حساسية الانف

[قطر2030]

احد يدلني على علاج شعبي اي شي لهذ المرض عملت عملية كوي اللحميات في الانف لكن
ما نفع استخدمت كل انواع البخاخات ومجرد وقتيه وترجع اشد
الاعراض
انسداد في الانف وعطاس متواصل خصوصا الصباح وصداع
اذا احد سمع عن علاج شعبي احسن لي من الادويه الكيميائيه اللي جربتها وجزاكم خيرا ارسلوا لي على الخاص بليز

[وحيد-الشوق]

الله يشفيك وماتشوف شر

ان شاء الله الأخوان يفيدونك

[BARBICAN]

اخووي انا اعاني من نفس الاعراض كل سنه وقت دخول الشتاء وبعد مايخلص


وللاسف هالحاله صار لها سنين عندي وقالي الدكتور ناجي كمال انها حساسية عصبية والتهاب جيوب انفيــة

وانا امشي على ادوية مؤقتة خلال فترة الشتاء عشان تخف ولكن للاسف مالقيت علاج نهائي للحين

[أبورودي]

اخى يلزمك ان تعرض نفسك على طبيبي حساسيه
ليجري لك اختبارات حساسيه
لتعرف ماهو سبب تهيج صدرك وتحسسه حتى تتلاشه
هذا ما حدث مع ابنتي
وعرفنا سبب التحسس والحمدلله

[قطر2030]

اشكركم
انا استخدمت كل الادويه الكيميائية كلها وقتيه والادهى والامر فيها كورتيزون لذلك انا انصح كل واحد يشوف ادويه غير كيميائيه لان لها مضاعفات الخلاصه اريد علاجا شعبيا استخدمه باستمرار ليقلل الانسداد والصداع والعطاس اليومي

[روح-قطر]

انا اعاني من هالشي بس نصيحه وان شاء الله تصير اوكي معاك لما تحس باحساس غريب بالانف وعطاس روح استنشق ماي كانك تتوضا وايد يخفف انا تعالجت كريتوزون وماسوالي الا المتن:(

[جوال 11]

أنصحك بأستعمال قليل من العسل الأبيض مع قليل من الماء بنفس الكمية ويخلط ثم يقطر في الأنف وسيكون حار في الأنف ،ينظف الأنف كما وصفه لي معالج.
وأيضا صب الماء المخلوط بالملح في الأنف عن طريق أبريق في فتحة الأنف وخروجه من الجهة الأخرى وهذا مفيد كما في الرابط .
http://ar.wikipedia.org/wiki/%D8%BA%D8%B3%D9%88%D9%84_%D8%A7%D9%84%D8%AA%D8%AC% D9%88%D9%8A%D9%81_%D8%A7%D9%84%D8%A3%D9%86%D9%81%D 9%8A
ولا تنسانا من دعائك .

[التركي]

السلام ... حبيبي روح قطر .. هذا الوقت من السنة , ايام تهيج الجيوب الانفية , البعض بسبب الندىبالليل
, والاخر بسبب تفتح الازهار ,مما يترتب عليه القابلية للتهيج من العطور , والصبغ والمعجون , ومضممة للسنان , كذلك ,

افضل حل لاي مرض هو التشخيص , واخذ العينات , وانا اقول افضل دكتور في التشخيص والعلاج ممن عاينت في الدوحة , دكتور محمد حندوسه في المغربي في المسشفى الاهلي , لاباس عليك طهور .

[روميت]

حسب ما سمعت

من افضل العلاجات الشعبية للأنف وحساسية هو ( القسط الهندي )


والله يشفيك ويشفي جميع المسلمين .

[قطر2030]

بورك فيكم ذهبت لاحمد حندوسه ولم يضف شيئا لسابقيه
جربت القسطل وليس القسط الهندي ولم ينفع
ربما الماء والملح نفعني قليلا لكنني لم اكمله
اخي جوال جزيت خيرا واضيف قيل قطره او ثنتين في كل فتحة انف لكنه مزعج جدا
انا اريد بأختصار ان احذر من ادوية حساسية الانف لانها عديمة الجدوى ولها اثار جانبيه لذلك ابحث عن طب بديل لعلي اجه

[التركي]

مى1

التعليق تحت الصورة جميل جدا, لكن الملاحظ ان هنالك تعليق على هذه الصورة من اسقراطية تخالف هذا
التعليق مما ترتب عندي حيرة في تقبل الاختلاف في الراي , وفكرت وقلت كما قيل كل ايناء بما فيه ينضح,
لك اسمى الاحترام.

[جوال 11]

بورك فيكم ذهبت لاحمد حندوسه ولم يضف شيئا لسابقيه
جربت القسطل وليس القسط الهندي ولم ينفع
ربما الماء والملح نفعني قليلا لكنني لم اكمله
اخي جوال جزيت خيرا واضيف قيل قطره او ثنتين في كل فتحة انف لكنه مزعج جدا
انا اريد بأختصار ان احذر من ادوية حساسية الانف لانها عديمة الجدوى ولها اثار جانبيه لذلك ابحث عن طب بديل لعلي اجه

الماء والعسل خذ وصيتي وستستفيد بأن الله

[روميت]

مى1

التعليق تحت الصورة جميل جدا, لكن الملاحظ ان هنالك تعليق على هذه الصورة من اسقراطية تخالف هذا
التعليق مما ترتب عندي حيرة في تقبل الاختلاف في الراي , وفكرت وقلت كما قيل كل ايناء بما فيه ينضح,
لك اسمى الاحترام.


دونك سالفة التوقيع :)

http://www.qatarshares.com/vb/showthread.php?t=317551&highlight=%ED%D1%DD%DA+%E1%E3%D2%ED%CF+%C7%E1%C7%D 8%E1%C7%DA





ويسمحولي صاحب الموضوع .

[BusinessGirl]

هلا اخوي
شوف بقولك شي
انا كنت اعاني حساسيه في الصدر
غير الربو
وطول السنه ضايق النفس عندي
واكح
ما خليت مكان ما رحت له وغير ادويه واعراض
في الاخيرر فهمت شي واحد
ان هاي شي ما له علاج
ولازم اتعايش معاه

حاسيه الانف نفس الشي
اخوي فيه مثلك
واول ما يقوم الصبح صداع وزكام
واذا عطس يعطس 10 مرات ورى بعض
ونفس الشي ما فاد معاه شي

اللي بقوله لك وايد في امراض ما لها علاج
بس لازم نتعايش معاها
يعني يا ليت اتروح حق مختص
ويفضل يكون استشاري
واتقوله
ايش الاشياء اللي اتزيد الحساسيه عشان انت تبتعد عنها
ويقولك ايش الاشياء اللي اتخف الحساسيه عشان اتسويها
وانت اعتبر نفسك طبيب نفسك
شوف من تجربتك ايش الاشياء اللي سويتها قبل وريحتك
وايش الاشياء اللي اتزيد الحساسيه
ادخل النت ابحث وشوف
ومو غلط اذا استخدمت ادويه من فترات
عشان اتخفف

توضى بماي زمزم
واشرب ماي مقري عليه عشان الله يساعدك ويخفف عنك
واذا في مجال للعلاج بالاعشاب جربه وشوف
بس انا قلت لك كلامي
عشان خلاص تتعايش
واتساعد نفسك

والله يشفيك اخوي ان شاء الله

[هلاقطر]

والله اني اعاني نفس المشكلة وعلى طول اخذ حبوب سيريوس وان ما خذت يوم الله يعيني على الصداع وعلى فكرة سويت عمليتين كي وسويت اختبار حساسية وما طلع عندي اي نوع من الحساسية
والله يشفي كل مريض وياجره

[anything99]

الحمد لله بعد معاناتي مع الحساسية والربو والبخاخات .. بفضل الله شفاني الله في غضون شهور قليلة .. والوصفة مشهورة جدا وسهلة .. عشبة اسمها زهور البابونج تحصلها في سوق واقف .. يوميا على الصبح مغلي هذه العشبة مع معلقة عسل طبيعي .... الرياضة مفيدة جدا وتدفئة القدمين .. اما بالنسبة للكحة .. خلطة معلقة هردة مع معلقة عسل طبيعي .. مفيدة جدا سبحان الله .. شفاك الله وجميع مرضى المسلمين ..

[جوال 11]

هلا اخوي
شوف بقولك شي
انا كنت اعاني حساسيه في الصدر
غير الربو
وطول السنه ضايق النفس عندي
واكح
ما خليت مكان ما رحت له وغير ادويه واعراض
في الاخيرر فهمت شي واحد
ان هاي شي ما له علاج
ولازم اتعايش معاه

حاسيه الانف نفس الشي
اخوي فيه مثلك
واول ما يقوم الصبح صداع وزكام
واذا عطس يعطس 10 مرات ورى بعض
ونفس الشي ما فاد معاه شي

اللي بقوله لك وايد في امراض ما لها علاج
بس لازم نتعايش معاها
يعني يا ليت اتروح حق مختص
ويفضل يكون استشاري
واتقوله
ايش الاشياء اللي اتزيد الحساسيه عشان انت تبتعد عنها
ويقولك ايش الاشياء اللي اتخف الحساسيه عشان اتسويها
وانت اعتبر نفسك طبيب نفسك
شوف من تجربتك ايش الاشياء اللي سويتها قبل وريحتك
وايش الاشياء اللي اتزيد الحساسيه
ادخل النت ابحث وشوف
ومو غلط اذا استخدمت ادويه من فترات
عشان اتخفف

توضى بماي زمزم
واشرب ماي مقري عليه عشان الله يساعدك ويخفف عنك
واذا في مجال للعلاج بالاعشاب جربه وشوف
بس انا قلت لك كلامي
عشان خلاص تتعايش
واتساعد نفسك

والله يشفيك اخوي ان شاء الله



الحمد لله بعد معاناتي مع الحساسية والربو والبخاخات .. بفضل الله شفاني الله في غضون شهور قليلة .. والوصفة مشهورة جدا وسهلة .. عشبة اسمها زهور البابونج تحصلها في سوق واقف .. يوميا على الصبح مغلي هذه العشبة مع معلقة عسل طبيعي .... الرياضة مفيدة جدا وتدفئة القدمين .. اما بالنسبة للكحة .. خلطة معلقة هردة مع معلقة عسل طبيعي .. مفيدة جدا سبحان الله .. شفاك الله وجميع مرضى المسلمين ..


أحسن علاج لحساسية الصدر والربو الحجامة وعن تجربة .

[خالد624]

جرب الحجامه عند الشيخ عقل في سوق واقف

وماتشوف شر

[حدالكلمه]

ممكن خلط قليل من الملح مع البيكنج باودر في لتر ماء والاستنشاق منه عند الازمة ويعتبر مسكن جيد

عن تجربة

[الدكتور عزوز]

وانا صار لي كم سنه اعاني وخصوصا في الشتاء

عندي ربو وعندي حساسيه في الانف


الحين صارلي 10 ايام صدااااااااااااااع يذبح بسبب التهاب الجيوب الانفيه

انسداد في الانف يخليني اتنفس من الفم وعلى كلام الدكتور هالشي يخلي اللوز عندي تلتهب 24 ساعه لأن التنفس عن طريق الفم يخلي الجراثيم تدخل جسم الانسان اكثر

يعني اول شي اللوز تلتهب يبدأ التهاب الجيوب الانفيه ويبدأ الصداع بعدين تبدأ الكحه

وبعدين يبدأ الصدر بالاتهاب وتزيد معاي الكحه

وهذا انا على هذا الحال 10 ايام

وهالشي يصير لي كل شهر مره او مرتين في الايام العاديه

وفي الشتاء يصير طول الوقت


طول السنوات اللي راحت ما خليت شي ما سويته وما خليت دكتور ما رحت له وما خليت علاج ما جربته

والسنه هذي فقدت الامل في العلاج وهذا انا قاعد مريض لا حول لي ولا قوة

انطر جسمي يعالج نفسه بنفسه

تعبت من كثر ما اروح المستشفيات على الفاضي

خصوصا في الشتاء احس ان روحي تطلع مني شوي شوي

لاني قادر اتنفس من الانف ولا من الفم والحاله صعبه

والتهاب الصدر اللي فيني بروحه حالته حاله

خلها على ربك وربك كريم






لو لقيت لك حل يفيدك ياليت تخبرني اخوي ربي يجزيك خير

[الغيداء]

السلام عليكم ورحمة الله وبركاته
ماتشوف شر أخوي وفيه طريقة غسيل للأنف يسمونها جالا نيتي أدخل على الفيديو وشوف
الأفلام المعروضه وبتعرف وش أقصد ...

http://www.superglossary.com/ar/Definition/Yoga/Jala_Neti_.html

ومن هنا
http://www.************/watch?v=yOBQcLBxTe4&feature=related

على حسب ماقريت إنها واجد مريحه للجيوب الأنفيه
حاول تدور في الصيدليات العبوه المستخدمه في الغسول وجرب وآنا بعد باجرب لأن عندي
حساسية بالأنف ...

[روح-قطر]

في الشتا تزيد من البرد وقالي الدكتور مالج الا تدفين والزل بعد من اكبر المشاكل للاكزيما والحساسيه والقطاوه والبهارات خاليا هاي اللي اذكره حاول تبتعد عن هالاشياء

[kitmat]

أنا ولدي يعاني نفس الشئ ومافي فايده بس قايلينله لازم عمليه لان في اعوجاج بداخل الانف
وبالنسبه للشخص الي يعاني من التهاب اللوز عليه الغرغره بالشاي العادي بدون سكر مفيد وايد وايد واكل الزنجبيل الناعم مع العسل يخلط ويؤخذ قبل النوم

[TZ71]

اخوي العزيز ماتشوف شر
انا زوجتي كانت تعاني من نفس الحساسيه وقالولي انه في دكتور ايراني موجود في ابوظبي اسمه ( رضا ) وخذت موعد وطرت الى ابوظبي وقابلته وبعد الفحوصات قال لازم اسوي عمليه لانه يوجد انحراف في الانف وكذا مشكله بس ماني متذكرها وتكات على الله وسويت العمليه حق زوجتي والحمد لله هي الحين مرتاحه آخر راحه والكلام هذا سارله سنه تقريبا اي في شهر يناير ٢٠٠٩ والحمد لله

[هذلان]

السلام عليكم


ماعليك شر ان شاءالله .. انا ماقريت كل الردود بس بقولك شي .. انا على ثقه انه حالتك ماوصلت مثل سوء حالتي قبل . جربت كل انواع الادويه الكيماويه و صار معاي مثل المناعه ماعاد تفيدني بشي لا من حبوب ولا بخاخات ولا غيره .

الحل كان عن طريق دكتور في مستشفى حمد .
ماء البحر .. تروح البحر وتاخذ معاك غرشتين ماي كبار و تعبيهم و حاول تعبيهم من منطقه ماتكون ملوثه مثل الفرضه او المينا ،، روح سيف نظيف .
ادخل الحمام و استنثر عدل (نظف خشمك عدل) بعدين صب في راحت يدك شوي ماي بحر و دخله في خشمك مع نشقه خفيفه :nice:
اتمنا تكون فهمتني يعني حاول تدخل شوي ماي في فتحت الخشم مش لدجه ان ماي البحر ينزل في البلعوم . بعد ماتسوي هالشي ،، سكر فتحت الخشم بيدك و اسحب هوى بقو بعدين افتح خشمك و انت ساحب هوى .. راح يدخل ماي البحر بدفع قوي و يتطاير داخل مثل الرذاذ .. راح تحس بحرقه مزعجه شوي و سببها ان الخشم و الجيوب ملتهبه من داخل و جاها ماي و ملح .. ولكن مع التكرار في اليوم اكثر من مره راح تحس بتغير كبير بحول الله بعد اقل من ٣ ايام و كل ماله بتقل الحرقه بسبب ان الالتهاب و التهيج قل .
اتمنى تكون فهمت شرحي و اذا مافهمت كلمني على الخاص