منع البلاك بيري في الوزارات !! [الأرشيف] - منتديات شبكة الأسهم القطرية

شبح الصمت

27-12-2009, 10:46 AM

وصلني خبر من شوي عن طريق

البلاك بيري :weeping:

بصدور قرار يمنع حمل او استخدام هاتف البلاك بيري في الوزارت :omg:

فـ شسالفه .. حد عنه إفاده بهالخصوص :rolleyes2:

:nice:

BusinessGirl

27-12-2009, 10:55 AM

ما اظن
اكيد اشاعه... مثل باقي اشاعات البلاك بيري

لا احد يخاف على مستقبله
خلاص بيبقى البلاك بيري معاكم طول الوقت

الله لا يفرقكم عن بعض

الدوحي7

27-12-2009, 10:56 AM

ماعتقد ،ولين الحين ماشريت لي بلاك بيري،،ناوى بس يمكن بعد سنه ،،

بوحارب

27-12-2009, 10:58 AM

احسن خخخخخخخخخخخخخخخخخخخخخخخ

يقولون: بلاك بيري = بلاك ربي <<< رواه العضو سعر الدعم

وليف قطر

27-12-2009, 10:58 AM

هههههههههههههههههههههههههههههههه

:secret:

:secret:

وليف قطر

27-12-2009, 10:59 AM

:nice:

:weeping:

وليف قطر

27-12-2009, 11:00 AM

الله لا يفرقكم عن بعض

آمين :shy:

وليف قطر

27-12-2009, 11:01 AM

ماعتقد ،ولين الحين ماشريت لي بلاك بيري،،ناوى بس يمكن بعد سنه ،،

شمعنى سنه بالضبط :rolleyes2:

وليف قطر

27-12-2009, 11:02 AM

احسن خخخخخخخخخخخخخخخخخخخخخخخ

يقولون: بلاك بيري = بلاك ربي <<< رواه العضو سعر الدعم

:omen2:

:(

راشد محمد

27-12-2009, 11:03 AM

احسن .............

الدوحي7

27-12-2009, 11:03 AM

شمعنى سنه بالضبط :rolleyes2:

سوال في مكانه، علشان يرخص هههه، وتدرى اذا بفتح الخدمه مب فاتحها لا من كيوتل ولا من فودافون والله وارخص لي ،،

وليف قطر

27-12-2009, 11:08 AM

احسن .............

ماقلت لنا ليش .. فضفض :victory:

وليف قطر

27-12-2009, 11:09 AM

سوال في مكانه، علشان يرخص هههه، وتدرى اذا بفتح الخدمه مب فاتحها لا من كيوتل ولا من فودافون والله وارخص لي ،،

هههههههههه

بس شلون اذا بتفتح الخدمه .. لا من كيوتل .. ولا فودافون

عيل من وين :rolleyes2:

ANONYMOUS

27-12-2009, 11:10 AM

احسن خخخخخخخخخخخخخخخخخخخخخخخ

يقولون: بلاك بيري = بلاك ربي <<< رواه العضو سعر الدعم

بلاك ماتدري

:secret:

النائب

27-12-2009, 11:39 AM

إذا منع البلاك بيري بدل مايقولون بنروح ندخن برا ولا نتفطر يقولون بنروح ( نبلك شوي ونرجع )

hamoor4ever

27-12-2009, 11:48 AM

ههه ماعتقد وصعبه انك تمنع جهاز تلفون

مفهي بتركيز

27-12-2009, 11:53 AM

والله عندنا منعوه وانا في جهه حكوميه لحد يسألني أحم

بنت العلي

27-12-2009, 11:56 AM

احسسسسسسسن عشان الواحد يركز في شغله ....

هالتلفون الوحيد اللي انا ما افكر اشتريه

" روح قطر "

27-12-2009, 11:57 AM

أكيد بيمنعونها لأنها تشغل الموظف عن وظيفته

وتعطل الشغل

KING OF FISH

27-12-2009, 12:14 PM

حقيقه

27-12-2009, 01:20 PM

امنعوه في مركز ابو سمره :nice:

Qt.1

27-12-2009, 01:26 PM

بلاكم ياجماعة على البلاك الصراحة الله بلانا بالبلاك وياريت هيئة الجمارك اتحطه في البلاك ليست ويمنع دخوله لأنه في الحقيقة عمل بلوك لعقول بناتنا وشبابنا وادعوا للجميع بيوم وايت بيري شكرا.

اتمنى ايكون هالكلام صحيح خل تفضى الناس لااشغالها..البلاك بيري صار مثل المخدرات شبابنا مايقدرون يستغنون عنه صار يمشي في دمهم الله ليبلانا ببلاك ربي(بلاك بيري)..:rolleyes2:

ليــث قطر

27-12-2009, 01:31 PM

مستحيل يمنع

كثير من المدراء عندهم بلاك بيري من جهة العمل نفسها لأغراض العمل ..

فرحة الكواري

27-12-2009, 01:34 PM

اصبح القسم العام لطرح مواضيع تأكيد اشاعات البلاك البيري

الله المستعان

بنت العلي

27-12-2009, 01:40 PM

مستحيل يمنع

كثير من المدراء عندهم بلاك بيري من جهة العمل نفسها لأغراض العمل ..

قلتها بنفسك لاغراض العمل .....مب حق الخرابيط اللي يسونها شبابنا وبناتنا الله يهديهم

الدوحي7

27-12-2009, 01:43 PM

هههههههههه

بس شلون اذا بتفتح الخدمه .. لا من كيوتل .. ولا فودافون

عيل من وين :rolleyes2:

تقدر وارخص من كيوتل وفودافون،

ابو عادل

27-12-2009, 01:47 PM

الله لايقوله
توني شاريه ما شبعت منه :shy:

بنت العلي

27-12-2009, 01:51 PM

الله لايقوله
توني شاريه ما شبعت منه :shy:

الحق على روحك تغدى وتعشا عليه عشان تشبع منه

بسبس

27-12-2009, 01:54 PM

لو صحيح الخبر المفروض يقتصر على الموظفين لي طبيعه عملهم مع الجمهور فقط .

بسبس

27-12-2009, 01:56 PM

امنعوه في مركز ابو سمره :nice:

منع بشكل رسمي؟

الدوحي7

27-12-2009, 01:56 PM

الله لايقوله
توني شاريه ما شبعت منه :shy:

اذا بدخله الدوام لازم تهريب لان بيحطون على كله وزراه شرطي يشيك على البلاك بيري هههه، صج يضكحون وين سارت هذه حريه،، والى مايخلص شغله فنشوههههه،

مــــلاك

27-12-2009, 02:06 PM

سمعت من صديقتي تقول ان زوجها منعوا البلاك بيري في دوامهم والسبب انشغال الموظفين
عن المراجعين وعن شغلهم ..والله اعلم

Qt.1

27-12-2009, 02:43 PM

قلتها بنفسك لاغراض العمل .....مب حق الخرابيط اللي يسونها شبابنا وبناتنا الله يهديهم

والله انج جبتيها البلاك بيري للبزنس للي لاازم ايكون على طول اون لين والعالم مخلينه حق ها وينك تعشيت اي تعشيت بالعافيه ها اتيي انكرك شالحياه الملله هذي لاا والاا حق النكت وكل نكته اسخف وابيخ من الثانيه والاا برودكاست حق صورة مطر دق صوب الشمال :rolleyes2: عاد هذي حاله :secret:

روح-قطر

27-12-2009, 02:58 PM

هههههههههههههههههههههه ليش عرس

كيفـي

27-12-2009, 03:05 PM

مايقدرون يمنعونه..

هل بيفتشونا وبيحطون كاميرات مراقبة؟؟

المفروض الرقابة ذاتية من الشخص..

وانا عندي بلاك بيري.. بس بالدوام مادري عنه.. الا اذا رن.. (مع انه صامت) :p

السامـي

27-12-2009, 03:15 PM

أبوك يا البلاك.:shy:

ملسونه

27-12-2009, 03:18 PM

احسن خخخخخخخخخخخخخخخخخخخخ

..

بوعلي2

27-12-2009, 03:24 PM

:telephone:

الدوحي7

27-12-2009, 04:20 PM

ذا صحيح ترا بيرتفع سعره ، وانا بصير تاجر لاني بهرب حق الشباب،،

PIX

27-12-2009, 04:24 PM

من ايام كنت ابي اشتري البلاك بيري الجديد 9700

بس والله غيرت رائي لما سمعت الشاب يتكلمون في المجلس على

اساس ان صاحب الابلاك انسان مرهق وسطحي

في اللحضات الاخيره اشتريت نوكيا n97

والحمدلله .... الحين محد يقدر يقول عني بلشتي

سوق واقف

27-12-2009, 05:54 PM

الكفارصنعوا كل شيء لإفساد المسلمين

البلاك بيري بلاء

هدهد سليمان

27-12-2009, 06:00 PM

الحمدلله انهم امنعوا هالشي حتى المجالس ما اسلمت من هالبلاك برري متجمعين شحلاتنا شوي كل واحد خذله زاويه ونسى ربعه !!!!!!

QaTaR_OnE

27-12-2009, 06:10 PM

احسسسسسسسسسن واتمنى يمنعونه خير شر

الدمعه

27-12-2009, 07:07 PM

ابرك الساعات .. مرض وانتشر عافانا الله

الصريحه

27-12-2009, 07:11 PM

ماادري وش سالفته احس ان للمراهقين ؟؟؟؟؟؟؟؟؟؟
لان فيهم عجله ونقصان عقل

Qt.1

27-12-2009, 11:12 PM

ماادري وش سالفته احس ان للمراهقين ؟؟؟؟؟؟؟؟؟؟
لان فيهم عجله ونقصان عقل

:nice::nice:

قطري33

27-12-2009, 11:26 PM

ان شاء الله يتطبق القرار ... لانه طول الوقت في الدوام اسمع رنة المسج مالت البلاك بيري صارت مزعجه واااايد ...

::Mo0on'hm::

27-12-2009, 11:54 PM

احسن

مللونا مع هالبلاك بيري

الاستثمار

28-12-2009, 12:04 AM

ما اظن
اكيد اشاعه... مثل باقي اشاعات البلاك بيري

لا احد يخاف على مستقبله
خلاص بيبقى البلاك بيري معاكم طول الوقت

الله لا يفرقكم عن بعض

والله
على شنو الله لا يفرقكم عن بعض

بـن عدوان

28-12-2009, 03:36 AM

والله انا مع هالقرار

خلك محايد شوي ههههههههه

نروح نبي نخلص معاملاتنا الا نجوف الموظف ماسك البلاك بيري ومعطلنا !!!

بـــــــنت النوخـّــــذه

30-12-2009, 10:15 AM

وصلني خبر من شوي عن طريق

البلاك بيري :weeping:

بصدور قرار يمنع حمل او استخدام هاتف البلاك بيري في الوزارت :omg:

فـ شسالفه .. حد عنده إفاده بهالخصوص :rolleyes2:

الكلام صحيح بس مهب يعني ماتمسك جوال بلاك بيري 000
القرار هو يمنع فتح دردشه الماسن في البلاك بيري حاله حال جهاز الكمبيوتر في الوزارات الي بعضهم يمنعون الدخول للماسن لهدف لايخدم العمل وهذا القرار طبق في وزاره معروفه 00وانا صراحه مع الوزير الي فرض القرار لان كلن صار متخرع ومبقق عيونه بالبلاك بيري 24/24

Just a Gurl

30-12-2009, 12:55 PM

Om Majed

30-12-2009, 01:45 PM

أحسن علشان يتفرغون لشغلهم

آم رآشد

30-12-2009, 02:07 PM

أحسن والله ,

أحسه حق المراهقين التافهين , يلهي الناس عن الصلاة وذكر ربهم ويمعة الأهل ,

كلش مافكر أشتريه ,

أم مريومه

30-12-2009, 02:39 PM

تم منع البلاك بيري قبل لحظات من قبل جامعة قطر....
وتم ارسال ايميلات للطالبات بمنع كاااافة انواع الهواتف في اوقات المحاضرات والامتحانات...
وانها لازم تكون turned off!!!!
حسبي الله على عدوك يالبلاك بيري!!!

الفال حق باقي الوزارات والشركات والهيئات والمؤسسات وحتى البيوت:nice:

توني مجيكه ايميل الجامعه ,, ماوصلني شي بهالخصوص ! :eek5:

ابدا مو من حقهم يمنعونه فالجامعه ,, هاي شي شخصي واذا انشغلت عن محاضراتها ولا امتحاناتها بيكون شي راجع لها
واذا له مضره اكيد بيضرها اهيه :victory:

ملاحظه : انا ماعندي بلاك بيري واشجع ان يمنعونه بس بأماكن معينه :nice:

[E]

30-12-2009, 02:45 PM

انا سمعتتت ان بجهاز امن الدوله بعددد مانعييين البلاك بيري .. بس هالكلام صج سوالف وخرابيط البلاك بيري الله واعلم .. :)

عليان قطر

30-12-2009, 02:47 PM

وصلني خبر من شوي عن طريق

البلاك بيري :weeping:

بصدور قرار يمنع حمل او استخدام هاتف البلاك بيري في الوزارت :omg:

فـ شسالفه .. حد عنده إفاده بهالخصوص :rolleyes2:

هناك اتجاه لمدراء الادارات بمنحهم تلك الاجهزة
بغية الاجتماعات
والامور الهامه
وتسجيل مذكراتهم الضرورويه واتصالهم بشكل مباشر مع بعض

واعتقد ان هناك بعض الوزرات
موافقة على ذلك

والكلام نسبته 60%

المغروره

30-12-2009, 02:48 PM

شنو الفرق بينهم كلها جوالات اشاعه اعتقد
تحيااتي

على نياتي

30-12-2009, 03:52 PM

تم منع البلاك بيري قبل لحظات من قبل جامعة قطر....
وتم ارسال ايميلات للطالبات بمنع كاااافة انواع الهواتف في اوقات المحاضرات والامتحانات...

يريت نتأكد من مصادرنا قبل مانتكلم جدام العالم يعني :) !!!
لااا طرشووو ايميلات ولاهم يحزنون !! و (( إذا )) بيطرشون المفروض يبتدون بالدكاتره اللي عندهم مب هم قدوتناااا P:

المووهم نرد للموضوع .. البلاك بيري منعوه فالامارات وجيكوو الرابط

http://online-image-resize.kategorie.cz/fotka.php?src=93.186.20.246_20091210.jpg&w=800&g=

أماااا هنيي فـ ماعندي خبر =)

وبليز بلاش حقد ع البلاك بيري ماسوى لكم شي P:
المشكله مش فالجهاز .. المشكله فبعض الناس من اصحاب هالجهاز

ولي عوده خخخخ

احترامي للجميع ~

فلفل حار

30-12-2009, 03:55 PM

آنزين وآلي جايهم التلفون كـ هديه ...

شيسوون وياهـ ...؟
:telephone:

alrheeb2020

30-12-2009, 03:58 PM

اذا بدخله الدوام لازم تهريب لان بيحطون على كله وزراه شرطي يشيك على البلاك بيري هههه، صج يضكحون وين سارت هذه حريه،، والى مايخلص شغله فنشوههههه،

هههه بيرجعون الموظفين عشرين سنه ورا ويذكرونهم بأيام المدارس ايام تهريب الجوالات والبراشيم هع ..

الله المستعان :nice:

شعنونة قطر

30-12-2009, 04:22 PM

انا عندي بلاك بيري بس مو لاهيني عن شي ابد

يمكن عشان محد يدز لي شي :(

شعنونة قطر

30-12-2009, 04:24 PM

وبليز بلاش حقد ع البلاك بيري ماسوى لكم شي P:
المشكله مش فالجهاز .. المشكله فبعض الناس من اصحاب هالجهاز

~

اوقف لك وقفة احترام واصفق لك صفقة طالب ابتدائي خخخ

صراحه رد شعلل حواسي

====> شدخل

:nice:

..er..

30-12-2009, 04:28 PM

وصلني خبر من شوي عن طريق

البلاك بيري :weeping:

بصدور قرار يمنع حمل او استخدام هاتف البلاك بيري في الوزارت :omg:

فـ شسالفه .. حد عنده إفاده بهالخصوص :rolleyes2:

وصلني بس الي وصلني صوره كتاب لـ اقسام الشرطه اذا مازليت في الامارات :nice:

واذا منعوه هنا بعد احسن :tease:

الناس مسبهين بسبه هالبلاك بيري :rolleyes2:

Just a Gurl

30-12-2009, 08:06 PM

يريت نتأكد من مصادرنا قبل مانتكلم جدام العالم يعني :) !!!
لااا طرشووو ايميلات ولاهم يحزنون !! و (( إذا )) بيطرشون المفروض يبتدون بالدكاتره اللي عندهم مب هم قدوتناااا p:

المووهم نرد للموضوع .. البلاك بيري منعوه فالامارات وجيكوو الرابط

http://online-image-resize.kategorie.cz/fotka.php?src=93.186.20.246_20091210.jpg&w=800&g=

أماااا هنيي فـ ماعندي خبر =)

وبليز بلاش حقد ع البلاك بيري ماسوى لكم شي p:
المشكله مش فالجهاز .. المشكله فبعض الناس من اصحاب هالجهاز

ولي عوده خخخخ

احترامي للجميع ~

يالحلوه :)...

انا لو بكذب كان كذبت في شي عدل... مب في سالفة منع هالتلفون الخايس ولا لا!!!
لانه لا يهمني ولا اهمه بعد...

انا طالبه في جامعة قطر والايميل واصلني اليوم الاربعا تاريخ 30-12-2009 الساعه 10:20 بالضبط من المرشده ريم العقيلي....
ولا تدرين؟؟؟ دزي لي رقم قيدج وادز لج الايميل مثل ماوصلني....
يعني لا جايبته من مصدر ولا هم يحزنون...

كان المفروض تتأكدين قبل (لاتتهمين غيرج بالكذب)!!!!!

تحياتي لج ولبي بيج:)....

على نياتي

30-12-2009, 08:38 PM

يالحلوه :)...
انا لو بكذب كان كذبت في شي عدل... مب في سالفة منع هالتلفون الخايس ولا لا!!!
لانه لا يهمني ولا اهمه بعد...
انا طالبه في جامعة قطر والايميل واصلني اليوم الاربعا تاريخ 30-12-2009 الساعه 10:20 بالضبط من المرشده ريم العقيلي....
ولا تدرين؟؟؟ دزي لي رقم قيدج وادز لج الايميل مثل ماوصلني....
يعني لا جايبته من مصدر ولا هم يحزنون...
كان المفروض تتأكدين قبل (لاتتهمين غيرج بالكذب)!!!!!
تحياتي لج ولبي بيج:)....

انا فهمت منج ان هالقرار تعمم على كل الطالبات في جامعة قطر وهالشي ماصار لي ولاصار لربعي اللي فقسمي ولا اللي فالاقسام الثانيه .. فـ واضح انه مجهودات شخصيه من بعض المرشدين أو على قسمكم .. الله العالم
عالعموم اسفه على سوء التفاهم اختي ~
والسموحه منج ~

بوخالد911

30-12-2009, 09:18 PM

هلووووووووو

هل قصدك التعميم اللي انتشر في الشارجة؟

ولا قصدك اهنييه

عن نفسي اقوول مستحيل يمنعووه

له شعبية جارفة

بوخالد911

30-12-2009, 09:21 PM

وصلني بس الي وصلني صوره كتاب لـ اقسام الشرطه اذا مازليت في الامارات :nice:

واذا منعوه هنا بعد احسن :tease:

الناس مسبهين بسبه هالبلاك بيري :rolleyes2:

اللي جاني وجاك هو بخصوص الشارجة

مووفق اخووي

:nice:

الدوحي7

30-12-2009, 09:30 PM

آنزين وآلي جايهم التلفون كـ هديه ...

شيسوون وياهـ ...؟
:telephone:
دزه صوبي ههههههه،،

هههه بيرجعون الموظفين عشرين سنه ورا ويذكرونهم بأيام المدارس ايام تهريب الجوالات والبراشيم هع ..

الله المستعان :nice:

:nice:

لابس بشت

30-12-2009, 11:28 PM

منعوه في امن الدوله اكيد
وعلى ماسمعت ان منعوه في بنك قطر الوطني

KING OF FISH

30-12-2009, 11:45 PM

انا فهمت منج ان هالقرار تعمم على كل الطالبات في جامعة قطر وهالشي ماصار لي ولاصار لربعي اللي فقسمي ولا اللي فالاقسام الثانيه .. فـ واضح انه مجهودات شخصيه من بعض المرشدين أو على قسمكم .. الله العالم
عالعموم اسفه على سوء التفاهم اختي ~
والسموحه منج ~

جميل جدا أن يكون الحوار مابين ألأعضاء مغلف بكلمات أويحتوي بجمل في غاية ألأدب والرقي حقيقة اشكركم من كل قلبي وأن دل على شيء فأنما يدل على قمة ألأدب وألأحترام والى ألأمام دائما للحوار المفيد مليون شكرا.

الـقـاسـي

31-12-2009, 12:08 AM

ماتوقع انهم يمنعونه واذا منعوه اكيدمب عندنا لان الدوام اهما اللي معطيني بلاك بيري ..

الجوكر90

31-12-2009, 03:43 AM

ماتوقع انهم يمنعونه واذا منعوه اكيدمب عندنا لان الدوام اهما اللي معطيني بلاك بيري ..

احلى ياكيوتل

pure

31-12-2009, 08:48 AM

وصلني ايميل منع البلاك بيري من الجامعه ,,

احس البلاك بيري ما يصلح للشباب

اصلا شالسوالف اللي 24 ساعه هههههههههه

اما البنات اووكيه

جفت فلانه ولا علانه

سمعت قريت

جي اوكيه هههههههههههههههه