اكسبيدشني العزيز تدشدش

[omhamodi]

يا اخواني انا صار معي حادث قوي والحمد لله ما صار لي شي انا وعيالي . بس مقدمة السيارة صار فيها تلف كامل وهي اكسبيدشن 2005 رحنا للوكالة حصلنا قطع الغيار بواحد وعشرين الف ريال ويقولون شغل اليد بعد مبلغ وايد. نصحوني اشوف سيارة تكون مدعومة من الخلف وصايرة اسكراب واشتريها يمكن تكون ارخص شوي . يعطيكم العافية اذا في واحد يقدر يساعدني ويشور علي لاني احب السيارة وما ابغي اقطها واحسها امنة علي عيالي والدليل الحمد لله مع ان الحادث كان خشن بس الحمد لله طلعنا سالمين

[الجهجاه]

الحمدلله على السلامة في الحديد ولا فيكم

[فقط قطر]

خطاك الشر اختي.....
واذا ادورين الارخص....عندك الشارقة او العين.....اكثر من نصف القيمة الفرق...

[بوناصر1]

خطاكم الشر في الحديد ولا فيكم

ومثل ماقال اخوي فقط قطر عندج الشارقة او العين

او عندج السعوديه اذا اصليه وبأقل من القيمة اللي عندنا ياالدمام او الخبر او الرياض

[JoOoOoOoJ]

الحمد لله على سلامتك جميعا .... اختي شوفي لو في حد يقدر يروحلك على الدمام و يسألك عن قطع الغيار اعتقد ارخص بكثير من الدوحه ...و لو حتى تشوفو كراج في الدمام و تشحنو السياره عليه و يصلحها هناك ارخصلك و شغل نظيف

[الـخـور]

مشكلة الاكسبدشن انها تنزل من قيمتها وايد
تقدرين تشترين مثلها مستعملة في حدود 50 الف
وتخلين هذي الي عندج حق قطع غير متى ما لزم الامر

واذا عندج حد يتعبل ويروح ويرجع في كراجات كثيرة بالسعودية وتصلح يمكن بنصف السعر
وكذلك بالشارقة

بس اذا الدعمة قوية انصحج ماتتعبين حالج وتصلجينها لان خراباتها راح تكثر وراح تكرهين السيارة
يفضل تبيعينها سكراب

والحمد لله على السلامة

[Small Investor]

مشكلة الاكسبدشن انها تنزل من قيمتها وايد
تقدرين تشترين مثلها مستعملة في حدود 50 الف
وتخلين هذي الي عندج حق قطع غير متى ما لزم الامر

واذا عندج حد يتعبل ويروح ويرجع في كراجات كثيرة بالسعودية وتصلح يمكن بنصف السعر
وكذلك بالشارقة

بس اذا الدعمة قوية انصحج ماتتعبين حالج وتصلجينها لان خراباتها راح تكثر وراح تكرهين السيارة
يفضل تبيعينها سكراب

والحمد لله على السلامة


نفس راي اخوي الخور

السياره اذا جاتها دعمه قويه وخصوصه من المقدمه انصح
1- التخلص من السياره
2- التصليح والبيع المباشر

[فتى قطر]

انا ما انصح التصليح في وكاله الفورد..اتعس وكاله ..ويفضل تشتري قطع الغيار من السعوديه ارخص وايد وشوفلك كراج من هالكراجات وتكون وفرت نص القيمه

[qatar.com]

اختي بتحصلين نفسها بالسوق ارخص من القيمة الي بتقطينها عليها يعني لو تبيعينها وتزيدين فوقها وتشترين مثلها احسلج من العبالة او ان احد يجيبلج الاغراض من السعودية ارخص لج

[al-obaidly]

بيعها سكراب

[مستثمر 999]

[COLOR="RoyalBlue"][SIZE="3"][B]الحمدلله على السلامة في الحديد ولا فيكم


اختي تأكدي من قطع الغيار الي في القائمه لان اغلى شي الايرباق مع السنسرات

وفي هذي الحاله لا بد من تغيير قطع كثيره ونها حزام الامان لانه يقفل وممكن كسر اللوك ولكن يكون عديم الفايده

المهم

ممكن تدبير قطر الغيار من السكراب ( التشليح ) مثل الصدام والشبك والبانه والرفارف

اما الايرباقات ممكن تأجيلها لانها مكلفه للغايه

وحتى ممكن بيع السياره عن طريق الحراج بعد تصليحها ولا احد يلتفت للايرباق

[omhamodi]

كل الاخوان اللي ردوامشكورين ويعطيكم العافية. اخ 999 ايش تقصد ب باقي ايام فقط للتصدير الى السعوديه بالنسبه ل 2005

[omhamodi]

لااااا الايرباق سليم بس الرديتر و هذا مال الزيت والبانة والصدام والشبك والليتات وما ادري شنو اهي 10 قطع غيار والماكينة بعد سليمة .الاخ اللي يسأل عن الصور السيارة خذيناها الصناعية لكن اهي من داخل ماتأثرت

[Index Signal]

لااااا الايرباق سليم بس الرديتر و هذا مال الزيت والبانة والصدام والشبك والليتات وما ادري شنو اهي 10 قطع غيار والماكينة بعد سليمة .الاخ اللي يسأل عن الصور السيارة خذيناها الصناعية لكن اهي من داخل ماتأثرت

بما إن الإيرباقات ما طلعت و المكينه سليمه فأمورك بإذن الله طيبه ..

