المساعد الشخصي الرقمي

مشاهدة النسخة كاملة : كلمة حق لابد ان تقال


العلم الوكاد
19-12-2009, 11:14 PM
الحقيقة اني حبيت اشكر كل من شاركنا بفرحتنا باليوم الوطني

من عرب وبالذات اخوانا الخليجيين واخص بالذكر اهل الامارات

اللي تعبوا وتعنوا وزينوا وكشخوا سياراتهم باعلام قطر وصور سمو الامير

وسمو ولي العهد وكانت اعدادهم كبيرة الحقيقة زدتوا فرحتنا فرحة

و زاد اعجابنا بكم الله يهنيكم ببلادكم ويجعل كل ايامك افراح

ومشكوررررررررررررررررررررين
yosif1
19-12-2009, 11:24 PM
في الاذاعة واحد ايماراتي متصل
يقول ان هم سبعين سيارة جاين من الامارات عشان الاحتفال
وحش قطر
19-12-2009, 11:26 PM
حي الله عيال زايد

ونعم الناس

والله يدوم الافراح عندنا وعندهم
!الشايمه!
19-12-2009, 11:40 PM
والله انهم كفو.......دوم راعيين واجب قوم زايد

ماشاء الله عليهم...زادونا فرحة بتواجدهم.....وفرحهم معنا....
جزاهم الله خير....

ماوقفت مسجاتهم...ولا....وتهانيهم على البي بي
هذا غير تصاميمهم في مختلف المواقع.....يهنون
قطر بعيدها الوطني...

الله يديم علينا وعليهم.....الافراح والعز والأمان يارب...



تحية
احساس غريب
19-12-2009, 11:47 PM
والله ثم والله انهم كفوووووووووو عيال زايد الصناديد اشهدني انجنيت ف الكورنيش من اللي شفته منهم والله مواتر اماراتيه وااااايد حاطه اعلام الامارات وقطر والله اني احبهم من قبل وحبيتهم اكثر يوم شفت الفته الحلوه هذي منهم وبيض الله وجيهكم ياعيال زايد وهذي مب غريبه عليكم ياهل الطيب..
روح-قطر
20-12-2009, 12:57 AM
يعطيهم العافيه ولا تنسى السعوديين اللي كانوا بسيلين وانزلوا يحتفلون معانا جزاهم الله خير وهاي الوحده الخليجيه الكل يفرح لبعض ونبارك للبحرين بعد:)
بنت^البحرين1
20-12-2009, 12:59 AM
ههههههههههههههههه انا مستانسه

بصراحه القطاره هالسنه سكتوا في البحرين ،، الاحتفالات عندنا متواصله ثلاثة ايام اول يومين كانت للبحرين وماشاءالله هل قطر ماقصروا زينوا سياراتهم واعلام البحرين في سياراتهم ... والبحرينيين بعد كملوا معاهم تاريخ 18 وردوا لهم الحركة وزينوا سياراتهم بعد .. بعد نفس الشي هل الامارات ماقصروا كان حضورهم قوي


ان شاءالله بكرة بنزل الصور المناسبة للعرض
الـقـاسـي
20-12-2009, 01:09 AM
ههههههههههههههههه انا مستانسه

بصراحه القطاره هالسنه سكتوا في البحرين ،، الاحتفالات عندنا متواصله ثلاثة ايام اول يومين كانت للبحرين وماشاءالله هل قطر ماقصروا زينوا سياراتهم واعلام البحرين في سياراتهم ... والبحرينيين بعد كملوا معاهم تاريخ 18 وردوا لهم الحركة وزينوا سياراتهم بعد .. بعد نفس الشي هل الامارات ماقصروا كان حضورهم قوي


ان شاءالله بكرة بنزل الصور المناسبة للعرض

اختي القطريين مب القطاره
ههه امس سامعها من وحده بحرينيه وصلحتها لها تم تضحك مادري شكله هل البحرين كلهم يقولون القطاره
بنت^البحرين1
20-12-2009, 01:12 AM
اختي القطريين مب القطاره
ههه امس سامعها من وحده بحرينيه وصلحتها لها تم تضحك مادري شكله هل البحرين كلهم يقولون القطاره


:nice: هلا بك اخوي القاسي .. عارفه ان اسمكم قطريين . بس في البحرين هالكلمة متداولة بينا ومحد يقول غير " القطاره " والقصد القطريين.. بتلقى الكل في البحرين يستخدمها محد يقول قطريين
الاستثمار
20-12-2009, 01:18 AM
مشكورين كل مقيم وخليجي احتفل وشاركنا فرحتنا الكبيره والغاليه على قلوبنا
وخاصتا احدى الجاليات العربية ما قصرا بالاحتفال بمناسبة اليوم الوطني شي يرفع الراس ويعتز بخوتهم وان شاء الله ربي يفك ازمتهم
meme~qatar
20-12-2009, 01:20 AM
مايقصرون عيال زايد
موب غريبة عليهم
وهذي اردى فعايلهم

ميرسي اوي قدا خالص على اللفتة ياخ العلم الوكاد
ابن الغبيراء
20-12-2009, 01:23 AM
ولا تنسوا حبايبكم الذين ملأوا وخرجوا جميعا في الكورنيش معبرين عن فرحتهم لكم أنهم الشعب العماني الذي يكن لكم صادق المحبة وقفوا جيمعا معكم إلا أن كلهم كانوا بأرقام سيارات قطرية
وألف مليون مبارك عليكم
بــو فهــد
20-12-2009, 01:29 AM
خليجنا واحد .. امس عرفت ان هالجمله " حقيقه " وليس خيال ..
بيض الله وجيهكم يا هل الخليج
opama
20-12-2009, 11:22 AM
لا تجلسووون تمدحونهم يالسحالي
انتوا تدرووون ليش جاااااو
ماقووول الا الله يهدي بناتنا وجميع المسلمين
واللي صااار في الكورنيش مايمثل الفرحة باليوم الوطني
ماهو الا قلة ادب ومسخرة