أكاديمية قطر العالمية للتجميل(استفسار)

[butterfly qatar]

السلام عليكم ورحمة الله وبركاته

ابي استفسر عن أكاديمية قطر العالمية للتجميل

وين موقعها وشلون طريقة التقديم وهل في نسبه معينه لدخولها :victory:

بليز الي يعرف يفيدني

وجزااه الله كل خير

[BusinessGirl]

هلا اختي
والله ما اعرف بالضبط التفاصيل
لكن اللي اعرفه
انهم تبع
( دار الانماء الاجتماعي )

تقدرين تاخذين رقمهم وتتواصلين معاهم ..
وتسئلينهم عن التفاصيل

واسمحي لي عالقصور

[تحداني]

.. مساء الخير على الجميع ..


المدربات أجانب ..
وأوقات الدورات كلها صباحيه ..

وكما اشارت اختي الفاضله ..
"مقرهم في دار الانماء الاجتماعي "




جملك الله برضى الرحمن

[::Mo0on'hm::]

في دار الانماء الاجتماعي

وفي دوام جزئي وفي دوام كامل

هاي موقعهم www.qiba.com.qa

[شموخ وبس]

شسالفه حق التدريس والا حق عمليات التجميل يمكن انفكر انرقع شكلنا في المستقبل خخخخخ

[::Mo0on'hm::]

حق تدريس يعلمونج كل شي

المكياج والمساج والمناكير والبديكير والفيشيال وكل شي

[كازانوفا]

يا ترى فيه التزام يعني دوام والا ايش النظام

[مطيع الله]

دار الإنماء الاجتماعي، هيئة غير ربحية، مهمتها رعاية المجتمع(زعماً)،
تتبع مؤسسة قطر(غير ربحية، تهدف لتنمية المجتمع)،
لماذا تنشئ هذه المؤسسة ذات الهدف التجاري، ويكفي إيحاء الإسم،

أليس في ذلك ذوبان الخيط الفاصل بين العام والخاص!!،
أم أن هذا العام والخاص غير موجود أصلاً؟؟

[sara_qatar]

دار الإنماء الاجتماعي، هيئة غير ربحية، مهمتها رعاية المجتمع(زعماً)،
تتبع مؤسسة قطر(غير ربحية، تهدف لتنمية المجتمع)،
لماذا تنشئ هذه المؤسسة ذات الهدف التجاري، ويكفي إيحاء الإسم،

أليس في ذلك ذوبان الخيط الفاصل بين العام والخاص!!،
أم أن هذا العام والخاص غير موجود أصلاً؟؟




اسم غير ربحيه وبالذات اكاديميه التجميل

اسعار خياليه


دورات المكياج فوق ال4000

قبل لا يطروحونها قالو الاكاديميه راح تفيد للي ما كملت دراستها وناويه تفتح صالوون او تشتغل

بس وين مو مكلمه وهي بالاساس ما تشتغل شلون تقدر تدفع بالالاف عشان مكياج

تاخذ دورة كمبيوتر والا لغه افضل


اختي انا رحت لهم


مكانهم في دار الانماء الاجتمااعي

الطابق الاول


دوامهم في صبح وفي مسا


على حسب ا الدوره اللي تبينها

انت تروحين هناك الاستقبال في و حده قاعده اخذ ممنها بروشور الدورات والاسعار



في دورات منيكير وبديكيبر ومساج وتنضيف بشره وشعر



تدرين انا رحت وقتلها في حد يداوم ابي اشووووف الفئه اللي مسجله

تقولي كله قطريات


ولما دخلت كله فلبينات اللي مطرشينهم اصحااب الصالونات على اساس يتدربووونن


مادري اذا في قطريات يسجلووون


كان ودي اسجل في دورة المكياج


بس غاليه وايد


والاسعار مبالغ فيها


اخذها عند وحده خبيره مكياج احسن




الله يوفقج حبيبتي

[مطيع الله]

قبل لا يطروحونها قالو الاكاديميه راح تفيد للي ما كملت دراستها وناويه تفتح صالوون او تشتغل

بس وين مو مكلمه وهي بالاساس ما تشتغل شلون تقدر تدفع بالالاف عشان مكياج

تاخذ دورة كمبيوتر والا لغه افضل



ما يحرك السوق حسب مبادئ الاقتصاد هو الطلب
والطلب لن يتحقق في نظر هؤلاء إذا انتهت البطالة
لذلك البطالة مصدر مهم من مصادر تحريك السوق

اختي او اختك عاطلة عن العمل تجي عندي تطلب 5000 للدورة
وانا استحي اعطيها وتجي بعد كم شهر تطلب 4000 للكورس اللي بعده وفي الاخير ما تحصل عمل وتروح فلوسك يا صابر

[بنت المزن]

بالنسبة لدورات المكياج فيه الدورات المتخصصة هذي الغالية.. وفيه الدورات اللي يوم واحد وهذي مخصصة للتعلم الشخصي... سعر الاساسية ٤٥٠ ريال وسعر المتقدمة ٤٥٠ ريال...
بصراحة انا اشوف السعر مناسب للي حابة تطور من قدرتها.. لكن اللي تبغي تشتغل في مجال المكياج او الشعر.. فوالله المبلغ الموضوع رمزي جدا...٤٠٠٠ بتردها في ليلتين شغل.....

[أم وضحى]

في حد خذاها واستفاد منها ؟

[شموخ وبس]

ابي اخذ دورات اشلون اسوي شعري واطور نفسي في المكياج غير جذي ابي منيكير وبديكير بدل هالصوالين وهالامراض اتهقون كم بيكلفني

[butterfly qatar]

تسلموووووون فديييتكم

شكلي بهوووون