الحل بأقل تكلفه هو :

تحجز تذكر للكويت على طيران الجزيره بسعر ٣٠٠ ريال أقل أو أكثر بقليل حسب الزحمه ..

التوجه لمنطقة الشويخ الصناعيه و تشتهر بالعديد من محلات قطع الغيار الأصليه و التجاريه ..

و سبب نصيحتي بالكويت لأن الفورد منتشر عندهم مثل التويوتا عندنا و محلات قطع غيار الفورد بالهبل و الأسعار رخيصه ..

يعني موضوعك ممكن تخلصه خلال يوم واحد بدون الحاجه للمبيت ..

تطير الصبح و ترجع في الليل و معاك كل القطع و موفر أقل من نص السعر .

الحل الثاني : تبيعه سكراب .. لأن الفورد وهو صاحي ماله سوق فما بالك وهو مدعوم و مصلح ..

و معوض خير إن شاء الله و سلامتك مع العيال تسوى الدنيا .

[Qatar+]

الله يعينك

[omhamodi]

احين الوكالة يقولون بيسون لي تخفيض 35% يعني بيصير المبلغ حق قطع الغيار تقريبا 15 الف غير شغل اليد . تتوقعون برع قطر يكون ارخص ؟؟
الاخ اللي يبغي الكوتيشن علي الخاص انا مشاركاتي قليلة وما اقدر اطرش علي الخاص

[الـخـور]

على حسب وصفج للدعمات شكلها بسيطة
في هالحالة التصليح بالوكالة افضل من العبالة والنقلة والروحة والجية

على الاقل يعطونج ضمان على شغلهم (اساليهم كم مدة الضمان بعد التصليح)

[مستثمر 999]

ام حمودي

صلحي سيارتج في اي كراج وتوكلي على الله

بس ما فهمت ايش قصدج ب مال الزيت اخاف تقصدين البلوك .........مصيبه

اما اذا الكرنكيس ........ عادي مب مشكله

1- كراج المستقبل ش 27

2- كراج النمر ( احمد الحمد - الكويتي ) ش 27

3 كراج الناصر - ش 27

4- النورماندي

5-

لا تصلحين في الوكاله تصيحه لوجه الله ........................اللهم هل بلغت الله فاشهد

انا صلحت شيروكي موديل 91 بداية الفاتوره 3000 ريال

والله يشهد علي دفعوني اكثر من 20 الف ريال

يوقعونج على اوراق عباره شيك على بياض وللاسف احنا ما نقرا ......نوقع ونوززع انتسامات

[omhamodi]

(يوقعونج على اوراق عباره شيك على بياض وللاسف احنا ما نقرا ......نوقع ونوززع ابتسامات) اي والله صج. انا بتصل علي الكراجات اللي قلتها بس اهما اتوقع ما عندهم قطع غيار يعني انا اشتري القطع من الوكالة اذا بيعطوني التخفيض واروح لهم؟

[Index Signal]

(يوقعونج على اوراق عباره شيك على بياض وللاسف احنا ما نقرا ......نوقع ونوززع ابتسامات) اي والله صج. انا بتصل علي الكراجات اللي قلتها بس اهما اتوقع ما عندهم قطع غيار يعني انا اشتري القطع من الوكالة اذا بيعطوني التخفيض واروح لهم؟

قبل ما تشترين القطع سألي الكراج كم يقدر يجيب القطع لأن الكراجات لهم أسعار خاصه عند الوكالات ..

و أنصحج بكراج المستقبل لأني مجربه .

[طاش]

في السعودية ماراح يكلف القطع الغيار وفيه ارقام محلات تقدر تستفسر على السعر وانا متاكد اذا الدوحة قالوا 21الف اهناك 10الاف واقل بعد

[alftaan]

الحمدالله على السلامه ........وماتشوفووووون شر .

[مستثمر 999]

اختي لا تشيلين هم قطع الغيار

حطي 50 ريال في جيب السمكري وخاي الباقي على الله

كل القطع قابله للسمكره ما عدا الشبك

حتى قاعدة الرديتور

وحين ميسره مع البونس وبدل التذاكر الخ الخ ممكن تبديل القطع بقطع جديده

[Mody]

سلامات وخطاكم الشر وانا الشيخه رأيي ان تبيعين السياره بحالتها واللي يشتري يصلح
والسياره تنكره اذا اندعمت دعمه قويه .. اما اذا بتصلحين فانا انصح بالوكاله

مهما كان تصليح وكالتها غير عن اي كراج بس شوفي الخصم يسوى تصلحين عندهم ولا لا ؟؟

[مستثمر 999]

انا اختلف معاك اخوي بوسعود واقولها بعد خبره في تصليح الله اعلم كم سياره وفي كل الوكالات

اول شي ما يعطون ضمان على اي شي يصير من اخطاء التصليح مثل الحراره او صوت في المراوح او اي شي


واذا رجعت السياره لهم ما ياخذونها ويقولون احنا ملنا علااقه بالكراج

وغير النصب والنهب في تغيير القطع الي ما تحتاج تغيير وياخذون القطع ويبيعون بالجمله