إذا ضاع منك مفتاح السيارة شتسوي للكروزر الجديد ..

[ولد النصر]

السلام عليكم


شحالكم عساكم بخير


بغيت اسالكم عندي واحد من الربع عندة الكروزر الجديد 2010 عطوة الوكالة مفتاحين حق موترة المهم ضاع منة مفتاح وهو حاب انة يطلع غيرة تدرون الاحتياط واجب وهو مايقدر يقعد على مفتاح واحد

نصيحتكم يروح الوكالة يطلب منهم نسخة جديدة اعتقد هذا الشي لازم يسوية صح

والمفتاح الجديد كم سعرة تقريبآ وكم يبيلة لين مايخلص

واي اضافات آخرى ياريت تطرحونها

وجزاكم الله خير

[ولد البوكوارة]

اخوي في محل في اسواق الغرافه يسوي مفاتيح للسيارات ..

انا سويت عنده مفتاح gx-r 2004 بـ 100 ريال تقريبا ،، بس كانت القطعه اللي في المفتاح موجوده عندي ..

وقال لي لو تبي جديد بـ 500 ريال اذا ما خانتني الذاكره ..

فقول حق الرجال يشيك عند هالمحل وعند الوكاله ،، والله يعوضه ..

[مستثمر 999]

نعم تروح الوكاله وتطلب مفتاح جديد

يعني مع السيرفس

انا طلبت الريموت ووصل خلال يومين

بس لازم تروح الصناعيه

[ولد النصر]

اخوي في محل في اسواق الغرافه يسوي مفاتيح للسيارات ..

انا سويت عنده مفتاح gx-r 2004 بـ 100 ريال تقريبا ،، بس كانت القطعه اللي في المفتاح موجوده عندي ..

وقال لي لو تبي جديد بـ 500 ريال اذا ما خانتني الذاكره ..

فقول حق الرجال يشيك عند هالمحل وعند الوكاله ،، والله يعوضه ..

هلا بك اخوي

المشكلة ان المفتاح ريموت مب سويك عادي اما اذا كان ريموت فا ان شاء الله بمر علية

يعطيك العافية

[ولد النصر]

نعم تروح الوكاله وتطلب مفتاح جديد

يعني مع السيرفس

انا طلبت الريموت ووصل خلال يومين

بس لازم تروح الصناعيه

الله لايهينك اخوي على التجاوب

بس ماتقدر تعطيني كم سعرة تقريبآ

الصناعية تقصد الوكالة الي في شارع 3 او 4 على ما اعتقد

لا رفيجي سال مدير مبيعات الطارق قالة روح مكان تسليم السيارات في شارع 16 وطلب منهم يمكن عندهم مفتاح ثالث وهو مب عارف بالظبط وين يروح

[مستثمر 999]

الله لايهينك اخوي على التجاوب

بس ماتقدر تعطيني كم سعرة تقريبآ

الصناعية تقصد الوكالة الي في شارع 3 او 4 على ما اعتقد

لا رفيجي سال مدير مبيعات الطارق قالة روح مكان تسليم السيارات في شارع 16 وطلب منهم يمكن عندهم مفتاح ثالث وهو مب عارف بالظبط وين يروح


هلا الشيخ

انا موتري 2009 وطلبت المفتاح من الورشه شارع 6 اعتقد مكان السيرفيس

والموظف هندي حليو اسمه علي

سعر المفتاح اعتقد 1200 ريال بس المفتاح يبي له قص عند محلات المفاتيح

[بو الجوري]

السموحه من راعي الموضوع :.. :)

هل الوكاله تقدر تسويلي نسخه من المفتاح إذا الموتر وارد السعوديه :..
وعلى كم ؟ ؟ ؟

[عـيـون قـطـر]

الغالي اذا موتر وارد الدوحه لازم يكون عندك مفتاح اسبير يسون لك مفتاح ثاني لازم الموتر يوقف عندهم انا سويت ما اذكر كم كان بس حدود 1500

اما وارد سعوديه لازم تفتح كرت 5000 وبعدين تدخل الموتر تطلب مفتاح اسبير

[بويعقوب]

السلام عليكم
يالربع في محل مفاتيح اسمه ( مفتاح قطر )
في سوق العلي جنب كنتاكي
عنده المفتاح الاصلي لمعظم السيارات
وانا فصلت للكروزر مو 2004 ريموت بــ 500
وللكزس بــ 800
ويسويه وانت واقف وماياخذ منك 10 دقايق
وله فرع في محطة البترول شارع 1 اللي جنب شركة الفردان
وآسف على الاطاله

[السندان]

الغالي اذا موتر وارد الدوحه لازم يكون عندك مفتاح اسبير يسون لك مفتاح ثاني لازم الموتر يوقف عندهم انا سويت ما اذكر كم كان بس حدود 1500

اما وارد سعوديه لازم تفتح كرت 5000 وبعدين تدخل الموتر تطلب مفتاح اسبير

اعتقد فتح الملف لعبة قديمة من الوكالة وتم كشفهم من قبل احد الاخوان والزمهم بدخول السيارة مثلها مثل غيرها لان الضمان دولي وملزومين بالسيارة .. هذا ماوصلني من اخبار ياريت يتم التاكيد على ذلك

[مستثمر 999]

اعتقد فتح الملف لعبة قديمة من الوكالة وتم كشفهم من قبل احد الاخوان والزمهم بدخول السيارة مثلها مثل غيرها لان الضمان دولي وملزومين بالسيارة .. هذا ماوصلني من اخبار ياريت يتم التاكيد على ذلك



لا الشيخ لا لعبه ولا ............

فتح الملف الزامي وشركة عبدالغني ( ياجبل ما يهزك ريح )

مجرد خبر انشر في جريده محليه

انا مستعد اروح معاك الى شركة عبدالغني الحين واذا دخلتها لك الحلاوه والسعي حلال زلال

[مستثمر 999]

السلام عليكم
يالربع في محل مفاتيح اسمه ( مفتاح قطر )
في سوق العلي جنب كنتاكي
عنده المفتاح الاصلي لمعظم السيارات
وانا فصلت للكروزر مو 2004 ريموت بــ 500
وللكزس بــ 800
ويسويه وانت واقف وماياخذ منك 10 دقايق
وله فرع في محطة البترول شارع 1 اللي جنب شركة الفردان
وآسف على الاطاله


هذا يغير الرمجه للمفتاحين ويمكن يروح عليك الضمان

[ولد النصر]

يعطيكم العافية اخواني ماقصرتوا على الردود الطيبة

رفيجي راح اليوم الوكالة وسالهم قالولة بـ 1400 ريال ويسوونة لك في 15 دقيقة ماشاء الله عليهم تيوتا وين قبل اسبوع ويمكن شهر الحين في زمن قياسي

[رجل شجاع]

ممكن تفيدنا اي وكالة؟ اي شارع؟ وهاي السعر قبل ولا بعد الخصم

[مستثمر 999]

يعطيكم العافية اخواني ماقصرتوا على الردود الطيبة

رفيجي راح اليوم الوكالة وسالهم قالولة بـ 1400 ريال ويسوونة لك في 15 دقيقة ماشاء الله عليهم تيوتا وين قبل اسبوع ويمكن شهر الحين في زمن قياسي


عندك خصم 15%


يعني 1210 ريال مثل ما قلت لك


بالتوفيق اخوي

[الـخـور]

انا توقعت سالفة ال 5000 ريال مالت الضمان انتهت خصوصا بعد كلام الجرايد

صراحة مالها داعي هال5000 عشان تفتح كرت

يعني لو نفس سيارتك عليها اي لوحة خليجية غير قطرية عادي يدخلونها ويصلحونها على الضمان
بس اذا فيها لوحة قطرية مايدخلونها.. صج نصب

اعرف شباب يدخلون مواترهم بلوح غير قطرية ويدخلونها الوكالة بعدها ينزلون اللوحة عشان سالفة الضمان

[السندان]

لا الشيخ لا لعبه ولا ............

فتح الملف الزامي وشركة عبدالغني ( ياجبل ما يهزك ريح )

مجرد خبر انشر في جريده محليه

انا مستعد اروح معاك الى شركة عبدالغني الحين واذا دخلتها لك الحلاوه والسعي حلال زلال

يعطيك العافية اخوي على الرد ... وكلامي كان أعتقد وياليت التاكيد على ذلك

لاتروح معاى ولا اروح معاك مع اني اتشرف بـ مخوتك

تحياتي :nice:

[زمن الغدر]

السلام عليكم
يالربع في محل مفاتيح اسمه ( مفتاح قطر )
في سوق العلي جنب كنتاكي
عنده المفتاح الاصلي لمعظم السيارات
وانا فصلت للكروزر مو 2004 ريموت بــ 500
وللكزس بــ 800
ويسويه وانت واقف وماياخذ منك 10 دقايق
وله فرع في محطة البترول شارع 1 اللي جنب شركة الفردان
وآسف على الاطاله

:victory::victory:
صحيح

[الخارجية]

اخوي في محل في اسواق الغرافه يسوي مفاتيح للسيارات ..

انا سويت عنده مفتاح gx-r 2004 بـ 100 ريال تقريبا ،، بس كانت القطعه اللي في المفتاح موجوده عندي ..

وقال لي لو تبي جديد بـ 500 ريال اذا ما خانتني الذاكره ..

فقول حق الرجال يشيك عند هالمحل وعند الوكاله ،، والله يعوضه .. الشيخ وين مكانه في الغرافة بالضبط

[مستثمر 999]

الشيخ وين مكانه في الغرافة بالضبط

اخوي الكريم

اذا سيارتك يابانيه ..تويوتا نيسان او .

عندك محلات المحري وعندهم خدمة التوصيل يعني توصلك سياره مجهزه ويبرموجون لك المفتاح ويقصونه ويعطونك اياه مقابل 200 ريال والسياره كانت باث فندر 2005

او حسب نوع السياره

فروعهم

1- الخو ر

2- الصناعيه في محطة البترول الي جنب الفردان

3- سوق العلي

4- سوق العلي

[مستثمر 999]

يعطيك العافية اخوي على الرد ... وكلامي كان أعتقد وياليت التاكيد على ذلك

لاتروح معاى ولا اروح معاك مع اني اتشرف بـ مخوتك

تحياتي :nice:



عزيز وغالي


يزيدني شرف

انا كنت اقصد اي احد من الاعضاء يقول رايه