بخصوص المرارة

[kitmat]

حبيت أستفسر عن المراره لان ظهر عندي فيها حصى
الي سوى العمليه شلون العمليه سهله وبعد العمليه هل يعاود الالم للرجوع لان في ناس سووالعمليه بس الالم مازال يعاود المريض وممكن الي سوى العمليه يقولي اسم الدكتور
وهل في محضورات بعد العمليه أكون شاكره لكم

[بنت سيف]

العملية سهلة بالمنظار .. أنا سواها لي د. عبدالعظيم عبد الوهاب

تعبت وراها فترة بسيطة في تنظيم نوعية الأكل

وبعدها الأمور طبيعية .. الحمدلله

والألم ما رجع

أما .. عن الجراحة .. ما عندي فكرة .. لكن بعد الدكتور عبد العظيم يسويها ..

واعتقد هو اللي يحدد جراحة أو منظار .. حسب حجم الحصى ..

[Bu Rashid]

سلامات ما عليك شر ان شاء الله
والاعضاء راح يفيدوك باذن الله

[بدون]

ممكن تسوين منظار لاستئصال المرارة إذا كانت ملتهبة وإذا عندك تأمين صحي ممكن تروحين لدكتور في أحد المراكز الخاصة و يعطيك تحويل لعملها في مستشفى خاص. العملية يبي لها ليلتين بس فى المستشفى الاهلى و بعدها كل شيء تمام . يبي لك بعدها زيارة وحدة لشيل الغرز وخلاص مايرجع الالم.
و ما تشوفين شر ان شاء الله

[جرير]

عمليه جدا بسيطه . . . تقعد يومين في المستشفى وتسويها عن طريق المنظار

يسون لك ثلاث فتحات في البطن وتكون صغيره . . . ويشيلون الحصى اللي في

المراره ويشلون المراره وياها . . وانا سويتها لاني دايما اشتكي من الم

في البطن سنيين طويله ويوم قررت اسوي فحص باالاشعه فوق صوتيه

شافو ان عندي حصى في المراره كبر حبه الزيتون واصغر منها بشوي

وقررو بعد اسبوع يسوون الجراحه . . وتاخذ من 40 دقيقه الى 60 دقيقه

وتحت تخدير كامل والحمد لله انا صار لي اربع سنين من يوم سويتها

وكل شي تمام التمام واخبر اللي سواها لي اذا ما خانتني الذاكره

استشاري اسمه محمود او محمد ابو ندى


والله يشفيك

[هدهد سليمان]

ما تشوف شر والله يشفي مرضى المسلمين جميعا .. اجر وعافيه ان شاء الله

[ahmed jasim]

د. محمد أبو ندى فى مستشفى حمد
بس حاسب من المتن بعد العملية

[ام يوسف]

انا توني مسويتها من شهرين
والحين مافيه جراحه كل الدكاتره يسونها بالمنظار
وطريقة العمليه :::
يعطونك بنج كامل
وينفخون البطن بالغاز بكميه معينه
ويسوون 4 فتحات وحده في السره ووحده تحت القفص الصدري
وثنتين على الجانب اليمين
ويدخل الدكتور المقص من الفتحه الي بالسره
ويدخل الكاميرا والانابيب من الفتحات الثانيه
العمليه مدتها ساعه تقريبا
وبعد ما يخلص الدكتور من العمليه
يطلع الغاز الي نفخ البطن فيه
وخلالالاص
العمليه مافيها اي خطوره باذن الله
انا سويتها في البحرين
عند دكتور ممتاااااااااااز
اسمه د. عبدالرحمن فخرو
كلفتني 4500 ريال
وقعدت بالمستشفى 3 ايام
لان جسمي امتص كمية غاز واول ما قمت من البنج
صادني الللم في كتفي
وكثير راح تسمع ان بعد ما تسوي العمليه ما تقدر تاكل اشياء دسمه
او دهون او او او
بس عاااادي بعد العمليه تقدر تاكل اي شي


واذا فيه اي استفسار انا حاااضره

[alkref11]

ان شاء الله تقدر تلاقي حدا يفيدك بالموضوع وان شاء الله التوفيق من الله بارك الله فيك