تحذير لرواد سيلين من محطة البترول

[tawareq]

تحذير لرواد سيلين من محطة البترول اللي في طريق ام سعيد والسبب ؟

عند تعبئة السيارة في المحطة انتبهوا من عمال المحطة اللي يصبون بترول لانهم ما يصبون بالمبلغ كامل

مثال : عند تعبئة بترول بقيمة 50 ريال يصب العامل بقيمة 45 ريال وعند عدم انتباه السائق يقفل الخزان ويضغط على جهاز البترول في المحطة على اصفار بسرعة.

لذا نرجو من الجميع الحذر وعدم دفع المبلغ كاملا الا عند التاكد من مؤشر السيارة وجهاز البترول في المحطة بالسعر .


وشكرا

[بوخالد911]

تسلم


مب احسن له يسووي هالحرركة

[م. عبدالعزيز]

وايد محطات يسوون هالحركه ولازم بكل الاحوال الواحد يشوف العداد احسن.. واحد من الشباب سووا عليه مره في محطه دخان..

[نـــــونة]

عادي حتى في المحطات اللى في الدوحة يسون هالحركة...........سوو مثلي خلو عينكم على العداد على شان يعرفون انكم فاهمين

[الاستثمار]

:anger1::anger1::anger1:
مب احسن له يسويها معاي راحت عليه المسكين

[شمعة الدوحه]

مشكور اخوي

والواحد المفروض يتم منتبه لهم على طول

لانه الاكثريه صاروا نصابين

يعطيك الف عافيه

[لعديد]

وكذلك تحذير لرواد سيلين من السوبر ماركة الي بالمحطة البترول
يقال يسوي نفس الحركة عند شرائك مجموعة من الحاجيات من عنده فيرفع السعر
فخلكم يقظين

[tawareq]

تسلم


مب احسن له يسووي هالحرركة



للاسف صارت فيني امس وانا رايح سيلين كنت مشغول وما انتبهت من العداد الا وانا في نصف الطريق وانقهرت وايد .

[شيزكيك]

اما عيني على طول على العداد واليوم طلبت منه يفول السياره وطلع المبلغ 43 ريال

و20 درهم الا يقول 44 ريال اقول له ليش على كيفك صب بعد لين 44 يبي يستفيد من الريال

[البدع]

نفس الشيء حصل لي في هذه المحطة ايضا

وحصل موقف مشابه في محطة بترول الجامعة وقد صدته

[عليان قطر]

اشلون اشلون
من متى هذا الكلام
لا بارك الله في ابليس

[alrheeb2020]

اما عيني على طول على العداد واليوم طلبت منه يفول السياره وطلع المبلغ 43 ريال

و20 درهم الا يقول 44 ريال اقول له ليش على كيفك صب بعد لين 44 يبي يستفيد من الريال

كفو :nice:


والله يجزيكم خير عالتنبيه

[الشاااهين]

عيل انا ماطلعت غلطان لين طلبت الشرطه ومليون غلطان لين تنازلت:omen2:


تدرون شسالفه صب بترول يا رفيق فل سوبر

بابا حساب 96 ريال

اشوف العداد مصفر

ليش صفرت العداد؟

بابا خلاص جيب فلوس

ياجماعة الخير والله العظيم التانكي الاسبير فل والتانكي العود الربع يعني حده40 ريال

واطلب الشرطه وللاسف تنازلت ودفعت

اخوي ما قصرت نعم ماقصرت فعلا هالمحطه العمال او العامل حراميه .

[بوناصر1]

سبحان الله ... والله هالسالفة اليوم قاعدين نتكلم عنها ... صارت معاي يالربع

[العصامي]

جزاك الله خير على التنبيه

[نورالهدى]

لاحول ولاقوة الا بالله العلي العظيم
شكرا على التنبيه

[وليف قطر]

تسلم


مب احسن له يسووي هالحرركة



صدقت والله

[الخبــره]

بكره بروح اجرب وخل يسويها اذا فيه خير
ارحم الله والديك على التنبيه
وترى السالفة مب سالفة فلوس
بس ما يستغفلونا اهم شئ

[MoTeC]

انا التانكي عندي مب فل باجر او بعده ان شاءالله بفوله عنده وبثبت كيمره ورى p: << شرير

[كازانوفا]

لا توصي حريص :)

[tawareq]

حسبة بسيطة فقط اقل تقدير

اذا يومي الخميس والجمعه انقول 500 سيارة

500* 5 = 2500 ريال كل اسبوع
2500* 4 اسابيع = 10000 ريال

يعني راتب موظف في الحكومة + راتبه في المحطة

واحسب كم عامل في المحطة اقل تقدير 6 عمال في كل خزان يعني في الشهر 60000 ريال

وين مدير المحطة وين صاحب المحطة مب هؤلاء العمال يسيؤون سمعة البلد وسمعه صاحب المحطة للاسف.

[abdulla4u]

الواحد المفروض يتم منتبه لهم على طول

لانه الاكثريه صاروا نصابين

يعطيك الف عافيه

[مساهم عادي]

يجب على الجهات المعينة صاحبة الترخيص كشركة وقود ...عملحولات تفتيشية سرية على المحطات .. ويحاولون يتصيدون المتلبسين بمثل هذا الحركات وتقديهم للمحاكمة..