المساعد الشخصي الرقمي

مشاهدة النسخة كاملة : رايح سوق الجبر او الديره ماحصلت موقف >>>>> صور مواقف 5 نجوم


جرير
24-12-2009, 01:21 AM
.





طبعا خذنا وقت طويل و احنا نلف وندور على موقف وتعرفون زحمه السوق

ومعاناه المواقف . . . وبعد حوالي نصف ساعه لقيت عماره احسها مهجوره

محلاتها فاضيه وفيها مواقف متعدده الادوار اكيد عرفتوها . . . طبعا المدخل

مظلم جدا يفتقر الى الاناره والدخول مجاني وهذي صوره العماره

7
7
7
http://www.gulfup.com/gfiles/12616045481.jpg (http://www.gulfup.com/)


طبعا المواقف من داخل ضلام دامس وماقدرت اصور لان الصور بتطلع سوداء
يمكن ليت او ليتين اللي شاغلين وليتين صايدتهم كحه

طبعا اللفت خربان مايشتغل . . . واجباري انك تستخدم الدرج



http://www.gulfup.com/gfiles/12616045483.jpg (http://www.gulfup.com/)

http://www.gulfup.com/gfiles/12616045486.jpg (http://www.gulfup.com/)

انصح بلبس كمام واقي او قناع اثناء النزول من الدرج
(نصيحه طبعا ويرجى الاخذ بها ومن دون مبالغه )




طبعا زوايا الدرج اصبحت حمام عمومي


http://www.gulfup.com/gfiles/12616045482.jpg (http://www.gulfup.com/)


http://www.gulfup.com/gfiles/12616045485.jpg (http://www.gulfup.com/)


طبعا هذا المنظر للصوره اللي تحت بتحصله كذا مره . . . ومن دون باب ولازم وانت

نازل على الدرج تلقي نظره عليه . . . او تتعطر بعطر المكان

http://www.gulfup.com/gfiles/12616045484.jpg (http://www.gulfup.com/)

طبعا وانا نازل شافني هندي وانا اصور . . . مسكين قعد يشتكي من العماله اللي تتجمع

حول هالمكان ايام الاجازات . . . . بااختصار قال لي ان هالمكان يستوي حمام عمومي

للعماله اللي تتجمع ايام الجمعه او السبت . . . واتمنى من البلديه الذهاب الى ذالك

واخذ جوله لرؤيه العجب العجاب ابتداء من مدخل السيارت المظلم وانتهاء بسلالم

اشبه بالمراحيض الله يعزكم
بومحمد المطاوعه
24-12-2009, 01:23 AM
هاي المشكله عندنا

في قطر

يسوون لك برج ولا فندق ومافي مواقف

ومواقف السوق

ماشاءالله عليهم

ولا سوق واقف

الصراحه صار كووخ مب موقف

يعطيك العافيه اخوي
بدون
24-12-2009, 01:29 AM
مالك المواقف من؟
بوعلي 78
24-12-2009, 01:31 AM
مالك المواقف من؟

مب متأكد
بس سمعت ان في عليها مشكله بين الورثه!!!
والله اعلم
الجوكر90
24-12-2009, 02:05 AM
السلام عليكم
ابوي كان عنده محل فهل المكان وعطوا حق الكل تعويض عشان المحلات
بس اخبر قال انه البلديه او التخطيط هم الي شروا هالمكان
واذا ع المكان من وانا صغير كان وصخ
وتسلم اخويع الموضوع وماتقصر
ولاهنت
abn qatar
24-12-2009, 02:06 AM
ليش البلديه او الحكمومه ماتتدخل حرام اسواق مافيها مواقف كافيه وعماره موافقها مافيها اناره

ولاتستخدم هدر للاموال وبس

الظاهر حال هذه المواقف مثل حال المواقف اللي خلف سوق الدوحه للاوراق الماليه اول ماتم تشديها

كان الهدف منها مواقف للجمهور بس بعدين تحول المخطط واشتراها احد البنوك

للموظفينه والمصيبه مافي احد من الموظفين يستخدم هذه المواقف واصبحت المواقف

خاويه من السيارات
BusinessGirl
24-12-2009, 02:13 AM
لا تعليـــــــــــــــــــــــــق
جرير
24-12-2009, 02:18 AM
هاي المشكله عندنا

في قطر

يسوون لك برج ولا فندق ومافي مواقف

ومواقف السوق

ماشاءالله عليهم

ولا سوق واقف

الصراحه صار كووخ مب موقف

يعطيك العافيه اخوي



عندهم الظاهر تقشف في المواقف
جرير
24-12-2009, 02:23 AM
مالك المواقف من؟



الظاهر البلديه او التخطيط . . . .مادري من بالظبط بالعربي تابع للدوله
جرير
24-12-2009, 02:26 AM
مب متأكد
بس سمعت ان في عليها مشكله بين الورثه!!!
والله اعلم




ما اعتقد اخوي والله العالم
جرير
24-12-2009, 02:28 AM
السلام عليكم
ابوي كان عنده محل فهل المكان وعطوا حق الكل تعويض عشان المحلات
بس اخبر قال انه البلديه او التخطيط هم الي شروا هالمكان
واذا ع المكان من وانا صغير كان وصخ
وتسلم اخويع الموضوع وماتقصر
ولاهنت



بس مسأله انه يتم مهمل بهالشكل . . . كارثه حضاريه
جرير
24-12-2009, 02:31 AM
ليش البلديه او الحكمومه ماتتدخل حرام اسواق مافيها مواقف كافيه وعماره موافقها مافيها اناره

ولاتستخدم هدر للاموال وبس

الظاهر حال هذه المواقف مثل حال المواقف اللي خلف سوق الدوحه للاوراق الماليه اول ماتم تشديها

كان الهدف منها مواقف للجمهور بس بعدين تحول المخطط واشتراها احد البنوك

للموظفينه والمصيبه مافي احد من الموظفين يستخدم هذه المواقف واصبحت المواقف

خاويه من السيارات



ليش ما يتعلمون من مواقف مستشفى حمد. . . مع انها ما تكفي بس خوش مواقف
جرير
24-12-2009, 02:33 AM
لا تعليـــــــــــــــــــــــــق




:nono::nono::nono::nono::nono::nono:
ودي أكون
24-12-2009, 07:39 AM
الظاهر البلديه او التخطيط . . . .مادري من بالظبط بالعربي تابع للدوله





مب متأكد
بس سمعت ان في عليها مشكله بين الورثه!!!
والله اعلم

يمكن الوراثه بين البلديه والتخطيط .. :omen2:
محمد11
24-12-2009, 07:44 AM
. . . واتمنى من البلديه الذهاب الى ذالك

واخذ جوله لرؤيه العجب العجاب ابتداء من مدخل السيارت المظلم وانتهاء بسلالم

اشبه بالمراحيض الله يعزكم






حلم كم مواطن قطري ( بالتدخل من هذي الوزاره )
بنت العلي
24-12-2009, 08:14 AM
استغفر الله الواحد شيقول هاذي حالتنا ومشكلتنا من سنة جدي مع المواقف ....في كل مكان مب في السوق بس
ماريسا
24-12-2009, 12:41 PM
لا حول ولا قوة إلا بالله
نـــــونة
24-12-2009, 12:46 PM
يماااااة انت اشدخلك هالموقف المسكون المهجور المكسر وكلة احفر يخرررررررع مافي اي اهتمام فية مع انة ممكن يوفر اماكان بدل الزحمة اللى برة ............بصراحة يخوف ............مدري شهاالاهمال
أم هشام
24-12-2009, 12:47 PM
لا حول الله اكيد صار مسكون من الجن بسبب النجاسة اللي فيه
بوخالد911
24-12-2009, 12:57 PM
بل
ووين المسؤولين بس
جرير
24-12-2009, 02:05 PM
يمكن الوراثه بين البلديه والتخطيط .. :omen2:




الوراثه <<<<<< تقصدين الورثه

اما بين البلديه والتخطيط ههههههههههههههههه الظاهر وارثينها من اشغال ويتنازعون عليها
جرير
24-12-2009, 03:06 PM
حلم كم مواطن قطري ( بالتدخل من هذي الوزاره )




