اعظم فائده للطلاق ( قصه واقعيه )

[hemoud123]

راشد ونوره ( اسماء مستعاره ) زوجين انفصلا بالطلاق بعد مرور اربع سنوات على زواجهما الذي كاتت ثمرته بنوته مثل القمر .
مضى على انفصالهما سنه وكانت سنه طويله جدا على الجميع .

البنوته اللي تحب امها وابوها وتتمنى يرجعون بيتهم اللي تلعب فيه وتخرب وتكسر على راحتها , ومشتاقه للدلال ابوها اللي ماله حدود , لكن ما في يدها حيله

راشد يموت في بنته ومشتاق لها واكثر منها مشتاق ل ,,,,,,,,,, , اشياء كثيره مفتقدها في حياته , مشتاق اليد الحانيه اللي تلمس جبينه كل صبح وهي تصحيه من النوم , للابتسامه اللي تستقبله وهو راجع من الدوام , مشتاق , ويحن , ويتمنى اشياء كثيره ولكن عزة نفسه الكذابه تمنعه انه يصرح او يبادر ( خلها مثل ما طلبت الطلاق هي اللي لازم تبادر)

نوره كل يوم الصباح تقبل بنتها بين عيونها وهي موصلتها للروضه ( عيونها اللي طالعه على عيون ..............)
وتسال نفسها كل يوم وكل ساعه , شلون قدر يصبر على بعدي كل هالفتره ؟ شلون طاوعني وطلقني بس لاتي قلت له طلقني وانا في حالة غضب ؟
مشتاقه لبيتها الصغير الدافئ ولغرفة نومها , ولمطبخها , واكثر من هذا كله مشتاقه ل............ لكن عزة النفس الكذابه تمنعها انها تصرح او تبادر او حتى تلمح .

المهم وبفضل من الله التم الشمل مره ثانيه قبل الاحتفالات الاخيره بعد عام من العذاب وشمانة الاعداء , وكانت فرحه مركبه , لم شمل واحتفالات وامطار الخير , وشهر عسل ,
What a Wonderful World

ياترى كم في هذه الحياة من ازواج انفصلوا لاي سبب سواء كان قوي او تافه ويتوقون لعودة احدهم للاخر لكن تمنعهم عزة النفس الكذابة ؟
لكن بعد ما يرجعون لبعضهم يعرفون اعظم فائده للطلاق ( ان اللي بينهم ويجمعهم اكبر من اي شي , وفي سبيل هذا الكل لازم يقدم تنازلات في فترة ما )
نسال الله ان يلم شمل كل اثنين

قصه من الواقع مع بعض التصرف

[Mozanee]

أخوي حمود انا بقولك على سر من أسرار حواء ,, اذا هي قالت :

طلقني لازم الريال يقرى بين السطور يعني تقصد فيها اثبت انك ماتستغنى عني ومتمسك فيني

وبعض الريايل ياخذونها على انها من صجها ,,

ومعظم حالات الطلاق مامنها الا الدمار لنفسية العايلة كلها

وفي سر بعد اذا المرة سألت انت تحبني وياكثر ما ينطرح هالسؤال ؛ تقصد فيه انها تبي تعرف

للحين هي في البال ولا لا وكل وحدة ونيتها ,,,

تسلم على الموضوع حمود ,, لا تحرمنا من جديدك

[hemoud123]

أخوي حمود انا بقولك على سر من أسرار حواء ,, اذا هي قالت :

طلقني لازم الريال يقرى بين السطور يعني تقصد فيها اثبت انك ماتستغنى عني ومتمسك فيني

وبعض الريايل ياخذونها على انها من صجها ,,

ومعظم حالات الطلاق مامنها الا الدمار لنفسية العايلة كلها

وفي سر بعد اذا المرة سألت انت تحبني وياكثر ما ينطرح هالسؤال ؛ تقصد فيه انها تبي تعرف

للحين هي في البال ولا لا وكل وحدة ونيتها ,,,

تسلم على الموضوع حمود ,, لا تحرمنا من جديدك

نصائح من ذهب الحقيقه اشكرك عليها
وياريت الاخت حواء تختار الوقت المناسب لاختبار مدى حب الزوج لها
اشكرك على المرور

[alrheeb2020]

للاسف بعضهم يطلقون في لحظة غضب ..!!

ومايفكر بمستقبل ابناءه ..!!

ومايفكر بمصير غيره ..!!

الله يهديهم ويرد شمل كل من تطلقوا

والله يجزيك خير

[الخارجية]

الله يجمع المنفصلين ... اميييييييييييييييين ..

