لعبة الهوامير وشركات الوساطه !!! [الأرشيف] - منتديات شبكة الأسهم القطرية

مشاهدة النسخة كاملة : لعبة الهوامير وشركات الوساطه !!!

Qtrun

11-04-2005, 12:17 PM

مساء الخير اخواني

حبيت اقولكم شي غريب شفته في المجموعه ويمكن شافوه الاخوان الي راحوا هناك حبيت افتح حساب عند المجموعه علشان اقدر ابيع الاسهم الي عندي ولا اشتري في المستقبل بس الي شفته انه موظفين المجموعه مايرضون يفتحون لك حساب الا لما تحط طلب بيع او طلب شراء؟؟؟

المشكله الثانيه انه في ناس مب عارفه شسالفه ومع الخيل ياشقرا 90% من الي كانوا موجودين أمس في المجموعه حطوا طلبات بيع بسعر السوق ( يعني بيع وفكني بأي سعر) وهذا الي مستغرب منه لأنه الأسهم المعروضه في ناقلات صارت بالملايين وانا ماقول الا ماحد ضيع صغار المستثمرين الا شركات الوساطه والعاملين فيها ولاشرايكم :confused:

ومستغرب من شي ليش مايفتحون حساب للعالم الي تبي تفتح بدون مايجبرونه يحط طلب بيع ولا السالفه مقصوده علشان الهوامير ربعهم ينزلون السوق بالغصب؟؟؟

بعد الي شفته بعيني مافتحت حساب في المجموعه ولاقدمت طلبات بيع لأنه السالفه صارت مكشوفه بس يبي لها ناس تفكر

مع تحياتي للجميع

ملاحظه ياليت الاعضاء والمشرفين يعلقون على الموضوع ويقولون رايهم بكل صراحه

المراقب

11-04-2005, 12:20 PM

أنا فتحت حساب في شركة قطر للأوراق المالية ومن غير أي طلب بيع أوشراء

alsahm 12

11-04-2005, 12:21 PM

لا ويلعبونها على المكشوف هزلت :mad: :mad: :mad:

قطر

11-04-2005, 12:24 PM

افتح لك حساب في الأهلي احسن لك

:)

ضايق الصدر

11-04-2005, 12:25 PM

اللوم مش من كبار المستثمرين او الهوامير
او شركات الوساطه
الي لعب بالسوق صغار المستثمرين وتهورهم (فقط)

انا بسئل سؤال وياليت احد ايجاوبني
على اي اساس تمت الارتفاعات الخياليةقبل دخول الاجانب ؟

^
^
مع العلم انه في اغلب الشركات كان مسموح للاجانب بالدخولفي اغلب الشركات ؟

وعلى اي اساس تمت الانخفاضات الحالية
وشكرا
لكن الرجاء الرد على السؤال باراء اقصادية مش عاطفية

ali

11-04-2005, 01:08 PM

كلمتين ولا في غيرها اخوى
السبب الهوامير وكبار المستثمرين من هبوط السوووق عشان
يتحطم الي مثلي ومثل غيري ويبيع بسعر قبل لا طيح اكثر من الحين ويشتري هو برخيص

ويرفع السوق بعدين

وثاني شي الوسيط وكل شركة لها هواميرها تنفذ اوامره غصب
ولا الفلوس الي تحت الطاوله بتنقطع
اما انت ما وراك يا المستثمر الصغير غير الفقر

ام هو يعتبر له راس مال الهامور

هاذي وجهة نضري

السلطــــان

11-04-2005, 03:11 PM

السلام عليكم

اخوي انا قبل اسبوعين بالضبط رحت مع واحد من الشباب عشان نفتح له حساب وفتحوا له بدون ما يحط اي طلب سواء شراء او بيع ..

اما اذا كان هالشي في هالفترة فـ الله اعلم . .

تحيااتي

LiquidMoney

11-04-2005, 03:31 PM

Qtrun

11-04-2005, 04:07 PM

يعطيكم العافيه على الردود بس حبيت اوضح شغله ليش يجبرون صغار المستثمرين انهم يحطون طلب بيع ولا ماراح يفتحون له حساب !!!!!!
وبالنسبه لي ماراح ابيع قاعد على قلوووبهم واشووف آخرتها واذا صار السهم بريالين بعد بقعد وبالعكس بشتري

مع تحياتي للجميع

المراقب

11-04-2005, 05:20 PM

في السوق البقاء للأقوي.

ali

11-04-2005, 06:05 PM

اخوي ali
الهوامير ماضربوا حد على يده و قاله بيع !!! هم باعوا ... ليش انت يا مستثمر ما تفهمها و ما تبيع !!!
ليش تركض وراه و انت عارف المقصد !! هذي السؤال الحقيقي !!!
كلكم تقولون نفس ههالجمله ..... لكن في الاخير تبيعون !!! انا مستغربه !

زين اختي

يوم هم باعو انا شريت ليش ماشرو لي

وليش الهامور هو الي طلبه جازه

هاذا شنو

اني اقدم يومين على طلبات نافلات وكم شركه ابي اشتري
وما ينفذون

الصمت

12-04-2005, 12:46 PM

السلام عليكم.
مادام وصلت السالفه الى عناد انا عندي 45000 سهم بالناقلات وماراح ابيع لو انشالله ينزل السهم صفر عنااااااااااااااد للهوامير.وانصحكم يا اخواني وخواتي اللي عنده اسهم ومحتاج سيوله لايبيع بخساره يهرن الاسهم وياخذ بدالها سيوله.

relaax

12-04-2005, 07:49 PM

من اسبوع رحت المجموعه افتح حساب قالوا لازم رقم المساهم من سوق الدوحه ... وبعد عذاب فالسوق
طلعت الارقام .. رجعت لهم الا يقولون لا .. ليش يا جماعه ... احنا بنطلع رقم المساهم بعد ما توقع على اوراق بيع الناقلات .. اقولهم مابي ابيع ... الا يقولون لي حط بسعر مرتفع 200 مثلا الين اخر الشهر ... وبينزل لك رقم المساهم ...
طيب ايش تنصحوني بشركة ثانية غيرها ... لانها بهدله ...

قطر

12-04-2005, 11:57 PM

ريلاكس

عندك الخليجيه للاستثمارات

والبنك الاهلي

relaax

13-04-2005, 03:59 PM

جربت الخليجية وخسرون 20 الف ما نفذوا لي طلب .. خليتهم وطلعت للمجموعه

LiquidMoney

13-04-2005, 05:37 PM

زين اختي

يوم هم باعو انا شريت ليش ماشرو لي

وليش الهامور هو الي طلبه جازه

هاذا شنو

اني اقدم يومين على طلبات نافلات وكم شركه ابي اشتري
وما ينفذون

اخوي ali .... انا فاهمه شعورك !
مع اني مستغربه ..ماقد حصلت لي هالسالفه ...بس عموما انا كنت اتكلم عن الناس اللي طايحة له بيع ...

Banana

13-04-2005, 06:18 PM

تدري ليش مايشترون لانهم يبون ينزلونها لمت معين وبعدين يفتحون الشراء طبعا مش لك ؟؟؟؟؟؟؟؟؟؟؟؟؟؟؟؟؟؟؟؟ وانت في الاخير على العالي

رحال

13-04-2005, 06:41 PM

ايه العبو علينه ومابعنى لكن هل المره آنه باراويكم فيهم وأ خيرا تعلمنه درس بس بفلوس ودفعنه الثمن غالي

ونطقينه طق لكن كل طقه بتعلومه والهريس مايحلو الا عقب الطق !!!

سهم ضايع

15-04-2005, 10:40 PM

السلام عليكم

جربت الاهلي والدوحة ،، وكانوا تعبانين

المجموعه ،، في نفس يوم نزول ناقلات كنت عندهم عشان اتأكد من اسهم ناقلات ،،

وما طلبوا مني احط طلب بيع او شراء ...

بشكل عام ،، أداء شركات الوساطه تعبان ...

الاسهم تنزل وترتفع ،، وانت ما تصيد خطهم :)

لو يفتحون التداول اون لاين ،، وايد احسن من هالبهدله

:rolleyes:

بوناصر-قطر

16-04-2005, 12:00 AM

يا اخوان سوو مثل الهوامير على قولتكم

صيدوا من هالوسطاء وبخوهم وبتحصلون اوامر البيع والشراء مثل البرق

انا عندي واحد من الوسطاء من العام بصراحه مايقصر وينفذلي الطلبات على طول .

ويوم منعوهم انهم يستخدمون الموبايل اثناء التداول اتفقت معاه على اني ارسل له مسجات

والحمدلله كل شي ماشي حسب ما ابغي .. وبصراحه انا ما اقصر فيه ( ابخه )

دام انه مربحني ليش اقصر عليه

jokar_502

20-04-2005, 11:14 AM

اسلام عليكم ورحمه الله وبركاته

اخوي قطر انا ما ادري اذا هم تعاملو معاك بهذا الاسلوب بس انا يوم رحت وفتحت احساب
عندهم محد قالي بيع او اشتري فتحت الاحساب وظهرت على طول اما انهم يخيروني اني
لازم ابيع او اشتري علشان يفتحولي احساب الله لا يهينك مكتب المدير او شكوى اتقدمها
لأداره سوق الدوحه للاوراق الماليه وشوف بعدين وش بيصير .

تحياتي : .................................................. ............................

Qtrun

20-04-2005, 07:48 PM

مساء الخير اخواني ومشكورين على الردود