ان شالله نأمل خير . . . :rolleyes2:
جرير
24-12-2009, 03:15 PM
استغفر الله الواحد شيقول هاذي حالتنا ومشكلتنا من سنة جدي مع المواقف ....في كل مكان مب في السوق بس




ان شالله خلال العشرين سنه راح تنحل مشكله المواقف انتو كله مستعجلين :telephone:
جرير
24-12-2009, 03:18 PM
لا حول ولا قوة إلا بالله



الله المستعان :nice:
جرير
24-12-2009, 03:24 PM
يماااااة انت اشدخلك هالموقف المسكون المهجور المكسر وكلة احفر يخرررررررع مافي اي اهتمام فية مع انة ممكن يوفر اماكان بدل الزحمة اللى برة ............بصراحة يخوف ............مدري شهاالاهمال




توهقت وما حصلت موقف وقلت خلني ادش مدينه الاشباح:eek5:
مع ان مساحته وايد كبيره بس مادري شسالفه اهماله :weeping:
Riku3
24-12-2009, 05:43 PM
تصدق توني ادري ان هذي مواقف تابعه للسوق :eek5:

وانا عبالي مكان قديم ومهجور ومصيره الهدم واستغربت ليش مايتم الاستفادة منه لحين هدمه ! ..

حرام كل هالزحمة بالخارج وفي مواقف بالمكان واقل شي يوفرون كم سكيورتي ويصكرون المكان وخلاص ! .. وممكن تدخل عليهم دخل شهري وتريحنا من البحث عن موقف مناسب .



الظاهر حال هذه المواقف مثل حال المواقف اللي خلف سوق الدوحه للاوراق الماليه اول ماتم تشديها

كان الهدف منها مواقف للجمهور بس بعدين تحول المخطط واشتراها احد البنوك

للموظفينه والمصيبه مافي احد من الموظفين يستخدم هذه المواقف واصبحت المواقف

خاويه من السيارات
انا اصف هناك P: .. وصحيح بعد خروج بنك الـ HSBC من المنطقة صارت المواقف شبه فارغه والسيارات ماتكمل 3 طوابق والباقي فاضي .. والسادس من كثر ماهو فاضي الارضيه مغبره ! .
تحداني
24-12-2009, 06:06 PM
.. هو بالاساس مجمع تجاري ..
والمواقف كانت تابعه لهذا المجمع ..



مع مرور الأيام بدأ عليها ملامح الهجره..
المؤقته الى ان اصبحت دائمه ..


المضحك والغريب في الأمر ان هذه المواقف ..
بها سكيورتي .. في بدايه البوابه ..
وشاءت الأقدار ان ادخلها في يوم من الأيام ..



إسمعوا معاناتي ..
مررت بجانب السكيورتي واذا به يقول لي...
ادخلي من هذا الاتجاه ..



عمليه الصعود للطابق العلوي ..
هي بحد ذاتها مغامره ..
منحنيات والتواءات .. ولا ادري ما الحكمه ..





وصلت للمواقف واذا بظلام دامس ..
لا ادري الى اين اتجه ..
المهم وجدت موقف ولله الحمد ..



بدأت أفكر كيفيه النزول ..
فقلت اكيد هناك مصعد كهربائي ..




المفاجأه لا يوجد مصعد كهربائي ..
قلت لا باس سأنزل بالمصعد العادي ..




ورأيت ما سجلته .. ودونته بكاميرتك ..
مناظر .. وأشكال ..
وكل ملامح القذاره تجمعت في تلك السلالم ..





سؤال يطرح نفسه ..
من عين هذا السكيروتي .. لا يدري بحال هذا المكان ؟؟





جملك الله برضى الرحمن
فريج النصر
24-12-2009, 06:08 PM
السلام عليكم بوخالد 911 الصورة في توقعيك وايد جدا حلوة وشوكرا
وطن
24-12-2009, 06:18 PM
أقترح ان شركة تاخذ هالمواقف أو تأجرها من المالك أي كان هو المالك
وتستفيد منها وتسويها موقف بفلوس ولو بسعر رمزي

راح يكون في اهتمام ونظافه للمكان
وحماية من الاستخدام الغير حضاري والغير شرعي بعد

وبتخف الزحمة على مواقف السوق
alrheeb2020
25-12-2009, 12:34 AM
عنبو الوساخه اللي فيهم !!

وين الرقابه !!

شهالمسخره !!

الله يجزيك خير عالتقرير البسيط والحلو ..
جرير
25-12-2009, 03:30 AM
لا حول الله اكيد صار مسكون من الجن بسبب النجاسة اللي فيه


اما مسكون . .. . ليش لا
جرير
25-12-2009, 03:32 AM
بل
ووين المسؤولين بس


المسؤلين تلاقيهم يشيكون على المطاعم
جرير
25-12-2009, 03:35 AM
تصدق توني ادري ان هذي مواقف تابعه للسوق :eek5:

وانا عبالي مكان قديم ومهجور ومصيره الهدم واستغربت ليش مايتم الاستفادة منه لحين هدمه ! ..

حرام كل هالزحمة بالخارج وفي مواقف بالمكان واقل شي يوفرون كم سكيورتي ويصكرون المكان وخلاص ! .. وممكن تدخل عليهم دخل شهري وتريحنا من البحث عن موقف مناسب .


انا اصف هناك p: .. وصحيح بعد خروج بنك الـ hsbc من المنطقة صارت المواقف شبه فارغه والسيارات ماتكمل 3 طوابق والباقي فاضي .. والسادس من كثر ماهو فاضي الارضيه مغبره ! .




شكلك ما شالله صار لك فتره طويله ماتدري عن هالمواقف

يارجال زين انك ما عرفتها كلش لانك جذي في السليم

خلك بعيد ولا تفكر تجي صوبها


وجمعه مباركه عليك
جرير
25-12-2009, 03:43 AM
.. هو بالاساس مجمع تجاري ..
والمواقف كانت تابعه لهذا المجمع ..



مع مرور الأيام بدأ عليها ملامح الهجره..
المؤقته الى ان اصبحت دائمه ..


المضحك والغريب في الأمر ان هذه المواقف ..
بها سكيورتي .. في بدايه البوابه ..
وشاءت الأقدار ان ادخلها في يوم من الأيام ..



إسمعوا معاناتي ..
مررت بجانب السكيورتي واذا به يقول لي...
ادخلي من هذا الاتجاه ..



عمليه الصعود للطابق العلوي ..
هي بحد ذاتها مغامره ..
منحنيات والتواءات .. ولا ادري ما الحكمه ..





وصلت للمواقف واذا بظلام دامس ..
لا ادري الى اين اتجه ..
المهم وجدت موقف ولله الحمد ..



بدأت أفكر كيفيه النزول ..
فقلت اكيد هناك مصعد كهربائي ..




المفاجأه لا يوجد مصعد كهربائي ..
قلت لا باس سأنزل بالمصعد العادي ..




ورأيت ما سجلته .. ودونته بكاميرتك ..
مناظر .. وأشكال ..
وكل ملامح القذاره تجمعت في تلك السلالم ..





سؤال يطرح نفسه ..
من عين هذا السكيروتي .. لا يدري بحال هذا المكان ؟؟





جملك الله برضى الرحمن




ما شالله عليج مغامره انتي بعد

بليز لاتقولين ان الوقت كان ليل يوم رحتي

لانه صادني حول وانا امشي في المواقف

يذكرني باماكن تبادل الممنوعات ( طبعا على ما اشوف في الافلام )

والسكورتي هذا الظاهر نسوه هناك يوم كنسلو السوق احسه نفس التمثال

( احس انك دكتوره عيون ما شالله اختيار متقن في استخدام الالوان )

جمعه مباركه
جرير
25-12-2009, 03:47 AM
أقترح ان شركة تاخذ هالمواقف أو تأجرها من المالك أي كان هو المالك
وتستفيد منها وتسويها موقف بفلوس ولو بسعر رمزي

راح يكون في اهتمام ونظافه للمكان
وحماية من الاستخدام الغير حضاري والغير شرعي بعد

وبتخف الزحمة على مواقف السوق



الظاهر ربعنا لين الحين مش متقبلين فكره عماره بو خمس او ست ادوار

في وسط الوزارات او الاسواق . . . مادري احس هالفكره ما لاقت رواج كبير

مع انها الحل الوحيد وسط غياب مساحات كافيه من المواقف


وجمعه مباركه
جرير
25-12-2009, 03:51 AM
عنبو الوساخه اللي فيهم !!

وين الرقابه !!

شهالمسخره !!

الله يجزيك خير عالتقرير البسيط والحلو ..




الله المستعان يالرهيب

ان شالله يتم معالجه الموضوع والتخلص من كل ما يشوه المنظر العام

ويشرفني مرورك وتعليقك الطيب عزيزي

وجمعه مباركه
Northman
25-12-2009, 12:05 PM
اذكر هلمواقف ,, و اذكر اني استخدمتها من سنين ,,

لكن مبين ان الحال تغير .. و ياخوي الريحه طالعه من الصور من كثر مالمكان قذر و وصخ ,,
دلة الرسلان
25-12-2009, 06:43 PM
طيب أذا حد منكم يعرف ايش المشروع السري اللي في منطقة الاسواق ومحاط بسور ضخم

وما فيه لافته كالمتعارف عليه تذكر المشروع والمالك والمنفذ لأني اشك أنه مفاعل نووي

من سريته ( مع الاعتذار لصاحب الموضوع )
رهج السنابك
25-12-2009, 11:19 PM
من زمان اشوف هالمبنى .. كنت احسب فيه محلات داخل !! اثاريه مواقف

يازين موقعه بس والأرض المبني عليه اتوقع الحين تسوى 20 او 30 مليون .. موقعه استراتيجي مدري ليه مو مستغلينه لا كمواقف ولا كأرض ينحط عليها مشروع
رهج السنابك
25-12-2009, 11:20 PM
طيب أذا حد منكم يعرف ايش المشروع السري اللي في منطقة الاسواق ومحاط بسور ضخم

وما فيه لافته كالمتعارف عليه تذكر المشروع والمالك والمنفذ لأني اشك أنه مفاعل نووي

من سريته ( مع الاعتذار لصاحب الموضوع )

قلب الدوحه؟
فويرط
25-12-2009, 11:57 PM
انا دايماً اوقف في هذه المواقف

بس مره صادني موقف من كم سنة

مره رحت مع الوالدة السوق وتأخرنا في السوق شوي

يوم رحت حق السيارة الا احصل الباب مال المواقف مسكرينه

تحطمت

دورت يمين يسار في حد ،، ماحصلت اي سكيورتي

حصلت لوحه صغيرة فيها مواعيد المواقف .. ان الساعة10 او 11 تسكر المواقف

عاد انا مانتبهت للوحة قبل لادش

عاد رجعنا البيت في البرتقالي (التكسي على ايامه)

واليوم الثاني بعد ماطلعت من الدوام مريت خذيت موتري

من بعدها احاسب على مواعيد طلعتي من السوق

فنتبهوا انكم تتأخرون فيه
امل الحب
26-12-2009, 12:17 AM
قبل سنة اضطريت انزل هناك والمكان كريه جدا ومقزز ومرعب من كثر الهدوء والوساخة ..

دخوله اشبه بمتاهة ولا ليتات ولاغيره .. المكان قذر جدا ويحتاج تدخل سريع لان وضعه يزيد سوء على مايبدو :(
♣شيبةالنخرة♣
26-12-2009, 02:05 AM
والله محد دخل هالمكان كثري ودائما الجأ له واللي يقولون انه خالي من السيارات بالعكس انا كم مره ما كنت القى مواقف الا بالموت

والمكان كلمة وصخ قليل عليه

قذارة كثيرررره بكل مكان و مظلم و موحش و بصراحه تعب على اللي يبي يدخل الاسواق انه يحمل كل هالاغراض لين هالمسافه و يصعد الدرج و يوصل لموتره


لازم يشوفون لهم حل بهالامور لان هذا مكان حيوي مليان اسواق و اغلب اللي صافين مواترهم هنود واسيوين وهذا ظلم كبير لنا ان نتغربل و هم اللي يرتاحون وياخذونها بارده مبرده ؟؟؟؟؟؟؟؟؟


يعني اكثر منطقة حيوية وما نبي الحريم يتغربلون و الرجاجيل صعب ينزلونهم ويخلونهم بروحهم اكيد ؟؟ فلازم ولا بد انهم يشوفون حل ويحركون نفسهم شوي ويفكرون ويخططون و يطبقون بدل ما هم قاعدين كذا محلك سر لا حول ولا قوة الا بالله كفاية حال الشوارع بعد المطر :secret:

كني قرقت واجد :secret:
لولوتي
26-12-2009, 02:49 AM
والله اني لي وديت خواتي السوق ان مالقيت موقف اتم ادور والف وادور ولا ادش هالمكان لو اموت، احيانا لو تعبانه وما اقدر الف وادور انزلهم واروح الكورنيش استمتع بالجو الحلو والمنظر الجميل،،،
لكن مستحيل ادش هالمكان >>>> جبانه جداً،،، من النوع اللي اول ما تركب السياره اتقفل البيبان :shy:
العلم الوكاد
26-12-2009, 02:55 AM
عندهم الظاهر تقشف في المواقف

لا وانت صادق

عندهم سوء تخطيط
جرير
26-12-2009, 02:08 PM
اذكر هلمواقف ,, و اذكر اني استخدمتها من سنين ,,

لكن مبين ان الحال تغير .. و ياخوي الريحه طالعه من الصور من كثر مالمكان قذر و وصخ ,,



المكان صار مهمل وقذر كلمه بسيطه في هالمكان
جرير
26-12-2009, 02:09 PM
مشكووور على التقرير

بعض الشباب يروحون حق هالمواقف مع البنات ..

اتمنى ان الدوله تتخذ الاجارات اللازمه حق هالمكان المهجور


العفو اخوي

وانا اول مره اسمع منكم . . . هالكلام
جرير
26-12-2009, 02:11 PM
طيب أذا حد منكم يعرف ايش المشروع السري اللي في منطقة الاسواق ومحاط بسور ضخم

وما فيه لافته كالمتعارف عليه تذكر المشروع والمالك والمنفذ لأني اشك أنه مفاعل نووي

من سريته ( مع الاعتذار لصاحب الموضوع )




مفاعل نووي مره وحده . . . . وفي منطقه الاسواق

الظاهر عقب ما يخلصون المفاعل بيهدمون منطقه الاسواق ويتم المفاعل بروحه

اعتقد انه مجمع تجاري . . . من عده ادوار والعلم عند الله
جرير
26-12-2009, 02:14 PM
من زمان اشوف هالمبنى .. كنت احسب فيه محلات داخل !! اثاريه مواقف

يازين موقعه بس والأرض المبني عليه اتوقع الحين تسوى 20 او 30 مليون .. موقعه استراتيجي مدري ليه مو مستغلينه لا كمواقف ولا كأرض ينحط عليها مشروع




مثمنه عقاريه الاخت . . . اعتقد فوق الخمسين مليون بوايد

وموقعه ما يحتاج . . . بس الظاهر فيه سر وراء عدم استغلاله
eXpert*
26-12-2009, 02:15 PM
الحمدلله ما جاء أمر الأزالة وانت موقف داخل المبنى :)
جرير
26-12-2009, 02:17 PM
انا دايماً اوقف في هذه المواقف

بس مره صادني موقف من كم سنة

مره رحت مع الوالدة السوق وتأخرنا في السوق شوي

يوم رحت حق السيارة الا احصل الباب مال المواقف مسكرينه

تحطمت

دورت يمين يسار في حد ،، ماحصلت اي سكيورتي

حصلت لوحه صغيرة فيها مواعيد المواقف .. ان الساعة10 او 11 تسكر المواقف

عاد انا مانتبهت للوحة قبل لادش

عاد رجعنا البيت في البرتقالي (التكسي على ايامه)

واليوم الثاني بعد ماطلعت من الدوام مريت خذيت موتري

من بعدها احاسب على مواعيد طلعتي من السوق

فنتبهوا انكم تتأخرون فيه




اشوه انكم لقيتو تكسي اخوي و الا لو على الحين والله تتنقعون

ولا تحصلون تكسي . . . وحتى لو لقيتو تكسي لا تحلم يوقف لكم

التكاسي مادري اسفيهم يمرون عليك ولا كنه يشوفونك في الاوقات الحرجه
دموع الخاطر
26-12-2009, 02:27 PM
السلام عليكم

شكرا لك اخوي على التوضيح وان شاء الله يتحركوا البلديه

بالتوفيق
جرير
26-12-2009, 03:03 PM
قبل سنة اضطريت انزل هناك والمكان كريه جدا ومقزز ومرعب من كثر الهدوء والوساخة ..

دخوله اشبه بمتاهة ولا ليتات ولاغيره .. المكان قذر جدا ويحتاج تدخل سريع لان وضعه يزيد سوء على مايبدو :(



شكرا على وصفك الدقيق لذالك المبنى

فعلا المكان سيئ جدا
جرير
26-12-2009, 03:24 PM
والله محد دخل هالمكان كثري ودائما الجأ له واللي يقولون انه خالي من السيارات بالعكس انا كم مره ما كنت القى مواقف الا بالموت

والمكان كلمة وصخ قليل عليه

قذارة كثيرررره بكل مكان و مظلم و موحش و بصراحه تعب على اللي يبي يدخل الاسواق انه يحمل كل هالاغراض لين هالمسافه و يصعد الدرج و يوصل لموتره


لازم يشوفون لهم حل بهالامور لان هذا مكان حيوي مليان اسواق و اغلب اللي صافين مواترهم هنود واسيوين وهذا ظلم كبير لنا ان نتغربل و هم اللي يرتاحون وياخذونها بارده مبرده ؟؟؟؟؟؟؟؟؟


يعني اكثر منطقة حيوية وما نبي الحريم يتغربلون و الرجاجيل صعب ينزلونهم ويخلونهم بروحهم اكيد ؟؟ فلازم ولا بد انهم يشوفون حل ويحركون نفسهم شوي ويفكرون ويخططون و يطبقون بدل ما هم قاعدين كذا محلك سر لا حول ولا قوة الا بالله كفاية حال الشوارع بعد المطر :secret:

كني قرقت واجد :secret:


قرقت يالشيبه بس جبت زبده الكلام ماشالله عليك

فعلا حرام الاسواق تفتقر الى المواقف

ومثل هالمبنى موجود ومهمل . . . ولابد يشوفون لنا حل مع مخالفات الاسواق

بعد . . .
جرير
26-12-2009, 03:28 PM
والله اني لي وديت خواتي السوق ان مالقيت موقف اتم ادور والف وادور ولا ادش هالمكان لو اموت، احيانا لو تعبانه وما اقدر الف وادور انزلهم واروح الكورنيش استمتع بالجو الحلو والمنظر الجميل،،،
لكن مستحيل ادش هالمكان >>>> جبانه جداً،،، من النوع اللي اول ما تركب السياره اتقفل البيبان :shy:



مشروع جيد فكره الكورنيش . . . بدال بهدله الانتظار

احسن لج بعد انج ما فكرتي تروحين ذيك المواقف

والا كان سمعنا عقب اختفاء العضوه لولوتي من منطقه الاسواق (بعيد الشر عنك ) :tease:
جرير
26-12-2009, 03:29 PM
لا وانت صادق

عندهم سوء تخطيط


تقشف + سوء تخطيط
جرير
26-12-2009, 03:31 PM
الحمدلله ما جاء أمر الأزالة وانت موقف داخل المبنى :)



ههههههههههههههههه

تهقا ممكن يسونها . . . يهدمون المبنى من دون ما يشيكون على حد
جرير
26-12-2009, 03:33 PM
السلام عليكم

شكرا لك اخوي على التوضيح وان شاء الله يتحركوا البلديه

بالتوفيق



العفو اخوي . . . ونتمى ذالك ان شالله
simsim1963
26-12-2009, 04:38 PM
ماأدري ليش قطر بالذات والسعوديه لا يهتمون بنظافه الحمامات أعزكم الله وخصوصا القائم بالاشراف عليها جهات حكوميه قمه الوساخه والقذارة على الرغم بأن نظافه الحمامات تعكس نظافه البلد انظروا الى الكورنيش والى المساجد والى الحمامات العموميه بالحدائق عندنا قمه القذارة . ياريت ياسعادة الوزراء والمسؤولين تهتمون بصحه الناس :anger1:
الرويـس
27-12-2009, 12:49 AM
موضوعك خرب ( خطط ) البعض :secret:
بشهادة رواية بعض الردود
غناتي1
27-12-2009, 01:10 AM
وعععععععععععععع -- والله انك صادق

كاه كوم والريحة والخياس كووووووووووووووووووووووووووم ثاني
جرير
27-12-2009, 01:32 AM
ماأدري ليش قطر بالذات والسعوديه لا يهتمون بنظافه الحمامات أعزكم الله وخصوصا القائم بالاشراف عليها جهات حكوميه قمه الوساخه والقذارة على الرغم بأن نظافه الحمامات تعكس نظافه البلد انظروا الى الكورنيش والى المساجد والى الحمامات العموميه بالحدائق عندنا قمه القذارة . ياريت ياسعادة الوزراء والمسؤولين تهتمون بصحه الناس :anger1:



فعلا انت اثرت نقطه مهمه اخوي . . . ونتمنى الاهتمام بذالك

واشكرك على الاضافه
جرير
27-12-2009, 01:33 AM
موضوعك خرب ( خطط ) البعض :secret:
بشهادة رواية بعض الردود



ههههههههههههههههههههه

شفت شلون ضربنا عصفورين بحجر :victory:
جرير
27-12-2009, 08:17 PM
وعععععععععععععع -- والله انك صادق

كاه كوم والريحة والخياس كووووووووووووووووووووووووووم ثاني




:vampire::vampire:

7
7
7
7

حاسب يمكن تحصل واحد منهم
الرويـس
27-12-2009, 09:11 PM
ههههههههههههههههههههه

شفت شلون ضربنا عصفورين بحجر :victory:

اي عفورين !! انت ضربت عصافير وكناري وبوم وورود ( ليليه) :secret:
::Mo0on'hm::
28-12-2009, 02:39 AM
وخوو :eek5: :eek5:

أموت وأعرف انت شلون قدرت تستحمل تيلس فالمكان دقيقه وحده escape

بس ما حصلت من هذول هناك؟ :spider:
::Mo0on'hm::
28-12-2009, 02:40 AM
اي عفورين !! انت ضربت عصافير وكناري وبوم وورود ( ليليه) :secret:

:secret::secret::secret:
جرير
28-12-2009, 09:23 PM
اي عفورين !! انت ضربت عصافير وكناري وبوم وورود ( ليليه) :secret:




:omen2::omen2::omen2::omen2::omen2:
5ial al3lya
29-12-2009, 03:31 AM
انا مره وقفت في هالمواقف بس بصراحه من الظلام ما تشوف شي المكان كله يخرع مثل ما قلت مافيه الا ليتين عند الباب
وبعدين واحد من الربع يقول انه مره وقف فيها وخلى موتره ويوم رجع ما قدر يدخل المواقف
يسمع اصوات مادري صج ولا يتراواله ورجع له الصبح لان بصراحه المكان رعــــــــــــــــــــــــــــــب
واعزكم الله المكان كله نجاسه و وصاخه وهاي الاماكن يتجمع فيها الجن
ويقول ان قاله واحد من العمال الي يشتغل في سوق الجبر ان يجون بعض العمال في الليل يشربون في السلالم
والله اعلم
دوحة الجميع
29-12-2009, 04:09 AM
أنا رحت السوق أمس الصباح ووقفت على الرصيف ( في الممنوع ) ولا اني أدش هالموقف القذر لأن لين ألحين ماي المطر متجمع عند المدخل الرئيسي ... والحمدلله محد خالفني ..هههه
وأتمنى من وزارة البلدية والتخطيط العمراني أنهم يهتمون في نظافة بناية المواقف ويسلمونها لشركة خاصة لإدارتها ... مثل ماهم مهتمين في صحة ونظافة البشر ... ياريت يهتمون في نظافة المواقف والحمامات العمومية .
فلفل حار
29-12-2009, 07:45 AM
لاتعليــق ...!



والله كريم
شكـراً آخوي جرير ...
A bin M
29-12-2009, 07:50 AM
لاتعليق
الرويـس
29-12-2009, 08:10 AM
أتحدى واحد فيكم يصف في آخر دور والمكان مظلم
يعني عقب الساعه 7 تقريبا

ويقول لنا وش شاف في آآآآآخر دور بعد المواقف المكشوفة :secret: