعه

18-12-2009, 12:51 PM

الأغر

18-12-2009, 12:53 PM

الله يسامحك يا هتان حتى الفرحه معكم مستكثريتها علينا؟ مش مشكله رأيك وله احترام ، لكن من حق قطر علي اني افرح لفرحها والله لا يجيب عليها احزان ودام عزك يا قطر حكومة وشعب تحيه لهتان قطر !

هتـان قطر

18-12-2009, 12:53 PM

عيل غيري صيغه السؤال :eek5:

:secret:

عدلته :secret:

سداوي&مدريدي

18-12-2009, 12:53 PM

عدلته :secret:

:anger1:

أوكي انا الحين

مع

:tease:

ROSE

18-12-2009, 12:53 PM

يعني ماتبينا نشاركج افراح قطر ياهتان :( الله يسامحج

PoBox

18-12-2009, 12:53 PM

الصراحه انا اقول لو مايشاركونه احسن

لانه امس ف المسيره قومو المصخره الاجانب

من رقص ف الشارع من حركاتهم سلاسل ومادري شنو

وين قاعدين كرسمس ولا شسالفه

صج القطرين يرقصون بس مب نفس الاجانب

وفي شباب كانو يرزفون مالهم حل

ويعطيكم العافيه

:eek5:
انا كنت في المسيرة ايضا امس
والخبال موجود من كثير من الموجودين اجانب وقطريين

القطريين لهم حق لان هذي بلادهم
لكن الحق يكون بتوفير اماكن اكثر واسهل وارتب
مش بمنع مشاركة الغير !!

شموخ قطريه

18-12-2009, 12:54 PM

انا مع

عادي مثل ماللقطرين نصيب هم بعد للاجانب الكل سواسيه بنظري والله اني شفت موقف استانست منه قبل 3 ايام كنت مع اخوي عند شارع الزينه علشان تظبيط السياره المهم اشوف ذاك الهندي يبي يسوي الاحسن والافضل في سيارته علشان اليوم الوطني ماخل استيكر وحطه طبعا بالترتيب واعلام قطر كااان مستانس حده وابتسامته مثل مايقولون شاقه الحلج ... صراحه استغربت وفي نفس الوقت استانست .... خلهم يستانسون يفرحوت هذي قطر الخير قطر المحبه

وشكرا على الموضوع

هتـان قطر

18-12-2009, 12:55 PM

*

*

مع مشاركة كل من هو على أرض قطر بما فيهم السياح اللي جايين يومين ورايحين

اللي يبغي مكان مناسب يروح مبكر :telephone:
او في قروبات من اهله يشكلون مجموعة وياخذون مكان
- حضرت -

عودا حميدا بوبوكسنج..زين جابك المطر:)

رحنا مبكر وشفنا العرض ولكن تعبنا من الزحمة

والضرب بالكوع :(

الكولونيل

18-12-2009, 12:55 PM

مع مشاركتهم لكن التنظيم مطلوب والأولوية في كل شئ يجب أن يكون للقطريات حتى قبل القطريين لكن خلوا الناس يفرحون في حدود الأدب والأخلاق

شيط ويط

18-12-2009, 12:56 PM

هتان يمديج تطلبين من الادارة حذف الموضوع :eek2: . طلع عليج اغلى من بيع السوق :sneaky:

بومحمد المطاوعه

18-12-2009, 12:57 PM

:eek5:
انا كنت في المسيرة ايضا امس
والخبال موجود من كثير من الموجودين اجانب وقطريين
القطريين لهم حق لان هذي بلادهم
لكن الحق يكون بتوفير اماكن اكثر واسهل وارتب
مش بمنع مشاركة الغير !!

صح كلامك ياخوي

بس شفت الاجانب شيسوون

والله قهروني

اغاني انجليزيه وعلم قطر رابطينه على بطنهم

ليش محد يكلمهم ؟

حد يرضى يشوف علم بلاده في هالحاله

ابي واحد يقول عادي

وقاطين الاعلام ف الشارع يعني من بيسوي جي

هل القطري بيقط العلم على الارض؟

هتـان قطر

18-12-2009, 12:57 PM

انتي ليش زعلانه :anger1:

لو متكلمه قبل كان دبرنا لكم مكان في المنصه :secret:

المشكلة الاكبر..عندنا بطاقات vip ونصنا دشوا المنصة والباقي

ما لقينا مكان ..كان الحضور فل..:secret:

بومحمد المطاوعه

18-12-2009, 12:58 PM

:anger1::anger1::anger1::anger1:

هتـان قطر

18-12-2009, 12:58 PM

هتان يمديج تطلبين من الادارة حذف الموضوع :eek2: . طلع عليج اغلى من بيع السوق :sneaky:

أفا عليك..حنا لها

لي عودة للي فوق واللي تحت :nice:

هتـان قطر

18-12-2009, 12:59 PM

هتان موضوعج عنصري نوعا ما ههههههههه

اللي هو..كلمة تقرقع في قلبي وظهرتها..استحملوني :secret:

بومحمد المطاوعه

18-12-2009, 01:00 PM

المفروض يسوون منصه حق الاجانب

ومنصه خاصه حق القطريين

مب خلط

شيط ويط

18-12-2009, 01:00 PM

أفا عليك..حنا لها

لي عودة للي فوق واللي تحت :nice:

ياساتر منج :anger3:

الأغر

18-12-2009, 01:01 PM

صح كلامك ياخوي

بس شفت الاجانب شيسوون

والله قهروني

اغاني انجليزيه وعلم قطر رابطينه على بطنهم

ليش محد يكلمهم ؟

حد يرضى يشوف علم بلاده في هالحاله

ابي واحد يقول عادي

وقاطين الاعلام ف الشارع يعني من بيسوي جي

هل القطري بيقط العلم على الارض؟

اذا هالكلام انا معك بس ليش حضرتك ما كلمتهم يعني فئة معينه منهم فعلا استغربت انهم فاتحين انجليزي وعلى فكره امس صار هالشي بيني وبين واحد وانا بنفسي كلمته وقلت له يا اخي هو فرح قطري ولا امريكي طالعني وقال وانت ايش عليك قلت عيب عليك علم قطر وانجليزي وكل بالي انه مش قطري قالي انا قطري وكيفي قلت له عليك بالعافيه وما كثرت معاه يعني ما نظلم ونقول اجانب كونه مش لابس غتره وعقال يعني في وفي يالمطاوعه

هتـان قطر

18-12-2009, 01:01 PM

الصراحه انا اقول لو مايشاركونه احسن

لانه امس ف المسيره قومو المصخره الاجانب

من رقص ف الشارع من حركاتهم سلاسل ومادري شنو

وين قاعدين كرسمس ولا شسالفه

صج القطرين يرقصون بس مب نفس الاجانب

وفي شباب كانو يرزفون مالهم حل

ويعطيكم العافيه

الاعتراض اللي عندي فقط يوم العرض العسكري

انا اشوف لنا الحق اكثر منهم في هاللحظة بالذات

وباقي الفعاليات بكيفهم..:rolleyes2:

هتـان قطر

18-12-2009, 01:03 PM

:anger1:

أوكي انا الحين

مع

:tease:

سداوي شكلك تدور في حلقة مفرغة..:rolleyes2:

فرحة الكواري

18-12-2009, 01:04 PM

انا حضرت العرض لكن كنت بعيد عن الزحمه

لكن اخوي يقول الامور كانت تمام فرق عن العام وكل شي مرتب

عن رأيي الشخصي انا ضد

بومحمد المطاوعه

18-12-2009, 01:05 PM

اذا هالكلام انا معك بس ليش حضرتك ما كلمتهم يعني فئة معينه منهم فعلا استغربت انهم فاتحين انجليزي وعلى فكره امس صار هالشي بيني وبين واحد وانا بنفسي كلمته وقلت له يا اخي هو فرح قطري ولا امريكي طالعني وقال وانت ايش عليك قلت عيب عليك علم قطر وانجليزي وكل بالي انه مش قطري قالي انا قطري وكيفي قلت له عليك بالعافيه وما كثرت معاه يعني ما نظلم ونقول اجانب كونه مش لابس غتره وعقال يعني في وفي يالمطاوعه

اي صح كلامك ياخوي في قطريين ماقولك لا

بس الاجانب يبينون عليهم من كلامهم من سوالفهم

يعني انا تهاوشت ويا واحد قبل فتره

مابي اذكر جنسيته

مبطل شتري الموتر وعنده ماستنج

ومطول على اغنيه اجنبيه ف الكورنيش

وكان وقت اذان العشاء

كلمته قصر ع المسجل قال مب كيفك

وقفت جدامه ونزلت له وخليته يقصر على المسجل واتصلت حق الشرطه

يتفاهمون معاه

اما عن سالفه امس كلمت كم واحد بس اول ما اعدي من عندهم يطولون ع الاغاني

مادري شايفيني مطوع احترمو اللحيه الله يعلم :anger1:

هتـان قطر

18-12-2009, 01:06 PM

يعني ماتبينا نشاركج افراح قطر ياهتان :( الله يسامحج

حشا ياروز مهب هذا قصدي..:(

الفرحة ودي انها تعم الجميع..وانتي منا وفينا

ولكن وقت العرض العسكري

سندرونا الهنود والباكستانيين..

