.. كم مرّة تعرّضت للموت ؟ )

[شيط ويط]

http://media.al-khoei.org/catalog/images/almaoot.jpg



في حياتنا الكثير من المواقف والحوادث التي نواجهها .. منها ما يجلب لنا (الفرح) ومنها ما يسبب لنا (الأحزان) ..وهناك مواقف تمثل بالنسبة لنا نوع من (الصدمه) .. البعض منها يكون متوشحا ( بالألم ) .. والبعض الآخر يشكل نقاط تحول (حقيقية وحاسمة) في مسار حياتنا ..!!

كثيرا ما نتعرض للحوادث في حياتنا اليومية .. ربما في حلنا .. وقد يكون في ترحالنا .. قد تكون هذه الحوادث بسيطة لا نتوقعها ولا ننتظرها لكننا نؤمن بالشي الذي تحمله .. الا وهو (الموت) .. فهذه الحوادث قد تكون (مميتة) .. فعندما تحدث لنا .. فإنها تحمل معها (الحد) الذي يفصل الشعرة بين (بقائنا) او (مغادرتنا) لهذه الحياة إلى الحياة الآخرى .!

هناك مواقف لا تفصلنا عن الحياة والموت سوى لحظات تكون اقرب من انفاسنا الى نبضات قلوبنا .. الا أن تدبير الله وحكمته - القادر على كل شي - تجعلنا ننجو من هذه المواقف .. ومثل ما يقال بالعامية (انكتب لنا عمر ثاني) .. السؤال المطروح الآن :

كم مّره (تعرّضت) للموت .. لكنك بفضل الله وحكمته وقدرته نجوت ؟؟

في هذا الموضوع .. نحاول كل من خلال إجابته .. ان نسجل (سيرة) للمواقف أو الحوادث - على اختلافها - التي تعرضنا من خلالها للموت ونجونها منها بقدرة الله سبحانه وتعالى .

:)

[حبر سري]

مرحبا ياشيط ويط

بصراحة اذكر مرة وحدة (كان لي تقريبا سنة او يمكن اقل شوي ماخذ الليسن) , وكان اخشن حادث في حياتي , لكن رحمة الله واسعة , وبصراحة ماصدقت نفسي لما شفت ان مافيني شي بفضل الله

اللهم لك الحمد

[بوحارب]

أذكر في سنة 2001 دعمني واحد وهو متسابق وكان يمشي تقريبا 170 او اكثر

وانه كنت في موتري العراوي ( الله يرحمه )

وبفضل الله ما مت بس تكسرت ضروسي واللي معاي ترقد شهر وسولة عملية بس ^ ـ ^

هالكلام صار في الخط المظلم اكيد تعرفة !!

[الرويـس]

قطعت الشارع من غير ما يكون توقيتي صحيح لعبوره
( طبعا وانا راكب سيكلي حجم 20 وفي عمر الزهور :( )
ولولا ستر رب العالمين كان وجهي ماركه مسجلة على شبك الــ ( gmc) :(
ومن قبلها على شبك الـ ( NISSAN) :(

[شيط ويط]

مرحبا ياشيط ويط

بصراحة اذكر مرة وحدة (كان لي تقريبا سنة او يمكن اقل شوي ماخذ الليسن) , وكان اخشن حادث في حياتي , لكن رحمة الله واسعة , وبصراحة ماصدقت نفسي لما شفت ان مافيني شي بفضل الله

اللهم لك الحمد

مرحبتين اخوي حبر سري .. والحمدلله على سلامتك

[شيط ويط]

أذكر في سنة 2001 دعمني واحد وهو متسابق وكان يمشي تقريبا 170 او اكثر

وانه كنت في موتري العراوي ( الله يرحمه )

وبفضل الله ما مت بس تكسرت ضروسي واللي معاي ترقد شهر وسولة عملية بس ^ ـ ^

هالكلام صار في الخط المظلم اكيد تعرفة !!

اينعم اعرفه وهالشارع كان كله حوادث لان الشباب على ذيك الايام مخلينه مضمار للمسابق :rolleyes2:

والحمدلله على سلامتك وسلامة اللي معاك .. و(فدى على رووسكم) بوعروه :)

[شيط ويط]

قطعت الشارع من غير ما يكون توقيتي صحيح لعبوره
( طبعا وانا راكب سيكلي حجم 20 وفي عمر الزهور :( )
ولولا ستر رب العالمين كان وجهي ماركه مسجلة على شبك الــ ( gmc) :(
ومن قبلها على شبك الـ ( NISSAN) :(

الحمدلله على السلامه اخوي الرويس .. بس اشلون قصدك سيارتين كانوا بيدعمونك ؟؟
والا بالفعل سيارتين ادعموك :rolleyes2:

[الرويـس]

الحمدلله على السلامه اخوي الرويس .. بس اشلون قصدك سيارتين كانوا بيدعمونك ؟؟
والا بالفعل سيارتين ادعموك :rolleyes2:

بوويط شفيك :rolleyes2: لا يكون متأثر من المسيرة الأمسية :( اذا صح انك حضرتها !!

قاعد اقول ( لولا ستر رب العالمين :( )

واللي صار طال عمرك ، اني قطعت الشارع الأول (هربا) من النيسان
لأجد شبك بوجماس منتظرني في (الأحضان) في الشارع الآخر :(
غير ان قلبي أبى ذلك الحب المميت :( ، لتتلقفني يدي رحمة رب العالمين

والحمد لله رب العالمين :shy: كوني اليوم بينكم وانور مواضيعكم .

[هذلان]

السلام عليكم

يمكن الواحد يكون قريب جدا من خطر الموت ولا يدري .

بالنسبه لي اعتقد اخط موقفين هم

١- في السعوديه راد الدوحه نزلت سيارتي حصا وانا بدون مبالغه امشي قريب 260 بعد ماطلع شخص قدامي في الشارع و ماكان عندي حل الا اني اقط الموتر برى الشارع ، بحفظ الله انتهى الموقف بدون حادث او اضرار مادي ، لكن الاضرار النفسيه كانت رقاله ماقدرت امشي :nice:

٢- في العزبه و كنت اصب ديزل في خزان مكينه الكهرب من المطاطير الزرق الكبار و كان شخص من اصدقائي اكن له كل احترام و تقدير الا في الحركه هذي ،، كان واقف جمبي يدخن قلت له روح بعيد دخن لانه الخزان كان ناقع ديزل من فوق ... قالي هو لا تحاتي مايصير شي ،، و فجئه عشان يثبت لي طفى زقارته في الديزل الي ناقع على الخزان الي انا واقف عليه :rolleyes2:

[The MooN]

:(:(:(
اكتر موضوع بيجيبلي الكآبة وبحاول ما أتذكرو ولا احكي عنو :(
انا تعرضت لهالموقف مرتين بحياتي وللحظة عقلي ورجاني اني عنجد ميته:(

أول مرة على ساحل البحر الأبيض المتوسط تحديدامدينة اللاذقية، كنت عم اسبح وبعدت شوي وفجأة تغير الجو والبحر هاج وكتييييييييير اني ارجع واصرخ ولكن باءت محاولاتي بالفشل :( بس بقدرة الله اراد ان يعود مركب من جزيرة ارواد (جزيرة تابعة لسوريا) من الارهاق والتعب والخوف لم استطع حتى ان ارفع يدي ليراني:( وشافني ورجعني لأهلي الحمد لله :(

والتاني 16 \12\2009 يوم الاربعاء الماضي وانا راجعة من الدوام ومبسوطة بأجازة يوم الخميس
قبل ان اصل اشارة بين معيذر والريان بقليل وانا على الجهة اليمنى من الشارع وأمي بيكاب
حاولت اتجاوزه لليسار وزودت السرعة عيني عالمراية اليسار والاشاره فاتحة
والا صوت بريكات طالعت قدامي الا البيكاب واقف!! دست البريك بكل ما اوتيت من قوة وبأجزاء من الثانية اشحت بعيني لشوف هل الاشارة سكرت؟؟ بس كانت اول ما بدأت تضيئ برتقالي تتنبيه بتخفيض السرعة :(
ما لحقت ارجع شوف وين صرت من سرعة الحدث،، بس سمعت صوت تكسير وما شفت الا شي أبيـــــــــــــــــــــــــــــــــــــــــــــض

بصراحة ما بعرف كم اخذ من الوقت بس شفت دخان ابيض وريحة كريهة وظننت اني بالعالم الاخر

شوي و الا شب قطري الله يجزيه الخير فاتح الباب ويكلمني وما عم افهم شو عم يقول بس يأشرلي انزل ولما قالي ساعدك؟ رفعت ايدي و قلتلو لأ!!
عرفت اني عم اتحرك ولساتني على قيد الحياة :)

والحمد لله طلعت من الحادث برضوض وأيدي اليمين انكسرت :( والأبيض اللي شفتو طلع الـ Air Bag والريحة منها

وديرو بالكم يا جماعة من السرعة أولا، ومن السواقين الآسيوين ثانيا

ودمتم سالمين

[شيط ويط]

بوويط شفيك :rolleyes2: لا يكون متأثر من المسيرة الأمسية :( اذا صح انك حضرتها !!

قاعد اقول ( لولا ستر رب العالمين :( )

واللي صار طال عمرك ، اني قطعت الشارع الأول (هربا) من النيسان
لأجد شبك بوجماس منتظرني في (الأحضان) في الشارع الآخر :(
غير ان قلبي أبى ذلك الحب المميت :( ، لتتلقفني يدي رحمة رب العالمين

والحمد لله رب العالمين :shy: كوني اليوم بينكم وانور مواضيعكم .

اها الحين وضحت الصوره .. والحمدلله على سلامتك الشيخ .. تكبر وتنسى :nice:

[شيط ويط]

السلام عليكم

يمكن الواحد يكون قريب جدا من خطر الموت ولا يدري .

بالنسبه لي اعتقد اخط موقفين هم

١- في السعوديه راد الدوحه نزلت سيارتي حصا وانا بدون مبالغه امشي قريب 260 بعد ماطلع شخص قدامي في الشارع و ماكان عندي حل الا اني اقط الموتر برى الشارع ، بحفظ الله انتهى الموقف بدون حادث او اضرار مادي ، لكن الاضرار النفسيه كانت رقاله ماقدرت امشي :nice:

٢- في العزبه و كنت اصب ديزل في خزان مكينه الكهرب من المطاطير الزرق الكبار و كان شخص من اصدقائي اكن له كل احترام و تقدير الا في الحركه هذي ،، كان واقف جمبي يدخن قلت له روح بعيد دخن لانه الخزان كان ناقع ديزل من فوق ... قالي هو لا تحاتي مايصير شي ،، و فجئه عشان يثبت لي طفى زقارته في الديزل الي ناقع على الخزان الي انا واقف عليه :rolleyes2:

وعليكم السلام هلا اخوي هذلان .. في كل الاحوال الحمدلله على سلامتك .. ولو عندي تحفظ على السرعه اللي تمشي فيها 260 :rolleyes2: ارحم حالك

وبالنسبة للنقطة الثانية لا تعليق :rolleyes2: صديقك ذا يبيله ذبح

[شيط ويط]

:(:(:(
اكتر موضوع بيجيبلي الكآبة وبحاول ما أتذكرو ولا احكي عنو :(
انا تعرضت لهالموقف مرتين بحياتي وللحظة عقلي ورجاني اني عنجد ميته:(

أول مرة على ساحل البحر الأبيض المتوسط تحديدامدينة اللاذقية، كنت عم اسبح وبعدت شوي وفجأة تغير الجو والبحر هاج وكتييييييييير اني ارجع واصرخ ولكن باءت محاولاتي بالفشل :( بس بقدرة الله اراد ان يعود مركب من جزيرة ارواد (جزيرة تابعة لسوريا) من الارهاق والتعب والخوف لم استطع حتى ان ارفع يدي ليراني:( وشافني ورجعني لأهلي الحمد لله :(

والتاني 16 \12\2009 يوم الاربعاء الماضي وانا راجعة من الدوام ومبسوطة بأجازة يوم الخميس
قبل ان اصل اشارة بين معيذر والريان بقليل وانا على الجهة اليمنى من الشارع وأمي بيكاب
حاولت اتجاوزه لليسار وزودت السرعة عيني عالمراية اليسار والاشاره فاتحة
والا صوت بريكات طالعت قدامي الا البيكاب واقف!! دست البريك بكل ما اوتيت من قوة وبأجزاء من الثانية اشحت بعيني لشوف هل الاشارة سكرت؟؟ بس كانت اول ما بدأت تضيئ برتقالي تتنبيه بتخفيض السرعة :(
ما لحقت ارجع شوف وين صرت من سرعة الحدث،، بس سمعت صوت تكسير وما شفت الا شي أبيـــــــــــــــــــــــــــــــــــــــــــــض

بصراحة ما بعرف كم اخذ من الوقت بس شفت دخان ابيض وريحة كريهة وظننت اني بالعالم الاخر

شوي و الا شب قطري الله يجزيه الخير فاتح الباب ويكلمني وما عم افهم شو عم يقول بس يأشرلي انزل ولما قالي ساعدك؟ رفعت ايدي و قلتلو لأ!!
عرفت اني عم اتحرك ولساتني على قيد الحياة :)

والحمد لله طلعت من الحادث برضوض وأيدي اليمين انكسرت :( والأبيض اللي شفتو طلع الـ Air Bag والريحة منها

وديرو بالكم يا جماعة من السرعة أولا، ومن السواقين الآسيوين ثانيا

ودمتم سالمين

الحمدلله على سلامتج (ذا مون) .. والبحر فعلا غدار حتى امهر السباحين غدر فيهم :rolleyes2: .. بس بجد لحظات تعيسه وصعبه اللي عشتيها في البحر :)

اما سالفة الحادث لا تعليق وانا معاج واضيف على نصيحتج

ديروا بالكم ياجماعة من السرعة أولا ، ومن السواقين الآسيوين ثانيا ، ومن الحريم لين يسوقون :secret:

[تحداني]

تعرضت للموت .. مره واحده ..
حادث سياره .. من طائش ..
وحالته كانت خارج التغطيه ..



الله يستر عليه ..
ويصلحه ويهديه ..



الله يحفظ الجميع .. من هالسيارات ..
اللهم آمين

[هذلان]

وعليكم السلام هلا اخوي هذلان .. في كل الاحوال الحمدلله على سلامتك .. ولو عندي تحفظ على السرعه اللي تمشي فيها 260 :rolleyes2: ارحم حالك

وبالنسبة للنقطة الثانية لا تعليق :rolleyes2: صديقك ذا يبيله ذبح

يا مرحبا يا شيط ... لا و راد من العمره في رمضان و ليله العيد :rolleyes2:
القصه هذي قديمه الايام الي الواحد مايقدر الامور بالشكل الحالي .
و بالنسبه لراعي الزقاره حبيب قلبي هالشخص لكن لكل انسان هفوه :)

[alrheeb2020]

امم احين اتذكر موقف واحد ^^ ..

