إذابة الدهون بالليزر آمنة وبدون آثار جانبية..؟؟

[احساس غريب]

السلام عليكم..
انا الصراحه حبيت استفسر واسال اذا حد جرب عملية اذابة الدهون بالليزر ياجماعه لاني قريت الخبر من جريدة الرايه امس وهذا رابط الاعلان
http://www.raya.com/site/topics/article.asp?cu_no=2&item_no=492647&version=1&template_id=20&parent_id=19
ياليت ياجماعه اذا حد سوى هالعمليه يفديني وين سواها وكم مدة العمليه وهل عانى من شي عقب العمليه واذا نفعته والا لا مع التكلفه والله بكون شاكرلكم..
وانا والله اني احترت عقب ماقريت الاعلان ماعرفت وين اسال قلت مافي الا اعضاء المنتدى الغالين هم اللي بيفيدوني..

[هذلان]

السلام عليكم

المشكله مش في العمليه المشكله في ان الشحم لو راح بيرد بسرعه البرق :nice:

[qatar25]

السلام عليكم,,

اخي الكريم,,بالنسبه لازالة الدهون,, فهناك طريقه اسرع واكثر فعاليه من اللزير,,

وستكون موجوده ان شالله خلال اقل من شهر,,

هذا الكلام اكيد,, ابقى على تواصل معي,, وساعطيك المعلومات

وايضا بالنسبه لليزر , لمن يفضل الليزر , سيتكون متوفر ايضا في خلال اقل من شهر ان شالله

[احساس غريب]

السلام عليكم

المشكله مش في العمليه المشكله في ان الشحم لو راح بيرد بسرعه البرق :nice:

لا اخوي هذلان الواحد لازم يسيطر على نفسه مب يفتح ف الاكل مره ثانيه..

[احساس غريب]

السلام عليكم,,

اخي الكريم,,بالنسبه لازالة الدهون,, فهناك طريقه اسرع واكثر فعاليه من اللزير,,

وستكون موجوده ان شالله خلال اقل من شهر,,

هذا الكلام اكيد,, ابقى على تواصل معي,, وساعطيك المعلومات

وايضا بالنسبه لليزر , لمن يفضل الليزر , سيتكون متوفر ايضا في خلال اقل من شهر ان شالله

طرشتلك رساله خاصه اخوي..

[كازانوفا]

ما اشجع اي عمليه لازالة الدهون
ما سمعت عن الفنانيين والفنانات اللى بيموتو بسبب التخدير قبل العمليه وخلا لها
اتعظوووووووووو يا امة محمد خلكم على المشي

[مارسيلا]

المشكلة مو في الدهون... بس ما تذوبها بالليزر كيف بتتخلص من الجلد الزايد؟؟؟؟؟؟؟ يعني محتاج اكثر من عملية :(
و الله الموفق

[احساس غريب]

والله اللي عرفته ان العمليه اذابة دهون وشد للجسم بس مادري واللي عرفته لحد الحين ان مستشفى العمادي يسوون جلسات لاذابة الدهون وهي ست جلسات ب 12 الف واسم الجهاز زيرونا..

[بوخالد85]

جهاز زيرونا الي في "مستشفى العمادي" وهو جهاز جديد ومن احدث الاجهزة لإذابه الشحوم ..

ومافيه اثار جانبيه وبدون جراحه ولا تخدير

[احساس غريب]

جهاز زيرونا الي في "مستشفى العمادي" وهو جهاز جديد ومن احدث الاجهزة لإذابه الشحوم ..

ومافيه اثار جانبيه وبدون جراحه ولا تخدير

اخوي في احد جرب الجهاز؟؟

[IPOD]

اخوي احساس غريب

الجلسات مافيها اي خطورة وآمنة جداً

بس بخصوص النتائج لاتظن انها (تنقص الوزن) ممكن تخسر من كيلو الى كيلو ونص بس النتيجة تكون في ان الجسم يكون مشدود ومنحوت بشكل ملحوظ يعني لو قياس البنطلون كان 40 بيصير 36
يعني تذويب ال\هون من المناطق الهامة المتركزة فيها مثل البطن والخصر والارداف وتوزيعها او تصريفها

[احساس غريب]

اخوي احساس غريب

الجلسات مافيها اي خطورة وآمنة جداً

بس بخصوص النتائج لاتظن انها (تنقص الوزن) ممكن تخسر من كيلو الى كيلو ونص بس النتيجة تكون في ان الجسم يكون مشدود ومنحوت بشكل ملحوظ يعني لو قياس البنطلون كان 40 بيصير 36
يعني تذويب ال\هون من المناطق الهامة المتركزة فيها مثل البطن والخصر والارداف وتوزيعها او تصريفها

مشكور عالتوضيح يالغالي..

[سارونه]

اخوي احساس غريب

الجلسات مافيها اي خطورة وآمنة جداً

بس بخصوص النتائج لاتظن انها (تنقص الوزن) ممكن تخسر من كيلو الى كيلو ونص بس النتيجة تكون في ان الجسم يكون مشدود ومنحوت بشكل ملحوظ يعني لو قياس البنطلون كان 40 بيصير 36
يعني تذويب ال\هون من المناطق الهامة المتركزة فيها مثل البطن والخصر والارداف وتوزيعها او تصريفها



ممكن نعرف كم جلسة نحتاجها لتذويب الدهون .. وشكرا ..

[احساس غريب]

ست جلسات اختي..

[الخارجية]

عليك بالرياضة اسباير أو الكورنيش او سجلوا في احد الصالات الرياضية عندنا مشكلة في قطر كلا تبغون نتائج سريعة اتعبوا اشوي علشان اذا جيت بتأكل تتذكر التعب وتكنسل اكل .. وبعد ما اتسوي العملية بتدفع افلوس وبعدها 4 اشهور بترد نفس الشي وعقب بتروح مرة ثانية اتمنى من الجميع ان يمارسون الرياضة وبسكم من الجاهز تحركوا اشوي

[أم وضحى]

الجهاز مب مقنع


وتقدر تدخل اليوتيوب وتبحث عن الجهاز .. وردود الناس اللي جربته ..

محد امدحه ابداً .

[qatar25]

اخواني الكرام,, وصلتني العديد من الرسائل على الخاص بخصوص التخسيس

الموضوع بما فيه ,, انه هناك عياده ان شالله راح تفتح قريب,, فيها اكثر من وسيله لازالة الشحوم من غير التخدير ومن غير تنويم ومن غير الام,,

الطرق متطوره وحديثه وباشراف دكتور استشاري قطري

افتتاح العياده راح يكون ان شالله بعد شهر تقريبا,,

الي حاب يستفسر,, ماقدر افيد بأي معلومات زياده في الوقت الحالي,, ولكن ممكن يتواصل معاي بعد شهر من الان وان شالله مايصير خاطره الا طيب,,

[qatar25]

بالمناسبه ,, الجهاز المتوفر لدى العياده ,, ليس مثل الموجود في العمادي,, يعني مب زيرونا


ولا يحتاج الى ٦ جلسات

[JIJiiiJI]

نصيحة اخو عليك في مجبوس يحبه قلبك جني اشم ريحته الان :tease:


ولاتنسى البن وزبادي والجرجير على الصحن وسويت بعد الاكل وان شاءالله حالك راح يتغير وبلا لليزر بلا هم عيش حياتك ابلع ترى بكره بتموت الرجيم ماراح ينفعك


لاتخلي شي في المطبخ

نفسك لاتردها عطها مدامها تشتهي دووووووووووس :nice:

[الكنج]

نصيحة اخو عليك في مجبوس يحبه قلبك جني اشم ريحته الان :tease:


ولاتنسى البن وزبادي والجرجير على الصحن وسويت بعد الاكل وان شاءالله حالك راح يتغير وبلا لليزر بلا هم عيش حياتك ابلع ترى بكره بتموت الرجيم ماراح ينفعك


لاتخلي شي في المطبخ

نفسك لاتردها عطها مدامها تشتهي دووووووووووس :nice:

هههههههههههههههههههههههههههههههههه

[abdullamohd]

السلام عليكم اخواني و اخواتي اعضاء المنتدى

جهاز زيرونا هو جهاز يعمل بتقنية الليزر البارد (بدون اشعة مرئية) و ذلك لتذويب طبقات الدهون و خلخلة خلاياها ليسهل للجسم التخلص منها و قد تختلف النتيجة من شخص لآخر حيث ان معدل نقصان الوزن تبدأمن 5 سم الى 20 سم في افضل الاحوال و ذلك من جميع مناطق الجسم و يتم التخلص من الدهون اما عن طريق البول او البراز او العرق اجلكم الله و حسب تجربتي ياخذ الجهاز 6 جلسات على اسبوعين بتكلفة 12000 ريال مع اختيار عمل lpg و ذلك لشد الجسم بعد النزول علما بان الجهاز مرخص من fda و ce (منظمة الاغذية و العقاقير الامريكية)(و منظمة التجارة الاوربية) .
الخلاصة: في رأيي 12000 ريال ارخص من شراء ملابس ماركات جديدة في حالة ان قياساتك القديمة لايكمن لبسها و ذلك لزيادة كتلة الدهون لديك.

مع تحياتي اخوكم النحيف حاليا و السمين سابقا

[alanood]

كل الاجهزه تحرق و يرجع
ناهيك عن التكلفه والامال والوقت في التفكير والحيره والحجز والانتظار
والعيادات اجمع تستغل هذه الميزه حتى يرجع لها الزبون
وهناك الميزوثيرابي الحقن لاذابه الشحم البني اللي مايروح وبرضوا يرجع
سبحان الله حتى في الصلاه حركه ورياضه
لو الانسان تمعن فيها وكثره الوقوف في الصلاه تحرق سعرات حراريه عاليه
المشي افضل الرياضات للناس اللي تكسل عن الرياضه
و الالف ميل يبدأ بخطوه وفالبدايه صعب لكن بالممارسه بتكون عاده
كعاده ادمان التدخين الضار او عاده التسبيح والتكبير
ونفس الاكل اللي ينطبخ على نار هاديه
الطبخه تطلع احلى من غيرها
تكسب فلوس وصحه للبدن والذهن
وتمرين للعضلات
و مقاومه للشيخوخه والامراض
واول ما تبدا تشوف النتايج ذيك الساع شعور وحماس لايوصف
انت احسبها وشوف الانفع

[amal qatar]

جلسات الريزونا سعرها 12000 وموحد في كل دول العالم .. بس وايد ناس جربوه ونتيجته على حسب طبيعة الجسم .. يعني ممكن ال12000 اتروح بلوووووشي اذا الدهون اللي في الجسم ماستجابت للجهاز

كتبي في قوقل ريزونا وشوفي اللي جربوه شلون متحسفين ع الفلوس .. لأن العياده اللي بتروحين لها مابترجع لج الفلوس اذا ماظعفتي

[كينيا]

السلام عليكم,,

اخي الكريم,,بالنسبه لازالة الدهون,, فهناك طريقه اسرع واكثر فعاليه من اللزير,,

وستكون موجوده ان شالله خلال اقل من شهر,,

هذا الكلام اكيد,, ابقى على تواصل معي,, وساعطيك المعلومات

وايضا بالنسبه لليزر , لمن يفضل الليزر , سيتكون متوفر ايضا في خلال اقل من شهر ان شالله
انا بعد ابي اعرف تكفا قوللي شنهو :shy:

[كينيا]

اخوي في احد جرب الجهاز؟؟

جمعوا 12 الف ودفعوها حق العمادي وانا بجربها وبقولكم :tomato:

[(حوريه)]

12الف

بل ها المبلغ بيذوب الدهون قبل لايطلع من الشنطه

[STAR]

انا بعد ابي اعرف تكفا قوللي شنهو :shy:
وأنا بعد ابي أعرف وكم بيكون سعره وجلساته؟
لا تنسى تخبرنا

[العديد]

مافي احلا من المشي

[العديد]

سبحان الله حتى في الصلاه حركه ورياضه
لو الانسان تمعن فيها وكثره الوقوف في الصلاه تحرق سعرات حراريه عاليه
المشي افضل الرياضات للناس اللي تكسل عن الرياضه
و الالف ميل يبدأ بخطوه وفالبدايه صعب لكن بالممارسه بتكون عاده
كعاده ادمان التدخين الضار او عاده التسبيح والتكبير
ونفس الاكل اللي ينطبخ على نار هاديه
الطبخه تطلع احلى من غيرها
تكسب فلوس وصحه للبدن والذهن
وتمرين للعضلات
و مقاومه للشيخوخه والامراض
واول ما تبدا تشوف النتايج ذيك الساع شعور وحماس لايوصف
انت احسبها وشوف الانفع

100%


.....

[opama]

الله ايهديكم
انتوا دايما تبون الشي جاهز ماتبوون تتعبون شوي
انا عندي طريقة للي يبي يضعف ونتائجها اكيدة
عليكم بالمصحات اللي في بلغاريا
صدقوني هي الحل
لانكم ماتتحكمون في طريقة الاكل
صدقوني شهر ولا مثلة وترجعون مثل اليسا ومهند

[احساس غريب]

مشكورين يالربع وانا رحت مستشفى العمادي اليوم وفعلا قالولي على حسب في بعض الناس ضعفوا 6 سم تقريبا وفي بعض الناس عشرين وطبعا الحسبه عالجسم كامل وعلى حسب الجسم والصراحه متردد اني اسوي هالعمليه والا لا..

[dammaj77]

العلاج مافي منه فايده العلاج المشي ثم المشي ثم المشي مش لازم كل يوم لو بالاسبوع 3 مرات بعد نعمه

احسن من عدمه

بالتوفيق

[سارونه]

نصيحة اخو عليك في مجبوس يحبه قلبك جني اشم ريحته الان :tease:


ولاتنسى البن وزبادي والجرجير على الصحن وسويت بعد الاكل وان شاءالله حالك راح يتغير وبلا لليزر بلا هم عيش حياتك ابلع ترى بكره بتموت الرجيم ماراح ينفعك


لاتخلي شي في المطبخ

نفسك لاتردها عطها مدامها تشتهي دووووووووووس :nice:



ههههههههههههههههههههههه

هذا الكلام العدل - لا رجيم ولا هم يحزنون :victory:

هههههههههههههههههههههه

[qatar25]

السلام عليكم,,

وعدتكم باخبار العياده

سيتم افتتاح عياده متخصصه في امور التخسيس,, الدكتور هو استشاري جراحة تجميله واسمه د.سعيد الكلداري

دكتور قدير ومعروف في مجال جراحات التجميل,,

العياده لها تركيز كبير على موضوع ازالة الشحوم وبها اكثر من تقنيه لازالة الشحوم,,

[مبارك سعد]

أنشاء الله تفتح العيادة ونشــــوف النتائج منها:omen2:

[STAR]

السلام عليكم,,

وعدتكم باخبار العياده

سيتم افتتاح عياده متخصصه في امور التخسيس,, الدكتور هو استشاري جراحة تجميله واسمه د.سعيد الكلداري

دكتور قدير ومعروف في مجال جراحات التجميل,,

العياده لها تركيز كبير على موضوع ازالة الشحوم وبها اكثر من تقنيه لازالة الشحوم,,

شكرا عالمعلومة عاد فتح وإلا ليحين؟‏!‏

[حقيقه]

إللي بيجرب يعطينا تفاصيل اكثر

هل فيه ألم
وهل يناسب جميع الاعمار
واللي يعانون من بعض الامراض المزمنه كالضغط والسكري

[شيط ويط]

ماعندي خبر والله

[نفسي عزيزه]

المشي ثم المشي ثم المشي وقلل وججبة الغداء واكل فواكه ولاتعشى اشرب شاي خضر ونام وبتشوف الفرق

يعني اخوي تغدى بس مب تعفس الدنيا وانت تغدى لا خلك عادي يعني لكن كنسل وجبة العشاء

وراح تدعي لي ان شاء الله

[شاهيناز]

مافي احسن من حمل الاثقال لحرق الدهون الانسان الي له عضل يحرق دهون اكثر من غيره لان مع اي حركه لو بسيطه يحرق اكثر من الشخص الي ماعنده عضل

[qatar25]

تم افتتاح عيادة الكلداري الي وعدتكم باخبركم عنها

الي يبي معلومات يطرش لي على الخاص

[Loca_qtr]

تم افتتاح عيادة الكلداري الي وعدتكم باخبركم عنها

الي يبي معلومات يطرش لي على الخاص

طرشلي عالخاص لو سمحت مشاركاتي ماتسمح ارسل رساله

[qatar25]

تم اخوي

[حقيقه]

شالاخبار فيه حد جرب ؟?

[قطري33]

ماعليك امر اخوي.. طرش لي المعلومات على الخاص

[abdullamohd]

السلام عليكم

امس كنت في مستشفى العمادي و قالولي ان سعر جلسات الزيرونا نزر من 12000 الى تقريبا 10000 او اقل

و ذلك للتنويه

[تحداني]

:shy::shy:
:)
.. الطريقه الوحيده والمجديه والصحيه لإذابه الدهون ..
الحميات الغذائيه والرياضه .. ولا اعترف بأي طريقه اخرى ..

.
.





جملكم الله برضى الرحمن

[عقد اللولو]

مرحبا اخوي Qatar 25 ممكن التفاصيل عالخاص ضروري الله يخليك

[Maha_N]

د سعيد الله يهداه بعد اسعاره ضاربه التوب مشاء الله

جهاز سمارت ليبو لشد الجسم حسب المناطق يعني الزند ب 15 الف

والافخاذ من 20 االى 25 الف

والنتايج من شهر اللى 6 اشهر عشان تبين

طيب فرضا ما بانت النتايج ؟؟؟ تروح الفلوس !!!!!!!!

وياليت اللي يعرف عنده نظام التقسيط والا لا؟

[لاجل QT]

السلام عليكم,,

اخي الكريم,,بالنسبه لازالة الدهون,, فهناك طريقه اسرع واكثر فعاليه من اللزير,,

وستكون موجوده ان شالله خلال اقل من شهر,,

هذا الكلام اكيد,, ابقى على تواصل معي,, وساعطيك المعلومات

وايضا بالنسبه لليزر , لمن يفضل الليزر , سيتكون متوفر ايضا في خلال اقل من شهر ان شالله

ممكن تطينى معلومات اكثر اخوي عن الطريقة الاسرع

[بوجاسم 2009]

تم افتتاح عيادة الكلداري الي وعدتكم باخبركم عنها

الي يبي معلومات يطرش لي على الخاص

السلام عليكم

ممكن التفاصيل عالخاص

تحياتي

[qatar25]

ما اشجع اي عمليه لازالة الدهون
ما سمعت عن الفنانيين والفنانات اللى بيموتو بسبب التخدير قبل العمليه وخلا لها
اتعظوووووووووو يا امة محمد خلكم على المشي

اخي الكريم


بخصوص ازالة الشحوم,, المتوفره في العياده
تتم من غير تخدير,,

هناك اكثر من طريقه,, وتعتبر امنه,, احد الطرق باستخدام الموجات فوق الصوتيه ( نفس الموجات المستخدمه في عمل التلفزيون للمرأه الحامل)

[qatar25]

د سعيد الله يهداه بعد اسعاره ضاربه التوب مشاء الله

جهاز سمارت ليبو لشد الجسم حسب المناطق يعني الزند ب 15 الف

والافخاذ من 20 االى 25 الف

والنتايج من شهر اللى 6 اشهر عشان تبين

طيب فرضا ما بانت النتايج ؟؟؟ تروح الفلوس !!!!!!!!

وياليت اللي يعرف عنده نظام التقسيط والا لا؟

بخصوص السمارت لايبو,,

فمعلومات خاطئه ياخي الكريم


النتائج حسب علمي تقدر تشوفها مباشره,, لانه يتم ازالة الشحوم مباشره,,

ولكن هناك طرق اخرى لازالة الشحم غير اللايبو,, ايضا متوفره في عيادة الكلداري


وارخص بكثير من الارقام التي قلتها

وارخص من العمادي بكثير جدا

[لاجل QT]

بالنسبة لاسعار منطقة البطن والخصر عندك فكرة اخوي على كم

[أبشر]

أخوي qatar25
ايش هي التقنيات المستخدمة في عيادة الكلداري لإذابة الدهون ؟
وقائمة الأسعار ولا عليك أمر

[qatar25]

أخوي qatar25
ايش هي التقنيات المستخدمة في عيادة الكلداري لإذابة الدهون ؟
وقائمة الأسعار ولا عليك أمر


هلا اخوي,,

فيه عدة تقنيات لكن الي اعرفها لحد الان هي

Ultra Contour
طريقة لازالة الشحم بالموجات فوق الصوتيه,, وطبعا معروف ان الموجات فوق الصوتيه تستخدم في الكشف عن الجنين في بطن الحامل, وتعتبر لحد الان اامن الطرق ,, اسعار الطريقه مناسبه جدا ,, خاصه بالمقارنه بجهاز زيرونا الموجود في مستشفى العمادي


Smart Lipo
عملية شفط شحوم ولكن باستخدام الليزر,, حيث ان الليزر ادق,, وتتم عمليه الشفط بتخدير موضعي,, من غير بنج كامل كما هو الحال بعمليه شفط الشحوم المتعارف عليها,,
وايضا تعتبر طريقه امنه مقارنتا بعملية الشفط المتعارف عليها


شد الجلد

عنده اكثر من طريقه لشد الجلد بعد ازالة الشحم لكن ماعرفهم صراحه

وايضا لديهم ازالة الشعر بالليزر باجهزه متطوره غير عن المتوفر في قطر

اتمنى اكون فدتك,, ولو بغيت طريقه التواصل بهم كلمني على الخاص

[بوخالد911]

ومنكم + منكن نستفييد

[مساهم مقرود]

ممكن رقم الدكتور

[FCB 82]

ممكن اسم العياده _ والاسعار _ ممكن معلومات وتفاصيل عن طريقة اذبة الدهون

[qatar25]

ممكن رقم الدكتور
شيك الخاص اخوي

ممكن اسم العياده _ والاسعار _ ممكن معلومات وتفاصيل عن طريقة اذبة الدهون

شيك الخاص اخوي

[qatar25]

بالنسبة لاسعار منطقة البطن والخصر عندك فكرة اخوي على كم

depend on amount of fat ,, best thing is to contact the doctor and he'll inform you

sorry i dont' have arabic keybord

[ماريسا]

ست جلسات اختي..

لكامل الجسم؟؟؟ أو بس منطقة وحدة؟؟

[ماريسا]

بالمناسبه ,, الجهاز المتوفر لدى العياده ,, ليس مثل الموجود في العمادي,, يعني مب زيرونا


ولا يحتاج الى ٦ جلسات

ممكن التفاصيل و الاسعار لاهنت

[أم خالد أحمد]

اخوي ممكن الاسعار خاصة منطقة البطن على الخاص

[الشاكر]

جربت جهاز زيرونا في مستشفى العمادي ما انصحك فيه صكوني 13600 مع فتح الملف ومقابلة الدكتور وما استفدت شي منه تعب على الفاضي .. يصغر مقاس الخصر شوي بس ماينزل الوزن ولا يذوب الشحم
الصراحه مايستاهل سعره حرام والله