المساعد الشخصي الرقمي

مشاهدة النسخة كاملة : سؤال للنســـــــــــــاء


المقهوره
23-12-2009, 07:59 AM
امس طرحت موضوع عن حب الامهات للاولاد بطريقه فضيعه لدرجه التفرقه بين البنت والولد

والتشائم ااذا قال لها السونار في بطنك بنت

تقعد تدعي ربها ليل ونهار ان السونار يكون غلطان وان الي في بطنها بيكون ولـــــــــد

ولا تقول الدكتوره قالت لي في بطنك بنت ثلاث مرات بس انا احساسي يقول ولــــــــد

واذا سألتيها كم بنت عندك

تقول عندي بنتين والي تقول عندي بنت والي تقول ثلاث

يعني مب العدد الكبير في البنات.

يعني لو كان الي كاتب الموضوع رجال كان قلت عنصري ومتحيز لجنسه ويبي يتفاخر ان عنده ولد الـــــــــــــــــــخ من اسلوب الجاهليه.


وبصراحه الي اشوفه ان الاب يحب البنات اكثر
والولد يسمونه طير مجلس (هالكلمه قالها واحد من الناس مب كلامي ) يوم سألته من اغلى البنت ولا الولد ، يعني حق رزه المجالس وبلفيت عندي سند مستقبلا وشخص يشيل اسمي طبعا هذا اهم شي ان الاسم ماينتهي ، ما ادري احد قال لهم انه يوم القيامه بينادون الشخص ويدخلونه الجنه بكثره نسبه وكبر قبيلته....

سؤالي ليش الاب في هالزمن ماقام يعارض نفس اول اذا عرف ان الي في بطن زوجته بنت

في حين الزوجه شايله الدنيا على راسها ومكبر السالفه وتبي ولد....


يعني اظن عصر الجاهليه انتهى

وعصر وؤد البنات ولى

وعصر ان البنت خيرها مهب لاهلها انتهى

يعني بنت ولا ولد بيسووون نفس الشي ويمكن البنت بزياده في اغلب الاحيان

والي تسوي مليون طريقه وطريقه شعبيه ولا صينيه والا طبيه على شان تحصل على الولد

صح انها تنفع خاصه الطبيه منها في فصل نوع الجنين

بس حرام شرعا.


شالفايده انك تجيبين طفل بطريقه حرام لإرضاء مرض داخلي في نفسك او في نفس زوجك او المجتمع الي مامنه فايده وتعصين ربك.


وفي النهايه

قال الله تعالى: لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ* أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ [الشورى:49-50].



والرسول وصى بحسن معامله البنات

وثبت عن النبي صلى الله عليه وسلم أنه قال: (من عال جاريتين – أي قام عليهما بما يجب لهما من التربية – حتى تبلغا جاء يوم القيامة أنا وهو كهاتين – وأشار بأصبعيه - )، فأي فضيلة بعد هذه الفضيلة، ولذلك كان من فضل الله على رسوله صلى الله عليه وسلم أن رزقه الله تعالى أربع بناتٍ


وأما عن الأسباب المشروعة لتحصيل ما تريده من الذرية

فيشرع لك صلاة الحاجة وهي ركعتان نافلتان وبعد السلام تحمد الله تعالى وتصلي على نبيه صلى الله عليه وسلم، ثم تدعو لحاجتك كأن تقول مثلاً: رب هب لي ابناً يكون من الذرية الصالحة إنك سميع الدعاء، {رب لا تذرني فرداً وأنت خير الوارثين}، {رب هب لي من لدنك وليًّا}، ونحو هذه الأدعية المشروعة الحسنة وليس في ذلك دعاء مخصوص بصيغة مخصوصة.

ترى في ناس يتمنون طفل واحد فقط سواء بنت ولا ولد ويتعالجون سنين وسنين

وهذول الله معطيهم الخير كله ويتمردون تحت عنوان ( ان الدعاء يغير الاقدار)

صح ان الرسول وصى بكثره الدعاء لانه يدفع البلاء
بس ماقال ادعوا ربكم انه يغير جنس المولود

والله حرام عليكم قسمن بالله ينكسر خاطري على هالبنات وافعال امهاتهم فيهم وابائهم

احمدوا الله على هالنعمه العظيمه
الخارجية
23-12-2009, 08:39 AM
البنات نعمة
ودي أكون
23-12-2009, 08:39 AM
مرحبا المقهورة اشحالج يالغاليه .. اسمحيلي عالرد والمداخله بس حبيبتي احسج مومرتبه افكارج .. يعني احس الموضوع متلخبط .. مع احترامي لجهدج يالغاليه ..

اما بالنسبه .. ان الام اتقول حق بنتها لصغيره جيبي قلاص ماي حق اخوج .. وانتي زعلانه ان الام ليش تأمر بنتها وان لازم الولد يقوم يجيب له .. !!

حبيبتي هذا مو منطق .. احنا كبرنا وتعلمنا على هالشي ولا عارضنا الا في مواقف اعناد بسيطه (( يعني انكون زعلانيين او ماشابه )) .. لكن ان الام تآمر بنتها ترا هذا تصرف صحيح .. وماشوف فيه اي شي غلط ..

يعني اللحين احنا اذا بغينا شي من الدكان مانروح .. انخلي اخونا اللي اصغر منا يروح على ايام اول .. واحيانا يزهق عمره من كثر مايروح ويرد .. بس خلاص تعودنا الولد له شغل برع البيت والبنت داخل البيت ..

وهالتعلوم:tease: .. يفيد البنت لين كبرت لان بيجيها من يامر عليها (( سواء زوجها او ريل زوجها ... )) فلازم تتعودت من الصغر انها تسمع الكلام ..

وبالنسبه للأجنه حبيبتي .. حاليا ماعمري شفت ريال يقول الا ابي ولد حتى لو في بطنها بنت .. هالزمن راح .. والفئه الباقيه قليله جدا وجاهله فعشان جي تتبع هالمنوال الجاهلي .. لكن الحمدالله في وطرنا مافي هالشي الا نادر ..

اسمحيلي يالغاليه عالرد .. يمكن اتكونين انتي على صواب .. بس انا في نظري ان تعامل الام مع البنت صح ..
المقهوره
23-12-2009, 08:55 AM
مرحبا المقهورة اشحالج يالغاليه .. اسمحيلي عالرد والمداخله بس حبيبتي احسج مومرتبه افكارج .. يعني احس الموضوع متلخبط .. مع احترامي لجهدج يالغاليه ..

اما بالنسبه .. ان الام اتقول حق بنتها لصغيره جيبي قلاص ماي حق اخوج .. وانتي زعلانه ان الام ليش تأمر بنتها وان لازم الولد يقوم يجيب له .. !!

حبيبتي هذا مو منطق .. احنا كبرنا وتعلمنا على هالشي ولا عارضنا الا في مواقف اعناد بسيطه (( يعني انكون زعلانيين او ماشابه )) .. لكن ان الام تآمر بنتها ترا هذا تصرف صحيح .. وماشوف فيه اي شي غلط ..

يعني اللحين احنا اذا بغينا شي من الدكان مانروح .. انخلي اخونا اللي اصغر منا يروح على ايام اول .. واحيانا يزهق عمره من كثر مايروح ويرد .. بس خلاص تعودنا الولد له شغل برع البيت والبنت داخل البيت ..

وهالتعلوم:tease: .. يفيد البنت لين كبرت لان بيجيها من يامر عليها (( سواء زوجها او ريل زوجها ... )) فلازم تتعودت من الصغر انها تسمع الكلام ..

وبالنسبه للأجنه حبيبتي .. حاليا ماعمري شفت ريال يقول الا ابي ولد حتى لو في بطنها بنت .. هالزمن راح .. والفئه الباقيه قليله جدا وجاهله فعشان جي تتبع هالمنوال الجاهلي .. لكن الحمدالله في وطرنا مافي هالشي الا نادر ..

اسمحيلي يالغاليه عالرد .. يمكن اتكونين انتي على صواب .. بس انا في نظري ان تعامل الام مع البنت صح ..


لو قريتي موضوعي عدل كان عرفتي اني ما اعارض على ان البنت تخدم اخوها بالعكس انا اخدم اخوي واهو يخدمني كلن وطبيعته

بس الاعتراض على رد الام الي فيه من الاحتقار لبنتها
لو كنتي قاعده بالجلسه كان شفتي الاحتقار لجنس البنات عندها


يعني ولد يدخل المطبخ ويحوس فيه وعقب يطلع
وهو عند باب ال مطبخ يقول ابي كوب ماي

او يكت العصير متعمد للعلم على الارض ويقول يافلانه نظفي
واذا قالت لا يمسكها يضربها وقدام امها قاعده
واذا قلتي ولدك قطع شعر بنتك فرقي بينهم ولا اتخذي موقف تقول خليه يربيها

مب لهذه الدرجه

خاصه ان كل شي عندها للعيال وبس

حتى العيد الي هو العيد ماتشتري لهم شي تقول مب لازم
والولد تشتط له كأنها خادمه عنده


هذا الي يزعلني طريقتها مع البنات يعني البنت تحس بالقهر

لدرجه ان البنت تقول وتلوموني اذا قلت اكره امي وابوي

اكثر من كذا شتبين




اما للاجنه اما قصه ماعمرك شفتي رجال يقول ابي ولد شدعووووووووووووه
ولا سمعتي احد يقول ابي ولد


والله الي اشوفه عكس ذلك
لو المعدل بسيط ماكنا طرحت الموضوع بس سواء بالمنتديات
ولا مجال العمل ولا المجتمع اشوف فيه حب الولد بدرجه غريبه
استنكرتها بصراحه خاصه انها مب موجوده عندنا بالجماعه ولا وسط عائلتي على شان كذا مستغربه من هالنظره الي لين الحين موجوده



اكثر من وحده بالدوام اذا اجتمعنا للفطور اسمع سوالفهم

وحده عندها بنتين والثانيه ثلاث بنات
تقول الحمل الجاي بروح للدكتور ................ معروف بفصل الاجنه ابي ولد


لاتقولين مب موجوده هالفئه مووجوده
بس بعضهم يتكلم وبعضهم مايتكلم بس يفرغ هالطاقه يا في منتدى او بينه وبين نفسه



وموضوعي اليوم مب عن هالقصه



عن موضوع ليش بعض النساء يزعلون اذا قالوا في بطنك بنت....
شبح الصمت
23-12-2009, 09:03 AM
أختي المقهورة كان لازم توجهين الموضوع للطرفين لانه يخص الطرفين من نساء ورجال لانه قرار من طرفين .. وبقولج شيء دوم دوم الأم تحب الولد اكثر من البنت وتفضله وهالشيء واقعي ونشوفه .. بس مب لدرجة انها تكرها ولا تشتري لها اشياء العيد وغيره وغيره ومطنشه لها .. هذا الشيء غلط غلط غلط وبيخلي البنت تسوي اشياء من وراءهم تخليهم فالنهاية يتحسفون عليها .. البنت نعمة من رب العالمين ولازم الواحد يهتم فيها عشان اهي تهتم في نفسها وتعرف الصح من الغلط ..
اما بخصوص فحص الولد والبنت بقولج غير الفحص ترى في الحين الاشهر يحسبونها في هالشهر بيجي ولد وفي هالشهر بتجي بنت يعني في حسابات عندكم يالحريم .. ( التقويم الصيني ما قصر )

الحمد لله على نعمة العيال سبحان الله قبل كم سنه يعطونا مصروف ويشترون لنا والعيديه ناخذها من ابهائتنا وامهائتنا والحين نعيد ونشتري ونودي ونغير حفاظات هههههههههههههاي
ودي أكون
23-12-2009, 09:06 AM
لو قريتي موضوعي عدل كان عرفتي اني ما اعارض على ان البنت تخدم اخوها بالعكس انا اخدم اخوي واهو يخدمني كلن وطبيعته

بس الاعتراض على رد الام الي فيه من الاحتقار لبنتها
لو كنتي قاعده بالجلسه كان شفتي الاحتقار لجنس البنات عندها


يعني ولد يدخل المطبخ ويحوس فيه وعقب يطلع
وهو عند باب ال مطبخ يقول ابي كوب ماي

مب لهذه الدرجه

خاصه ان كل شي عندها للعيال وبس

حتى العيد الي هو العيد ماتشتري لهم شي تقول مب لازم
والولد تشتط له كأنها خادمه عنده


هذا الي يزعلني طريقتها مع البنات يعني البنت تحس بالقهر

لدرجه ان البنت تقول وتلوموني اذا قلت اكره امي وابوي

اكثر من كذا شتبين

يعني انتي حبيبتي .. تتكلمين عن مشكله شخصيه حق وحده .. يعني افهم ان موضوعج مو تعميم على الاغلبيه ..!!

زين الحمدالله اذا جي تمام :victory:

بالنسبه للبنت مسكينه شتسوي .. امها اطلعت جي وصج قهر وانا منها جان كل يوم مارقد الا دموعي على خدي من حزني على عمري :(

كلموا البنت انها اتحاول تتقرب منها واتسوي اي شي يعجب امها واخوها بعد .. يعني تتقرب من امها قد ماتقدر وتحط في بالها ان الله معاها ولازم في يوم من الايام امها بتحس بقيمتها وعقب الام ضميرها هي اللي بيأنبها ويمكن عقب اتعوض بنتها بطريقه احلى ..

لكن اشوف ان البنت اللي اتشكى من امها وابوها .. مانقولها اي صح معاج حق شنو هاي امج جي ام اتسوي :secret: .. لو قلنا جي يمكن راح تتعلم اتمرد على امها او ماتسمع كلامها او يصيدها لا مبالاه وكره حق امها ..
فلو انقول حق البنت معليه تحملي .. عبالج الامهات كلهم طيبين وامج بس شريرة .. روح شوفي بيوت الناس شلون امهاتهم .. مايعرفون شي عن اعيالهم .. .... يعني اتحاولون اتخففون عالبنت بس بطريقه ماتكره فيه امها ..:)


وسبحان الله الام والابو كل واحد فيهم عندهم احد مقرب من اعيالهم .. يعني البنات لابوهم والصبيان لأمهم .. هالشي موجود بكثر ..

فلا تزعل والله بيعوضها وبيرد لها امها بقلب حنون .. يارب

يختي وايد سولفت .. احس بسي :shy:
المقهوره
23-12-2009, 09:06 AM
أختي المقهورة كان لازم توجهين الموضوع للطرفين لانه يخص الطرفين من نساء ورجال لانه قرار من طرفين .. وببقولج شيء دوم دوم الأم تحب الولد اكثر من البنت وتفضله وهالشيء واقعي ونشوفه .. بس مب لدرجة انها تكرها ولا تشتري لها اشياء العيد وغيره وغيره ومطنشه لها .. هذا الشيء غلط غلط غلط وبيخلي البنت تسوي اشياء من وراءهم تخليهم فالنهاية يتحسفون عليها .. البنت نعمة من رب العالمين ولازم الواحد يهتم فيها عشان اهي تهتم في نفسها وتعرف الصح من الغلط ..
اما بخصوص فحص الولد والبنت بقولج غير الفحص ترى في الحين الاشهر يحسبونها في هالشهر بيجي ولد وفي هالشهر بتجي بنت يعني في حسابات عندكم يالحريم .. ( التقويم الصيني ما قصر )

الحمد لله على نعمة العيال سبحان الله قبل كم سنه يعطونا مصروف ويشترون لنا والعيديه ناخذها من ابهائتنا وامهائتنا والحين نعيد ونشتري ونودي ونغير حفاظات هههههههههههههاي


الجدول الصيني قريت عنه ترى اخرطي
اظاهر صاب مع كذا وحده بالصدفه قاموا قالوا هذا معتمد

عن نفسي مااعترف فيه
المقهوره
23-12-2009, 09:15 AM
[QUOTE=بنت المرحـوم;5257839]يعني انتي حبيبتي .. تتكلمين عن مشكله شخصيه حق وحده .. يعني افهم ان موضوعج مو تعميم على الاغلبيه ..!!

[COLOR="Red"]طبعا مب تعميم انا بنفسي احب البنات واهلي كلهم يحبون البنات وابوي عمره مافرق بين بنت وولد فديت روحه ولا امي

زين الحمدالله اذا جي تمام :victory:

بالنسبه للبنت مسكينه شتسوي .. امها اطلعت جي وصج قهر وانا منها جان كل يوم مارقد الا دموعي على خدي من حزني على عمري :(



من قال انها ماتبكي إلا صايره جلد على عظم وقامت ترفض اوامر امها بتعسف تقول انا مب خدامه طبعا هذه الكبيره اما الصغيره لين الحين متحكمين فيها بنفس الطريقه ، المصيبه ان هالظاهر شفتها في كذا مكا ن على شان كذا تكلمت قلت افضفض بالمنتدى قبل لا انفجر على هالامهات وان انفجرت بتقول وانتي شكو بنتي وانا حره فيها



كلموا البنت انها اتحاول تتقرب منها واتسوي اي شي يعجب امها واخوها بعد .. يعني تتقرب من امها قد ماتقدر وتحط في بالها ان الله معاها ولازم في يوم من الايام امها بتحس بقيمتها وعقب الام ضميرها هي اللي بيأنبها ويمكن عقب اتعوض بنتها بطريقه احلى ..



هالام عندها بنت متزوجه يوم درت الام ان بنتها حامل قالت انشاء الله فلانه تجيب ولد
قلنا لها شمعنى يعني ولد الي يجي من الله حياه الله قالت لاااااااااااااااااااااا الولد عز لامه
والبنت مايفرح بها ابوها ـ تخيلي هالكلام وبناتها قاعدين والله والله ان احد بناتها نزل راسه من كلامه امه احسها انكسرت واحزنت ...


لكن اشوف ان البنت اللي اتشكى من امها وابوها .. مانقولها اي صح معاج حق شنو هاي امج جي ام اتسوي :secret: .. لو قلنا جي يمكن راح تتعلم اتمرد على امها او ماتسمع كلامها او يصيدها لا مبالاه وكره حق امها ..
فلو انقول حق البنت معليه تحملي .. عبالج الامهات كلهم طيبين وامج بس شريرة .. روح شوفي بيوت الناس شلون امهاتهم .. مايعرفون شي عن اعيالهم .. .... يعني اتحاولون اتخففون عالبنت بس بطريقه ماتكره فيه امها ..:)


البنت ماتتشكى ساكته اغلب الاوقات وهم 4 بنات مب بنت وحده.
وهالشي انا شفته بنفسي في كذا بيت وكذا جلسه في العمل نفس المبدأ
وبالعكس دوم اذا شفت موضوع بالطريقه هذه وكلمت البنت وكانت مره بصراحه
قلت مهما كان هذا اخوك وهذه امك عادي
قالت بذمتك يا خالتي هذا اسلوب ترى عصر الجاهليه انتهى
ليش هالمعامله
بصراحه سكت
لان البنت عقلها كبير وفاهمه شتقول.
ولو انا مب قريبه منهم ماكان كلمتها ولا جاوبتني من طبعها خجول وكتوم


وسبحان الله الام والابو كل واحد فيهم عندهم احد مقرب من اعيالهم .. يعني البنات لابوهم والصبيان لأمهم .. هالشي موجود بكثر ..

فلا تزعل والله بيعوضها وبيرد لها امها بقلب حنون .. يارب

يختي وايد سولفت .. احس بسي
المقهوره
23-12-2009, 09:16 AM
أختي المقهورة كان لازم توجهين الموضوع للطرفين لانه يخص الطرفين من نساء ورجال لانه قرار من طرفين .. وبقولج شيء دوم دوم الأم تحب الولد اكثر من البنت وتفضله وهالشيء واقعي ونشوفه .. بس مب لدرجة انها تكرها ولا تشتري لها اشياء العيد وغيره وغيره ومطنشه لها .. هذا الشيء غلط غلط غلط وبيخلي البنت تسوي اشياء من وراءهم تخليهم فالنهاية يتحسفون عليها .. البنت نعمة من رب العالمين ولازم الواحد يهتم فيها عشان اهي تهتم في نفسها وتعرف الصح من الغلط ..
اما بخصوص فحص الولد والبنت بقولج غير الفحص ترى في الحين الاشهر يحسبونها في هالشهر بيجي ولد وفي هالشهر بتجي بنت يعني في حسابات عندكم يالحريم .. ( التقويم الصيني ما قصر )

الحمد لله على نعمة العيال سبحان الله قبل كم سنه يعطونا مصروف ويشترون لنا والعيديه ناخذها من ابهائتنا وامهائتنا والحين نعيد ونشتري ونودي ونغير حفاظات هههههههههههههاي



للاسف وجهته اولا للنساء
وعقب ماسويت اوكي للموضوع

رجعت عدلت عليه للنساء والرجال بس ماصار في العنوان
شبح الصمت
23-12-2009, 09:20 AM
اختي حاولي انج توصلين للأم وتكلمينها عالاقل كلميها ازقريها قولي لها هذا حرام وخوفيها انه هالشيء بيرد عليهم عكسي وحرام عليها الي تسويه .. ما عليج بتهاوشج بتضربج انتي سويتي الي عليج يمكن كلامج يأثر فيها .. ترى في ذمتج دامج وصلتي فالموضوع لازم تكملينه لا تعرضينه علينا روحي حق الام وكلميها حتى لو صار اي شيء :anger1:
بوخالد911
23-12-2009, 09:25 AM
هلا بكم

؛؛؛

هو صج القلب بيحب 1 من الأبناء أكثر من البقية

ولكن المطلوب عدم اظهار هالشي جدام البقية

ولنا في قصة النبي/ يوسف عليه السلام وإخوته عبرة


لما شافوا ابوهم يحبه أكثر منهم
قرروا قتله !!!

وبعدين ألقوه في الجب = البير

اعدلوا في المحبة


مسيوو/ بوخالد911
المقهوره
23-12-2009, 09:29 AM
كلمتها وياليتني ماكلمتها

ردها كان بااااااااااااااااااااااااااااااااااااااااااااااااا اااااايخ وماتبي تناقش

تقول هذا رجال وهي بنت ولازم يحكمها من الحين.



هي عندها ان الي تسويه صح

ومابي اتناشب معها بصراحه واجادل جدال عقيم خاصه اني اعرف عقلية هالام

نو كومنت بصراحه معها


بعدين حتى لو تعدلت هالام

بقعد اعدل مليون ام على وجه الارض
صعبه

هذه نموذج حي للقصة
ولا مثلها كثير

للعلم انا ماتطرقت للموضوع إلا لما وصلت حدي وتشبعت من سماع هالمواضيع وقرائتها
يعني ان رحت للمجتمع شفت هالشي

وان دخلت النت قريت هالشي

وان رحت الدوام تكلموا بنفس المووضوع


فقرفت بصراحه من عقولهم فطرحت الموضوع لعلى وعسى يوصل الصوت بطريقه او باخرى
المقهوره
23-12-2009, 09:31 AM
هلا بكم

؛؛؛

هو صج القلب بيحب 1 من الأبناء أكثر من البقية

ولكن المطلوب عدم اظهار هالشي جدام البقية

ولنا في قصة النبي/ يوسف عليه السلام وإخوته عبرة


لما شافوا ابوهم يحبه أكثر منهم
قرروا قتله !!!

وبعدين ألقوه في الجب = البير

اعدلوا في المحبة


مسيوو/ بوخالد911




هي المصيبه انها ماتحب ناس على ناس

هي تحب جنس على جنس


يعني الولد على البنت


تحب عيالها كلهممممممممممممممممممممممممممم

اما البنات ولا كنها جابتهم


والي تحب بناتها تقول ابي ولد

بس خل الولد يجي شوف التفرقه

كله ولا الولد
ابو عادل
23-12-2009, 09:37 AM
الحين تحديد جنس المولود حرام ؟
ضوى
23-12-2009, 10:29 AM
يازين البنات وياحلوهم ، يوم قالوا لي فيج بنت الدنيا ماسعتني من الفرح ، البنت حبيبة ابوها وامها وخالاتها وعماتها ، سبحان الله حنونة هادية خلوقة ولها كيان في البيت ، الله يحفظها ان شاء الله ويحفظ كل بنات المسلمين ، اما الموقف اللي شفتيه فهذا استثناء مايمثل كل الحريم ، والله انه حماتي قايلين لها ولد وهي تبي بنت بس الحمد لله على كل حال اهم شئ يجي صاحي ومافي اي عاهة الله يحفظ عيالكم وعيال المسلمين اللهم امين .
وبعدين المواقف اللي ذكريتها في موضوعج الاول بخصوص المنتديات النسائية فهذا من فراغة القلب والعقل والتفكير العقيم الحمد لله والشكر ، البنت والولد هم فلذات اكباد الاباء والامهات ولو يصير اي شئ على واحد منهم يزوغ قلبهم عليهم .
طويل النفس
23-12-2009, 10:52 AM
بسم الله الرحمن الرحيم
( فلما وضعتها قالت رب إني وضعتها أنثى والله أعلم بما وضعت وليس الذكر كالأنثى وإني سميتها مريم وإني أعيذها بك وذريتها من الشيطان الرجيم ( 36 ) )
المقهوره
23-12-2009, 11:00 AM
الحين تحديد جنس المولود حرام ؟

يس حرام

لان اغلبيه الناس بيتجهون لو حلله المشايخ إلى الجنس الذكري
وبكذا بيكون فيه نقص في عدد الاناث وبيتحكمون في رزق كل واحد
تحداني
23-12-2009, 11:08 AM
.. صباح الخير على الجميع ..



إنتهى هذا العصر..
وولى منذ زمن بعيد ..



يا زين البنات ..
ويازين الشباب ..
إن كانوا .. أبناء صالحين باريين بأهلهم ..





وإن كانوا عونا لأهلهم ..
ويتباهون
بشهاداتهم .. ومكانتهم .. وسمعتهم ..
بين العالم والناس ..



هي حالات خاصه سيدتي الكريمه ..
وحالات استثنائيه ..






جهل في الفكر .. وجهل في التربيه ..
وتوارث لمعتقدات خاطئه ..







جملك الله برضى الرحمن
ودي أكون
23-12-2009, 11:29 AM
اختي حاولي انج توصلين للأم وتكلمينها عالاقل كلميها ازقريها قولي لها هذا حرام وخوفيها انه هالشيء بيرد عليهم عكسي وحرام عليها الي تسويه .. ما عليج بتهاوشج بتضربج انتي سويتي الي عليج يمكن كلامج يأثر فيها .. ترى في ذمتج دامج وصلتي فالموضوع لازم تكملينه لا تعرضينه علينا روحي حق الام وكلميها حتى لو صار اي شيء :anger1:

لا حبيبتي اتحملي تسمعين كلامه .. :secret:

انتي كلميها لكن ان وصلت لعملية الضرب .. سوي عملية انسحاب قبل الهجوم عليج escape

نصيحة محب :pardon:
المقهوره
23-12-2009, 11:29 AM
.. صباح الخير على الجميع ..



إنتهى هذا العصر..
وولى منذ زمن بعيد ..



يا زين البنات ..
ويازين الشباب ..
إن كانوا .. أبناء صالحين باريين بأهلهم ..





وإن كانوا عونا لأهلهم ..
ويتباهون
بشهاداتهم .. ومكانتهم .. وسمعتهم ..
بين العالم والناس ..



هي حالات خاصه سيدتي الكريمه ..
وحالات استثنائيه ..






جهل في الفكر .. وجهل في التربيه ..
وتوارث لمعتقدات خاطئه ..







جملك الله برضى الرحمن




للعلم فقط


الام جامعيه تخصص شريعه


يعني لو جاهله كان هانت


وحالات كثيره ومازالت

حتى لو قل عددها
المقهوره
23-12-2009, 11:30 AM
لا حبيبتي اتحملي تسمعين كلامه .. :secret:

انتي كلميها لكن ان وصلت لعملية الضرب .. سوي عملية انسحاب قبل الهجوم عليج escape

نصيحة محب :pardon:

مب لهذه الدرجه تضربني واضربها وين عايشين
هي صح عنصريه بس ماتجي للضرب
حـ ن ـيـ ن
23-12-2009, 03:36 PM
ربي ترزقني الذرية الصالحة يااااااااااااااااااارب
بوخالد911
23-12-2009, 07:03 PM
للعلم فقط


الام جامعيه تخصص شريعه


يعني لو جاهله كان هانت


وحالات كثيره ومازالت

حتى لو قل عددها


بل

تخصص شريعة!!!!
:omg::eek5::omg:


فاهمة الدين بالغلط
شكلها

الله يرحمنا بس
هواجس _q6r
23-12-2009, 07:43 PM
في حريم يتمنون الولد ..بس عشان يرضون الزوج ..حتى لو الزوج مابين هالشي

يعني تحسب لا جابت أولاد أكثر ..بهالطريقه ترضي زوجها ..

وهالزمن قلت سالفه بنت وولد
لان الوعي صار اكبر ..وكلهم نعمه من رب العالمين


,انا عن نفسي اللحين ...ودي وبموووت ابي بنت
وريلي يبي ولد ..بس ما احسه متعصب لهشي
واكيد كل ريال يتمنى بجره ولد


موضوع حلو تسلمين مقهوره :)
فريج النصر
23-12-2009, 07:44 PM
ممكن السعر وطريقة التواصل عالخاص

لاهنتي
العداله
23-12-2009, 07:54 PM
هذه فئه من البشر نزعت من قلبها الرحمة
والله انهم في نعمة لا يعلمون قدرها
كم من البشر يتمنون طفل سواء ولد او بنت .. سليم او حتى مريض
المهم ان يذوقوا لذة ان يكون عندهم ذريه
ربي لاتذرني فردا وانت خير الوارثين
هواجس _q6r
23-12-2009, 08:54 PM
ممكن السعر وطريقة التواصل عالخاص

لاهنتي

خخخخخخخخخخخخخخخخخخخخخخخ
فريج النصر مضيــــع
الوجبه
23-12-2009, 09:06 PM
االمقهوره اشرايج تحطين صورتها بعد
..الاميرة..
23-12-2009, 09:43 PM
ممكن السعر وطريقة التواصل عالخاص

لاهنتي


سعر شنو بالضبط :looking:

المره حاطه موضوع عن تفضيل جنس عن آخر في الابناء وانت تقول سعر وتواصل !
فريج النصر
23-12-2009, 09:58 PM
االمقهوره اشرايج تحطين صورتها بعد

السلام عليكم صورة منو وشوكرا
ودي أكون
24-12-2009, 07:54 AM
ممكن السعر وطريقة التواصل عالخاص

لاهنتي

شكله قرر يتبنى البنات :tease:
المقهوره
24-12-2009, 07:59 AM
االمقهوره اشرايج تحطين صورتها بعد

صدق :)

ياشين الاستضراف بس

مب عاجبك الموضوع لاتعلق اطلع وانت ساكت يعني لازم ملاغه
المقهوره
24-12-2009, 08:00 AM
السلام عليكم صورة منو وشوكرا

واحد او وحده تستضرف
المقهوره
24-12-2009, 08:04 AM
االمقهوره اشرايج تحطين صورتها بعد

لعقليتك بس هذه صورتها
هاه عرفتها


http://lazeeez.com/articles/1218029048.jpg
كازانوفا
24-12-2009, 08:11 AM
بالفعل الموضوع كريه وانا بصراحه اكره ما علي حد يظلم البنت واكره نفسي اذا انفتح الموضوع قدامي بس لما قريت موضوعك قلت خلني بشوف لسه في ناااس تعامل بناتهم بهذه المعامله القاسيه تقولي مرت ابو مش امهم وبالفعل في وحده اعرفها والله روت بناتها العذاب بابشع انواعه وكانت تشيل الاكل من قدامهم عشان تحطه للاولاد مهم عندها الولد يشبع والبنت تموت من القهر ما عندها اي اشكال
بس للاسف ما اكتفت الام بناتها تزوجو وما تركتهم بحالهم لسه مسلسل التعذيب وراهم وراهم
اقيدك بكل كلامك ومعلش في ناااس ما شافت بعينها اللى قلتيه واللى انا قلته وشفناه فلا تلوميهم ولا تزعلين عليهم
تقبلي مروري
المقهوره
24-12-2009, 08:18 AM
بالفعل الموضوع كريه وانا بصراحه اكره ما علي حد يظلم البنت واكره نفسي اذا انفتح الموضوع قدامي بس لما قريت موضوعك قلت خلني بشوف لسه في ناااس تعامل بناتهم بهذه المعامله القاسيه تقولي مرت ابو مش امهم وبالفعل في وحده اعرفها والله روت بناتها العذاب بابشع انواعه وكانت تشيل الاكل من قدامهم عشان تحطه للاولاد مهم عندها الولد يشبع والبنت تموت من القهر ما عندها اي اشكال
بس للاسف ما اكتفت الام بناتها تزوجو وما تركتهم بحالهم لسه مسلسل التعذيب وراهم وراهم
اقيدك بكل كلامك ومعلش في ناااس ما شافت بعينها اللى قلتيه واللى انا قلته وشفناه فلا تلوميهم ولا تزعلين عليهم
تقبلي مروري

هالحركه سوتها بعد اذا شافت الولد يبي العصير ولا السندويشة الي بيد بنتها وقال الولد يمه ابيها
تقول عطي اخوك وروحي سوي لك وحده ثانيه



انا فتحت هالموضوع مب لمجرد قصة هالمرأه وبس
انا قلت هذه وحده من كثير اشوفهم في اكثر من مكان مب مقصوره عليها وبس هي تعتبر نموذج واحد فقط


وتسلمين على الرد

واما الردود السلبيه ماهمتني بالاساس
ناس فاضيه
جرح الزمان
24-12-2009, 10:00 AM
ضعف ايمان الله يهدينا ويهديها ويثبتنا

اهديها محاضرات عن امراض القلوب واذا تعرفين اسم الشيخ اللي تحب تسمعه بيكون تأثيره اسرع

جزاك الله خير
المقهوره
24-12-2009, 10:32 AM
تحب العريفي وسلمان الجبيلان والعوضي والخ من المشايخ

واكبر مصيبه انه تسمع لهذولا كلهممممممممممممممممممممممممممممممممممممممممممممممم

وعندها مكتبه بالكتب والاشرطه بعد


بس فيه ناس تسمع وتقرأ

بس ماتطبق
ماريسا
24-12-2009, 12:32 PM
الي يجي من الله حياه الله
العلم الوكاد
24-12-2009, 12:52 PM
سبحان الله

هذا نقص في تفكير المرأة

لانها تعتقد انها اذا ماجابت الولد

بيتركها الزوج وبيروح يدور لوحده ثانية

مع العلم ان الاباء يفضلون البنات على الاولاد

لان الله يخلق للبنت رحمة وحب خاص في قلب الاب

حتى ان الاباء والامهات فقدوا فرحتهم بالحمل من الشهر الثاني والثالث عارفين جنس المولود

فما عاد فيه الترقب والانتظار

انا لو بيدي اطلع قانون يمنع الكشف عن جنس الجنين
المقهوره
24-12-2009, 12:54 PM
سبحان الله

هذا نقص في تفكير المرأة

لانها تعتقد انها اذا ماجابت الولد

بيتركها الزوج وبيروح يدور لوحده ثانية

مع العلم ان الاباء يفضلون البنات على الاولاد

لان الله يخلق للبنت رحمة وحب خاص في قلب الاب

حتى ان الاباء والامهات فقدوا فرحتهم بالحمل من الشهر الثاني والثالث عارفين جنس المولود

فما عاد فيه الترقب والانتظار

انا لو بيدي اطلع قانون يمنع الكشف عن جنس الجنين



ليشششششششش احلى شي لما الواحد يعرف شلي في بطنه
بس مب شرط تعلم زوجها ولا اهلها

عن نفسي ما اعلم بس علمت في البكر لزوجي
المقهوره
24-12-2009, 12:56 PM
العلم الوكاد

ذكر ام انثى ترى الاسم مب واضح
العلم الوكاد
24-12-2009, 12:59 PM
ليشششششششش احلى شي لما الواحد يعرف شلي في بطنه
بس مب شرط تعلم زوجها ولا اهلها

عن نفسي ما اعلم بس علمت في البكر لزوجي


زين في ذمتك

كم مرة سالك عن جنس المولود

وانتي تقولين ما طلع واضح

كان معطيهم ظهرة

صح

يعني فيها كذب

وبعدين انتي كأم تفقدين لحظة الانتظار

لما تولد الام وفي ذاك الوقت تعرف جابت ولد والا بنت

على فكرة كل يوم الحياة تفقد بهجتها اكثر واكثر

احنا نناقش هالموضوع في الوقت اللي اصبح بامكان الابوين اختيار جنس المولود
المقهوره
24-12-2009, 01:05 PM
زين في ذمتك

كم مرة سالك عن جنس المولود

وانتي تقولين ما طلع واضح

كان معطيهم ظهرة

صح

يعني فيها كذب

وبعدين انتي كأم تفقدين لحظة الانتظار

لما تولد الام وفي ذاك الوقت تعرف جابت ولد والا بنت

على فكرة كل يوم الحياة تفقد بهجتها اكثر واكثر

احنا نناقش هالموضوع في الوقت اللي اصبح بامكان الابوين اختيار جنس المولود



صح انه بامكانهم اختيار جنس المولود
بس للناس الي ماتخاف من الله

لانه حرام من الاساس اختيار جنس المولود مسبقا



اما بالنسبه لزوجي من اول ماطلعت من العياده قلت له في بطني كذا
مع ان كان في خاطرنا يكون اول طفل لنا بنت وهو نفس الشي يحب البنات
بس الله رزقنا بولد وكل شي من الله حياه الله والي جابت ولد تجيب بنت انشاء الله


بس سالفه معطيني ظهره هههههههههه هذه قلتها للعجايز والناس الملقوفه فقط
لا جحدان ولا كذب مني

بس لانهم كانوا يكذبون علي يوم كانوا حوامل وماعلموني فكنت اتحلف فيهم
واقول والله ان تزوجت وحملت ماعلمكم بس هذه القصه


ومع اني عرفت في بدايه الحمل وش الي في بطني
بس حاليا كل مره في التصوير يعطينا ظهره
فحترت انا وابوه بصراحه هو بنت ولا ولد خاصه ان الجنس يتغير
بوحارب
24-12-2009, 01:11 PM
وموضوعي اليوم مب عن هالقصه



عن موضوع ليش بعض النساء يزعلون اذا قالوا في بطنك بنت....

لأنها غبية وناقصة عقل وما تعرف نعمة اليهال :)


ومرة ثانية لاتنزلين موضوع للنساء فقط لأنه احنا انحب انشاركم في كل المواضيع :weeping:
المقهوره
24-12-2009, 01:15 PM
لأنها غبية وناقصة عقل وما تعرف نعمة اليهال :)


ومرة ثانية لاتنزلين موضوع للنساء فقط لأنه احنا انحب انشاركم في كل المواضيع :weeping:

اي والله ماتعرف هالنعمه غيرها متشفق على واحد بنت ولا ولد
nouar
24-12-2009, 01:19 PM
امس طرحت موضوع عن حب الامهات للاولاد بطريقه فضيعه لدرجه التفرقه بين البنت والولد

والتشائم ااذا قال لها السونار في بطنك بنت

تقعد تدعي ربها ليل ونهار ان السونار يكون غلطان وان الي في بطنها بيكون ولـــــــــد

ولا تقول الدكتوره قالت لي في بطنك بنت ثلاث مرات بس انا احساسي يقول ولــــــــد

واذا سألتيها كم بنت عندك

تقول عندي بنتين والي تقول عندي بنت والي تقول ثلاث

يعني مب العدد الكبير في البنات.

يعني لو كان الي كاتب الموضوع رجال كان قلت عنصري ومتحيز لجنسه ويبي يتفاخر ان عنده ولد الـــــــــــــــــــخ من اسلوب الجاهليه.


وبصراحه الي اشوفه ان الاب يحب البنات اكثر
والولد يسمونه طير مجلس (هالكلمه قالها واحد من الناس مب كلامي ) يوم سألته من اغلى البنت ولا الولد ، يعني حق رزه المجالس وبلفيت عندي سند مستقبلا وشخص يشيل اسمي طبعا هذا اهم شي ان الاسم ماينتهي ، ما ادري احد قال لهم انه يوم القيامه بينادون الشخص ويدخلونه الجنه بكثره نسبه وكبر قبيلته....

سؤالي ليش الاب في هالزمن ماقام يعارض نفس اول اذا عرف ان الي في بطن زوجته بنت

في حين الزوجه شايله الدنيا على راسها ومكبر السالفه وتبي ولد....


يعني اظن عصر الجاهليه انتهى

وعصر وؤد البنات ولى

وعصر ان البنت خيرها مهب لاهلها انتهى

يعني بنت ولا ولد بيسووون نفس الشي ويمكن البنت بزياده في اغلب الاحيان

والي تسوي مليون طريقه وطريقه شعبيه ولا صينيه والا طبيه على شان تحصل على الولد

صح انها تنفع خاصه الطبيه منها في فصل نوع الجنين

بس حرام شرعا.


شالفايده انك تجيبين طفل بطريقه حرام لإرضاء مرض داخلي في نفسك او في نفس زوجك او المجتمع الي مامنه فايده وتعصين ربك.


وفي النهايه

قال الله تعالى: لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ* أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ [الشورى:49-50].



والرسول وصى بحسن معامله البنات

وثبت عن النبي صلى الله عليه وسلم أنه قال: (من عال جاريتين – أي قام عليهما بما يجب لهما من التربية – حتى تبلغا جاء يوم القيامة أنا وهو كهاتين – وأشار بأصبعيه - )، فأي فضيلة بعد هذه الفضيلة، ولذلك كان من فضل الله على رسوله صلى الله عليه وسلم أن رزقه الله تعالى أربع بناتٍ


وأما عن الأسباب المشروعة لتحصيل ما تريده من الذرية

فيشرع لك صلاة الحاجة وهي ركعتان نافلتان وبعد السلام تحمد الله تعالى وتصلي على نبيه صلى الله عليه وسلم، ثم تدعو لحاجتك كأن تقول مثلاً: رب هب لي ابناً يكون من الذرية الصالحة إنك سميع الدعاء، {رب لا تذرني فرداً وأنت خير الوارثين}، {رب هب لي من لدنك وليًّا}، ونحو هذه الأدعية المشروعة الحسنة وليس في ذلك دعاء مخصوص بصيغة مخصوصة.

ترى في ناس يتمنون طفل واحد فقط سواء بنت ولا ولد ويتعالجون سنين وسنين

وهذول الله معطيهم الخير كله ويتمردون تحت عنوان ( ان الدعاء يغير الاقدار)

صح ان الرسول وصى بكثره الدعاء لانه يدفع البلاء
بس ماقال ادعوا ربكم انه يغير جنس المولود

والله حرام عليكم قسمن بالله ينكسر خاطري على هالبنات وافعال امهاتهم فيهم وابائهم

احمدوا الله على هالنعمه العظيمه


أخوي .. صرنا نشأئم لما يقولوا في بطنك ولد ,,,,,

أول شي الولد تابع لأبوه . يعني انتي تتعبين وأخر التعب لأبوه ..


وبصراحه اكثر ... اكثر حالات الطلاق اللي للأمهات اللي بجيبون اولاد ...


ليه ما ادري بصراحه ..

غريبه هذي الدنيا لما تجيب البنت بكونوا فرحانين
ولما يجي الصبي بطلقوا امه ...


أحسن شي في الدنيا البنات بربطوا ابوهم ...
العلم الوكاد
24-12-2009, 01:20 PM
صح انه بامكانهم اختيار جنس المولود
بس للناس الي ماتخاف من الله

لانه حرام من الاساس اختيار جنس المولود مسبقا



اما بالنسبه لزوجي من اول ماطلعت من العياده قلت له في بطني كذا
مع ان كان في خاطرنا يكون اول طفل لنا بنت وهو نفس الشي يحب البنات
بس الله رزقنا بولد وكل شي من الله حياه الله والي جابت ولد تجيب بنت انشاء الله


بس سالفه معطيني ظهره هههههههههه هذه قلتها للعجايز والناس الملقوفه فقط
لا جحدان ولا كذب مني

بس لانهم كانوا يكذبون علي يوم كانوا حوامل وماعلموني فكنت اتحلف فيهم
واقول والله ان تزوجت وحملت ماعلمكم بس هذه القصه


ومع اني عرفت في بدايه الحمل وش الي في بطني
بس حاليا كل مره في التصوير يعطينا ظهره
فحترت انا وابوه بصراحه هو بنت ولا ولد خاصه ان الجنس يتغير

ترى على فكرة

لو المولود الاول بنت ما عليه والثانيه بعد

والثالثة بالزور اما الرابعة بنت ويقول ما يهمني

معناتها يموت في زوجته

ترى على فكرة انا من النوع اللي يحب البنات لوعندي خمسين وربي ماعندي مانع
المقهوره
24-12-2009, 01:25 PM
لأنها غبية وناقصة عقل وما تعرف نعمة اليهال :)


ومرة ثانية لاتنزلين موضوع للنساء فقط لأنه احنا انحب انشاركم في كل المواضيع :weeping:

قلت لكم حطيت للنساء فقط
بس عقب ما انحط الموضوع سويت تعديل
وكتبت للنساء والرجال بس ما صار في العنوان
المقهوره
24-12-2009, 01:32 PM
ترى على فكرة

لو المولود الاول بنت ما عليه والثانيه بعد

والثالثة بالزور اما الرابعة بنت ويقول ما يهمني

معناتها يموت في زوجته

ترى على فكرة انا من النوع اللي يحب البنات لوعندي خمسين وربي ماعندي مانع



الرجال ان بغى يتزوج بيتزوج
سواء بنت ولا ولد ولا خلفته كلهم ذكور

بس الي اشوفه ان ام البنت يتردد الزوج في طلاقها اكثر
يقول بناتي ابي اربيهم قدام عيني

اما ام الاولاد يقول مهب ضايعيين في النهايه رجاجيل....
طبعا هذا الي اشوفه بعيني



ويوم بغيت بنت تكون بكري

أولا : على شان قول رسولنا الكريم صلى الله عليه وسلم ( خيركم من بكر بأنثى )

ثانيا : اني احب البنات اولا لانهم ودودات وناعمات ويطيعون الكلام
~ نســـايم ~
24-12-2009, 01:33 PM
والله عن نفسي الحمدلله احب الاثنين ولد او بنت واميل للبنات اكثر بواااااااااايد واحبهم مووت و اما الوالده كانت عادي ما حسيت بيوم بالتفرقه في معاملتنا حتى تقول البنت لازم اندلعها والبنت امانه لازم الواحد يتعامل معاها برقة والوالد الله يرحمه صحيح كان شوي من النوع اللي يفرق بالتعامل بس كان يعلمنا كيف ان نطيج الرجل بشكل عام و نحط حدود مثل ان البنت ما ترفع صوتها على رجال و البنت ما تضرب الصبي ولو ضربني احد من اخواني ما اضربه بس اجي اقول لابوي وهو يضربه لكن انا ما امد يدي و من هالامور وفادتني هالشغله حيل بحيث اني مع زوجي ما اعانده و اتعامل معاه على حسب تربيتي اللي رباني ابوي عليها ومارفع حسي و اطيعه بكل شي وهالشي يعني الحمدلله من الصوبين و هذا التعليم مفيد للبنت لكن العنصريه الجاهليه هذي اللي ترجع اجيالنا للخلف و الجهل والعياذ بالله و انا انصدمت حقا انها انسانه دارسة شريعة وهذا تفكيرها فلا حول ولا قوة الا بالله العلي العظيم

اللهم اجرنا في مصيبتا واخلفنا خيرا منها

الشكر لكِ عزيزتي مقهوره موضوع جيد
المقهوره
24-12-2009, 01:44 PM
والله عن نفسي الحمدلله احب الاثنين ولد او بنت واميل للبنات اكثر بواااااااااايد واحبهم مووت و اما الوالده كانت عادي ما حسيت بيوم بالتفرقه في معاملتنا حتى تقول البنت لازم اندلعها والبنت امانه لازم الواحد يتعامل معاها برقة والوالد الله يرحمه صحيح كان شوي من النوع اللي يفرق بالتعامل بس كان يعلمنا كيف ان نطيج الرجل بشكل عام و نحط حدود مثل ان البنت ما ترفع صوتها على رجال و البنت ما تضرب الصبي ولو ضربني احد من اخواني ما اضربه بس اجي اقول لابوي وهو يضربه لكن انا ما امد يدي و من هالامور وفادتني هالشغله حيل بحيث اني مع زوجي ما اعانده و اتعامل معاه على حسب تربيتي اللي رباني ابوي عليها ومارفع حسي و اطيعه بكل شي وهالشي يعني الحمدلله من الصوبين و هذا التعليم مفيد للبنت لكن العنصريه الجاهليه هذي اللي ترجع اجيالنا للخلف و الجهل والعياذ بالله و انا انصدمت حقا انها انسانه دارسة شريعة وهذا تفكيرها فلا حول ولا قوة الا بالله العلي العظيم

اللهم اجرنا في مصيبتا واخلفنا خيرا منها

الشكر لكِ عزيزتي مقهوره موضوع جيد



اذكر ابوي كان يقول لاخواني اذا اضربوني وانا صغيره بالذات واحد منهم نحيس وعصبي
يقول لاعاد تضرب خواتك اذا عندك شي عليهم تعال قول لي مهب تمد يدك

وطبعا ان مدها علينا يوووووووووه نقعد مبوزين الييييييييين يجي ابوي من مشواره وعقب شوفي الشكاوي يبه فلان ضربني والخ من شكاوي البنات

هنا بصراحه مايضربه قدامنا على شان مانتشمت فيه (له وجه نظر )
بس نسمعه يوبخه في ال مجلس

<<<يحبون الشماته في اخوهم ايام الصغر

بس ماعمري مديت يدي على اخواني لاصغير ولا كبير

يمكن لان فيه الي ياخذ حقي ويرضيني بطريقه دبلوماسيه

خاصه ان مهب كل شي يرضيني


واحيانا اذا مصخها اخوي هذا في الضرب بالذات شعري
يخليني ابوي اتقاضى فيه

واقول له وده العزبه عند الابل

لان سم ضرسه يروح العزبه على شان مايشتغل :)


اكثر وحده في خواتها كانت تنضرب من هالاخ ترى انـــــــــــــــا :)
لان فيني نحاسه شوي ما اطيعه في كل شي لانه تعسفي وانا من صغري مع حقوق الطفل والمرأه هههههه



وابوي فديته مقوي ظهري بصراحه خاصه
الله يطول بعمره يارب
شيزكيك
24-12-2009, 10:39 PM
مرحبا اختي

الحمدلله على نعمة البنات والاولاد فديت قلبهم والله يرزق الي يتمنى

تدرين انا عاد احب عيالي بس البنات فديتهم غير يارب تخليهم كلهم وتحفظهم ولين احمل

ادعي ربي ان اييب بنت والحمدلله الي الله رزقني وصج هم فرحة البيت هم واخوانهم