هل معقوله عدد الخريجين 30 منهم 2 قطريين فقط ؟ ؟ ؟ ؟ ؟

[جرير]

.



.



اليوم الساعه 1 الظهر كنت استمع الى الراديو وكان فيه اذاعه انجليزيه على

ماسمعته منهم انها تبث من المدينه التعليميه . . . . والظاهر كان عندهم

حفل تخريج 30 طالب والجامعه اسمها كارنجي ميلون


اللي لفت نظري في الموضوع كله ان عدد الخريجين القطريين كان 2 فقط

محتاج حد يصحح لي المعلومه هذي او يمكن البث كان قديم . . . وهل معقوله

يحدث هالشي ؟

جامعات تكلف الدوله مليارت . . . عشان تخرج القطريين بالقطاره

شي غريب فعلا . . . . الله يعين شبابنا يمرون على الجامعه التعليميه

ويتأملون مبانيها العظيمه . . . حق من هذي كله اذا هم ما استفادو منها :weeping::weeping:

[كاريرا]

يمكن لأنه مافي قطرين مؤهلين عندهم نسب عاليه واتقان للغات الاجنبيه:)

ويمكن كسل من القطريين ولا كل دول العالم حالين يتمنون ايكونون قطريين

و في الختام انا اؤيد النوع على الكم يعني هم صح والله يوفقهم في باقي دربهم إنشالله.

[Realistic]

يمكن لأنه مافي قطرين مؤهلين عندهم نسب عاليه واتقان للغات الاجنبيه:)

ويمكن كسل من القطريين ولا كل دول العالم حالين يتمنون ايكونون قطريين

و في الختام انا اؤيد النوع على الكم يعني هم صح والله يوفقهم في باقي دربهم إنشالله.

لا خوي اخالفك الراي

في الكثير من القطريين المؤهلين

بس القطري المتقن للغه الانجليزيه يكون خياره الاول دايما انه يسافر بعثه برع

لين الحين المدينه التعليميه ماقدرت تنشر ثقافة الدراسه داخل قطر للقطريين

في رأيي إن هالمشاريع ماعرفت كيف تسوق نفسها بين القطريين ( الذكور عالاقل) ..

ليس تكاسلا من القطريين مثل ماذكرت .. << كاهي كلية الاداره في جامعة قطر تحتوي على الكثير من القطريين الي ينافسون وبقوه خريجيين الاداره في جامعة كارنيجي ميلون

لكن السبب مثل ماذكرت انا هي انه هالجامعات ماقدرت تسوق نفسها صح



ومشكور اخوي جرير على الطرح ..


والسموحه ..

[كاريرا]

لا خوي اخالفك الراي

في الكثير من القطريين المؤهلين

بس القطري المتقن للغه الانجليزيه يكون خياره الاول دايما انه يسافر بعثه برع

لين الحين المدينه التعليميه ماقدرت تنشر ثقافة الدراسه داخل قطر للقطريين

في رأيي إن هالمشاريع ماعرفت كيف تسوق نفسها بين القطريين ( الذكور عالاقل) ..

ليس تكاسلا من القطريين مثل ماذكرت .. << كاهي كلية الاداره في جامعة قطر تحتوي على الكثير من القطريين الي ينافسون وبقوه خريجيين الاداره في جامعة كارنيجي ميلون

لكن السبب مثل ماذكرت انا هي انه هالجامعات ماقدرت تسوق نفسها صح



ومشكور اخوي جرير على الطرح ..


والسموحه ..

مسموح طال عمرك:)

بس حتى لو ضعف تسويقي معني ما اشوفه ضعف تسويقي بل اشوفه شي نفسي.
يعني القطرين بشكل عام ايحبون الابتعاث للخارج وهذا شي بالعكس اشوفه صحي وسليم الحياه فالخارج اتعلم الشخص اشيا كثيره مهب بس التعليم.

اما بخصوص كلية الاداره اشهد انهم رجال ورافعين الراس:)

في النهايه اعتقد نتفق انه انأيد الكم على العدد

[Realistic]

مسموح طال عمرك:)

بس حتى لو ضعف تسويقي معني ما اشوفه ضعف تسويقي بل اشوفه شي نفسي.
يعني القطرين بشكل عام ايحبون الابتعاث للخارج وهذا شي بالعكس اشوفه صحي وسليم الحياه فالخارج اتعلم الشخص اشيا كثيره مهب بس التعليم.

اما بخصوص كلية الاداره اشهد انهم رجال ورافعين الراس:)

في النهايه اعتقد نتفق انه انأيد الكم على العدد

اخوي مافهمت الي تقصده من آخر جمله ؟
هل تقصد نفضل الكم على النوعيه؟

اذا كان هذا قصدك .. ففعلا اتفق معاك ..
من طبيعة ثقافتنا العربيه النظر إلى العدد على حساب النوعيه

وهالشي طبعا غلط .. وانشالله مع الوقت هالنظره وهالمفهوم راح تتغير

لاحظ ان الكثير من الناس اهني في قطر يتشكون من ان الجامعه مب قاعده تخرج اعداد كبيره
وتناسوا ان هذيل الي يتخرجون .. مايتخرجون إلا بعد " ماينحكّون حك اليهد "
طبعا هالعشره الي يتخرجون الحين .. غالبا راح ينتجون أكثر من الـ100 الي تخرجوا قبل عشر سنوات .. بحكم انهم افضل من ناحية النوعيه..


والسموحه اخوي جرير اذا كنا طلعنا عن صلب الموضوع :whistling:

[جرير]

يمكن لأنه مافي قطرين مؤهلين عندهم نسب عاليه واتقان للغات الاجنبيه:)

ويمكن كسل من القطريين ولا كل دول العالم حالين يتمنون ايكونون قطريين

و في الختام انا اؤيد النوع على الكم يعني هم صح والله يوفقهم في باقي دربهم إنشالله.



بالعكس في قطريين ولله الحمد متفوقين بشكل غير طبيعي . . . وخريجين جامعات

تعتبر الارقى في العالم من حيث التصنيف في قوه الدراسه فيها وبالمئات طبعا

وما اعتقد ان هالجامعات اللي في المدينه التعليميه كانت ستستصعب عليهم

لو انهم وجدو لهم الفرص للدراسه فيها

[جرير]

لا خوي اخالفك الراي

في الكثير من القطريين المؤهلين

بس القطري المتقن للغه الانجليزيه يكون خياره الاول دايما انه يسافر بعثه برع

لين الحين المدينه التعليميه ماقدرت تنشر ثقافة الدراسه داخل قطر للقطريين

في رأيي إن هالمشاريع ماعرفت كيف تسوق نفسها بين القطريين ( الذكور عالاقل) ..

ليس تكاسلا من القطريين مثل ماذكرت .. << كاهي كلية الاداره في جامعة قطر تحتوي على الكثير من القطريين الي ينافسون وبقوه خريجيين الاداره في جامعة كارنيجي ميلون

لكن السبب مثل ماذكرت انا هي انه هالجامعات ماقدرت تسوق نفسها صح



ومشكور اخوي جرير على الطرح ..


والسموحه ..


العفو اخوي الموضوع موضوعكم ولكم الحريه في التعليق وابداء ارئكم . . .

وانا اؤيدك وبقوه في هذا الطرح . . في ان الجامعات ما قدرت تسوق نفسها

[BusinessGirl]

هلا اخوي
انا اتوقع السبب يرجع
لقوانين القبول
والالتزامات الثانيه
لان اذكر لما كنت في الثانويه
جاتنا وحده من جامعة كورنيل
وقعدت تشرح لنا ..
قالت مطلوب
نسبه ثانويه فوق ال90
توفل 550
وسات 600
واجتياز برنامج الجسر الاكاديمي لمدة سنتين
للي ما عنده التوفل والسات
وكتابه تقريرين بالانكليزي ينعرضون على لجنه
اتشوف اذا فعلا هالطالب مؤهل يدخلها والا لاء
وفوق هاي مقابله شخصيه ...>>>بخصوص ان صادتني عقده من المقابلات الشخصيه
والجامعه صح امكانياتها عاليه بس ما تقدر تستوعب عدد كبير من الطلاب
وفوق هاي
الدوله تتكفل ب 40% من تكاليف الدراسه فيها
والباقي يدفعه الطالب لما يتخرج ويتوظف
اممممم
طلبات نوعا ما تعجيزيه
ما يقدرون عليها الطلاب
في حين اذا اي خريج ثانوية ياخذ اوراقه ويراسل
الجامعات البريطانيه بالنت
بياخذ موافقه على طول
ويروح اي هيئه تبتعثه على حسابه
ويستلم راتب
امممم
اتوقع الموضوع مو موضوع تسويق
والا عدم اهتمام من الدوله
او من القطرين
خل انقول ان الواحد اذا يقيس متطلبات جامعات المدينه التعليمية
على اماكن ثانية
اكيد راح يختار الاسهل
وبعدين
كل شي بيصير بخطوات
اليوم طالبين
الدفعه الثانية بيصيرون ان شاء الله 10
وسنه بعد سنه
الناس يتنفتح
ومستوى الطلاب بيرتفع
وبتصير هالطلبات التعجيزية سهله بالنسبة لغيرنا

اممم هذا راي ...

[سمو انسان]

الحفل هذا للطلاب اللي متاخرين سمستر كامل .. ويكون تخريج مبسط يتبعه التخريج الرسمي اللي يكون في شهر خمسه .. وشي طبيعي تلاقي نسب قليله من الطلاب يتخرجون في هالفتره لانه خصصت للي متاخرين في الدراسه .. ومعظم القطريين منتظمين بجدولهم ويكون تخرجهم كباقي مجموعتهم مع نهاية السمستر الثاني .. والجامعات فيها كم هائل من الطلاب والطالبات القطريين ولو تنتظر كم من شهر وبالتحديد شهر 5 بتشوف الكم الهائل من الخريجين القطريين ان شاء الله .. (=

[صوت الضمير]

بالعربي لانه موب لنا

يجبون الاجنبي يدرس فيها بلاش وسكن ومصاريف صحه وكل شي

فيه قطرين يتمنون يدرسون فيها بس ماعندهم .......

والقطرين اللي فيها أغلبهم اللي أبوه هامور وإلا شيخ يعني عندهم الله لايغير عليهم

أما حنا لنا جامعة قطر والشمال الأطلنطي *_^

والكليات الاخرى...

المسئؤلين عن البعثات بيتحاسبون يوم القيامه ان شاء الله

شكراً

أبداع

[وليف قطر]

يا كثر الشكاوي على جامعة قطر

وياكثر اللي انظلموا فيها

والقهر .. ان مافيه اي خطوه ايجابيه صارت !

[شويهينــه]

عشان تتاكد روح المدينه التعليميه وشوف بنفسك

[البيرق]

بعثت ولدي للدراسة بالخارج على حسابي :secret:
والسبب غير مقبول في جامعات قطر بسبب درجاته اقل من المعدل المقبول مع ان غالبية (ومن الممكن الكل)الجامعات الخارجية المعتمدة تقبله والسبب الدفع المادي من قبلي :nice::weeping:
وقبل ذلك ابنائنا عندهم ثقة ان البلد بلدهم ولايهتمون بالمنافسة في رفع درجاتهم العلمية امام ابناء الاجانب :eek5:
فلا ادري هل قطر تستفيد من الاجانب اكثر من القطريين ام نحن امام منافسة شريفة ام توطين فئات جديدة ونلغي القطريين من واجهة قطر ونرحلهم لبلد الاجانب :tease:
واعتقد سبب ذلك ان القطريين مغلوب على امرهم واصبحنا اقلية لاتنافس الاجانب في المراكز التنفيذية التي عندها القرار في الدولة :telephone:
اعتقد ان فيه تخبط اداري غير معهود :rolleyes2:
ولاحول ولاقوة الابالله

[ام السعف]

المدينة التعليمية بنيت للقطريين وابناء قطر ، لا ذنب للمدينة اذا كان الطالب القطري دون المستوى ، فبرنامج الجسر الأكاديمي استوعب السنة هذه 300 طالب تقريبا حسب تصريحات صحفية ، فكم هو عدد الطلاب الذين سيتمكنون من تحقيق الشروط المطلوبة في الجامعات التابعة للمدينة التعليمية ؟

جميع طلاب المرحلة الثانوية يتمنون الالتحاق بهذه المدينة ، بينما القليل منهم يسعى لتحقيق ما يتمناه ، فلا ذنب لعدم التسويق لهذه الجامعات داخليا .

الابتعاث للخارج اكثر سهولة في الشروط ، و أكثر سهولة في الدراسة ، بينما جامعات المدينة التعليمية جامعات من اقوى الجامعات على مستوى العالم ، ومع هذا في كل سنة يزداد اعداد الطلاب القطريين الملتحقين بها .

الأجنبي لا يلتحق مجانا في هذه الجامعات ، ولا اعلم من أين تأتي مثل هذه الأفكار !!

[الخارجية]

يمكن لأنه مافي قطرين مؤهلين عندهم نسب عاليه واتقان للغات الاجنبيه:)

ويمكن كسل من القطريين ولا كل دول العالم حالين يتمنون ايكونون قطريين

و في الختام انا اؤيد النوع على الكم يعني هم صح والله يوفقهم في باقي دربهم إنشالله.

ويمكن كسل من القطريين هذا كلام كبير

[ام السعف]

ويمكن كسل من القطريين هذا كلام كبير

اتفق معاه يا اخوي الخارجية ، هناك كسل من الغالبية من الطلاب القطريين ، عندما تقول لي مسؤولة اكاديمية ان المرحلة الثانوية في مدرسة زوجها هدف الطلاب القطريين فيها الالتحاق بالسلك العسكري ، فهذا يعد كسل ، لأن السلك العسكري لا يتطلب شهادات ونسب ولغة اجنبية يلزم بها الطالب القطري .

فهل هناك سبب آخر يفسر لنا تحديد الهدف بالالتحاق بالسلك العسكري ؟