المساعد الشخصي الرقمي

مشاهدة النسخة كاملة : ممكن مساعده حق و احد من الربع عنده مقابله


book 1
23-12-2009, 11:49 AM
عنده مقابله في و زاره الخارجيه و متخرع مو عارف شيسوي و اشلون يجهز لها الي عنده فكره عن طريقه المقابله في الخارجيه ياليت مايبخل عليه انا قتله جهز نفسك حق الانجليزي لاني شغال في البترول كانت المقابله بالانجليزي بس مادري عن الخارجيه ..
ودي أكون
23-12-2009, 11:51 AM
في عضو اهني معانا اسمه الخارجيه ان شاءالله بيفيدك :nice:
BURBERRY
23-12-2009, 12:11 PM
طريقة المقابله بشكل عام .. خل يدش موقع الخاريجه و يقر له كم معلومه عن الوزاره

يوم المقابله لازم يحضر على الوقت بالضبط

و يكون منتبه وقت المقابله و يجيب معاه نسخه من السي في

بعد مايخلصون اسئلتهم .. لازم رفيجك يسئلهم سؤال ولا سؤالين عشان يحسون انه مهتم بالشغل

و الله يوفق الجميع
بنت^البحرين1
23-12-2009, 12:13 PM
الله يوفقه

وان شاءالله اخونا العضو " الخارجية " مابيقصر معاه
وبشرالصابرين
23-12-2009, 12:18 PM
اخوي الكريم لازم تجي على الموعد او قبل الموعد

تكون مرتب وكاشخ

تكون واثق من نفسك

ماتردد في الكلام

يكون جوابك في حدود السؤال


ممكن يسئلونك في امور عامه ... كيف تتصرف في موقف او شرايك في موضوع


هاي الكلام ينطبق على اي مقابه في حياتك

لا تحاول تكون متردد خل كلامك واضح وعبارتك صحيحه


ولا تنسى التوكل على الله


الله يوفقك
بن داوود
23-12-2009, 12:20 PM
خلوا مطوع يقرا عليه
الخارجية
23-12-2009, 12:23 PM
خلك طبيعي ياولد عمي اكيد رفيجك أو أنت ؟؟
اهم شي اتكون كاشخ .. وتسمع السؤال عدل .. ومتقاطعهم في السؤال .. تذكرني بيقولون لك ليش تبغي تشتغل في الخارجية .. المقابلة عاديه مافيها شي
والله يوافقك يابوك وان .. راح اتمر على واشوفك بس مب قايلك من انا هههههههههه علشان احرق قلبك
المتأمل خيرا
23-12-2009, 10:41 PM
مجرد خاطرة وردت في البال.. وهي تعني "المعنيين بإجراء المقابلة" وليس المتقدّم للوظيفة.

في كثير من الأحيان - في المقابلات - تغلب الرؤية المعدّة سلفاً من حيث "كيف سيجاوب المتقدّم.. وطبيعة - دقة - الإجابة على الأسئلة".. بينما هناك جوانب أخرى تتطلب فطنة ممن يـُجري المقابلة.. بحيث يكون/يكونون قادرين على استشفاف إمكانيات وقدرات المتقدّم، وبالتالي تتوفـّـر أمامهم صورة واقعية أكثر لما يمكن أن يقدمه المتقدم في مجال العمل..

أي بمعنى آخر.. ألا تكون المقابلة روتينيـّـة بحتة.. كما هو معد لها مسبقاً وحرفياً.. بل من خلال الإجابات يمكن استيضاح جوانب أخرى لتكوين صورة أكثر شمولاً.. بشأن المتقدم.
شاهيناز
23-12-2009, 10:47 PM
اخطاء يقع فيها المتقدمين للوظيفه

عدم الثقه بالنفس

السؤال عن ساعات الدوام والراتب

المفروض يكون قوي الشخصيه

الشخص الخجول المرتبك محد يبيه

تكلم بهدوء ولا تمدح نفسك وايد
اذكر الدوارت الي خذتها

اذا قالو لك تعرف انجليزي قول ايه ممتاز لاتقول على قدي

حتى لو كنت على قدك لان في فتره الاتنتظار لين تتوظف تقدر تقوي نفسك في اللغه

لاتقول انك مقدم لاماكن اخرى



والتوفيق من الله
بدون
23-12-2009, 11:30 PM
بيسئلون عن الأمور الإعتيادية: مثل الدراسة و الدورات و إذا كان في وظيفة ثانية بيسئلون ليش بينقل منها
و إذا المتقدم تردد و خاف يمكن يصرفون عنه النظر(بس إذا صغير ممكن يسامحونه)
لازم يجي على الوقت أو مبكر شوي
ياخذ وقته في الاستعداد المسبق و يكون أحسن لو يقرا عن الوزارة(أو عن وظيفة يتقدم لها) و يحط أسباب مقنعة لرغبته في الانضمام لهذي الوظيفة
و الله يوفقه
الـقـاسـي
24-12-2009, 02:29 AM
خلك طبيعي ياولد عمي اكيد رفيجك أو أنت ؟؟
اهم شي اتكون كاشخ .. وتسمع السؤال عدل .. ومتقاطعهم في السؤال .. تذكرني بيقولون لك ليش تبغي تشتغل في الخارجية .. المقابلة عاديه مافيها شي
والله يوافقك يابوك وان .. راح اتمر على واشوفك بس مب قايلك من انا هههههههههه علشان احرق قلبك

ههههههه صدقت انسئل هالسؤال اليوم وعرفت من أنت ..
تغلبية
24-12-2009, 02:38 AM
تذكر ..

first impression is last impression

يعني الانطباع الاول هو الآخر !

فاحرص على أن تترك انطباع أول يرسخ في الذهن على أساس لو إنك -في أسوأ الاحتمالات- ماتوفقت معاهم الحين .. ممكن يطلبونك لوظيفة ثانية مستقبلا .

كون كاشخ (كشخة رسمية) .. واثق من نفسك .. عط نفسك فرصة لثواني تفكر في سؤالهم .. علشان تعرف ترد على سؤالهم صح .

مهم تطلع على موقع الوزارة وتتصفحه كله .

والأهم إن لك رؤية لنفسك .. أنت وين تبي تكون ؟

وبالذات هالسؤال ماتجاوب عليه اجابة عايمة .. حدد مرادك بالضبط .


واذاممكن انفخ في نفسك شوي ... لزوم الثقة:nice:

وبالتوفيييييق إن شاءالله
غير البشر
24-12-2009, 02:51 AM
اخوي الله يوفقك ان شاء الله

في بعض الاشياء شائعه وانعرفها

وبعض الاشياء تعلمناها من الاخت بزنس غيرل توها امسويه مقابله

اخوي ادخل على موقع الخارجيه وتصفحه زين

وبخصوص الاسئله الشائعه في المقابلات

1- تكلم عن نفسك وتخصصك واسمك ومهاراتك وعمرك وشهادتك الخ

2- لماذا طلبت العمل لدينا

3 -وقت العمل من كذا الي كذا < هل موافق

4- لو يتم نقلك لاي اداره او اي مكان < هل توافق


اخوي عندي ملاحظه مهمه

اذا اسالوك عن وقت الدوام او النقل خل تعابير وجهك عاديه لاتتفاجأ

لان بعض الي يسوون مقابلات ياخذون من تعابير الوجه :(

واذا قالو لك عن وقت الدوام خلك عادي ولاتردد رد عليهم على طول


وربي يوفقك ان شاء الله ويسهل امورك :nice: