لعشاق البحر للبيع جت بوت حجم عائلي

[النزول]

لعشاق البحر للبيع سكوتر حجم عائلي ( جت بوت ) بسعر مغري جدا 52000 الف ريال
المواصفات
موديل 2005 , الضمان لين شهر 6 / 2006 , عدد الركاب 4 علما بأن سعر الجت في الشركه 70000 ريال ,
مع التيدر , وهي بحالة ممتازه جدا

[بالول]

ممكن تذكر مواصفاته ......

وهل خزان الوقود فيه منفصل عن الايل ؟؟؟؟؟؟؟

[فقط قطر]

ممكن تحط لنا صورته لو تكرمت .

[عضو مشاكس]

30000 شراي بهذا الوقت الصعب وانت تدري

الجت مكينة ولا مكينتين

القصه من جدام شلون اذا ضربت الموج يرش ولا لا

[النزول]

انشالله بجاوب عن اسئلتكم الماكينه فور ستروك يعني البترول لوحده والايل لوحده والرديتر لوحده هاي ما نزل الى على 2005 وهو نظيف نظافة الشركه اذا حبيتو تشوفونه موجود في سبيد مارين واتوقع ان في واحد راح يجربه عندهم اليوم اذا ما خلص ممكن تلحقون عليه وبالتوفيق للجميع
وبالنسبه للطيب الي يقول ب30000 اتوقع انت مب مال مشتره فخلك بعيد عن البيعه لو سمحت وسعره مناسب جدا جدا وصدقوني ان لو انطر عليه شهر بياخذونه 57000 لان مش موجود في الشركه

[عضو مشاكس]

وبالنسبه للطيب الي يقول ب30000 اتوقع انت مب مال مشتره فخلك بعيد عن البيعه لو سمحت وسعره مناسب جدا جدا وصدقوني ان لو انطر عليه شهر بياخذونه 57000 لان مش موجود في الشركه

سعر الجت في البحرين وكاله 45000

اذا تقصد الجت اللي خلف سبيد مرين بطربال أسود أنا شفت هذا الجت فاعيب هذا الجت
القصه من جدام اذا ضربت موج يدخل عليك الماي وهذا عيب هذا الموديل تقول جالس في درام مقصوص
وثانيا لاتنس أحنا في 2006 واللي عندك 2005 وأحنا قراب من 2007 انتظر الموديل الجديد وشوف ثالثا مكينه وحده هذا الموديل معروف مايحتاج اتكلم فا سعر 30000 مناسب وفي النهاية الحلال حلالك

[khaleel]

الصراحه هذا النوع من السكوترات رهيب وقيادته متعه بس لوتقول لنا كم كرسي فيه ورقم الموديل للسكوتر ونوعه سبيدو ولا ياماها وحجم المكينه

[بالول]

الاخ الفاضل النزول

سعري 40 الف ريال ..........

بس بشرط تكون نظيفة حسب ما قلت ولا فيها عيوب

مع خالص شكري

[النزول]

الي مب عاجبه السعر يطلب من الشركه ب70000 + الطربال 2600
مب بايع اقل من 50000 ريال نزلت 2000 ريال فالي قد الشى يحط سومته والي ما يبي يشتري بس يستعبط يتم ساكت احسن مع احترامي للجميع واحد يقول يضرب الماي من جدام والثاني يقول في هالوقت فالي جاد يروح سبيد مرين ويخلص معاهم انا مجرد وسيط وقلنا ان الجت نظيف نظافة الشركه اتوقع اني كنت اتكلم عربي وبالتوفيق للجميع

[الخفوس]

بطربال أسود هذا كنا المضروب من تحت ومعدل عند جورج بصناعية كني اللي شفته من شهر

[عضو مشاكس]

فالي جاد يروح سبيد مرين ويخلص معاهم انا مجرد وسيط وقلنا ان الجت نظيف

يعني شريطي تسوي دعاية للمحل :D

[النزول]

ههههههه اتضحكني يا الخفوس بقولك وشو الي مضروب الحين انت روح دورلك لنج بدون مكاين انزل فيه على قدك انا مستغرب منكم الي مب قد الشى لا يكتب
تدرون اشلون انا هونت خلاص مب بايع بنزل فيه البحر هالصيف للعلم لوووووووووول ادور وناستي احسن

[النزول]

بطربال أسود هذا كنا المضروب من تحت ومعدل عند جورج بصناعية كني اللي شفته من شهر

بصراحه ماعندك سالفه اقولك نظافة الشركه اتقولي مضروب الله يهداك انت حدك لنج ابمجاديف ووايد عليك مدام مب قد الشى لا تكتب ياخي

[الخفوس]

يعني شريطي تسوي دعاية للمحل :d

أول شي صج أنت شريطي تسوي دعاية


بصراحه ماعندك سالفه اقولك نظافة الشركه اتقولي مضروب الله يهداك انت حدك لنج ابمجاديف ووايد عليك مدام مب قد الشى لا تكتب ياخي
أنت روح عند جورج التركي بصناعية اللي يصلح اليخوت وقوله عنه شفيه هذا الجت اذا انت ماخذ الجت وماتدري عنه هذا شي راجع لك ( نصبو عليك )

[khaleel]

يا الربع ما يصير واحد يحط اعلان وانتو تجون تخربون عليه اللي يبي يشتري حياه الله واللي ما يبي يترك المجال لغيره والرجال حر في حلاله يطلب اللي يبي فيه اذا ما لك خاطر ما في داعي للتعليق والله الموفق

[s55]

صح كلامك اخوي

[rashid_qatar]

يا الربع ما يصير واحد يحط اعلان وانتو تجون تخربون عليه اللي يبي يشتري حياه الله واللي ما يبي يترك المجال لغيره والرجال حر في حلاله يطلب اللي يبي فيه اذا ما لك خاطر ما في داعي للتعليق والله الموفق
:app: :nice: صح كلامك الي مب شاري لايعلق ولا يقول باشتري من مادري وين ياخي خلو الرجال براحتة الي بيسوم يسوم وبين البايع والشاري يفتح الله

[فقط قطر]

ممكن اتحط لنا صورة له ...

[لمت داون111]

لو ممكن صوره اخوي

[نيساني]

بالتوفيق

[ولد الديره]

بالتوفيق


اخوي الموضوع صارله سنه الحين ...:court: