خلك عزيز نفس

[الوجبه]

السلام عليكم

في الفتره البسيطه اللي قدرت اسمع فيها برنامج وطني الحبيب

صباح الخير وتصفح منتداهم على النت (شفت) و (سمعت)

شي غريب .. غريب على اهل قطر والمجتمع القطري ..

اللي عنده مشكله في البرنامج او عنده موضوع ما لا (يترجي)

عبير النمر او حسن الساعي .. سبحان الله (البعض) تسمع منهم

كلام (ارجوك) ياحسن او (مااتقصرين) ياعبير .. قول موضوعك

او شكوتك وانتهى الموضوع واختمها بشكرا .. واذا لك حق

والله غصب عن الكل يجيك .. اما شغل الترجي

ارجوك يافلان او فلانه وهم موضفين حالهم حالك .. ويمكن عندهم

من (الديون) او المشاكل اكثر منك ياالمتصل .. خلك (عزيز نفس )

ولا تنزل لمستوى انك (تذل) نفسك لمطلب لك حق فيه ..

فهذا واقع ملاحظ في اكثر من مكان للاسف .. فعزه النفس

موجوده عند القطري وماتعودنا انه يترجى احد فيها ..

فاتمنى من المتصل او المتصله انهم يوصلون مطلبهم بعرض

المشكله بدون ترجي للمذيع او المذيعه لانهم لاحول لهم ولاقوه




وسلامتكم

[نفسي عزيزه]

عليكم السلام

صح كلامك (( نفسي عزيزه))

وخلكم عزيزين نفس والله يعز مقداركم

[Northman]

طلب في محله اخوي ..

لكن ماتدري بحال المتصل ,, ولابخلفيته الثقافيه او الاجتماعيه ,, و الي اكيد بيكون لها دور في طرح مطلبه او شكواه ,,

خلنا ندعي و نقول الله يفرجها على كل محتاج و معتاز ,,

و شاكرين لك طرحك

[مطيع الله]

شلون المحتاج والمبتلى والمظلوم يتكلم بعزة نفس!!
"آلو حسن الساعي أنا مطيع الله، عطني ذا اللي يسمعون الرادو، اسمعوا يا مسئولين، ترى حنا تعبنا واحنا كل يوم نترجاكم ونستعطفكم، مديونين ولا حصلنا وظائف ولا مستشفيات ولا خدمات ولا شوارع، إما عطونا من مال الله ولا خذينا بايدينا، سمعتوا!! يا ولد ازهب البندق، طخ، انقطع الارسال"

[Mozanee]

يقول الامام الشافعي :

والله لو علمت أن شرب الماء يَثْلُمُ مروءتي ، ما شربته طول حياتي

كل شي الا الذل ,,

وبالنسبة للمتصلين يمكن جافوا الذل بحياتهم وقالوا خل ننذل لأخر مرة نتصل ونجوف

وبالذات اذا ريال والمسؤولية عليه كبيرة ,,

والله يعز كل ذليل يارب ,,

وتسلم اخوي الوجبة ,,

[ام السعف]

طلب في محله اخوي ..

لكن ماتدري بحال المتصل ,, ولابخلفيته الثقافيه او الاجتماعيه ,, و الي اكيد بيكون لها دور في طرح مطلبه او شكواه ,,

خلنا ندعي و نقول الله يفرجها على كل محتاج و معتاز ,,

و شاكرين لك طرحك

اتفق معاك ، واعتقد ان المتصل ما يترجى المذيعين لحل مشاكلهم كثر ما هو رجاء للاهتمام بالموضوع نفسه عن طريق التركيز عليه ، والله لا يحوج مخلوق لعزيزي النفوس :omen2:

[هتـان قطر]

الله يفرجها عليهم ..يمكن هم في وضع سئ وما يقدرون يتحكمون في مشارعرهم

[فرحة ايامي]

هلا يا الوجبه
يمكن ما يترجون قصدهم يوصولون الشكوى للمسئولين وهذي طريقتهم في عرض شكواهم.. وبعدين حسن الساعي انسان راق ومحترم ما يتكبر على الناس وهم يغرضون طلبهم بالعكس احيانا يتعاطف معاهم وايد.. بس ما في اليد حيله.
وسلامتك
فيه مثل الانجليزي يقول : You Can Only Take a Horse to a River-You Cannot Make it Drink!!! وهذا ينطبق عليهم ممكن يطلبون بس محد يقدر يذلهم

[الوجبه]

واحد يقول نداء استغاثه لعبير النمر وحسن الساعي .. المهم انا هنا ابغي ارسل رساله من موضوعي هذا

واعتقد بتوصل الرساله ..

سيدنا عمر رضي الله عنه كان يمر بالليل يشوف احتياجات الناس ويسال عن احوالهم وضروفهم .. ما كان يصبح بهم ..

سبحان الله على عدد (المليارديريه عندنا ) وعدد (المسئولين) ما طلع واحد فيه هذي (الخصله)

بس واحد .. ما قلنا الكل ..

ما ادري (تستحون) من حل مشاكل الناس ومساعدتهم .. يطلع القطري كل يوم ويشتكي في برنامج

الكل يسمعه حتى اللي في بلاد فارس على الساحل.. راس ماله خبز ايراني وراديو كسرنا خاطره ..

مافيه جهه تستلم كتب وتشوف حاله الناس وظروفهم .. ليه ينزل القطري لمستوى انه يقول

(نداء استغائه لعبير وحسن) .. مع احترامي للمذيعين .. لكن ايش الهدف من هذا ..

وين دور (الديوان) في حل المشاكل .. وين دور اللي (منتخبينهم) من مجالس بلديه في توصل

مشكله شخص معين .. وين دور وجهاء القبائل في حل مشكله افراد قبيلته وايصالها للمسئولين

وهل الاخت عبير او الساعي عندهم (القوه) لحل مشاكل الناس .. يعني انا اذا عندي مشكله

اتصل بالساعي على الهاتف او موقعهم الشخصي واعمل نداء استغاثه لهم ويردون عليك مشكلتك

انحلت .. يعني ما تنحل الا بالتشهير والصراخ .. والله عيب ..

والسوال الاول ..

ليه الشكاوي علنيه .. وعلى الهوا دائما ..

والسوال الثاني ..

مايطلع عندنا مسئول (يفتر) اخر الليل يشوف احوال الناس ..

والسوال الثالث

كم عددنا

السوال الرابع

ولدك اذا يبغي شي يطلب منك ولا يستخدم (مكبر) المسجد

اتمنى اجابه ..

[شاهيناز]

الله يفرج همهم

في العمل لما اكتب كتاب لجهه ما اطلب منهم خدمه معينه وفي اكثر الاحيان تكون معلومه



تعرفون الروتين عندنا

اكتب اتقدم بطلب,,,,,

اخذه لطباعه يقلون لي بنغير الصيغه بنكتب نرجو التكرم
اقولهم تنكسر حروف كي بوردي ولا اكتب ارجووو؟


متى نفتك من كلمه نرجو........

[الوجبه]

شاهيناز الكتب والله مقدور عليها .. وهي افضل انا اشوف ..

الكتب محدوده .. لكن المشكله الاذاعه او التلفزيون .. مالها داعي ابدا

[Mozanee]

والسوال الاول ..

ليه الشكاوي علنيه .. وعلى الهوا دائما ..

والسوال الثاني ..

مايطلع عندنا مسئول (يفتر) اخر الليل يشوف احوال الناس ..

والسوال الثالث

كم عددنا

السوال الرابع

ولدك اذا يبغي شي يطلب منك ولا يستخدم (مكبر) المسجد

اتمنى اجابه ..

اذا قدر يوصل لهم ما انبح صوته وذل عمره ,,:(

ومب مسألة عددنا المسألة مسألة ان اللي يده في الماي البارد ,,,

وبيقولون لك من قال لكم تدينون ومن هالخرابيط

اما يطلع واحد مثل الخليفة عمر بن الخطاب رضي الله عنه بيتهمونه بشي ,, :secret:

[مطيع الله]

شاهيناز الكتب والله مقدور عليها .. وهي افضل انا اشوف ..

الكتب محدوده .. لكن المشكله الاذاعه او التلفزيون .. مالها داعي ابدا

يقول لك الشعب الوحيد اللي يكتب your servant تخيل من؟
الهنود،
أخذوها بالوراثة من شركة الهند الشرقية البريطانية،
ولا زالوا يستخدمونها كأسلوب أدبي،
غير مهتمين بمعناها

[شاهيناز]

لما نستهل الامر يكون شي عادي والكل يقوم به

المفروض نمسح كلمه رجاء من قاموسنا

والمفروض القائمين على البرنامج لما يتصل صاحب المشكله في البداله
يقلون له بدون رجاء حدد طلبك فقط
المشكله صاحب المشكله يسترسل في الكلام
والاسترال يجيب بلاوي منها رجاء ومنها شئ اكثر
انا مره سمعت وحده قالت كلام’,’ الف خط احمر عليه

والله يفرج هم كل محتاج

[ام السعف]

والسوال الاول ..

ليه الشكاوي علنيه .. وعلى الهوا دائما ..
لأن في السابق كانت هناك مجاس مفتوحة يدخل المواطن و يتكلم ويجد من يستمع له
فكان يتكلم وكل الحضور في المجلس يستمعون له ، ويخاطب من يخاطب بما يتناسب مع وضعه ونفسيته ، فلم نسمع يوما ان اصحاب المطالب لهم غرفة خاصة يطلبون ويعبرون بها عما يعانون منه . واليوم مع اغلاق كافة الأبواب وعناد المسؤولين وغطرسة الإداريين اصبحت البرامج هذه هي المتنفس الوحيد لأصحاب المطالب .

والسوال الثاني ..

مايطلع عندنا مسئول (يفتر) اخر الليل يشوف احوال الناس ..
( وليش يطلع ؟ ) المهم انهم مرتاحين والشلة حولهم في مجالسهم ، فالشلل هذه تمدح وتبين لهم ان الجميع يعيش في رفاهية ويتمتع بالواسطات التي يتمتع بها من يمدحهم ، وامثال من يتصلون في وطني الحبيب صباح الخير ( ناس ما عندهم عزة نفس ، وذالين عمرهم لتشويه سمعة المسؤولين ) :omen2:
والسوال الثالث

كم عددنا

مليون قطري عطاشى والموارد قليلة

السوال الرابع

ولدك اذا يبغي شي يطلب منك ولا يستخدم (مكبر) المسجد
ولدي بيطلب مني ، بس دام اني امسكرة عليه الباب بيطلب من الخدامة

اتمنى اجابه ..

اتمنى افدتك

[سهم بن سهم]

اتفق وياك أخوي العزيز الوجبة بأن هناك مصطلحات لكم يعرفها الإنسان القطري ولم يستخدمها في الماضي أصبحنا نسمعها ونراها سواء في الإذاعة أو التلفزيون وأصبحت بعض لمصطلحات يستخدمها القطري لاشعوريا وكأنها أمر عادي جدا ومنها مسألة الترجي ( أرجوك ) حيث كلمة أرجوك وأترجاك ياطويل العمر ماكان القطري يقولها في الماضي للشيوخ أو المسؤلين وإعتاد ان يخاطب المسؤلين بأدب ( سلمك الله بغيت اقول لك , طال عمرك أبغي منك تشوف موضوعي .........الخ ) وأتصور بأننا في زمن سنشوف اللهجة القطرية ستصبح غريبة في بلدها .

[تغلبية]

.................

وياليت عاد للبرنامج قوة أو سلطة تقدر تساعده على هالترجي والتذلل لعرض الشكوى أو المشكلة ..
هو بس علشان المسؤولين يسمعون صوتهم .. !!
مايسوى عليهم والله

فيه واحد عزيز قهار هو اللي وده يسمع صوتهم بجوف الليل .. وهو سبحانه اللي بيقضي حاجتهم
موب فلان وعلان .

لاهنت يالوجبة على طرح الموضوع

[غزلان]

الله يعين يمكن يحاولون يوصلون لهم حجم المعاناه

جزاك الله خير

[BusinessGirl]

الله العالم بظروفهم
لكن انا مع ان هذا مو حل
اللي عنده مشكله المفروض يطق الباب الصح
وانا ما اعيب على البرنامج ولا على اللي قايمين عليه
بالعكس ..
جزاهم الله الف خير
واصلا هم ما سووا البرنامج الا تلبيه لطلبات الناس
لكن انا اقول للناس
اللي عنده مشكله خل يروح يشوف
ويدخل عند كل مسؤول له خص في شغله
ويقول مره ومرتين والف
ومعليه اكيد راح يردونه ناس
لكن بعد اكيد الله راح يسخر له ناس طيبين
بيمشون اموره
ويحاول

اممممم فكره البرنامج مو غلط
بس لا اتكون هي اول خطوه يسويها راعي المشكله

خلنا انقووول
اخرررررررررررر حل
ان الواحد يوصل نفسه للاعلام

ولا يرتجي شي غير انه صوته بيوصل بس
لكن بعد الحل مو بيدهم

ومثل ما انطرح الموضوع
حتى طريقه الشكوى لها آداب .. وطرق مو كل من ترجى راح يمشي موضوعه
بسرعه

والله كريم
من يدري يمكن اصحاب الشكاوي جربو كل الطرق
وكانت هاذي اخر طريقه

الله يفرج على الكل ان شاء الله

[ســـهم]

الوجبه

من الذي جعل المتصلين يقولون هذه العبارات ؟

لو لم تكن هناك حواجز ياعزيزي لم يكن هناك برنامج بعنوان وطني الحبيب صباح الخير

أنتهى ......

[نـــــونة]

يمكن ماترجى الا لما ضاقت علية...............الاتصال بوطنى الحبب بحد ذاتة ذل يطر لة المجبور ولا ماكان اتصل من الاساس

[روح-قطر]

ارجووووووووووووك اقرا ردي:) لا تضايق نفسك مادري ليش حسيتك مقهور..

يمكن المتصل رجائه ان موضوعه يتم النظر فيه مو طلب استحسان منهم..

والله ياريت يروحون البنوك ويشوفون كل واحد ومديونيته ياريت يشوفون القطريين اللي ساكنين شقق كان قاعدين بمصر وكم اجاراتها وخدماتها السيئه..

ياريت حد يشوف كل موظف كم سنه يشتغل من 13 سنه وللحين بالتاسعه،، خل يشوفون حال اللي انخصمت رواتبهم بدون حق مجرد تعديل خسف باسر..

خل يمرون عالبيوت يشوفون من ياكل ومن عاف نفسه،، وخل يشوفون البيوت القديمه وشلون بطيح وماعندهم حد يرممها،، وخل يشوفون القطريات الارامل والمطلقات وين ساكنين بالسطوح،، مع هالقانون المعفن عقب 5 سنين نعطيج بيت ليش المطلقه من تخلص عدتها واقفين طوابير عرسان لها حسبي الله ونعم الوكيل..

لكن من بيشوف لا يشوف من بيسمع عمك اصمخ واطرش واعمى..

بس في سؤال محيرني اللي بوطني الحبيب متأكد هي عبير النمر ؟؟

[!الشايمه!]

في الماضي كان البرنامج...يحرج المسؤولين....في اقل الاحوال
فيقومون بالرد للطبطبه على هالاصوات المترجيه....

اليوم حتى الطبطبه.....محد فاضي لها....!

طيب مامبرر استمرار البرنامج....؟

كم سنة مرت على برنامج وطني الحبيب... وكم مشكلة انحلت.....؟

طيب....هل ممكن يكون البرنامج فعال اكثر....اذا كان موجه للجمعيات
الخيرية.....او الايادي الخيرة.....

للتبرع عبرهم لهؤلاء الناس....بعد دراسة احوالهم...؟




تحية

[ابن مانع]

لتوضيح في خطاء في الاسامي
المذيعه القطرية عبير مبارك وليست عبير النمر
والمذيع اعتقد اسمه عادل مب حسن الساعي لانه حسن ترك البرنامج في هالدورة من بداية السنة وخذا برنامج الدار في تلفزيون قطر

[روح-قطر]

وحاليا محمد العمري

[ROSE]

لولا الحاجة ماكان اتصلوا ولولا ان الابواب تسكرت بوجوهم ماكان ترجوا

طبعا معاك في كلامك الرجا من الله سبحانه ومش من البشر

والبشر وسيله لتنفيذ اوامر وقدر الله

ولكني اتعاطف معاهم الواحد لما يكون بحاجه مب عارف شيقول ولا شلون يتصرف

من الضيقة اللي يمر فيها

ولو مب هالاسلوب جان مالتفتوا لهم وقالوا شبلاه يطر ورافع خشمه :rolleyes2:

[KING OF FISH]

أخواني خواتي لاتنسون ان في بداية البرنامج أيقولون كل واحد او كل متصل ومتصلة مسؤلة عما تقول مسؤلية تامة هم فقط جهة تستقبل المكالمة فقط وباقيالجهات المسؤلة عندهم اشخاص يسجلون ويستمعون لهذه المكالمات وسلامتكم .

[دون سيرفانتس]

احيانا الحاجة
تكسر عزة النفس

[رهج السنابك]

واحد يقول نداء استغاثه لعبير النمر وحسن الساعي .. المهم انا هنا ابغي ارسل رساله من موضوعي هذا

واعتقد بتوصل الرساله ..

سيدنا عمر رضي الله عنه كان يمر بالليل يشوف احتياجات الناس ويسال عن احوالهم وضروفهم .. ما كان يصبح بهم ..

سبحان الله على عدد (المليارديريه عندنا ) وعدد (المسئولين) ما طلع واحد فيه هذي (الخصله)

بس واحد .. ما قلنا الكل ..

ما ادري (تستحون) من حل مشاكل الناس ومساعدتهم .. يطلع القطري كل يوم ويشتكي في برنامج

الكل يسمعه حتى اللي في بلاد فارس على الساحل.. راس ماله خبز ايراني وراديو كسرنا خاطره ..

مافيه جهه تستلم كتب وتشوف حاله الناس وظروفهم .. ليه ينزل القطري لمستوى انه يقول

(نداء استغائه لعبير وحسن) .. مع احترامي للمذيعين .. لكن ايش الهدف من هذا ..

وين دور (الديوان) في حل المشاكل .. وين دور اللي (منتخبينهم) من مجالس بلديه في توصل

مشكله شخص معين .. وين دور وجهاء القبائل في حل مشكله افراد قبيلته وايصالها للمسئولين

وهل الاخت عبير او الساعي عندهم (القوه) لحل مشاكل الناس .. يعني انا اذا عندي مشكله

اتصل بالساعي على الهاتف او موقعهم الشخصي واعمل نداء استغاثه لهم ويردون عليك مشكلتك

انحلت .. يعني ما تنحل الا بالتشهير والصراخ .. والله عيب ..

والسوال الاول ..

ليه الشكاوي علنيه .. وعلى الهوا دائما ..

والسوال الثاني ..

مايطلع عندنا مسئول (يفتر) اخر الليل يشوف احوال الناس ..

والسوال الثالث

كم عددنا

السوال الرابع

ولدك اذا يبغي شي يطلب منك ولا يستخدم (مكبر) المسجد

اتمنى اجابه ..

هذا الرد المفروض يفرد له موضوع خاص

وين دور الديوان - اعضاء المجلس البلدي - وجهاء القبائل !!

الجواب : كلهم مسكرين بيبانهم

ولولا هالمساكين مالقوا الا هالحسن وهالعبير وهالبرنامج ( الخجول) الصباحي مالقوا احد يوصلون مطالبهم ..
وكله كوم واعضاء المجلس البلدي كوم .. وحجتهم ان سلطتهم محدوده مايقدرون على شي .. عيل ليه حاطينهم ؟ مجرد شكل !!

[ريم المدينة]

واحد يقول نداء استغاثه لعبير النمر وحسن الساعي .. المهم انا هنا ابغي ارسل رساله من موضوعي هذا

واعتقد بتوصل الرساله ..

سيدنا عمر رضي الله عنه كان يمر بالليل يشوف احتياجات الناس ويسال عن احوالهم وضروفهم .. ما كان يصبح بهم ..

سبحان الله على عدد (المليارديريه عندنا ) وعدد (المسئولين) ما طلع واحد فيه هذي (الخصله)

بس واحد .. ما قلنا الكل ..

ما ادري (تستحون) من حل مشاكل الناس ومساعدتهم .. يطلع القطري كل يوم ويشتكي في برنامج

الكل يسمعه حتى اللي في بلاد فارس على الساحل.. راس ماله خبز ايراني وراديو كسرنا خاطره ..

مافيه جهه تستلم كتب وتشوف حاله الناس وظروفهم .. ليه ينزل القطري لمستوى انه يقول

(نداء استغائه لعبير وحسن) .. مع احترامي للمذيعين .. لكن ايش الهدف من هذا ..

وين دور (الديوان) في حل المشاكل .. وين دور اللي (منتخبينهم) من مجالس بلديه في توصل

مشكله شخص معين .. وين دور وجهاء القبائل في حل مشكله افراد قبيلته وايصالها للمسئولين

وهل الاخت عبير او الساعي عندهم (القوه) لحل مشاكل الناس .. يعني انا اذا عندي مشكله

اتصل بالساعي على الهاتف او موقعهم الشخصي واعمل نداء استغاثه لهم ويردون عليك مشكلتك

انحلت .. يعني ما تنحل الا بالتشهير والصراخ .. والله عيب ..

والسوال الاول ..

ليه الشكاوي علنيه .. وعلى الهوا دائما ..

والسوال الثاني ..

مايطلع عندنا مسئول (يفتر) اخر الليل يشوف احوال الناس ..

والسوال الثالث

كم عددنا

السوال الرابع

ولدك اذا يبغي شي يطلب منك ولا يستخدم (مكبر) المسجد

اتمنى اجابه ..


وجهاء القبائل!!

ناس وايد ما تبي تسوي الخير اصلا فما بالك بهالناس اللي يعتبرونهم طراروة :eek5:

االحل: دراسة الحالة و عقب نتبرع لهم حتى نعرف اللي يستاهل و اللي ما يستاهل :strong

وشكرا عالموضوع....

[ANONYMOUS]

صــادق