هام .. ياريت حد يطمنا بخصوص الطفله

[شموع قطريه]

.
.
.
.
.
جاني على البلاك بيري اعلان عن فقدان طفله قطريه ومكتوب اسمها كامل بس ماحبيت اكتبه احتراما لخصوصية اهلها .. حبيت اتطمن هل لقوها .. ياريت اللي يعرف شي عنها يطمنا عليها وان شاءالله تكون السالفه من اشاعات البلاك بيري وحاسبوا على عيالكم تراهم امانه ..

[وطن]

اشاعة من البي بي
وانا مع البنات اسمعهم يتحلطمون ع السالفة
اللي اتصلت وقالوا لها لا ماعندنا بنت ضايعه
واللي اتصل وراعي الرقم قال له ماعندي حد ضايع

يقولون مقلب في راعي الرقم

والصراحة اشوفها قلة عقل هالحركات اللي يسوونها
حرام عليهم يخوفون الناس
ويزعجون الريال

[هذلان]

السلام عليكم

اكاد اجزم ان الموضوع اشاعه و الحمد لله الي نزلو قانون يتتبع و يعاقب اصحاب الاشاعات .

و ان كان صحيح الله يجمع شملهم

[ضوى]

اختي الكريمة

دامج تعرفين انها ممكن تكون اشاعة من اشاعات البي بي ليش تنزلينها بموضوع وتروعينا وتخلينا نتوتر ونحاتي ؟؟ والله مب عدلة كل واحد جاه شئ على هالجهاز النكبة نزلتوه بموضوع وفزيتوا قلوبنا

[حبيبة أمها]

من شوي قالت المذيعة الهام بدر على قناة الدوحه انه اغلقت جميع البلاغات ورجعوا الاطفال لأهلهم

[العلم الوكاد]

انا اسمع في برنامج الهام بدر

على قناة الدوحة

صرااحة ما انتبهت للخبر

بس كانه تقول لقوا طفلة او رجعت لاهلها

ما ركزت على الخبر

[بدون]

بصراحة صارت الإشاعات أسرع من الصواريخ مع البي بي
الله يعين الريال اللي ابلشوه

[رهج السنابك]

يا هالبلاء بيري هذا اللي صجونا فيه

صراحة أطالب وبشده منع استيراد هالجهاز بتاتاً .. هذا اسمه بلاء بيري الاشاعات

[رجل تعليم]

نفس الحيرة فيها قبل اسبوع

وصلني بريد لا اعرف صاحبه ، يقول انه يملك معلومات عن طفلة" ضائعة "

وضع صورتها في الإميل وطلب ان ننشره على نطاق واسع

الحقيقة اني اتمنى لو عرفت مصداقية هذا الخبر كي انشره بقدر ما استطيع

حتى صورة الطفلة البلغة من العمر سنة ونصف استحييت ان انشرها احتراما لها ولاهلها وللجميع

ولكن ماذا لو كان الامر صحيحا ؟ احترت حقيقة ماذا أصنع

عموما هذه بعض المعلومات التي جاءت في البريد


++++++++++++++++++++++++++++++


طفلة (سنة ونصف) ضائعة منذ ثلاثة أشهر… وجدت بالمسجد النبوي بالمدينة…حاليا موجودة لدى عائلة عبد العزيز الجهني جوال : 05050009906


هناك صورة في البريد وإذا كنتم ترون ان ادراجها هنا امر مقبول فلا مانع لدي ابدا


حفظكم الله جميعا وحفظنا من كل سوء

[شموع قطريه]

اختي الكريمة

دامج تعرفين انها ممكن تكون اشاعة من اشاعات البي بي ليش تنزلينها بموضوع وتروعينا وتخلينا نتوتر ونحاتي ؟؟ والله مب عدلة كل واحد جاه شئ على هالجهاز النكبة نزلتوه بموضوع وفزيتوا قلوبنا

اختي ضوى .. انا ماقلت اني ادري انها اشاعه قلت ان شاءالله تطلع اشاعه مب صج وانا بس حبيت استفسر عن الموضوع هل هو حقيقي ام اشاعه فقط لاغير .. ودام ان الهام بدر تكلمت عنها في التلفزيون اكيد السالفه فيها نوع من الحقيقه .. اتمنى حد يطمنا عليها والله يحفظ عيال المسلمين من كل شر

[£عبدالعزيز£]

اصلا معروف

كل في الاعياد .. والقرنقعوه .. وحتى في اليوم الوطني

لازم طفل او طفلة تختفي

والمصدر طبعا البلاك بيري

..

ناس ما عندهم سالفة

[saud580]

والله انا باقول لكم شي

انا عن نفسي اي شي يوصلني نفس هذي الاشياء على طووول مسح

و الأخ الي بغى يستفسر الله لا يهينك في رقم في المسج اتصل له و اسئله اذا قالك صج سو برودكاست

و أي شخص قبل لا يرسل اي شي يفكر قبل هل هذا صج ولا لأ

كم مسج طرشوه عند واحد متوفي و اخرتها يطلع مقلب ...

فما بالك اذا وصل لك المسج عن أخوك انه متوفي و اذا اتصلت له تلقى جواله مبند (لانه مافيه جرج) و تروح و تسوي مناحه و تقول حق العالم كلهم و اخرتها يطلع حياً يرزق

أتمنى من الشباب ان يكون عندهم نووع من الجديه

ترى مب كل من خذ بلاك بيري حق لعبه

انا عن نفسي استخدمه حق الدوام و حق الاشغال الخاصه و مع ذلك الاشاعات توصل