وما شالله عيالهم معاهم وحشرة

سداوي&مدريدي

18-12-2009, 01:06 PM

أختي هتان قطر

ليش مايكون في أقتراح عمل مكان مخصص لمثل هذه الاحتفالات

اتكون في ساحه أكبر وأوسع ومخصصه لمثل هذه العروض

مادري احس ان الكورنيش مب مناسب .. وكتمه :secret:

بومحمد المطاوعه

18-12-2009, 01:07 PM

الاعتراض اللي عندي فقط يوم العرض العسكري

انا اشوف لنا الحق اكثر منهم في هاللحظة بالذات

وباقي الفعاليات بكيفهم..:rolleyes2:

اي صح لنا الحق هاللحظه وكل لحظه فيها

شي عن قطر

احنا القطريين لنا الاولويه

مب يخلطونا ويخلونا حالتهم نفس حالتنا

وين الوطنيه

qatar.com

18-12-2009, 01:08 PM

ابوعلي

18-12-2009, 01:08 PM

العنوان واضح..هل أنت مع أو ضد مشاركة الاجانب لنا في احتفالات

اليوم الوطني والعرض العسكري..لاننا شفنا الويل منهم ومن زحمتهم :rolleyes2:

اختي هتان الاجانب لهم الحق في الاحتفالات بما إنهم على أرض قطر الخير ولكن اللوم على الجهات المنظمة إن تخصص اماكن أكثر

وملاحظ عليج اختي طرحتي وبعد نص ساعة عدلتي فيه وبنفس الوقت انتي كنت اطالبين بمنع الاجانب من احتفالات اليوم الوطني والعرض العسكري واشوف تراجعتي وقلتي بس منعهم من العرض العسكري

والحمدلله يتضح ان في تراجع في كلامج وان شاء الله تكونيين من المؤيدين لحضور الاحتفالات من قبل اخوانا الأجانب :nice:

وطن

18-12-2009, 01:09 PM

وطن احنا ما قلنا امنعوهم من الفرحة والوناسة..لكن في هذا اليوم بالذات

يسمحون لنا نحتفل ونشارك عيالنا فرحتهم وهم يمرون قدامنا في العرض العسكري

كانت سلبيات كثيرة نتمنى تفاديها السنة الجاية...

المفروض يجهزون اماكن كثيرة للجلوس ومدرجات..ويخصصونها للقطريين فقط

لا تقولون عنصرية..هذا هو اللي المفروض يصير..شاركونا الاجانب في كل شي

ما بقى الا بيوتنا يشاركونا فيها :rolleyes2:

ما نمنعهم من المشاركة
بس يتم تخصيص منصات أكثر
ويتم توزيع بطاقات على المشاركين في العروض عشان يدعون اهاليهم ولو بعدد محدود

لكن ما نمنعهم
وتصرف الباكستانيه فردي ما نقدر نعممه على كل اللي في بلادنا من مقيمين

المفروض يكون في تواجد من افراد الامن والتنظيم
عشان ينظمون عملية الجلوس واستخدام المدرجات

انتي ليش زعلانه :anger1:

لو متكلمه قبل كان دبرنا لكم مكان في المنصه :secret:

أنا ابي :(

ما رحت اليوم لان محد يبي يروح معاي
:weeping:

هتـان قطر

18-12-2009, 01:09 PM

:eek5:
انا كنت في المسيرة ايضا امس
والخبال موجود من كثير من الموجودين اجانب وقطريين

القطريين لهم حق لان هذي بلادهم
لكن الحق يكون بتوفير اماكن اكثر واسهل وارتب
مش بمنع مشاركة الغير !!

هذي زبدة الحديث..جزاك الله خير بو بوكسنج

لو مجهزين مدرجات ومخصصين اماكن القطريين بروحهم

والاجانب بروحهم كان بيكون التنظيم اجمل وارقى

هتـان قطر

18-12-2009, 01:13 PM

اختي هتان الاجانب لهم الحق في الاحتفالات بما إنهم على أرض قطر الخير ولكن اللوم على الجهات المنظمة إن تخصص اماكن أكثر

وملاحظ عليج اختي طرحتي وبعد نص ساعة عدلتي فيه وبنفس الوقت انتي كنت اطالبين بمنع الاجانب من احتفالات اليوم الوطني والعرض العسكري واشوف تراجعتي وقلتي بس منعهم من العرض العسكري

والحمدلله يتضح ان في تراجع في كلامج وان شاء الله تكونيين من المؤيدين لحضور الاحتفالات من قبل اخوانا الأجانب :nice:

ابوعلي..انا عدلت الموضوع لان اساسا هذا هو رايي بس خاني التعبير

انا ما طرحت الموضوع الا بعد عودتي من العرض العسكري

ومن التعب اللي تعرضنا له من الوقفة..انا ما منعت احد من الفرحة

ولا يحق لي امنعهم..وهناك الكثير من الفعاليات يقدرون يستمتعون فيها

ولكن يتركون لنا العرض العسكري الخاص بدولتنا وبشبابنا وعيالنا

هتـان قطر

18-12-2009, 01:17 PM

الله يسامحك يا هتان حتى الفرحه معكم مستكثريتها علينا؟ مش مشكله رأيك وله احترام ، لكن من حق قطر علي اني افرح لفرحها والله لا يجيب عليها احزان ودام عزك يا قطر حكومة وشعب تحيه لهتان قطر !

اخوي لا تفهموني غلط..واذا كنت مواليد الدوحة يختلف عن هندي او باكستاني

ما يعرف حتى كلمة عربية ويجون يدافرون القطريين وكأن لهم الحق واهل البلد لا ..

وانا كل اعتراضي والله شاهد علي..وقت العرض العسكري فقط..

ومن حق الجميع يفرح ويفخر انه على تراب قطر وياكل من خيرها ويتنفس هواها

وحياك الله في قطر..شوف توقيعي :)

بومحمد المطاوعه

18-12-2009, 01:18 PM

ولكن يتركون لنا العرض العسكري الخاص بدولتنا وبشبابنا وعيالنا

انا معااج في هالنقطه الصراحه

شلهم خص في العرض العكسري

هذا العرض خاص لدولتنا

احنا لنا الاولويه

مب هنود قاعدين ف المدرجات واحنا يالقطريين ع الارض قاعدين

الأغر

18-12-2009, 01:21 PM

اخوي لا تفهموني غلط..واذا كنت مواليد الدوحة يختلف عن هندي او باكستاني

ما يعرف حتى كلمة عربية ويجون يدافرون القطريين وكأن لهم الحق واهل البلد لا ..

وانا كل اعتراضي والله شاهد علي..وقت العرض العسكري فقط..

ومن حق الجميع يفرح ويفخر انه على تراب قطر وياكل من خيرها ويتنفس هواها

وحياك الله في قطر..شوف توقيعي :)

بيض الله وجهك يوم تبيض وجوه وتسود وجوه بارك الله فيكي اختي الفاضله والله يجبر بخاطرك مثل ما جبرتي بخاطري :)

ابوعلي

18-12-2009, 01:22 PM

انا معااج في هالنقطه الصراحه

شلهم خص في العرض العكسري

هذا العرض خاص لدولتنا

احنا لنا الاولويه

مب هنود قاعدين ف المدرجات واحنا يالقطريين ع الارض قاعدين

أخوي استغرب من ردك

شلون ما لهم خص ونسبة كبيرة من الاجانب في الجيش والشرطة

ومسئلة المدرجات اللي يحضر قبل له الاولوية في الجلوس وبدون تفرقه

هتـان قطر

18-12-2009, 01:24 PM

انا معااج في هالنقطه الصراحه

شلهم خص في العرض العكسري

هذا العرض خاص لدولتنا

احنا لنا الاولويه

مب هنود قاعدين ف المدرجات واحنا يالقطريين ع الارض قاعدين

ما قصرت يا ولد المطاوعة..اكيد البعض بيشوفنا عنصريين ولكن انا اشوف غير ذلك

تخيل انت قاعد في الهند في يومهم الوطني وقاعد اتدافرهم وتجي قدامهم

وش بيكون موقفهم منك..؟؟ اكيد بيستغربون جيتك وجرأتك في الوقوف امامهم

لانهم بيكونون هم اصحاب الحق واصحاب الارض

لكن احنا بطيبتنا اصبح استغلالهم لنا بشكل كبير واصبحوا يشاركونا في كل شي

كفاية مستشفى حمد اللي طفشونا منه واتجهنا للمستشفيات الخاصة

نتعالج بفلوس ودولتنا موفره كل شي لنا بالمجان..لكن الشكوى لله

شاهيناز

18-12-2009, 01:25 PM

هتـان قطر

18-12-2009, 01:25 PM

أخوي استغرب من ردك

شلون ما لهم خص ونسبة كبيرة من الاجانب في الجيش والشرطة

ومسئلة المدرجات اللي يحضر قبل له الاولوية في الجلوس وبدون تفرقه

اخوي بوعلي..للامانة انت حضرت العرض والا لا..؟

بومحمد المطاوعه

18-12-2009, 01:25 PM

والله انا اشوف ان بعض الاجانب عندهم ولاء للدوحة كثر منا شبابنا غيب وتسيب من وضائفهم وكل اسبوع بحرين حتى بالعيد الوطني مسافرين اما الاجانب والله عنده ذمة وضمير

ومثل ماقالت احتي الي مسوين الزحمة الخمة هذولا الي يرقص بالشارع والله لاهي رجولة ولا قطر استقلت كذا

اخوي شفت المهزله امس

انا موجود لين الساعه 1 ونص فليل

الصراحه الباكستانيين

نازلين الشارع ويرقصون مالهم مادري شنو

وين الحين هذا عيد الوطني

ليش قبل فيه رقص بتان

وفي شباب قطرين وياهم متلثمين ورقص

انزين ليش تعطيهم مجال يرقصون

او تمنعهم من هالشي

وفي جنسيات اخرى مابي اذكر

علشان مايصيحون الاعضاء الي معانه ف المنتدى

خلها مستوره

يقعدون يترقصون وحركات الهبيز مالت الامريكان وخرابيط وسلاسل

وين قاعدين احنا الله يعين اليوم

اخس واخس

المخباط

18-12-2009, 01:26 PM

هتان انا حضرت انا وخواتي وعيالنا من غبشه بس كنا مطوقين من كل جانب بمختلف الجنسيات والاعراق لحد كذا معليه خلهم يستانسون
معانا
كانوا عيالنا قدامنا وقاعدين على الرصيف وبعد متراصين
حتى استاذنت من هندي قاعد جنبي اذا يسمح يبدل مكانه مع زوجته لانه بصراحه كان المكان مزحوم (كتف بكتف )وشكرته يوم وافق

المهم اول ما بدا الحفل اللي ورانا تقدموا علينا وتموا يدزونا يابلفيت ان فيه احد يدزهم من وراهم بغت اختي تطيح (والله ذكروني بالحج) وياليت يفهمون كلمه لو سمحتوا ما يسير كذا
ولا معبرينا
تخيلي مع المداعس ماشفنا الا ذاك الرجال وغترته الحمراء ولحيته البرتقاليه ساحب وراة نسوان غصب يجي قدامنا المهم قعد وتم ينادي الحريم اللي معاه عشان يقعدون
غير مبال بعبارات الاستهجان ويقول مكان عوائل انا مثلكم عائله
في ذمتكم قد سواها قطري:eek5:
اختي كانت معصبه حدها وانا اهدي فيها بس بعد الاقتحام المفاجىء قررنا الانسحاب للخطوط الخلفيه والاكتفاء بالمشاهده عن بعد
وياهتان خليها على الله لو يحددون اماكن للعائلات القطريه ابرك يريحونا ويريحونهم

مبروك عليكم الحيا في يومننا الوطني:)
اهم شىء استانسوا عيالنا :nice:

بومحمد المطاوعه

18-12-2009, 01:27 PM

أخوي استغرب من ردك

شلون ما لهم خص ونسبة كبيرة من الاجانب في الجيش والشرطة

ومسئلة المدرجات اللي يحضر قبل له الاولوية في الجلوس وبدون تفرقه

اخوي ماقلنا شي

مب مشكله بس يخصصون اماكن حق القطريين خاصه

اما اذا سالفه الي يحضر قبل

اكيد الاجانب بيحضرون قبل

من الفجر قاعدين

احنا يالقطريين ولا عمرنا رحنا مكان بدري

لازم نتأخر

اللوم على المدرجات والتنظيم

هتـان قطر

18-12-2009, 01:29 PM

اختي هتان انا فاهمه القصد من السؤال
اقولك ضد مع اني ماحضرت العرض العسكري لان الاجانب للاسف جبرو الكثير من القطريين من الخوف من الذهاب للعرض العسكري حتى الكورنيش ماراحو يشوفون الزينه من الزحمه ماخذين حق القطري في كل شي في رزقه في علاجه في تعليم ابنائه حتى في الترفيه مشاركيينه فيه وماخذين مكانه
ياخوفي بكره البر الي تم لنا ياخذونه منا

الله ينور عليتس يا شاهيناز..هذا هو قصدي تماما

والله اني اعرف عوايل من خوفهم من الزحمة ما احضروا

احنا ما نقول احبسوهم في بيوتهم..لكن خصصوا لنا كقطريين

اماكن محترمة تليق بنا ومن حقنا نحفظ كرامتنا في بلادنا

اما يتسمتون الاجانب في المنصة..والقطريين يتدافرون مع الهنود

اقول هزلت..والله لا يحاسبني على هالكلمة

المهاجر

18-12-2009, 01:29 PM

اختي هتان كلنا نحب التنظيم وكلنا ودنا نحضر العرض ونقعد في امكان نكون فيها مرتاحين

لكن تعتقدين اختي لو هالشي صار ممكن حد يشوف العرض؟

يعني كم يبيلهم من الوقت علشان يفرزون الاجنبي من القطري؟

ولو سووا هالشي صدقيني بتعترضين بعد وبتقولين ما في تنظيم مخليينا واقفين طابون ويطلبون البطاقات الشخصيه وليش وليش....

اعتقد ان الاحتفال حلاته بحضور الكل فيه

كل من بقيم على ارض قطر

ولما نشوف الكل يشارك الفرحه بتكون فرحتنا اكبر

صحيح هناك بعض التجاوزات من الاجانب وايضا تقابلها تجاوزات من القطرين

واحب اذكرج بالباكستاني اللي ضحى بنفسه لانقاذ الارواح في سيول جده

يعني هو صح اجنبي ولكن كان عنده من التضحيه لاهل البلد اكثر من غيره

ما نبي نقول قطري واجنبي نبي نقول الكل فرحان بالعيد الوطني ومن حق الكل يشارك ويفرح

بومحمد المطاوعه

18-12-2009, 01:30 PM

ما قصرت يا ولد المطاوعة..اكيد البعض بيشوفنا عنصريين ولكن انا اشوف غير ذلك

تخيل انت قاعد في الهند في يومهم الوطني وقاعد اتدافرهم وتجي قدامهم

وش بيكون موقفهم منك..؟؟ اكيد بيستغربون جيتك وجرأتك في الوقوف امامهم

لانهم بيكونون هم اصحاب الحق واصحاب الارض

لكن احنا بطيبتنا اصبح استغلالهم لنا بشكل كبير واصبحوا يشاركونا في كل شي

كفاية مستشفى حمد اللي طفشونا منه واتجهنا للمستشفيات الخاصة

نتعالج بفلوس ودولتنا موفره كل شي لنا بالمجان..لكن الشكوى لله

لو ف الهند

عادي شكوو فينا وخذونا على جنب

عبالهم بنسوي شي ولا شي

ولا شكر اختي

بس هذا قطر

الاجانب مستانسين واحنا مكبوسين على روسنا

شوفي معاش الاجنبي في بعض الاماكن

الي اهي قناه الجزيره

وشوفي معاش القطري يحليله

مسكين يادوووبه يوصل لين اخر الشر

ومن تاريخ 28 صافين صف على البنوك ومكاين الصراف الالي

ابوعلي

18-12-2009, 01:30 PM

اخوي بوعلي..للامانة انت حضرت العرض والا لا..؟

انا ما حضرت ولكن اعيالي احضروا وشفت ولدي في التلفزيون:victory:

اختي هتان المقصد ان المفترض من الجهات المنظمة تكثر من المدرجات

والأمر الثاني وللأسف إحنا ما نبجر في الحضور عكس الاجانب نحصلهم اول الناس في الحضور

المالكي

18-12-2009, 01:31 PM

كل عام وقطر بالف خير

انا معاج اختي هتان قطر بصراحه ماقدرنا نشوف عدل اليوم والسبه هالهنود

ذبحونا وهم اللي يدامنا وحنا اللي ورائهم

شنسوي ومانقدر نمعنعهم

فتى الجود

18-12-2009, 01:31 PM

مع

100%

هتـان قطر

18-12-2009, 01:32 PM

بومحمد المطاوعه

18-12-2009, 01:34 PM

والله انا عن نفسي لارحت ولاشي

لاني ادري

اني بنقهر

بشوف القطريين والاهالي والامهات القطريات

طايحين ورى كلش

والاجانب جدام

ولا بعد يدزون الواحد

ليش اجيب المشاكل حق نفسي واتهاوش مع الي يسوى والي مايسوى

The MooN

18-12-2009, 01:34 PM

مبروك عليكم اليوم الوطني وابشرو (كل واحد ووحدة من غير القطريين قرأو موضوعك اختي اكيد ما رح يشاركو بشي)

حلو نعرف ارائكم

هتـان قطر

18-12-2009, 01:34 PM

لي عودة ان شالله للرد على كل من شارك

تحياتي لكم

برزان1

18-12-2009, 01:35 PM

حتى ملاعب كرة القدم المفروض يخصصون مدرجات حق المواطنين وإذا كان فيه فايض في أماكن الجلوس ساعتها يسمحوا حق الأجانب بالدخول :secret:

أقووووووووووول اللي يقول النازيين الجدد في ألمانيا عنصريين تراه غلطان :secret:

البعض يسيئ إلى أبناء قطر بهذه المواضيع العنصرية وأنا أشك أن من يكتب مثل هذه المواضيع هو دخيل على شعب قطر العربي المسلم الأصيل

فتوون

18-12-2009, 01:37 PM

اشفيها اذا احتفلو مساكين يوم اجازه خل يستانسوون

بوطويشم

18-12-2009, 01:39 PM

السلام عليكم

هم الأغلبيه في كل مكان موجودين ما يخلصون

واذا على العرض العسكري صارت زحمة عيل المسيره اشلون بتكون؟؟؟

بوذياب

18-12-2009, 01:41 PM

مع في مشاركتهم بالدخول والتصوير .........

اما ان تكون لهم عروض او شيء اخر ((( ضد وبقــــــــــــوة ))))

ابو ريم

18-12-2009, 01:43 PM

نعم
وهذا دليل لحبهم لقطر ولا ماطلع من بيته بعد صلاه الفجر وهو اجازه يزاحم العالم
بس الموضوع يمكن يحتاج الى تنظيم أكثر

الفرحه للجميع

BURBERRY

18-12-2009, 01:50 PM

ان مع مشاركة الاجانب بس بشرط ان يتم تخصيص مكان منفصل منفصل منفصل للقطرين و الاجانب .. و هذا من حق المواطن ان يكون له مكان خاص له و لعائلته ..

انا حضرت العرض العسكري .. للاسف مافيه تنظيم عدل .. شنو بيخسرون لو حطو مدرجات و كراسي كثيره للقطرين و مدرجات للمقيمين ..

احنا اليوم تمينا واقفين من 7 ونص لين 9 ونص .. كنت واقف جدام اصور و احذاي مجموعه شباب و بنات من هواة التصوير .. بعد ما بدى العرض .. جاو الاسيوبين و راعصونا و دزونا .. لدرجه انا واحد هندي وصل جدام يبي ياخذ مكاني و خرب علي التصوير .. و عقب قلت له لو سمحت قوم .. سوى نفسى مايفهم .. و اسحبه و ارجعه ورى

ماخذين حق القطري في كل شي في رزقه في علاجه في تعليم ابنائه حتى في الترفيه مشاركيينه فيه وماخذين مكانه
ياخوفي بكره البر الي تم لنا ياخذونه منا

صدقتي اختي شاهيناز

Q6R_MAHA

18-12-2009, 01:51 PM

أقووووووووووول اللي يقول النازيين الجدد في ألمانيا عنصريين تراه غلطان :secret:

اهل قطر مكرمين عن هالتشبيه

مقيم

18-12-2009, 02:01 PM

موضوع غير مناسب في هذا اليوم السعيد
وتفكير ينم عن نظرة ضيقة

شويهينــه

18-12-2009, 02:03 PM

ليش مايسوون العرض في استاد خليفه ويكون الدخول بفلوس جذي بيحدون من العدد ومن الزحمه

لكن ان احنا نمنعهم يفرحون معانا انا ضد هالفكره

bshayer

18-12-2009, 02:04 PM

بس على الاقل خلو الحريم بجهه والرجال بجهه مع انه اتوقع من المستحيل..وكان زادوا من الشاشات الكبيره ...!!
والاهم مبرووك عليكم الحيا ..ويارب تزيده وترجم عبيده ...

ذيبة الريان

18-12-2009, 02:13 PM

ضددددددددددد وبقوووه !!

زحموآ علينا اليوم , احنا نصور وهم لاصقين ورانااا مايستحون ..
شبابنا الله يحفظهم هزأوهم وخلوهم يوخرون ..

مو من حبهم للوطن ولا اهتمامهم له !
زحمه على الفاضي ..

Charisma

18-12-2009, 02:48 PM

الموضوع مال امه داعي

ليش مايشاركون؟ ترى انا احس ان البعض صاده انفلونزا التعصب والعنصريه

ياخي روق بالك انا مع مشاركتهم وايدهم وادعم مشاركتهم

لك ضد ان نشوف بعض الاجانب في المسيره وخصوصا البنات منهم بحركاتهم اللي مالها داعي وللعلم هالكلام مب محصور على الاجنبيات اللي يترقصون بالمسيره وبس في قله من القطريات بعد شوف عيني تمصخر بس الوقع اشد على الاجنبيات

بنت العلي

18-12-2009, 03:01 PM

يفرحون ما قلنا شي لكن اما من خلف الشاشات او يحددون لهم أماكن

من حقنا كقطريين نفرح اكثر منهم ونشوف عيالنا اللي مشاركين

في العرض العسكري..تخيل متنا من الوقفه والبعض من الاجانب

مستمتين في المنصة الرئيسية..!!!

صح انا معاج لاني اليوم انا ما شفت شي سبتهم ...وهم اللي مرتزيين قبلنا ....

no0no087

18-12-2009, 03:14 PM

يعني زبدة الموضوع كنتي طالبتي لجنة التنظيم بتخصيص اماكن للجلووووس ع كامل الكورنيش من نقطة بداية العرض لنهايته ....

وبعدين هو هذا نظامهم ... العالم توقف ع طرفي الشارع مب تقعد ... والكراسي من سبق لبق .. لاتقولين بطاقات ولا تقولين vip

ف هاليوم الكل سواسيه ... والله يجعل هالدار دوم عامره بالخير

waledrehan

18-12-2009, 03:17 PM

ياخي كلنا عرب انا اشتريت سياره وعدلت عليها مخصوص لليوم الوطني
وانا مصري مش قطري بس انا عايش بقطر وربنا بيرزقني من قطر يبقي لازم افرح لفرحهم وازعل لزعلهم
واهل قطر شعب كريم ويفرح لكل الناس انت عايز ليه الناس متفرحش ليهم
والله المسيره والعرض كانو في منتها الروعه وكل الناس اهل قطر واجانب وعرب كلنا مستانسين
اه طبعا من حق القطرين يفرحو اكتر لكن مش من حق حد انو يمنع حد انو يفرح عشان هو مش من اهل البلد
وبعدين يا اخي لولاا الاجانب صدقني مش هتحس بالفرحة عارف ليه
عشان الاجانب هما الي بيعرفو تاريخكم وبالعروض الجميله دي والمسيرات دي بتشوف الناس بتتعرف علي اهل وشعب قطر اكتر
امس في المسيره ع الكورنيش شوفت ناس من مصر ومن الهند ومن برطنيا ومن ومن ومن
فرحنين ومركبين الاعلام كانها بلدهم
وليه كانها هعي فعلا بلدهم البلد اللي ياكل منها ويشرب منها تبقي بلدو
وكل الناس بصراحة كانت فراحنة
وكل عام وانتم بخير ويديم علي قطر الافراح حكومة وشعب

دلوليانوز

18-12-2009, 03:28 PM

هتان..انا معاك 1000%

يفترض بالحفل..يكون اماكن خاصه للقطريين
بالنهايه الارض...ل قطر...والباقي ضيوف

انا بتضايق لو صار الموقف اللي معاج...وصراحه رزاله..منها هالباكستانيين..يعني يوم كله فرح في فرح..وكذا رد الفعل..غريبه

وبعدين..موضوع الاغاني...بالنهايه اذا الشخص مسوي شي غلط...سواء كان قطري..ام لا..لازم يتبهدل..
وانا اقرى الموضوع..شايف سلاسل...وخرابيط...من هالكائن اللي دون البشريه..ورابط نفسه بهالسلاسل..
المفروض..المسيره ما يدشها الا قطري + مواليد قطر+ او ع الاقل لابس الزي القطري..لانها مسيره وطنيه

محد يصيح يقول عنصريه...انا مواليد قطر ..مب قطري..ولكن لو كنت في نفس المكان وعلى ارضي..واشوف هالمسخره...ما راح يعجبني..ابدا..وعادي اتصير مشادات ..في يوم يفترض الجميع فيه فرحاان

وموضوع الرقص....مش مفهوم...احنا في مسرة يوم وطني..ممكن يرزف..بس رقص...هاي قلة حيا سواء قطري و غيره

صبركم الله على هالايام...واتمنى كلها فرح وسعد...

وبالمبارك اليوم الوطني...لكل من يعيش على ارض قطر..وحاكمها الامير القائد حمد بن خليفه ال ثاني

تحياتي

lobna123

18-12-2009, 03:40 PM

والله شي يضحك !!!
اذا شاركوكم بتطلعو تقولو لا لمشاركتهم وان لم يشاركو بتقولو ما عندهم ولاء للبلد وحرام يكونون فيها !!!
يا اختي احمدي ربك انهم يحبون البلد ويفدونها بارواحهم !!
انا اليوم كنت افكر اودي رفيجتي اجنبية تشوف العروض ومن بعد موضوعك هونت !!
اهم شي ما تكوني زعلانة !

ضوى

18-12-2009, 03:46 PM

ضيقتي واسعا ياهتان :)

اليوم الوطني للجميع والفرحة للجميع ، ولكني اتفق معك في انه يتم تخصيص اماكن اكثر للقطريين ، اي المطلوب زيادة التنظيم والتعب فيه قليلا فقط لاغير

Ghost

18-12-2009, 03:52 PM

هتان موضوعك ان دل على شيء فإنما يدل على خلل في التفكير ونقص ,,,,,,,
ودائما يكون للشخص مكانةعالية زائفة سرعان ما يسقط القناع عنها فتنكشف حقيقتها

yousef545

18-12-2009, 04:26 PM

موضوع عنصري بحت

مساكين يمكن وايد منكم شفتوهم في محلات الزينه ماخلو شي ماركبوه على مواترهم

و احنا مواتر استاندر ماعليها شي

و صارلي اسبوعين اشوفهم من سيارات اصغيره من جديده من قديمه من بياكم من شاحنات

الكل حاط علم قطر و متجهزين حق هاليوم ماقول الا الله ايوفق كل انسان ايحب قطر في هاليوم

سوائا قطري ولا عربي ولا مسلم ولا اجنبي

الخنجر

18-12-2009, 04:28 PM

اناا اقول انتم كله سب في الأجانب ..

وش رايكم نفتح قسم حق السب والمدير العام هاتان ...

علشن ما نجرح اخوانا العرب ..

وممنوع حد يدش هالقسم الا القطرين...

واذا اجنبي دش بينسب على طول...

هاتان ترى ما عندك سالفة...

دلة الرسلان

18-12-2009, 04:29 PM

مبروك عليكم اليوم الوطني والحيا جميعا قطريين وغير قطريين :nice:

انطلقنا اليوم من البيت في السادسة والربع ومشينا طعشات الكيلومترات لحد ما حصلنا مكان

ما بينا وبين الرصيف حد والمكان شزينه والوضع هادي عن يمينا عائلة قطرية قمة الذرابة

ويسارنا عائلة اسيوية بعد في حالهم والجميع ينتظر ساعة الصفر .

اللي حصل احنا اللي جايين قبل ومرتبين نفسنا لا نضايق احد ولكن في نفس الوقت ما نبغي

حد يتعدى علينا تخيلوا القطريين اللي احذانا هم اصلا جايين قبلنا تداحنهم باكستانية ويا

عيالها لحد ما دزت ولدهم ورا بس فزعنا له ورديناه .

تشوف الغز على اصوله من من يسىء الى الزي القطري ويندعس بين العوائل .

لا تقولون القطريين يجون متأخرين ومن سبق لبق والله ثم والله أن احنا نجي قبلهم ولكن

بعضهم وجهه مغسول بمرق ما فيه حيا ابد يتبع سياسة الخطوة خطوة شوي الا انت محذوف

وهو راعي المكان .

انا ما اقول لايحضرون الاجانب في يومنا الوطني يحضرون ويستانسون ولكن الله الله في

الذرابه يعني المزاحم والمدازز ماله داعي ابدا ، يعني لاتجي متأخر وتحاول تاخذ مكان

غيرك سواء كان قطري او غير قطري .

Parfait

18-12-2009, 04:39 PM

*

*

مع مشاركة كل من هو على أرض قطر بما فيهم السياح اللي جايين يومين ورايحين

اللي يبغي مكان مناسب يروح مبكر :telephone:
او في قروبات من اهله يشكلون مجموعة وياخذون مكان
- حضرت -

يا الغالي امس انا مارقدت ورحت مواصل عشان اصيد مكان
والحمدلله وصلت قبل الزحمه , وصدت لي مكان زين ,, شالي صار ؟
تمووو الاجانب ( العماله الوافده ) مع انه مانعيهم يدخلون ..
يضكون على العالم يبون يقربوووون .. الين ما صكوو علينا صح ولا نقدر
نتنفس بسبتهم .. + با كستاني مع عائلته قاعد الاخ .. شوي وبدون حشيمه
تشـوفه الاخ ( يلخم ) وانتو بكرامه وماعمل حساب اي احد من المتواجدين ..
بالاضافه الى معظم الشرطه المتواجدين من ( البلوش ) و ( الهنود ) وكل واحد جالس
يدخل لي ربعه .. يعني اكلمه يقولي ( انا جاني أمر . لازم اسوي أمر ) < عاشت اللغه العربيه!

والله انه صكت فيني الدنيا ورجعت البيت اتابع من التلفزيون , غير الي رجعو بعد ..

بصراحه بمثل هذي المناسبات والله انا اايد مكان كبير ومريح خاص فينا احنا ( القطرريين )
لاتقولون لي ليش التمييز .. الكورنيش شطووووله خلو الجهه الي مجهزينها كلها للقطرين
هذي المنطقه قريبه من الامير , وكلنا نبي نكون قراب من الامير .. خلو الاجانب يستانسون
ويشاركونا اي نعم .. بس مو على حساب انه يخربون فرحتنا احنا !!! ياما في شياب وعجايز
تمووو قاعدين ع الارض ,, ومنصه الجمهور مزدحمه بالاجانب .. !!

والله حرام عليهم حراااام !

Amigo

18-12-2009, 04:41 PM

سؤال يسدح نفسه
امس انا كنت في المسيره
وللأسف شفت 2 من الاجانب وفي موترين مختلفين
مشغلين ام علايه .. عسى ماشر ؟؟؟؟؟؟؟؟؟؟
وشدخل قطر في الام علايه
وغير جي البعض مسوي زحمه على الفاضي
ركزوا انا قلت البعض مب الكل
وانا مب ضد انا مع الكل بشرط يعرفون ويفهمون هاليوم شيعني لنا
مو بس مع الخيل ياشقرا

Ghost

18-12-2009, 04:45 PM

@north_star@

18-12-2009, 05:12 PM

بصراحة موضوع بقمة العنصرية

حدالكلمه

18-12-2009, 05:26 PM

بالعكس انا مع حضورهم علشان يزيد ولائهم لقطر

برزان1

18-12-2009, 05:26 PM

اهل قطر مكرمين عن هالتشبيه

طبعاً هل قطر مكرمين عن هالتشبيه لكنك بترت الرد ولم تقتبسه بالكامل

البعض يسيئ إلى أبناء قطر بهذه المواضيع العنصرية وأنا أشك أن من يكتب مثل هذه المواضيع هو دخيل على شعب قطر العربي المسلم الأصيل

^^^EAGLE^^^

18-12-2009, 06:24 PM

ANONYMOUS

18-12-2009, 06:44 PM

انا متأكد ان اللي كتب الموضوع مش هتان قطر .. يمكن القرين :p

امسحوا الموضوع كامل وحطو السوال كما يلي:

هل انت مع زيادة التنظيم في اقامة الاحتفالات في اليوم الوطني ؟

وداخل الموضوع .. حطوا اقتراحاتكم لتجنب التجاوزات اللي حصلت .. بتخصيص اماكن للنساء وخلافه

اما الكلام في الماضي فهو نقصان في العقل

بويوسف

18-12-2009, 06:45 PM

دام هم في ديرتنا لهم حق يشاركوننا ويزاحمونا .. هتان اذا متضايقة من وجود الاجانب بهالكثرة لايكون اعتراضج عليهم تراهم مالهم ذنب ..

برزان1

18-12-2009, 06:58 PM

http://i741.photobucket.com/albums/xx57/lliill_photo/01-2.jpg

http://i741.photobucket.com/albums/xx57/lliill_photo/02-2.jpg

دام أنهم عايشين في ديرة بو مشعل من حقهم مشاركة شعب قطر فرحته باليوم الوطني

swedan_qatar

18-12-2009, 07:04 PM

من حق الجميع مرحبا بالجميع بقطر الخير ودوحة الجميع موضوع ماله داعي

هتـان قطر

18-12-2009, 07:13 PM

يا اخواني ..يا جماعة الخير انا كذا مرة وضحت من خلال الردود انا لست ضد فرحة الاجانب

ولكن فقط يعطونا مجال في وقت العرض العسكري..شاللي حصل..؟

اللي يشكك في وطنيتي واللي يتهمني بالعنصرية واللي يقول ديكتاتورية ..!!!

واللي يقول سقط القناع..!!! كنت ومازلت عكس كل هالاتهامات

واكرر..اللي حضر العرض ورد في الموضوع كلهم او اغلبهم " ضد" مضايقة الاجانب لنا

خصوصا الاسيويين..واتمنى من كل اللي قالوا "مع " ان الله اعطانا واعطاهم عمر

يحضرون العرض ويشوفون بعيونهم شاللي يصير..

اضافة لذلك التنظيم له دور سلبي في اللي يحصل من مضايقات

الكورنيش مهب من صغرة يقدرون يوفرون اماكن للكل وخصوصية اكبر للقطريين

وهذا كل مطلبنا..

اسفه اذا تسببت باحراج لاي شخص او حتى فهموني غلط..

وكل عام وقطر واهل قطر والمقيمين على ارض قطر بالف خير

هتـان قطر

18-12-2009, 07:15 PM

الموضوع حلو لكن صياغته تختلف وانا اتوقع انه رأي اختنا هو

إن كانوا الحاضرين للاحتقال من الإجانب من يلي يحبون قطر ويفرحون لفرحها فحياه الله

ويلي حاضر الاحتفال فقط ليشوف عرض عسكري ، فإبن قطر احق منه

لان هي فرحة وطنية ومو بإستعراض عسكري او معرض لاستعراضات عسكرية

في عنده بالبيت تلفزيون يقعد ويطالع الصور افضل من وجوده بين الحاضرين

eagle عليك نور..يمكن خاني التعبير لاني كنت للتو رادة من العرض العسكري

ومتضايقة من اللي صار..فالسموحة

متفاءل

18-12-2009, 07:18 PM

ضد
ضد
ضد

سيف قطر

18-12-2009, 08:34 PM

مع :nice:

لا توجد اسباب مقنعة للمنع .:victory:

nouar

18-12-2009, 08:37 PM

أكيد مــع

قطــــــــــلــر للجميع للمواطنين والمقيمين....

مرتبش

18-12-2009, 08:47 PM

مع
وخل كل من يحب قطر يشارك ويستانس
والزحمة في العرض لابد منها

ريماس الغلا

18-12-2009, 08:56 PM

عسى ما شر !!!!!

ويش رايج تطالبين وزارة الاوقاف يخلون مكان للمصلين القطريين

والمصليين الاجانب ؟؟

الله المستعان يا قطـــــــر

اخوكــــــــــــــــم

روح-قطر

18-12-2009, 09:00 PM

والله انا ضد وبلا مثاليه زايده خلهم يفرحون ومادري شنو ليش يبه واحنا مالنا رب نستانس بشي مافي شي خاص لنا كفايه زحمتهم ليل ونهار وبداعي وبدون داعي بعد بعيدنا بعيد بلادنا مناشبينا يقهرون وياريت يجون ويقعدون حالهم حال الناس الا يدزون الا يخزون الا عيالهم يطحنون ويراكضون يعني وضع اوفر بصراحه شي لا يطاق..

اكتتاب خاص

18-12-2009, 09:06 PM

انا بصراحه ضد الموضوع نفسه

المفروض من الاداره تشيله ، لان النقاش فيه عقيم ومحسوم مع احترامي للاخت هتان صاحبه الموضوع

النتيجه معروفه ومحسومه ، مستحيل يصير هالشي في اي مكان في العالم مب عندنا بس

انهم يقولون ، والله الاحتفال لاهل البلد او الاجانب يحتفلون في المكان الفلاني واهل البلد في المكان الفلاني

بكل تأكيد يعتبر هالشي نوع من العنصريه والتمييز ( في التصنيف حسب القوانين الدوليه ) لانه الجنس البشري يعامل بشكل واحد

وبعدين اختي هتان الزحمه في كل الاحتفالات في العالم ، محد يقدر يتفادها مهما سوى ،
زين لو البلاد عدد سكانها وايد كم مليون

شبنقول ،

على فكره

انا احتفلت مع الاجانب في اكثر من مناسبه من مناسباتهم ايام الدراسه

الغريب انهم يستانسون انه احنا نشاركهم فرحتهم وتشوفهم حدهم مستانسين ويشكرونك ، مب يقولون لنا انتوا ليش جايين وشلكم بهالاحتفال ، هاي لنا احنا

بصراحه حتى ا لمواضيع اللي تطرح للنقاش لازم يكون لها هدف ادنى واذا ماتوفر مالها داعي

والله عيب علينا قدام الغير ، شبيقولون عنا

اختي هتان اسمحيلي يوم تقولين انا مب عنصريه والسالفه مب عنصريه ولا تمييز ، ادري انه انتي مب قصدج العنصريه ، بس السالفه كلها في النهايه تبين عنصريه ، ارجو انه فهمتي ، قصدي ( مب اتهام لج ولا انتي جذي ، بس للاسف بالاخير الموضوع عنصري )،

بالنسبه لي انا اقترح انه يكون مكان خاص للاحتفالات والمناسبات (ساحه خاصه مفتوحه وبها الكثير من المدرجات ، مثل اغلب دول العالم )

لانه بصراحه الكورنيش ما يتحمل ومب مناسب للاحتفالات الكبيره ، اللي يحضرها جمهور كبير ، وخاصه انه في وسط البلد وقريب منطقة الاسواق ، وناس وايد تتعطل مصالحهم من اغلاق الكورنيش للاحتفالات)

اكتتاب خاص

18-12-2009, 09:12 PM

الموضوع حلو لكن صياغته تختلف وانا اتوقع انه رأي اختنا هو

إن كانوا الحاضرين للاحتقال من الإجانب من يلي يحبون قطر ويفرحون لفرحها فحياه الله

ويلي حاضر الاحتفال فقط ليشوف عرض عسكري ، فإبن قطر احق منه

لان هي فرحة وطنية ومو بإستعراض عسكري او معرض لاستعراضات عسكرية

في عنده بالبيت تلفزيون يقعد ويطالع الصور افضل من وجوده بين الحاضرين

لو ما يحب قطر ومستانس ماحضر من الاساس

كان بيقول بشوفه في التلفزيون احسن
وبعدين تعالوا هني

مب العرض عشان الناس تعرف تاريخ قطر والعرض يتعرض لكل مراحل تطور وبناء دوله قطر

اكيد عشان الاجنبي يعرف اشلون بدت بلادنا وتاريخها

:tease:

ريمية

18-12-2009, 09:59 PM

مع مشاركتهم

لولوتي

18-12-2009, 10:00 PM

حضرت الاحتفال السنه الماضيه واليوم :)

اليوم وامس في البروفه الكل من المهتمين من الاهل بأنهم يشوفون عيالهم المشاركين في العرض طالعين من بيوتهم من الساعه 5 الفجر
و اليوم اول ما وصلت كانت المدرجات مب زحمه كلش، والمشرفين على تنظيم المدرج ما قصروا،،، يعني في هاليوم اللي يبي يستريح يروح من وهل :)

وبصراحه 80% من الجالسين في المدرج كانوا قطريين،

صحيح المدرج فيه راحه ولكن من دون استمتاع كامل بكل الاحتفال:(
يعني المدرج مب شي:( الا للقعده

مثلا اللي كنت متحمسه له اكثر شي هو الطلقات المدفعيه الـ 18 ،،، حسافه سمعنا بس ما شفنا:(
العروض البحريه مستحيل انشوفها من المدرج، لأن المدرجين متقابلين، وواحد ظهره للبحر، والثاني المدرج في وجهه ومسوي حاجز له عن منظر البحر.
والكل كان متذمر من هالشي
واخيرا العرض طول الوقت يبي له وقفه واحنا جالسين ما كنا نقدر انشوف (( يانوقف يا ما نشوف ))
المعنى ان المدرج ماله ميزه غير القعده و النجاة من الامدازز

السنه الماضيه كنت واقفه مع الجمهور قدام الحاجز وشفت واستمتعت بالطلقات الناريه والعروض البحريه وبكامل العرض،،، لكن عانيت وعانينا كلنا من قلة الذوق في الاجانب وتلصقهم ومداززهم.

والسنه الجايه باذن الله ان كان لي عمر مب متليقفه على المدرج ابدا لأني ابي استمتع ما ابي اقعد وبس :)

مؤثر

18-12-2009, 10:37 PM

بسبس

19-12-2009, 12:07 AM

مــــــــــع

قناص الخليج

19-12-2009, 01:07 AM

من عادات اهل قطر اكرام الضيف والترحيب

واذا كنا نحتفل بيوم المؤسس المغفور له الشيخ جاسم فالنرجع الى صفات هذا الرجل من الكرم والشجاعه والحكمه والترحيب بالضيف فهل طرح هذا الموضوع في هذا اليوم الغالي من صفات اهل قطر الاخيار الذين عرفوا بالكرم واحترام الغريب
اتمنى ان تكون هذي المشاعر من بعض اخواننا المعارضين كبوه جواد وليس صفه من صفاتهم

دمتم بود

العلم الوكاد

19-12-2009, 01:10 AM

اكيد مع

وهاذي فرحة كبيرة للكل

وبصراااااحة اليوم شفت اجانب

من قلب فرحانين مع اهل قطر

[E]

19-12-2009, 01:11 AM

مععععععععععععععععععع..

فلان

19-12-2009, 01:12 AM

موضوع جداً عنصري و أتمنى حذفه في أقرب فرصة

أستغفر الله العظيم إني كنت من الظالمين

king fish

19-12-2009, 01:17 AM

اختي هتان طريقة طرحك للموضوع غير مناسبه

اول شي يجب تحديد نوعية الاجانب عرب أو اجانب اسيوين اسيوين هنود بتان سيرلانكين فلبينين ....
اذا انتي ضد الاجانب الي هم الاسيوين بسبب مزاحمتهم للعوائل انا اؤيد رايك بشده
اما العرب ما ايد رأيك لان العربي فيه نوع من الحياه عكس الاسيوي البليد الي يزاعم العوائل
واخلاقهم عدم انا اؤيد يجب منهم نفس المجمعات ايام الجمع
في المجمعات يوم الجمع ممنوع دخول الاسيوين العمال العرب الاجانب عادي وفيلاجيو كمثال

أم حمد

19-12-2009, 01:18 AM

معععععععععععععععععععععععععععع

وبقوووووووووووووووه

بصرررررررراحه شفت شي اول مره اشوفه بحياتي

الشامييييين يدبكووون ولهنوووود والخانات مكسرييييين اليوم عمارهم معنا

جد شي يفررررررررررررح ويسعد القلب والخاطر

:)

أمة الله

19-12-2009, 01:27 AM

أنا مب ضد بالعكس شي حلو لما تشوف الغير فرحان لك....يحليلهم اليوم البتان كانوا والله مسوين أكشن فالمسيره.....ولكن أكيد ان الأولوية لولد البلاد في كل شي :)

ParadEyes

19-12-2009, 01:36 AM

هتان موضوعج عنصري نوعا ما ههههههههه

الا عنصري من الدرجة الاولـــى

استغفر الله

ummalaz

19-12-2009, 02:23 AM

والله رحنا الاحتفال وفرحنا مع اهل قطر حتى عيالنا كانو يمسكون العلم القطري كأنو علم
السودان بس ماكنا نعرف انوا دا رايك في مشاركتنا بس مافي اي مشكله ياهتان السنه الجايه عيالنا لو قالوا رايحين بندخلهم المنتدى ونخليهم يقرون موضوعك وبعدين يقررون .
بس انا بقدم ليك دعوه في الاول من يناير تجي تحضري احتفالنا بعيد الاستقلال بتاع السودان وتشوفين هل بنفرح بيك ونكرمك واللا لا .
الشكر اجزله لكل الاخوان القطريين الذين رحبو بنا وحملوا اولادنا والتقطو معهم الصور وهم يحملون اعلام قطر وهذا ليس بغريب على الشعب القطري الكريم المضياف

غروب الشمس

19-12-2009, 02:25 AM

اختى هتان قبل مارد قريت ال13 صفحه حرام المساكين نفرقهم عنا وايد فرحانين واذا ماعندج طوله بال يختى ليش رحتى جوفيه بالتلفزيون مادام فيه زحمه فاكيد الا تصير مضايقات ومشادات كلاميه عااااااادي ولو كنتى بالحج بعد بيصير هالشي بتقولين بالحج بعد افصلونا عن الباقيين؟ وهذي لااول مره ولا اخرمره تصير بالمناسبات الكبيره وعن مصخره الاجانب والله ان القطريين والقطريات ازفت شايفتهم انا وريلي بعيونا لدرجه انه عصب وطلع من المسيره ماخذنا ربع ساعه من المصخره اللي يغازل الحرمه اللي جنبه واشكره يضحكون ويغازلونهم جدام الملا والشباب الاخوانيه اللي لابسين الثوب النشل والبطاطيل واللي يهزون ولااحسن رقاصه واللي حاطين اغاني مالها خص بهالمناسبه وغير وغير لاحصر لهم والله زعلت ان شبابنا الجيل الصاعد بهالانحلال والدونيه يالله شتقولين عنهم بس مستلمه الاجانب المساكين اللي يبون يفرحون مثلنا ويرحون من الفجر عشان يحصلون مكان لهم الاولويه اذا لهم دامهم سبقوا القطريين بالمقاعد انا عن نفسي ماروح هالاماكن دامهم يعرضونها بالتلفزيونوبعدين احنا ناس محافضين مانروح اماكن مكتظه وعامه بهالطريقه (ماتقولين مب وطنيه)بس كان خاطري اشوف المسيره ورحنا متأخر وماستحملنا المناضر الله يهدي امه محمد هذا رايي وخذيه برحابه صدر وتحياتي لكي

إنتعاش

19-12-2009, 02:37 AM

مع حضور الاخوان المقيمين العرب اشقائنا و يعتبرون في بلادهم وياهلا ومرحبا فيهم
وبالعكس مشاركتهم لنا تفرحنا وتونسنا

لكن بالنسبة - للعمالة الآسيوية - الحقيقة أتمنى أن يجدون حل لهذه المزاحمة
ولا اقصد منها العنصرية كأن أقول - هندي طلعوه برا او بنغالي وخروه عني -

لكن اقصد من باب تقديم الأولوية للحضور والأماكن ( للعائلات القطرية وغير القطرية )

المهم أن يكون هنالك ترتيبات مرة أخرى أفضل - للعائلات -

وياهلا بالجميع بدوحة الجميع

biz-qtr

19-12-2009, 02:42 AM

لو ينضمون المكان بدون سوالف العنصريه.. يسون تذاكر .. اماكن خاصه للعائلات .. اي شي

بتكون افضل بس مب عدله احس يسون اماكن للقطري واماكن للاجانب هاي عنصريه بعينها وعلمها .. ما يصير

انا ما رحت ولا شفت الوضع الصراحه ولا اقدر اقول كان مرتب او لا ..

بس اللي راحو من ربعي قالو لي ارتب من العام ...

ومن رايي الشخصي .. اشوف ما يمنع ان يشاركونا فرحتنا شي طيب الصراحه .. ولاتنسين ترا احنا شعب اختلط ببعضه فيه اللي امه هنديه واللي امه فلبنيه و و و و و يعني المفروض يعامل معامله قطري وفيه باكستانين مواليد قطر .. وفيه اللي مالهم من هذا ولا ذاك ولكن ولاءهم لقطر خلاهم يتحمسون ويجيون ويشكرووووون وياهلا ومرحبا بهم ...

واذا جات ع المصخره شبابنا ما قصرو وبناتنا الله يسامحهم بعد ما قصرو .. سوو اللي ما سووه الاجانب من رقص وخربطه و و و و و ولا ابي اكثر ..

يعني لا ترمون الناس بحجر اذا بيتكم من زجاج ..

واختي هتان عساج ع القوه ..

بومحمد المطاوعه

19-12-2009, 03:19 AM

والنائب ولد المطاوعة والمشرفة شاهيناز

اكيد بصير النائب

لاني شفت المصخره بعيني ف الكورنيش

دش المسيره عقب تعال قول من النائب والمشرفه

بومحمد المطاوعه

19-12-2009, 03:25 AM

عسى ما شر !!!!!

ويش رايج تطالبين وزارة الاوقاف يخلون مكان للمصلين القطريين

والمصليين الاجانب ؟؟

الله المستعان يا قطـــــــر

اخوكــــــــــــــــم

اختي اشدخل الصلاه ف السالفه

الصلاه حق كل مسلم

ومافي تفرقه

لا من كبير ولا صغير ولا اجنبي على قطري

اشدخل الصلاه في السالفه

انزين ترضين يحطون اجنبيه وياج في الشغل

وتستلم راتب نفس راتبج ولا اكثر؟

الاجنبيه بتشتغل في بلد غير بلدها حق الراتب والمعاش

اما القطريه بتشتغل بضمير

مب حق الافلوس

احنا ماقلنا مانبي نشوفهم في المسيره ولا في العرض الوطني

لا بالعكس

خلهم يتواجدون بس لاكن

يخصصون اماكن حق القطريين

لهاي الدرجه احنا يالقطريين

مالنا حريه ولا لنا مكان في العروض ولا اي مكان عرض بس حق القطريين

قطري لغيير القطريين

qatari1

19-12-2009, 04:00 AM

ما أصدق أنه هتان صاحبة فكرة مسجد منتديات الأسهم القطرية هي نفسها من تعترض على مشاركة غير القطريين لأفراح قطر!

غير القطريين ممن ولدوا وعاشوا وتربوا على أرض قطر من حقهم أن يحتفلوا بيومها الوطني جنباً إلى جنب مع أشقائهم وأصدقاءهم القطريين.

فكونا من هالنظرة الدونية:(

ترى كلنا عيال 9!

إينشتاين

19-12-2009, 07:45 AM

تصدقين يا اخت هتان موضوعج ذكرني بامريكا في الخمسينات يوم كانو في الباصات اماكن للبيض واماكن للسود ونفس الشي في المطاعم والاماكن العامة
تخيلي تسافرين دولة ثانية للدراسة أو العلاج أو اي سبب ثاني ويكون عندهم احتفال وتفاجأين انج ممنوعة من الحضور أو مخصصين لكم أماكن في الخلف لسبب انج موب مواطنة أيش شعورج وقتها أكيد راح تكرهين الشعب والبلد بكبرها
بس صراحة ماتوقعت فيه قطريين عندهم عنصرية بهالشكل

sad-o-bas

19-12-2009, 09:22 AM

السلام عليكم ورحمة الله وبركاته..

دخلت الموضوع وكعادتي في أغلب مواضيع هالمنتدى الطيب.. أقرأ ولا أشارك.. لكن والله ما قدرت أطلع وأقول حسافة على الساعة و23 دقيقة الي ضاعت في قراية هالموضوع الي فيه من التناقضات الشيء الكثير، ليست في كاتبة الموضوع فحسب، بل في كثير ممن أعرفهم معرفة شخصية، وقد أدلى بدلوه، "كلن يغني على هوى ليلاه"..

أختي الفاضلة/ هتان قطر.. المدينة الفاضلة لأفلاطون وسقراط كادت أن تتشكل في هذا البلد الذي أكاد أجزم بأن أغلب من شاركوا فالمسيرة عبروا عن حبهم لهذا البلد، بغض النظر عن الأصل والمولد وحتى الجنسية.. أدري إني بالغت في التعبير بس والله إني متأكد إن أكبر هم من هموم الأمير إن يرتقي بقطر ويخلي مواطنينها في أحسن حال، من حيث التعليم والثقافة والحياة العامة..

إخت هتان.. والله ما أبي أوجه الكلام لشخصج الكريم، واللي يشهد الله إني فرحت وأنا أقرى لج أكثر من رد في أكثر من موضوع.. بس خلينا نتفق إن التعبير خانج في أكثر من رد في هالموضوع.. والإخت السودانية وردة فعلها أكبر دليل.. وانج ناقضتي نفسج في أكثر من موقف.. يا أما انج تقوليتها بصراحة أو تسحبينها وتعتذرين.. مب تعتمد ردودج على تفاعل الأعضاء.. أسلوب المحاباة مب راكب على هتان الي ماعرفناها إلا بصراحتها..

على فكرة، الساعة و23 صارو ساعة و40.. الحمد لله على كل حال..

نقطة وانتهت المشاركة.

دلة الرسلان

19-12-2009, 09:53 AM

علشان ما ندور في حلقة مفرغة استسمح من أختي هتان واود التأكيد على عدة نقاط

- من السهل صف الكلام وترتيبه ولكن الواقع غير نحن دولة نعاني من تعاظم نسبة الوافدين

وبالطبع هناك ازدحام وضغط على جميع الخدمات التي ليست كافية اصلا للعدد القليل من

المواطنين ، قابل ذلك اختلاف الثقافة او ما نسمية بالعادات في التعامل مع قلة المتاح من

الخدمات فمعظم الوافدين عادي عنده الزحام والدفع لأخذ ماليس من حقه لأنه متعود على

ها الأمر في بلده وهذا ما حصل في العرض .

- الآخوان اللي يقولون لو سافرت لبلد ثاني اشلون تبغيهم يعاملونك ؟

اخوي انت لما تسافر بلد بتكون شخص وسط ملايين يعني سهل استيعابك وتمازجك مع

الوسط ، اللي عندنا غير احنا صرنا ضايعين بين الأغلبية وحتى لما تطالب اختكم بحقها

في مشاهدة عرض بلادها الوطني توصف بالعنصرية والاغلبية ماخذه على خاطرها !!

- ليش ما سمعنا ردودكم يالوافدين على قوانين الدولة لما قلصت رواتب القطريين وابقت

رواتبكم على حالها ؟؟ ليش ما سمعنا أحد يقول لا والله تأبى المرؤة والدين ناخذ شيء

ينحرم منه أخواننا القطريين ؟؟

في النهاية اقترح على الاخوان في اللجنة العليا المنظمة وعلى رأسهم صلاح العلي أن يتم

تقسيم منطقة العرض الى ثلاثة اقسام ويرمز لها بأحرف وتكون منطقة للنساء والأطفال

ومنطقة للأسر ومنطقة للعزاب .

وهكذا يترتب الحفل اكثر أذا مصرين على الكورنيش

ملاحظة في جميع ردودي أذا ذكرت الوافدين فلا اقصد ابدا من ولد وعاش بيننا وتطبع

بطباعنا .

خالد32

19-12-2009, 09:56 AM

انا مع حضور الكل و ضد تخصيص مكان للاجانب
في بلادهم ما خصصوا مكان لنا و دخلونا معاهم في كل مكان ليش احنا نعزلهم و نستخسر فرحتهم مثلنا
اليو كان اليوم الوطني و احنا اهل كرم نبدي البعيد قبل القريب
انا كنت موجود مع هلي و ما شفت مسخره الا من بعض (المواطنات) الله يهديهم الي ترقص و الي رايحه عرس
و عندي عتب على الي خلا هله يروحون مع الدريول
و في الاخير استانسنا ( و الحشره مع الناس عيد)

ANONYMOUS

19-12-2009, 10:33 AM

فروا على تلفزيون قطر

العرض العسكري

اتفرج عليه وانا ع الاريكه.. و فاتح الابتوب

واشرب قهوة الصباح

وماضايق حد

ولا حد ضايقني

وقاعد الساعه 9 الصبح

هداف

19-12-2009, 10:56 AM

انا اقول يفارقونا في السعه ابرك !!!

الدار دار ابونا والقوم شاركونا !! السالفه فيها نفاق او معا الخيل ياشقرا او شي ماعرف تفسيره

يعني بكل صراحه كل واحد فيكم يسأل نفسه لو كان في دوله عربيه وكان فيها عيد وطني من فيكم بشيل علمهم
وبروح يتفرر في الشوارع ويترقص وقلة الحيا اللي شفناها من مبزرتنا ومنهم !! اعتقد ان لسان حال اي قطري في دوله عربيه تحتفل بعيدها الوطني (( عيدهم وكيفهم انا وش دخلني فيهم )) حدك بتبارك لهم بكلمة مبروك اما اعلاااااااااااااااااااااااام ومزاحم في الشوارع وترقص في الشوارع اتوقع القصد منها الفوضى والمصخره وتقضية وقت مادروا عن يومنا الوطني ولا دروا عن هوى داركم بلا نفاق وبلا تطبيل !