كل واحد يقول وش سوى في اليوم الوطني [الأرشيف] - منتديات شبكة الأسهم القطرية

مشاهدة النسخة كاملة : كل واحد يقول وش سوى في اليوم الوطني

kooool

18-12-2009, 10:52 PM

بسم الله الرحمن الرحيم

ازف اجمل التهاني لكل مواطن ومقيم بهذه المناسبة الكريمة ..الله يدوم الافراااااح ..انا اليوم اول طبعا رحت للعرضة وبعدها دقيت سلف صوب الكورنيش ..فعلا كان يووووم رووووعه ..تحس ان اهل قطر عائلة وحدة الكل يمزح ويكلم الثاني واللي يرش عليك بالفليييت واللي يسوي حركاااات واللي ياخذه الحمااااس وينزل الميدان يرزف ...بس للاسف البعض يحتفل بطريقته الخاصة وانتم اعرف .

حبر سري

18-12-2009, 11:03 PM

مبروك للكل

ابد والله رحت عرضتنا ورزفت وشفت العالم هناك , وعوّدت البيت

الرايــق

18-12-2009, 11:03 PM

الصبح كان عندي دوام
وبعد صلاة الجمعة ريحت شوي وبعدين طلعت وززززحمة جدا بس منظر المسيرة على الكورنييش لا يوصف وجميل جدا

اللهم احفظ هذا البلد امنا وسائر بلاد المسلمين

سهم مديون

18-12-2009, 11:15 PM

خذيت سيفي وسليته في عرضة لا بتي وعزوتي اشارك فرحة بلادي :nice:

بنت^البحرين1

19-12-2009, 12:08 AM

دامت دياركم عامرة بالافراح والمسرات

حتى احنا .. في البحرين اليوم الاحتفالات مازالت مستمرة بس باختلاف الوان الاعلام فقط امس واللي قبله كانوا اخوانا واهلنا القطاره يشاركونا فرحتنا بالعيد الوطني للبحرين واليوم البحرينيين كلهم مع هل قطر يحتفلون معاهم بعيدهم الوطني

انا صورت وايد بس عطوني مهلة ارتب الصور وانزل الفيديو وان شاءالله بحطه لكم

NEW LOOK

19-12-2009, 12:57 AM

كفو يابنت البحرين

ماقصرتي

انا كنت مريضه
مع اني مجهزة بس ازمة من3 ايام

اليوم احسن اشوي

ادعولي

السنافية

19-12-2009, 02:37 PM

مافيا قطر

19-12-2009, 05:02 PM

عنى فى الدوام وسط الموج العالى والرياح القويه والسما من فوقى والبحر من تحتى ومتابع بالتلفاز

BURBERRY

19-12-2009, 06:11 PM

قمت مع صلاة الفجر و صليت و لله الحمد

و رحت الكورنيش .. صورت العرض العسكري

رجعت الفريج و صليت الجمعه و تغديت مع الاهل

و بعد صلاة العصر رحت للعرضه اشوف الجماعه و بني عمي

و عقب العشا عودت البيت :nice:

بوحارب

19-12-2009, 06:17 PM

مبسط في العنه مع الربع

وسلامتكم

اكتتاب خاص

19-12-2009, 06:26 PM

مشارك بالعرض نفسه

ودامت افراح ديرتنا

ANONYMOUS

19-12-2009, 11:58 PM

من يوم الاربعاء في سيلين على لعديد ..

رديت الدوحه مرتين نزلات خاطفه حق كم شغله

والحين توني راد رسميا الدوحه

شموخ قطريه

20-12-2009, 12:22 AM

في الصميم اخ خ خ خ :weeping:

دوام دوام دوام 6 الصبح :weeping: لين 1 يعني مالحقت على العرض العسكري :weeping:

بعد ماخلصت اموري في البيت بعد صلاة المغرب رحت المسيره مع خيو طبعا :victory: لين 8 ونص وبس رجعنا البيت :victory:

كان يوم فوق الرائع الحمدلله بغض النظر عن الدوام :rolleyes2:

بنت العلي

20-12-2009, 07:18 AM

انا من الساعة 7 ونص الصبح رحت الكرنيش وشفت العرض ورجعت وتغديت وريحت بعدين رحت اشوف الالعاب النارية ودخلت في المسيرة وبس ورحت البيت
بس والله استانست يومها ...

سارونه

20-12-2009, 07:25 AM

الله يدوم افراحج يا ديرتي يا قطر

بارك الله في شبابنا والي شاركونا فرحتنا باليوم الوطني

:)

احساس غريب

20-12-2009, 09:52 AM

والله انا شنو حللت الاجازه..
جدولي الخميس والجمعه نفس الشي..
يوم الخميس من الساعه 2 الظهر ف العرضه لين 9 ف الليل وعقب المسيره لين الساعه اربع الفير ونفس الحال يوم الجمعه بس الجمعه قمت من وهل حق الصلاه..

ضوى

20-12-2009, 09:59 AM

انا الجمعة سلطنت من قلب

خليت البنت ويا خالاتها وعيالهم ، والولد الصغير ويا عماته وعيالهم ، والكبير مع ابوه ، في البيت وشرب نسكافيه واشوف اللي يشوفونه في التلفزيون ، خير شر ماطلعت من البيت الجمعة واللي قريته واللي شفته هنا وفي التلفزيون يكفيني وبزيادة بعد والحمد لله والمنة

وطن

20-12-2009, 10:30 AM

الصبح شفت العرض ع التلفزيون

ومن بعد صلاة العشا باتجاه الكورنيش
ساعتين وبعدها مرينا شفنا العرضات من بعيد
وردينا البيت

Sharshooooor

20-12-2009, 10:56 AM

انا تمشيت بسيارتي الصغيرة :nice:

http://www7.0zz0.com/2009/12/20/07/532717955.jpg

!الشايمه!

20-12-2009, 04:18 PM

ماشاء الله كان يوم حافل :) .....

مالحقنا على العرض....شفته وانا نصف نايمه....على انه شبابنا معهم :(

الظهر طلعنا تغدينا يم الكورنيش....وسوينا هجمة قويه ع الكورنيش

مع باقي الفرحون المتونسون.....شوي اعتفسنا من المطر...

ع المغرب.....جت دوريات عائلية وتم سحب الشباب الصغار الى مواقع الرجال...

تمينا مع الشعب المستانس لين شفنا الالعاب النارية...بعدها قمنا بمناورات فنانه

لين طلعنا من الزحمه.....وكملنا السهره في بورتاارابيا....شوي تسدحوا

الصغار من التعب.....قلنا لابد ما نفل....ففلينا :)

تحية

KhalidQ

20-12-2009, 07:04 PM

اما انا بعد ما راح علي 2008 قلت لا المره هذي ما راح اخليها تعدي وانا ابو سلطان
اخت المدام و بنتي الكبيره ام 5 سنوات و خواتي و رحنا الكورنيش من الساعه 7 بضبط
منت هناك مع الاوال في الكورنيش ..... بصرحه العام هذا ثلاثة اربع العام اللي راح

اما اخواني كلن حط راسه و الواد كان في المسيره بالبدله العسكريه راجب شفليت 1961
و عيال عمي نفس الشي و احد في المطافي و الثاني في الجيش مسؤال عن اطلق 18 قذيفه

المهم ما اطول عليكم رجعت البين صليت الجمعه و تميت في البيت اتمتع مع الاهزيج و العرضات
بشاشه المستطيله

عضو قديم

20-12-2009, 09:06 PM

انا من يوم الخميس العصر رحت عنتي بالعديد وتميت هناك لين يوم السبت وشفت العرض مال يوم الجمعه في العنية بدون وجع راس

لولوتي

20-12-2009, 09:16 PM

رحت المسيره الصبح
وتمشيت في الفريج يوم بدا ذاك المطر العجيب يهل لي وقف،
وبس عقب الغدا نمت وباقي اليوم في البيت :)

المغروره

20-12-2009, 11:48 PM

الله يحفظ اميرنا وشعبها بس وين الخويا عن هالمصخره الي بالكورنيش
افصخوا الحيااااااااا
الله يهديهم بس
تحياتي

بن جلبان

21-12-2009, 09:59 AM

انا اللي بط جبدي كان واحد من الشبــاب بالمسيرة يحط كشــاف ليزر على مواتر العوووايل والمشكلة محد قاله شيٌ ،،، اااخ لوو اني كنت اقدر اسوي له شي

صراحه المسيرة خربت اليوم الوطني

آفنان

21-12-2009, 10:09 AM

مآسويت شي ...

شفت العرض الصبح بالتلفزيون وبس ... :o

ويسلموو عالموضوع ...

موضي قطر

21-12-2009, 10:59 AM

انا سويت شي ومستحيه اقولة لكم :secret:

أنــــا حضنــــت وحــــــــده

ومعاد حسيت في نفسي

ومستحية اقول منهي ؟؟؟؟؟؟؟:eek5:

حضنت ..........

قطـــــــــــــــر بنــــــــــــــــت حمــــــــــــــــــد

و( سميت عليها ) ودعيت ربي يحفظها من عيون المقاليع

حضنتها في الحلم :victory:

ولدالمنتدي

21-12-2009, 11:39 AM

اما انا حللت المسيره 3 ايام من يوم الاربعاء لين الجمعه

Mr.1

21-12-2009, 04:49 PM

انــا عقب صلاة الجمعـه رحت المسيره الي في الخـور وعقب رحت عرضة قبيلتنـا وعقب رحت الكورنيش ,, وسلامتكــم .,؛

::Mo0on'hm::

21-12-2009, 06:41 PM

احنا الخميس درنا عالعرضات وعقب رحنا المسيره

والجمعه شفنا العرض فالتلفزيون وفالليل رحنا المسيره

صج كان وناسه بس المصخره زادت عن حدها

فئه تخرب على فئه

واللي قالت وين لخويا؟. لخويا على ناس وناس

VIPLady

21-12-2009, 06:43 PM

حجزنا في الشيراتون ليلتين (بس ما نمت امي والبنات ناموا ورحت لهم الصبح بدري ) و شفنا عرض الطيارات الصبح ووتغدينا كلنا في لافرندا وبعدين شفنا الفايروركز بليل وكان جدا ممتع ..والجو كان رهيب و المطر سوالنا جو ممتع بعد من فيو الشيراتون

و انا طالعه بليل يوم الجمعه ابي ارجع البيت لللاسف اني طحت بشارع واحد من دوار الشيراتون لين دوار الفورسيزن وابي اكمل ارجع البيت . في المسيره و كرهت عمري و صحت من الخووف.. مب صاحين الله يهديهم حلمت فيهم بليل الي يحاول يفتح الباب ويصارخ والي ينط لي على السياره ويصارخ مب متحررك والي يطق على شباك السياره وانا ميته خووف و اقرى قران ابي اعدي الشارع والله من الخوووف و مسكره الشباك و قافله الابواب وحالتي حاله ....
ماتوقعت شبابنا جذي بصراحه ... لا شكلي شكل مسيره ولا سيارتي مهيئه للمسيره و محد يروح المسيره بروحه :(

بس كان ويك اند ممتع ورجعنا للدوام اليوم كان مسافرين يومين و رجعنا كله احداث وتغير و فندق و غدى وعشى وكل شي برى ... ماقعدت بالبيت الا وقت النوم ومن الصبح برى عند امي بالفندق

انشالله ينعاد علينا كل سنه و كل عام وانتوا بخير و الله يعز ديرتنا اكثر واكثر

http://www5.0zz0.com/2009/12/21/16/654559463.jpg (http://www.0zz0.com)

" روح قطر "

21-12-2009, 10:26 PM

من يوم الخميس متاااااااااابعه الفعاليات والمهرجان على التلفزيون

حطيت الشال القطرى على كتفي ولبست الشعار البروش

وحطيت الفواله والقهوة والحلو وأحتفلت في بيتى مع تلفزيونى وتابعت تقارير المنتديات

كانت كافية ووافية عن كل الأحتفالات في ديرتى الغالية قطر

لانى ما أحب الزحمة ومستحيل أروح للزحمة ( يصيبنى صداع وضيقة )

تكفينى زحمة المعارض

أما ولدى حمد ربي يحفظه ويحفظكم

راح للمسيرة مع عيال عمة بالأعلام وسيارتهم اللى مزينينها وحاطين عليها صور وشعارات

وكان يقول عنها زحمممممممممممممممممممممة بشكل ما تتخيلون

وعمار ياقطر عمار عسى الفرح دايم الدوم على ترابج

فرحة ايامي

25-12-2009, 10:16 PM

خذت بنياتي ورحت الكورنيش من الصبح ولبستهم البخانق وحنيتهم واصطفينا نشوف العرض العسكري وكل شي وبعد شفنا بابا حمد والبنات لوحو له بالاعلام وغنووا دار التميمي حمد رجعنا البين نص النهار ولما طق المطر عندنا خيمه انخشينا فيها رزيناها على الكورنيش مالت اليهال ...عودنا البيت والعصر رجعنا مره ثانيه وقعدنا لين الساعه عشر عقب الالعاب الناريه ردينا وبناتي لين الحين يغنون دار التميمي حمد