ثالث ثانوي علمي -حكومي- وسؤال عن انتساب مصر ؟؟

[ام حبيبتي]

السلام عليكم ورحمة الله وبركاته ...

اخواني واخواتي ,,, احد عنده حد في ثالث ثانوي علمي ( حكومي ) مابي مستقله .. لاني ابي الكتب اللي عنده مالت الكورسين يعني لايحذفهم :) ....

وسؤالي الثاني والخطير ,,,,

لو بغيت انتسب مصر اي تخصص ,, مثلا عن طريق اي مركز ... وحابه ان المجلس الاعلى للتعليم يعادل شهادتي طبعا بتكون بكالوريوس يصير ؟؟؟ وشنو يطلبون ؟؟؟؟

لاني في ناس يقولون لازم يكون تواجدي داءم في مصر عشان يعادلون الشهاده ؟؟صح ؟؟

وربي يجزى خير كل من يفيدني يارب بكل حرف ............ :)

[وهم قطر]

عن طلب الكتب ماعندي للاسف .. بس مايحتاج مكتبة الشاعر فيها الملخصات والامتحانات حق كم سنه طافت

ادرسي منها مبدئيـا لين اتحصلين ملخصات تستاهل

اما عن موضوع الدراسه في مصر ..

الي معترف فيها ثلاث جامعات فقط حكوميه ووحده خاصه

الحكوميه .. جامعة القاهره وو وعين شمس ووو بيروت ... تخصص حقوق فقط

اما الخاصه فهي .. الاكاديميه العربيه البحريه

وماله داعي تقعدين طول مدة الدراسه اهم شي تغطين 70 في الميه حضور

عاد انتي وزعيها وقسميها بطريقتج

وبالتوفيق اتمنى افدتج

[làst çhàncè]

الجامعات المعترف بها في مصر ,,,

جامعة القاهرة - وعين شمس - وجامعة الازهر وجميعها حكومية ,,,
والاكاديمية العربية للعلوم والتكنولوجيا والنقل البحري تابعة لمنظمة جامعة الدول العربية ,,ليست خاصة ولاحكومية.
وممكن تحضرين شهر كل كورس , والترتيب راح يكون مع السفارة القطرية بالقاهرة.

[روح-قطر]

والله ماعرف بس زين طرحتي الموضوع طيب غير مصر مافي جامعات بالخليج معترف فيها؟؟

[الخارجية]

في جامعة الملك فيصل في الاحساء معترف فيها و3 ساعات من قطر بسيارة

[ام حبيبتي]

مشكوووووووووورين وماقصرتوا ,,,,,

انزين اروح اول شي المجلس الاعلى للتعليم واقولهم ابي ادرس والا شلون ؟؟؟ والا عقب ماخلص اودي اوراقي وجوازي وهم يعتمدونها ؟؟؟؟؟

[تحداني]

.. الله يوفقك يارب .. وينور طريقك ..
.
.

يمنع منعا باتا الدراسه في اي جامعه من الجامعات ..
عربيه كانت أو أجنبيه بنظام الانتساب .. او كما يسمى بالنظام الجزئي
والقرار صدر في هذا الشأن وكان واضح صريح ..


حتى لو الجامعه وفرت لك كل تلك الامتيازات ..
وهذا ما سيحصل لانهم يعتبرون الطالب..
صفقه تجاريه مربحه للغايه ..

يجب ان تكون نسبه الحضور كما اشار احد الاخوان
70 الى 80 %
وهذا يعني ان لا يحق لك العوده للدوحه ..
الا في الاجازات الرسميه ..
.
.

هناك الكثير من الجامعات المصريه المعترف بها
تصل الى 50 و60 جامعه .. وليس الامر مقتصر
على جامعه القاهره او عين شمس او غيره ..


هذا والله أعلم

جملك الله برضى الرحمن