هل الف ريال للمتر العظم يستاهل !!! ؟

[صلاتي]

بسم الله الرحمن الرحيم

السلام عليكم أخواني وأخواتي

هل الف ريال للمتر العظم يستاهل !!! ؟

بصراحة أنا أشوف السعر جدآ مبالغ فية

من يشاركني الراي ومن يعارضي بالدليل وشكرآ

[مالي ومال الناس]

السعر غالي مقارنة بنزول مواد المقاولات

وغالي مقارنة بدول الخليج المجاورة

ربح المقاول اتوقع 70% ومع ذلك بينهم من لا ينجز العمل بالوقت المحدد

السعر المعقول لبناء العظم بين 450 الى 650

لكن استغلال المقاولين وطمعهم لايجعلهم يحسون بالسعر الحالي

[مستثمر 999]

شوف اخوي واقولها عن تجربه

السعر معقول جدا ولكن بشرط انك تحسب حساب للتشطيب

والتشطيب ممكن يكلفك اكثر من المرحله الاولى

ولكن اذا اعتمدت على نفسك وبدون وسطاء صدقني الله بيوفقك

ونصيحه اخويه اتفق معاه على التوصيلات الكهربائيه واجلكم اللخ الصرف الصحي وتمديدات المياه

وخل فقط الابواب والنوافذ ( الدرايش) واطقم الحمامات والبورسلان عليك

لان عند التشطيب لازم المقاول يختم لك ....والختم فقط هم وان لقيت احد يختم لك يطلب منك الاف للختم فقط

واذا تبي تعرف كم تكلفة البيت شوف كم مساحة البناء x ء 1000 ريال

[ahmed jasim]

تكلفة العظم معروفة
تكلفة التشطيب هذى نفق ماله نهاية
ولا تقول بأشطب برخيص لأنك بترجع عقب 3-5 سنين وبتعيد التشطيب وهنا بيكلفك دبل

[بوحارب]

وعليكم السلام

شلونك الشيخ

اشوف السعر مناسب نوعا ما !

قبل فتره قريبة كان المتر للعظم 1400 ريال

والحين 1000 ريال

يعني خصم 40%

الله يوفقك وييسر امورك

[فتى الجود]

ياخوى التكلفه

على المقاول تقريباًمن650 الى 700

لكن يبقى حساب الكميات

يعنى بيتين أنبوا بنفس الوقت
لكن السعر أختلف من بينهم تقريباً 45000ريال

ليش تتوقع
كان الفرق أن البيت للى تكلفته اعلى فيه مصعد
والمصعد ياكل حديد وخرسانه بكميه انت ماتتخيلها

عموماً دايماً أحساب الكميات هو الأصلح في التسعيير

[aljar]

اخوي السعر مناسب بس عظم مع البلاستر والا بدون على العموم اذا مع البلاستر السعر مناسب
ومثل ما ردوا عليك فتى الجود والمستثمر وكلامهم صح ولا دور الرخيص وتتعب بعدين
بالتوفيق

[رياني1212]

اخوي انا من فتره يعني تقدر تقول من خمس شهور اتفقت مع مقاول 1200 ريال مع البلاستر وتمديد البايبات والصرف الصحي ولكن شغله بصراحه ماشالله100%

[السفيره]

اخوي ممكن رقم المقاول

[الخاتم]

اخوي انا من فتره يعني تقدر تقول من خمس شهور اتفقت مع مقاول 1200 ريال مع البلاستر وتمديد البايبات والصرف الصحي ولكن شغله بصراحه ماشالله100%

ممكن الرقم طال عمرك

[بو الجوري]

والله أنا أشوف 1000 سعر مناسب جداً :..
ومثل ماقالو الشباب :.. يعتمد على الكميات :.. فيه فله العظم ينبني بـ900 وفيه فيلا :.. عظكها يبيله 1600 :..
يعني يعتمد الصراحه :..

والله يوفقك :..

بطرشلك رقم الشركه :.. وأنا أبني حالياً :..( إذا تبي طرشلي عالخاص )

[Almossafer]

مممم مدري بس اعتقد الاسعار نزلت ع حسب
المساحه
بالتوفيق

[captin]

معقول اذا كانت الشركة مصنفة وذات مستوى عالي وذات سمعة

ويمكن تحصل اسعار ارخص في السوق من الفورمنيه البنغاليين او الباكستانيين اللي كل واحد حاط له سيارة بيك اب وكم عامل ويدور فيهم من بيت لين بيت يعني بالعربي راس ماله بيك موديل 82 واربع عمال وجوال عتيج ما تظهر فيه الارقام اكيد بيكون ارخص لان مصروفه آخر الشهر 5000 ريال بينما الشركات اللي عندها مقر مميز وسكن عمال ومعدات ومهندسين ورواتب تتجاوز مصاريفها الشهرية مبلغ 50 الف ريال
هذا لتوضيح الفرق والله يوفقك