المساعد الشخصي الرقمي

مشاهدة النسخة كاملة : الكمبيوتر يستخدم 70% من الرامات مع اني مامشغل ولا برنامج على سطح المكتب


MoTeC
19-12-2009, 11:51 PM
السلام عليكم ورحمه الله وبركاته
شخباركم ان شاءالله بخير
يالربع عندي مشكله بالكمبيوتر وهي انه يستخدم 700 او 600 وشي من الرامات مع اني مامشغل ولا برنامج وسطح المكتب لما اسوي رفريش كأني مبطل ستميه شغله وتغمزلي الشاشه هههه ادري توضيح غلط لكن هذا اللي يصير ولما اجي ابحدد مثلاً ملف او اكثر مايكمل التحديد يعني اسحب مثلاً 3 سم ويوقف بروحه وتتم امممماحط الصوره احسن خخخخ
http://www.qatarshares.com/vb/attachment.php?attachmentid=57766&stc=1&d=1261255853
هل في حل لهالمشكله :weeping:
MoTeC
20-12-2009, 12:13 AM
للعلم هذا ديسك توب و مواصفاته
http://www.qatarshares.com/vb/attachment.php?attachmentid=57767&stc=1&d=1261257194
وليف قطر
20-12-2009, 01:35 AM
تأكد من البرامج اللي تقلع مع الستارت آب شنهي
MoTeC
20-12-2009, 02:04 AM
والله ياطويل العمر تعبت وانا ادور امر الستارت اب او من وين اشغله خخخخ ولا لقيته
MoTeC
20-12-2009, 02:24 AM
لقيت الامر وفيه برامج وايد -.-"
MoTeC
20-12-2009, 02:48 AM
http://www.qatarshares.com/vb/attachment.php?attachmentid=57768&stc=1&d=1261266215
الحين فيه برامج مابيهم مثل فرابز و الماسنجر وفيه بعضهم للترجمه لكن فيه واحد من غير اسهم هذا ماعرفته وياليت تساعدني فاللي ماحتاجهم
وليف قطر
20-12-2009, 06:34 AM
الامر

run
msconfig
startup


شفت كم برنامج شغال ^_^

هني المشكله
هذلان
20-12-2009, 06:47 AM
السلام عليكم

هذا والله اعلم فايروس و صادني سبعين الف مره و بشرح لك طريقه ازالته لانه مايشله اي برنامج حمايه و السموحه اذا خانتني الذاكره ،، اتوقع تحوس في النت شوي و بتصيدها


تروح على السيرج و تكتب iexsploere
بيطلع ملف اسمه يحمل ارقام كثيره ،، سو عليه رايت كليلك و ديليت و عقب رد سو له حذف من المهملات و سو ري ستارات و ماعليك شر
هذلان
20-12-2009, 06:48 AM
ابشر

http://www.gulfson.com/vb/imgulfson/a3efbe45b6ed97935e74049d8daebb45.jpg
MoTeC
20-12-2009, 06:50 AM
ماقصرت يالذيب
والله اغلب البرامج شلت منهم الصح لكن للحين على نفس المشكله
على العموم يعطيك العافيه خل اروح انام ورانا دوام الساعه 4 p: تصبح ولا تمسي على خيرر خخخخ
MoTeC
20-12-2009, 06:52 AM
توني اشوف ردك يا هذلان وراح اجرب الطريقه وان شاءالله تنحل
ويعطيك العافيه
MoTeC
20-12-2009, 06:56 AM
مشكور اخوي هذلان وماقصرت وفعلن لقيته بهالاسم
IEXPLORE.EXE-27122324.pf
وتم حذفه من الجهاز وحذفه من سله المهملات وجاري اعاده تشغيل الجهاز
هذلان
20-12-2009, 06:57 AM
انتظرك
MoTeC
20-12-2009, 07:04 AM
سويت ريستارت لكن للحين نفس المشكله -.-'' اللي بالديسك توب لما ابي احدد على شي :s
هذلان
20-12-2009, 07:07 AM
غريبه ههههههههه شمسوي انت

زين روح ارقد و بحوس شوي و بحط لك الي بوصل له

فكر فيني قبل لاترقد :shy:
MoTeC
20-12-2009, 07:17 AM
شوف كنت احوس بالبرامج لان واحد قالي نظف الرجستري ويوم دخلت صوب الرجستري وسويت تحليل طلع له هذا .pf
شوفه بالمرفقات
اي صح نسيت اقولك شوكرن جزيلاً مقدماً P: وبخصوص افكر فيك ترى بعدين اجيك في الاحلام وماتنام انت هني المشكله P:
هذلان
20-12-2009, 07:24 AM
الي سويته اعتقد يفيد بس في تسريع الجهاز و انت الي صايدك فيروس اكيد

