ماذا يحدث في المرور ؟

[Arab!an]

قبل فترة كان من الممكن انك تخلص معاملتك في المرور مع ارجاء دفع المخالفات لمرة واحدة ..

يعني لو كان عليك 2000 ريال مخالفات وتبي تجدد استمارة سيارتك بالامكان تأخير سداد المخالفات وتدفع فقط رسوم التجديد .. ويكون لمرة واحدة مايصير تكرر الطريقة مرة ثانيه


اليوم , ماعاد في (رفع للمخالفات)


سمعت ان القرار صادر من الوزير بإلغاء هذه الخاصية من السستم .. واذا تبي تخلص اي معاملة لازم تدفع اللي عليك .. حتى لو 50000


هل هذا الاجراء مؤقت ؟ ام هو قرار نهائي ؟

هل سيكون هناك اجراء بديل .. مثل تقسيط المبلغ ؟


اتمنى حد من المطلعين يفيدنا , لأن رفع المخالفات كان يخفف العبء عن المراجعين بشكل كبير

[طلعة الروح]

انشالله الاخوان يساعدونك بالموضوع..
ولو انه القانون واضح عليك مخالفه سددها وبعدين جدد الاستمارة..
واذا عالمرور كل يوم لهم قرار جديد ومن يمنعهم ياحافظ..
عارفين من وين تأكل الكتف عدل بس ماعليك بتصير تجاوزات وبعدها بيعرفون شلون يعدلون القرار..

[alkuwari55]

اذا كان صج الله يعين لاني كنت ارفع المخالفات اذا كنت ابي اورقة تصليح حادث

[Riku3]

ما اقدر اجاوبك بشكل قاطع ولكن في شهر 11 جددت الاستمارة وبالفعل رجعوني علشان ادفع المخالفات بالاول وانا عمري ما اجلت وماعطوني خيار التأجيل ..

وشي ثاني ..... انا عملت حادث الصبح جنب الدوام الساعة 8 ونص وللحين السيارة مكانها والسكيورتي واقف وكل شوي يتصل وناطر وانا انزله ويقول اتصلت وللحين ماجات الدورية :) .... اييييييييييه الله كريم خذ وخل وانا اخوك .

[ANONYMOUS]

تقدر تقسط المخالفات على نفسك

كل شهر روح سدد لك مبلغ معين

[Arab!an]

ANONYMOUS مافي تقسيط حتى الآن !

الحين ممكن يشيلون عنك كم مخالفه .. بس تقسيط ما ادري انا سألت ومحد أكد لي ..

شفيه بو ناشي .. اتهقى عطوه فلوس ؟:nice:

[روح-قطر]

غريبه من اسبوعين او 3 سوينا حادث ورفعوا عنا المخالفه..

[الجوكر90]

عادي اخوي هالقانون من زمان
ولا ازيدك من الشعر بيت
مره من المرات كانوا يحجزون مواتر الناس عشان التطيحه ( التنزيله )
والله موتر رفيجي شركه لا مطيح ولا شي بس احجزوه عشان يدفع مخالفاته
وهو بعد ماطلع من الشبك ع طول راح ارفعه سما
اعلى من رفعه الشركه
يعني فتك ومرفع سما عادي يقوم بكل سهوله يعني لو كان منقلب من المسؤول ؟؟؟؟
اكيد راح يقولون لو سواقته اوكي مانقلب


وموتر دريول رفيجي جي اكس 2008 شركه لا بولون ولا هم يحزنون اطلبوه ع التطيحه والله ان ابوه راح هزائهم ومصخرهم
واعتذروا منه بس احنا مانقدر نقولهم شي لو اغلطوا بس لو غلطنا مافي تسامح

[ANONYMOUS]

ANONYMOUS مافي تقسيط حتى الآن !

الحين ممكن يشيلون عنك كم مخالفه .. بس تقسيط ما ادري انا سألت ومحد أكد لي ..

شفيه بو ناشي .. اتهقى عطوه فلوس ؟:nice:


انا اقصد طال عمرك ان انت تقسط على نفسك..

كل شهر تروح تدفع مخالفه من المخالفات .. وعلى بال ماتنتهي الاستماره.. بتكون صفرت العداد :p


اما بخصوص بوناشي.. الله يرزقه ويرزقنا.. يقولون وصلت مكافأاته 15 مليون ريال بس.. بالاضافه الى راتب مدى الحياه :shy:

[البحار00]

يا ريال المرور خذ وخل

متصلين البيت من كم سنه طالبين موتري التحريات

يوم رحت لهم يقولون مركب هدرز وموتر التحريات شافك

اصلا انا الهدرز ماعرف والله شلون شكله تقولي مركبه

كتبوني والله تعهد على شيء انا ماسويته

[بـن عدوان]

انا رحت مرور مدينه خليفة وفعلا قالي هالكلام !!!!

يمين يسار لقيت لي واحد رفع لي المخالفات وجددت الاستمارة

للأسف صار لازم نلجأ للواسطة او ندور عليها ...

[Arab!an]

انا رحت مرور مدينه خليفة وفعلا قالي هالكلام !!!!

يمين يسار لقيت لي واحد رفع لي المخالفات وجددت الاستمارة

للأسف صار لازم نلجأ للواسطة او ندور عليها ...

لا الحين محد يقدر يرفع المخالفة حتى لو يبغي .. لأن السيستم مايقبل

[CH Engineer]

انا اول مره اسمع بهالقانون مايسلموني ورقة التصليح الا بعد مادفع المخالفات ؟؟؟؟؟؟

[حقيقه]

اي صحيح الحين لازم تدفع كل اللي عليك