[لاجل QT]

طلقنى= اهتم فينى..
الله يلم كل شمل مفترق
تسلم على الموضوع اخوي

[الوجبه]

امحق سر يا موزاني ... انصحج لا تقولين حق احد :)

[Mozanee]

امحق سر يا موزاني ... انصحج لا تقولين حق احد :)



أفاا ليش ,, ؟؟ من الضروري يعرف الريال هالسر حتى ما يندفع ويطلق ,,

فاذا قالت طلقني ,, يرد عليها : اشلون تبيني اطلقج مب سهلة علي أنا ما أستغنى عنج ,,

فهمت ولا لا يا الوجبة المجانية ههههه

[ناصح لكم]

بعض الحريم الله يهداهم تقول له
إذا إنت رجال ولد رجال طلقني
عاد أهوه هنيه يشوتها بوووز:)

[Mozanee]

بعض الحريم الله يهداهم تقول له
إذا إنت رجال ولد رجال طلقني
عاد أهوه هنيه يشوتها بوووز:)

اشدعوة يشوتها بوز,, واحد من الربع هي ,,,:)

حتى لو قالت اذا انت ريال طلقني ,, خل يقولها ريال غصبن عنج

بس مب مطلقج ,,

[*جواهر*]

mozanee

انا معاج مليوووووووون بالميه

الكلمه الطيبه وقت الغضب وتمسك الرجل بالمراءه يزيد من تمسكها فيه بس وييييييييييييييين اللي يفهم هالنقطه.

[Mozanee]

mozanee

انا معاج مليوووووووون بالميه

الكلمه الطيبه وقت الغضب وتمسك الرجل بالمراءه يزيد من تمسكها فيه بس وييييييييييييييين اللي يفهم هالنقطه.


الغضب سبب كل بلوى وتنفر الناس من بعض

والانسان الغاضب لازم ما ياخذ اي قرارلين يهدأ

[الوجبه]

بس اهم شي يقرا اللي بين السطور ,,, يعني اذا جاتك مرتك بسكين مطبخ وبتحللك وهي تقول طلقني

لازم اتعرف اللي بين السطور واتعرف السبب .. ولا تتاخر وانت مرتبك وتبحث عن السبب ... ولا اتخاف

تراه دلع مزيج بين الاكشن .. وكله اختبار ..

والله من الفضاوه :)

[unless]

اتوقع اي رجل عنده نص عقل وربع كيلو رزانة وشوية ثقل
مايطلق مرته بمجرد تقول طلقني والحالة هذي اللي ذكرها صاحب
الموضوع نصيحتي للرجل لايتجاوب معاها وافضل حل يبتعد لحظتها
اما الزوج اللي يتفاجأ باستدعاء من المحكمة بدعوى من الزوجة
تبي تخلعه والسبب يوم اسألوها قالت :ابي اشوف نفسي
ويوم قالوا لها وعيالج قالت: طبعا ياخذهم ابوهم
واحسن لكم ماتعرفون ايش الكيفية اللي تبي تشوف نفسها بها..

[لولوتي]

واللي مطلق بالثلاث :eek5:

[BuFaisal]

أخوي حمود انا بقولك على سر من أسرار حواء ,, اذا هي قالت :

طلقني لازم الريال يقرى بين السطور يعني تقصد فيها اثبت انك ماتستغنى عني ومتمسك فيني

وبعض الريايل ياخذونها على انها من صجها ,,

ومعظم حالات الطلاق مامنها الا الدمار لنفسية العايلة كلها

وفي سر بعد اذا المرة سألت انت تحبني وياكثر ما ينطرح هالسؤال ؛ تقصد فيه انها تبي تعرف

للحين هي في البال ولا لا وكل وحدة ونيتها ,,,

تسلم على الموضوع حمود ,, لا تحرمنا من جديدك

مع احترامي لج لكن هذا ماهو منطق
اذا الزوجة بايعتها وقالت طلقني بخلاف مره ومرتين وثلاث فلا تتوقعين كل مرة تسلم الجرة
ولا شرط دائما الزوجة تفقد اعصابها والزوج يهدي ويتعوذ من ابليس
لانه يتجي مره بيكون الرجال ايضا فاقد اعصابه ويبيع القضية
هذا شيء ينساه الكثير للاسف

[alanood]

سبحان الله
صحيح ان هذه هي دار الاختبار والحمدلله انها ليست بدار القرار
كلن وله في هالدنيا مبالغ وهي لها نقطة بداية ونقطة نهايه
والله المستعان

[وطن]

مع احترامي لج لكن هذا ماهو منطق
اذا الزوجة بايعتها وقالت طلقني بخلاف مره ومرتين وثلاث فلا تتوقعين كل مرة تسلم الجرة
ولا شرط دائما الزوجة تفقد اعصابها والزوج يهدي ويتعوذ من ابليس
لانه يتجي مره بيكون الرجال ايضا فاقد اعصابه ويبيع القضية
هذا شيء ينساه الكثير للاسف

لهذا السبب العصمة في يد الرجل يا اخوي
لانه يتحكم باعصابه
اما المرأه عاطفية جدا
وفي ابسط موقف تبي الانفصال او الطلاق

يعني الرجال لازم يصبر عليها

ولا تنسى ان تفكير المرأه غير عن تفكير الرجل
يعني لو قالت له شي لازم يعرف انه عكس اللي هو فهمه :)

[Mozanee]

مع احترامي لج لكن هذا ماهو منطق
اذا الزوجة بايعتها وقالت طلقني بخلاف مره ومرتين وثلاث فلا تتوقعين كل مرة تسلم الجرة
ولا شرط دائما الزوجة تفقد اعصابها والزوج يهدي ويتعوذ من ابليس
لانه يتجي مره بيكون الرجال ايضا فاقد اعصابه ويبيع القضية
هذا شيء ينساه الكثير للاسف

عاد هو خل يجيس النبض,,, يعني حتى يبرد حرته يطلقها ,,

بعد ذي مب منطق ,,, :)

[Mozanee]

بس اهم شي يقرا اللي بين السطور ,,, يعني اذا جاتك مرتك بسكين مطبخ وبتحللك وهي تقول طلقني

لازم اتعرف اللي بين السطور واتعرف السبب .. ولا تتاخر وانت مرتبك وتبحث عن السبب ... ولا اتخاف

تراه دلع مزيج بين الاكشن .. وكله اختبار ..

والله من الفضاوه :)

قليل من يفهمها ,, وعلى فكرة في ريايل ساعات ما تعرف لهم يبون المرة تقرى بين السطور

يعني كح يبيلي ماي ,, واذا متضايق وعيونه ذبلانه يعني لا تطلبين مني اوديج مكان

ومفلس يعني ما في سفر ,,, صج صج فضاااااااااااااااااااااوة ,,,

[بنت^البحرين1]

اعرف وحده كله تقول حزة ماعصب انا ماشوف شي وكلكم وخروا عني .. يازعم انا عصبية لحد يوقف في ويهي وقامت تسوي نفس الحركة حق ريلها مع ان الكل ملاحظ انه يحبها ويموت فيها وهي عارفة نفس الشي ، لحد مامصخت السالفة وقامت تقوله لو انت ريال جان طلقتني .. طبعا الريال ماستحمل هالكلام الماصخ ورمى عليها اليمين وكاهي عندها اهلها للسنه الثالثة .. ميته تبي ترد له وفي نفس الوقت مب راضية تبادر


الخلاصة .. مب كل ماسوت الحرمة شي قالت انا عصبية وخروا عني انا ماستحمل لا الشيخة استحملي ذي ريلج وتاج راسج وابو اعيالج .. ريلج هو سترج وغطاج ..

الله يهدي الكل ان شاءالله ويرد كل اثنين منفصلين لبعض

[alanood]

كل وضع وله احكامه محد يقدر يعمم خاصه في هذه الامور الحساسه جدا
وتعتمد على الطرفين اذافي تجاوب بينهم للحد بين الخلافات دون اللجوء الى ابغض الحلال هذه الامور لا تحتمل الغضب والاستعجال
ولو اني اتابع الردود الاحظ ان حد يصف للحريم وحد صوب الرجال
وانا اقول ليست كل الرجال على صواب وليست كذلك كل النساء على صواب
الصواب ان:نأخذ بالاسباب و نتبع كتاب الله في تعاملاتنا مع الاخرين نسلم

[روح-قطر]

طلقني اعتقد المراه تقولها تبي تبين للريال انها قادره تشيل نفسها او نفس ما قالت موزاني دلعني واهتم فيني ترى مافي مراه تتمنى هاللقب..

ماحب هالكلمه احسها تهد عشره سنين وتهد الحيل بعد لان الريال يفهمها انها ماتبيني وتستقوي..

مع انها كلمه بس اسبابها تطول..

الله يرجع المنفصلين يارب ويهدي بالهم ان شاء الله

يسلمووووووووووووووووووووووووووو

[hemoud123]

اعرف وحده كله تقول حزة ماعصب انا ماشوف شي وكلكم وخروا عني .. يازعم انا عصبية لحد يوقف في ويهي وقامت تسوي نفس الحركة حق ريلها مع ان الكل ملاحظ انه يحبها ويموت فيها وهي عارفة نفس الشي ، لحد مامصخت السالفة وقامت تقوله لو انت ريال جان طلقتني .. طبعا الريال ماستحمل هالكلام الماصخ ورمى عليها اليمين وكاهي عندها اهلها للسنه الثالثة .. ميته تبي ترد له وفي نفس الوقت مب راضية تبادر


الخلاصة .. مب كل ماسوت الحرمة شي قالت انا عصبية وخروا عني انا ماستحمل لا الشيخة استحملي ذي ريلج وتاج راسج وابو اعيالج .. ريلج هو سترج وغطاج ..

الله يهدي الكل ان شاءالله ويرد كل اثنين منفصلين لبعض

اختي بنت البحرين انا اعتقد ان هذي الزوجه غلطانه الله يهديها
الرجل ممكن يتحمل زوجته تقول له في لحظة غضب _ انا ما احبك وطلقني _ او تقول له انا كرهت الحياة معاك طلقني او حتى تقول له انا ندمانه اني ارتبطت فيك طلقني , لكن تقول له اذا انت رجال طلقني ؟ اكيد بيطلقها وما راح يتردد
الله يهدي سر الجميع

[hemoud123]

اخواني وخواتي جزاكم الله خير

في رايكم ايش افضل حل لاثنين انفصلوا في لحظة غضب ؟ والاثنين نادمين وكل واحد يتمنى يرجع لوليفه اليوم قبل بكره , لكن العناد وعزة النفس الكذابه تمنع احدهم يتنازل

- يعني هل في رايكم ان الغلطان لازم يعترف وهو اللي مفروض يبادر
- او الرجل مفروض هو اللي يبادر في كل الاحوال وبصرف النظر من اللي غلطان
- هل دور الاهل مطلوب في هذي الحالات

[شموخ قطريه]

الطلاق شي جدا صعب والاصعب لما يكون هناك طفل

اسباب الطلاق عديـــــــــــــــــــــــــــــــــــــده وبنسبة 85% مالها معنى

اما الباقي سبب وجيه 15%

بالنسبالي انا شفت الصراحه ناس انفصلو علشان اسباب تاااااااااااااااااااافه جدا ونسبة المطلقات عندنا بالهبل



الله يصلح ويهدي كل من يفكر في الطلاق تراه شي مب هين والكلمه نفسها تعور القلب

[Mozanee]

اخواني وخواتي جزاكم الله خير

في رايكم ايش افضل حل لاثنين انفصلوا في لحظة غضب ؟ والاثنين نادمين وكل واحد يتمنى يرجع لوليفه اليوم قبل بكره , لكن العناد وعزة النفس الكذابه تمنع احدهم يتنازل

- يعني هل في رايكم ان الغلطان لازم يعترف وهو اللي مفروض يبادر
- او الرجل مفروض هو اللي يبادر في كل الاحوال وبصرف النظر من اللي غلطان
- هل دور الاهل مطلوب في هذي الحالات

أخوي حمود هني لازم يحكمون الشرع فيتدخلون الاهل اللي عندهم حكمة

مب اللي يزيدون الطين بله ,,,

والله يصلح الأحوال يارب ويرجع كل وليف لوليفة

[FHN]

الاهل لهم دور كبير في الاصلاح ..
ماقريتوا قول الله تعالى : ( ...حكما من اهله وحكماً من اهلها ان يريدآ اصلاحا يوفق الله بينهما ..)سورةالنساء

[hemoud123]

الاهل لهم دور كبير في الاصلاح ..
ماقريتوا قول الله تعالى : ( ...حكما من اهله وحكماً من اهلها ان يريدآ اصلاحا يوفق الله بينهما ..)سورةالنساء

صحيح , ولكن حكما من اهله وحكما من اهلها هذا قبل وقوع الطلاق
ولكن اذا وقع الطلاق فدور الاهل اصبح محدود جدا

[هدهد سليمان]

أخوي حمود انا بقولك على سر من أسرار حواء ,, اذا هي قالت :

طلقني لازم الريال يقرى بين السطور يعني تقصد فيها اثبت انك ماتستغنى عني ومتمسك فيني

وبعض الريايل ياخذونها على انها من صجها ,,

ومعظم حالات الطلاق مامنها الا الدمار لنفسية العايلة كلها

وفي سر بعد اذا المرة سألت انت تحبني وياكثر ما ينطرح هالسؤال ؛ تقصد فيه انها تبي تعرف

للحين هي في البال ولا لا وكل وحدة ونيتها ,,,

تسلم على الموضوع حمود ,, لا تحرمنا من جديدك


لهذا السبب العصمة في يد الرجل يا اخوي
لانه يتحكم باعصابه
اما المرأه عاطفية جدا
وفي ابسط موقف تبي الانفصال او الطلاق

يعني الرجال لازم يصبر عليها

ولا تنسى ان تفكير المرأه غير عن تفكير الرجل
يعني لو قالت له شي لازم يعرف انه عكس اللي هو فهمه :)

افضل ردين من دون مجامله والله يبعد عنا ابغض الحلال !

الله يستر علينا وعليكم يوم العرض ..

[Mozanee]

افضل ردين من دون مجامله والله يبعد عنا ابغض الحلال !

الله يستر علينا وعليكم يوم العرض ..

أخوي هدهد أنت آخر واحد تجامل ,,

شهادتك أعتز فيها

وتسلم يارب ,,

[سنطره]

بعض الحريم الله يهداهم تقول له
إذا إنت رجال ولد رجال طلقني
عاد أهوه هنيه يشوتها بوووز:)

هههههههههههههههههههههههههههه

[وطن]

افضل ردين من دون مجامله والله يبعد عنا ابغض الحلال !

الله يستر علينا وعليكم يوم العرض ..

امين يا رب

[الجوكر90]

السلام عليكم
انتوا تقولون وشو الحل
انزين انا بقولكم شي
شرايكم لو الرجال طلق مرته المفروض ماتطلع من بيتها وتروح بيت اهلها
لان لو طلعت وقعدت فبيت اهلها السالفه راح تبرد ومحد راح يتنازل عن عزة نفسه
اما الدين يقول اتم فبيت ريلها لمده اربعين يوم واذا ماردها تروح بيت اهلها بس فالاربعين يوم اتم عند ريلها حتى لو طلقها لان يمكن فلحظه غضب طلقها وعاد راح يشوفها فالبيت تتمشى وتضحك مع عيالها راح يحن ويمكن يرجعها
سبحان الله الاسلام نعمه الله انعم علينا بس من يفهم ويتعلم
والله يهدينا ويستر علينا قولوا امين
وتسلم اخوي وماقصرت
ولاهنت

[ورد قطر]

برأيي إن المرأة العاقلة اللي تبي تحافظ على بيتها عمرها ما تجيب طاري الطلاق لو صار ايش ما صار واذا تبي تعرف مكانتها عند زوجها في ألف طريقة وطريقة بس مب انها تقوله طلقني .. أنا اتوقع انها أول مرة تقول فيها هالكلمة لزوجها راح يستنكرها وما يتقبلها بس مع تكرارها مرة ورا الثانية ممكن انه يفكر فيها ويتخيل حياته اشلون بتكون اذا طلقها ويرسم له خطط ومشاريع مستقبلية لحياته .. الكلمة هاذي لازم ما تنقال إلا للشديد القوي لما الحياة تصير مستحيلة مب مني والدرب تعال وطلقني.
وبالنسبة للسؤال اذا صارت مشكلة وصعب للطرفين انهم يبادرون ممكن يدخلون شخص عاقل يتوسط ويصلح بينهم.

[الصريحه]

اللله يستر على الجميييييع

[BuFaisal]

وقامت تقوله لو انت ريال جان طلقتني

هذه اكبر كلمة تسبب الطلاق لانها تطعن الرجل برجولته وهذا ما لا يقبله اغلب الرجال

[ام السعف]

المرأة الفاهمة الواعية ما تستخدم كلمة طلاق للضغط على الرجل ، فمثل هذه الكلمة لا تقال الا عند استفحال العيش ويعتبر القرار الأخير ( ويمكن الرجوع عنه ) ، فسوالف المسلسلات بتخرب البيوت التي لا يعي اصحابها كيفية التعامل مع الاختلافات .

[ام السعف]

اخواني وخواتي جزاكم الله خير

في رايكم ايش افضل حل لاثنين انفصلوا في لحظة غضب ؟ والاثنين نادمين وكل واحد يتمنى يرجع لوليفه اليوم قبل بكره , لكن العناد وعزة النفس الكذابه تمنع احدهم يتنازل

- يعني هل في رايكم ان الغلطان لازم يعترف وهو اللي مفروض يبادر
- او الرجل مفروض هو اللي يبادر في كل الاحوال وبصرف النظر من اللي غلطان
- هل دور الاهل مطلوب في هذي الحالات

يمكنهم القفز فوق الاختلاف دون التطرق له ، ما دام الحب و الشوق مكانه القلب والإحترام والتقدير مكانهم العقل ، ليش التدقيق على بيان من هو الغلطان ؟!! هو غلطان او هي غلطانة في الأخير وين يبون يوصلون ؟ يبون بيت يلمهم وغرفة تجمعهم ؟
كل هذا ممكن يتم عن طريق القفز على الاختلافات و تهوينها على النفوس .

فالغلطان و المغلوط عليه في الحياة الزوجية ممكن يبادر الى اصلاح الخلل ، مسج ودي او فيه نوع من العتب او احساس مفعم بالشوق كفيل انه يخلي الطرف الثاني يلين و يقول في نفسه
لو ما كان يبيني ما اهتم يطيب لي خاطري وان كنت انا الغلطانة ( او غلطان ).

ليس شرطا ان يكون الرجل هو المبادر ، ممكن جدا ان تكون المرأة هي المبادرة او ان يلتقون في نص الطريق و تتحدث المشاعر دون مبادرة من اي طرف منهم .

دور الأهل مطلوب في حال ان كانوا هم السبب في الخلاف ، و بشكل عام يفضل عدم توسيع دائرة المعرفة بخصوص الاختلاف ما بين الزوجين الى في الحالات الصعبة ، إما الحالات البسيطة و المتوسطة يفضل ان يكون ما بين الزوجين وحدهما .
هذه وجهة نظري الخاصة .

[Mozanee]

اللهم اني أعوذ بك من قهر الرجال للنساء

صحيح كيدها عظيم بس مسكينة ومكسورة وياشين الريال

اللي يستقوي على انسان ضعيف ,,

مرة سمعت كلمة من دكتورة شريعة في الجامعة تقول تدرون ليش الله وصى على الام

ثلاثا مب عشان هي اللي تعبت وربت وشالت ,, لا ,,

لأنها ضعيفة ومسكينة وكلها عاطفة وخاطرها ينكسر بسرعة ,,

ولا الحمل والربى والشقى ينسي وتم العاطفة في المرة ,,

وبسكم تكسر مياديف وتجريح متى بتاخذون النبي قدوة لكم ,,

والرسول لما قال رفقا بالقوارير حتى ما تتأثر بصوت الحادي لأنها سريعة التاثر

بالشي الجميل ,,, وافهم يا فهيم ,,,

[بن داوود]

قديماً مستحيل تقول وحده حق زوجها طلقني مهما حصل حتى لو تزوج عليها او يضربها لأن مالها غنى عن زوجها. الحين كلمة طلاق عند البنت صار عادي حتى بعضهم يسون حفله للطلاق ويقدمون فيها ما لذ وطاب من الطعام والشراب لأنها مب محتاجه للرجل عمل عندها, فلوس عندها, سياره عندها ,صديق عندها, صارت تعتمد على نفسها في كل شيء الرجل صار ماله قيمه عندهم بس علشان تحصل على لقب متزوجه

[hemoud123]

اللهم اني أعوذ بك من قهر الرجال للنساء

صحيح كيدها عظيم بس مسكينة ومكسورة وياشين الريال

اللي يستقوي على انسان ضعيف ,,

مرة سمعت كلمة من دكتورة شريعة في الجامعة تقول تدرون ليش الله وصى على الام

ثلاثا مب عشان هي اللي تعبت وربت وشالت ,, لا ,,

لأنها ضعيفة ومسكينة وكلها عاطفة وخاطرها ينكسر بسرعة ,,

ولا الحمل والربى والشقى ينسي وتم العاطفة في المرة ,,

وبسكم تكسر مياديف وتجريح متى بتاخذون النبي قدوة لكم ,,

والرسول لما قال رفقا بالقوارير حتى ما تتأثر بصوت الحادي لأنها سريعة التاثر

بالشي الجميل ,,, وافهم يا فهيم ,,,


يمكنهم القفز فوق الاختلاف دون التطرق له ، ما دام الحب و الشوق مكانه القلب والإحترام والتقدير مكانهم العقل ، ليش التدقيق على بيان من هو الغلطان ؟!! هو غلطان او هي غلطانة في الأخير وين يبون يوصلون ؟ يبون بيت يلمهم وغرفة تجمعهم ؟
كل هذا ممكن يتم عن طريق القفز على الاختلافات و تهوينها على النفوس .

فالغلطان و المغلوط عليه في الحياة الزوجية ممكن يبادر الى اصلاح الخلل ، مسج ودي او فيه نوع من العتب او احساس مفعم بالشوق كفيل انه يخلي الطرف الثاني يلين و يقول في نفسه
لو ما كان يبيني ما اهتم يطيب لي خاطري وان كنت انا الغلطانة ( او غلطان ).

ليس شرطا ان يكون الرجل هو المبادر ، ممكن جدا ان تكون المرأة هي المبادرة او ان يلتقون في نص الطريق و تتحدث المشاعر دون مبادرة من اي طرف منهم .

دور الأهل مطلوب في حال ان كانوا هم السبب في الخلاف ، و بشكل عام يفضل عدم توسيع دائرة المعرفة بخصوص الاختلاف ما بين الزوجين الى في الحالات الصعبة ، إما الحالات البسيطة و المتوسطة يفضل ان يكون ما بين الزوجين وحدهما .
هذه وجهة نظري الخاصة .

هذي عينه من افكار واراء وتحاليل صادقه تكتب بماء الذهب

الرجل مهما علا شانه وتقدم عمره يبقى غير ملم بكل مشاعر الطرف الاخر او احسن السبل في التعامل مع تلك المشاعر
ياريت احد الاخوات الفاضلات تتبرع بشيء من وقتها وتصيغ لنا موضوع تجمع فيها بعض ما جاء في هذه المشاركات من نصائح ومحاذير وما تتوقعه حواء من ادم , على ان ان تتكرم الاداره بتثبيت هذا الموضوع لفتره من الوقت حتى تعم الفائده ,
الكثير منا يتوقع ان الرجل عندما قدم على الزواج فانه يكون كامل النضج خبيرا في فن التعامل مع الطرف الاخر , وهذا غير صحيح ان لم يكن الكل فعلى الاقل البعض منهم
موضوع مثل هذا بيكون له والله اعلم مردود وفائده اكبر من مواضيع من قبيل شفت وشافوا وقلت وقالوا

[المقهوره]

ياكثر ماقلنا طلقني طلقني خاصه في السنه الاولى من الزواج

بس كان معطيني كوع يطنش

@_@ وانا بصراحه كنت اقولها في غضب وما كنت اقصد الطلاق بعينه

[Sharshooooor]

المرأة الفاهمة الواعية ما تستخدم كلمة طلاق للضغط على الرجل ، فمثل هذه الكلمة لا تقال الا عند استفحال العيش ويعتبر القرار الأخير ( ويمكن الرجوع عنه ) ، فسوالف المسلسلات بتخرب البيوت التي لا يعي اصحابها كيفية التعامل مع الاختلافات .

وصلتي خير اختي
واحب اضيف اصدقاء السوء هم سبب ولهم نصيب كبير لسبب الطلاق
خير الكلام ماقل ودل وانتي ماقصرتي بردج

[hemoud123]

ياكثر ماقلنا طلقني طلقني خاصه في السنه الاولى من الزواج

بس كان معطيني كوع يطنش

@_@ وانا بصراحه كنت اقولها في غضب وما كنت اقصد الطلاق بعينه

ياريت كل الازواج يستخدمون سياسه الكوع خاصة في السنوات الاولى من الزواج , وياريت الزوجات يخففون من استخدام كلمة ( طلقني ) على اتفه الاسباب


وصلتي خير اختي
واحب اضيف اصدقاء السوء هم سبب ولهم نصيب كبير لسبب الطلاق
خير الكلام ماقل ودل وانتي ماقصرتي بردج

تدخل الاصدقاء في المشاكل الزوجيه واطلاعهم باي صوره على ادق الامور يعتبر اول مسمار مصدي يدق في نعش اي علاقه زوجيه , والحق يقال ان النساء هم الطرف الاكثر اشراكا للاصدقاء في المسائل الزوجيه اما للفضفضه او لطلب المشوره ,اكثر من الرجال الذين دائما يتجنبون اثارة مشاكلهم الزوجيه لاي صديق مهما كان قريبا

[المقهوره]

ياريت كل الازواج يستخدمون سياسه الكوع خاصة في السنوات الاولى من الزواج , وياريت الزوجات يخففون من استخدام كلمة ( طلقني ) على اتفه الاسباب

الحين لما اتذكر اني كنت اقول طلقني طلقني اقول في خاطري صدق مب صاحيه
بس عدم الخبره في الرجل لها دور والانسان مايتعلم في بطن امه

[Mozanee]

ياكثر ماقلنا طلقني طلقني خاصه في السنه الاولى من الزواج

بس كان معطيني كوع يطنش

@_@ وانا بصراحه كنت اقولها في غضب وما كنت اقصد الطلاق بعينه

كلامج عدل ما تنقال الا في بداية الزواج

وبعض المشاركين الله يهديهم ماسكين على الزوجة ليش تقول الكلمة ذي

والهدف من الموضوع ان الريال يمسك نفسه وما يطلق وان لازم ما ياخذ كلام المرة من صج

[المقهوره]

كلامج عدل ما تنقال الا في بداية الزواج

وبعض المشاركين الله يهديهم ماسكين على الزوجة ليش تقول الكلمة ذي

والهدف من الموضوع ان الريال يمسك نفسه وما يطلق وان لازم ما ياخذ كلام المرة من صج



صح اني كنت اقول طلقني طلقني
بس ماكنت اقول لو رجال ولا ولد رجال طلقني


ولا اسبه على شان يطلقني

هي تقتصر على طلقني طلقني مثل المسلسلات المصريه :)

اما الحين ماصرت اقولها احسها تفاهه تنقال على اي شي


بس حاطه كلمه طلقني في حالتين بصراحه

يا يتزوج علي
او يخوني

<<<شريه :anger1:

[Mozanee]

صح اني كنت اقول طلقني طلقني
بس ماكنت اقول لو رجال ولا ولد رجال طلقني


ولا اسبه على شان يطلقني

هي تقتصر على طلقني طلقني مثل المسلسلات المصريه :)

اما الحين ماصرت اقولها احسها تفاهه تنقال على اي شي


بس حاطه كلمه طلقني في حالتين بصراحه

يا يتزوج علي
او يخوني

<<<شريه :anger1:


الله يتمم عليج ويبعد عنج الضرة,,, والخيانة أعوذ بالله منها

واذا صار بعد صبري البنت اذا طلعت من بيت ريلها صدقيني مالها مكان في بيت

اهلها ,, انت لين تروحين زيارة لهم تحسين تبين ترجعين بيتج وماترتاحين الا فيه وفي

ازواج والله ارحم من الاهل يصير هو كل دنيتج ,, مثلي :shy:

[المقهوره]

الله يتمم عليج ويبعد عنج الضرة,,, والخيانة أعوذ بالله منها

واذا صار بعد صبري البنت اذا طلعت من بيت ريلها صدقيني مالها مكان في بيت

اهلها ,, انت لين تروحين زيارة لهم تحسين تبين ترجعين بيتج وماترتاحين الا فيه وفي

ازواج والله ارحم من الاهل يصير هو كل دنيتج ,, مثلي :shy:

لا بيت بابا وبابا نفسه اهم شي بصراحه وارتاح فيه عادي
اما قصه اصبري عليه فمعصي ما اقدر اعرف نفسي صعب اني اقتنع بالوضع

[Mozanee]

لا بيت بابا وبابا نفسه اهم شي بصراحه وارتاح فيه عادي
اما قصه اصبري عليه فمعصي ما اقدر اعرف نفسي صعب اني اقتنع بالوضع

:) غلطان من سماج مقهورة انت يمة قاهرة ما شاءالله عليج ,,,

عساج على القوة يارب ياالشريرة أنت ,,,:(

[hemoud123]

بما ان معظم حالات الطلاق حسب الاحصائيات تقع في السنوات الاولى للطلاق لعدم معرفه الطرفين احدهم بالاخر فهل من الممكن استصدار تشريع او قانون من باب( من سن سنه حسنه فله اجرها واجر من عمل بها ) هذا القانون يمنع وقوع الطلاق في السنوات الثلاث الاولى مثلا مهما كان السبب , الا اذا كان السبب قهريا كالخيانه مثلا وقانا الله واياكم شرها
هل في هذا ما يتعارض مع الدين اقصد الحد موقتا من صلاحيات الزوج في التطليق ومن صلاحيات الزوجه في طلب الخلع ؟

[المقهوره]

بما ان معظم حالات الطلاق حسب الاحصائيات تقع في السنوات الاولى للطلاق لعدم معرفه الطرفين احدهم بالاخر فهل من الممكن استصدار تشريع او قانون من باب( من سن سنه حسنه فله اجرها واجر من عمل بها ) هذا القانون يمنع وقوع الطلاق في السنوات الثلاث الاولى مثلا مهما كان السبب , الا اذا كان السبب قهريا كالخيانه مثلا وقانا الله واياكم شرها
هل في هذا ما يتعارض مع الدين اقصد الحد موقتا من صلاحيات الزوج في التطليق ومن صلاحيات الزوجه في طلب الخلع ؟



مقترح حلو بصراحه
الباقي على اجتهاد العلماء

احنا مانقدر نقول شي في هالموضوع

بس فعلا السنوات الاولى كارثه

[Mozanee]

بما ان معظم حالات الطلاق حسب الاحصائيات تقع في السنوات الاولى للطلاق لعدم معرفه الطرفين احدهم بالاخر فهل من الممكن استصدار تشريع او قانون من باب( من سن سنه حسنه فله اجرها واجر من عمل بها ) هذا القانون يمنع وقوع الطلاق في السنوات الثلاث الاولى مثلا مهما كان السبب , الا اذا كان السبب قهريا كالخيانه مثلا وقانا الله واياكم شرها
هل في هذا ما يتعارض مع الدين اقصد الحد موقتا من صلاحيات الزوج في التطليق ومن صلاحيات الزوجه في طلب الخلع ؟

الخيانة من جانب من ؟؟

الزوج عادي ابلعي الموس يامرة واسكتي اما المرة كلام ثاني ,,,

أنا دايما أفكر لو الأوقاف تسوي دورات للمتزوجين حديثا يعلمون المرة الهدف من الزواج

مب بس الزواج سفر وعطني وسوا لي وتتعلم اشلون ننعامل مع اهل الزوج وتكون معاملة

يرضاها الدين مب علاقة الند للند ,,

والرجل يتعلم احترام واحتواء الزوجة واشلون يحلون المشاكل وذكر المشاكل اللي لا بد

انها بتطرأ على حياتهم وتربية الابناء ,,

المشكلة البنت اول ما تنخطب ركيض على السوق والمصممين وتوقف,, هني ينتهي مبلغها من

العلم ,,عقب هالمرحلة من التجهيز تخليه على الله ,,

[المقهوره]

واكثر المشاكل الي تصير مع اهل ال زوج

بلفيت ابوك وامك مالهم حكم علي وليش يقولون لي كذا
ومن هم اساسا يتكلمون معي بالطريقه هذه
وكلام ماله داعي اساسا

ولو اعتبرت المووضوع كله وبكبره انها تتكلم مع ابوها وامها ماصارت اغلبيه المشاكل بين الزوجين
يعني الاحترام مطلوب

[الشاااهين]

اعرف وحده كله تقول حزة ماعصب انا ماشوف شي وكلكم وخروا عني .. يازعم انا عصبية لحد يوقف في ويهي وقامت تسوي نفس الحركة حق ريلها مع ان الكل ملاحظ انه يحبها ويموت فيها وهي عارفة نفس الشي ، لحد مامصخت السالفة وقامت تقوله لو انت ريال جان طلقتني .. طبعا الريال ماستحمل هالكلام الماصخ ورمى عليها اليمين وكاهي عندها اهلها للسنه الثالثة .. ميته تبي ترد له وفي نفس الوقت مب راضية تبادر


الخلاصة .. مب كل ماسوت الحرمة شي قالت انا عصبية وخروا عني انا ماستحمل لا الشيخة استحملي ذي ريلج وتاج راسج وابو اعيالج .. ريلج هو سترج وغطاج ..

الله يهدي الكل ان شاءالله ويرد كل اثنين منفصلين لبعض

:nice::nice::nice::nice::nice::nice::nice::nice::n ice:
كلام عدل100%

[ماريسا]

موضوع روعة يعطيكم العافية
متابعة

[thefoox]

بعض الحريم الله يهداهم تقول له
إذا إنت رجال ولد رجال طلقني
عاد أهوه هنيه يشوتها بوووز:)

بوووز <<<<< باااااااااااال قديم انت هه :nice:

[hemoud123]

واكثر المشاكل الي تصير مع اهل ال زوج

بلفيت ابوك وامك مالهم حكم علي وليش يقولون لي كذا
ومن هم اساسا يتكلمون معي بالطريقه هذه
وكلام ماله داعي اساسا

ولو اعتبرت المووضوع كله وبكبره انها تتكلم مع ابوها وامها ماصارت اغلبيه المشاكل بين الزوجين
يعني الاحترام مطلوب

كلام سليم ولكن ياريت الاهل واقصد الوالدين من الطرفين يخففون من تدخلهم في حياة الازواج الجدد ويتركونهم يعيشون حياتهم يختلفون ويتفقون

[OutLaw]

حكمة قالها أحد المشايخ الفضلاء

(( لو ملكت المرأة الدنيا وسيقت لها شهادات العالم وحصلت على كل وسام وليس عندها زوج فهي مسكينة )) .

[hemoud123]

حكمة قالها أحد المشايخ الفضلاء

(( لو ملكت المرأة الدنيا وسيقت لها شهادات العالم وحصلت على كل وسام وليس عندها زوج فهي مسكينة )) .

الا ترى يا عزيزي ان هذا الكلام ينطبق على الرجل ايضا ؟