تسمع شور اخوك .. اخذ لك لابتوب ماك و انسى شي اسمه بطء او فيروسات .
MoTeC
20-12-2009, 07:32 AM
مشكلتي ماحب اللابتوب اساسن و الدسك توب هذا تراه جديد يعني اقل من 8 شهور والحمدلله ماشتكيت منه لكن مدري شفيه<<متعود على جهازه القديم يشغله وينساه واذا سوى له ريستارت طلعت البلاوي كلها
نفس الشي هني مع ان المواقع اللي ادخلها تنعد على الاصبع وانا عارف فيه مواقع متروسه فايروسات ومن هالخرابيط لكني متأكد مليون بالاميه مادخلت موقع من هالمواقع المشكوك بامرها P: اولاً خوفاً على ايميلي المميز هههههههههههههههههه وثانيا على اكونتات العاب تعبان وصارف عليها عرفت وعندك بتل فيلد و سلك رود و لعبه وار كرافت او wow هذول الواحد يتعب وهو يعدل بكركتراته ولازم يحاسب من المواقع اللي يدخلها وانا مادخل غير الاسهم القطريه وموقعين قطريين معروفين =] وبالاخير مشكور وماقصرت انت و وليف قطر
هذلان
20-12-2009, 07:41 AM
عد تدخل العاب و ماعندك كمبيوتر مااك

ياخي والله غلطان صرف الجهازين الي عندك و خذ لك لابتوب ماك واحد بيغنيك عن هالسوالف كلها لا من سرعه ولا من وضوح
وسعره معقول جدا ٦ الاف و يعيش معاك .. يكفي مصنوع من الالمينيوم و ضد الخدش .
اضيف لك شي اخير .. شركه ماك اعلنت توها ،، اي شخص يشتري كمبيوتر ماك اذا سوى ري ستارت و خذ الجهاز اكثر من ١٤ ثانيه يرد الجهاز و ياخذ فلوسه .
شتبي اكثر .

تحس اني اسوق للشركه من قلب :nice:
MoTeC
20-12-2009, 07:47 AM
ههههههههههههههههه شكلك عندك محل وتبي تبيع اجهزه ماك هااه اعترف p:
ماعليك امر حط لنا مواصفات ولا رابط ولما افضى بشيك عليهم خبرك شفتات الدوام
ويمكن ننعجب بهالماك p:
هذلان
20-12-2009, 08:05 AM
شوف طال عمرك .. لا عندي محل ولا شي و ادري انك تغشمر .. انا والله اني ناصح لك .
خصوصا اني كنت معاند الربع الي ينصحوني بالماك و خذته و قعد عندي شهر استخدمته يوم فقط . و السبب اني حافظ الويندوز عدل و سريع فيه .
لكن صادني فايروس ظرب عندي الواير ليس في الابتوب و كسلان اسوي فورمات و انجبرت استخدمه و هذا يوم و ذاك يوم . لو تقطعني ما استخدمت الويندوز احس كنت ظالم نفسي قبل .

افضل جهاز اشوفه مناسب هو حجم ١٣
لكن انت تلعب جيم اتوقع حجم ١٥ بيطربك اكثر .. مع اني اشوف حجم ١٣ مناسب جدا
هذي مواصفاته

http://www.teamdigital.com.au/online_news/0908/pics/MacBook%20Pro%2013.jpg


Box Processor Type: Intel Core 2 Duo
Product Family: MacBook Pro
Processor Speed (per Core): 2.5 GHz
Screen Size: 13 inch
Processor Configuration: Dual Core
Operating System: MAC OS X 10.6, Snow Leopard
Memory (RAM): 4 GB
Primary Drive:DVD+/-R/RW
Hard Drive Capacity: 250 GB

سعره في النت Price: US $1,429.00
وليف قطر
20-12-2009, 08:25 AM
متابع

^_^
هذلان
20-12-2009, 08:34 AM
متابع

^_^

صباح الخير :)

فرشت اسنانك :anger1:
وليف قطر
20-12-2009, 08:36 AM
صباح الخير :)

فرشت اسنانك :anger1:

صباح الكرك :nice:

انا ما افرررش .. يفرشوولي الله يسلمك :p

بعدين من زمان قاعد :weeping: