للصريحين والصريحات .. فقط .. ماهي سلبيات وايجابيات العيد الوطني!! .. !!

[زقرتي ومزاجي]

http://l.yimg.com/g/images/spaceball.gif


صباحكم / مسائكم .. ورد جوري وريحان

سؤالي ؟؟

للصريحين والصريحات .. فقط .. ماهي سلبيات وايجابيات العيد الوطني

أغلبنا أحتفلنا بالعيد الوطني ... ورحنا للكورنيش .. وشفنا مواقف

ودي كل منكم يقول لنا اللي شافه .. سواء سلبي أو ايجابي

طبعا بكل صراحه


http://l.yimg.com/g/images/spaceball.gif

[بنQATARت]

انا طبعا مارحت والسبب الزحمه
ياريت يكون العرض في استاد خليفه اويسوون مكان خاص اكبر للعرض راح يكون ارتب ومكان للجميع
ويكون هناك دعوات خاصه لأهالي الشباب المشاركين في العرض العسكري

[الدوحي7]

الايجابيات ان شرطتنا مايخالفونا وتحس صج انك قطري،،السلبيات حسبي الله ونعم الوكيل ،،
ونسيت اقول لك صبحك فل وياسمين،،

[زقرتي ومزاجي]

انا طبعا مارحت والسبب الزحمه
ياريت يكون العرض في استاد خليفه اويسوون مكان خاص اكبر للعرض راح يكون ارتب ومكان للجميع
ويكون هناك دعوات خاصه لأهالي الشباب المشاركين في العرض العسكري



هلا وغلا .. بنت قطر

منوره الله يسلمج

بس أستاد خليفه صغير .. واصغر من الكورنيش
اممممممممم انزين أقترحي مكان معين

؟؟؟؟


شاكرلج مرورج وردج

:nice::nice:

[rashid-1]

الــسلام عليــكم

السلبيات أكثر من الإيجابيات وأقولها بكل صراحة

1- إستهتار الشباب بأرواحهم

2- الترقص في الشوارع من قبل شباب صغار وهذا بحد ذاتة أمر خطير

3- التحرش بالعوائل والبنات في الكورنيش

4- المبالغة في الأفراح لدرجة الإزعاج حتى الفجر

5- وجود فتيات في أوقات متأخره وسط مجموعة كبيرة من الشباب

6 - إخفاء لوحة السياره وقطع الإشاره وهي حمراء

7 - مباهات القبائل في مابينهم من خلال نحن الأكبر ونحن الأكثر عددا

8 -إنتشار الأوساخ في كل شوارع الدوله

9 - سقوط الأعلام القطرية في كل مكان دون أن ترفع

[BIG-VEGA]

http://l.yimg.com/g/images/spaceball.gif


صباحكم / مسائكم .. ورد جوري وريحان

سؤالي ؟؟

للصريحين والصريحات .. فقط .. ماهي سلبيات وايجابيات العيد الوطني

أغلبنا أحتفلنا بالعيد الوطني ... ورحنا للكورنيش .. وشفنا مواقف

ودي كل منكم يقول لنا اللي شافه .. سواء سلبي أو ايجابي

طبعا بكل صراحه


http://l.yimg.com/g/images/spaceball.gif


الايجابيات موجوده
بس للاسف وجود عدد مب قليل من الساقطات والشباب الاهبل ينسي الواحد اي شي حلو


حركات بعض البنات الفاسدة والشباب الي تعوت عليها كوم ..... وحركه الي يرش الرغوه على البنات كوم

تفووووووو على هاي الاشكال (وعلى الي بيدافع عنهم)

[زقرتي ومزاجي]

الايجابيات ان شرطتنا مايخالفونا وتحس صج انك قطري،،السلبيات حسبي الله ونعم الوكيل ،،
ونسيت اقول لك صبحك فل وياسمين،،



هلا والله .. الدوحي7 .. منور

يالغالي ... المخالفات حق الناس اللي يخالفون الانظمه
سواء في العيد الوطني او الايام العاديه
والحمد لله ان التعليمات جات مخففه اليوم على الناس اللي بالي بالك (( يستعرضون ))
ويا الدوحي7 دامك قلت حسبي الله ونعم الوكيل .. أكيد في خاطرك شي
قول لأن الموضوع للصريحين .. قول اللي في خاطرك

الدوحي7 .. حللت أهلا ونزلت سهلا

[بنQATARت]

انا طبعا مارحت والسبب الزحمه
ياريت يكون العرض في استاد خليفه اويسوون مكان خاص اكبر للعرض راح يكون ارتب ومكان للجميع
ويكون هناك دعوات خاصه لأهالي الشباب المشاركين في العرض العسكري

اقترحت بس يمكن انت ماأنتبهت

[زقرتي ومزاجي]

الــسلام عليــكم

السلبيات أكثر من الإيجابيات وأقولها بكل صراحة

1- إستهتار الشباب بأرواحهم

2- الترقص في الشوارع من قبل شباب صغار وهذا بحد ذاتة أمر خطير

3- التحرش بالعوائل والبنات في الكورنيش

4- المبالغة في الأفراح لدرجة الإزعاج حتى الفجر

5- وجود فتيات في أوقات متأخره وسط مجموعة كبيرة من الشباب

6 - إخفاء لوحة السياره وقطع الإشاره وهي حمراء

7 - مباهات القبائل في مابينهم من خلال نحن الأكبر ونحن الأكثر عددا

8 -إنتشار الأوساخ في كل شوارع الدوله

9 - سقوط الأعلام القطرية في كل مكان دون أن ترفع



عليكم السلام .. يابوسنيده .. منور.. فديت قلبك

وانا معاك في كل شي قلته ..
اشكرك على صراحتك وياليت كل الناس مثلك
في صراحتهم

شكرا لك :nice:

[ناصر30]

اذا كان قصدك الحفل فالسلبيات
كالاتي:

حرمان الكثير من الناس ( اطفال ونساء ) من مشاهده الحفل بسبب الزحمه

وجود فئه من العزاب من الجنسيات الاسيويه تزاحم العائلات

ضيق مكان العرض وقله الخدمات




وبالنسبه للمسيره :

الايجابيات

تزيين السيارات بالاعلام والشعارات في اليوم الوطنى اللى جعلها

تظهر بمظهر رائع





السلبيات :


لبس بعض الشباب لاقنعه مرعبه للاطفال

وبعضهم اقنعه فيها لحيه بما لايليق بسنه الرسول صلى الله عليه وسلم

وفيه استهزاء واضح

استخدام بعض الشباب للالفاظ البذئيه والتحرش ببعض العائلات والنساء

رش الماء على السيارات والرغوه

وجود بعض الاعلام ملقاه على الارض ( وان كانت سقطت بدون قصد)

الترقص من بعض الشباب بطريقه توحي بانهم اشباه رجال

الداخل الى المسيره لايفهم وين الاحتفال باليوم الوطنى


ياليت نفهم كيف نعبر عن فرحتنا بطريقه حضاريه فيها نوع من

الحب لبلادنا


واذا تذكرت شي برجع


زقرتى موضوع روعه وفي وقته

لك كل الود

[زقرتي ومزاجي]

الايجابيات موجوده
بس للاسف وجود عدد مب قليل من الساقطات والشباب الاهبل ينسي الواحد اي شي حلو


حركات بعض البنات الفاسدة والشباب الي تعوت عليها كوم ..... وحركه الي يرش الرغوه على البنات كوم

تفووووووو على هاي الاشكال (وعلى الي بيدافع عنهم)




هلا وغلا .. BIG-VEGA ... ما اقدر اقول الا انت
:nice::nice::nice::nice::nice::nice:

كلنا شفنا هالشي.. أشكرك على صراحتك .. بس التفله مالها داعي
على الاقل احترام لموضوعي وللناس اللي يقرون الموضوع :)

[زقرتي ومزاجي]

اقترحت بس يمكن انت ماأنتبهت



هلا وغلا .. ببنتنا ... بنت قطر ...
انا منتبه .. بس أقترحي مكان يكون أفضل من الكورنيش
الله يحفظج
:)

[ولد النواخذه]

اهم شئ ايجابية ان مافي حوادث والحمدلله
اهم سلبية ان مافي انتشار اكبر لقوات الأمن بين جنبات المسيرة لمتابعة سير الشعب والمحافظه استتباب الأمور
هاي وجهة نظري

[Bu Rashid]

هلا وغلا .. Big-vega ... ما اقدر اقول الا انت
:nice::nice::nice::nice::nice::nice:

كلنا شفنا هالشي.. أشكرك على صراحتك .. بس التفله مالها داعي
على الاقل احترام لموضوعي وللناس اللي يقرون الموضوع :)



ههههههههههه
صبحك الله بالخير
ما عندي تعليق ... متابع الردود

[زقرتي ومزاجي]

اذا كان قصدك الحفل فالسلبيات
كالاتي:

حرمان الكثير من الناس ( اطفال ونساء ) من مشاهده الحفل بسبب الزحمه

وجود فئه من العزاب من الجنسيات الاسيويه تزاحم العائلات

ضيق مكان العرض وقله الخدمات




وبالنسبه للمسيره :

الايجابيات

تزيين السيارات بالاعلام والشعارات في اليوم الوطنى اللى جعلها

تظهر بمظهر رائع





السلبيات :


لبس بعض الشباب لاقنعه مرعبه للاطفال

وبعضهم اقنعه فيها لحيه بما لايليق بسنه الرسول صلى الله عليه وسلم

وفيه استهزاء واضح

استخدام بعض الشباب للالفاظ البذئيه والتحرش ببعض العائلات والنساء

رش الماء على السيارات والرغوه

وجود بعض الاعلام ملقاه على الارض ( وان كانت سقطت بدون قصد)

الترقص من بعض الشباب بطريقه توحي بانهم اشباه رجال

الداخل الى المسيره لايفهم وين الاحتفال باليوم الوطنى


ياليت نفهم كيف نعبر عن فرحتنا بطريقه حضاريه فيها نوع من

الحب لبلادنا


واذا تذكرت شي برجع


زقرتى موضوع روعه وفي وقته

لك كل الود





هلا وغلا ... ناصر .. منور .. ياهلا والله
كل نقاطك شفناها ... وللأسف صحيحه
.. شاكرلك مروك العطر

وانت :nice::nice::nice::nice:

[زقرتي ومزاجي]

اهم شئ ايجابية ان مافي حوادث والحمدلله
اهم سلبية ان مافي انتشار اكبر لقوات الأمن بين جنبات المسيرة لمتابعة سير الشعب والمحافظه استتباب الأمور
هاي وجهة نظري




اللهم لك الحمد والشكر .. ياولد النوخذه منور الموضوع
وشاكرلك ابداء وجهه نظرك

تسلم
:)

[بنQATARت]

هلا وغلا .. ببنتنا ... بنت قطر ...
انا منتبه .. بس أقترحي مكان يكون أفضل من الكورنيش
الله يحفظج
:)

مكان جديد خاص للعروض العسكريه
ويكون مجهز بالكراسي والمرافق مثل هالدول الكبيره
والمنصه تكون مجهزه بحمايه اكبر لحفظ نور عيونا بو مشعل
والا قطر ماتستاهل

[زقرتي ومزاجي]

ههههههههههه
صبحك الله بالخير
ما عندي تعليق ... متابع الردود



هلا وغلا والله يابوراشد .؟؟ يسعدني انك منورني اليوم
لاخلا ولا عدم والله
:nice:

[× الجــوري ×]

من الايجابيات: انه يصحي الروح الوطنيه بداخلنه يعني تحس بشعور غريب لا يوصف بصراحه
ومن السلبيات :عندك التصوير ( البث المباشر) ماكان بالكفاءة المطلوبه والمتوقعه كان غير واضح ويشتت الواحد مايمديني اركز على مشهد ولا طار جابولي صداع :anger1:
وعلى حد علمي ان التصوير والتنظيم كان من فريق اجنبي متخصص للاسف لوجايبيني اصور احسن منهم :( لكن الشهاده لله الالعاب الناريه كانت شي عجيب خيال خيال وهذا من ضمن الايجابيات :victory:
من الايجابيات :فتح القناه الخاصه باليوم الوطني حيث انها اثرتنا بالمعلومات والاخبار اول باول
اممممممم عندك من السلبيات : كنا نحاول الوصول للكورنيش لمشاهده الالعاب الناريه لكن لخويا والشرطه عموما ما قصروا :( خلونه نشوف الالعاب الناريه من بعيــــــــــــــــــــــــــــــــــــــــد
من السلبيات ايضا : استقلال مثل ها اليوم الجميل بحركات مالها داعي من قبل الشباب والبنات الله يهديهم ويستر عليهم



بس بشكل عام كان شي عجيب :nice:
وكل عام وقطر بشعبها واميرها بخير وسلام
واذا تذكرت شي برجع اقوله :shy:

[الدمعه]

وانا كلامي من كلام اللي سبقوني .. الحريم فاصخين الحيا ومافيهم ذره ادب ولاتربيه ..

الحمدلله اني مارحت ولاوديت عيالي يشوفون هالخرابيط اللي صايره في بعض

الناس الجهله ..وهاي السلبيات ..

اما الايجابيات ..

كان حلو ان نشوف اعلام قطر في كل مكان ..

ومشاركة المدارس في المسيره ..,,واليهال الله يحفضهم كانو منورين المكان ..

وان شاء الله السنه اليايه مانشوف هالمناظر الكريهه واللي ابد ماتمس اهل قطر بشي ..

يعطيك العافيه ..

[لابس بشت]

والله اغلب السلبيات قالوها الاعضاء ماقصروا
بس فيه نقطه او تقدرون تقولون مقترح حق السنوات الجايه
العرض اللي شفناه روعه ومن احسن مايمكن
شفنا الجيش بانواعه
الشرطه العسكريه ماشاء الله كم نوع الفزعه ولخويا والفداويه و و و و
وبعدهم سباير
ليش ماشفنا مثلا دكاتره يلبسون البالطو ويمشون مثلا
او مهندسين بلبسهم والهلمت
المحاميين
اي مهنه لها لبسها الخاص
قطر كلها مش عساكر
بس هذي النقطه اللي كانت في بالي
وشكرا على الموضوع

[زقرتي ومزاجي]

مكان جديد خاص للعروض العسكريه
ويكون مجهز بالكراسي والمرافق مثل هالدول الكبيره
والمنصه تكون مجهزه بحمايه اكبر لحفظ نور عيونا بو مشعل
والا قطر ماتستاهل



هلا وغلا ببنت قطر .. منوره
امممممممم .. سمي لي اسم منطقه
تشوفين انها مناسبه
الله يخليج لوالديج

؟؟

[مافيا قطر]

السلبيات التصوير كان تعبان والمفروض العرض العسكرى يتم على مراحل مب ورى بعض اشان العالم تستانس والتصوير يكون من كل الجهات وعندك بعد الزحمه
هاى يوم وطنى للقطريين المفروض اهل قطر هم الحاظرين ويسون لهم كراسى ويمنعون الهنود اللى عندهم اجازات من الدخول وانا فى الدوام استغرب من الترقص
الشباب فى الشارع واللى حاط او مركب كلبته وياه فى الموتر ورازها وترقص قدام خلق الله
حتى اللعاب الناريه المفروض كانت تكون من جزيره النخيل سابقا ويخلون العالم تدخل الكورنيش

اما الايجبيات المسيره العسكريه والاجهزه المتطوره ودخول اشياء قديمه فى العرض


نسيت ليش ماكانت مشاركه لقطر للبترول وموظفيها والتعبير عن كل شركه باللبس والشعار

واللى ماعجبنى تلزق الرجال بالحريم المفروض العوائل فى جه والعزاب فى جه اخرى
وحضور الشيخ حمد وولى عهده من ابرز الايجابيات للعرض والاحتفال

[بنQATARت]

هلا وغلا ببنت قطر .. منوره
امممممممم .. سمي لي اسم منطقه
تشوفين انها مناسبه
الله يخليج لوالديج

؟؟

امممممممممممممممممممممممم
والله اخاف اقترح تطلع ارض ناس يدعوون علي
المهم انت وصل الاقتراح والارض شغلها سهل
هههههههههههههههههههه

[بنتكم]

كل عام وقطرنا بألف خير

تشكر اخوي زقرتي

بشكل عام ابصراحه الدوحه كانت الخميس والجمعه في قمة الروعه وشعور ماينوصف

الله يحفظها

لمتنا كانت واااااايد حلوهـ الكل كان فرحنا ,,,,كانت عروس الدوحهـ والله

السلبيات بغض ما عبرو به شبابنا والبنات عسى ربي ينورهم ويهديهم قولو امين

هو وجود لهنود بينا في وسط العوائل

والله يحفظكمـ

[زقرتي ومزاجي]

من الايجابيات: انه يصحي الروح الوطنيه بداخلنه يعني تحس بشعور غريب لا يوصف بصراحه
ومن السلبيات :عندك التصوير ( البث المباشر) ماكان بالكفاءة المطلوبه والمتوقعه كان غير واضح ويشتت الواحد مايمديني اركز على مشهد ولا طار جابولي صداع :anger1:
وعلى حد علمي ان التصوير والتنظيم كان من فريق اجنبي متخصص للاسف لوجايبيني اصور احسن منهم :( لكن الشهاده لله الالعاب الناريه كانت شي عجيب خيال خيال وهذا من ضمن الايجابيات :victory:
من الايجابيات :فتح القناه الخاصه باليوم الوطني حيث انها اثرتنا بالمعلومات والاخبار اول باول
اممممممم عندك من السلبيات : كنا نحاول الوصول للكورنيش لمشاهده الالعاب الناريه لكن لخويا والشرطه عموما ما قصروا :( خلونه نشوف الالعاب الناريه من بعيــــــــــــــــــــــــــــــــــــــــد
من السلبيات ايضا : استقلال مثل ها اليوم الجميل بحركات مالها داعي من قبل الشباب والبنات الله يهديهم ويستر عليهم



بس بشكل عام كان شي عجيب :nice:
وكل عام وقطر بشعبها واميرها بخير وسلام
واذا تذكرت شي برجع اقوله :shy:




هلا وغلا .. بالجوري .. ياخي انت 10/10
:nice:

شاكرلك مرورك العطر

:nice:

[Sharshooooor]

الــسلام عليــكم

السلبيات أكثر من الإيجابيات وأقولها بكل صراحة

1- إستهتار الشباب بأرواحهم

2- الترقص في الشوارع من قبل شباب صغار وهذا بحد ذاتة أمر خطير

3- التحرش بالعوائل والبنات في الكورنيش

4- المبالغة في الأفراح لدرجة الإزعاج حتى الفجر

5- وجود فتيات في أوقات متأخره وسط مجموعة كبيرة من الشباب

6 - إخفاء لوحة السياره وقطع الإشاره وهي حمراء

7 - مباهات القبائل في مابينهم من خلال نحن الأكبر ونحن الأكثر عددا

8 -إنتشار الأوساخ في كل شوارع الدوله

9 - سقوط الأعلام القطرية في كل مكان دون أن ترفع


كفيت ووفيت وبكل صراحة :victory:

[بوحارب]

مرحبا يالزقرت

الصراحة انه كنت طول الأحتفالات في العنه مبسط مع الربع ولا ادري عن اي شي صار

بس سمعت من واحد من ربعي من اللي احضروا المسيرة المسائية في الكرنيش انه شاف بعض حركات قلة الادب من الطرفين

تحياتي لك

[" روح قطر "]

الحفل جدا روووووووووووووووعه وشيق

أنا أكتفيت بشوفتة في التلفزيون لانى ما أحب الزحمة

بس للأسف النقل كان فقراتة قليلة ومتقطع

وكنا نتمنى الأحتفال يكون على الأقل ثلاث أيام

وعمـــــــــــــار ياقـــــــــــــــــطر عمـــــــــــــار

[بدون]

أما بالنسبة لليوم الوطني كانت الاحتفالات راااائعة
الإيجابيات:
1-تعطيل المدارس و المؤسسات للاستعداد للمناسبة و التعميم بتخصيص يوم كامل في المدارس لتعريف الطلاب بهذه المناسبة لتساعد على غرس المفهوم في أنفسهم و الإحساس بأهمية الوطن و التكاتف و العزة و الولاء و هي المفاهيم التي ساعدت على بناء الوطن
2- استغلال طاقات أبناء الوطن في العمل على عمل و تنفيذ العروض و التخطيط لها(نعرف أن في كوادر من الخارج ،، بس الحلو أن اللجنة المنظمة قطرية و العديد من الجهات اللي تعاونت معها اعتمدت على القطريين في الإعداد و التنفيذ).
3- قناة الدوحة (و أنا الحين أكتب و أطالعها):victory:
4- احتفاليات العرضات جميلة لكن لها سلبيات
5- فعاليات سباقات المسيلة و درب الساعي (و جميع الفعاليات المصاحبة) كانت أكثر من رائعة و طبعا بأيدي قطرية رائعة :victory:
السلبيات موجودة مثل:
1-تكديس الفعاليات على الكورنيش ، و صغر المكان يمنع من مشاركة جميع من يرغب في مشاهدة الفعاليات و الاحتفالات .
2- مناظر تخدش الحياء من بعض الحضور و هذا طبعا ما لا نريد رؤيته في اليوم الوطني و ما لا يمت للوطنية بصلة
3- سلبيات العرضات
أ- عدم التنظيم حيث الكثير من السيارات كانت مصفوفة بجانب الشارع بشكل عشوائي
ب- كثير من الناس كان يعبر الشارع أمام السيارات مما شكل خطورة عليهم
ج- بعض السيارات يتراجع (يريوس) إلى الشارع الرئيسي للخروج من المواقف:anger1:
د- انصراف الكثير من الأبناء عن المشاركة في عرضات قبائلهم فرأينا بعض العرضات تتكون من عدد قليل من الناس مما فوت عليهم فرصة الاجتماع و قلل فرصة التعارف على باقي أفراد القبيلة أو تجديد التعارف و توثيق عرى التواصل و الإخاء و التكاتف:telephone:

و في الأخير رسالة شكر عميق للاخويا و لوزارة الداخلية على تنظيم الدخول و الخروج إلى الكورنيش و ذلك بهدف المحافظة على أرواح ابنائنا و أرواحنا في مناسبة جميلة مثل هذه.:)

و كل عام و الجميع بألف ألف خير ،، مع الشكر أخي الكريم لطرح هذا الموضوع
و سامحوني على الإطالة :shy:

[× الجــوري ×]

هلا وغلا .. بالجوري .. ياخي انت 10/10
:nice:

شاكرلك مرورك العطر

:nice:

هلابك :(

[QatarLady]

الإخوان كفوا ووفوا

بس عندي نقاط اضافية :

من الإيجابيات :

البقش التي توزعت في المدارس مع ان بعض عيالنا ماخذوها كاملة

بس فعلاً شي جميل ان نشوف الكل لابس شعار

اليوم الوطني على الأقل


وفيه شي انا أعتبره ايجابي وسلبي في نفس الوقت :

اللي هو حافلات كروة اللي خصصوها للعائلات توديهم لمقر العرض العسكري واللي استمتعت

حتى وانا أركبها شخصياً مع زوجي وعيالي وكانت محطوطة في الساحة اللي قدام فندق

شيراتون أغلب الناس ما التزموا فيها وسببوا زحمة كبيرة بسياييرهم صوب البريد وغيره

[خفوشه]

زقرتي ومزاجي........

((السلبيات)) ... < جان قلت من البدايه نبي معاه سب وشتيمه... عشان كل واحد يأخذ راحته....


الايجابيات موجوده
بس للاسف وجود عدد مب قليل من الساقطات والشباب الاهبل ينسي الواحد اي شي حلو


حركات بعض البنات الفاسدة والشباب الي تعوت عليها كوم ..... وحركه الي يرش الرغوه على البنات كوم

تفووووووو على هاي الاشكال (وعلى الي بيدافع عنهم)...








............. ............................................ ........... .............................................

[ضوى]

ماقدر اقول انه في سلبيات لاني مارحت لاي فعالية من الفعاليات

الايجابيات : شفت كل الفعاليات بالتلفزيون وحسيت بفرحة الصغيروالكبير والمراة والرجل وحسيت بوطنية الكل من مواطنين ومقيمين حسيت اشكثر الكل فرحان ومستمتع والله يديم علينا الافراح يارب ولا يجمعنا الا على فرح وطاعة

[الحبتور]

وانا كلامي من كلام اللي سبقوني .. الحريم فاصخين الحيا ومافيهم ذره ادب ولاتربيه ..

الحمدلله اني مارحت ولاوديت عيالي يشوفون هالخرابيط اللي صايره في بعض

الناس الجهله ..وهاي السلبيات ..

اما الايجابيات ..

كان حلو ان نشوف اعلام قطر في كل مكان ..

ومشاركة المدارس في المسيره ..,,واليهال الله يحفضهم كانو منورين المكان ..

وان شاء الله السنه اليايه مانشوف هالمناظر الكريهه واللي ابد ماتمس اهل قطر بشي ..

يعطيك العافيه ..

قلبا وقالبا معاك في الراي ..

[saddawi4ever]

أكبر سلبية

وجود البنات في المسيرة

[بنت ذياب]

أكبر سلبية

وجود البنات في المسيرة

يعني شنو؟؟ مانحتفل :(




انا رحت المسيرة مع ابوي وامي .. :omen2: ..

بس استغرب من بعض البنات اللي يروحون بروحهم .. لين نص الليل بعد :eek5:

صج صج وين اهلهم .؟ محد يسال.. محد مفتكر .. يعني اشدعوه بهاليوم الكل متيمع ..اخوانهم

اعمامهم ماشافوهم ,, ..:eek5:



عموما السلبيات :

مممممممم مثل ماقالوا الاخوان ..


الايجابيات :

ماعندي شي اضيفه بصراحه :p

يعطيك العافيه اخووي زقرتي .. لاهنت

[شاهيناز]

تسلم اخي زقرتي على الموضوع

وكل عام وقطرنا بالف خير

السلبيات

مسيره اليوم الوطني لو علمنا استبيان كان طلعت نسبه القطريين الي حضور المسيره اقل شي
القطري ماستفاد من المسيره ولا عطو الامهات فرصه لمشاهده ابنائهم لان الاجانب صراحه زاحمو القطريين في يومهم لو يسون المسيره في مضمار الشحانيه افضل المكان كبيرومساحات شاسعه

البقشه مازعت بصوره صحيحه وقليل من القطريين استفادو منها

والمسيرات والتجاوزات الي صارت خلت الناس ماتتكلم عن اليوم الوطني لكن عن الانحراف الاخلاقي في المسيرات الله يستر على الجميع


الايجابيات

العرضات مريت على العرضات وانا في طريقي لشحانيه تجهيزات حلوه شفت كبار السن كانو فرحانين فرصه لتقارب العائلي والالتقاء شي رائع
ياليت في تجمعات لبنات العائله

الشعور الوطني يوم الخميس كان اجازه ورحت الصباح فيلاجيو شفت العائلات القطريه الاب والام والاطفال تجمع رائع والاطفال لابسين اشياء تدل على حبهم لقطر

السيارات في الشوارع حلوه زينتهم

اول مره نحتفل بحب قطر بدون فوز العنابي

الله يحفظ لنا قطر واميرنا من كل شر

تسلم اخي زقرتي مره ثانيه

[Amigo]

مع احترامي للجميع

في سلبيات انا ملاحظها من العام

1 - تهميش دور الغاصه (هل البحر) والتركيز على حياة البداوه (والنعم فيهم وفي الجميع).

2 - المكان صغير جدا وزحمه مش طبيعيه والبتان في كل مكان والعوايل مالهم اي مكان.

3 - العرضات كلها قريبه من بعض (تحس انك متخربط وماتدري شالفه).

4 - الاقتصار على وزاره الداخليه والخارجيه (العسكريه بمعنى شامل) مع العلم ان في كذا مؤسسه ووزاره شاركت في نهضه البلد مثل : (قطر للبترول وشركات الغاز - اللجنه الاولمبيه - وزاره الصحه - وزارة التربيه - والخ...) .

5 - المسيره والفعاليات مافيها شي جديد نفس العام عرض عسكري ودرب الساعي ومسابقة
القصيد.

وبث :secret:

[المغروره]

وجود فتيات في أوقات متأخره وسط مجموعة كبيرة من الشباب
وترقصهم ولبسهم للبس الشباب واخذ ارقاام الشباب
ماعاد به حيااا
امحق بنات مالت على تربيتهم
تدرون ليش والله لو على راسها رجال ماسووا جذيه
شوهوااا سمعت بنات قطر المحترمات
مادري وين الامن منهم

[عـ العبيدلي]

السلبيات اكثر من الايجابيات ..
واتوقع الكل يعرفها وما يحتاج اقولها .. انا كنت امشي مشي فالكرنيش واجوف ..
المكان ما يسمح اني اقول شكنت اجوف من ...... والله اكثر يوم قلبي يعورني فيه .. اليوم الوطني ..

اروح استانس اطلع وقلبي محترق ع الي يصييير .. القهر انه يكونون مع اهلهم بعد ..

مررض قسم بالله مرررض

[بنت ابوها 19]

تمنيت انه يكون الاحتفال بشكل حظاري اكبر


لكن للاسف في حركات صارت بالمسيره وضحتلي انه مازالو في ناس جنغل

بخصوص البنات
ودي اكتب مقال كامل فيهم
لكن احترام للبقيه راح اتجاوز هل الشي
لانه بصراحه في بنات بلا اخلاق :(

معقوله اشوف فوق ست سياير ورا بعض وكل سياره متروسه توقعت انه شباب
لكن للاسف طلعت هل السياير كل ابوهم بنات لابسين اغتر ومتلثمين الي يشوفهم يقول حشى شباب
صج مسخره وقلت ادب وحركات وقحه طلعت من البعض


سمحلي ياخوي ع الصراحه
لكن هل الكلام الي بخاطري وقلته

[doha1]

طبعا السلبيه كانت في سوء التنظيم يعني مش معقووله محذفين خلق الله في كل صوب

اللي واقف عند البدع واللي عند البريد

احس من الزحمه اعتفسوا شوي وخاصه المسيره بعد

لكن اذا جينا حق مواقف المسيره فحدث ولاحرج

ماانشاف فالمسيره تعجز عنه الاعين

بصراحه رقص ومصخره من شباب وبنات واغاني مالها خص فاليوم الوطني

اقول حق واحد شغل عرضه ولا شي يقولي مهب وقته

قهرني والله وبنات 7 لابسين غتر متلثمين لا تشوفني وتسلم عاد خربتها كبيت ع وجهه من القهر

لين اطلعت من المسيره حرتني والله شنو هذا

وقفت عند اشاره الا جمبي موتر مشحون حريم عسى الله يهديهم رقص وحاله ولا مفتكرين فيني خير شر

والله اشياء كثيره كثيره والشباب ماخلوا سياره مارشوا عليها

لكن عدا اليوم ع خير الله يستر بس

والترقم ببيزه والحاله حاله

هذا اللي اقدر اقووله بس

[غروب الشمس]

كل اللي خاطري اقوله الشباب والبنات قالوه بالتمام والكمال الله يسامحهم هالشباب بالكورنيش كله منهم حنيت على ريلي يودينى نشوف مع اليهال كلوا جبدي يبون يطالعون ولما وافق رحنا الا نشوف الهوايل من الجنسين ولع ريلي نار وعصب وطلع من بدايه المسيره وتم يتكلم ويتكلم لين وصلنا البيت الله يهديهم

[ام الحنايا65]

انا بصراحه كنت مسافر وصلت امس الساعه 8 ومن دخلت الدوحه دخلت الفرحه في قلبي من شفت الاعلام القطريه والعرضات في كل مكان وكانت البهجه تعم البلد
الله يديم عزج ياقطر كانت قطر عروس شفت عرسها وانا في الطياره تمنيت لوكانت عندي كميره جان صورت
المنظر الجميل من فوق فعلا قطر كانت امس عروس

[سمو]

اسبوع قمة الروعة ما اعرف اوصف احساسي فيه ما تمنيت يخلص سواء الفرح الي في الشوارع او في البيت عيالي الله يحفظهم مشغلين سي دي العرضه محتفظين به من العام وكل شوي يرزفون.. ونهاية مؤسفه بمعنى الكلمة يعلم الله من القهر طار النوم من عيني البارحة

^^
كانت فضفضه

الإيجابيات ..الفعاليات كان أبرزها درب الساعي والمسير الوطني والألعاب الناريه وهالثلاث كانوا على مستوى وتنظيم عالي وتمنيت يكون فيه فعاليات للسفن في البحر من بداية الأسبوع مثل توقيت درب الساعي

دور لخويا كان يبيض الوجه خصوصا صباح الجمعة

والله إجابيات وايد تحية ودعاء من قلب كل من يعيش على هالأرض لكل إلي ساهموا في فرحتنا في هاليوم من أعلاها راس لين أطفال المدارس الي شاركوا حتى الشباب ونسونا بزينة سيايرهم ( أقصد بالشباب عيال الريايل الكفو الله يبيض مهب إلي ...)

السلبيات

البقش الي توزعت ع المدارس صار فيها توزيع عشوائي وعن نفسي عيالي ما حاشهم شي بس أشوى إنها جاتني هديه وشافوها والمفروض تتوزع ع العوائل القطرية فقط من قبل اللجنه المنظمة عند مدخل السيارات صباح المسير يعني الي قايمين هم وعيالهم من الغبشه

الكراسي عددها قليل وما كفى العدد الكبير ..وشفت عجايز وشيبان واقفين والله عورني قلبي عليهم فالمفروض فيه سيارات مثل سيارات الجولف لنقل كبار السن لأماكن مخصصه

استغربت من زيادة الدخان هالسنه إلي طلع من الجراخيه هل السبب الأحوال الجويه او شنو ؟؟؟

مممممم حركات البنات والشباب ما أبغي اتكلم عنها وأقلب المواجع زود الكل قال ونحتاج وقفة رجال مخلص في حب قطر حتى يتصدى لها ..وإلا على الدنيا السلام

الف شكر زقرتي ع الموضوع كان ودي أطرحه بس عمرك طويل إن شاءالله

السموحة ع الإطاله

عدد الكراسي قليل

[الطيبة كلها]

بعلق وعارفه ان الصراحه بمنتدانا لها حدود اما بيحذفون مشاركتي اما بيسكرون الموضوع تبون الصراحه اوكي :secret:

الايجابيات الفرحه الي عمت على كل شخص قطري الكل معبر بطريقه حلوه بالسيارات وصراحه دافعين وايد لتزيينها الصورة الوحده اللي على جنب واحد من السياره اما ب150 او 170 وفي الاخير احرموهم من الفرحه امنعوهم من الكورنيش ومن شوفه الالعاب الناريه خلوها للهنود وعوايلهم والانجليز وشفت هاي الشئ بعيني اول ما خلصت الالعاب الناريه والا اشوف النازحين من الهنود والانجليز طالعين من الكورنيش شافوا واشبعوا والقطريين المساكيين اللي معدلين ومزيين السيارات وويا عيالهم بالزحمه برع وبعيد عن الكورنيش بالله سؤال من يعني اللي بيسوي المسيرة وبسياراتهم طبيعي انهم اهل البلد القطريين طيب ليش يمنعونهم من الفرحة

منظر البنات الآرف اللي يترقصون وهم واقفين بالسيارات اقصد طالعين من فتحه السياره يترقصون لا شيله ولا عبايه بالنطلونات والقمصان الضيقة واللي يسوق شاب قطري بين الالاف الشباب والله سخنت ومت من القهر ما قدرت صرخت عليهم يا سودات الوجه ما ادري اسمعوني والا لا وحتى شباب جنبي كانوا يصرخون عليهم عيب يا بنات ادخلوا السيارة تمنيت هاالشباب يضربونهم بالنعال وعلى فكره كلمت شرطي وقتله لو هذا العلم له معنىواحترام روح لهالبنات وهاوشهم يشوهون سمعه بنات قطر للاسف يبتسم ويقول حركوا السياره امحق وين الشرطه عنهم الله بالخير

والزحمه تدرون ليش لان 3 او 4 سيارات لشباب صغار يوقفون سيارتهم وينزلون رقص بالشارع والعالم وراهم بالزحمه ما يدرون بالسالفه وين الشرطه ما يوزعون بجوانب كل شارع كم شرطي للتحكم بالمسيره وين الشرطه الله بالخير

والشباب اللي قاعدين وواقفين فوق السيارات صج خطر بكل معنى حتى الاطفال والله شفتهم بعيني وين الشرطه الله بالخير



اخيرا كلمه حق وتبغون صراحتي اللي الالاف من الهوله ماقادرين يعبرون عنها :anger1::anger1:


لما يكون هناك عرضات للقبائل فقط ما معناه الهوله مب من شعب قطر ونفديها بعيونا وارواحنا
طيب ايش شعورنا محد فكر ليش التفرقه والعنصريه احنا نفس الدين والعادات والتقاليد رفعنا الاعلام وشاركنا بالمسيره ولبسنا عيالنا وحطينا الاغاني والعرضات الوطنيه صار لنا اسبوع واحنا بعيالنا يوميا بشوارع الكورنيش
بس حاسين بتفرقه وقلبنا يعورنا :weeping:- ما يذكرون بالجرايد والتلفزيون الا : عرضات القبائل - مشاركه ابناء القبائل اااااالخ

واحنا مب قطريين :eek5: حاسه بغصه اخيرا بقولها احنا قطرييييييييييييييييييييييييييييييييييييييييييين:ni ce::nice: سواء حد ذكرنا او لا احنا من قطر واهلها نحبها ونفديها بدمنا وارواحنا واعيالنا

عاشت قطر واميرها والله يحفظ بلادنا وشعبها:nice:

[السيف5]

الجميع ماقصروا قبلي من ذكر كثير من الايجابيات والسلبيات

واكبر السلبيات الموجودة هو قصور الجانب الأمني من قبل وزارة الداخلية وكأن دورها

فقط رصد المخالفات المرورية ونسوا المخالفات الاخلاقية

[الدمعه]

بالنسبه للبقشه ماشفنا منها الاالفانيله ح بنتي اللي في خامس وبنتي اللي في اول

عطوها مااعرف اسمه نفس النيره عليها نقشه الشعار ..وولدي عطوه الدبوس ..

اما العقود ومادري شنو كان في البقشه ماحاشنا منها شي ..المفروض ان اللجنه

هي اللي توزع هالبقشه على القطريين فقطططط .. استغربت يوم رحت المدرسه ان

الاجانب هم اللي لابسين العقود والقطريات محاشهم شي ..يعني من سبق لبق ..

والله كنت احسبهم شارينه دش في خاطري .. اقول لها من وين تقول موزعينه علينا .. :eek5:

[ملسونه]

والله كان حلوو مشالله

بس السلبيات المسيره والمصخره الي صارت

وكان خاطري فالبقشه وقطري الله يهداه ماوفرها لنا

[ضوى]

اخيرا كلمه حق وتبغون صراحتي اللي الالاف من الهوله ماقادرين يعبرون عنها

اختي الطيبة كلها ، هاي الكلمة وايد شدتني ، لانه من كم يوم قبل الاحتفالات جاتني حماتي تقولي قريت شئ استغربت منه سالتها شنو قالت لي في القبيلة الفلانية مسوين عرضة ، قلت لها يعني شنو .؟؟ وين المشكلة والله عادي ولا في اي شئ قالت لي لا بس استغربت فكرت الموضوع حكر على القبايل !! قلت لها وليش اهل الباقي مب قبايل ويعتزون باصلهم ونسبهم وقطريين وينتمون لهالبلد ؟؟ واصلا انتمائهم الوطني رائع ويدل على التلاحم بين شعب قطر كلهم .
اذ بخصوص الجرايد اختي الطيبة خذي وخلي ، ولا تشيلين بخاطرج ، انتمائنا مابينقص لو كنا هولة اصلا الهولة عرب اقحاح ومعروفين وكونهم من عرب فارس فهذا ماينقص من قدرهم شئ ، وفي النهاية انا شخصيا مايهمني قبايل والا هولة اللي يهمني انه عربي مسلم وقطري بالنهاية ولائه الوطني والسياسي راح يكون للبلد اللي عطته من خيرها
واسفة اذا شطحت عن الموضوع بس حبيت اخفف عن اختي الطيبة الحدة اللي هي فيها

[دلة الرسلان]

بعلق وعارفه ان الصراحه بمنتدانا لها حدود اما بيحذفون مشاركتي اما بيسكرون الموضوع تبون الصراحه اوكي :secret:

الايجابيات الفرحه الي عمت على كل شخص قطري الكل معبر بطريقه حلوه بالسيارات وصراحه دافعين وايد لتزيينها الصورة الوحده اللي على جنب واحد من السياره اما ب150 او 170 وفي الاخير احرموهم من الفرحه امنعوهم من الكورنيش ومن شوفه الالعاب الناريه خلوها للهنود وعوايلهم والانجليز وشفت هاي الشئ بعيني اول ما خلصت الالعاب الناريه والا اشوف النازحين من الهنود والانجليز طالعين من الكورنيش شافوا واشبعوا والقطريين المساكيين اللي معدلين ومزيين السيارات وويا عيالهم بالزحمه برع وبعيد عن الكورنيش بالله سؤال من يعني اللي بيسوي المسيرة وبسياراتهم طبيعي انهم اهل البلد القطريين طيب ليش يمنعونهم من الفرحة

منظر البنات الآرف اللي يترقصون وهم واقفين بالسيارات اقصد طالعين من فتحه السياره يترقصون لا شيله ولا عبايه بالنطلونات والقمصان الضيقة واللي يسوق شاب قطري بين الالاف الشباب والله سخنت ومت من القهر ما قدرت صرخت عليهم يا سودات الوجه ما ادري اسمعوني والا لا وحتى شباب جنبي كانوا يصرخون عليهم عيب يا بنات ادخلوا السيارة تمنيت هاالشباب يضربونهم بالنعال وعلى فكره كلمت شرطي وقتله لو هذا العلم له معنىواحترام روح لهالبنات وهاوشهم يشوهون سمعه بنات قطر للاسف يبتسم ويقول حركوا السياره امحق وين الشرطه عنهم الله بالخير

والزحمه تدرون ليش لان 3 او 4 سيارات لشباب صغار يوقفون سيارتهم وينزلون رقص بالشارع والعالم وراهم بالزحمه ما يدرون بالسالفه وين الشرطه ما يوزعون بجوانب كل شارع كم شرطي للتحكم بالمسيره وين الشرطه الله بالخير

والشباب اللي قاعدين وواقفين فوق السيارات صج خطر بكل معنى حتى الاطفال والله شفتهم بعيني وين الشرطه الله بالخير



اخيرا كلمه حق وتبغون صراحتي اللي الالاف من الهوله ماقادرين يعبرون عنها :anger1::anger1:


لما يكون هناك عرضات للقبائل فقط ما معناه الهوله مب من شعب قطر ونفديها بعيونا وارواحنا
طيب ايش شعورنا محد فكر ليش التفرقه والعنصريه احنا نفس الدين والعادات والتقاليد رفعنا الاعلام وشاركنا بالمسيره ولبسنا عيالنا وحطينا الاغاني والعرضات الوطنيه صار لنا اسبوع واحنا بعيالنا يوميا بشوارع الكورنيش
بس حاسين بتفرقه وقلبنا يعورنا :weeping:- ما يذكرون بالجرايد والتلفزيون الا : عرضات القبائل - مشاركه ابناء القبائل اااااالخ

واحنا مب قطريين :eek5: حاسه بغصه اخيرا بقولها احنا قطرييييييييييييييييييييييييييييييييييييييييييين:ni ce::nice: سواء حد ذكرنا او لا احنا من قطر واهلها نحبها ونفديها بدمنا وارواحنا واعيالنا

عاشت قطر واميرها والله يحفظ بلادنا وشعبها:nice:

صباح الخير أختي الكريمة أنا فعلا سعيدة جدااااااا بمشاركتك وصراحتك و بعلق على ما

كتبتيه باللون الأحمر .

لا ينكر دور الهولة في قطر الا جاهل او مكابر وهم جزء مهم من نسيج البلد الذي نشترك

جميعا في نسج خيوطه سواء كنا بدو او حضر سنة او بحارنة وهذا ما يفترض بنا أن نتذكره

ونستذكره في اليوم الوطني أننا جميعا ابناء قطر .

لماذا لم تساهم عوائل الهولة الكبيرة في اقامة احتفالات باسمائهم ؟؟ اكاد اجزم أن معظمهم

يجيد الرزيف ويملكون ما يغطي الاحتفالات ما اعتقد الحكومة امنعت حد .

اقامة احتفال للقبائل هي مشاركة من الشعب لا تعني بالضرورة حصر المواطنة في هذا النطاق

الضيق .

[هتـان قطر]

اختي الطيبة كلها..اثرتي نقطة حساسة ومهمة..

بالامس كنا نتناقش عن العرضات وعن ما صاحبها من سلبيات

وحساسيات بين القبائل وبين افراد القبيلة الوحدة كذلك,,

اصبحت المنافسة والمقارنة واضحة ..يحق للكل ان يفخر باصله وبنسبه

ولكن يجب ان نضع حب قطر وولائنا لقطر نصب اعيننا

اتمنى السنة المقبلة ان يجتمع رجال قطر حضر وبدو وهوله في ساحة عامة

يتم تخصيصها وياليت لو كانت عند قلعة الوجبة..او داخلها ويتم تجهيزها من الان

وبالاخير ..كلنا قطر ووسعي الصدر وانا اختك

[بو الجوري]

الــسلام عليــكم

السلبيات أكثر من الإيجابيات وأقولها بكل صراحة

1- إستهتار الشباب بأرواحهم

2- الترقص في الشوارع من قبل شباب صغار وهذا بحد ذاتة أمر خطير

3- التحرش بالعوائل والبنات في الكورنيش

4- المبالغة في الأفراح لدرجة الإزعاج حتى الفجر

5- وجود فتيات في أوقات متأخره وسط مجموعة كبيرة من الشباب

6 - إخفاء لوحة السياره وقطع الإشاره وهي حمراء

7 - مباهات القبائل في مابينهم من خلال نحن الأكبر ونحن الأكثر عددا

8 -إنتشار الأوساخ في كل شوارع الدوله

9 - سقوط الأعلام القطرية في كل مكان دون أن ترفع

كفيف و وفيت :.. نفس السلبيات اللي في بالي تقريباً :..

الله يهديهم بس :..

[بو الجوري]

لماذا لم تساهم عوائل الهولة الكبيرة في اقامة احتفالات باسمائهم ؟؟ اكاد اجزم أن معظمهم

يجيد الرزيف ويملكون ما يغطي الاحتفالات ما اعتقد الحكومة امنعت حد .

.

أكيد الحكومه ما تمنع أحد :.. وإذا ودهم يسوون :.. خلهم يسوون :..

[biz-qtr]

موضوع حلو .. وتوقيته :nice:

الايجابيات .. يوم من جد مميز وحلو تشوف الكل مشتط فيه من عجايز وشباب ويهال .. سوو جو الصراحه والكل احتفل حتي درويلنا يحليله :)

- قناه الدوحه عجبتني الصراحه .. وبرامجها الحلوه ..

السلبيات :

- حركات البنات البطاله ووجودهم بدون حسيب ولا رقيب هياته لين نص الليل ..
واللي لابسه قناع واللي فاتحه الدريشه تسالف مع اللي احذاها واللي ترش وتضحك واللي لابسه نظاره شمسيه فليل يابلفيت محد بيعرفها .. ولثمه ..

- والشباب بس يشوفون وحده فالسياره بنت يتعدون حدودهم معاها .. عطتهم وجهه او ما عطتهم .. والله عيب

[القلم الصريح]

اذا كل سنه بتصير نفس هالمسخره اللي العام الماضي والسنه صارت مانبي هالعيد ياليت يلغونه ابرك من اللي شفناه من الوقاحه وقلة الادب والمسخره اللي صارت بين الجنسين ،
والايجابيات موجوده بس بشكل محدوده اما السلبيات طغت على الايجابيات لو اعطيها نسبه :
30% ايجابيات
70% سلبيات
اولا : من الناحية التنظيميه ماكانت موفقه اللجنيه المنظمه لمهرجان العيد الوطني نفس السيناريو العالم الماضي سوه هالسنه مافي ابتكارات وافكار جديده ، المفروض مب بس تشارك كل الفرق العسكريه لان اهل قطر مب كلها عسكريين ، وين دور ابهاتنا واجدودنا القداما من مساهمتهم في نهوظ الدوله القديما اللي كانوا يعملون فالبترول وفي الحفر وهل البحر فالغوض وتجارة اللؤلؤ واصحاب المهن الحرفيه القديمه من القلاقه والحداده والصاغة و ساهموا في الطفره الحديثه للدوله من مهندسين واطباء وطياريين السفراء والرياضيين ،

ثانيا : يفترض تخصيص ساحه او انشاء مدرج ( استاد) اسوة بالدول المجاورة لااي احتفال او مناسبه وطنيه مقبله مب يسوه عالكرنيش اللي ضايق الكثير من اللي راح من ناحية قلة الاماكن والمقاعد ومافي مواقف منظمه

ثالثا : بخصوص المسيرات اللي دايما تصير على الكرنيش مما يؤدي الى اغلاق شارع الكرنيش وشلة نهائيا مما يؤدي الى تعطل مصالح الناس من مواطنيين ومقيميين وزوار للبلد للوصول الى الفنادق مقر اقامتهم او المجمعات التجاريه للتسوق او قاعات الافراح اللى عندهم اعراس ذاك اليوم او التنزه على الكرنش او الحدائق ،
اقترح بعمل مسيره ( سيارات ) منظمه من الداخليه والخويا للسيارت وتنطلق من كرنيش الدوحه ومرورا بكل مناطق الدوحه والمدن والقرى قطر كلها حتى لو توصل الى حدود بوسمرة ( من الشمال الى الجنوب ) حتى يتوزع الاحتفال في كل انحاء قطر (تكاتف كل المدن والقرى) مو بس عالكرنيش ويخف الضغط عليه وتقدر الناس والعوائل تطلع للتنزه وتشارك في فعاليات اليوم الوطني

وبخصوص السلبيات ماقصروا الاخوان كفوا ووفوا كلهم ذكروا المسخره اللي صارت

[الشمالي111]

اللي اشوفه غلط انه تبدل اسمه من يوم وطني لعيد وطني وهذا مايجوز لن السنه فيها عيدين ويجب تسميته يوم وطني

والله يستر على الجميع

[الغريب3]

الــسلام عليــكم

السلبيات أكثر من الإيجابيات وأقولها بكل صراحة

1- إستهتار الشباب بأرواحهم

2- الترقص في الشوارع من قبل شباب صغار وهذا بحد ذاتة أمر خطير

3- التحرش بالعوائل والبنات في الكورنيش

4- المبالغة في الأفراح لدرجة الإزعاج حتى الفجر

5- وجود فتيات في أوقات متأخره وسط مجموعة كبيرة من الشباب

6 - إخفاء لوحة السياره وقطع الإشاره وهي حمراء

7 - مباهات القبائل في مابينهم من خلال نحن الأكبر ونحن الأكثر عددا

8 -إنتشار الأوساخ في كل شوارع الدوله

9 - سقوط الأعلام القطرية في كل مكان دون أن ترفع

اخوي ان معك في كل الي ذكرتا وصدقني صارة اشياء وايد اعبر لدرجة انه الواحد يتمنى انه مايكون فيه يوم وطني ومن ضمن الاشياء الي ايدك فيهم نقطه رقم (7)العرضات الي تسبب النعره القبليه وتسبب التفاخر والتعالي بين كل قبيله وقبيله وفوق هذا المنازعات بين الفخايذ في القبيله الوحده مثل ماحصل مع بعض القبائل تفرقوا في هذا اليوم .
كما ايدك بخصوص الفوضه الي صارة في الكرنيش وصدقني لو اني محل وزارة الدخليه لا امن الخربطه والفوضه الي ماتمس بصله نهائين حق شعار اليوم الوطني

[بوغزلان28]

انا واحد بصراحه رحت وشفت لي موقف وتندمت اني دشيت الكورنيش بالليل ورديت ع طول , هاااااااي اول مره عيني تشوف هالموقف ابنيه اذا ما خاب ظني ابوها يسوووق وبنته طالعه من الدريشه وفاله الشعر واترقص واتسوي حركات مع الشباب

[منقاش]

سؤال يطرح نفسه ... من متى وحنا بقطر انعرف شي اسمه يوم وطني !! ؟؟

[no0no087]

انا اول شي راح ابدا بالايجابيات
أحلى شي صراحه يوم نشوف سياير الشباب وهي مزينه واعلام قطر مرفوعة وفرحة اهل قطر وصج كان ذاك اليوم يوم فرحه ماتنوصف ..

والسلبيات يامكثرها
يعني جد في ناس وقحه الا اوقح من الوقاحه وماعتقد ياشباب ويابنات انكم فخر لأهل قطر لان قطر ماتتشرف بهالاشكال صراحه يعني والله شي يهز بالخاطر يوم تشوف بنات وشباب بلادك يسوون جي وين الاحترام والأدب وبعدين صراحه العتب ع الاهالي ول في عيلة محترمه تخلي بناتهم بروحهم ف الشوارع لي نصايف الليل صراحه ماعمرنا سمعنا عنها
صراحه ماعرف شقووول لان الحره اللي بقلبي اكثر من اللي قاعده اكتبه وماعرف شقووول واللي سبقووني ماقصرووا

بس عني نقطه في وايد ناس معترضين ان الاجانب يحتفلون ويانا
ليش شي يضايقكم يوم تعرفون ان هالاناس اللي تشتغل اهني سواء اجانب او غيرهم ع الاقل يكون فيهم وفا لهل البلاد وبالعكس دام انهم ساكنين ع هالارض من حقهم يحتفلوون ويعبرون عن فرحه كم تسوى يوم تجوف هندي هاللي مستهزء فيه ماسك علم وواقف ومستانس

اخر شي والله للأسف أن هالاخلاق تطلع من عيال هل قطر والله حرام،، ع الاقل فكروا ف سمعه البلاد يعني الواحد يوم يقول انا قطري او قطرية يفخر بهالشي مب يسمع الناس يقولون اي هذول عيالهم فيهم وفيهم ..

والسمووووووحة..

[!الشايمه!]

واضح ان الايجابيات تزيد...سنه عن سنه

هالسنة....كان دور المدارس طيب في المشاركة في الفعاليات..
ودورهم في زرع التراث في الطلاب...مثل مسابقات العرضات وعد القصيد..
وابراز اهمية هذا اليوم..

قناة الدوحة....الثوب الاجمل والجديد للقنوات المعبرة عن قطر......


بالاضافة الى ماذكره الاعضاء اللي سبقوني...


.........

واضح ان السلبيات قليلة ....سؤ التنظيم...... سبب زحمة....
وحله بالالتزام من الجميع...مع اهمية دور الأمن اللي بصراحة تعبوا من
مخالفات الكثيرين...


اما اللي صار من البعض في الكورنيش واللي يصير كل سنه....في الاخير هي تصرفات فرديه....
ولكن تحتاج الى تشديد من الأمن.....على الاقل اخذ ارقام السيارات او تحذيرهم
قبل الاحتفالات ان هناك بتكون غرامات لمن يتسبب بهذه

الفوضى او هذه السلوكيات......

حلها والله بسيط....بس الله يهديهم محد يبي يتحرك...

الكل يبي يستانس بهذا اليوم.....ومايخلي هالحالات الشاذة.....تخرب هذي الفرحة..

........

هناك سلبية برزت للأسف هذه السنة...

عرضات القبايل هي مصدر للفخر بالتراث والمشاركة في الفرحة في هذا اليوم...

البعض لعب فكرة ساذجة....وهي الاكبر يعني الاكثر ولاء....والكلام والردود الغير
عقلانية واللي سببت في النفوس شئ غير مطلوب....

هذه سلبية المفروض الكل يعرض عنها.....لانها ماتنمي الروح الوطنية في هذا اليوم

بقدر ما تسبب الفرقة بين ابناء هذا البلد....اللي المفروض يكونون كلهم على
قلب واحد في هذا اليوم....




تحية

[نااااني]

بالعكس والله وناسه طول السنه واحنا نظامين وما شين عدل خلنا نحس في هاليوم بشي مو طبيعي وانا من الناس اللي انرشيت برغوه حتى امي العجوز رشوهاااااااااااااااااااااا
هههههههههههههههههههههههههههههههههههههههههههههههههه هههههه

[شيزكيك]

الصراحه احلى شي الاحساس بان الكل فرحان كبير وصغير قطري عربي اجنبي

والكل لابس الشعار صج صج روعه

وبعد العرض العسكري كان روعه ومنظم

والالعاب الناريه شفناها في التلفزيون شكلها روعه

الكورنيش كانه عروس بالاضاءات الحلوه


السلبيات

ما ادري قريت بعض الردود تذم الي صار في المسيره الي في الليل بس ما ادري عنهم

[alyaf3i]

اولا نقول بارك الله فيهم جميعا - كل من ساهم في ابراز هذا اليوم العظيم في نفوسنا جميعا

ونشكرهم على كل ما قدموه من برامج وانشطه خلال هذا اليوم والشكر موصول لكل ابناء قطر الذين اسهموا في اشاعة الفرحه والبهجه والسرور في نفوسهم اولا وفي نفوس الاخرين

ومن الاشياء التي كنت اتمنى حصولها هو مشاركة الكشافة القطريه بمنتسبيها من اشبال وزهرات ومرشدات وكشافه في الكرنفال الكبير الذي اقيم في كورنيش الدوحه

كنت اتمنى من اللجنه المنظمه ان تشرك الكشافة القطريه التي كانت دائما عنوان لكافة المشاركات في قطر خلال تاريخها الطويل -
تجاهل الكشافة وعدم منح الفرصه لمنتسبيها كانت غصه في نفوس الجميع

هذا الشيء الذي اردت الحديث عنه فقط والباقي بيض الله وجيه الجميع على ما قدموه من جهود رائعة ومخلصة

[بنت العلي]

الصراحة انا اشوف لو حطوا منصات على طول الكرنيش عشان الناس تقدر اتشوف وهي قاعده اريولنا تكسرت من الوقفه كفاية المسافة اللي مشيناها والمشكلة ان العزاب الاسيويين مخربين علينا يدخلون من بيننا ويتلصقون فينا والله ضايقونا واايد يومها ما قدرنا انشوف شي ....

[المهندس عبدالعزيز]

السلبيات هي الاتي:

1) الزحمة الغير طبيعية التي حدثت في الكورنيش مما أثر على مصالح الناس

2) هناك عدد من العائلات من المعروف بأنها ليس من موروثها التاريخي الاهتمام بالعرضة (الرزيف) ، وهي أصولها من مناطق جغرافية معينة لها فلوكور وارث تاريخي مختلف ، والسؤال هنا لماذا؟

3) النعرات القبلية حدثت ...

[Qatarianes]

المضحك في الموضوع العائلات الي داخله بنص مسيره شبابيه 100% وتتسبب عليهم
الي محترم نفسه ماراح يروح مسيره مثل هذي.. الي ينقال لهم عائله محترمه ماتشوفها بين شباب جذي ويترقصون على اغاني ولا مبطلين درايشهم وضحك فويوه الشباب