الله يرحم أيامك يالأخضر :(

[majid]

مثل ما يقولون

يوم لك ويوم عليك

من بعد اللون الأخضر اللي كنا نكحل عيونا فيه

صار اللون الأحمر هو اللي يعمي عيونا

صراحة مهزلة

يعني اليوم ( المشؤوم ) 03/04/2005 اللي المفرض السوق يولع فيه

صار اليوم اللي احنا تولعنا فيه

كل هذا لسببين في رأيي :

1- إدارة السوق اللي خربطت كل شي فوق بعض وفي مدة زمنية بسيطة ( دخول الاجانب مع دخول الناقلات مع اكتتابات في زيادة راس مال شركات واكتتاب في شركة جديدة )

كل هذا خلى الامور تنقلب على اسعار الشركات بشكل عام .

كان المفروض يكون موضوع دخول الاجانب بعيد عن اي متغيرات ثانية عشان يبين تأثيره الفعلي

لكن وجود العديد من المتغيرات في السوق ما خلى اي اثر لهم

بل بالعكس اثر سلبي تماما

2- وسائل الاعلام اللي ضخمت من موضوع دخول الاجانب وكأن البورصة الوحيدة والاولى في العالم هي بورصة الدوحة !

والله ما ادري بعد اللي صار والفشيلة اللي صار فيها السوق اشلون بيقوم مرة ثانية ؟؟!!!

واشلون ( المستثمرين الأجانب !! ) بيثقوا في هالسوق بعدين !

ولله الشكوى وبس !


( خبر عاجل ) : 5,000,000 سهم ناقلات معروضة للبيع ولا من يشتري !!!!!!!!!!!!!!!

( عرض خاص ) : 1,000,000 سهم صناعات بأقل من سعر التكلفة مين يشتري !!!!!!!!!!!!!!!

( تصفية نهائية ) 500,000 سهم في المتحدة للجادين فقط !!!!!!!!!!!!!!!!!!!!!

( تنزيلات ضخمة ) 400,000 سهم في السلام والسلام ختاااااااااااااااام !!!!!!!!!!!!!!!!!!!

[The Edge]

اي والله و انت صادق . بهدلونا الله يبهدلهم

[كحيلان]

اخوي ماجد احتفظ بسهمك! اللي احنا فيه الحين اسمه الهبوط الذي يسبق الصعود القوي تذكر ايام الأخضر اللي تكحل فيها عيونك راح ترد مره ثانيه وتخليك اخضر في اخضر وتحياتي اليك

[KhalidQ]

الى 6000 نقطة يا سوق المناخ

[majid]

اخوي كحيلان

والله اني ما عرضت اي سهم من اسهمي في 11 شركة للبيع

انا بعت شوي قبل اسبوعين في الشركات اللي شفت صارت فوق ما تستحق

واحتفظت بالاسهم الذهبية

بس الحال ما يسر ابدا

العالم غالب عليها الخوف والهلع والفزع

الكل خايف من انهيار في البورصة ( اللي يسمع يقول مافي انهيار !!!! )

مع انهم هم سبب الانهيار من خوفهم وهلعهم !!!

الله يستر يا اخواني

ترى في ناس وايد من المساكين شاريين عاللمت أب

والله يكسرون القلب :(

[majid]

أخوي Qatar1983

فال الله ولا فالك يا رجال !!!!!!!!!!!!!!!!

مع ان كلامك يخوف بس في منه والله !!

[THE END]

الله يرحم ايام الارباح

[ولايجينا ولاشي]

تفائلو بالخير تجدوه

[THE END]

المشكله السهم الاخضر ما يجينا ولا شي

[majid]

زين شالحل ؟؟؟؟؟؟؟؟؟؟؟؟؟

نشوف فلوسنا قاعدة تخسر 5% كل يوم !!!!!!!!!!!!!!!!!

والله حراااااااااااااااااااااااااااااااااااام

حتى اللي يبي يبيع بخسارة مو محصل حد يشتري !!!!!!!!!

شالمصيبة يا ربي !!!!!!!!!!

[المراقب]

يجب تدخل فوري لإدارة السوق لمنع التقهقر، هذا من جهة، ومن جهة أخرى نتمنى نسمع كلمة مطمئنة ومشجعة من أسحاب القرار، لمنع الخوف والفزع.

[majid]

[b]تدخل من السوق كيف يعني ؟؟؟؟؟؟؟؟؟؟؟

انت تعرف ان احنا في بلد اقتصاده مفتوح

يعني الدولة ما تقدر تتدخل في النشاطات الاقتصادية

ممكن توضح اخوي المراقب ؟؟؟

[المراقب]

الحل بسيط أخوي، عندما تتلقى إدارة السوق طلبات كثيرة للبيع، ولا يوجد طلب، فأرى أن تعرض إدارة السوق عن طريق الوسطاء طبعا، عدد من الأسهم معقول، لكي تشجع الطلب عليه. فمثلا لو تلقت إدارة السوق أو بمعنى اخر الوسيط عرض 500ألف سهم للبيع، فبدلا من عرضها كلها مرة واحدة، تعرضها على مراحل، أو دفعات، مثلا دفعة أولى 50 ألف، فإن وجد طلب وبيعت تعرض دفعة ثانية وهكذا، وبهذه العملية يتحرك السوق، وتتغير الأحوال من غير منع أي طلب عرض، بل فقط تأخيره للدفعة المناسبة.

الوضع الحالي مؤسف، ويجعل الناس تفقد الثقة تدريجيا بسوق الأسهم.

[الشقيان]

الاسبوع الجااااي لمت اب يعني اخضر

[سهم الدوحة]

أحنا من يوم ماعرفنا اللمت أب ... واللمت داون


سوقنا مب بخير !!!!!



صار كل لمت .. داون ... داون ....داون !!!!!


كم أن دخول الاجانب سبب ربكه كبيره في السوق...


.

[الطيف المسافر]

لا حول ولا قوة الا بالله

الى متى والسووووووووووووق كل يووووووووووووم نزول في نزوووووووووول

صراحة شيء مو طبيعي .........

الله يستر ،،،،،،،،،،

[قطريه فديتني]

الصبر مفتاح الفرج .. حتى لو السوق نزل اليوم وبكره واللي بعده مرده بيرتفع طال الزمن ولا قصر .. ندري العالم محتاجين اليوم وعليهم سلفيات يبون يفتكون منها وانا من ضمنهم لكن مدام هذا وضع السوق فالأفضل الواحد يصبر لأنه مرد السوق أخضـــــــــــــــــــــــــــــــــــــــــــــــ ـــــر أن شــــــــــاء الــــلــــه :) :)

[مغروور قطر]

الصبر مفتاح الفرج .. حتى لو السوق نزل اليوم وبكره واللي بعده مرده بيرتفع طال الزمن ولا قصر .. ندري العالم محتاجين اليوم وعليهم سلفيات يبون يفتكون منها وانا من ضمنهم لكن مدام هذا وضع السوق فالأفضل الواحد يصبر لأنه مرد السوق أخضـــــــــــــــــــــــــــــــــــــــــــــــ ـــــر أن شــــــــــاء الــــلــــه :) :)




كلام جميل جدا جدا

تحياتي