تبي تعرف السبب الي خلاك تفلس ... تعال ادخل واقرى يا شاطر انت وياه ! [الأرشيف]

مشاهدة النسخة كاملة : تبي تعرف السبب الي خلاك تفلس ... تعال ادخل واقرى يا شاطر انت وياه !

المخلب

16-02-2006, 12:10 AM

السلام عليكم

انا بكتب الكلام !!

وكلي ثقه !

بكل وااقعيه خلونا نتكلم عن البورصه

انا بكوني مستثمر لاني كبييير كبييير ولاني صغير صغير

يعني الحمد لله على كل حال

المعروف بالبروصات العالميه

ان لماتفتح بورصتها للعالم (( سواء للخليجيين او للاجانب )) تخلي الواحد يتحمس للدخول !!

وهذا الي سوته بورصتنا

نعم لا تستغرب رفعت البورصه وخلت الي مااايشتهي الاسهم يجي غصبن عنه !!

ودخلت الكل بقرار الي صدر بفتح باب البورصه للاجانب !

طبعا القرار صائب وماافي اختلاف عليه

مع انه الحين يعد من القرارات الي خسرت القطريين تخسير فادح !

زين الكل استانس بالقرار !!

ليش ؟؟ شسالفه

السالفه ان في ناس عاديين صاروا راس براس مع الكباريه !

يعني كيف ؟؟

يعني انا اقولك

صارت قطر اكبر مستورد لسيارات البورش كيان !!

والله انا رحت الامارات ورحت السعوديه والكويت والبحرين ! بس عمان اسف ماطبيتها انشاء الله السنه الجايه

لكن لم اجد اكبر تجمع للبورشات الا بقطر !!

البطره زادت عند حدها !! صرت ماتعرف الكبير من الصغير !!

الكل طلعله الموت ورز نفسه فيه كانه وراه 9 مليون ريال !!

(( هذا مثال اوكي ))

حتى الملياردير الامريكي الي عنده عماير وشركات ومصانع

مااايركب الا جمس اسود بعد !! سوبر بان !! (( كم قيمته بقطر على 129 الف روحوا المعرض وسالوا اذا تبون تتاكدون !! )) لا تقولي فقير وله طرار !! يملك ملاييين بس ماايشتري الا جمس !!

حد فكر ليش !! علشان ماايبرز للعالم انه امفخفخ (( مع انه عنده طياره شخصيه ! وعنده سياره افخم منها ! )) بس بوقت الناس مااتشوفه ماايركب الا ذي !

زين الناس ابطرت !!

ارفعت سعر ام الاراضي !! جن جنون العالم !

ارض ماتسوى 20 ريال للفوت صارت 800 ريال للفوت !!

مااعلي زيدوا السعر بس مو لهدرجه !!

الناس تضايقت !!

تلف يمين يسار مااتصدق نفسها كل شئ فوووق

زين نرجع لشئ ثاني !!

شباب صاروا كلش !! انا عندي شوفوووني !!

على وشو !! ؟؟ عمره مااطب لندن !!

ويم جاته الفلوس بدال ماايروح سياحه صار يروح بطره !

كل واحد بموتره مصدره لهناك ويتمشى فيه ويفحط ويستهبل !!

لييييش يااخوك ؟؟ ليكون صرت كبير وانا ماادري !!

لاتنسى انك على قد حالك !! وله الاسهم رزتك !!

زين نروح للمطاعم !

اول الله يسلمكم !! الكل مستانس

يشتري فول وحمص من بيروت على خمس

يااحليلنا نااكل داخل من ورى الستاره علشان محد يشوف !!

ونروح طرزان (( الله يرحمه هدموه )) وناكل ونشبع ونمشي

وله الطازج وشاطر عباس .. وغيرهم

نحمد الله ونشكره

زين اول مااسمعوا الزلمات بان القطري عندوا فلللوس !!

مااتشوف الا ارتفع السعر !! ليش شسالفه ؟؟

قال ايش الاجار!! تقص على حالك وله على الناس !

اي مطعم بهذي الدنيا اعرف انه لازم يدخل في اسبوع سعر الاجار ويخليه على جنب والباقي يخليه له وشوي علشان يجيب مستلزمات المطعم !!

ليش هل الرفعه ذي !! ؟؟

زين نروح للسوق !

قمنا ماانلبس الا فانتينو وله ربعها !!

قال ايش قال والله انا افضل هذي النعله علشان انها تريح رجلي !!

بكم !؟؟ والله بس 300 ريال !!

كانه واااجد !!

لا خلني ادلع حالي !! (( الي يسمع شاريله جوال ! كلها نعال اخرتها بدوس فيها بالحمام (( الله يعزكم )) ))

قلنا مااعلي يالله النعله نعله خله يتونس فيها !!

بس وييين نسيت ايام نعل السوق !! هاااا اشوفك تكبرت !

حتى الشماغ والغتر !! صار ماايلبس الا شال !! ليش يااخوك ! قال مااقدر احس راسي يعورني !!

شفاكر نفسك حظرتك ! يعني الحين الشماغ العادي قبل ماتجيلك الفلوس كان يهمز راسك !!!

كل هذا واكثر !!

انا للحين مااخلصت كلامي وللكلام بقيه !!

علشان كذا يوم شاافوا الكباريه ان الناس حطت راسها براسهم !!

قالوا شالكلام ! لازم ننزلهم !؟؟

شلون ... شللللون ؟؟

قال مالنا الا البورصه !

سحبوا السيوله !!

لين ماااصارت البورصه تحت على 9000 نقطه !! ذيك الحزه يكون كل وااحد غرق بالدين !!

على طار الدين !! ليكون حظرتك نسيت اول يوم كنت تدييين من البنك لين ماتسدد اقساطك ! وله عقب ماابطرت نسيت الديون ! اجل ابشر راجعه لك الديون بس بشكل ثااني !!

تحياتي لكم ... وللكلام بقيييه

حمد

16-02-2006, 12:15 AM

:)

كلا مك حلو

مشكور اخوي

حمد

المخلب

16-02-2006, 12:16 AM

العفو !! هذا مو كلامي للتصحيح بس !! هذا الواقع

قناص قطر

16-02-2006, 12:17 AM

كلام واقعي اخوي

بس كلمه بسيطه

اعرف واحد الحين عنده رنج 2006 خذه بسعر 375 لون خاص

باع الصناعات على 212 ريال بالصيف وخذله هذا الرنج

واعرف واحد ثاني عنده اسهم صناعات والى الان متمسك فيها وسعرها الحين 121 ريال

والاثنين ربع

تعتقد من الربحان ؟

poor

16-02-2006, 12:22 AM

هههههه
حتى ولو بس هذا مب مبرر لأنهيار السوق :)
لأن اغلب اللي تكلم عنهم مايضاربون في السوق ولا لهم جمل ولاناقه همه الاول ان يكتتب ويبيع بأي سعر ولاهم ولاهم يحزنون :con2:

ابو الاسهم

16-02-2006, 12:25 AM

السلام عليكم

انا بكتب الكلام !!

وكلي ثقه !

بكل وااقعيه خلونا نتكلم عن البورصه
-
-
-
تحياتي لكم ... وللكلام بقيييه
صح لسانك :app:

بـوصـالـح

16-02-2006, 12:36 AM

ياخي دام عندنا افلوس والله منعم علينا

خلنا نستانس

(( ولو اني متفق معاك من ناحية البطره )) ولكن ما تشوف انها حلوه ولا اشرايك انت

الله لا يغير علينا بس

(( يعني واحد جاااته افلوس من الله )) شيسوي فيها (( يخلص الاغراض الاساسيه )) وبعدين شيسوي (( دلع عمرك ))

والله يرزقنا ويرزق الجميع

(( هذي وجهة نظري )) بالموضوع

عندك فلوس دلع عمرك (( لانها راح تروح راح تروح ولكن بالمعقول ))

اما عن سبب النزول (( فهذا مب السبب ))

hamoor4ever

16-02-2006, 12:38 AM

صراحه مقالك عجيب

اخي اضفت البسمه لنا ..

مشكور :) :)

بس اذا رجعنا للسبب الحقيقي لنزول البورصه انا اختلف معاك اخي ..

عموما الشكر الجزيل لك

بو علي

16-02-2006, 12:39 AM

انا اتفق معاك تمتاما أخوي المخلب. للأسف الخير اللي عم والفلوس اللي جات فجأه للناس كان لها اثار اجتماعيه سلبيه مثل ما ذكرت.

