نصيحتكم لمحل في مول تجاري

[سياتل]

السلام عليكم ورحمة الله


أخواني الأعضاء الكرام

عندي محل تجاري في مول عائلي جديد بيفتح ان شاءالله في شهر مارس 2010

محتار في عدة أنشطة مثل :-

الساعات ( ومالي أي خبره فيها )

والعطور الشرقية (وعندي خلفيه بسيطه فيها )

الملابس النسائية ( اللانجري أو الفساتين )

واللي عنده مشروع غير هالمشاريع ياليت يفيدني وبدعي له ان شاءالله

وجزاكم الله خير

[المشرفي التم]

فكر انك تفتح كوفي شوب تراها مربحة بس تبي متابعة وانك تطيح على ماركة عالمية وتتفق معاهم
وموفق ان شاء الله

[sweet qatar]

تخصص في شي مب موجود...

يعني محلات مستلزمات الحفلات ..بدت تطلع محلات تسد النقص لكن بعد السوق مفتوح ...

ممكن المحل يعرض مستلزمات الحفلات هذي بالاضافة لشغلات المكاتب والابتكارات النادرة مثل اطقم الفايلات واطقم المكاتب المميزة والكشخة... وهذي مطلوبة وااااايد ومب موجودة في قطر..

وعشان تضمن النجاح حط لك كورنر تغليف... وابدا باسعار معقولة... او تميز بديزاينات مميزة فعلا...


نصيحتي تميز بشي ... مطلوب ...


محلات العطورات واللانجري والفساتين تراها كثيررررة...وتعتمد على الذوق بمعنى الي تحب الموضة والفساتين تفتح بوتيك ولا اتيليه...


والله يوفقك ان شالله

[jajassim]

السلام عليكم ورحمة الله


أخواني الأعضاء الكرام

عندي محل تجاري في مول عائلي جديد بيفتح ان شاءالله في شهر مارس 2010

محتار في عدة أنشطة مثل :-

الساعات ( ومالي أي خبره فيها )

والعطور الشرقية (وعندي خلفيه بسيطه فيها )

الملابس النسائية ( اللانجري أو الفساتين )

واللي عنده مشروع غير هالمشاريع ياليت يفيدني وبدعي له ان شاءالله

وجزاكم الله خير

العطورات ودهن العود والزعفران ،، :victory:

[قطري طموح]

روح تركيا واخذ لك وكاله لقمصان النوم النسائيه تصنيعهم روعه وبمستوى جوده عالي وتصميم لايعلى عليه لو حبيت مكن اساعدك بالمشوره .

[الـخـور]

اتوقع الفساتين والازياء الراقية تمشي هالايام

[sweet qatar]

كل الي انذكر متوفر الحين عالنت ...

وانت لك القرار اخوي..

[كبشينو]

اخوي انا عندي لك شي ماشي واايد في الدوحه ومستعد اوفرها لك اذا بغيت
جيب لك اكسسوارات نسائيه ورجاليه بس ماركات درجه اولى من الساعات ولاشناط
واقلام وازره وووووو.......... بس عاد يبالك قلب وظهر قوي والله يوفقك اخوي

[سياتل]

مشكورين وجزاكم الله خير عالردود

وفي انتظار باقي الخوان والاخوات

[دموع الخاطر]

بالتوووووووووووفيق

[BusinessGirl]

ليش ما تخليه محل عبايات
وتتفق مع مصصمه بحرينه اتجيب لك موديلات حلوه مو موجوده في السوق
وهي بتوفر لك الخامات وانت شوف لك بياعه وخياط
سوق العبايات ماشي
خاصه اذا انعرض انه تحت اشراف مصممه بحرينيه
لان وايد في قطريات يتعنون يروحون البحرين عشان بس العبي
انت شوف اذا في اماكنيه تتواصل مع وحده منهم
وتتفق معاها...

هذا شي ..

شي ثاني في محل في السعووديه وااااايد حلووووو
مثل ستايل بودي شوب
بس احلى منه
اسمه ( زهور الريف)
موجود في اغلب مناطق السعوديه
انا شفته
في الحسا
والخبر
وجده
والدمام
وايد عنده زباين من قطر اذا قدرت تتواصل معاه
واتكون وكيله في الدوحه

امممم
في محل شفته في دبي في (ابن بطوطه)
اسمه
سوارفسكي ..
فيه كل شي يخطر على بالك بالسوارفسكي
واااااااااايد روعه ومميز

وتقدر اتسوي محل يزين الجوالات بحركات حلوه مو موجوده في السوق

هذا اللي في بالي حاليا
وعموما طول ما المحل في مجمع عندك مجال اكبر انك اتفكر في مشاريع

واذا جا على بالي شي ثاني برجع للموضوع

وموفق ان شاء الله

[العرابيد]

بالتوفيق ان شاء الله والله يكتب لك اللي فيه الخير

[سياتل]

لاهنت ياخوي العرابيد على الدعوه الطيبه

الله يجزيك خير

[سياتل]

بنس قيرل
شكراً على النصائح الطيبه

بارك لله فيج وجزاج الله خير

[قطري طموح]

ليش ما تخليه محل عبايات
وتتفق مع مصصمه بحرينه اتجيب لك موديلات حلوه مو موجوده في السوق
وهي بتوفر لك الخامات وانت شوف لك بياعه وخياط
سوق العبايات ماشي
خاصه اذا انعرض انه تحت اشراف مصممه بحرينيه
لان وايد في قطريات يتعنون يروحون البحرين عشان بس العبي
انت شوف اذا في اماكنيه تتواصل مع وحده منهم
وتتفق معاها...

هذا شي ..

شي ثاني في محل في السعووديه وااااايد حلووووو
مثل ستايل بودي شوب
بس احلى منه
اسمه ( زهور الريف)
موجود في اغلب مناطق السعوديه
انا شفته
في الحسا
والخبر
وجده
والدمام
وايد عنده زباين من قطر اذا قدرت تتواصل معاه
واتكون وكيله في الدوحه

امممم
في محل شفته في دبي في (ابن بطوطه)
اسمه
سوارفسكي ..
فيه كل شي يخطر على بالك بالسوارفسكي
واااااااااايد روعه ومميز

وتقدر اتسوي محل يزين الجوالات بحركات حلوه مو موجوده في السوق

هذا اللي في بالي حاليا
وعموما طول ما المحل في مجمع عندك مجال اكبر انك اتفكر في مشاريع

واذا جا على بالي شي ثاني برجع للموضوع

وموفق ان شاء الله



اعتقد ان زهور الريف تم فتحه في احد المولات في الدوحه لكنه فشل وهذا على حسب كلام شخص يشتغل في نفس المحل بالمملكة .

[سياتل]

قبل الناس ماتعرفه ، والحين الناس كلهم يعرفونه

بس مب هذي السالفه .

أعرف واحد راح لهم وقالوا عشان نعطيك وكاله أو فرع في قطر لازم تدفع مبلغ 3 مليون كتأمين

هو رايح للمكتب الاداري عندهم

[الصــمــت]

أخويا ذا تبي شريك انا مستعد

علي الاداره ونص رأس المال

وانت عليك المحل ونص راس المال

أرجو الرد على الخاص

[سياتل]

شيك الخاص

[المفترسه]

اخوي دزلي رقمك ولا ايميلك عشان اقولك عن البضاعه والله مربحه وعليها اقبال

[Dana’1]

انت قلت مجمع عائلي

انصحك بصالون للأطفال بشرط مراعاة الحلال والحرام فية من ناحية الموظفين او من ناحية قصات الاطفال وهي تكمن في "القزع" بس و تكون للصبيان
اونتف الحاجب بس الاطفال ما يسونها ما يندرى عاد عن اطفال 2010 يمكن غير:)


السؤال:
ما حكم القزع؟


المفتي: محمد بن صالح العثيمين
الإجابة:

القزع هو حلق بعض الرأس وترك بعضه، وهو أنواع:
النوع الأول: أن يحلق بعضه غير مرتب، فيحلق مثلاً من الجانب الأيمن ومن الناصية ومن الجانب الأيسر.
النوع الثاني: أن يحلق وسطه ويدع جانبيه.
النوع الثالث: أن يحلق جوانبه ويدع وسطه، قال ابن القيم - رحمه الله - كما يفعله السفل.
النوع الرابع: أن يحلق الناصية فقط ويدع الباقي.

والقزع كله مكروه، لأن النبي صلى الله عليه وسلم رأي صبيّاً حلق بعض رأسه فأمر النبي صلى الله عليه وسلم، أن يحلق كله أو يترك كله، لكن إذا كان قزعاً مشبهاً للكفار فإنه يكون محرماً، لأن التشبه بالكفار محرم، قال النبي صلى الله عليه وسلم: "من تشبه بقوم فهو منهم".
http://www.islamway.com/?iw_s=fatawa&iw_a=view&fatwa_id=11416


ومايكلف قيمة بضايع ما تدري تمشي او لا
اللهم ديكورات ومعدات وكم عامل وطبعا الاهتمام بالنظافة والتعقيم للأدوات

وصل صلاة الاستخارة قبل اي مشروع محتار فية
وبالتوفيق لك وللجميع يارب
آمين

[سياتل]

بس تعرف .. صالونات الأصفال كلها سوالف كابوريا وقصات

ماقد شفتهم يحلقون الصبيان قرعه :)

الله يجزاك خير على الاقتراح وعلى النصيحه :)

[Dana’1]

بس تعرف .. صالونات الأصفال كلها سوالف كابوريا وقصات

ماقد شفتهم يحلقون الصبيان قرعه

الله يجزاك خير على الاقتراح وعلى النصيحه

:) وجزاك مثلة يارب لا في تخفيف ترتيب من غير قزع او الي دارج اسمة توليت
بعدين لا تنسى البنات هم اكثر من الصبيان بهذي الامور الا مدرسة الا حفلة واستشوار يعني شغلة من يومهم صغار:) واسعارهم الاعلى بعد
وعلى الرحب والسعة:)

[احلى ستايل]

انا اعتقد اخوي ان مافي محل في الدوحة تقريبا عندة فساتين سهرة وتايورات فخمة

الا بمبالغ وقدرها انت تعاقد مع احد الشركات وجيب لك ملابس فخمة وسعر حلو

كل الناس يتعنون للسعودية بس عشان فساتينهم و تايوراتهم باسعار معقولة

انا خذيت بدلة من السعودية وايد راقية ب 400 ريال تقريبا لقيتها في الدوحة ب1700 ريال

يعني انواع الاستقلال .

وشكرا

[ظبيــღــه]

الله يوفقك دنيا واخرة