نقول ناس ماعندها ذوق ماعندها احساس - الى المسؤولين في اداره امن الجنوب ( فرضه الوكره)

[هذلان]

السلام عليكم

انزل البحر دايما من فرضه الوكره . و هذا المنظر يتكرر بشكل شبه يومي ولا اعرف ليش مركز شرطه الوكره ساكت ولا يتخذ فيهم اجراء ؟

مادري هالبشر الي يوقفون سياراتهم على منزل الطراريد ماعندهم ذوق ولا فيهم بلاده :anger1:
يا اخي هذا منزل للطراريد مش موقف سيارات تنزل طرادك البحر و تخلي موترك بتيدره مسكر على خلق الله وتوكل على الله تمشي . طيب و الناس الي يبون ينزلون طراريدهم بعدك يظربون روسهم في الطوفه ، قلعتهم ؟
انتو بهالطريقه تعسرون الناس الواحد يقعد يريوس و يقدم كذا مره عشان ينزل طراده خصوصا انه ماعندك مساحه كافيه . مجرد شارع رايح راد فوق .
وين اماطه الاذى عن الطريق

للعلم فيه مواقف متوفره في الفرضه و قريب من المنزل تقدر تنزل طرادك و تروح تصف موترك فوق ، بس الواحد شيقول .

اتمنى حد يقرا موضوعي و يتصرف ماعهم .

http://u1.imgupload.co.uk/1261526400/cac9_img00152_20091223_1525_1.jpg

http://u1.imgupload.co.uk/1261526400/ea95_img00151_20091223_1522_1.jpg

http://u1.imgupload.co.uk/1261526400/609c_img00148_20091223_1520_1.jpg

http://u1.imgupload.co.uk/1261526400/3228_img00147_20091223_1520_1.jpg

بصراحه اريوس بالطراد و اتمنى اني ادعم حد منهم بالتيدر بدون قصد .

[بدون]

اللة يعينك
بكرة الصبح اتصل فى جمعية الصيادين

[هذلان]

اللة يعينك
بكرة الصبح اتصل فى جمعية الصيادين

ايش هذي جمعيه الصيادين ؟

دوريات الشرطه كل ساعه تمر هناك ليش ماتصرف معاهم

[فتى الجود]

ان لم تستحى

فاصنع ماشئت

[هذلان]

ان لم تستحى

فاصنع ماشئت

ومن امن العقوبه اساء الادب

[بــو فهــد]

طيرلك موتر واحد منهم بالتيدر اللي عندك .. وهاي ويهي ل شفته صاف مره ثانيه ف نفس المكان :)

[احساس غريب]

والله ياهذلان انك صادق احنا ف قطر عندنا ازمة المنزل للطراريد والله عندنا وعندكم خير انا مالومك لين تقفل وشوف صوب الانتر في بعض الاشكال ترفع الضغط ينزل سكوتره والا طراده ويقدم الموتر ويخليه واقف عاد ليت المنزل عود كله الا 40 متر تقريبا والله ماتعرف شتسوي معاهم ونفس ماقال اخوي بوفهد صدقني لو تزلغ موتر حد فيهم بالتيدر والله ماتعين حد عقبها واقف..

[stocker]

السلام عليكم ورحمة الله وبركاته

جزاك الله الخير اخوي هذلان وين الشرطه

[كازانوفا]

ههههههههههههههههه
والله موضوع لازمله حل

[Sharshooooor]

اذا الموضوع متكرر منهم ياخي الله لايهينك جيب لك تيدر وسو روحك ماتدري وشلخ مواترهم تشلخ
وصدقني راح يغيرون هالفرضة لسنتين قدام :nice:

[كشكول]

الجو ربيعي ، وهالايام وقت طلعات البر ونصب الخيام وشبت الضو و الصيد
ماهو وقت حداق وزفره

اهداء:

يازين والله بالخلا شبـت النـار ..... والضو لا قزٍ ولا هـي بدافـور
الا الحطب لاحط من فوقها أسطار ..... والا جروم الرمث يابس ومجرور
في ربعتن تهيا لمجلس ومسيـار ..... فيها السوالف والفناجيـل بالـدور
لا قمت منها ناصين ربعت الجار ...... القى ربوعن ما تخالف على الشور
وليا مشينا بادهم الروض وأزهار ..... كنك تقول انه من الزرع مبـذور
في جانبه دجنا وجينـا بالاخبـار ..... وقلنالهم عشبٍ ولا هوب ماثـور
من عقب وبله ما بعد جـاه ديـار ..... إلا أم سالم صوتها فيـه مشهـور
وشدًو له اللي ما يهابون الأخطار ..... وتقاطرو ببيوتهـم كنهـا القـور
ما حب أنا دارٍ والادنين فـي دار ..... أبغي الجماعة كلهم دايـم حظـور
إن التفت إيمين والا علـى يسـار ..... أشوفهم والقلب بالربـع مسـرور

[المفتاح]

كلام صحيح 100%

نتمنى حل لهذا الموضوع

[" روح قطر "]

الله يكون بعونك

خذ رقم السيارة واشتكى وخل الشرطة يخالفونة

وماراح يكررها مرة ثانية

[هذلان]

يا جماعه مش حل انك تدعم شخص .. صحيح بيتأدب هذا الي نتوقعه لكن مش حل خصوصا انه مش شخص واحد الي يسوي هالشي ، و سبق اني كلمت كذا واحد و كلهم من هل قطر بكل امانه
طبعا ماعندهم عذر اسمحلنا ولا وين نوقف هناك و من هالكلام.

الي اعرفه انه فرضه الانتر توقف فيها دوريه حق الناس الي يوقفون مواترهم في المنزل

[abdulla4u]

اخوي صحيح هالموضوع مش بس بفرضه الوكره دوام نشوفه باي مكان تنزيل
يعني انه عجزان يقدم شوي ويصف بعيد عن مكان التنزيل كلها 50 متر ويمكن اقل ومنها مايسكر ع العالم
واتمنى من الدوريات يركبون لوحات تنبيهيه قبل مايخلفون احد عشان عقب محد يتعذر

[هذلان]

اخوي صحيح هالموضوع مش بس بفرضه الوكره دوام نشوفه باي مكان تنزيل
يعني انه عجزان يقدم شوي ويصف بعيد عن مكان التنزيل كلها 50 متر ويمكن اقل ومنها مايسكر ع العالم
واتمنى من الدوريات يركبون لوحات تنبيهيه قبل مايخلفون احد عشان عقب محد يتعذر

صحيح انا لاحظت انه مافيه لوحات على المنزل تنبه الناس بانه ممنوع الوقوف .
عموما هو شي بديهي الواحد مايوقف في المنزل مش محتاج لوحه تبين هالشي .
العتب على دوريات الشرطه الي تمر و تشوف ولا يتخذون اجراء وياهم .

[هداف]

اتصل على الدوريات وخلهم يخالفونه من حقك وصدقني بخالفونه ولن يكررها صارت لنا واجد

[بوحارب]

بالفعل ناس ما عندها ذوق

هذلان خذ ارقام المواتر وودهم اقرب مركز وبتتسجل عليهم مخالفة مرورية

[الهاشم]

بالفعل .. أنا اعاني من نفس المشكلة وبنفس المكان .. وأعتقد بأن هذا التصرف واللامبالاة عند البعض من المستهترين .. موجودة للأسف في عدة أماكن مخصصة لتنزيل الطراد .. والمشكلة انك لو قمت بإبلاغ دورية الشرطة .. من المحتمل ان يكون الرد من حق الشخص إيقاف سيارتة في أي مكان طالما لا توجد لوحة تمنع الوقوف ., أتمنى من الاخوان في أمن الجنوب .. حل هذة المشكلة ..
وإنشاء اللة ماراح يقصرون !

[ANONYMOUS]

قالوها قبل

السواقه ذوق وفن واخلاق

هالايام ماعاد في لاذوق ولا فن ولا اخلاق في السواقه الا ماندر