المساعد الشخصي الرقمي

مشاهدة النسخة كاملة : مدينة «ملاهي» مائية في أبونخلة


سيف قطر
24-12-2009, 06:44 AM
مدينة «ملاهي» مائية في أبونخلة

وقعت مجموعة هلا للمشاريع - قطر اتفاقية تعاون مع شركة الجزيرة للمشروعات الترفيهية - الكويت لإدارة وإنشاء مشروع «أكوا بارك - قطر» الذي يعد أول مدينة ملاهي مائية بقطر، ويقام في منطقة أبونخلة على بعد 16 كم بعد المنطقة الصناعية على الطريق المتجه نحو منطقة أبو سمرة الحدودية، ويعتزم إنجازه في شهر يونيو 2010.

وتم الإعلان عن توقيع الاتفاقية في مؤتمر صحفي عقد أمس الأول بفندق جراند ريجنسي حضره عبد الله بن حسن الغانم الرئيس التنفيذي لمجموعة هلا للمشاريع - قطر، وابراهيم راشد الهارون رئيس مجلس إدارة شركة الجزيرة للمشروعات الترفيهية - الكويت، ومحمد خورشيد المدير العام وعضو مجلس إدارة شركة الجزيرة.

وقال عبد الله الغانم إن هذا المشروع يعد أول مشروع سياحي من نوعه لحديقة مائية في قطر والتي طال انتظارها من قبل مواطني ومقيمي قطر، موضحا «إن فكرة إنشاء هذه الحديقة راودتنا منذ مدة طويلة وقد آن الأوان لتنفيذها تمشيا مع النهضة الشاملة التي تشهدها بلدنا الحبيب قطر في ظل الرعاية الكريمة لحضرة صاحب السمو الشيخ حمد بن خليفة آل ثاني أمير البلاد المفدى والتي شجعت المستثمرين على المساهمة في عجلة التطور والاستثمار في جميع المجالات بما فيها المجال السياحي».
ورقــة أمــل
24-12-2009, 06:55 AM
واوووووووووو بس عاد متى بيجهزز
فرحة الكواري
24-12-2009, 07:11 AM
خطوة ننتظرها من زمان حق عيالنا

بالتوفيق وشكرا على الخبر
أم الحلووين
24-12-2009, 07:22 AM
يعطيك الف عافيه ع هالخبر الحلووو واخيــــــــــــــــــــــــــرا
دلة الرسلان
24-12-2009, 07:43 AM
الحمدالله عندنا مدينة ترفيهية ومائيه بعد ما اصدق ما اصدق :eek5:
كازانوفا
24-12-2009, 08:05 AM
والله خبر اسعدني اسعدك الله يا صاحب الموضوع
المقهوره
24-12-2009, 08:09 AM
زين مكانها اقل شي قريبه مننا @_@


اما المناطق البعيده الي ينوي يجيها يجيب جوازه معه يمكن تطق براسه عقب يسافر يكون من قريب
10 دقايق إلا هو بالمركز الحدودي
الرويـس
24-12-2009, 08:30 AM
كم بيكون عمري لما تجهز :(

ابي استمتع باللي بقى لي من العمر
hemoud123
24-12-2009, 08:45 AM
كان المكان غير مناسب والا انا غلطان؟
الجزوع
24-12-2009, 09:03 AM
الحين خل يسوون لاهل المنطقه بقالات ويحطون فيها خدمات!!!!

وينظفونها من المستنقعات اللي حولها عقب يفكرون في الترفيه ، لكن شاقول غير يارب لك الحمد والشكر ناس مدري وشلون تفكر
الخارجية
24-12-2009, 09:08 AM
في بونخله ههههههههههه مساكين والله جاهم الفرج والله أهل بونخلة يشتكون في وطني الحبيب صباح الخير ان ماعندهم خباز يرحون يسون مدينة مائية ههههههههه أن شاء الله خير بخصوص ريحت المجاري يش بسون
الكاسب
24-12-2009, 09:14 AM
الشركة المنفذه كويتية!!!!!!عزالله رحتوا فيها.
مافيا قطر
24-12-2009, 09:15 AM
هههههههههههههههههه مدينه مائيه واخرتها الماى جاى صوبهم ومسوى لهم نقع جديده

حل يسون لهم مجمع تجارى ومخبز يكفى شراء اغراضهم حتى لو اعملوا المشروع القطريين رافعين الشعار

صيفنا غير
بوخالد911
24-12-2009, 09:17 AM
هلووو

تاريخ الانجاز المتوقع : 6/ 2010

ان شاء الله

نتأملُ خيرا

مسيوو/ بوخالد911
ســـهم
24-12-2009, 09:21 AM
ياجماعه ابونخله ليس المقصود بها المنطقه الجديده

بل بالقرب من محطة بترول ابو نخله قبل ملف روضة راشد ..
كشف حساب
24-12-2009, 09:30 AM
أتوقع تكون في مكان المستنقع اللي كان يفرغون فيه صهاريج مياه المجاري أعزكم الله ...
ابيض و اسود
24-12-2009, 09:40 AM
مائـية

واحنا ناقصين مناظر (عري) و لبس من غير لبس !

سبحان الله...كيف العقول تتدبر و تفكر !

أعجزوا هداهم الله أن يجعلوها مدينة ملاهي غير (مائية) !

وأظن والله أعلم أن هذا سيكلفهم أقل من الحديقة المائية غير أن الصيانة ستكون أقل (تكلفة) !

ولكن سبحان الله....إلا (الإنحلال) و (التطور) المزعوم !

أخشى والله أن تكون هذه الحديقة المائية شبيهة بأختها (Wild Wade) في دبي

لأني لا أستطيع تخيل لعبة مائية لا تغري نساء الجاليات الأجنبية بدخولها من غير (البكيني) !

والله المستعان
simsim1963
24-12-2009, 09:46 AM
يعطيك الف عافيه ع هالخبر الحلووو واخيــــــــــــــــــــــــــرا
العين مليانة
24-12-2009, 09:56 AM
مندري وين الخيرة
الدوحي7
24-12-2009, 10:32 AM
مائـية

واحنا ناقصين مناظر (عري) و لبس من غير لبس !

سبحان الله...كيف العقول تتدبر و تفكر !

أعجزوا هداهم الله أن يجعلوها مدينة ملاهي غير (مائية) !

وأظن والله أعلم أن هذا سيكلفهم أقل من الحديقة المائية غير أن الصيانة ستكون أقل (تكلفة) !

ولكن سبحان الله....إلا (الإنحلال) و (التطور) المزعوم !

أخشى والله أن تكون هذه الحديقة المائية شبيهة بأختها (wild wade) في دبي

لأني لا أستطيع تخيل لعبة مائية لا تغري نساء الجاليات الأجنبية بدخولها من غير (البكيني) !

والله المستعان

فصخوا الى في البحر، الحين راحوا جه البر،،
&بوشهد&
24-12-2009, 10:52 AM
والله زين صدق انها جات متاخرة
بس خبر حلو
يعطيك العافية
عزووز قطر
24-12-2009, 11:16 AM
ههههههه الصراحة مكان استراتيجي
بيلعبون على ريحة المستنقعات والحشرات
يحفظك ربي
24-12-2009, 11:17 AM
كم بيكون عمري لما تجهز :(

ابي استمتع باللي بقى لي من العمر

خخخخخ اي والله :nice:
abdulla4u
24-12-2009, 11:40 AM
زين ليش طلعوها من الدوحه ...؟
احين ننطر ونشووف متى بيبدون الشغل وته بيخلصون
الصريحه
24-12-2009, 11:56 AM
الحين خل يسوون لاهل المنطقه بقالات ويحطون فيها خدمات!!!!

وينظفونها من المستنقعات اللي حولها عقب يفكرون في الترفيه ، لكن شاقول غير يارب لك الحمد والشكر ناس مدري وشلون تفكر

الله يهديهم
وياليت بالمره يخلصون شارع الشمال تعبنا من هذي الشوارع والتحويلات كلها خطر
آفنان
24-12-2009, 12:24 PM
تسلم اخوي عالخبر ...

:o
مستجدة
24-12-2009, 01:42 PM
الحين خل يسوون لاهل المنطقه بقالات ويحطون فيها خدمات!!!!

وينظفونها من المستنقعات اللي حولها عقب يفكرون في الترفيه ، لكن شاقول غير يارب لك الحمد والشكر ناس مدري وشلون تفكر


اشهد بالله انه جبتيها :nice:

اي والله خل يفتحون بقالات وخدمات لاهالي المنطقه وبعدين المنطقه سكنيه ماهي سياحيه
وهذا مشروع سياحي مايصير ايكون وبوسط مناطق سكنيه
الحمدلله صدق عقليه تجاريه متخلفه :secret:
سماء الرياض
24-12-2009, 01:55 PM
خبر حلـــــــــو
فتى الجود
24-12-2009, 02:57 PM
الحمد الله والشكر

الناس تتطور وحنا نرجع ورى

ليش ماتكون تطل على البحر

حد يسوى مدينة مائية في البر

نبي رد شافي من المسؤليين
رهج السنابك
24-12-2009, 05:43 PM
مو قالوا بيسوون في لوسيل مدينة ملاهي مائيه؟؟ وشفنا صور حفريات ؟؟ شكل المشروع طلع نصبه بعد
شمعة الدوحه
24-12-2009, 05:47 PM
كم بيكون عمري لما تجهز :(

ابي استمتع باللي بقى لي من العمر

ههههههههههههههاي

عجبني ردك :nice:

انا بالعب فيها حتى لو شنو كان عمري

بس في يوم يكون نساء فقط :shy:
حليتان*
24-12-2009, 10:54 PM
مشكووووووور على الخبر
The MooN
24-12-2009, 11:00 PM
باااااااااااااااااااااااااااااال ابو نخلة!!!
مو ليكملو أساسيات الحياه؟؟ اقل ما يمكن سوبر ماركت،، مكتبة،، :(

الله كريم
سيف قطر
25-12-2009, 02:15 PM
ياجماعه ابونخله ليس المقصود بها المنطقه الجديده

بل بالقرب من محطة بترول ابو نخله قبل ملف روضة راشد ..

:nice::nice:
سيف قطر
25-12-2009, 02:22 PM
حياكم الله اعزائي المشاركين .
إينشتاين
26-12-2009, 04:09 AM
والله الي خطط للمشروع مخة استثماري صح
أكيد يبي يستغل مستنقع ابو نخلة لعمل الألعاب المائية
خخخخخخخخخخخخخ