طبعا ما انعمم لكن كثير من الناس وللأسف صار عندهم نوع من البطره وكل واحد شايف نفسه وناسي ان الخير اللي جاه مو ابشطارته لكنه رزق من ربه عشان يبتليه به ويحاسبه في الأخره على كل ريال وين صرفه.

saif

16-02-2006, 12:46 AM

السلام عليكم

اخي المخلب مشكور على الكلام اللي قلته وصحيح في وايد شباب كذا يبيعون اسهمهم لاحتياجات انسميها ثانويه وليست اساسيه

لكن انهيار السوق مب لهالسبب ان والله بعض الشباب شرو مواتر وسافرو ومادري كيف

على فكره اخوي ترا اهل قطر في خير والمرسدس والبي ام والرنج اهل قطر خذوهم كان كاش ولا اقساط
ولندن وغير لندن راحولها القطريين من السبعينات فا كلامك مب سبب لانهيار السوق

انا ادري كبدك مندبله على السوق مالومك بس تفائل بالخير وان شاء الله راح يرتفع السوق وقول يارب

اخوك سيف

المخلب

16-02-2006, 12:56 AM

قلنا لكم لا تستعجلون للكلام بقيه ...

وياجماعه على طاري لندن !! نعم القطرين راحوها من سنين !! محد قال غير كذا بس

ترى لا تفهمون انها بلاد غاليه يعني نااسها يملكون افخم السيارات !!

طل ! لان التاكس ماكل جيبهم (( نحمد الله ان في بلادنا مافي تاكس ))

شف ياخوي انت وياه لما تروح بالبورش وله المرسيدس وتتمشى فيها بلندن !! كانك رايح بيروت ! ( فاهم قصدي صح ! ) تخلي الناس يطالعونك وعبالهم انك شيخ ! وانت خرطي للاسف طبعا !!

فصار يحقدون على الكل !! الخليجي الي عنده فلوس وعنده هل المواتر ! مااصارت الا من القطرين حتى السعوديين مااسووها !! ..

زين للكلام بقيه ! نكمل بعديين وخلوني انام علشان مااخرب السالفه واكملها كلها الحين !

تحياتي لكم المخلب

prettywoman

16-02-2006, 01:00 AM

يال المخلب وين ما خالبك والا حتى توقيعك غيرته لك البورصة

altawash

16-02-2006, 01:02 AM

تحليل منطقي يلامس الواقع الآليم والشكوى لله

عيسى111

16-02-2006, 01:13 AM

يا خوي المخلب نسيت أرقام السيارات والتليفونات وبكم يشترونها الحين ارتفعت أسعارها من زود البطره

ذيب البورصه

16-02-2006, 02:02 AM

قبل تحلق الحيه ب10 علشان البورصه صارة الحيه ب15 والا اطلع برا

فقط قطر

16-02-2006, 02:11 AM

الله يسلمك هذا حالنا يا اهل قطر...جات الفلوس في يدنا بطرنا ولعبنا....وطربنا...لين ردت تاكل عيالها..
وهذا احنا الله يسلمك...مبققين عيونا في شاشة التلفون والا التلفزيون....انشوف نزول الاسهم ...لا...واللي يقهرك احنا نتسائل..ليش البورصة كذيه نازلة...يعني كنا ماندري من يلعب فيها وفينا...

قالوها ترى الاوليين: النعمة زواله.....
الله يرحمنا برحمته....

المحب فى الله

16-02-2006, 02:14 AM

:nice: :nice: :nice: :nice: :app: :app: :app: :app: :app: :app:

hani aladnani

16-02-2006, 02:31 AM

جزيت خير أخي المخلب

Alemadi

16-02-2006, 02:36 AM

على طاري البطره واحد من الربع مسيكين على قد حاله وراتيه يمكن اقل من 8 الاف ريال وهو متزوج وسيارته كروزر باقساط لمده 6 سنين بدون دفعه اولى ولايملك اي سهم في حيانه .. اول سهم اكتتب فيه كان الناقلات ولين نزلت في السوق باع اسهمه واسهم زوجته واسهم امه وحتى سيارته باعها عشان يشتري له رنج وزادت له يمكن 20 الف والحبيب حطهم في رنجات وخرابيط وايش رايكم في التصرف المجنون :con2:

بس هذا مو سبب في نزول السوق :deal:

الخطاب

16-02-2006, 02:38 AM

والله زهقت السوق للحين ما اعطى اشارة دخووول

مستثمر_أردني

16-02-2006, 03:01 AM

زين اول مااسمعوا الزلمات بان القطري عندوا فلللوس !!

يا سيدي الله يسامحك...

الحلاق التركي... والهندي أبو الكيما... واللبناني أبوالمطعم... والأردني صاحب محل الحجر وغيرهم يا أخوي....

أولاً : لا أقصد بكلامي الدفاع ولكن يا ريت لو تخلّي هذي المشاركة في قسم استراحة المنتدى وتبعدها عن النقاش الاقتصادي وتبعدها عن الأصول والأنساب والبلاد..

بصراحة ربنا.. نفسي أقول إنه كلامك تافه لكني ما اتعودّت أعلّق بهكذا كلام على مشاركات الآخرين.. لكن يحزنني إنه نظرتك للزلمات بهذه الوضاعة...

أنا من الناس اللي رفع المالك إيجار بيتي على مراحل من سنتين ليصل من 1200 إلى 4500 ريال قطري...

اقصد المسجد لصلاة الجمعة واسمع شيوخ المساجد تروي لك معاناة الجميع.. قطريين وعرب وآسيويين وأجانب من غلاء المعيشة...

عزيزي.. لو قلت أصحاب النفوس الضعيفة بدل الزلمات لشملت بكلامك من يستحق الوصف...

وشكراً لك ولكل من يشاركك وجهة نظرك السديدة...

مستثمر_أردني

16-02-2006, 03:08 AM

والله زهقت السوق للحين ما اعطى اشارة دخووول

ههههههههههههههههههههههه

الله يسعد قلبك يا رب

altawash

16-02-2006, 03:13 AM

khaldoon

16-02-2006, 07:52 AM

بارك الله فيك اخوي المخلب على هذا المقال....الحمد لله اهل قطر شافوا الخير من زمان وما احد يقدر ينكر هذا الشي

بس اللي صار انه صار الناس عندها بطر ....وهذا موجود في كل انسان مب بس بشعب معين....بارك الله فيك..مقالك يخلي الواحد يصحى شوي من اللي اهو فيه...وما يكفر بالنعمه اللي اهو فيها وما ينسى كيف كان وكيف صار علشان يحاول يحافظ على اسلوب معيشته

OTOsan

16-02-2006, 08:42 AM

انا اتفق مع اكثر اللي قالوا ان هذا مب سبب نزول الاسهم ..
ولكن اتفق معاك في سالفة البطره اللي غطت على كل شي ..
ولاتستغرب ابد .. ترى الفلوس اللي ماتعب عشان يلاقيها والله ماتهمه ..
واللي يجي بالساهل يروح بالساهل ..

ذكرتني بواحد غني متواضع عنده ملايين بس مايبين عليه ... ملابسه عاديه وسيارته وكل شي فيه
عااادي مايلفت النظر .. بس ولده عكس مليوون .. سيارات وسفرات وكشخات وفنادق خمس نجوم .. يوم قالوا له ليش انت عكس ولدك قال لهم .. هو ابوه مليونير .. بس انا ابوي مزارع فقير ..

اخر كلمه حبيت اقولها من قلبي .. للي نسى ان النعمه زواله اذا ماقدرت اهميتها :

اخشــــوشنـــوا .. فإن النــعـــمــــة لا تـــدوم !!!

المخلب

16-02-2006, 12:50 PM

نكمل لكم السالفه !

بدايتها كنا عايشين !! واحد مفلس !

والثاني ! عنده فلوس بس ماايعدي المليون !

والثالث ! عنده مليون او مليونين !! (( وفلوس اول تسوى اكثر الحين ! ))

وجات الصناعات !! وصدر قرار اميري باعطاء الاكراميه ورفع نسبه الاسهم المخصصه للمواطنين من كذا الى كذا !

الكل فرح ! كم عدد الي اكتتبوا !؟؟ نصف العدد الحالي !!

اكتتبوا لانه لهم نظره مستقبليه !!

والي الباقي ليش مااكتتب لان قال وش لي بالاسهم وعوار الراس!!

ومرت الايام ونزلت الصناعات البورصه !

وشفنا الخير للي باع !!

قام يكشخه كشخه بطران (( كما قلنا سلفا " ))

تفتحت عيون الناس !!

الكل قام يفكر لو اني مكتتب كان وكان !! لو اني شاري كان وكان !!

وجائت الاكتتابات واحده تلوى الاخرى !!

واذكر بالاخص الناقلات !

صار لها صدى واااسع شقت اذاني الناس الفقارى والاغنيه !

الكل يبيي يترس جيبه منها !!

واحد ينط يقول بكم السهم !! الثاني يقوله على 5 قال خلاص بكتتب فيها

وانتشر خبر الناقلات !! في قطر بس ! لا والله في الخليج كله !

الوووو ...

هلا بو محمد اقول يابن العم سمعنا ان عندكم شركه جديده اسمها ناااقلات ! صج ولالا

اي نعم ..

ماادري انت اخوي وعزيز وغالي تقدر يعني من باب الاخوه تكتتب بسمك لي !

انحرج الرجال !

والله خلاص تم ..

وبدا البعض يشتري لغيره !!

والبعض قام نقز .. باع الي وراه والي قدامه !!

شسالفه ياجماعه عسى مااشر !!

لا والله .. بس الشركه لها تميز !! هذي شركه غاااااز مااتدري ان قطر اكبر مورد للغاز بالعالم !
وان فيها الحمد لله اكبر ثالث حقل غاز بالعالم !!

اوووه صج اجل قمنا نكتتب !

والكل قام وباع الي عنده ! (( وين الكشخه ! وين المواتر ! )) خلهم بعدين يرحم والديك نبي نرتز باكشخ !!

بنشتري بالناقلات وبنصير مليارديريه ! وبنكشخ بعدين باللمبر والروز ! (( اوووه والله اشوفك شاق العافيه نااسي حظرتك وش كان عندك ! كرسيدا مكسر ومن قراج لقراج !! وبعدين تسلفت علشان اللند كروزر والحين صار بجيبك مللين مب ملايين وبعت البورش بطلعلك لمبر !! وله رانج ... !! ))

واكتتبوا الناس !!

اجتمعوا الكباريه ! قالوا ماانبي نغلط غلطته الصناعات !

شلوووون ؟؟؟

ياخي الناس افتروا ! خلنا نكسر راسهم دام باعوا الي وراهم وقدامهم والي رهن ارضه ولي تسلف والي توهق مع الناس علشان يكتتب لهم !!

اوكي شالحل !!

الحل بالتخصيص !!

وخصصوا لكم اسهم بالهبل !

اووووه مبررروك !

شسالفه ؟

خصصوا لي كذا *** سهم !

احلف مبروك والله وصرنا مليارديريه

اي والله

وهم مساكين ماايدرون وش الي بيصير لهم !

وقام وجاب كل واحد فيهم حااسبه !! (( كاسيو لاتنسوون ! ))

اممممم لو بعته على 100 بحصل >> كذا

لاء خلك طيب وشو 100 خلنا نبيعه بسعر اقل علشان يشترونه الناس

وقام يضحك !

يعني بكم

نبيعه على 90 !شرايك

والله فكره

وبيصير عندنا ******* ريال !

ماااااااشاء الله صرنا مليارديريه ياخوك !

علشان كذا اقولك هههه شفت يوم تسمع نصيحتي وتبيع موترك وتذكر يوم خفت ورهنت بيتكم !

شف الحين الله بينعم عليك مو بيت بتشتري قصر !

اي والله (( وماقال الحمد لله ! <<< ))

زين وتمر الايام ...

متى بينزل السهم بالبورصه ؟؟

بكره باذن الله

اوكي

واجتمعوا الكباريه !

سمعوا السهم مانبيه يعدي مستوى معين !!

خلاص وهو كذالك !

بيعوا كلكم اول شئ قبل الناس !! وخلوهم يبيعون بسعر عادي !!

غلطت الشاطر بعشره !

وجاء اليوم المرتقب ونزلت الناقلات وفتحت البورصه للاجانب !!

الاجانب بسسسرعه هجوم على الغاز !! ليش !! يااخي الكلام الي ينقال عنها يخلي الواحد ماايشتري الا هي بتصعد اشتر اشتتتتتر

اوكي

شروا وشروا وشروا !

يااخي السهم دق اشوفه ينشرى بس يطيح ماايصعد !!

شسسسسسالفه !

ماافهموها الناس !! غلطه الشاطر بعشره !

هااا بكم عرضته !

على 90 بعدين على 80 بعدين على 70 ومانباع شسوي

ثاني يوم بيرتفع مااعليك !

وجاء ثاني يوم !!

وينزل السهم اسرع من السلق !!

لالالالالا انهيااار صار بالبورصه

يااخوي اللحقني !!

مالك الا تبيع !!

والطيب باع !

هاا بكم ؟؟

على 35 شرايك والله سعر حلو !

ههه من 90 الى 35

صج نااس !! ((الي على قد حاله يتم على قد حاله حتى لو حطوه بقصر !! وعطوه كااس من ذهب ! ))

زين شبسوي الحين !!

توهقت ! لا اسهم ! لا فلوس اسدد فيها !! كل الي عندي والي ربحته حطيتها بالبنك !! علشان الدين !

والارض بتروح والبيت بيرون قبل شهر 8 !! شسوي ! تكفى الحقني !!

وش الحق فيك !! انت الي بلشت نفسك مااكنت على قد حالك !! شفيها اللند !! هاا ؟؟

مو عاجبتك !! رايح تحط راسك براس غيرك وتشتريلك افخم السيارات وبعد بالسلفيه !!

وبدا الانقراض الغريب للبورشات بقطر !!

هلا بومحمد

هلا بك

وشو ذا

صني !

وشوا من كرسيدا الى لند كروزر الى بورش الى صني !!

من صجك !!

شسوي السلفيه كاسره ظهري !!

على قوله المثل لاتلبس ثوب غيرك لا يقصر عليك !

وللموضوع بقيه .... ,

ملاحظه : " الي ماايعجبه الي اكتبه ! لا يرد ابرك !! " .

OMM Ali

16-02-2006, 01:51 PM

']

انا اتفق مع اكثر اللي قالوا ان هذا مب سبب نزول الاسهم ..
ولكن اتفق معاك في سالفة البطره اللي غطت على كل شي ..
ولاتستغرب ابد .. ترى الفلوس اللي ماتعب عشان يلاقيها والله ماتهمه ..
واللي يجي بالساهل يروح بالساهل ..

ذكرتني بواحد غني متواضع عنده ملايين بس مايبين عليه ... ملابسه عاديه وسيارته وكل شي فيه
عااادي مايلفت النظر .. بس ولده عكس مليوون .. سيارات وسفرات وكشخات وفنادق خمس نجوم .. يوم قالوا له ليش انت عكس ولدك قال لهم .. هو ابوه مليونير .. بس انا ابوي مزارع فقير ..

اخر كلمه حبيت اقولها من قلبي .. للي نسى ان النعمه زواله اذا ماقدرت اهميتها :

اخشــــوشنـــوا .. فإن النــعـــمــــة لا تـــدوم !!!
ياريت الكل يفهم النعمه ما تدوم وهالاسهم امانه لمستقبلنا ومستقبل عيالنا وحرام نفرط فيها بكماليات لان الله يحاسبنا على الاسراف (ان المبذرين كانوا اخوان الشياطين), وجزاك الله كل خير اخوي مخلب على كلامك

المخلب

16-02-2006, 07:41 PM

تااابع للروايه الي برويها

ومرت الايام واناس متدهوره حالتها !!

واحد يقوم ويقول خلنا نطلع من السوق خلاص فلسنا !!

يجيك الثاني ويطلع ويقول !! لا تموا ترى هل الاسهم بتنفعكم !!

يوم عن يوم والمواطن اصبح من حاله اسوء الى اسوء !

ما سمعمنا الا خبر !!

اكتتاب عقاري جديد !!

وشو ذا الاكتتاب ياجماعه ؟؟

اكتتاب شركه عقاريه ممتازه ومن افضل الاكتتابات !!

الناس تناست خسارتها !

قالت على الله ينفع هل الاكتتاب !

قالوا باذن الله بينفع وبيعوض خسايركم !!

زين ويش اسم هل الشركه !

تبي الصراحه ماادري قم نسال بومحمد ترى عنده اسهم فيها !

الووو

هلا بومحمد ..

هلا يابن العم !

شالاخبار !! اشوف اسهمكم طايحه بس سمعنا عندكم شركه للكتتاب عقاريه !

اي والله الشركه ماايندرى عنها !! ناس تقول زينه وغيرهم يقولا لاء ماهي بزينه !

يعني مااتنصحنا نكتتب فيها !

والله براحتكم انا الخساير موصله حدي مااقدر اكتتب فيها !

الا بالله ويش اسمها !

بنيان

نعم ... اكتتبوا ولم يسمعوا بالنصيحه !!

وكالعاده وضع كل منهم مبلغ جامد من عرق جبينه <<< مثلما يقولون !

ايش اخر الاخبار ؟!!

يقولون الشركه مابتنزل الا بعد سنتين !!

اي يااخوك كانا جمدنا فلوسنا فيها !!

وش الي حاادك !! ماتحمد ربك على الي عندك بس تحشر نفسك بالي مالك فيه !!

يااخوك قالوا لها مستقبل قلنا ندش !!

هاع ... زين خلنا نشوف المستقبل ذا

وبعد يومين ...

قريت ويش الي بالجريده !!

ايش !!

اعلان عن اكتتاب يوم الاحد الجاي لشركه اسمها بروه!

ااااااااايش ! متى من قال وليه وششلون وشسوي ؟؟

قلنالك وش حادك على الي اكبر من راسك

وجات كما وعدت شركه بروه العقاريه !!

جاات بدون سبق انذار لا شفافيه ولا غبار !!

جات كالغيمه الي تمر بدون عواصف في السماء الصافيه

ركنت جذورها وقالت الاحد اكتتاب !

قاموا الناس تلخبطت عليهم اشياهم !!

ان باعوا ... باعوا بخساره !

وان ماباعوا .... فاتهم الاكتتاب !

ويش العمل الحين !!

تلخبطت البورصه تدهورت حالت الناس !!

دقت الاسهم وتغير الاخضر البسيط الى سهوووول من الحجاره الحمراء !!

وبدات ساعه الصفر

قم يالله ورانا اكتتاب !!

شدعوه اليووووم مسرع !!

قم نلحق نبي فورمات !

من بنك ... الى بنك ! لا فورمات ولا اوراق ... مافي غير :" اسف حاول مره اخرى ! "

جاااء اليوم الثاني !

يااخي والله مااني قادر جيبي فلس ! توني مكتتب بشركه عقاريه ! بس لو كنت ادري بذي كان ماحطيت ولا قرش هناك !

شفت شلون الشفافيه !! ضربونا وانا اخوك

يالله نكتتب بس ! اهم شئ نكتتتب

وجاب الحاسبه وحسب !!

ها تتوقع بكم تنزل !!

تصدق على المشاريع الي عليها !!

يقولون <<< انها بتوصل 120 براحه !

يااخوك المتحده وهي المتحده الي جالسه تبني اللؤلؤه ! ماوصلت ميتين الا بالموت !

اجل تبي شركه جديده توصل على طول !

احسك مخرف ! (( صدقني وماابتندم ! ))

الكل بداء يوسوس على الاخر يقول احدهم يقول مستحيل تصير مثل نكبه الناقلات ! هذي بعشر وذيك بخمس

والاخر يقول والله الشركه مشاريعها قويه ....

وبدات البورصه بالانهيار التدريجي !!

يوم بعد يوم يوم بعد يوم

حتى انتهى اكتتاب بروه !!

بشششر متى بتنطرح !

والله تصدق يقولون بعد شهرين !

للللليش حرام عليهم السوق الحين منهار شوي خلهم ينزلونها !! بعد شهر مو شهرين

والله الي يجي من الله حياه الله <<< على نياته

ومااالبث الناس ان يستقبلوا اموالهم للتداول والمضاربه في بورصه قطر المزدهره باللون الاحمر الجذاب

حتى دس خبر الخليجيين والاكتتاب المسموح لهم !!

نعم ... تلخبطت البورصه !!

احدهم يقول مانبي الخليجيين يكتتبون !

الاخر يقول حياهم الله

والصغار بداوا بالخوف والشرده ....

مالبث ان راى الهوامير ان الصغار قد وضعوا ارجلهم على اول قطار يحملهم خارج مدينه البورصه

حتى شاااعت الاخبااار !!

وش صاير !!؟؟

مااسمعت في بنكين بينطرحون !!

لا تقول !!

والله بنك الريان والخليج !

يااخوك الله يبشرك بالخير !

تتوقع بتكون اسهمه مثل المصرف والدولي والوطني وربعهم ..

اي اكييد توقع السهم يوصل اكثر بعد !

اقولك اكبر بنك اسلامي بالخليج هو الريان !!

ماشاء الله

اجل خلاص شحقى نشرد نكمل ببيزاتنا لين ماايعلنون عن قيمه السهم !

ومالبث الصغار ان وضعوا ارجلهم الرشيقه على عتبت البورصه الدقيقه !

حتى ناادى مناادي بالجريده !

السهم على 5 ريالات !!

جن جنون العالم !!

؟؟؟؟؟

بدا الخوف من البورصه يتشعب !

السهم على خمس

اقولك على خمس !!

يعني شالي يخلينا نحط فلوسنا بالبورصه !

خلاص نمشي

تهقى

يالله !!

لكن غيركم اشطر!

ياااسعود اطرح مليون وخمسميه الف سهم ناقلات وصناعات وو..... الخ

حاظر تحت امرك

وبدات البورصه ابالانهيار !

لم يعرف الصغار خدعه الكبار !!

حيث ان المكان للاقوى ولا مكان للجبناء بيننا !

انهارت البورصه ...

حتى جاء موعد اكتتاب الريان !

كالعاده لم توجد حتى فورمه وااحده اول يوم بالبنوك !

لكن ماذا عن الخليجيين !!

سكوت وهدوء ! ضن الجميع ان الاكتتاب قد فشل !!

حيث انه لم ياتي الا القله القليل للاكتتاب بالبنك الجديد !

الووو

ويش الي صار !

مااحطيتوا اعلانات بالصحف الخليجيه عن اكتتاب الريان !

الا بس مااندري ويش الي صار ! اظاهر الاكتتاب بيتقفل ! مافي احد جاء !

احتار المسؤؤولون !!

نقصت السيوله في التي كانت متوقعه !

حتى جاء يوم الاربعاء

التوسونامي فاضت على قطر !!

(( في ضحايا ! ))

لا وانت الصاج انها السيارات الخليجييه !

لم يشهد جمرك قطر من اول يوم فتح فيه المبنى الجديد حتى يومنا هذا اعداد هائله من المركبات التي اتت من جميع اقطار دول الخليج !!

بل حتى المطار بدا كالبومه التي لاتنام ! لا في الليل ولا في النهار !!

24 ساعه طائرات كل 10 دقائق طياره بل ربما كل 5 !!

احداها تتاخذ والاخرى تنزل !

تدافع الناس وبقوه !!للاكتتاب بالبنك الجديد

الووووو بمحمد الحق علي يرحملي وااللديك !!

ليه يابن العم ويش الي صار

سيوله مااعندي فلسوني الله يفلسهم !!

كل شئ بايعه حتى الصني بعتها !

يااخوك وش الي حادك على الاكتتابات !!

ابي اامن مستقبل عيالي !

انت عاارف ان مالي بهدنيا بعد الله الا المعاش ومايكفي !

زين لازم تكتتب بالحد الاعلى نقص ياخوك

شسوي بعد نبي نحصل اكبر عدد ممكن من الاسهم !!

نعم ... لن تستطيع ان تبلع الارض بما فيها في يد واحده !

جلس الناس البعض يبكي على انه لن يكتتب ببنك الريان

والاخر يقول !! راحت علي غلطان من اكتتب بالاكتتابات السابقه

وغيرهم .... يقول ويقول وكانهم بالامس لم يكونوا مسروريين بما رزقهم الله .

وللحديث تكمله باذن الله ...

تحياتي اخوكم المخلب ..

الخطاب

17-02-2006, 04:55 PM

يالحبيب سولك موضوع جديد تكمله
لانه محد يدري اصلا والي دشو قبل انك بتكمل

اتعرف الناس مب فاضيه ادور داخل صفحات الموضوع
اوكيه حبيبي
سوله نسخ على موضوع جديد والله اوفقك

الخطاب

17-02-2006, 04:57 PM

جذيه بترتب افكارك

اكثر

بنت الحرمي

17-02-2006, 07:23 PM

كلامك صحيح 100%

وهذا هو الواقع المرير ... وفي بعض الشباب الله يهديهم (من بره هالله هالله ومن داخل يعلم الله )

تسلم اخوي المخلب على نقدك (البناء) للواقع المرير

ROSE

17-02-2006, 07:49 PM

صحيح اخوي في ناس تفرط في اسهمها علشان مظاهر الحياة

بس لو يفكرون شوي ليش الواحد يستثمر ويشتري اسهم هل علشان

يخسر في شي ثاني ولا علشان يكون ربح لابأس فيه لمستقبله

اشكرك اخوي على هذا الطرح الجميل

المخلب

18-02-2006, 12:16 AM

العفو للكل ... تابعونا وفالكم فالنا !!

بـوصـالـح

18-02-2006, 01:39 PM

انا ناطر الجزء الرابع

BONEY-M

18-02-2006, 01:52 PM

:court: :court: :court:

المخلب

18-02-2006, 03:12 PM

شكـــ للجمييع ــــرا

واليوم باذن الله الجزء الرابع ..

jajassim

18-02-2006, 03:43 PM

يلا يالحبيب ( المخلب ) ناطرين الجزء الرابع ، ما شاء عليك تقرأ افكارنا ، خاطري اعرف اشلون دخلت في روؤسنا اممممممممممممممممممم . :con2: :con2: :con2: :con2: :con2:

((((( يشتري فول وحمص من بيروت على خمس )))) :shy: :shy: :shy: هذا هو الوتر الحساس ، اسكت اسكت فضحتنا ;)

المخلب

18-02-2006, 08:29 PM

الجزء الرابع جاهز ... تفضلوا واقروه ..