اتذكر كنه راجعين بالطياره من البحرين لقطر من زمان ..

عاد كنت ياهل ..

وكان الجو ممطر وهوا والطياره اتروح يمين يسار والناس يصيحون ويدعون ويستغفرون ..


بس اخونه فالله قاعد ياكل ويضحك ومستانس عالوضع :tease: << هه :nice:

بي الحمدلله وصلنه ب سلام وماصار شي :victory:


___ ونت كم مره تعرضت للموت ؟ ؟؟

[لولوتي]

الحمد لله على رحمة الله الواسعه لنا

ثلاث مرات بس مزاجي الحين رايق وان كتبت وفصلت راح يتغير هالمزاج

بس أدعي وإدعوا لي ربي يسامحني في وحده من المرات :(

[شيط ويط]

الحمد لله على رحمة الله الواسعه لنا

ثلاث مرات بس مزاجي الحين رايق وان كتبت وفصلت راح يتغير هالمزاج

بس أدعي وإدعوا لي ربي يسامحني في وحده من المرات :(

ياليت بالتفصيل :)

على الاقل مره من الثلاث مرات :shy:

[بوطويشم]

السلام عليكم

بموتر أخوي طلع عراوي من الدوار ضربني في الرفرف الي ورى وطيرني الشارع الثاني

الحمدلله كانت في سياره وهي الي وقفتني لان الموتر زحف وكنت بدش في الطوفة

والحمدلله على كل حال

[Ghost]

احداث لا تنذكر لكنها لا تنسى عدة مرات ابرزها برصاص الصهاينة على الحدود بين مصر وفلسطين المحتلة وهذا منذ زمن واتذكرها كأنها امس
واخرها في دولة عربية للأسف عربية ولكن فيهم البوق والغدر باقوني وانا ضيفهم ولولا الله عزوجل سهل لي الخروج كان ذبحوني وخذو السيارة

[The MooN]

الحمدلله على سلامتج (ذا مون) .. والبحر فعلا غدار حتى امهر السباحين غدر فيهم :rolleyes2: .. بس بجد لحظات تعيسه وصعبه اللي عشتيها في البحر :)

اما سالفة الحادث لا تعليق وانا معاج واضيف على نصيحتج

ديروا بالكم ياجماعة من السرعة أولا ، ومن السواقين الآسيوين ثانيا ، ومن الحريم لين يسوقون :secret:

الحمد لله على كل حال
ونصيحتك خليها لحالك :omen2:
يعطيك العافية :)

[امل الحب]

مرتين كانوا اخشن مرات ..

الاولى حادث مع جمس قديم بس صج اصلي شلخني تشلخ وعدم السيارة بس الحمدلله نزلت وانا اسوي جذي :eek5:

الثانية مالها تفسير بس كانت اغماءة وصلت لدرجة توقف النبض لولا رحمة رب العالمين ووصول المسعف في الوقت المناسب :)

[Abu Deeb]

موضوع جميل

بس مؤلم صراحه

تعرضت للموت 4 مرات

أول مرتين كان عمري أقل من 5 سنوات والوالده الله يطول عمرها روت لي القصتين

أول مرة كنت في عزيمة في بيت عمي وفجأه بتعدت عن الوالده وكنت ألعب والمهم بالقضية أني حصلت
كبسولات حديد كانت تاخذهم زوجة عمي وكليتهم وبعد 3 ساعات صرت ازوع دم وودوني طوارئ الأطفال
وسوولي غسيل معده مرتين ونمت 4 ايام في العناية المركزة

المرة الثانية كانت تقريبا وعمري 4 سنوات كنت شيطان مادري شلون الوالده تقولي دخلت المطبخ وفتحت باب الفرن وقلب علي الفرن
ويومها انفتح راسي وخذت 6 غرز بعد نزيف طويل لكن الحمدلله طلعت منها

المرة الثالثة كنت بالجامعه بالمسبح فجأه جاني شد عضلي وتعبت وأنا أسبح وماقدرت أوصل طرف المسبح لكن الحمدلله بعد ماشربت نص ماي المسبح مادري شلون طلعت بأعجوبة

المرة الرابعه والأخيرة كانت قبل أسبوعين قلبت بالبانشي في سيلين والحمدلله طلعنا بكدمات بس وهذه كانت أول مرة في حياتي أدخل سيلين والحمدلله ماكانت اخر مرة


اسفين على الاطالة تسلم على الموضوع

[ولد العديد]

اول شي قصتي انا كنت بموت في حادث وانقلبت مرتين ونكسرت الدريشه وطلعت من الموتر وبس كسر بالحوض وعندي بلاتين والظهر وضربه في عيني ضربه قويه وعندي الفك انكسر >> وش باقي فيني كان صاحي وغير الجروح في كل مكان ايام ...

بقولكم قصة رفيجي بعد للعبره كان مسرع رايح الشاليهات ماشي 260 ولف عليه واحد اهبل وبس انقلب اكثر من 10 قلبات ومات اخووه الله يرحمه ومات رفيجه والله عطاه عمر بس انشل عنده شلل نصفي سبحان الله طلع منها وهو اللي كان يسوق الموتر

[نحول]

انا تعرضت كذا مرة

اخبر مرة من المرات فالبحر رحت اباري الغزل الساعه 12 فاليل المهم وانا اباريه الا اشوف شي غريب قدامي بكم متر

يوم ييت الا لخمة شكبرها

ربي ستر انا مالشطتني ولا نحول كان بيروح وطي

ومرة ثانية كنت ماخذ ولد خالتي موديه الطواري وانا على جسر الجواازات كنت مسرع واديم للي جدامي عشان يفتح الخط يوم فتح لي الخط وانا مستن قام ويلز فيني مابيني وبين الصبيات الا شعره بس ربي ستر

وطلع هندي حسبي الله عليه ولا يدري وين الله قاطه

[شيط ويط]

تعرضت للموت .. مره واحده ..
حادث سياره .. من طائش ..
وحالته كانت خارج التغطيه ..



الله يستر عليه ..
ويصلحه ويهديه ..



الله يحفظ الجميع .. من هالسيارات ..
اللهم آمين



سلامات والله يحفظ الجميع ان شاء الله

[شقرديه]

الحمد لله ياجماعه الخير على سلامتكم .. اكثر الي قريت لهم كانو بيتعرضون للموت بسبب الحوادث ..الله يكفينا الشرر ويبعد عنا كل مكروه

بالنسبه لي

تعرضت للموت مرتين


المره الأولى في سنه 2006 دعم الدريول وضربت رأسي بالمقعد الي جدام ..تخرعت وجبهتي استوت حمرا لكن الله ستر


المره الثانيه هالسنه 2009 ثاني اسبوع دوام دريولنا جديد واحنا فريجنا خطه اسميه خط الموت ..دريولنا الفالح ماوقف ولاشاف اذا فيه سيارات بتمر او لا مشينا على اساس مافيه حد الا انشوف واحد مسرع باقصى سرعته ومابينا وبينه الا فارق بسيط مررت السياره الثانيه مرور البرق !! وسبحانه نجانا والا كنا بنروح حطام

تشكرات لصاحب الموضوع واسفه على الاطاله :)

[شيط ويط]

يا مرحبا يا شيط ... لا و راد من العمره في رمضان و ليله العيد :rolleyes2:
القصه هذي قديمه الايام الي الواحد مايقدر الامور بالشكل الحالي .
و بالنسبه لراعي الزقاره حبيب قلبي هالشخص لكن لكل انسان هفوه :)

الله ستر عليك :rolleyes2: واهم شي الواحد ياخذ العبره من هالحوادث .. ويتذكر ان لطف الله فيه ما كان عبث ولكن له حكمه :) والله يبعد عنا وعنك شر الحوادث وعواقب السرعه القاتلة .. والله يديم المحبه بينك وبين (راعي الزقارة) وترى ماكنت اعنيها يوم قلت لك يستاهل الذبح :)

تحياتي لك

[roma27]

اما قصه رفيج العديد صج عبره لمن يعتبر اللهم صبره على اللي صابه ورزقه الصبر والقوه اللهم امين

[ريــــــــان]

الموضوع اضفته بالمفضله ,,جزاك الله خير اخوي

لما فيه من عبره وتذكر نعم الله

والمواقف اللي تعرضت لها كثيره لكن رحمة الله اكبر

[ام سلطون]

قطعت الشارع من غير ما يكون توقيتي صحيح لعبوره
( طبعا وانا راكب سيكلي حجم 20 وفي عمر الزهور :( )
ولولا ستر رب العالمين كان وجهي ماركه مسجلة على شبك الــ ( gmc) :(
ومن قبلها على شبك الـ ( nissan) :(


هااااااااااااااااااااااااااااااااااااااااااااااااا اااااااااااااا
صراحه حلللللللللللللللللللللللللوة

[الرويـس]

هااااااااااااااااااااااااااااااااااااااااااااااااا اااااااااااااا
صراحه حلللللللللللللللللللللللللوة

وطلعت روحي وخبطتها طيارة :(

شدعوه ام سلطان قاعد اقول نكته ، بغيت أمووووووووووووووووووووووت :(

[ام سلطون]

لا اخوي مب قصدي متشوف شر انشاء الله
بس ضحكت على اسلوبك:nice:
هاااااااااااا هاااااااااااااا
ابي اسكت ماقدر

[بو الطيب]

السلام عليكم

اشكثر والله

اخبر مره قبل كمن شهر والله على خط الشمال ماشي 180
وعااد ناازل من تحويل الى تحويل
واحذاي فكسار داعس بعد ذي الثور ولازم اشوف اخذ جزء من مكان الكفسار والله واضرب ابريك خفيف والفكسار ضرب وكسر يمين اشوي والله وعدينا
ومره بعد ياطويل العمر كانت هوشه في مصر ويامصريين التمو علينا حروة 10 12 وحنا كنا 6 مادري 7 المهم والله وضرب امضارب ويااهم لاكن المشكله لو راس براس بينلعن خيرهم بس اهناك في مصر يشوفون مصري يتهاوش مع خليجي يعرفه مايعرفه غلطان مب غلطان يطب ويالمصري وكل دقيقه يزيد العدد والله ويزيدون يمكن عدو ال 20 واحد واللي عنده اخشبه واللي عنده مادري وشو الا عقب جات دوريت شرطه وسحبت كم واحد منهم ووقفوهم وقطوهم الحبس
ومره يالربع في الأردن دخلت لعبه امحليه قديمه المهم وشنهو يالربع تروع
كنت لابس غتره وعقال اقولكم غترتي اعقالي كلهم طارو وتبهدل الا اسمع صوت غيغ صوت شي ينكسر اهني قلبي طاح الا يوم وقف اللعبه ثور هرده ظهر اللعبه اشوي وتنكسر اخبر يومها امسوين مجبوس ارانب الشباب خلصت الصنيه عنهم من اليوع
ههههههههههههه

ومره ثانيه في العديد جاو لنا امريكان من المعسكر يقولون لنا قربتو من المعسكر المهم ومعاهم اسلحتهم وحنا مهب معانا شي ويقولون لازم ندخلكم ويانا داخل المهم مني مناك مانفع معاهم ويعصب واحد من الشباب المهم خافو هههههههههه وقالو خلاص هالمره بنساامحك بس لاتجون مره ثانيه انا قلت بوالطيب الحين في بوغريب
هههههههههههههههههههههههههههههه
اشكثر سوالف يالربع ماتنعد والله
ومره تقولي الوالده يوم كان عمري 3 سنوات عديت شارع رئيسي في فريج بن عمران ومعرف بن عمران والزحمه اللي فيه عديته والله الحافظ وقف بين الرايحين والرادين لين مايا الوالد وحصلني قاعد اضحك على بيت الجيران هههههههههههههههههههههههههه
والله سوالف شاخلي وشاقول يبيلكم سمره وياي

[فواز..]

السلام عليكم ورحمة الله وبركاته
يعطيك العافية يا ابوخالد على الموضوع الرائع

أخوك تعرض للموت ثلاث مرات: حريق و غرق و حادث

الحريق كان في صف سادس إبتدائي قبل اختبارات نهاية العام بثلاثة أيام
وكان بمادة عبارة عن ذرار أو بودر أسود يستخدم في إطلاق الألعاب النارية إلى الأعلى
أشعلت قطعة كرتون في سطح البيت وبدأت اصب شوي من الذرار ويطلع دخان
واصب زيادة ويكثر الدخان .. وبعدها تفاعل الذي في يدي مع الدخان
واشوف الدنيا أظلمت .. وملابسي تقطعت من الأطراف والتصق جزء منها باللحم
واحترقت أطرافي الأربعة ونصف الوجه .. حريق خفيف والحمدلله (نصف استواء) :)
وما حسيت وقتها بالألم .. بس لما نزلت من السطح .. وشفت حنفية ماء وشربت منها بدأت احس بالألم صح ..
كنت احس ان يداي ورجلاي محطوطه على نار .. وتم إسعافي .. ( والقصة طويلة)
والحمدلله تعافيت وما بقي إلا بعض آثار للحريق في اليدين والرجلين

الغرق كان في الإعدادية في بركة سباحة .. شفت الشباب يقفزون في الماء قلت بسيطه السباحه
بس باخليهم لما يطلعوا واقفز لوحدي .. ما احب الزحمه
بعد ما طلعو ولبسوا .. قفزت في الماء وما فيه حد .. واشوف الدنيا خضرا على زرقا .. وشربت اللي الله كتبه من الماء
وأنقذني الله بعمي الله يجزيه الخير .. وكان لابس .. وقفز بكل ملابسه وطلعني

الحادث في رمضان 1425هـ 2004م .. وانا راجع من العمرة بسيارة صغيرة
كنت ماشي في المسار الاوسط على خط الدمام الرياض
ومسرع 130 أو 140 تقريبا .. وفجأة سمعت صوت انفجار (الإطار الخلفي الايسر)
انحرفت السيارة إلى المسار الايسر واقتربت جداً من السياج الحديدي الفاصل بين الخطين
فعدلت السكان بقوه فرجعت السيارة إلى المسار الوسط ثم الايمن ثم الكتف ثم خرجت من الشارع إلى التراب وتوقفت
والحمدلله لم يحصل إي اضرار إلا تلف في أطراف الإطارات نتيجه الانحراف
تخيل لو فيه سيارات في أي مسار من المسارات الثلاثة .. كانت كارثة

فالحمدلله الحافظ الرحيم الرحمن .. والفضل له وحده ثم لدعوات والدتي الله يطول في عمرها

[ملسونه]

انا ماتعرضت ولا مره الحمدلله

[ام السعف]

ما اقدر احدد اذا اللي تعرضت له يعتبر تعرضا للموت ، لأني ما شفت الموت ولا اعرف شكله بعد.
لمت (2sm Allah 3lay ) ان شاءالله نلتقي في جنة الفردوس وبقول لكم اشلون كان شكله علشان اعرف اميزه .
فالموت ماله شكل معين او وضعية معينة ، ممكن يتعرض لي وانا في احلى نومة او احلى قعدة .

[نورالهدى]

موضوع جميل
وأنا تعرضت لحوادث وايد
بس بقولكم يوم سويت الزايده ونسوا في بطني شاشة ونزفت ووصل ضغطي 70 / صفر أوشكت على الموت
وآخر وجه شفته كان وجه الممرضه وهي تبكي على بس الحمد لله أرادة لي الحياة وتم إنقاذي بسرعه
واللي قالي إياه الدكتور إن اللفت تعطل وطلع الخمس أدوار على ريوله
لي عمر سبحان الله
لا وأنا اللي طلبت من خدامتي تروح تنادي الممرضه حاسه حالي بموت
الحمد لله

ومرة كنت في الجامعه في إحدى الرحلات العلميه وكنا واقفين على جبل مع الدكاتره وكنت أفكر لو الواحد بيطيح إيش المفروض يسوي قلت يقعد أحسن وإلا فعلا ما أدري مين سند علي وفعلا بطيح قعدت وخذت نص الجبل تزلج وستر الله كنت لابسه بنطلون تحت الثياب

والحين أذن لي عوده بعدين

[galaxyqatar]

شكـــــــــــــــــــــــــــــرا

[rayyani4ever]

ولله انا كذا مرة بس اللي صج صج كانو 3 مرات...

اول مرة سنة 2001 على خط الخور القديم...كانو توهم يركبون الليتات ع الشارع و كانوحاطين اعمده صغيره في الجزيره بين الشارعين..من الفضاوه رايحين الشمال نبي نشتري شراخي او شلق على قولة بعض الناس..ماشين تقريبا 210 لومينا ss..شويه ولا سكس ويل شكله السايق نايم لف علينا و رفيجي يدعم عمودين بس من ورا و الموتر لعب فينا لعب لين وقف...
نزلنا زحف من الموتر و كل اللي نشوفه دم و مب مستوعبين شي.. اهم شي ان الحمدلله ما تعورنا وااايد..

و ثاني مرة ننقلب ليلة العيد من زماااااااااااااااااااااااااااااااااااااااااااااااا ن لما كنت ياهل...انقلبنا في الهلال بس قلبتين و انا كنت صوب الدريشه و منزل الجامه.... عاااد مادري اذا صح ولا لا...حسيت نفسي بمووووت بس الله يسامحهم اللي معاي في الموتر نزلو و هم ميتين ضحك من اللي صار....


ثالث مرة قبل سنه تقريبا... قبل دوار الرادار جاي من خط الشمال...الشارع مبلل و توهقت مع البوالين!!!!
كنت ماشي تقريبا 100 و التاير نزل في القص اللي يم الشارع و اول ما ارد الموتر الا يجي العيد و ينقلب 5 قلبات.... لا و داخل المنطقة العسكرية... وقتها صج عرفت الموت... خاصة ان الناس اللي شافو الموتر ما صدقو اني كنت داخله.. تميت قاعد لا ريولي ما كانت تشيلني.. رديت البيت و سجدت سجدة شكر..


و الحين مالي و مال السرعه.............................كفا ما جرى اللي!!!!!!!!!!!!!!!!!!

[شيط ويط]

امم احين اتذكر موقف واحد ^^ ..

اتذكر كنه راجعين بالطياره من البحرين لقطر من زمان ..

عاد كنت ياهل ..

وكان الجو ممطر وهوا والطياره اتروح يمين يسار والناس يصيحون ويدعون ويستغفرون ..


بس اخونه فالله قاعد ياكل ويضحك ومستانس عالوضع :tease: << هه :nice:

بي الحمدلله وصلنه ب سلام وماصار شي :victory:


___ ونت كم مره تعرضت للموت ؟ ؟؟

الحمدلله على سلامتكم وسوالف الطيارات وافلام الرعب اللي تصيدنا فيها ما تخلص :rolleyes2:

انا تعرضت للموت مرتين (هذيلا اللي اذكرهم) :



المرة الاولى :

ابي اسوي فيها (كهربجي) قعدت اتعبث في الكهربا وبغيت اروح فيه .. شووووطت عليهم لدرجة اني حسيت ان قلبي نقز من صدري قدامي ودقات قلبي تمت تررررن في اذني وغير كذا تم جسمي ساعات طويلة (متكهرب) حسيت نفسي (مصرقع) :rolleyes2:


المره الثانيه :

في ليله من الليالي وانا نايم قاعد احلم ومستمتع في الحلم حدي كان حلم (رومانسي) :tease: .. فجأة وبقدرة قادر .. تحول الحلم الى (كابوس) .. ظهر قدامي شخص عملاق حتى ماقدرت اشوف وجهه وملامحه وفجأة حط يده على وجهي وفمي كان يبي يكتم أنفاسي :rolleyes2: .. وحسيت نفسي بموت حتى كنت اصارخ ولا اقدر .. لين قمت (مفزوع) من الحلم :rolleyes2: .. حتى ليلتها شربت ماي لين قلت ياااا بس :rolleyes2:

[شيط ويط]

السلام عليكم

بموتر أخوي طلع عراوي من الدوار ضربني في الرفرف الي ورى وطيرني الشارع الثاني

الحمدلله كانت في سياره وهي الي وقفتني لان الموتر زحف وكنت بدش في الطوفة

والحمدلله على كل حال

وعليكم السلام والرحمة هلا اخوي بوطويشم

الحمدلله على سلامتك

[شيط ويط]

احداث لا تنذكر لكنها لا تنسى عدة مرات ابرزها برصاص الصهاينة على الحدود بين مصر وفلسطين المحتلة وهذا منذ زمن واتذكرها كأنها امس
واخرها في دولة عربية للأسف عربية ولكن فيهم البوق والغدر باقوني وانا ضيفهم ولولا الله عزوجل سهل لي الخروج كان ذبحوني وخذو السيارة

الله ينصر اخوانا الفلسطينيين على اعدائهم ان شاء الله .. والحمدلله على سلامتك اخوي كل شي يتعوض الا روح البني ادم

[شيط ويط]

الحمد لله على كل حال
ونصيحتك خليها لحالك :omen2:
يعطيك العافية :)

ان شاء الله :secret:

[شيط ويط]

مرتين كانوا اخشن مرات ..

الاولى حادث مع جمس قديم بس صج اصلي شلخني تشلخ وعدم السيارة بس الحمدلله نزلت وانا اسوي جذي :eek5:

الثانية مالها تفسير بس كانت اغماءة وصلت لدرجة توقف النبض لولا رحمة رب العالمين ووصول المسعف في الوقت المناسب :)

الحمدلله على سلامتج .. وخطاج الشر ..

[شـعـشـبـونـه]

امممممممم مره وحده
تقريبا من 8 شهور كان اخوي يدربني عالسواقه
انا اسوق وهو جنبي وماشيين في شارع الي( رايح جاي)<<<< ماعرف وش يسمونه
المهم انا ماشيه وشاحنه جايه صوووبنا يعني شارعناا انا مانتبهت لان بالي مشغول مع اخوي قاعده افكر وش رايه انا زينه ولا مامني فايده :rolleyes:
بس اخوي الي منتبه لها وماوعيت الا اسمعه يستغفر ويذكر الله ونزل راسي ولف السكان عني
والسياره تناقز وحالتنا حاله وانا مالي حس
الزبده
اخوي تكسر والسياره تكنسلت وانا شوفة عينكم مافيني شي :fight: بس خشمي تعور من الاير باج والفضل يعود لله اولا ولاخوي ثانيااا الله يحفظه :(

[شيط ويط]

موضوع جميل

بس مؤلم صراحه

تعرضت للموت 4 مرات

أول مرتين كان عمري أقل من 5 سنوات والوالده الله يطول عمرها روت لي القصتين

أول مرة كنت في عزيمة في بيت عمي وفجأه بتعدت عن الوالده وكنت ألعب والمهم بالقضية أني حصلت
كبسولات حديد كانت تاخذهم زوجة عمي وكليتهم وبعد 3 ساعات صرت ازوع دم وودوني طوارئ الأطفال
وسوولي غسيل معده مرتين ونمت 4 ايام في العناية المركزة

المرة الثانية كانت تقريبا وعمري 4 سنوات كنت شيطان مادري شلون الوالده تقولي دخلت المطبخ وفتحت باب الفرن وقلب علي الفرن
ويومها انفتح راسي وخذت 6 غرز بعد نزيف طويل لكن الحمدلله طلعت منها

المرة الثالثة كنت بالجامعه بالمسبح فجأه جاني شد عضلي وتعبت وأنا أسبح وماقدرت أوصل طرف المسبح لكن الحمدلله بعد ماشربت نص ماي المسبح مادري شلون طلعت بأعجوبة

المرة الرابعه والأخيرة كانت قبل أسبوعين قلبت بالبانشي في سيلين والحمدلله طلعنا بكدمات بس وهذه كانت أول مرة في حياتي أدخل سيلين والحمدلله ماكانت اخر مرة


اسفين على الاطالة تسلم على الموضوع


هلا بك اخوي ابوديب الصراحه مشوار حافل بالاحداث المؤلمه :nice:

الحمدلله على سلامتك والحمدلله انك لازلت موجود معنا :nice:

[شيط ويط]

اول شي قصتي انا كنت بموت في حادث وانقلبت مرتين ونكسرت الدريشه وطلعت من الموتر وبس كسر بالحوض وعندي بلاتين والظهر وضربه في عيني ضربه قويه وعندي الفك انكسر >> وش باقي فيني كان صاحي وغير الجروح في كل مكان ايام ...

بقولكم قصة رفيجي بعد للعبره كان مسرع رايح الشاليهات ماشي 260 ولف عليه واحد اهبل وبس انقلب اكثر من 10 قلبات ومات اخووه الله يرحمه ومات رفيجه والله عطاه عمر بس انشل عنده شلل نصفي سبحان الله طلع منها وهو اللي كان يسوق الموتر

الحمدلله على كل حال اخوي ولد العديد .. والله يرحم اخو رفيجك ورفيجه .. والحمدلله على سلامتك وسلامة رفيجك .. واتمنى هالقصة تكون عبره لجميع الشباب المتهورين من خلال القيادة بسرعة جنونيه

الله يحفظنا ويحفظ شباب المسلمين جميع

[alrheeb2020]

الحمدلله على سلامتكم وسوالف الطيارات وافلام الرعب اللي تصيدنا فيها ما تخلص :rolleyes2:

انا تعرضت للموت مرتين (هذيلا اللي اذكرهم) :



المرة الاولى :

ابي اسوي فيها (كهربجي) قعدت اتعبث في الكهربا وبغيت اروح فيه .. شووووطت عليهم لدرجة اني حسيت ان قلبي نقز من صدري قدامي ودقات قلبي تمت تررررن في اذني وغير كذا تم جسمي ساعات طويلة (متكهرب) حسيت نفسي (مصرقع) :rolleyes2:


المره الثانيه :

في ليله من الليالي وانا نايم قاعد احلم ومستمتع في الحلم حدي كان حلم (رومانسي) :tease: .. فجأة وبقدرة قادر .. تحول الحلم الى (كابوس) .. ظهر قدامي شخص عملاق حتى ماقدرت اشوف وجهه وملامحه وفجأة حط يده على وجهي وفمي كان يبي يكتم أنفاسي :rolleyes2: .. وحسيت نفسي بموت حتى كنت اصارخ ولا اقدر .. لين قمت (مفزوع) من الحلم :rolleyes2: .. حتى ليلتها شربت ماي لين قلت ياااا بس :rolleyes2:


الحمدلله عالسلامه فالمره الاولى ..

وان شاء الله ف نتنياهو واسرائيل كلها والكفار على بعضهم ولا فيك :nice:


بس المره الثانيه هههههههههههههههه مادري اذا اتعدها من خطر الموت ههههههههه

[thefoox]

الحمدلله على سلامتكم وسوالف الطيارات وافلام الرعب اللي تصيدنا فيها ما تخلص :rolleyes2:

انا تعرضت للموت مرتين (هذيلا اللي اذكرهم) :



المرة الاولى :

ابي اسوي فيها (كهربجي) قعدت اتعبث في الكهربا وبغيت اروح فيه .. شووووطت عليهم لدرجة اني حسيت ان قلبي نقز من صدري قدامي ودقات قلبي تمت تررررن في اذني وغير كذا تم جسمي ساعات طويلة (متكهرب) حسيت نفسي (مصرقع) :rolleyes2:


المره الثانيه :

في ليله من الليالي وانا نايم قاعد احلم ومستمتع في الحلم حدي كان حلم (رومانسي) :tease: .. فجأة وبقدرة قادر .. تحول الحلم الى (كابوس) .. ظهر قدامي شخص عملاق حتى ماقدرت اشوف وجهه وملامحه وفجأة حط يده على وجهي وفمي كان يبي يكتم أنفاسي :rolleyes2: .. وحسيت نفسي بموت حتى كنت اصارخ ولا اقدر .. لين قمت (مفزوع) من الحلم :rolleyes2: .. حتى ليلتها شربت ماي لين قلت ياااا بس :rolleyes2:


بخصوص المره الثانيه صادتني هذي الحاله لمده اسبوع كامل كل يوم من ارقد تصيدني ذي الحاله ولله اني كرهت النوم وصرت اخاف اذا ارقد بس معى الاذكار وداعاء النوم راحت الحاله والحمد لله على كل حال

[بنت العلي]

موضوع حلو

انا اول سنه خذت فيه الليسن سويت حوادث بالهبل وكله مع الشاحنات بس حادثين لين الحين ما نسيتهم
اول حادث كانت في شاحنة جايتني فلت وانا كنت اشوفها من المنظرة بس ما قدرت اتحرك وادعمتني من ورا وراحت السيارة كلها وانا خشمي صار احمر يومها ..

وثاني حادث كنت واقفة عند لفة اشوف شاحنة جايه انطرها اتروح عشان اطلع من اللفة وجااان اتمر الشاحنة وتسحبني معاها وانا اهرن واكبس وهو ماشي وساحبني معاه ولا شافني والدنيا كانت ليل بس زين الله ستر والغبي انتبه بس يومها صج شفت الموت

واسمحوا لي عالاطالة والله يحفظكم جميعا ...

[الخارجية]

أذكر في سنة 2001 دعمني واحد وهو متسابق وكان يمشي تقريبا 170 او اكثر

وانه كنت في موتري العراوي ( الله يرحمه )

وبفضل الله ما مت بس تكسرت ضروسي واللي معاي ترقد شهر وسولة عملية بس ^ ـ ^

هالكلام صار في الخط المظلم اكيد تعرفة !!
والله الشيبه بوحارب عيل الخط المظلم هههههه

[ورقــة أمــل]

ما قلت لنا انت كم مرة بغيت تموت ولا صادك شي؟

[شيط ويط]

ما قلت لنا انت كم مرة بغيت تموت ولا صادك شي؟

سبق ورديت على هالسؤال في المشاركة رقم 41 :secret:


الحمدلله على سلامتكم وسوالف الطيارات وافلام الرعب اللي تصيدنا فيها ما تخلص :rolleyes2:

انا تعرضت للموت مرتين (هذيلا اللي اذكرهم) :



المرة الاولى :

ابي اسوي فيها (كهربجي) قعدت اتعبث في الكهربا وبغيت اروح فيه .. شووووطت عليهم لدرجة اني حسيت ان قلبي نقز من صدري قدامي ودقات قلبي تمت تررررن في اذني وغير كذا تم جسمي ساعات طويلة (متكهرب) حسيت نفسي (مصرقع) :rolleyes2:


المره الثانيه :

في ليله من الليالي وانا نايم قاعد احلم ومستمتع في الحلم حدي كان حلم (رومانسي) :tease: .. فجأة وبقدرة قادر .. تحول الحلم الى (كابوس) .. ظهر قدامي شخص عملاق حتى ماقدرت اشوف وجهه وملامحه وفجأة حط يده على وجهي وفمي كان يبي يكتم أنفاسي :rolleyes2: .. وحسيت نفسي بموت حتى كنت اصارخ ولا اقدر .. لين قمت (مفزوع) من الحلم :rolleyes2: .. حتى ليلتها شربت ماي لين قلت ياااا بس :rolleyes2:

يله ننتظر جوابج لو تكرمتي اذا كان عندج جواب :secret:

[حراير قطر]

تدري متى حسيت بالموت

يوم ما قدرت امشي يومين :(

حسيت اني ميته بمجرد العجز عن المشي

عايشه وبنفس الوقت ميته :(

بس الحمدلله عدت على خير ورجعت امشي ...

يعطيك العافيه

على الموضوع ...

[ورقــة أمــل]

سبق ورديت على هالسؤال في المشاركة رقم 41 :secret:


:secret:


انا عيزانة اقرا كل الردود وشكرا على الاقتباس

مارديت علي بخصوص اليو اس بي اللي بعته لي وطلع خربان ترى حبتين يعني ب 300 ريال!

[butterfly qatar]

تعرضت للموت مره

طبيت من طعس قص برينو وكان حادث خششششششششن
والحمدلله سلمت منها بس لحين ماترقعت
الحمدلله على كل حال

[شيط ويط]

انا عيزانة اقرا كل الردود وشكرا على الاقتباس

مارديت علي بخصوص اليو اس بي اللي بعته لي وطلع خربان ترى حبتين يعني ب 300 ريال!

قاتل الله الكسل :tease:

متى كلمتيني عنهم ماجاني شي توني من اشوي اقرا .. :rolleyes2: .. بعدين مب انا اللي بعتهم لج انا اللهم (وسيط خير) حتى عمولتي ليما الحين ما استلمتها :rolleyes2: مع ان الرجال حالف يمين بالله انه يعطيني (500 ريال) اتعابي مع ان كل اللي سويته نزلت له الموضوع .. عموما بتصله بكره واكلمه وابشري بالعوض .. (شو بدك اكتر من هيك) :victory:

[ورقــة أمــل]

قاتل الله الكسل :tease:

متى كلمتيني عنهم ماجاني شي توني من اشوي اقرا .. :rolleyes2: .. بعدين مب انا اللي بعتهم لج انا اللهم (وسيط خير) حتى عمولتي ليما الحين ما استلمتها :rolleyes2: مع ان الرجال حالف يمين بالله انه يعطيني (500 ريال) اتعابي مع ان كل اللي سويته نزلت له الموضوع .. عموما بتصله بكره واكلمه وابشري بالعوض .. (شو بدك اكتر من هيك) :victory:

اوكي انطر العوض انا ههههههههههههه :tease:

[رصاصه]

مرة كنت في الدوام واتمشى على راحتي كانت زميلتي تسوق بسرعه رهيبه انا قطعت الشارع بالهون افكرها تتغشمر معاي وتبي تخرعني اثاريها من صجها كانت بتدعمني لولا الله سترولفت بسرعه صفت سيارتها وقامت تصيييييييييييح تفاجأت بصراحه من صياحها قالت لي : الله يسامحج الله يسامحج كنت بذبحج قلت لها الاعمار بيد الله وانا مب انتحاريه كنت اظنها لعبه منج لكن الله رايد انج تخففين السرعه مرة ثانية وانتبه اكثر واكون حذرة مرة ثانيه لان الموت ممكن يجني في لحظه !

ثرى الموت حق ومحد يعرف يومه ؟ فهل اعددتوا العده لرحلة النهاية ؟؟؟؟؟؟؟؟؟؟؟؟؟؟
اللهم ثبت قلوبنا على الايمان ولا تزغ قلوبنا بعد ان هديتنا ... اللهم اعنا على ذكرك وشكرك وحسن عبادتك
اللهم اجعلنا من اهل اليمين وارزقنا الفردوس الاعلى من الجنة
اللهم آآآآآآآآآآآآآمين

[كيفـي]

واااااااااااااايد.. ولله الحمد..

واولهم موقف اقتراب سقوط الطائرة..

وبفضل الله وقدرته .. تم التحكم فيها..:( كان يوم مؤلم نفسياً..

اللهم أحسن خاتمتنا يااااااااااااارب العالمين..

[sara_qatar]

انا مره كننت بمووووووووووووووووووووت

غرقت في بركة سباحه


انا ماعرف اسبح اصلا وكنت في ثالث ثانوي المهم كنت في جهة اللي مب غزير ومستانسه عاد من الوناسه قلت خلني امشي شوي داخل ومشيت الا ازلق كانت نزلة العزير مع اني قريبه من الحاجز بس من الخرعه ماعرف شاسوي كنت اصارخ واقول انقددووووني

عاد من اتذكر السالفه اضحك

اول شي الحمدالله على سلامتي


بس اضحك لانه كنت اصارخ وحواليني ناس وكانو يشيفوني والمفروووض ما اخاف لانه ادري بطلع

والشي الثاني اللي اضحك عليه للحين وربعي للحين ما سكين الكلمه علي


اهي كلمة انقدوووووني ههههههههههههههههههههه سويت لهم مسلسل مدبلج


هههههههههههههههههههههههههه


اوووف مابي اتذكر صج انههم كم ثانيه تحت الماي


بس اللي صار وانا كنت اشوي اختنق انه كنت اشوف نفسي وانا صغيره وامي شايلتني

ومر شريط حياتي في هالكم ثانيه



الحمدالله

والله يحفظنا كلنا

[نورالهدى]

موضوع جميل
وأنا تعرضت لحوادث وايد
بس بقولكم يوم سويت الزايده ونسوا في بطني شاشة ونزفت ووصل ضغطي 70 / صفر أوشكت على الموت
وآخر وجه شفته كان وجه الممرضه وهي تبكي على بس الحمد لله أرادة لي الحياة وتم إنقاذي بسرعه
واللي قالي إياه الدكتور إن اللفت تعطل وطلع الخمس أدوار على ريوله
لي عمر سبحان الله
لا وأنا اللي طلبت من خدامتي تروح تنادي الممرضه حاسه حالي بموت
الحمد لله

ومرة كنت في الجامعه في إحدى الرحلات العلميه وكنا واقفين على جبل مع الدكاتره وكنت أفكر لو الواحد بيطيح إيش المفروض يسوي قلت يقعد أحسن وإلا فعلا ما أدري مين سند علي وفعلا بطيح قعدت وخذت نص الجبل تزلج وستر الله كنت لابسه بنطلون تحت الثياب

والحين أذن لي عوده بعدين


واذكر يوم ركبت الطياره راده للدوحه والا الطياره تطير في الجو والا الاعلان عن حدوث عطل في الطائرة وستحاول العوده للمطار وفعلا لفت بالجو فتره وبعدين نزلت وقال بيصلحونها
وحالة الرعب كانت مب طبيعيه واللي يضحك اني كنت مفهيه ومب فاهمه وقاعده مبطله حلجي مبتسمه وبعد كام ساعه ركبنا نفس الطيارة ورديت الدوحه
بس صحيح لو كنت أفهم يمكن كان قلبي توقف من الخرعه

ومره كنت بغرق ما أدري وش خلاني اروح شوي أبعد والا الأرض مافي مرة واحده ومن الخرعه شربت شوية ماي بس تداركت الموضوع والحمد لله وسبحت وتوبه مارحت ذيك النواحي

أذكر في طريق السعودية أنا وريلي والأولاد والخادمه في طريق جبل واقف ماتشوفله أرض من الجنبين شنه طريق ضبا والله ان لنا عمر في هذه السنه كنت مصره أقول لريلي يله امش يقول خلنا نروح الصباح وانا مصره والا رفيجه اتصل وقال خليك اليوم والطريق صعب شوي ويوم شفت الطريق قلت سبحان الله لو جايينه في الليل كنا في خبر كان
عاد ريلي يبي يمشي ويسرع ماشايف الطريق اشلون والله ترجيته انه يثقل السياره كان يبغي يخليها على الخالي فعلا هذا اليوم حسيت اني بموت واقتنع وخلاها على الدرايف ويدوس بريكات والحمد لله

الحوادث منها تم التعرض لها ومنها ستر الله انقذنا
وطول ما حنا في هذه الحياة فحوادثنا بتزيد الا ان يأتي وقت ونصبح في خبر كان
فتقف عندنا وتكمل مع غيرنا

أسأل الله العلي القدير أن يحفظنا جميعا من كل شر

[ذات]

واااااااااااااايد.. ولله الحمد..

واولهم موقف اقتراب سقوط الطائرة..

وبفضل الله وقدرته .. تم التحكم فيها..:( كان يوم مؤلم نفسياً..

اللهم أحسن خاتمتنا يااااااااااااارب العالمين..

خطاااكم الشر جميعا

:eek5:

علمنا اخوي بموقف اقتراب سقوط الطياره

[غناتي1]

فدييييت امي -- تعبت لكن الله شافاها

والله يرحم خويتي اللي توفت

[شيط ويط]

فدييييت امي -- تعبت لكن الله شافاها

والله يرحم خويتي اللي توفت

الحمدلله على سلامتها .. والله يرحم خويتج

[بنت المطر]

:weeping::weeping:
:weeping::weeping:
:weeping::weeping:
:weeping::weeping::weeping::weeping::weeping:
:weeping::weeping::weeping::weeping:
:weeping::weeping::weeping:
:weeping::weeping:
:weeping:

آنا تعرضت للموت وآنا مسافره .. وكان بعد هاليوم بروح العمره ..

الحمدلله الله عطاني عمر واعتمرت والله غفر لي ..

[شيط ويط]

:weeping::weeping:
:weeping::weeping:
:weeping::weeping:
:weeping::weeping::weeping::weeping::weeping:
:weeping::weeping::weeping::weeping:
:weeping::weeping::weeping:
:weeping::weeping:
:weeping:

آنا تعرضت للموت وآنا مسافره .. وكان بعد هاليوم بروح العمره ..

الحمدلله الله عطاني عمر واعتمرت والله غفر لي ..

الحمدلله على كل حال :)

[شيط ويط]

واذكر يوم ركبت الطياره راده للدوحه والا الطياره تطير في الجو والا الاعلان عن حدوث عطل في الطائرة وستحاول العوده للمطار وفعلا لفت بالجو فتره وبعدين نزلت وقال بيصلحونها
وحالة الرعب كانت مب طبيعيه واللي يضحك اني كنت مفهيه ومب فاهمه وقاعده مبطله حلجي مبتسمه وبعد كام ساعه ركبنا نفس الطيارة ورديت الدوحه
بس صحيح لو كنت أفهم يمكن كان قلبي توقف من الخرعه

ومره كنت بغرق ما أدري وش خلاني اروح شوي أبعد والا الأرض مافي مرة واحده ومن الخرعه شربت شوية ماي بس تداركت الموضوع والحمد لله وسبحت وتوبه مارحت ذيك النواحي

أذكر في طريق السعودية أنا وريلي والأولاد والخادمه في طريق جبل واقف ماتشوفله أرض من الجنبين شنه طريق ضبا والله ان لنا عمر في هذه السنه كنت مصره أقول لريلي يله امش يقول خلنا نروح الصباح وانا مصره والا رفيجه اتصل وقال خليك اليوم والطريق صعب شوي ويوم شفت الطريق قلت سبحان الله لو جايينه في الليل كنا في خبر كان
عاد ريلي يبي يمشي ويسرع ماشايف الطريق اشلون والله ترجيته انه يثقل السياره كان يبغي يخليها على الخالي فعلا هذا اليوم حسيت اني بموت واقتنع وخلاها على الدرايف ويدوس بريكات والحمد لله

الحوادث منها تم التعرض لها ومنها ستر الله انقذنا
وطول ما حنا في هذه الحياة فحوادثنا بتزيد الا ان يأتي وقت ونصبح في خبر كان
فتقف عندنا وتكمل مع غيرنا

أسأل الله العلي القدير أن يحفظنا جميعا من كل شر






الله يحفظكم .. ويستر عليكم .. مواقف فعلا مخيفه :)

شكرا لج

[بو خليفه 123]

شيط ويط عاش من شافك ياخوي - الاجازه خذتك منا :)

بصراحه موضوع قيّم و عبره للجميع خصوصاً لما قريت بعض احداث الاخوان الاعضاء .

الواحد لما يتعرض للموت يمر عليه شريط حياته كامل بحسناته و سيئاته "سبحان الله"


اذكر سنة 97 تعرضت لـ حادث سياره و للأسف من زود الطيش واللا مبالاه والسرعه الزائده انقلبت فيني السياره 3 قلبات و طارت السياره و ادخلت في موّلد كهرباء .


لو اي حد يشوف السياره بيقول اللي فيها مات مستحيل يعيش .. سبحان الله و لله الحمد طلعت من السياره مافيني ولا شمخ .. لكن رحت المستشفى عشان اكسر خاطر ابوي و ما اتلشط بالعقال :shy: