هل تقبلين الزواج من رجل متزوج؟؟؟

[بدون]

السلام عليكم ورحمة الله وبركاته

سؤال ابي اوجه للبنات وابيكم تجاوبون عليه وتناقشونه مع الشباب بكل صراحة وموضوعية

( هل تقبلين الزواج من رجل متزوج؟؟؟ )

وابي اسباب الرفض أو القبول؟؟

كما ارجو من الشباب النقاش على ردود الفتيات بموضوعية وايجابية

يعني بدون ما يكون فيه عصبية على أراء البنات (هم بيقولون آر ائهم الخاصة و احنا نحترم هذي الآراء)

تحياتي لكم

[alrheeb2020]

ننتظر اراء البنات علشان اناقشها ..

والله يعطيك العافيه عالطرح

[بنت ذياب]

عسى ماشر :(

حرااام ..

شذنبها زوجته وعياله

يعني مثل ما المرة ماترضى الريال يتزوج عليها

اكيد مابرضاها على غيري

وبعدين الوحده تفكر بالعواقب الوخيمه خخخ

انواع المشاكل ,,اللي بتصير .. والاولى بتسوي اي شي عشان يرجع لها ريلها ..

لاتنسون السحر منتشر هالايام .. عادي بيسحروني ..ويقلبوني ضفدع:looking:<< وين رحت انااا .. خخ :( بس كل شي جايز ..

فـ ليش اعرض نفسي للتهلكة :(

ودايما مصير الزوجة الثانيه الطلاق

لان الريال مش مستعد يخسر عياله عشان سواد عيون الثانيه



باختصار : لااا :)

[العلم الوكاد]

كان ودي تضيف سؤال ثاني موجهة للشباب

(هل تقبل الزواج من مطلقة؟)

على اساس ان نوازن بين الردود ونقارنها

[إينشتاين]

يعني أذا الوحدة طافها قطار الزواج وبدأ شبح العنوسة يخيم عليها
وتقدم لها رجل الله ميسر عليه مادياً يقدر يطلعها في بيت بروحها
ومايكون فيه احتكاك مع زوجته الأولى وتكون عارفه إن هالرجل فيه خير
المفروض ماتقول لا
والي بتقول لا هذا اسميه خبال

[شموووعة]

يعني أذا الوحدة طافها قطار الزواج وبدأ شبح العنوسة يخيم عليها
وتقدم لها رجل الله ميسر عليه مادياً يقدر يطلعها في بيت بروحها
ومايكون فيه احتكاك مع زوجته الأولى وتكون عارفه إن هالرجل فيه خير
المفروض ماتقول لا
والي بتقول لا هذا اسميه خبال


:nice::nice::nice: كلام عين العقل ..

[بدون]

كان ودي تضيف سؤال ثاني موجهة للشباب

(هل تقبل الزواج من مطلقة؟)

على اساس ان نوازن بين الردود ونقارنها

ولا يهمك ياالعلم الوكاد وهذا السوال الثانى للشباب (هل تقبل الزواج من مطلقة؟)

[hamoor4ever]

ولا يهمك ياالعلم الوكاد وهذا السوال الثانى للشباب (هل تقبل الزواج من مطلقة؟)

:) كزوجه ثانيه اكيد اقبل حتى لو كانت مطلقه

بس بالنسبه للموضوع اتوقع اغلب البنات يوافقون بالزواج من متزوج اذا كان الزوج ذو حاله ماديه ممتازه او يكون شخص ذو نفوذ وسلطه

[BusinessGirl]

هلا اخوي

اذكر مره خذت مقرر ( ثقافه اسلاميه ) في الجامعه >>اكيد في الجامعه يعني في الروضه مثلا
المهم كان في امتحان شفهي
اول ما دخلت
قالي الدكتور
بعد ما سئلني عن كم من دليل

قالي يا بيزنس جيرل
انتي متزوجه ؟؟>>تشققت قلت يمكن شاف لي ولد الحلال
قلت : لا
قال انزين ترضين تتزوجين واحد متزوج ؟؟
او ترضين اذا زوجتي زوجج يتزوج عليج؟؟
قعدت افكر افكر في الدرجات

قلت ايوه ارضى .. هاي شي حلال وعادي

قالي يا بيزنس جيرل لا تخافين مب منقصج درجات
بتوافقين ؟!!

قلت له ما في درجات
قالي ايوه
قلت لالالالالالالالالالالالالالالالالالالالالالالالالا لالالالالالالا
ومليوووووووووووووووووووووووووووووووووون
لالالالالالالالالالالالالالالالالالالالالالالالالا لالالالالالالالا

مستحيييييييييييييييييييييييييييييييييييييييييييييي ييييييل

مسكين ضحك قالي خلاص خلص امتحانج <<<خاف لا يغمى علي

الحين ليش قلت هالقصه ما ادري بس تذكرتها
نفس السؤال

بصرااااااااحه
لالالالالا صعبه
يعني نفسيا كل انسان في غريزة حب التملك لاي شي
حتى البيبي الصغير اذا عنده لعبه ما يحب احد يشاركه فيها >>توه ولد اختي جار شعر اختي الصغيره
اجيب لكم امثله من واقع الحياه

فما بالكم في الانثى
يعني نفسيا ما اتحب احد يشاركها في زوجها
اذا المره اتغار من النت والتلفزيون والربع
اشلون من زوجه ثانيه
واولاد

هاي نفسيا

بعدين مستحيل الريال لي تزوجت اكثر من وحده
انه بيحبهم نفس الشي
اكيد راح يميل بعواطفه لوحده على حساب الثانيه
حتى لو كان ظاهريا يعدل بينهم
ودايما اي بنت قبل لا اتوافق اتخاف من هالنقطه
بكره ما يندرى هو بيميل لمين ؟؟
لها والا حق غيرها ؟؟

بعدين
بتخاف الوحده على نفسها واعيالها من هالجو
كل وحده تتمنى حق اعيالها ابو
يهتم فيهم طول الوقت وما يشوف غيرهم

هذا غير ان تكلمنا في تفاصيل ثانيه .. يعني الفلوس ونظره المجتمع يعني هاذي المواضيع معروفه

لكن ما يمنع ان في ظروف
اتخلي لواحد يغير رايه
اليوم لان مرتاحين ومو تحت ضغوط هذا راينا
من يدري بكره ايش بيصير
في ظروف انسانيه ثانيه

يعني مثلا يكون واحد يبي يطلق زوجته الاولى بس يدري ما عندها اهل
والا خايف على اعياله
تكون على ذمته لكن عاطفيا منفصلين >>احلى يا عاطفيا

يعني ممكن في ظروف معينه

لكن اذا كان السؤال في الظروف العاديه

انا راي ( لا )

وشكرا ..

[بنت ذياب]

:) كزوجه ثانيه اكيد اقبل حتى لو كانت مطلقه

بس بالنسبه للموضوع اتوقع اغلب البنات يوافقون بالزواج من متزوج اذا كان الزوج ذو حاله ماديه ممتازه او يكون شخص ذو نفوذ وسلطه

انتوا ليش حسبالكم ان بنات هاليومين .. تهمهم الفلوس .. واهم شي تتزوج واحد عنده منصب

حتى لو متزوج وشايب !!

شدعوه .. مالها قلب ..!! ماتحس .. شتبي بفلوسه ..!! اهم شي تعيش حياه هادئة حلوة مع شخص يحبها وتحبه .. مو مع واحد ماتحب الا فلوسه

اصلا هاذي مب حياااة !!!

وبعدين ياخوي .. نادر ماتحصل وحده تفكر بهالطريقة الغبيه .. :( !!

[حقيقه]

عادي
ومب شرط تكون عانس او مطلقه

حتى الصغيره توافق على هالموضوع

بس اهم شيء يعدل بين الاثنين ويكون لها بيتها المستقل وحياتها الخاصه

تاخذ لها رجال متزوج وحالته الماديه اوكي وعاقل احسن من شباب هاليومين

[BusinessGirl]

انتوا ليش حسبالكم ان بنات هاليومين .. تهمهم الفلوس .. واهم شي تتزوج واحد عنده منصب

حتى لو متزوج وشايب !!

شدعوه .. مالها قلب ..!! ماتحس .. شتبي بفلوسه ..!! اهم شي تعيش حياه هادئة حلوة مع شخص يحبها وتحبه .. مو مع واحد ماتحب الا فلوسه

اصلا هاذي مب حياااة !!!

وبعدين ياخوي .. نادر ماتحصل وحده تفكر بهالطريقة الغبيه .. :( !!


وانا اشهد يا بنت ذياب
صدقتي
كلامج صح 1000%
ما قصرتي

[وارث العز]

كان ودي تضيف سؤال ثاني موجهة للشباب

(هل تقبل الزواج من مطلقة؟)

على اساس ان نوازن بين الردود ونقارنها


بالعكس اشفيها المطلقة يمكن العيب مب فيها بس لو عندها اولاد مشكلة

[hamoor4ever]

انتوا ليش حسبالكم ان بنات هاليومين .. تهمهم الفلوس .. واهم شي تتزوج واحد عنده منصب

حتى لو متزوج وشايب !!

شدعوه .. مالها قلب ..!! ماتحس .. شتبي بفلوسه ..!! اهم شي تعيش حياه هادئة حلوة مع شخص يحبها وتحبه .. مو مع واحد ماتحب الا فلوسه

اصلا هاذي مب حياااة !!!

وبعدين ياخوي .. نادر ماتحصل وحده تفكر بهالطريقة الغبيه .. :( !!

هممم عيل نسبه الاغبياء كثيره اذا كان هاذه رأيج ، عموما تجارب الشباب في هالمجال كثيره ومايسعني ذكرها وهي موجوده فالكثير من الخلافات كانت على مبلغ المهر او قله راتب الرجل واحفظ الكثير من القصص الواقعيه لكثير من اصدقائي ومعارفي . واحد اسباب توجه الكثير من القطرين للزواج من الخارج هو بسبب المهر ومصاريف الزواج وهاذه واقع وموجود ولا يستطيع حد انكاره

شكرا اختي

[روح-قطر]

ماقبل لسبب بسيط يمكن راحت فرصتي بالزواج وسني كبير باتزوج متزوج علشان الاستقرار واليهال لكن السؤال اذا بيحط على راسي ثالثه بيوقف قلبي بصراحه مابرضى اخرب على الاولى ولا اتمنى يصير لي نفسها:)

[ســـهم]

ماقبل لسبب بسيط يمكن راحت فرصتي بالزواج وسني كبير باتزوج متزوج علشان الاستقرار واليهال لكن السؤال اذا بيحط على راسي ثالثه بيوقف قلبي بصراحه مابرضى اخرب على الاولى ولا اتمنى يصير لي نفسها:)


ليش انتي الثانيه :secret:

[طماطه]

بجاوب باختصار .. ( لااااااااااااااا ) ..

السبب : كل وحده فيها غريزه الغييييييره .. فشلون بترضى الوحده تاخذ لها نصف رجل .. مب كليووووم في بيتها .. احسهااا صعبه وااااايد ..

الله يحفظ لنا بيوتنا ..

[دلوليانوز]

امم..والله حاليا الناس ادور اللي يتزوج

والبنت اذا حست القطار عدى


اكيد بتشاور عقلها..يعني مافي غيره


اكيد بتوافق


وفي بنات لا ..يهم عندهم المهر...وما له من ممتلكات

وتبي ترتاح..ما تبي تتعب

وهاي بتوافق

اما اللي تنطر اتكون الاولى في حياته...هاي اكيد ايمان بالله كبير...

وبالنهاية هاي مثل ما يقولون

الزواج - الرزق - الموت..
من الله

[طلعة الروح]

الزواج قسمه ونصيب بس حقيقة مارضى اتزوج شخص متزوج وعنده عيال
:shy: بعدين انا فكرتي بشريك الحياه انه انسان اعزب وبالكثير مطلق.. متزوج وبو عيال يجابل بيته وعياله احسن له:nice:
عموما الزوجه الثانيه في اغلب الحالات تكون زيجتها under risk لانه اغلبهم يتزوجون الثانية تحت تأثير نزوه ومش ذاك السبب القوي والهادف اللي بيخليه يتمسك فيها نفس ماهو الحال مع اسرته الاولى:no2: يعني باختصار شديد بتصير مشاكل وغيره من قبل الاولى او الثانيه خاصه لو الزوجه الاولى كانت معارضه او مب داريه بزواج ريلها او ماقدر يعدل بينهم وانا انسانه احب اشتري مخي حتى لو اضطريت اقعد فبيتنا وسافر القطار بعيداً ولوو:shy:

[جراح]

يا جماعة انتوا تتناقشون في موضوع مش محتاج الى اراكم لان الشرع واضح في هالموضوع

الاصل في الزواج هو التعدد مثنى وثلاث ورباع مع توفر شرط العدل والا زوجة واحدة

والدين حث البنت واهلها على ان يقبلوا بمن يرضو بدينه وخلقه ولم يشترط ان يكون اعزب

وللاسف في مجتمعنا اصبح الذي يتزوج بثانية كأنه ارتكب جريمة ربما من تأثير الافلام والمسلسلات العربية.

والمشاكل اللي تتكلمون عنها بعد الزواج دليل على ضعف الرجل

فالرجل لابد ان يكون قادر على توفير حياة هنيئه وكريمه للطرفين

واللي بتخالف هالقواعد اتحمل نتيجة خطأها

[الشاااهين]

بصراحه موضوعك حلو بس ماعندي اي تعليق "متفرج جيد"
:omg::eek5::omen2::discuss:

:nice:

[دلوعه امها]

اي عادي بس اهم شي يكون عادل ومايقصر في حق احد وعادي ياخذ الثالثه والرابعه لانه من حقه وحلال

[hemoud123]

زواج الرجل من امرأه ثانيه عادة يعود بالفايده على الجميع , شلون ؟ اقول لكم
عادة الرجل يقدم على الزواج مره ثانيه بعد مرور عشر سنوات اكثر او اقل على زواجه الاول , هذا اذا لم يكن هناك اسباب قهريه اخرى , بعد كل هذه السنين يتسلل الملل والرتابه الى الحياة الزوجيه , فعند زواج الرجل يحصل التالي غالبا
الزوج : يجدد حياته , ويكتشف صفات حلوه في زوجته الاولى ما كان بيعرفها لو انه لم يتزوج من اخرى , وهذا يرفع قدرها عنده ويزيد حبه لها .
الزوجه الاولى : تكتشف مواطن القصور في حياتها ,يخف الضغظ عليها , وجود شريكه يحملها على مضاعفة الجهد في اثبات انها الافضل ,
الزوجه الثانيه : الانظمام الى قطار الزواج وحياة جديده , دلال كثير من طرف الزوج بحكم انها الجديده
المهم الكل مستفيد , اتوا بس ابعدوا عن الافكار اللي تبثها المسلسلات وراح نكون بخير
وشكرا لصاحب الموضوع

[هتـان قطر]

نبي نكون واقعيين وما نظلم اي احد من الطرفين

كوني زوجة اولى وطبعا اتمنى من كل قلبي اني اكون الاولى والاخيرة

ولكن ما نضمن الايام ايش مخبية لنا..

ولكن لو اراد زوجي الزواج علي " اكيد بكون غير راضية " ولكن لن امنعه

لان في يوم من الايام يمكن تكون وحدة من بناتي فاتها قطار الزواج

او سبحان الله جا نصيبها عند رجل متزوج من قبل..فشي طبيعي ان كان الرجال

فيه خير بوافق على زواج بنتي من رجل متزوج ولكن بعد شروط بيني وبينه

لضمان سعادة بنتي وسعادة الزوجة الاولى..

الوضع صعب على الزوجة الاولى ولكن هذي حكمة الله وما لنا اعتراض عليها

[hemoud123]

نبي نكون واقعيين وما نظلم اي احد من الطرفين

كوني زوجة اولى وطبعا اتمنى من كل قلبي اني اكون الاولى والاخيرة

ولكن ما نضمن الايام ايش مخبية لنا..

ولكن لو اراد زوجي الزواج علي " اكيد بكون غير راضية " ولكن لن امنعه

لان في يوم من الايام يمكن تكون وحدة من بناتي فاتها قطار الزواج

او سبحان الله جا نصيبها عند رجل متزوج من قبل..فشي طبيعي ان كان الرجال

فيه خير بوافق على زواج بنتي من رجل متزوج ولكن بعد شروط بيني وبينه

لضمان سعادة بنتي وسعادة الزوجة الاولى..

الوضع صعب على الزوجة الاولى ولكن هذي حكمة الله وما لنا اعتراض عليها

احكم واعقل تعلق قراته في الموضوع مع احترامي للجميع

[رفيق الغيم]

يعني أذا الوحدة طافها قطار الزواج وبدأ شبح العنوسة يخيم عليها
وتقدم لها رجل الله ميسر عليه مادياً يقدر يطلعها في بيت بروحها
ومايكون فيه احتكاك مع زوجته الأولى وتكون عارفه إن هالرجل فيه خير
المفروض ماتقول لا
والي بتقول لا هذا اسميه خبال
كلام العقل وهاى الصح

[ANONYMOUS]

كل ما زاد العمر حق البنت زادت التنازلات

يعني في البدايه البنت تبي شاب اعزب بوظيفه محترمه مع بيت مستقل وخادمه و و و و الخ

وكل مازاد عمرها تتنازل عن بعض هالامور

توصل حق حد معين وتقول ظل راجل ولا ظل حيطه

اما من كابرت ورفضت الزوج المشترك

ف خلها ببيت ابوها بين اربع طوف لا ولد ولا سند ولا تلد بكيفها

طبعا بنلاقي بنات وايد "يقولون" اتم ببيت ابوي ولا اخذ رجل اب هالمواصفات وهذيلا غالبا متزوجات او كرتهم محروق او اسباب اخرى .. جل اهتمامهم انهم يخربون على البنات العازبات او خل نقول اللي تنطبق عليهم المواصفات للزوجه الثانيه..

في نهاية اليوم اهي الخسرانه

والرجل بيحصل افضل منها بنت ناس وتبي الستر ومحترمه واخلاق وترضى تكون زوجه ثانيه

[فريج النصر]

السلام عليكم الموضوع هل تقبلين يعني للبنات ولاكن هناك كثير ملاقيف لان الموضوع للبنات ولاكن الاولاد دخلوا وشاركوا ولاكن عن نفسي اشوف انهو ممكن البنت تتزوج ولاكن ان يكون رجال حتى لو مرة ثانية ولاكن سوف يقدم نزلات مثل ماقال الاخو الذي اسمهو انجلينجزي فوق ردي ولاكن الستر مطلوب وشوكرا

[حرقطر]

متابع وبقوه وخاص موضوع المطلقات

لانهم منهم من يفقد الحياه ولا يعيد التجربه

[فريج النصر]

متابع وبقوه وخاص موضوع المطلقات

لانهم منهم من يفقد الحياه ولا يعيد التجربه

السلام عليكم ماهو قصدت اخوي من هاذا كلام اللي كتبته لاني لم فهمته وشوكرا

[ودي أكون]

والله صعبه ..

لاني ان تزوجت اكيد ابي زوجي يكون لي انا بس .. وماافكر ابد وحده اتشاركني فيه .. لاني بموت من غيرتي عليه .. :shy:

[بوحارب]

بنات تكفوا قولوا ايه انوافق <<< متزوج بس صغنون خخخخخخخخخخخخخخخخخخخخخخخخخ


حطمتني الردود ههههههههه

[امل الحب]

لا.. :)

لان هالشي مارضاه بنفسي ان حد يخرب علي سعادتي وراحتي وتشاركني وحدة ثانية .. شلون اقبل بهالشي على بنت الناس ..

المتزوج يجابل بيته ابرك من التفكير فالثانية لان غالبا يكون نزوة وتمر وتنتهي بينهم العلاقة شالفايدة ؟؟

[ريم المدينة]

انتوا ليش حسبالكم ان بنات هاليومين .. تهمهم الفلوس .. واهم شي تتزوج واحد عنده منصب

حتى لو متزوج وشايب !!

شدعوه .. مالها قلب ..!! ماتحس .. شتبي بفلوسه ..!! اهم شي تعيش حياه هادئة حلوة مع شخص يحبها وتحبه .. مو مع واحد ماتحب الا فلوسه

اصلا هاذي مب حياااة !!!

وبعدين ياخوي .. نادر ماتحصل وحده تفكر بهالطريقة الغبيه .. :( !!


من صجج؟؟

اعرف ناس واااااااايد يدورون المتزوجين !!!

اللي ترضى تتزوج متزوج هاي وحدة ادور حنان الاب ما تبي ريل تبي ابو :secret:

الله يكافينا شر هالاشكال...

[أم جابر]

لن لن ولن ارضى انا امووووت في زوجي لدرجة انه حتى لو راح الدوام اشتاق اشوفه شلون وهو بعيد عني وانا ادري انه عند وحده ثانيه مستحيل *_*
بل في حالتي يمكن انجلط وقتها كيفه خل يتزوج لو يبي

[شموخ وبس]

زواج الرجل من امرأه ثانيه عادة يعود بالفايده على الجميع , شلون ؟ اقول لكم
عادة الرجل يقدم على الزواج مره ثانيه بعد مرور عشر سنوات اكثر او اقل على زواجه الاول , هذا اذا لم يكن هناك اسباب قهريه اخرى , بعد كل هذه السنين يتسلل الملل والرتابه الى الحياة الزوجيه , فعند زواج الرجل يحصل التالي غالبا
الزوج : يجدد حياته , ويكتشف صفات حلوه في زوجته الاولى ما كان بيعرفها لو انه لم يتزوج من اخرى , وهذا يرفع قدرها عنده ويزيد حبه لها .
الزوجه الاولى : تكتشف مواطن القصور في حياتها ,يخف الضغظ عليها , وجود شريكه يحملها على مضاعفة الجهد في اثبات انها الافضل ,
الزوجه الثانيه : الانظمام الى قطار الزواج وحياة جديده , دلال كثير من طرف الزوج بحكم انها الجديده
المهم الكل مستفيد , اتوا بس ابعدوا عن الافكار اللي تبثها المسلسلات وراح نكون بخير
وشكرا لصاحب الموضوع

الله 0000 شكلك متزوج اكثر من وحدة او يمكن لا عموما حلو الواحد يتكلم من واقع تجربته
مو بس كلام وعلى فكره رياييل قبل مو نفس رياييل احين

[شموخ وبس]

انا عني لو حطيت نفسي مكان وحده عانس وجاني متزوج يبي يتزوجني باخذه ليش لا ء طبعن مايكون امنتف لانه في النهايه بيخليني اطلع عشان اشتغل واتعب وانا ابي ارتاح ابيه اهوا يصرف علي مو انا الكداده
يكون متوسط اهم شي يستر علي وعيالي

وعن تجربتي كمتزوجه صج اعصب وازعل بس في النهايه بارضى ولا يطيحلي في الحرام اييبلي امراض الدنيا 0000 جذي والا جذي الرياييل اكثر شي برا

والذكيه حتى لو تزوج ريلها تعتبره جنها محد مو عالطالع والنازل مرتك ومرتك
صج احساس كريه يكون عندج جريجه بس any way لازم اعيش حياتي

وعن الرياييل اول يبون وحده اتييبلهم عيال وايد واحين يبون اكثر شي منظر وجسم

[$الفارس$]

والله يربع انا ابي اتكلم حول الزواج الثاني انا اشوف اهم شي ان يكون الرجل عادل ومنصف وذا حكمه وذيب وليس معيبا ان يلجا احيانا يكون ثعلبالارضاء الطرفين او لاغلاق بعض ابواب الشروان يكون ذو مقدره على فتح بيت ثاني هذه من الاولويات وان يكون زوج ابدي ليس غريزي فقط
2- المطلقه لايوجد مانع من الزواج منها لكن لابد من معرفة سر الطلاق فقط فهي قد تكون مظلومه من الرجل الاولي وهذه صايره في مجتمعات اليوم ولا يوجد اي نقص فيها ربي يوفق المطلقه واللي ناوي على الثانيه بس هااا لحد يسسسمعك كن حذراااااااااااااااااااااااااااااا

[جوال 11]

كثرة العوانس أصبحت مشكلة ولا بد من حلها ولايوجد حل الا بالتعدد رغبت الشابة أم أبت، الشاب يرغب الأرتباط بشابة من عمره ولكن من لم تتزوج بسبب معارضة الأهل أو بسبب الدراسة لا يوجد الا الرجل المتزوج .
والله يوفق من يريد أن يستر على بناته .

[~~ الدانـه ~~]

اكيد اوافق

المتزوج له جاذبيه خاصه ، شخصيته متزنه وعنده خبره في التعامل مع المره

واكثر وعي في مواجهة المشاكل الزوجيه

المعضله مو فينا ، في الزوجات الانانيات الي يحرمون ما أحله الله كأن الرجال انخلق لها بروحها

وياليت قايمه بواجباتها معاه ........ اهمال وتقصير وجهل في التعامل ومنكده عليه عيشته

وفوق هذا كله خاشته في التجوري ياويله لو بس فكر بالثانيه ممكن تقتله وتنتحر :eek5:

[حرقطر]

السلام عليكم ماهو قصدت اخوي من هاذا كلام اللي كتبته لاني لم فهمته وشوكرا

اقصد اخوي ان بعض المطلقات يفقدون الثقه في الرجل ولا تعيد التجربه مره اخرى في الزواج

[ROSE]

اكيد اوافق

المتزوج له جاذبيه خاصه ، شخصيته متزنه وعنده خبره في التعامل مع المره

واكثر وعي في مواجهة المشاكل الزوجيه

المعضله مو فينا ، في الزوجات الانانيات الي يحرمون ما أحله الله كأن الرجال انخلق لها بروحها

وياليت قايمه بواجباتها معاه ........ اهمال وتقصير وجهل في التعامل ومنكده عليه عيشته

وفوق هذا كله خاشته في التجوري ياويله لو بس فكر بالثانيه ممكن تقتله وتنتحر :eek5:

ههههههههههههههههههههه حلو هالرد

ورد هتان عجبني عقلاني

[ROSE]

انا عن نفسي خذت نصيبي وانتهى


بتكلم عن بنتي


للحين صغيره على سن الزواج

ولكن ان تقدم لها شخص متزوج وهي راضيه انا برضى بشرط

ان زوجته الاولى تدري وموافقة بهالشكل بضمن ان بنتي ماراح تطيح في مشاكل مالها اول ولا تالي

اما ان يتقدم لها شخص متزوج ويقول هله مايدرون فطبعا الرفض بيكون مصيره


الزواج سنة وكل شخص بياخذ نصيبه ،، سواء متزوج اعزب الواحد مايدري شاللي ربه كاتب له

اللي بيعترض بيتعرض من اليوم لبكره واللي بتقول لا ماارضى لو جاها نصيبها بتقول ايه وهي مغمضه

واللي بتقول ماارضى زوجي يتزوج ،، ماتدري شاللي الله كاتبه لها

بخصوص اللي تحب زوجها مووت وتغار عليه اتوقع لو زوجها تزوج من حبها له

راح ترضخ في النهاية لو فعلا حبها له حب حقيقي مش كلام وغيره وخلاص

والله يخلي كل زوج لزوجته ويزوج كل عازبه تدور زوج

:nice::nice:

[ذكي جدااا]

اذا تزوج الرجل من ثانيه هناك احتمالين يا اما تجيه مشاكل او تستقر حيااته


اذا جاته مشاكل بتنتهي بالطلاق وانتهينا اذا استقرت حالته هناك احتمالين يجيب اعياااااال او ما يجيب اعيااال

اذا ما جاب اعيال انتهينا لكن اذا جااب اعيال هناك احتمالين يا أما تكبر اسرته او يفلس اذا فلس انتهينا اذا كبرت اسرته هناك احتمال واحد

بيزيد عدد الشعب اذا زاااد عدد الشعب هناك احتمالين يا اما الذكوور بيزيدون يا اما الانااث بيزيدوون اذا زاد الذكور قضينا على العنوسه


السؤؤؤال اذاا زادت الانااااث توهقنا وزادت نسبة العنوسه ؟؟؟؟

[Just a Gurl]

اللي بياخذني ثانيه،،، 50٪ ممكن ياخذ علي ثالثه:)
ابعد عن الشر وغنيلووو :)....

[مسكين قلبي]

انا عن نفسي خذت نصيبي وانتهى


بتكلم عن بنتي


للحين صغيره على سن الزواج

ولكن ان تقدم لها شخص متزوج وهي راضيه انا برضى بشرط

ان زوجته الاولى تدري وموافقة بهالشكل بضمن ان بنتي ماراح تطيح في مشاكل مالها اول ولا تالي

اما ان يتقدم لها شخص متزوج ويقول هله مايدرون فطبعا الرفض بيكون مصيره


الزواج سنة وكل شخص بياخذ نصيبه ،، سواء متزوج اعزب الواحد مايدري شاللي ربه كاتب له

اللي بيعترض بيتعرض من اليوم لبكره واللي بتقول لا ماارضى لو جاها نصيبها بتقول ايه وهي مغمضه

واللي بتقول ماارضى زوجي يتزوج ،، ماتدري شاللي الله كاتبه لها

بخصوص اللي تحب زوجها مووت وتغار عليه اتوقع لو زوجها تزوج من حبها له

راح ترضخ في النهاية لو فعلا حبها له حب حقيقي مش كلام وغيره وخلاص

والله يخلي كل زوج لزوجته ويزوج كل عازبه تدور زوج

:nice::nice:
بارك الله فيك
كلام جميل الله يسعد الجميع

[وليف قطر]

متابع

بعض الردود فلله :p

[♣شيبةالنخرة♣]

انا ما اكره شي قد ما اكره البنت اللي تعرض نفسها للزواج بالعافيه و تبي ازواج الحريم غصب طيب

المراه عرفناها بالسحا و الحشمه و تعف نفسها بكل الطرق وبلاش عرض الانفس


المهم نرجع لمحور الحديث


كرجل: ان كنت مطلق خذيت مطلقه لكن ان كنت اعزب لا و كله على حسب البنت في النهاية وكيف اسلوبها واخلاقها وطباعها و قلبها وقبل كل هذا دينها طبعا :)

[هدهد سليمان]

في كم رد يفتح النفس على الثالثه :shy:

[× الجــوري ×]

انه لا اقبل ولن ولم :(شلي بالمشاكل وعوار الراس والحنه :(
ولكن اختصر الرد بان الزواج قسمه ونصيب يعني اذا الله رايدلي اتزوج فلان باتزوجه قصبن عني ان شالله تكون عيوب الدنيا كلها فيه والعكس صحيح لوكان رجال خلوق ومحترم وكل الصفات الطيبه فيه والله مو كاتبه لي مراح اخذه لو اجتمعت الانس والجن فيه
الله يكتب الي فيه الخير للجميع

[المغروره]

انا اقبا بشرررط يعدل

[دانـة قطـر]

نهي

ما ابني سعادتي على تعاسة غيري

بعدين أنا وحده ما احب احد يشاركني في شي يخصني حتى أغراضي ما احب حد يشاركني فيهم أبداً :rolleyes2:

والله يرزقنا ويرزقكم الازواج الصالحين :)

[ماريسا]

على حسب.. اذا بتزوج عن حب.. مستحيل أفكر بحد متزوج حتى أتزوجه اذا بحياته وحدة ثانية..
بس اذا الشخص سبشل يعني واحد متدين و يخاف ربه و قادر مادياً و عارفه انه بيعدل بيني و بين زوجته الاولى ممكن اقبل به.. بس من غير حب عشان مايكون في غيرة و مشاكل مع الزوجة الثانية..و قبل كل شي.. علم الزوجة الاولى بالزواج و موافقتها و مباركتها للزواج.. مب بكرة تكرهني و اذا صار لي شي لا قدر الله ممكن تأذي عيالي

[شمعة الدوحه]

طبعا لاااااااااااااا :nice:

اللي ماأرضاه لنفسي ماراح ارضاه لغيري ..

وانا ماابي احد يشاركني في زوجي وخاصه اذا كنت احبه:shy:

[unless]

بصراحة انا كرجل ماعندي مشكلة اتزوج الثانية ..داخل عرض
فعلاً بعض الردود اكشفت حقيقة اصحابها يااااااه ايش كانت الفكرة
وايش صارت اذكر ان ام لعيال اعرضت علي اتزوج صديقتها..
طبعاً ما وافقت ليش اني اذا ابي اتزوج انا اختار عن قناعة مش
يقترحون علي اي نعم هذا زواج مش حلبة عواطف..هاه ايش
رايكم فحل ولا..

[Sharshooooor]

على حسب.. اذا بتزوج عن حب.. مستحيل أفكر بحد متزوج حتى أتزوجه اذا بحياته وحدة ثانية..
بس اذا الشخص سبشل يعني واحد متدين و يخاف ربه و قادر مادياً و عارفه انه بيعدل بيني و بين زوجته الاولى ممكن اقبل به.. بس من غير حب عشان مايكون في غيرة و مشاكل مع الزوجة الثانية..و قبل كل شي.. علم الزوجة الاولى بالزواج و موافقتها و مباركتها للزواج.. مب بكرة تكرهني و اذا صار لي شي لا قدر الله ممكن تأذي عيالي

ياسبحان الله

اذا عن حب ماتبين واذا متدين وعنده فلوس تقبلين :eek5:

هي الدنيا صار فيها ايه

رأييج نحترمة بس لخبطتي لي مخي :rolleyes2:

[ماريسا]

ياسبحان الله

اذا عن حب ماتبين واذا متدين وعنده فلوس تقبلين :eek5:

هي الدنيا صار فيها ايه

رأييج نحترمة بس لخبطتي لي مخي :rolleyes2:

قصدت اخوي اذا بتزوج حد احبه مستحيل ارضى وحدة ثانية تشاركني فيه يعني اذا متزوج مستحيل اصلاً افكر فيه فمستحيل اتزوجه ..و اذا قدر ربي اتزوج من غير حب فعادي بشرط ان يعدل بيني و بين الاولى و تكون الاولى موافقة

اتمنى وصلت الفكرة :)

[بوحارب]

انا عن نفسي خذت نصيبي وانتهى


بتكلم عن بنتي


للحين صغيره على سن الزواج

ولكن ان تقدم لها شخص متزوج وهي راضيه انا برضى بشرط

ان زوجته الاولى تدري وموافقة بهالشكل بضمن ان بنتي ماراح تطيح في مشاكل مالها اول ولا تالي


:nice::nice:

واذا كانت الزوجة الأولى ما تدري وبنتج ممكن تتعرض لأي هجوم وفي اي وقت من قبل الأولى :(

بتوافين علي اوه قصدي بتوافقين عليها بالزواج ؟؟؟:shy:

[Chanel]

انا من رايي ان الشخص المناسب ممكن ارتبط فيه حتى لو كان متزوج .......يمكن يكونأفضل من واحد موب متزوج وتكون سعادتي معاه وقد يكون العكس فهذا كله قسمه ونصيب ........

[امل الحب]

اكيد اوافق

المتزوج له جاذبيه خاصه ، شخصيته متزنه وعنده خبره في التعامل مع المره

واكثر وعي في مواجهة المشاكل الزوجيه

المعضله مو فينا ، في الزوجات الانانيات الي يحرمون ما أحله الله كأن الرجال انخلق لها بروحها

وياليت قايمه بواجباتها معاه ........ اهمال وتقصير وجهل في التعامل ومنكده عليه عيشته

وفوق هذا كله خاشته في التجوري ياويله لو بس فكر بالثانيه ممكن تقتله وتنتحر :eek5:

:eek5::secret::eek5:

[بنت العلي]

انا عن نفسي ما راح ارضى ...مابي حد يشاركني في زوجي بس اذا كان مطلق الاولى انا بوافق :) وبس

[!الشايمه!]

انا ما اكره شي قد ما اكره البنت اللي تعرض نفسها للزواج بالعافيه و تبي ازواج الحريم غصب طيب

المراه عرفناها بالسحا و الحشمه و تعف نفسها بكل الطرق وبلاش عرض الانفس


المهم نرجع لمحور الحديث


كرجل: ان كنت مطلق خذيت مطلقه لكن ان كنت اعزب لا و كله على حسب البنت في النهاية وكيف اسلوبها واخلاقها وطباعها و قلبها وقبل كل هذا دينها طبعا :)




:nop::taunt::nop:

[hamms]

أنا لا اقبل الزواج من رجل متزوج مهما كانت الاسباب وهما كانت الظروف
لاني انا ما ارضى ان اي انسانة تاخذ مني زوجي وبالتالي

الي ما ارضاه لنفسي ما ارضاه لغيري

المرأة بطبعها ما تحب حد يشاركها في زوجها ومع اني مقتنعة ان الرجال من حقة الشرعي ان يتزوج اكثر من وحدة ولكني اشوف ان المرأة من حقها أيضا تقرر اذا تبي تعيش مع ضرة او لا ومن حقها انها تطلب الطلاق في حالة اذا الزوج تزوج عليها بدون موافقتها وبدون سبب مقنع

المرأة الي يتزوج عليها زوجها تظل طول عمرها مجروحة منه خاصتا اذا كان من بداية الزواج ما وضح لها ان هو يفكر في التعدد ويفاجأها بالزواج من ثانية

[شـعـشـبـونـه]

وانا بهالعمر لا مارضى ابي واحد شبابي ومصرقع وماوراه مسؤوليه غيري :dance

لكن لااااا سمح الله وعنست

عااادي باخذ متزوج ماظن وقتهاا بتشرط بعد لاني بكون عاانس عــانــس عـــااااانــــــس crazy

[alkref11]

بالتوفيق
طرح رائع

[سمرلاند]

غريب !!

هالسؤال جوابه معروف

اي شابه بتدخل بتقول لا ومستحيل

واللي وسط بتحط شروط << يعدل , مقتدر , متدين

واللي فاتها القطار بتقول اوافق

الاجوبة باختلاف اعمارهم وظروفهم ليس الا !

قناعات البنات في هالموضوع وحده

[ANONYMOUS]

المرأة الي يتزوج عليها زوجها تظل طول عمرها مجروحة منه خاصتا اذا كان من بداية الزواج ما وضح لها ان هو يفكر في التعدد ويفاجأها بالزواج من ثانية


خل تحط لزقه

:p

[ودي أكون]

خل تحط لزقه

:p

جرح المشاعر ماتلتئم باللزقه أخوي :)

[المقهوره]

بصراحه لا وبقوه


واما بالنسبه للسبب

يقولون رحم الله امرء عرف قدر نفســــــــــــة

انا انسانه جدا غيوره بس مب مجنونه وما احب احد يشاركني بشريك عمري إلا امه وابوه واهله
بس طرف انثوي ( فمعصي)

[المقهوره]

:) كزوجه ثانيه اكيد اقبل حتى لو كانت مطلقه

بس بالنسبه للموضوع اتوقع اغلب البنات يوافقون بالزواج من متزوج اذا كان الزوج ذو حاله ماديه ممتازه او يكون شخص ذو نفوذ وسلطه

لانفوذ ولا سلطه بصراحه

اهم شي راحه البال

ودام فيه زوجه اولى نفسيااااااااااااااااااااا مافيه راحه

فيضل من وجهة نظري شحات بس اكون معه بروحنا

[سارونه]

(( العدل ))

قال تعالى: [[ فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة ]] .

(( القدره على الانفاق ))

قال تعالى: [[فإن خفتم ألا تعدلوا فواحدة أو ما ملكت أيمانكم ذلك أدني ألا تعولوا ]].

لو الزوج يقدر يعدل بين الزوجتين - صارت الدنيا بخير .